الحمدلله رب العالمين
اختبرت القدرات مرتين بدون مذاكرة كانت ورقي ومحوسب جبت فيهم ٧٦-٧٩
واول مره اذاكر هالمره ذاكرت شهر بالضبط وجبت ٩٠ 💕
اول شي ما تاسست كمي صراحة اعتمدت على حفظي وجاني نفسسس ملف الحوت بالضبط ماذاكرت غيره ابدا ابدا نفس الصيغه وكل شي بس ثلاث او اربع اسئلة مختلفه
اللفظي ذاكرت اول ثلاث مقاطع من ايهاب فقط وختمت ملف الحوت وحفظته وجاني نسسسخ لصق حرفيا كل شي حتى نفس ترتيب اسئله الحوت
اعتمدو الحوت نصيحة والله ماذاكرت غيره والحمدلله وعقبالكم يابنوتات كلكم يارررب وتفرحون🩷🩷

بسم الله ولاحول ولا قوه الا بالله
مشاء الله تبارك الرحمن اللهم لك الحمد والشكر كما ينبغي لجلال وجهك وعظيم سلطانك
هاذي درجه القدرات وبقولكم مصادري 👇🏻
الكمي فهيد الشمري
اللفظي ايهاب ال ٢٤ نموذج
وتسريبات
والملفات البيضاء جمعت حقت اخر ٤ شهور وذاكرتها

هاذي ٣ مره اختبر وشاركت قبل كذا تجربتي وكنت جايبه ٨٤ رساله بسيطه خلو املكم بالله كبير لاتيأسون والله تقدرون اتمنى الكل يجيب نتيجه ترضيه ولاتنسوني من دعائكم اخر سنه لي ب الثانوي ادعولي انقبل ب تخصص احلامي شكرا لكم بتوفيق❤️.

السلام عليكم
اختبرت محوسب مرتين المرة الاولى جبت 89 والمرة الثانية ولله الحمد 95
اختبرت قبل 9 شهور تقريبا وكانت مذاكرتي كالآتي :
الكمي تاسيس : سآيڤر ، فهد التميمي .
الكمي مراجعة : ملف الحوت والتجميعات والكويزات .
اللفظي تاسيس : ايهاب عبدالعظيم .
مراجعة اللفظي : ملف الحوت والتجميعات والكويزات .
هذي كانت مصادري الوحيدة وبجد واجتهاد بعد توفيق من الله ولمذاكرة 3 شهور منتظمة قدرت احصد ثمار هالتعب والجهد
فالاخير انصحكم من تجربتي بامور :
التاسيس ومعرفة طرق حل اسئلة القدرات والتدرب عليها مهم جدا + لا تستصعبوا الاختبار + ذاكروا زين واعطوا نفسكم مدة كافية كل شخص حسب قدرته + لا تضغط نفسك فالمذاكرة ابدا + لا تسهر من قبل الاختبار لاسبوع لانه مضر + دعوات الوالدين ضرورية جدا مع التنظيم والترتيب + الصلاة عالنبي ﷺ بكثرة بركة والله العظيم حسيت فيها من بعد المواظبة عليها ومو شرط بالاختبار عادي بكل الامور + كل ما حسيت فيه سؤال صعب او طريقته صعبة ومو فاهم له اسأل مباشرة وتعلم الطرق الاسهل بالنسبة لك .
هذا اللي اقدر افيدكم فيه قدر المستطاع والسلام عليكم ورحمة الله وبركاته .

الحمدلله على فضله وجوده وكرمه
تجربتي كالاتي ❤️
أول شيء تأسست من مقاطع أحمد حجازي كفكرة عن اختبار القدرات ثم جبت المرة الأولى ٨٥ وذاكرت كمي ولفظي بشكل عشوائي صراحة وكاول مرة بعد كان توتر، المرة هذي تأسست من ٩ مقاطع لاينتشتاين ثم قعدت اشتغل على ملف الحوت ، شفت من مقاطع إيهاب بس ما ركزت على مذاكرة الامثلة كثير فعشان كذا درجتي كانت نازلة شوي🥲، لكن الحمدلله درجة حلوة يارب لك الحمد بعد فضل ربي والدعاء والحرص على الأذكار ربي يسر واعان والله يجزا الحوت عنا خير الجزاء لولا الله ثم هم ماجبت هذي الدرجة♥️

السلام عليكم ورحمة الله وبركاته
او شي انا مختبره ثلاث مرات وكلها نتايج مو مرضيه مره اول محاولة لي كانت ورقي ما كنت اعرف الفرق بين مصادر العلمي والادبي احسب كلهم واحد وكنت اذاكر مصادر للعلمي كانت 78 واختبرت الثانيه محوسب برضو ما تغيرت اببد 78 والثالثه بديت اذاكر مصادر ادبي ما كنت اذاكر كويس وكنت الخبط بين المصادر اذكر حقت العلمي والادبي وزادت درجه 79
بعدين اخذت فتره قعدت اشوف الفرق واكتشفت انه فرق كبييير بينهم
اخذت مصادر الادبي وبديت اذاكر ملفات الحوت كمي ولفظي وقبلها تاسست زيين من عماد وايهاب باليوت ومسكت ملفات الحوت واذاكر بدون ما احجز ولا شي ذاكرتها كويس وقعدت فتره سحبت على المذاكره شوي وحجزت واختبرت مع ان كان لي فتر ما ذاكرت اختبرت وكنت قبل وبعد الاختبار وانا بس اصلي الوتر والحمدلله جبت 85 باقي لي وحده دعواتكم اجيب +90 والله يوفقكم جميعا ❤️❤️❤️

﴿وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ﴾
الحمدلله قدرت أجيب هالدرجه وأقفل على القدرات من أول محاوله "ماشاء الله تبارك الرحمن "
الحمدلله دائمًا وأبدًا هذي الدرجه كلها بفضل من الله وتوفيق منه أولًا وأخيرًا
بالبدايه وقبل ما أعطيكم مصادري وطريقة مذاكرتي والخ
ثقوا بالله قبل كل شيء توكلوا عليه أدعوا وألحوا بدعائكم وتذكروا دائمًا أن الله يحب ويستجيب للعبد اللحوح وكذلك الدعاء يغير الأقدار وحطوا ببالكم أنكم تدعون رب العالمين رب المستحيل خالق السموات والأرض ومن فيهن لا يعجز عليه أستجابة دعاء بسيط زي أدعيتنا ! أدعوا الله باللي تتمنونه ولو تشوفونه مستحيل ونصيحتي لكم ياجماعة الخير الوتر الوتر الوتر والله واللي خالقني أن الوتر معجزه حتى لو ما شفتوا دعواتكم تستجاب ربي بينزل عليكم طمأنينه وراحه ورضاء بشكل عجيب
ولا ننسى الأستغفار والحوقلة والصلاة على النبي والتسبيح والأذكار

بالبدايه مصادري كانت كالاتي :
الكمي تأسيس من فهد التميمي والتدريب من ملفات الحوت
اللفظي تأسيس مقاطع ايهاب باليوتيوب وتدريب ملفات الحوت كلها وكذلك ٢٤ نموذج حقت ايهاب

التكمله 🩷👇🏻
أنا كانت مدة مذاكرتي ٣ شهور ببدايتها كنت ضايعه ما أعرف من وين أبدا ووش هي المصادر من الأخر مشتته ونصيحتي لكم لا تتشتتون بالمصادر والله بتضيعون بالبدايه انا ذاكرت من اينشتاين بس ماقدرت أكمل معه بسبب طول مقاطعه رحت مع عماد وسحبت عليه والسبب مجهول وتأسست من فهد التميمي شرحه كويس جدًا وبسيط وغير معقد أعتمدت فهد التميمي وخلصت تأسيس لفظي وكمي وجاء وقت التدريب بالبدايه أخذت لي جدول حق ١٤ يوم بالرغم أن أختباري كان باقي عليه أكثر من شهر ولكن عشان أنجز بسرعه ويكون عندي وقت كافي أجمع فيه التسريبات والكويزات والمراجعات والخ
خلصت تدريب كمي من شرح فيصل الحمدان الله يكتب أجره أفادني كثير وكذلك بدر الدين كنت اذا مافهمت سؤال من شرح فيصل رحت شغلته من بدر وعلى هالحال وختمت تدريب لفظي وثم رحت ل ٢٤ نموذج حقت ايهاب خلصت منها وختمتها وقتها كان باقي على أختباري أسبوعين رجعت ذاكرت الاستيعاب المقروء لأن أكثر شيء كنت أواجه فيه صعوبه وخلصتها بأسبوع بقى أسبوع على أختباري ركزت على الملفات البيضاء ركزوا عليها وكذلك أهم ١٠٠ سؤال بالكمي مهم جدًا والله يوفقكم جميعًا

التجربة ✨👇

السلام عليكم الحمدلله حمداً كثيراً طيباً مباركاً فيه يارب لك الحمد
ماشاءالله تبارك الله اذكرو الله🤍
من بعد الله ثم رضاء الوالدين والدعاوي والقرب من ربي بوريكم المصادر اللي خلتني اجيب هالدرجه اللي ماكنت اتوقع بيوم اني ممكن اجيبها وهذي فرصتي الرابعه والحمدلله كانت تقفيله.
اولاً الكمي
بالبدايه كنت ضايعه بالمصادر وكنت مره مستصعبه الكمي بعدين طحت على ملف الحوت اهم ميه سوال فهمته وحفظته صم مثل اسمي بعد ماخلصت منه رحت اختبره له كويز كامل ميه سوال نفس اللي بالملف بقناه الحوت بعد ماخلصت وتاكدت اني حفظته رحت لتسريبات اليوميه بقروبها الخاص وبديت من تاريخ معين امر على كل وحده واشوف اللي جاهم ، ملف الكمي كنز كنز لاتفرطون فيه

ثانياً اللفظي
رحلتي مع اللفظي طويله جداً وبمصادر مختلفه باختبار الثاني شديت حيلي باللفظي وسحبت عالكمي والثالث العكس شديت بالكمي وسحبت عاللفظي وكلهم كنت اذاكر لمده شهر تقريباً اما الاختبار الرابع مده مداكرتي كانت اسبوع وكانت مثل استرجاع وتدريب لي
• سلسله تاسيس اللفظي احمد حجازي مهمه جداً جداً جداً جداً
• الملفات البيضاء مهمه بشكل لازم تحفظونها او تتدربون لان مستحيل تختبر ومايجيك شي منها

تكمله…

• الكويزات والتدريب عليهم اهم شي وانتم تتخبرون قاعدين تتدربون على طريقه الحل ف بالاختبار تصيرن تحلون بسرعه لانكم متدربين ومتعودين
• استيعاب المقروء اللي كان عقدتي لاتستهينون فيه انا اللي سويته جمعت القطع اللي تجيب كثير وطبعتها تلقونها بتسريبات اليوميه يمكن طبعت حول ٣٠ قطعه وتدربت عليها والحمدلله فادني كثير

وبس والله هذي تجربتي حاولت اختصر لكم كثير وان شاءلله تفيدكم حاولو تطبقون اللي قلته وباذن الله بتضمنون درجه ترضيكم وشكراً للحوت ولاتنسوني من دعواتكم 🤍

( ۚ وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ)
الحمد لله حمدا كثيرا طيبًا
جبت هالدرجه بفضل الله و دعوات امي الله يطول بعمرها و يحفظها يارب.
تاسيس لفظي:
ايهاب فهمت منه التناظر و علاقات استيعاب و قناة اختصارات القدرات مره ذول فهموني بالفظي
تاسيس الكمي:
من بدايه كان عندي صعوبات بالكمي بس حفظت جدول الضرب و بديت تاسيس عماد ٢٥ فيديو مره بطل

تدريب :
ملفات الحوت و كوايزات كنزززز يا بنات
نصيحة مني كثرو من صلاة الوتر و اقروا أذكاركم يوميا و تاج الذكر و سورة البقره و اكثرو من الدعااء💗⭐️
و داعوتكم لـ ابوي بالرحمه💗💗

الحمدلله حمد كثيرا طيبا مباركا فيه ❤️
اولا الحمدلله هذا من فضل ربي ،

ثانيا مصادري بالكمي هي تأسيس فيصل الباسل باليوتيوب وتدريب ملف الحوت 89 مع استاذ فيصل حمدان ، طريقتي بالمذاكرة كانت فهم فقط بدون حفظ كنت اتابع شرح للسؤال وافهم طريقته تماما ولما خلصت الملف رحت حليت ملف اهم ١٠٠سؤال لحالي واي سؤال ماعرف طريقة حله ارجع للشرح لين تثبت عندي الطريقة واهم شيء بالكمي انكم تفهمون الطريقة لا تحفظون الاسئلة


اللفظي : ملفات الحوت و٢٤نموذج ايهاب تابعتهم زين وفهمت القطع كامله وصرت تلقائي احل القطعة سريع لاني فاهمتها من شرح ايهاب الحمدلله

واهم شيء قبل اختباركم بكم يوم حلو كويزات كثيررررر بقناة كويزات الحوت واختبروا انفسكم وفالكم التوفيق بإذن الله 💗💗💗💗

بسم الله الرحمن الرحيم

﴿وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ﴾
‏الحمدلله ما انتهى درب ولا ختم جهد ولا تم سعي الا بفضله

سبقاً كتبت طريقي في القروب لكن بكتب لكم هنا ،
هاذي اول محاولة لي بنات ذاكروا التسريبات وانا للأسف ذاكرتها قبل الاختبار بيوم وذاكرت من 4 شهور قبل بدايه اختباري "والملف حوت ،وجتني اسئله من تاريخ 2021وايهاب اللفظي ،الكمي جاني نسخ لصق من الملف 80 %جتني منها حق ذا الشهر ، المهم بنات التأسيس ثم التأسيس ثم التأسيس إذا انتِ متأسسه امورك تمام ورح تعرفين تحلين مو كل شيء رح يجي نسخ لصق انتِ وحظك بس اهم شيء لاتتوترين قبل الاختبار
طريقتي أنا مسويه قروب خاص فيني أتدرب على كويزات واذا طلعت غلط ارجع أعيده اكثر من مره واحفظه في القروب سوها ورح تفيدكم بإذن الله سوا اختبار مع نفسكم 🤎

اختباري كان في جازان " الدرب "

﴿وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ﴾
(ماشاءالله تبارك الله💕)
اولاً الحمدلله هذا كلو بفضل ربي
في البدايه كنت مشتته وما كنت اعرف ايش اذاكر وكنت اذاكر من مصادر العلمي واختبرت مرتين وكلها في السبعين وماعرفت ايش الغلط الي أنا سويتو الين ما عرفت أكاديمية الحوت عرفت المصادر الأدبية الصح للقدرات وبديت اذاكر
مدة المذاكره: ٣ أسابيع
مصادري:

الكمي: ملف الحوت ٨٩ شرح فيصل حمدان في اليوتيوب

اللفظي : ايهاب التدريب ٢٤ نموذج للادبي


ما ذاكرت اي مصدر غير هذي المصادر بعد ماخلصت كنت اختبر كويزات ملف الحوت الكمي واراجع القطع مع ايهاب الي أواجه فيها صعوبه واخيراً لا تنسو صلاة الوتر وذكر الله والدعاء ، بالتوفيق💕

السلام عليكم ورحمة الله وبركاته اول شي قولو ماشاء الله واذكرو الله وصلو على النبي
اول شي انا ذاكرت التسريبات واهم مية سؤال وذاكرت دورة اينشتاين المختصرة واللفظي في برنامج اسمه (علا) جميل جدا فيه وفيه تدريبات ودروس ولا تنسوني من الدعاء بارك الله فيكم

الحمدلله حمدًا كثيرًا طيبًا مباركًا فيه
اول شي انا خريجة 2024 وما انقبلت هذي ثالث محاوله لي وجبت فيها هالدرجه بعد عناء اطمح للاعلى وان شاءالله اقفل عليه
مصادري كانت
اللفظي: تاسست مع ايهاب 24 نموذج نص اختباري كان منه
اما الكمي سويت غلطه انتبهو تتشتتون بكثره المصادر
تاستت من فهد التميمي وماكنت افهم مره عليه ولكن كملت وبعدها رحت تاسست من اينشاتين 9 مقاطع وكنت فيه اشياء ما افهمها وقلت بعتمد على ملف الحوت 89 والتسريبات والحمدلله مشت اموري في الاختبار وكان كله الكمي من ملف الحوت ونصيحه لاتطولون مده المذاكره عشان ماتنسون
ادعوا لي انقبل في الجامعه هالسنه💕

اختباري كان في رمضان والكمي جاني اشياء كثير جدا من ملف اهم ١٠٠ سؤال للكمي وماذاكرت للكمي الا هو واللفظي ذاكرت ال ٢٤ نموذج حقت
إيهاب فقط وتسريبات المختبرين في شهر رمضان واذكر جتني قطعة النوم القهري اتوقع اسمها والباقي ما اتذكره (وكل شي بكل مافي الكلمه من معنى بفضل ربي ولا لي اي فضل فضل ربي كان واسع جداً ) ونصيحه جانبيه الإكثار من دعاء اللهم اني بريء من حولي وقوتي ولاجىء الى حولك وقوتك ياذا القوة المتين والوتر والإكثار من الاستغفار والدعاء في اوقات ومواطن الاستجابه

حمدالله يارب لك الحمد راضيه فيه الحمدالله تعبي وجهدي ماراح عبث انا كنت البنت المكتئبه المتشائمه بالقروب ويأسه لاخر درجه ماكان في بالي ابدا وصل هالدرجه كنت احسب بكون في سبعين والله بكيت جد وكانت اخر فرصه لي قديش تعبت اختبرت برمضان ضغط مو طبيعي مع ذلك حاولت اجتهدت رغم اني تعبانه ضغطت علي نفسب لين طلعت روحي لانه اخر فرصه ذاكرت الحوت وجاء منه القطع ويوميا اذاكر عشر ساعات بدون بريك واخر يومين قبل اختباري ذاكرت تسريبات والله علي ماقول شهيد تسريبات حقت اليومين ذي ذاكرتها جاتني نسخ لصق يابنات تسريبات كنزز اقسم بالله والحوت كنز وربي لاتفرطون فيهم دايم خلوا ثقتكم بالله كبيره ابكوا ادعوا في سجودكم ربي يسهل عليكم الوتر وربي هي مفتاح كل هم وسوره البقره اقروه كل جمعه ادعوا بكل وكل شي بعدى الامور ببتعدل لاتياسوا مثلي حاولوا قدر ماتقدرون والله مايضيع جهد احد🤍🤍