قصائد مولاي الامام علي الاكبر،،ع،،
👇👇

#ديرة_وجع
•••
ياعلي وينك شو وحشه الأخيام
يالبيك العيون أتأمــــــــــن أتنام
ليل الوجـــع جاي متحزم أحزام
يايمه وينك.
•••
وبين أفراگك جرح--شايله أمتون الصبح
وأنت جرحي البين وشالنه الأهـــدوم.
يادمع طايح ضوه--الجـرح محتاجك دوه
اليوم حتى الحيل ضل يتوچه عاليوم.

دورتك وبين ألك يم كل جــــــــرح ماي
ياحيل الأخيام العطش شحچيلك أبهاي
دليني بيك أبياكتر لوبالحلـــــــــم جــاي

عطشانه العيون الوجــــهك باالحلام
الوينك ترى أتموت يم رشگ الأسهام
ليل الوجــــع جــــــاي متحزم أحزام
يايمه وينك.
•••
وانه ألملك صـــــور--ملتفت بيهــــا القدر
يالرحـــــت روحـــــــت نده واتخيل اليل.
ياهوانه ألبي نبي--من رحت طيف السبي
أوگام شد الحــــيل شـافه أمشيب الحيل.

وأسئل أجروحـي التلچم ياعطر الأحساس
مشتاگه ألك شوگ الشمع خل تسمع الناس
هديتني بديرة وجــــــــــع يالعطرك أنفاس

مــــربيه والشـــــــــوف يتبده بلثام
يوليدي ياصوب يادمعه ألـــي أولام
ليل الوجــــع جـــــاي متحزم أحزام
يايمه وينك.
•••
والله لـوتدري أشأكو--منـهـدم حيل الأبو
يامسافه البيها مـحني وصــــــــاير أهلال.
من رحـت عنه العفه--گالها وطوله أختفه
أخ يفراگ الــــــــــــــــولد لــــــلأبو چتال.

مــــــابقه أبخيمتنه صبر يفراگك أفراگ
ذبلت خيمنه من رحت چن ذبلت الراگ
أعلينه المصايب سـربن ونطبگن أطباگ

كل ساعه مذبوح جـــانه الخبر هام
وتتغير ألــــــــــوان بوجـوه الأسلام
ليل الوجع جــــــــاي متحزم أحــزام
يايمه وينك.
•••
وضلت أعيوني رسم--تغرگ بشوف الأسم
مــن أشمن عطرك أتفز بيه الأجروح.
ياوكتنه آبلاوكت--حرگو الخيمه ومتت
صحت يمه ياعلي والصوت مبحوح.

ياحزنه والحـــــــــزن متنگب أنگاب
الورد لومات الورد شيسكت الاتراب
يارسالة چــــــم نحر شالتها الأرگاب

بوداعك الطيف ماكضه مضمام
يوليدي الأوداع متخــزم أخزام
ليل الوجع جاي متحزم أحــزام
يايمه وينك.
•••
والفراغ البل الحرب--چم رساله اعله الدرب
من أجـانه الصبح شايل لسبي أرماح.
ياخضـارألبي عطش--نعش مــــافارگ نعش
الطاح ويخضر مناره شينحسب طاح.

عفناكم ورحنه الجرح شيلمه الأخياط
والدين بيكم شـد علك وأزامط أزماط
وياعلي يمه تنكتب بالحــــــومه رباط

وردت الفـرح بيك والفرح مادام
وتبلل اليل بدمــــــــــوع الأيتام
ليل الوجع جـــاي متحزم أحزام
يايمه وينك.
•••
خادم آهل البيت،،ع،،
أبوحسين السرگودي...

#الحـرب.
•••
الحـرب دگت أطبول ألها
والأكبر فـــر مـغـــــازلها
ضخينه الرگـــــب يندلها
   أبوالغيره علي الأكبر
•••
هــز الرايه البصفين مـــــــــن صالت
أبتسم والــرايه لنها أبتسمت وگالت
يمولاي الحـــــرب شنسوي أذا مالت
گال ألها علي وسيفه--تعرفينه.
يسير الـموت وبكيفه--تعرفينه.
الـقـاده الـيوم تكليفه--تعرفينه.
اليريد أجـواب يسئلها
الأكبر فــر مــــــغازلها
ضخينه الرگـب يندلها
أبو الغيره علي الأكبر
•••
تولــــــــم والبچفــه أتولـــــــم أبهمـه
وخفگت رايته وصاحت علي أباسمه
وسمعهــــــا الجيش زلمه يعثر أبزلمه
الخـــوف أتغلغل أبنصهم--تناديني
الزلـــم طاحــت شواربهم--تناديني
أشكثر شردو ركض منهم--تناديني
علي بس أنوه يدخلها
والأكبر فــر مــــغازلها
ضخينه الرگب يندلها
أبوالغيره علي الأكبر
•••
وبرز والهـــيبه برزت ياهله بطلته
واحد سئل واحد شوفه أليه أنته
علي الكرار هذا الحـــرب عاشگته
واحــد يسئل أبواحد--أجه موتي
هنياله الطلــــع شارد--أجه موتي
برسالة موت متواعد--أجه موتي
الوجوه الصوفرت كلها
والأكبر فـر مــــــغازلها
ضخينه الرگـب يندلها
أبوالغيره علي الأكبر
•••
حــارو بيه عـلي بس ياعــلي منهــم
گعدو عالتراب الخـــــــــوف گعدهم
تشوف الجيش چن رجلين ماعدهم
گعدو والسمـه رعدت--تشاهدهم
زلـم گامت زلم گعدت--تشاهدهم
مثل ماي الشته بردت--تشاهدهم
العگده العاصيه فـــلها
الأكبر فــــــر مـــغازلها
ضخينه الرگـب يندلها
أبوالغيره علي الأكبر
•••
ورفت رايته وراس النصر جــابه
أبن بكر ابن غانهـم جــاي بطلابه
ماطول أوياه چــــــن لفت أنگابه
علي ومحـــــزم أبحگه--ألك هايه
مــــــــــاثنه عليه طگه--ألك هايه
وگع چن وگعت الورگه--ألك هايه
القاده أگبالهــــــم ذلها
الأكبر فــر مــغازلهــــا
ضـخينه الرگب يندلها
أبوالغيره علي الأكبر
•••
وأگبل للخيــــــم والخيـــم لن تنسر
وصـاح حسين حـي الله علي الأكبر
وعلى راس أبن غانم مـن وگف أشر
زلمــه والحــــرب بيده--علي الاكبر
الخيـم صـارت موليده--علي الأكبر
حسين أيوصي بوليده--علي الأكبر
الحـــرب يوليدي دللها
الأكبر فــر مـــغازلهـــا
صخينه الرگب يندلها
أبوالغيره علي الأكبر
•••
خادم آهل البيت،،ع،،
أبوحسين السرگودي...

قصائد مولاي الامام القاسم،،ع،،
👇👇

#عمر_عريس.
•••
ياالحنين أوياك أخـذني ياالحنين
عگب عينك ضــل يسليني الونين
ياطبيب أجروحي--چذب يبرد نوحي
ياالحنين ياالحنين
•••
يمــه ياجـــسام گلــبي آشگد تچوه
ياعـمر عـــريس عــمرك يبني تسوه
أفرح الطولـــك يغالي وعمري يروه
فدوه أروح الشوفتك سبعين فدوه

يادمعتي ألضلـــــت أبعين السنين
عگب عينك ضــل يسليني الونين
ياتچيت أخيامي--سمره لون أيامي
ياالحنين ياالحنين
•••
أمنيتي چانت أفرح بعرسك يگدها
ياتچيتي الراحــــــت ومحد يردها
ياسعدها العـــــــدها أبنها ياسعدها
أتعـــيش مـهيوبه ترى الأم أبولدها

وأذا راح الولـــــد بس الله المعين
عگب عينك ضــل يسليني الونين
يارهاوت طولي--بعد مامش گولي
ياالحنين ياالحنين
•••
عمري وأرمـــــاد الخــــــيم يبني تذره
بين خـطوه وخطوه يمه أعثرلي عثره
طشرانه الـــــــــوكت يالعشرتنه عشره
هسه حـــــــبل اليسر خله بچفي ذكره

على راس الرمــح ضلتي أنه عين
عگب عينك ضــل يسليني الونين
وعينك أتباريني--ياحــلاة أسنيني
ياالحنين ياالحنين
•••
يمه وكت أفراگك شخــلاني أحومن
ساعه بيه وساعـه بعيوني أنه ألومن
مـن أطيحن أستحي أبياحيل أگومن
مــــــــــــادمتلي كون أنه الما أدومن

أبجمر دمعاتي انچوة هاي الأدين
عگب عينك ضــل يسليني الونين
يالچنتلي أحوالي--هسه تدري أشحالي
ياالحنين ياالحنين
•••
شضلــي منك يبني مــاضلالي كلشي
گوه أتوچــه أعله صبري وگوه أمشي
تدري شيبك وصل يبني حتى رمشي
وانه أگل العـــــــــيني لتسكتين رشي

يالمشيت وعفت گلب أمـك حزين
عگب عينك ضــل يسليني الونين
عذبتني الفرگه--روحي رادت ملگه
يالحنين يالحنين
•••
خادم آهل البيت،،ع،،
أبوحسين السرگودي...

#جسام
•••
جسام من هل يومه•••علي عطر أهدومه
•••
سير وصــــوت المنايه سرفنتلـــــه أردانه
الخيم خضر مـــــاي بيها أبكثر ماعطشانه
لان دوست جــــــدمه بير وباالكرم عنوانه
وجدم ثاني أيطگ مضيف أبيرغه وبنيانه

أمعزب الله أيدومه•••علي عطر أهدومه
•••
راح أبينلك مــواقـــف مـــحـــد أمسويهــن
الحـــسن سيفه بالمعارك مـــــاعرف تاليهن
فزعته ولمعت فقاره وغيرته ومــــــاضيهن
كلهن القاسم لبسهن طلــــــــــع كاشخ بيهن

ألـــه ولهله الحومه•••علي عطر أهدومه
•••
والدليل أبهــاي عدنه أبهل الوصيه الشاهد
من كتبها الحــــسن يدري القائد أبن القائد
وبيده شد أحـــزامه بيده وهوه أخر واحد
الحـسن يدري العازه سيف بكربله ويجاهد

الخوه بيه مختومه•••علي عطر أهدومه
•••
وبيهـــــا دگ راية صــموده وهوستله الرايه
الفزعــــه هـيچ أصير صاحت والزلم شرايه
الموقـــــف أيريد اليموت الموت حگ أبهايه
القاسم أبفزعته العمه آحچايه وأبن آحچايه

آحچايته ملمومه•••علي عطر أهدومه
•••
جيش لاذ أبجيش مــــــنه وعلي چنه بحيله
خفگت أرگاب التضده الزلـــــــم لبست شيله
أكو مــــن أبعيد مـــــــاتو بحر شيكض سيله
خله روس القاده طاحت سيفه ضل يحچيله

بالفــخر جيدومه•••علي عطر أهدومه
•••
الگاع غصت مــــن جثثهم موت عايش بيها
ياكتيبه أتگول أنه القاســـــــــــــــم أيلاگيها
والحسن مــــــن گبره صاح أتعيش ياراعيها
أبيومه نذكرها الوصـــيه الوفه ضل طاريها

شطر من أعلومه•••علي عطر أهدومه
•••
خادم آهل البيت،،ع،،
أبوحسين السرگودي...

#وصيه_وزمن
•••
أذن أذان الحـــــــــــرب
جــــــاسم أشعنده گلب
گام يطـبر بيهم
والوصـــــيه أبكل زمــن
الحسن أموصي الحسن
باالوصيه ألگيهم
•••
شمايمر طــــاري الوصيه ألگه بيها آشگد بعد
ألگه بيها الحـسن جاسم نفسه واگف مستعد
والگه بيها أحروف خطها قلم بس قلم الخلد
لأن يدري الحسن بالطف ينفتح سجل المجد
كربلــه أمفحطه الكتب
جـــــاسم أشعنده گلب
والوفه أمغطيهم
والوصــيه أبكل زمــــن
الحسن أموصي الحسن
بالوصيه ألگيهم
•••
أهنانه فرق العصمه أدري والفرق نفس الفرق
أثنينهن لحــسين أدن لو نسولــــــف عالطرق
أثنين بس أحزام واحـــــــد نزلو أشبه بالبرق
الحـــــسن غاد وباب گبره باالمواقف ينطرق
هلـــــــه بكشاف الكرب
جـــــــاسم آشعنده گلب
صال صوله أعليهم
والوصــيه أبكل زمــــن
الحسن أموصي الحسن
بالوصيه ألگيهم
•••
برز بس الكرم كلـــــــــــه برز باالقاسم سوه
وأرتجـز وأبياته كلهـــــا شالهـــا أبچفه الهوه
يامـــضيف أنفتـــح بابه وعـزب الكل نينوى
ويامعـز المؤمنين أنكتبت وصــــــارت ضوه
ينقري بيهـــــــــا الدرب
جـــــاسم أشعنده گلب
ياكرم دليهــــم
والوصــيه أبكل زمــــن
الحسن أموصي الحسن
بالوصيه ألگيهم
•••
كلشي موروث أحنه نعرف بس ورث بي مرجله
أنه أبن الحسن صــــــــــاح وكلها رجفت كربله
يطبر وطبرته مــــــــدري الياضهر توصــل ألــه
والحسن سوره أنه أشوفن جاسم الها البسمله
صعب بالحــومه صعب
جـــــاسم أشعنده گلب
باالحرب أبديهم
والوصــيه أبكل زمــــن
الحسن أموصي الحسن
بالوصيه ألگيهم
•••
بني هـــاشم هيچ كلهــم بالحــرب عدهم عهد
وأذا يشتد الوطيس أتحلـــه بس حـــيدر مدد
وجاسـم أحــزمه الكرامه ابكل وكت وبكل بلد
من يذكرونه أعله طوله موقف الطف بي شهد
تارس العسكــر رعـــب
جــاسم أشعنده گلـــب
ياشعرنه أحچيهم
والوصــيه أبكل زمــــن
الحسن أموصي الحسن
بالوصيه ألگيهم
•••
خادم آهل البيت،،ع،،
أبوحسين السرگودي...

قصائد مولاي الامام عبدالله الرضيع،،ع،،
👇👇

#أزغر_فارس
•••
عبدالله أزغر فارس__درس الطف أشدارس
لمن دخل مدري أشجره--خلـــه الأفكار أمبعثره
              عالخيم چــــان الحارس
•••
مــــن كاروكه هــــــوه الي شمر روحه
سمع صوت الحسين وفزعت أجروحه

رسم خطوت نصر---وخمش گلب الشمر
            ولغـه أيعـيش العمـر.

خله گاع الــطف تميل بفزعته
أزغير بس كلش چبيره وگفته
رغــــــم ماعطشان رفت رايته
ومـــــامگمط بالقماش أبغيرته

وللحرب شايل واهس__درس الطف أشدارس
ووالوجهّ يشبه حيدره--خله الأفكار أمبعثره
                 عالخيم چان الحارس
•••
وبين لحـد ما ضل واضحه أخباره
عبدالله أكبر آمـن الجيش بصراره

مثل خير العمل---كسر خشم الجهل
        أشگلت بالمستهل.

شتت أفكار الزلــــــــــم والقاده
وبقــــه تاريخـــــــه فخر لساده
حسين دوره أيكمله دور اولاده
الدين بيهــم هيل عـطر أمجاده

والعطر ضل أينافس__درس الطف أشدارس
وعالذله لزمهــم سره---خله الأفكاره أمبعثره
          وعالخيم چان الحارس
•••
راد الماي حــتى يوصل الغايه
هزمهم بالعطش مادنگ أبرايه

العطش نار وجرح---ومثل طرة الصبح
           عـرف راسه برمـــح.

الموت مـــاهزه ويحرك أگماطه
مـــارجعله أصـبع وضل بزماطه
أزغير بس لطــــف صبح رباطه
شيخ أتهيئه وهــم كاشخ بگاطه

وماعنده خطوه دايس__ودرس الطف أشدارس
ويكيل كيل السندره---خله الأفكار أمبعثره
               وعالخيم چان الحارس
•••
أختلاف الجيش چان أيريده ويريده
حچـه أويالهـوه عبدالله على أوريده

ودعائه بكل وكت---عدل لا..مامتت
          أنكتب أسمي وعشت.

يله هـب حاچه الهوه وموصعبه
گوم شيل البرگــــع العل الرگبه
أحـــنه ويالموت عشره وصحبه
ويه مـــــــــوت العــز نسير تربه 

بالحرب چنه أمارس__درس الطف أشدارس
وحسين أكبر مفخره---وخله الأفكار أمبعثره
              وعالخيم چان الحارس
•••
همه أهل الشهاده بكل وكت عدهم
الكرامه أمدلله ومــــــاتوگع أخيمهم

رسالــــة همته---كتبها بدمــعته
        بعبدالله وشبكته.

هيچي حـسبوها عدل من كل بعــدْ
العمر موش أبطولته أتحصل المجد
لشهاده أزغيرهــم هــــــــــم مستعد
حــسين مـن ضحه بولـد تسوه الولد


وحاسس أبذبحه حاسس---ودرس الطف أشدارس
وفتوة الحــــــب أمقرره---وخلــه الأفكار أمبعثره
              وعالخيم چان الحارس
•••
خادم آهل البيت،،ع،،
أبوحسين السرگودي...

#آحچايه_أمبلله
•••
بماي°° ردت آحچايه أمبلله
بماي°° العبدلله توصل ألــه
راي مـــــاعندك ياحـــــرمله
شلون أتصوبه--هاي الصعبه
منحــر عـــبدلله شلـــون
•••
أول عطـــــشأخـــــــر نعشعمــره أزغير
وسهمك غبشونحره أنغمششلون أيصير

نحره أترف آمـــن الورد وبسهمـك أتذبحه
منكسر وجهّ الحچي عذرك شني أيمسحه
وتنترس روحـــه وجع يم كل ألـــم فتحه
وبنص دللول الولــد سهمك وصـل صبحه

وين°°سهمك مـــاگتله أشگطع
وين°°لوحـــقـدك هــــذا الفزع
عين °°من شافت گلبه أنصدع
تگطـع رگبه--هــاي الصعبه
منحر عبدالله شلون
•••
فرفح جـرح--أملاگي الملـــح--عشت الصار
وحــيل الصبح--مــــــاينذبح--بسهــــم النار

أبحضن أبوه الألـــــــــــم متبدي شيلمه
والدم يشمره وحـرگ حيل السمه بدمه
ساعه يلمله الهـوه وساعـه بعطش شمه
أرسملي هذا الجـــــرح والوانه مـن يمه

راح °°تلگه أنت أهنانه الأثر
راح °°يحچيلك دمـع الصور
صاح°°سهمك لوحقدك مطر
تكسر گلبه---هاي الصعبه
منحر عبدالله شلون
•••
وگلب الخـــيم--مثله ألچـــــم--بين حـــيل
وصـــــوت العـلـم--رفف ذمـــــم--لاگه اليل

گوسك زرع چـم وجــــع نتلمس أبكتره
گلب الحــــسين أنثلم عبدالله كل عمره
بكاروكه بس مـاصبـر أزغير ونفذ صبره
بهل مـــــن مــغيثآ فزع يارايك أشكبره

شوف°°وتذبحـه بيامـــعتقد
شوف°°دينك مـايعـرف عهد
طوف°°موقف عبدالله أنولد
الموت أيرغبه---هاي الصعبه
منحر عبدالله شلون
•••
والطـــــف جــمر--ونحره أشكثر--راد الماي
خطـــــوة كسر--مــــــاتنجبر--گلي أبهـــــاي

يادمــع مــــــاتنمسح والطف ترى أنعيشه
حمل الوجــــــع عالوجع مابيه ثگل ريشه
وبحر السهم من ركض عبدالله سل گيشه
خليت سهمك جـــرح وحقدك بقه بجيشه

صار°°ثاره أبكل وادي أنكتب
صار°°والگـاع أنزرعــت رگب 
نار°°باچر أنت آمـــن الحطب
عشت أبحربه---هاي الصعبه
منحـــر عبدالله شلون
•••
وفزعة أمــس--طلعت شمس--ترســم عين
وخله الأسس--فدوه النفس--الاجل حسين

هل من مناصر ترى كتبت شني الغايه
عبدالله مثل الفجر نحــــره يرف رايه
ماماشي خطـــــوه وثبت للعالم برايه
الزلم وكت الصـدگ أتفزعها الأحچايه

گام°°وتحـــزم مثل الزلم
گام°°يعرف بالثورة العزم
ضام°°للموقف هذا الأسم
يعرف دربه---هاي الصعبه
منحر عبدالله شلون
•••
خادم آهل البيت،،ع،،
أبوحسين السرگودي...

قصائد ليلة الوداع
👇👇

#أخــــر_ليله
•••
أخــــرليله أنودع الغالي.
أخــــر ليله مـــن يقرالي.
(يامحله الوداع أبهل المسيه-
وعلــــــــــــــــــــــوم المنيه
بين الفاطمــــــي والفاطميه-)
أخـــــر ليله
•••
نلـــــم أبحيلنه والفرگه حــــــيل أتريد
ضوانه ومــــــــــــــاينه وهلالنه والعيد
وعمود الخـيمه ناوي أعله السفر لبعيد
مـــــــــــن هسه بعــد راح اليگود الأيد

أخـــر ليله الخدر أخيالي.
أخـــر ليله مـــــن يقرالي.
باچر تحترگ روحـي وأديه-
والخيمـــــــــــــــــــــه عليه
ودخان الخـيم يكتب سبيه-
أخــــر ليله.
•••
خـــليني أشمـــــــــــك والحـچي ينراد
الجرح أفراگك آمنين أنه أجيب أضماد
ياأرث المــــــــــــــــــحنه اليل بين غاد
باچـــــــــــر لسبي چفــــي بحبل ينگاد

أخـــر ليله يصبح خالي.
أخـــر ليله مـــن يقرالي.
يصبح بيتي خالي آمن الخويه-
شيحملهـــــا المــــــــــــــــسيه
ويبلل گيدهــــــــــم يادم أديه-
أخــــر ليله.
•••
خذتلي أمتاع مـن عيونك الروحي
باچر ياسفر يلچـم حچي أجروحي
هذا أخــــــــر وداع أتفرهد أبنوحي
حتى أدمـوعي تنعه أحـا يمذبوحي

أخـــر ليله ودمعي أيلالي.
أخـــر ليله مــــــن يقرالي.
أدورك وين ياجــــرح الزچيه-
شعـدهـــــــــــــــــا الغاضريه
باچـــــر خيلهم شتسوي بيه-
أخـــر ليله.
•••
يفتر جـرح باچــــــــر فرت المغزل
خـــــاف أتعــنه ألـك واليل لوحول
ليل الذبح ياخــــذ روحي لوچلچل
وديلي عطـر مــــــن منحرك وأندل

أخـــر ليله ويصعب حالي.
أخـــر ليله مــــــن يقرالي.
أجيك وأعثر أبكل خطوه أليه-
أدور عـــــــــــــــــــــــــن رقيه
وفوگ  الگاع ولــــدي واهليله-
أخـــر ليله.
•••
گالتله الدمــع من هسه ألك والم
ثواب أبمقتلــــك أتحـصل الوادم
أذا تقراه بدمعه أبحـزنك أتساهم
ورماد الخيم يصبح ثوب للخادم

أخـــر ليله حسين أنخالي.
أخـــر ليله مــــــن يقرالي.
بدعائك باچـــر أكتب زينبيه-
بت حــــــــــــــــامي الحميه
الرسالـــــــه تكتمل بالهاشميه-
أخـــر ليله
•••
خادم أهل البيت،،ع،،
أبوحسين السرگودي...

#الوداع _أيطول
•••
ليل الــــــواداع أيطـــول كون اليله
ودمعه بضهـر دمعه الدمع شد حيله
أهلال الجرح يبرالي--أمودع أبألله الغالي
يحسين خويه    يحسين خويه
•••
يخنگني الأوداع الذي  بي غـالي رايح عني
ودخان گلبي الماركد   شايل وجع هـم مني
شيصبره المدوهن فكر   ذني أشكبرهن ذني
ياحيل ضل مامنجرح   حتى الهوه يسئلني
وين ألگه واحد مثلي حتى آحچيله
ودمعه بضهر دمعه الدمع شد حيله
والدمع ضل أيلالي---أمودع أبألله الغالي
يحسين خويه    يحسين خويه
•••
وعندي أمانه أتهل وجع  والوجـــع بيها أيسلم
باچر فـــــــــلا يبقه أثر   حيل الحوافر يرسم
حـــــسين يتبده صدگ   والنحر بالطف يختم
سبگت اشمنه أبعطش   ماعدنه چــــف أيلملم
باچــــر الجيش ألگاه أمحضر خيله
ودمعه بضهر دمعه الوجع شد حيله
وينسحگ حتى إخيالي--امودع ابالله الغالي
يحسن خويه   يحسين خويه
•••
يابعد حيلي الچن رمل    أتمـنه ليلي أيطــــول
أشبع صدگ من الأخوه   وهــوه أباخيته أيدلل
وأخذ حــرز منه وعلگ   وطاري الخويه أيشمل
ويدور مرتين وبعـــــد     ليل الـــــوداع أيكمل
أركضله باچـــــر مو مشي أوأمشيله
ودمعه بضهر دمعه الوجع شد حيله
ياوسفه أصيرن تالي ---أمودع أبالله الغالي
يحسين خويه     يحسين خويه
•••
ضليت أحــومـن والجنح   مــكسور جنحي ويدي
حتى الوجــــع هم يلتفت   يوصـــــل لبنه المهدي
واني اعله ماي الطف نشد وانه الغـــريبه أبوحدي
من باچر أيبين الدمـــــــع  من الفجر چـــــن يبدي
باچــــــــــر أبئيدي التحترگ توميله
ودمعه بضهر دمعه الوجع شد حيله
والبيت يصبح خالي--أمودع أبألله الغالي
يحسين خويه     يحسين خويه
•••
أخر وداع آشگد كلف    لــــــمن تعــيشه أبهيده
لليدفـــن أعزاز الگلب    والرمــــــــل رده أبأيده
أهــــــنا تبين منجرح     وجرحك الغالي أتريده
وآحا يالغروب أشكثر      همــــك الخنگه أتزيده
مختنگه روحــي وتختنگ بالعيله
دمعه بضهر دمعه الدمع شد حيله
جرح الفخر يحلالي--أمودع آبالله الغالي
يحسين خويه   يحسين خويه
•••
خادم آهل البيت،،ع ،
أبوحسين السرگودي...

قصائد ليلة الوحشه
👇👇

#ليلة_غربه
•••
ليلة غربه أووحشه أوياها خويه اليلــه
ودخـــان أخيامك غطاها ياهو أشكيله
هذا اليحچيلك دمع أختك
لو تسمـــع بس كلمه البتك
         ياهو أشگيله.
•••
مـــــــر وكت الذبح واليل أجاني أمسرفن أردانه
وباليل أختلط دخــــــــان فوگ الخـوف عطشانه
وشم ريحة أخو يحسين أبأثر كل حذوه أشم أنه
الخــــــــيل السحگتك كل ساع تدنيك ألنه لهنانه
وتلگه أجروحـك ولگاها خـويه اليله
ودخان أخيامك غطاها ياهوأشكيله
محتاره أشلون أجمع جثتك.
لوتسمـــــــع بس كلمه البتك.
         ياهو أشكيله.
•••
وأجيك وخوفي يمشي أوياي ويخوفني الهوه العالي
ودمعتي أتخضر أعلــــــــــــه الگاع منبر ناعي ينعالي
وأتلفت وأشوف المــوت مـــــــــــــــا خلالي كل غالي
وحيرن حيرتك يحسين وحـــــــــالي أمترب أشحالي
والعسكر أختك شافـاها خـويه اليله
ودخان أخيامك غطاها ياهوأشكيله
ياخويه حسين انه أبختك
لوتسمــــع بس كلمه البتك
       ياهوأشكيله.
•••
وأهمن بالمشي يحـسين وعثر عثرتي أبحيلي
بجثه ومن أشفتها أهـنا حـيل أضلم عليّ ليلي
طلع أبني يخـــــال أبني عـون وچنه يحچيلي
يمه أشجابچ أبهل اليل الخــالي حسين گليلي
وأخياله أدموعي الگاداها خويه اليله
ودخــان أخيامك غطاها ياهوأشكيله
مــن أبعيد أمسلب شفتك
لوتسمــــع بس كلمه البتك
         ياهو أشكيله.
•••
ضل بيه الكسر يحسين كسرك محــــــــــــد أيجبره
آمن أشيلن نحرك آمنالگاع أمترب والحچي أشكبره 
أحضننه وأشـــــــــــوف أهناك وذره ألگه بكتر وذره
ومسحه آمـــــن التراب البيه وعليك أمهدله العشره
وتلچمني وألچم معناها خـويه اليله
ودخان أخيامك غطاها ياهوأشكيله
وبهاي الحــاله وماعفتك
لوتسمـع بس كلمة البتك
      ياهوأشگيله.
•••
ودور خويه ألـــــك چاوين صـــــدرك طفو أشموعه
أشوفه أويل الضهر مطبوگ بحوافر طحنو أضلوعه
خـــــــلوني أعيش أبريح عيشت ورگه مـــــگطوعه
أبدين الباري مـــــايدرون ذبحــــــــو دينه وأفروعه
بالكافر مـــــــحد سواها خــويه اليله
ودخان أخيامك غطاها ياهو أشكيله
وتعبانه أنه آشگد دورتك
لوتسمع بــس كلمه البتك
         ياهوأشكيله.
•••
خادم آهل البيت،،ع،،
أبوحسين السرگودي...

#وجع_يلتم
•••
مابين أخيامي المحترگه
أركض وأوگع من الحرگه
وأوصـلك وتردني الفرگه
خويه حسين.
•••
يمـك والفـراگ أيلـــــوح أشعنده يمك.
ودمك على أرمــاد الخـيم يتبده دمك.

وين ألتفت وألگه مـــــــنك أشويه
وكلشي أيصــــيح زينب رايد أميه
الماي المنچـــــفي شيلمــــه طاريه
رحـــــــ ـت واليل يخنگني بمعانيه
ولميتك وجـروحي أتلالي
وعالگاع ودمك ضل عالي
وفراگ الغالي آشگد غالي
وينك وين.
•••
آشگد شربت الگاع أبدمـــــــــك وأنته آشگد.
أتفرهد حتى جرحك والحچي الگلته أتفرهد.

يم باب الخــــــــــيم نشاط دمك طاح
وصلنه ومستحاه مــــــــــاشالها الذباح
الرمل مدري الألـم مثل الصفگله أجناح
وباب أخـيامنه إتخوصرت شفت أرماح
وتخيـلت الحرگه الباچر
وبصدرك مكسور الحافر
وشيلــم العاشر عالعاشر
أبلاچفين.
•••
أجيتك والمــــحنه أتگودني وأعثر أجيتك.
لگيتك وانه ضعت أبلوعـــة المنحر لگيتك.

شقرالك وأهـيدن والحــــــــزن دلهم
ومـطرة عيني والمنحر وجــــع يلتم
أضـلوع أمطشره وأجـــدام كلهن دم
علــــى ضـهر الرمـــــل يامقتل الغيم
وعالگاع أمــ ــطشر يالهيبه
وأهـــناك أنسحگتلك شيبه
وشافاهااليسحگها أمصيبه
عميه العين.
•••
وضمن دمعتي يم جرحك الواضح وضمن.
ولمن حــــــــيلي گوه بحيلك الطايح ولمن.

وسولفلـــــــك عليه وحــيرتي حيره
عــــــــباتي أتربت يالمــــنترس غيره
ليل الوحـــشه أجاني وشنهي تدبيره
والخير أعله الرمل ماحد عرف خيره
محتاره بجسمك شيلمك
ذبحـوك ومـاعرفر أسمك
ياخير الله الشايل حلمك
آه يالبين.
•••
وشاهـد وانه يمك للخـــــيــم صوره وشاهد.
وعاهــد بالرمـــــاد البل الهوه أيدوره وعاهد.

باچــــر بالسبي مــــــاأهتم الكلهم
ونصــرآ مـــــــــن الله باچر أگللهم
مــــــــن الله الفخر هيهات يندلهم
الروس العل الرماح أبشيلها أتذلهم
والروس أتذللهم بالممشه
مــن الغبشه الحد الغبشه
وذلينه الباطل بالوحــشه
أيفوز الدين.
•••
خادم آهل البيت،،ع،،
أبوحسين السرگودي...

##حـرزگلبي
•••
حرز گلبي الحسين
•••
اليله وحشه وخوفي ضل أبروحي
حـتى مــــن أكتب تسيل إجروحي
ياحـــسين أمــــــحزمه بفيّ نوحي
والنعــي ينعـــــــاك يامــــــذبوحي
ألـــك منذوره عين
حرز گلبي الحسين
•••
أشكثر دورتك أبروحــي أحچايه
يابختنه العالـــــــــي ضل أفيايه
الخيم بس أرمـــــاد تدري أبهايه
أليله أنه آبلا حمي وحــــــــمايه
عشت خوف السنين
حــرز گلبي الحسين
•••
دلهم اليل وضــــــــــواك أنريده
ياجـــــــرحنه النزف دم أوريده
أخـيامنه ترست أچفوف البيده
والرمــــــاد أعليه يومي أبأيده
الرماد آشگد حنين
حرز گلبي الحسين
•••
شافني آبلا ذره ونهــد حيلــه
والرماد بفزعه غطــه الشيلــه
ليل مترب والوجـــع يحچيله
اليله زينب حــايره أبهل اليله
أبسمه الله أسمع أنين
حــــرز گلبي الخسين
•••
أهــــــــنانه دورتك وأنت أبالــي
أعثر أنه أصـملله گلي أخــــيالي
الغالي دومــــــه مايعوف الغالي
وأنت خويه حسين تدري بحالي
الگلب بعـدك حزين
حرز گلبي الحسين
•••
ليله بــس بيهـــا دعائك ردته عون
الحمل مـــاينشال وأمنين الأمتون
أني ألتمسك دعـــائك يالحــــــنون
وضل دعائك دمعه ماعاف العيون
ألــــك مديت أدين
حرز گلبي الحسين
•••
خادم آهل البيت،،ع،،
أبوحسين السرگودي...

قصائد دفن الجسد الطاهر لمولاي الامام الحسين،،ع،،
👇👇

##گبرك_كون
•••
گبرك كون أسويه أعــلــه كبر الطف
وذره أبگفه وذره أمشگگ المصحف
ودمــــــــك بلل الگاع وأسمها
چبيره أمصيبتك ياهو اليلمها
وذره آبگفه وذره أمشگگ المصحف
•••
حتـى الگاع كون أنطمها هـــــــــم أبگاع
دمك سفره صـاير والجـــــــــروح أمتاع
أضلوعك چـن خواتك كلشي راح أضياع
الرمل شفته أنخلط وياه أطحين أضلاع

مشهد مقتلك خلـــــــه الرمـل يلتف
وذره آبگفه وذره أمشگگ المصحف
وشفــــت الگاع متغير رسمها
چبيره أمصيبتك ياهو اليلمها
وذره آبگفه وذره أمشگگ المصحف
•••
الوجــــع مرات يتبده أعله جرحك ليل
وذر مــــن جسمك أنشال بحوافر خيل
الوجع من ينتشر يرادله أچـــــــم حيل
وبعيونك رمـــل مـچيول بيهـــــن چيل

وأنت أبهل الوجع يحسين خويه أعرف
وذره آبگفـه وذره أمـشگگ المــــصحف
وبعيونك رمــل واصـل حلمها
چبيره أمصيبتك ياهو اليلمها
وذره أبگفـه وذره أمــشگگ المــصحف
•••
وشيلمه الوجــــع والجـــرح بي چلب
سهـم دافـــــع سهـم والشافك أتعذب
يوجـــــــهّ الخير فوگ الصــــار تسلب
وعظم نحـــرك وطن للگاع من تنسب

الخيل الأعوجيه آمـن الشمر أشرف
وذره أبگفه وذره أمشگگ المصحف
وحگ أخيامــك المحد رحمها
چبيره أمصيبتك ياهو اليلمها
وذره آبگفه وذره أمشگگ المصحف
•••
أخيامك مثل جـسمك ترسن الهيمه
وأتذرن رمـــــــــــاد أومابقت خيمه
هـم ندفنهن أهنانه الحچي وضيمه
بالطف بس حـزن غيمه أبأثر غيمه

وياساعـــه التجي تگلف عليّ تكلف
وذره آبگفه وذره أمشگگ المصحف
وأديه أمن الجمر بين عضمها
چبيره أمصيبتك ياهو اليلمها
وذره آبگفه وذره أمشگگ المصحف
•••
الجــرح لوكبر يصـعب وين مضمامه
الكره الأرضيه يلـــــه أتكفي العمامه
گبرك شكو گاع أتحــــب علي أولامه
باچــــــر شكو موكب يرفـــع أعلامه

ودمـع الغيره خـويه المرقدك ينزف
وذره آبگفه وذره أمشگگ المصحف
الزلم بالمـجلس تثوب لطمها
چبيره أمصيبتك ياهواليلمها
وذره آبگفه وذره أمشگگ المصحف
•••
خادم آهل البيت،،ع،،
أبوحسين السرگودي...

##اريدن_باريه
•••
أريدن باريه وأهنانه أحـفرولي
مولحسين أليه الفاتحه أقرولي
وحيلي أعله الرمل من طاح فارگته
نص جـسمه الحـوافر شمر  شامرته
مولحسين أليه الفاتحه أقرولي
•••
أجيت وحيلي والعوچيه والحسره
يطيحن وين مـا أشوفن ألــه وذره
العليل وشــاف أبوه أمطشر أبكبره
أهنانه أيموت مـــايفرح ترى بعمره
يضل حـــاير
أبجنح طـاير
الكسر عـــابر
حچي العاشر
أجمعنه بشليلي وحـــيل مــاعندي
جنح مكسور وأنه بغربتي الوحدي
ألمن بيه وگلبي أيطـــــيح ماشلته
نص جسمه الحوافر  شمر شامرته
مولحسين أليه الفاتحه أقرولي
•••
ياوذره الألمهـــــــا الرمــــــــل لايحها
وشيلنها وأشوف الألـــم مــــــاسحها
وعـــينه الحلوه شفت الرمل جارحها
وأديه ليش الخناجر تجي أتصافحها
الحقد واضح
بده أيصـافح
الجسد طايح
الـــــأبو رايح
أودعنه وحـرت من يهاي أودعنه
أشيله أيطيح وأسمع بالرمل ونه
حتى السمـه هذا الصوت سامعته
نص جسمه الحوافر شمر شامرته
مولحسين أليه الفاتحه اقرولي
•••
وذره أطــــيح مني أوذره بحضاني
ودور بعـــــــــد خنصر شفته لاگاني
الحجر والرمــــل أحمــر هذا بچاني
الخيل أشعدها لحگتني أعله خلاني
الشمس لنها
عليه كلـهـــا
الألــــم فلها
ولا...ملهـــــا
فوگ أجروحه حرالشمس والصحره
كسر حـــسين أبوي أشكبره ياكسره
معصوم أنه كوه الجـــره أتحملته
نص جسمه الحوافر شمر شامرته
مولحسين أليه الفاتحه اقرولي
•••
ياحيل الألمــــه وشفت كل الصار
فوگ أسهامهم يندفن هـم بحجار
الطـبره أعله طبره والجرح بي نار
الياصوب ألتفت لوردت عود اندار
ألتفت ألمـن
بهوه الچمن
شكثر ينعن
ألـــــه ينون
ضلت كربلـــــــــه بالعاشر أتهل دم
وصوت العطش من يوصلك أملثم
يابويه بثوابك عمــــــــــري سبلته
نص جسمه الحوافر شمر شامرته
مولحسين أليه الفاتحه أقرولي
•••
نيشنته الگــــــــــــــبر لزاير ألي أيزور
يعطش مــن يشوفه ويفز بيه عاشور
الرمل يقره الزياره ودمعه ضل منثور
والمكسور أنشده يعـــــــرف المكسور
الاخـــذ دوره
انرسم صوره
وطفـــه نوره
وألـــه أنذوره
گبر شايل علامــه العطش متولم
واصل للرمل والعطش بي يرسم
أبن خير البشر كربلــــه أمعطشته
نص جسمه الحوافر شمر شامرته
مولحـــسين أليه الفاتحه أقرولي
•••
خادم آهل البيت،،ع،،
أبوحسين السرگودي
..