Telegram Web Link
يالماكصرت لمن صحت عونك
وين اخوان يوسف خل يشوفونك
.................
يــاعباس يـاهذا الهوه اليسري
ياكفال ظعني وناكتي وخدري
وفيت وعلي وماكصرت ادري
حكهم لو على مروتك يحسدونك
....................
يابعد اليظل والراح والبعــده
ياحد الوفه المحد وصل حـده
لو انعاك عمري الدين ماسده
ولو ولد الولد هم مــايوفــونك
..................
حــد الموت محد ياخذ مجانك
معدل وشحلات الخويه بلسانك
حيهم بس كلت شمرت ذرعانك
اهلها وحك اخــو زينب يسمـــونك
.....................
عباس شحلاتك لوكلت عباس
ياتجايتــي ويعصابتي البراس
فشله ويالزلم يابو الزلم تنقاس
ولو سبعين الف هم مايجادونك
....................
يـــــابعد اليسشـــــوفن واليعينني
ماجازيك لو عمري انكظه بوني
يـــــــاعبــــاس يالماعادلك ببني
فدوه يروح عون لضحكة سنونك
...................
تسلـــم وانعــــم منك يبعــد انــه
يالماكصرت من كلت عطشانــه
يوسف خل تدنك روسها اخوانـه
محــد بالوفــه عنـــك ولادونـــك
....................
حكـي عليك لو ليل ونهار ابجي
يلي تكول عنــوج كبل لا احجي
يــاحيلــي العليك الحيــل متوجي
ويحزامي التشيل الحمل بمتونك
...................
معــــدل يالمعلم الزلـــم للــزينه
يالماعاف وكت الموزمه حسينه
يامــاي العيــون الصوبو عينـه
وادم فتشت من راحت عيــونك
.................
يامت عين روحي الطايح مسلب
حكي بخوتك يـابو الـــوفه اتعجب
كــــل هـــــذا وبعد تتعـذر لـزينب
تكلهـــم كصرت لمــن ينشــدونك
...................
جـــا شتريد تطي اكثر يبعد اسمي
يبن امي وصدك لو كتلك ابن امي
تكفـــه يـــاعمود الشـــايل اخيمي
ياشمت هـــوا الماعيش من دونك
....................
ما طلبك بعد يالراحن جفوفك
وتعده وجزه المعروف معروفك
ريت العين راحت كبل ماشوفك
مصيوب بسهم ومغمض جفونك
...............
لومثلك اخو لو بعد مــايسوه
زينب والوياها تروحلك فدوه
يعضيد الحسين الخوتك حلوه
يحسين وعلى العباس خيعونك

رائد الناشي

#اللهم_عجل_لوليك_الفرج‌‌
ترى الناس سكارى وما هم بسكارى
ولكن ابــــا الفضـــل على الاعداء غارا
...................................
ضيج لثامة الفحل وانوه يطبها
وبحــافر المهــرة قسم يكلبهــا
مديونه اله بثار الحسن يطلبها

قد انبــرى لساحـة الميدان
يطلب ثأرا من بني سفيان
جــاء خليل الله للأوثــــان
لكسر الضلع يطلب وللمسموم ثارا
..............................
تنطي الوجه لاوين مذهولة الناس
طبها الفحل والما يهم رجله انداس
يمكن اسرافيل النفخ مو عبــــاس

عباس ذا ام قامة القيامة
وذاك عزائيل ام حسامة
فاليوم لاتنفعهــــم ندامـة
ترى سبعين الفا بكفيه اسارى
..................................
هبطت حدر خيولها تصيح دخيل
مـن عينه يتطاير حجر من سجيل
عبــاس هــذا النـزل لـوجبرائيل

حل عذاب الله في ناديها
وقد غدى اسفلها عاليها
من سيفه من الذي ينجيها
الى اين يفرون وفي الامر حيارى
.............................
فرت لصوب النهر من كالو جــاي
صارت جهنم من صفك هاي بهاي
ضكت ويتراوالهـــم نـــار المـــاي

خازنها مالك في عينيه
و سجر البحار من كفيه
قد جاء من حسابنا عليه
هو الوعد وقد حل وامر الله صارا

............................

سجرهـــــا واختلت مــوازين الكـــــون
تــــاهت وشل احوالهــا ربات ام عــــون
ضجت وعــــزرائيـــــل يصرخ بالهـــون

عبــــــاس امهلنــــي فـلست ادري
كم مات في الارض وكم في النهر
كـــأن ذاك اليــــــوم يــــوم الحشر
وصارت اعين القوم ترى النجم نهارا
..............................
مــا وجدت مشرادهـــا وبـــاد الحيل
من زمجر وماتت على ظهور الخيل
مشدوهـــا يتراوالهــــا الكـــاع تميل

فبينه صارت وبين المـــاء
وابتلت الارض من الدماء
كــأنــه صــاعقة السمـــاء
فسهم الموت عباس وليــث لايجـــارى
...............................


مــو مهــرة صــارت كالبـراق بايــده
والرايـــة عن الغيـــم موش بعيــــده
الكــــــاع صــاحت يعبــــاس بهيـــده

اذ زلــزلت بسيفـه زلــزالا
واخرجت من جوفها اثقالا
قد صدق الجبار حين قالا
ترى الناس سكارى وما هم بسكارى

رائد الناشي

#اللهم_عجل_لوليك_الفرج
الحكنه ياعباس ياوالينه
حركو خيمنه وبس حرم ظلينه
×××××××××××××
هجمت علينه الخيل بسيوف رماح
واطفالكم بين الشرد بين الطاح
واسمع بنص الخيم ياخويه صياح
ياعمه فدوة من الخيم طلعينه
×××××××××××××××
جندوب اطلع ياطفل يانسوان
ثمانين طفلة وطفل بيه الصيوان
حركت عباتي واحركتني النيران
والنار شبت وين الينجينه
××××××××××××××
بذيالي ذاك ذاك مجلب وذاك يصيح
وهذا اليفر مذعور بالنار يطيح
وذاك اليناديني وافر مثل الريح
يهل الفزع فزعت الخيل علينه
××××××××××××××
وشلون اطلع طفل بالخيل انداس
خافن عباتي تطيح جدام الناس
جندوب جندوب وحرت ياعباس
الزم عباتي لو احامي سكينه
××××××××××××××
ماادري اطلع الظال بالخيمة يلوب
لو الم الاطفال التفر من كل صوب
لو طفي نار التشب بذيال الثوب
لو الحك البسياطهم والينه
××××××××××××××××
وشلون اطفي النار ماادري شلون
واطفال عندي بالخيم يتباجون
عدكم عليل بهل خيم ماتدرون
جنكم يخوتي عليلكم ناسينه
×××××××××××××××
الحك عليلك يابو فاضل نجيه
ظلينه بس نسوان واحنا نحاميه
لوعنه عباس الشمر صيح عليه
مابي رحم كطع السوط علينه
××××××××××××××××
ما الها غيرك كوم يبن الكرار
بين الخيم لابينكم كلبي احتار
فرت رقية وكلت رجليها النار
يالواعدتني تصيح وعدك وينه

××××××××××××××××

واشمر آيالشمر بي ماتدرون
كل حيله يتوجه ويطكني الملعون
وعليه ماظلت يعباس متون
ازرك شفت متن اختك مسوينه
××××××××××××××××
انت الجبتني وطلعتني من البيت
واتكفلت بالضعن وياي وجيت
وحدي ومحتارة بضعنكم ظليت
يابو الضعن ضعني العده مسلبينه
×××××××××××××××××
يالواعدتني بشاربك وعدك حان
يردون يسبوني يخويه العدوان
انه العقيلة وموش مالت دوان
وشلون بالديوان لو طبينه

رائد الناشي

#اللهم_عجل_لوليك_الفرج
تنويه ✿

العلامة الاميني (قدس سره)
كان من عادته أن في ليلتي التاسع والعاشر من شهر محرم الحرام يخرج صدقة باسم صاحب الزمان (عجل الله فرجه) وكان يقول أن في هذه الليالي يكون قلب الحجة معتصرا بالألم والحزن ... إرسل هذه الرسالة إن استطعت لتكثر الصدقات في سلامة قلب صاحب الزمان روحي فداه
يمــه لتسأليـن عــن ضعنــي وكفيله
ودعت عبــــاس وآنه اعلــى الهزيلة
شـــافني وشفتـه وبچيـت
ومــن وجع متني اشتكيت
كون عنده جفوف چا گام اعلى حيله
____
يمــه لتسألينــي عنـــــه والله ياذينــي الســـؤال
يمــه راح الــدللانــــــي وراح ويــــــاه الـــــدلال
توسد الشاطي وجفاني وخدري وي جفوفه شال
ومن اهد ماراح وآنه وي الخدر موش اعلى حال
يمه اخبرچ خدري مـات
عفته يم شـاطي الفرات
وچتفــونــي وگــالت الـــوادم ذليلـــة
ودعت عبــاس وآنـــه اعلــى الهزيلــة
سيدة الانتظار:

گعــد بيــه اعلى حيله الشيب
من اريد اثغب يكضني العيب
نســونـــي ومن مشــو لليــوم
مركــونــه اعلــى رف الغيــب
،،
منريد اغفه اعلى روحي التف
صرت كلــي اعلـى گــد الچف
رچيچه اعظامــــي مـابيــاش
بخيــــوط الضــــوه اتجتـــف
،،،
گطعـــوا بــس گطـــع زردوم
واذا اونـن النـــــــاس تلـــوم
فزيـت اعلــــى راح نـــــروح
منهــدها ولا عـــرفت النــوم
اغتاض وحاجته الراية ويحاجيها
شــد حيلك وخــل نكَـوم نكظيها
***
يلــه يــابوفاضل كــول بسم الله
وخــل نكَــوم نحصد جيشهم كله
النوم اعلى الطلايب ينحسب ذلة
وهــاي طلابتك ولــزوم تكظيها
***
حطنــي بيمنتك والكــد الميمـــونه
وخلهم بس طرف سيفك يشوفونه
انتـــه شكبرك وكربلـــه زغيـرونـــه
ويـــن تريد يـاعبــــاس وديهــــا
***
اريد اليوم خشم العسكر تفركـه
المابيها اخو زينب بارده العركـه
خـل نشــوف بيمن بينت ركــــه
وياهو المايوجد ويــــن تاليهــا
****
ياعباس انــه اليوم مختــاضه
عركتنه جبيره وفشل نتـراضه
وي جتال مسلم كون نتكـاضه
الخانت ببن عمك لاتراضيهـــا
***
يبن اليجمد الدم اعلى صمصامه
كَــوم وكَلهم ابينـــاتنــه كَــوامه
نطلب ثار واحنه الموش نــوامه
العيله نجيبها ومانسكت اعليها
**
هزنــي وخل ارف بموَسط الحـومة
انتــم يــال هاشم موش اهل نـومة
الميت بيدكـــــم مــــاميت بيـــومة
واحــــدكم ضربتـــــه مـــايثنيهـــا
****
يانـــوماسهـــا وفراسهـــا وصلهـــا
يـــانصها وثلثهـــا وفــوكَهــا وكلها
مـــالت يبـــوفاضل كَـــوم نعدلهــا
ومـن يضيــج خلكك عــود نچفيها
***
خــلهـــا تصير من صيــاحهم خنكَـه
وخل الروس تــوصل للسمه الزركَــه
يـــاعباس لاكَـــي جيـــوشهــم ملكه
والكـــد خيلهـــا وللشـــام رد بيهـــا
**

عـــزائيل لا يـــاخـــــذ بشــر كَلـــه
خلـــه اليــــوم كَــاعد واحنه نكتلّه
غيــــرك يـــاخذ ارواح الزلـم فشله
لا ونتـه وابـن ابوك الما مســويهــا
**
شد اطرادهــا ولــو شردت اتبعهــا
ولاتــرحم وهيـه وخيلها اذبحهــا
بـاب مـن الجحيـم بسيفك افتحهــا
ومن تختاض خيل وزلم ذب بيها
***
ملكــه المــوت خلـه يصيــر ملكــاها
واضحك للهــوا ولا تضحك ويـــاها
زمجــــر واطبع السيف اعلى مكفاها
اغتاض ووجـــه يضحــك لاتــراويها


رائد الناشي
#اللهم_عجل_لوليك_الفرج
اعظم الله اجورنا واجوركم بمصابنا بمولاتنا حجة الله على الحجج فاطمة بنت محمد صلوات الله عليها وعلى ابيها وبعلها وبنيها

#اللهم_عجل_لوليك_الفرج
اصيح بصوت واركض وين ما ادري
حيهــم يــا ال هــاشم فرهدو خدري
ــــــــــــــــــــــــــــــــــــــ
اصيح بلافكر مدري اتجه ياصوب
ونيران الخيم لاحت اذيال الثــوب
حيهم ياعلي يل بالشدد منــدوب
لحك طفي نــار البلخيم تســري
ــــــــــــــــــــــــــــــــــــــ
تعال منالنجف يــاحيدر بهمه
ولحك ع البكه منعيال ابو اليمه
نسوان انولت وبعازة الزلمه
مــاتندل دربهــا ولايذه بكتــــري
ــــــــــــــــــــــــــــــــــــــ
يـــاطلابـــة المــــايوس مطلبهــا
ويـــاركــابت المـــازلمه يركبهــا
يهل الصافيه الماخبط مشربهـــا
شوفو خلافكم بيه شعمل دهري
ــــــــــــــــــــــــــــــــــــــ
يــاخيــالة المـاتـذعن لخيــــال
طفلكم بلوغه ينعد بلف رجـــال
احشمكم صدك موجلمة التنكــال
تــاه منالخطر يهل الشيــم فكــري
ــــــــــــــــــــــــــــــــــــــ
واحدكم جمر تتجادح عيونه
ومن حلك السبع حكم تطلعونه
عادتكم الطارش ماتــانــونه
اسرجو خيولكم يعصابتي وذخري
ــــــــــــــــــــــــــــــــــــــ
حيهم يال هاشم كـون مــا تدرون
عدكــم شيخ بهدومه العده يسلبــون
بكل حافر ضلع محتاره المه شلون
سابح بالدمه ومن كل كتر يجري
ــــــــــــــــــــــــــــــــــــــ
فكدت الراي واركض ع الجمر حافي
الـوج وصوطهم يلتف علـى جتــافــي
الوديته اعلــى مــاي عللنهر غــافــي
طفت عينه بسهم وانه نهدم ستري
ــــــــــــــــــــــــــــــــــــــ
شلون بلاخدر وتشوفنـــي العــدوان
وانه زينب وابوي الموش ياهو الجان
بت خدور وامــي تشرف النســــوان
شلـــون سيـــاطهم تدنــه يــم ظهــري
ــــــــــــــــــــــــــــــــــــــ
اركض ونهطر وانهض واطيح اردود
والعــدوان صاحــو بالخيـــم فرهــــود
حامـــي ضعــونه براك النهـــر ممدود
يريت الموت كبله كون اخذ عمري
ــــــــــــــــــــــــــــــــــــــ
اريد اوصل لخوتي والشمر ردني
طكني بحيله كله وطحت من طكني
شما هم ارد اكوم الصوط يجعدني
يدري بهاي يو عباس مايدري
ــــــــــــــــــــــــــــــــــــــ
ريت يشوف حالي الجابني بيمنــا
حتــى الســوط يثغب من اصيح احا
عليه امسى المسه وعباس موش هنا
وبــاجر بالضعن وي الفجــر نسـري


رائد الناشي
عبدالله هـــاي اخــر دللــول
يمه ارد الولي عليك مجتول
مــذبـوح الوليلك يغالـي
مابيه اشوف المهد خالي
عبدالله هـاي اخـر دللول
ــــــــــــــــــــــــــــــــــــــ
لا يمه لامومنذبح نايم اسم الله اعلـى اسمك
ذبلان يبني من التعب والعطش غيـــر رسمك
بس ليش احسـك تنلجـم لوراد جفـي يلـزمك
عبدالله يمه من شوكت صار المناغــه يلجمك


مذبـوح لو نــايم يلــوليـد
عطشان غير الماي شتريد
طاري الذبح ماجه اعلى بالي
مـابيه اشــوف المهـد خـــالي
ــــــــــــــــــــــــــــــــــــــ
عبدالله يبنـــي شغَيَّرك ذبــــلان مــو بالعـــادة
يل جان جف ابن النبي لخدك اليضوي وسـاده
بوجهك يبو وجه الحلو يتصابحـــون الســـادة
لا يمــه مـــو مـالت سهــم ركبتك مـــال كَلادة

مالك عرف يمه ويالسهام
المثلك كَلادة لركَبته ولام
يالركَبتك كَمرة وتلالـــي
مابيه اشوف المهد خالي
ــــــــــــــــــــــــــــــــــــــ
يمدلل وذاك الربه ماي اعلى رملــه اتبــــده
المثلك زغيرون شعجب باللحد بدل مهــده
بمثلث يحز منحرك حرملــة ويـــاك شعنده
عليمن يعبدالله السهم نحرك تكَطعه الوردة

ليمت تفز من نومتك هــاي
شارب دمه وماضايك الماي
راح بسهم نحرك دلالي
مابيه اشوف المهد خالي
ــــــــــــــــــــــــــــــــــــــ
عليمن يعبدالله الذبح يبني العطش موكافي
يبست شفافك يالولد حته اكثر من شفــافي
زغيرون مالك كل ذنب والصوبك متعــافــي
مذبوح جابك والدك حسبالي جــابك غافــي

جابــــاك اليه مغمض العيـــن
ذبحوك ثاري بحضن الحسين
ساكت وصوتك جان عالي
مابيه اشوف المهد خــالي
ــــــــــــــــــــــــــــــــــــــ
شمسرع متت وانت الصبح يايمه تتناغه وياي
اطيتك لبــوك وامنت كــل ظنتي شـوية وجـاي
وينك ووين المعركة عمرك سنة وموش هــواي
كَبلك ولا صارت طفل ينذبــح من يطلب مـاي

من كَطع نحرك كَلبك شكَال
يالمنذبح من دون الاطفـال
ردتك لوكت الشيب والي
مابيه اشوف المهد خالي
ــــــــــــــــــــــــــــــــــــــ
حرموك من شم الهوا وياك شلهم ذولي
ذبحوك يبني وكل امل بالدنيا ماخلولي
اخـــر دللو يـولــد يمـه وبعـــد مالولـي
المن دللولج بعـد مــات الولــد كَالولـي

من لهفتي ومن شوغتي عليك
ميـت والـــوليلك وانــاغيـــك
والشافني يبجي اعلى حالي
مابيــــه اشوف المهد خــالي
ــــــــــــــــــــــــــــــــــــــ
ميت يبعد امك صدك موغافي يصبي عيني
والعشرة منا وانتهت بس هالسنة وتجفينـي
جانت سلوتي بكعدتك من تفز وتنـــاغينــي
عبدالله اذا صوتك سكت ياصوت اليسلينـي

ماطوليت بعشرتي ويـاك
واحد شلون يهون فركَاك
بالدنيا يوليدي شبكَـــالي
مابيه اشوف المهد خالي

رائد الناشي
اللهم عَجِّل لوليك الفرج
يزينب ماتت الخـوه
عبـاس انذبح تـوه
لكيته موذر وينـزف عضيــدي
شبكته وكال خويه ومات بيدي
يزينب يزينب
ــــــــــــــــــــــــــــــــــــــ
شحجيلــج يزينب يختـي مــن صاح
صحت الله اكبـــــــــر
تهت صارت ركضتي لصوب الخيـام
مـــو صوب المعسكر
مشــدوه وكضيت الــدرب طيحـــات
اكـــومن وارجع اعثر
يــزينب من لفـــاني مصاب عبــاس
هــان مصـاب الاكبــر

يـزينب يــوجع مصابه
اكلف من علي صوابه
التمن فركته وفركت وليـــدي
شبكته وكال خويه ومات بيدي
ــــــــــــــــــــــــــــــــــــــ
همت ماادري درب المشرعة منين
كمت بالوادم انشــد
كالــــولي الــدرب منــــــا يالحسين
جنـك مـــــاتــوجـــــد
خلٌـص حيلي وانــه ببــاب الخيـــام
اكومن وارجع اكعــد
شيوصلني يمه وظهري مكسور
عليــه الــدرب يبعـــد

يـزينب مـــــن طفت عينه
طفه الحيل من ابو سكينه
نزف دمه ونشف دمي بوريدي
شبكَته وكال خويه ومات بيدي
ــــــــــــــــــــــــــــــــــــــ
وصلته بيا علي ويافاطمة وريت
يزينب ماوصلته
شفت دم وسهام ووصل ع الكاع
مو عباس شفته
لا تذبحنــي لمن يــــوصل حسين
كــالاها وسمعته
كتله انه الحسين وطحت فــوكـاه
يــاخويه وشبكته

يزينب ميت احسنلي
ولا هيج اسمع يكَلــي
ذيج الساعة صار الموت عيدي
شبكته وكال خوية ومات بيدي
ــــــــــــــــــــــــــــــــــــــ
جان يكوملي منبعيد اذا جيت
هيـــج وصيــــة امه
اول مرة هيج يسوي عبــاس
نــايم وانــــه يمــــه
مكطع والسيوف تكسرت بيـه
حيـــــرة منين الزمه
كلمــا ادير اديه وانحني عليه
تجي بجرحه وتلجمـه

يزينب حالتـــه تبجــي
شبكته وماكدر يحجي
بالغربة وكَطع بيه وحِيدي
شبكته وكَال خويه ومات بيدي
ــــــــــــــــــــــــــــــــــــــ
وكفته عليــــه وكفت فــــاكد حزام
حنيت قوس محني
لكيته وجفــــه مبتــور منالزنـــود
شبكته وماشبكنـي
تمدتت اعلى طوله وصحت ياريت
ذبــــاحك ذبحنــي
محسب كلت اموتن كبل عبـــــاس
ســواها وسبكني

كبل من اگصد لشوفه
يجيني مشرع چفوفه
يشبكني ويدير ايده اعلى جيدي
شبكته وكال خويه ومات بيدي
ــــــــــــــــــــــــــــــــــــــ
ميت كَبـلك ولاشــــوفك تلــــوج
المن طـال عمـــري
تــره كلهم الماتو كبلك اعـــزاز
بس ماحنـو ظهري
وحكَك من كلتلي ادركني يحسين
شيبت اعلى كبري
اجيتك وشكثر لاكونــي شمــات
ارد شلون مـدري

گلي شلون ارد وحـدي
محني ودمعتي بخدي
شلون اصبر واكل للروح هيدي
شبكته وكال خويه ومات بيدي
ــــــــــــــــــــــــــــــــــــــ
يزينب ماتت الخوة ويه عبــــاس
اخونه الماكو منه
غمض عينه وانه وياج يام عون
فــاركنه المحنــه
حكي من ارد اونن على العباس
يستـــاهل الونه
يعلـــويات شدن للسبي حزام
مشه كافل ضعنه

تعالــن هلــن الدمعـــه
على العباس خل ننعه
يختي وبالونين اعليه زيدي
شبكته وكال خويه ومات بيدي

رائد الناشي

اللهم عَجِّل لوليك الفرج
يعاكَر خيلها ويا مرهب الكَوم
ماتـرهم عليك الماي ملزوم

يا جحجيح يل ما تنجهب عينه
يا بيرغ هلي ويحزام ابو سكينة
شوف الماي ياهو الساده علينه
وخل يومه عليه يصير ميشوم

يمن يفني الخلك لو سرفن ردانه
اريد تكوم لزلام ابــن مرجــــانه
خـــافنهم نســو عبـــاس ويـانــه
اظن ما واصلتهم عنك علـــوم

يا نوماسهـا الحاضر بكل فزعة
يالبيــك الهــواشم راسها ترفعه
جي شافتك ماهو الخيل متجمعه
واذا غاب الصكر يتريس الحوم

يا ليث الوغي وياحيدر بوكته
يستر عيالنه وياماي وجه اخته
كوم الهـم بعد ماترهم السكته
اذا ماكمت ليهم ياهـــو اليكــوم

ارد انخــاك يمشيــم ولــو زحمـة
المثلك يطلــع لسبعين الف زلمــة
موش ولام الك بس خاف متوهمة
ومتيهه الطريج وفاتها السوم

يبن حيدر علي يربات بدوية
بذان المايعرفك خلها ترجية
هاشم والطلابة العدنه مكضية
العفيه النه ولاهلنه وتظل للدوم

عليهم يابوفاضل لاتشد حيلك
مايسوون كلهم موش من جيلك
بعدك بالخيام وصاحو دخيلك
مـــن صيتك يحيــد الجيش مهــزوم

هـــم ايـــدك وكص اركابهم هسه
وخلني اتونس على صياحهم ونسه
اريــد الشاف يومك كون ما ينسه
ذاخــرتك لهـــاي ويومك اليـــــوم

ياغيــرة علي ويافرحة الزهرة
ساعة ملكه سيفك ساعة الكشرة
خل كاع الطفوف من الزلم كَفرة
وخــل اللاكَتك برواحهـــا تلـــــوم

رائد الناشي

#اللهم_عجل_لوليك_الفرج
رسالة شوك ودتها العليلة
تسلم على حسين وتشتكيله
تكــول بهذا الكتاب
متت من كعدة الباب
يهلي فراكَكم مـــابيه حيلـه
ــــــــــــــــــــــــــــــــــــــ
بسم الله ابدي وبسمك الثاني
يمن بالدار انوح عليه خلاني
اكتبلك رسالة بدمعي واحزاني
وغير الدمع بويه شعنده المتاني

اريد اطيك مكتــوب
واكلك وحشه الغروب
والمفارك شلون يكضي ليله
ــــــــــــــــــــــــــــــــــــــ
من الكَاعدة بدرب الخذه الغالي
للخلانـي حال الضيم يا حـالي
شلونك يالصورك ساكنه ببالي
رد بويه لمجانك لايظل خالي

يبويه خلافك البيت
مثل ملكَه الزواتيت
يهيج الدمع ويزود مسيله
ــــــــــــــــــــــــــــــــــــــ
اذا تنشدني عن الحال مو طيبة
يبويه شلون حال المالها حبيبة
يومية بضعون الرايحة مجلبة
وارد من الطريج لدارك مشيبة

والمــاراحت ويــاك
ولاهـــا الشيب بجفــاك
وعليها هدومها صارت ثجيلة
ــــــــــــــــــــــــــــــــــــــ
وبعد شخباركم يهلي الجفيتوني
بعدني ببالكم يو لا نسيتــــونـي
لهسه رسومكم مطبوعة بعيوني
ولهسه بحلكي جلمة ياهلي اخذوني

بعدني اتذكر شلون
مشت جدامي الضعون
واذكر من صحت عدكم دخيله
ــــــــــــــــــــــــــــــــــــــ
يهلي اشكيلكم من طالت المـــدة
ينطر الفجر وانه اعلى هل كِعدة
واركض من اشوفن ضعن يتعده
وطاح الباب من الروحة والرده

نشف ماي البالعيون
هلي ليمت تردون
الجدم بفراكم بالكَوه اشيله
ــــــــــــــــــــــــــــــــــــــ
اذا جاكم كتابي وكون تقرونه
عن عبدالله اريد انشدكم شلونه
يبويه بهيده كلش من تكعدونه
وكلوله شكثر مشتاكه لعيونه

كلولـه اختك تكـــول
يبعــدالله دللـــول
شلونك يالاخذ حيلي برحيلة
ــــــــــــــــــــــــــــــــــــــ
سلام لعمتـي بدمـوعـي كاتبتـه
عزيزة كَلب اخوها الما مفاركتـه
اريد اشكيلهـــا الضيــم التحملته
وعليك انشدها خاف تضم عليه انت

واكلها بدمعة العين
يعمه شلونه الحسين
خافن وادمه الظلت جليلة
ــــــــــــــــــــــــــــــــــــــ
يبويه الروح حيل لعمي ملهوفة
كله تكول ليمت فاطمة تشوف
قبله بهامته وسلم على جفوفه
عليكم مدري ليش الكلب بي خوفه

كل لعمي عباس
العليلة تكول لاباس
بس يدير باله اعلى العقيلة

رائد الناشي

#اللهم_عجل_لوليك_الفرج
عيني اعلى الظعن وايدي اعلى گلبي
هسه يصيحلي ويگلي اركبي
الگاع منالفرح ماشايلتني
مكيفة وحاطة اغراضي اعله متني
من كثر الدمع ماشوف دربي
ــــــــــــــــــــــــــــــــــــــ
اگوم وياه  من يگوم وانوب لمن يگعد اگعد
بيني وبينه بس عيوني والباب واگولن حيل مبعد
حسين يروح ويرد وانه وياه عيوني تروح وترد
ماادري الظعن ياساعة ممشاه بيهم واستحي انشد

حرام الجان طبگ چفن العيون
اگولن خاف انام وخاف يمشون
من كثر الدمع ماشوف دربي
ــــــــــــــــــــــــــــــــــــــ
كل ما يرجب بنيه منالعزاز اهيس حيلي ينهد
اخذني المستحه وماكتله يحسين انه ويامن اصعد
بس لا نيته يخليني بالدار وصل يم غرفتي ورد
كلهم صعداهم وانه ظليت اصد للدار محد

اشوفه گبال عيني رايح وجاي
شو ماگالي تروحين وياي
من كثر الدمع ماشوف دربي
ــــــــــــــــــــــــــــــــــــــ
اشوفنه منصد ايمين ويسار خله البيت منهلنه
وابوي يون اشوفه لعمتي يروح وهي اتون اعلى ونه
اسمعه يگلها زينب فاطمة تموت اذا حمل ظعنه
چنهم راحو يخلوني وحسين نوا اعلى فراگ چنه

خلصت والضعون الفجر تنساگ
يروحي وكمت اشمن ريحة فراگ
من كثر الدمع ماشوف دربي
ــــــــــــــــــــــــــــــــــــــ
للاكبر فرفحت روحي وتعنيت گتله انه ابختكم
علي ياخويه شو ماشوف بالنوگ ناكه لهاي اختكم
هلي عاداتكم تحمون الدخيل وانه دخيله عدكم
اخذوني وياكم اسگي الخيل والنوگ بدربكم وافرشلكم

اذا كل الاحبهم عني ماشين
المن ظلتي ابين الحياطين
من كثر الدمع ماشوف دربي
ــــــــــــــــــــــــــــــــــــــ
انوب لوالدي بدمعي تعنيت اشوفن شنهي رايه
اجر بروحي گوه ومن الدموع بللت العباية
صدگ يابويه گتله تعوفني تريد وحدي لهل رزايه
گال انتي عليلة وخايف عليج طويله السفره هايه

العليل يريد وادم تگعد ويا
المرض يابويه كتله بظلتي هنا
من كثر الدمع ماشوف دربي
ــــــــــــــــــــــــــــــــــــــ
ماثگل عليكم واخذ اغراض شويه ومو ثگلية
وامشي وياك ممشه يسابگ النوگ طيبة وموعليلة
واذا بالهودج اركب ماخذ مجان من گد مانحيله
واجيبن تربتك وافرش مصلاك لو عبدالله اشيله

اخذني وياك اسكت اخواني الزغار
بس ماريدك تخليني بالدار
من كثر الدمع ماشوف دربي
ــــــــــــــــــــــــــــــــــــــ
رقيه تحاجي عمي تگله جا ليش ابوي الباب سدها
صعدنه اعلى الهوادج واختي بالدار ماصعدت بعدها
تنزل وانه اشوفن عمي عباس شما تنزل يردها
يعمي تگله اريدن فاطمة وياي خطيه تظل وحدها

يعمي وخاف يكتل فاطمة النوح
خليها بمجاني وياكم تروح
من كثر الدمع ماشوف دربي
ــــــــــــــــــــــــــــــــــــــ
يأشرن بالهوادج وانه بالبيت ااشرلهن بديه
ابجي عليهن بنيات الحسين وهن يبجن عليه
گالت رايحين ورادت تموت على الهودج رقيه
وسكنه تصيح ريضن يالعفيفات ظلت عدنه اخيه

راحن وانه راحت روحي بالنوگ
عمت عيني وبعد جدامهن سوگ
من كثر الدمع ماشوف دربي

رائد الناشي

#اللهم_عجل_لوليك_الفرج
2024/09/26 22:09:41
Back to Top
HTML Embed Code: