"Адамдарға қалай қызмет қыла аламын?"

Үнемі осы сұрақты ойлап жүретін адам сыйлы, әрі көңілі тыныш

Сараңның ең сараңы – жақсы сөз айтуға сараңдық танытқаны.

Шайтан бір сәжде жасамағаны үшін Алланың мейірімінен қуылды.

Ойлап қарасақ, Шайтан Адамға сәжде жасаудан бас тартты. Ал күніміздегі намаздан сырт айналып жүрген мұсылмандар ше?

Олар Адамға емес, Аллаға сәжде етуден бас тартып жүр.

Бірақ мейірімді Алла сонда да олардың тәубесін күтуде…

©️Әдһәм Шәрқауи

Имам Фахруддин әр-Рази (рахимахулла) өзінің тәпсірінде былай дейді:

«Алла Тағала басқа көптеген нәрселерді жасырғаны секілді қадір түнін де қай күні болатындығын жасырып қойды.

Өзінің разылығын бір құлшылыққа жасырды. Құлдары барлық құлшылықты да құлшыныспен жасауы үшін.

Өзінің ашуын бір күнәда жасырды. Құлдары барлық күнәдан қашуы үшін.

Өзінің жауап беруін бір дұғада жасырды. Құлдары көп дұға жасауы үшін.

Қадір түнін де бір түнге жасырды. Құлдары рамазанның бүкіл түнін құлшылықпен өткізуі үшін».

Бәлкім он секунд қана уақыт алатын бір дұға – өміріңді түбегейлі өзгертіп жіберуі мүмкін.

#дәл_қазір_дұға_қыл

Өзіңді әрдайым басқалармен салыстырудың қатері көп.

Өзіңді басқамен салыстырып, өзіңді жоғары санасаң – тәкәппарлық.

Өзіңді төмен санасаң – Алланың саған берген нығметтеріне күпірлік болып кетуі ықтимал.

Өзіңді ешкіммен салыстырма. Біреуге бірнәрсе дәлелдеуге тырыспа. Алла әр адамды дара тұлға етіп жаратты. Өзіңді тек кешегі өзіңмен ғана салыстыра біл.

#архив

Бүгін Рамазанның соңғы тақ түні. Бәлкім бүгінгі түн – қадір түні. Дұға қыл.

Кім Алланың разылығы үшін бір амалды жасаймын деп ниет етіп, алайда сол ниетіне тағы да басқа мақсаттар қосылып, олар себепті амал жеңіл жасалатын болса, онда ол ықыластың шеңберінен шықты дейді имам Ғазали.

Мысалы біреу Алла разылығы үшін ораза ұстаймын, бұған қоса денсаулығым да жақсарады деп ораза ұстаса, таза ықыласты болып табылмайды.

Немесе біреу сапарға шығу арқылы көңіл-күйімді көтеремін деп қажылыққа шықса, шынайы ықыласты болып табылмайды.

Немесе біреу білім арқылы мен адамдардың арасында сыйлы боламын деп білім алса, ықыласты болып табылмайды.

Немесе біреу ертең менің де қал-жағдайымды сұрайды ау деп науқасқа кіріп шықса, ықыласты болып саналмайды.

Немесе біреу тәһәуджудқа тек Алла үшін емес, сондай-ақ түнде өз затын біреу тонап кетпесін деп намаз оқыса, ол да шынайы ықыластылардың қатарынан емес дейді имам Ғазали "Ихия-у улум әд-дин" кітабында.

Яғни, Алланың разылығынан бөлек, басқа ниет қосылып ол амалды жасау оңай болса, ол қосымша ниеттер болмағанда игі амал жасалмаса, онда ол ықыласты амал болып саналмайды

Адам бір боқ көтерген боқтың қабы,
Боқтан сасық боласың өлсең тағы.
Менімен сен теңбе деп мақтанасың,
Білімсіздік белгісі сол баяғы.

Абай Құнанбайұлы✍️

Ұстамдылық- мұсылманның ең үлкен қаруы.

Ұстаз Бауыржан Әлиұлы (Алла рахымына алсын 🤲)

Имам Рази айтады:

Кешіре алу – тақуалықтың белгісі. Қайсыбір адам кешіре алуда мықты болса, онда ол тақуалықта да мықты бола алады. Ал кім мықты тақуа болса, онда Алланың алдында сыйлы болады.

"Мафатих әл-ғайб" тәпсірінен

«Кімде-кім қиыншылық кезде дұғасы қабыл болуын қаласа – кеңшілік кездерінде Аллаға көп дұға етсін!»

[сунән Әт-Тирмизи📚]

Проблемалар кезінде Алла елшісінің ‎ﷺ әрекеті қандай болды?

Хузәйфә ибн әл-Иәмән (Алла оған разы болсын) былай дейді:

“Пайғамбарымызды ‎ﷺ бір іс қапаландырып, әлекке салса, ең алдымен намазға қарай асыға бет бұратын”.

(Әбу Дәуд)

[РИЗЫҚ КІЛТТЕРІ📚]

Кейбір даналар: "Адамның жомарттығы – дұшпандарына оны сүйкімді етеді. Ал оның сараңдығы – балаларына жек көрінішті қылады.

"Әдәб әд-дин уә әд-дунья", 352

Тәрбие беруде ең маңыздысы – әрекет. Сенің балаңның алдындағы әрекетің

Шүкірсіздіктің бір түрі – Алла Тағала саған нығмет етіп сыйлаған, аманат қылып берген дене мүшелерді Ол разы болмайтын істерде пайдалану

«Адамдарды құртатын жеті нәрседен қашыңыздар. Олар: Аллаға серік қосу, сиқыр жасау, бір адамды орынсыз өлтіру, пайыз жеу, жетімнің ақысын жеу, соғыстан қашу және мұсылман әйелге жала жабу».

Муслим, Иман, 89.