بخرت كل مــولدك حـدماوصلت العلي
وللعطر سجـــدة شكر بين أثر مــــحملي
وخطـوة العاشگ ضــوه من تنزرع مايلي
وزين العباد أنكتب فوگ الهوه الجاي ألي
•••
خادم آهل البيت،،ع،،
أبوحسين السرگودي...
مبارك لنا ولكم ولادة الامام السجاد،،ع،،

الليله ان شاءالله

#مولد-علي_الاكبر،،ع،،
#فرح_حتى_الورد
•••
-----
فرحت الدنيه وفرح حـتى الورد
مولد الأكبر نشيد أهــــــل المجد
----
الصبح بين والفرح مــــثل الضوه
والشمس متحزمه وترف چن لوه
والنفس فرحـــــان بچفوف الهوه
والشجاعه اتصيح دين الله ارتوه
وصوت مــن الغيره صاحلهه أعد
مــولد الاكبر نشيد اهـــــل المجد
---
نور بـــــــس يانور نور الله أنجــــمع
بعلي الأكبر چـــــــن محمد مـن طلع
أتگول فزعت ضوه بوجهه مـن فزع
وعالنبي صلـــه ألـــــــه حتى الشرع
وسيفه شد روحه العلي ضل مستعد
مـــــولد الأكبر نشيد أهــــل المـــجد
---
حـــــــيل فرحت كربله بوجهّ الصعب
علي الاكبر أجـــــه وشحدهه الحـرب
رسـم خيمه ورايه خظره أعله الدرب
أحـــــنه أهـلهه المرجله واقره الكتب
أبمولده فرحت أله أحروف الحمد
مـــولد الأكبر نشيد أهـــــل المجد
---
ورتلت فزعت علي ابكل مــــــــاجره
علي رايه ومــــــــــن ترفرف مفخره
علــــي يشبه علـــــي اوهيبة حيدره
خلـــــه ذيچ الزلـــــم هــم تلزم سره
علي سيفه بالحـرب هــــــم مجتهد
مـــولد الأكبر نشيد أهــــــــل المجد
---
خادم أهل البيت،،ع،،
أبوحسين السرگودي...🕊️🕊️🕊️

#هوسات_مولاي_الأمام_علي_الأكبرع
•••
تخلبص مـــــايهم والعسكر أتطشر
وحــتى الگاع بيهم شــردت وتعثر
من سمعت أجاكم چف علي الأكبر

هااااا
وهوس عباس الچف أيده

----------

هــــوس أبوفاضل والعلي الهوسه
تنگط مـرجله وبس شعر متروسه
شاف الخيل راس الفارس أدوسه

هاااا
والموت اتحير من شافه

----------
أيهر صـــــوتهم والمـــــــــوت يتسله
وشاف الخوف طبهم والحچي أتعله
عله ذيــــچ الرگب سيفه أشكثر صله

هااااا
وعباس أتنومس بفعاله

-------
✍️
خادم أهل البيت،،ع،،
أبوحسين السرگودي...🕊️🕊️🕊️

الشاعر أبوحسين السرگودي...

🌹🌹قصيدة ياطيف باچر🌹🌹
الى مولاي صاحب الزمان،،عج،،
...

أشعـــــل أسنيني وتضحك أيامي
وأفـــــرح أبمولــــد هيبة أسلامي
ورســــــــم فرحتي بكل مواويلي
والفـــــرج شمعه وذاخــــره أليلي
...
وتشرق فرحـــــتي وتنسـر أدياري
ويوصل ضـواهن واهـس أسراري
والشعر نفــــــسه أيقـدس أخباري
وبالفرج عجل تصــــــدح أشعاري

والگه برحــــــمته محزمه أعيوني
وكل جـــــــمعه أرتل ندبه يلگوني
وحـتى الدعاء مـن أدعي يدعيلي
والفـــــــرج شمعه وذاخــره أليلي
....
ونثر ضحكـــــــــــتي وتكبر أيامي
وصـــــورة فرحتي أتعيش گدامي
ياورد عمـــري وعطـــري وحلامي
مـــــــــن كثر مــامشتاگلك ضامي

ابأذان عمـــــــــــري أتوضت الهيبه
ويوم الفـــــــــــرج وصلت مكاتيبه
وحساسي حـــــــــزم نبرته بحيلي
والفرج شمعه وذاخـــــــــــره اليلي
...
يمخلي بيبان الضــــــــــوه أتشيلك
بكل فرض مـــــرني عايش أدعيلك
وشفت الشمـــــــع بعيوني يبچيلك
ياعشگ رحمــــــــة أبكلشي أبديلك

ياطيف باچـــــــــــــــر من يلاگيني
وفخــــــــــر على الحاربك بسنيني
وحـــر أنتظارك مــــــــــاي يوميلي
والفرج شمعه وذاخـــــــــــره اليلي
...
ويلمني شوگك لمت الواهــــــــــس
طشرني ذنبي ولمني ألك عابـــــس
يافرج وطيوف الحچي أتنافـــــس
بس عاليحبك أسمــك الحــــــارس

يامـــــــــــــــاي كوثر واليمر بسمك
يلتم ضــــــــــــــــواه ويلتفت يمك
وتگله عاشگ ياطـــــــــف أحچيلي
والفرج شمعه وذاخـــــــــــره اليلي
...
خادم أهل البيت،،ع،،
أبوحسين السرگودي...🕊️🕊️🕊️

قصيدة عشگ
---
أذان العشـــــــــــگ اذن يابوصالح
ونجـم شمعــاتي يضون يابوصالح
الصـــور بيك أنت يبدن يابوصالح
وروايات ألنـــــه يحچن يابوصالح
---
كتبتك حـــــتى أشوفك يابوصالح
ولگيتك مـــــــــا أعوفك يابوصالح
وعشت يـم فيّ حروفك يابوصالح
وأذا أحــــــــرم أطـوفك يابوصالح
---
يبيبان المحــــــــــــــــنه يابوصالح
ضـواك إخيـــم وطـــــنه يابوصالح
دعــائك چــنه حــــــــنه يابوصالح
يوضـــينه ويلــــــــــمنه يابوصالح
---
يفــانوس الكرامــــــــــه يابوصالح
ألــــك ندعـي بسلامــــه يابوصالح
تعـــــب حچي الملامـــه يابوصالح
يتاريخ العــمامــــــــــــه يابوصالح
---
اليضدك مـــــــــاله قيمه يابوصالح
هــوه الله أنت ونسيمــه يابوصالح
نلاگي إهـــــــــل النميمه يابوصالح
بعشگك چـــــــــنه خيمه يابوصالح
---
خادم أهل البيت،،ع،،
أبوحسين السرگودي...🕊️🕊️🕊️

الحگ احروف اباسمك يزمــــــــاط الساده
•••
أهلالك بين چف حسين
شايل ثوره وشايل دين
أحزامك مشدود بچفين
امحزمك هوه ابايده حيدر وأنت آمن اولاده
الحگ احــــــــــــروف بأسمك يزماط الساده
•••
يالتارسنه أملاگه ارواح
يعگال الشيعه الماطـاح
گاع الــــدين وبي فلاح
المهدي أبفكره وسيفه يدافع عن دين أجداده
الحگ أحــروف باسمك يزمــــــــــــاط الساده
•••
بميلادك مــكتوب الماي
من نعطش نلگاك افياي
ياحيل العتره البي جاي
اليوم الدنيه امكيفه الغايب أذن ميلاده
الحگ أحـــــــروف باسمك يزماط الساده
•••
يارايه وبيهه آشگد شوف
يادعوه وشــالتهه أچفوف
بميلادك بحــسين أنطوف
اليوم انولدت رتبه قائد عالقاده
الحگ أحــــــــــروف بأسمك يزماط الساده
•••
ندعيلك يامــــاي عيون
هاي الدنيه اتريد أمتون
سكت شمات اليحچون
الشامت غث الحبكم والحبكم راد امراده
الحگ أحـــــــروف بأسمك يزماط الساده
•••
خادم اهل البيت،،ع،،
أبوحسين السرگودي...

#هوسات_صاحب_الزمان_ع_
•••
نتوضه برواياتك ونرســــــــــم طيف
يحزام المراجــل مــن تسولف سيف
شماطـال انتظارك يفزعشگك كيف
هاااا.
أحنه الننتظرك نعرف ينسه حسين الگال أنساك
•••
يتچاية محـمد چــن علي الدينك
تغيب ودمعتك مـــإغابت أبعينك
غيابك حيل طوله تجرح أسنينك
هاااا.
الشمعه أشمانشعلهه الشمعه يبقى أغيابك شيبه أبراس
•••
شعلنه أشمـوعك ودمعاتك أشتعلن
حتى بمولدك صوب النجف صدن
تنخـــــــــن ياعلـي وبياعلـي أتنخن
هاااا.
أتولم يالفقار أتولم گله المهدي أيريدك يوم
•••
خادم آهل البيت،،ع،،
أبوحسين السرگودي...

فزع مــــولدك بينه ونكت هـــــــدم اليل
وتلگينه الفرح بالفــــــــرحه چيه تسوه...
وشعلنه أشمـــــــوعك وبين الشايل ماي
عزيزه أحچايت الحــــــباك چــن گهوه...
وتحزمــــــنه أبهله وعشنه بفرح طاريك
وكشفت أسرار بير الخـــــــــوه بالخوه...
لحــــــد مــــــابين أبشهرك الشايل خير
ومــن هل مولدك هــــــــم هلت الذروه...
وشبعنه أيام مــــــــن أول النص شعبان
وترسانهه الگصص بالغيرة والحــــــلوه...
وسمعنه أبيانفس فزز الــــــــراد أيموت
مــــــثل أذان طفــــــــــك حيّ عالفتوه...
وسرجناهه وترس ماي الوجوه أحبوب
ومــــــــــزگيه الارواح الحــــبتك قدوه...
سمعنه الگاع صاحت مــــثل بت البيت
وسيـــــــــد علي النه الجـــايب الشروه...
وركضنه والدروب الــمـالگت مـــــــلزام
مــــالت والحــــچي مـــــتوضي أبعنوه...
وجبناهه وأجينه وبين المــــــــــــحتاج
وسحگنه الروس گوه أعله الرفض گوه...
وشريناهه الشهادة بضعن بــس شبان
بـــدم إرگابنه العشگت ترى النخــــــــوه...

✍️أبوحسين السرگودي...

الليله ان شاءالله.
التفاصيل داخل البوستر...

الليلة ان شاءالله.
#حسينية_ام_الحسن_والحسين
التفاصيل داخل البوستر

قصيدة وجهّ الخير.
اللهم عجل لوليك الفرج ياالله
أبوحسين السرگودي...

قصيدة رثاء شيخ الرواديد شيخ جاسم النويني بصوت سماحة الشيخ رضا جاسم الطويرجاوي كلمات أخوكم أبوحسين السرگودي...

هوسات مولد مولاتي السيدة رقيه،،ع،،
•••
أنولـدت والمحنه أنولدة آوياها
والحــــسين ودعائه گام لاگاها
أبمولدها الخيم خضرة شفناها
وفترهت كربلـه وحـنت روايها
ها…والطف أيسولف ضل بيها
•••
وجـــــــــــهّ العافيه أتغير ترى لونه
وضحكه ودمعه أبوها شايله عيونه
مـــــن دنگ عليهـــــــا أتگله ممنونه
من ذيچ الساعه حست هيه مديونه
ها...وتباري احسين بخطواته
•••
خادم اهل البيت،،ع،،
أبوحسين السرگودي...

نعي ام البنين،،ع،،
•••
حـنينه واليدگ بابچ يرد مـهتم
بالمـلگه علي وحچايتچ بلســم
ياتسهيل أمر لكبر جــــرح يلتم
يتسيورة مطر يم گاع تتفطر
•••
عدنه أم اوأخت متوزرات اوزار
شادهــن وكتهن والفكر مـــحتار
گصدن سفرتچ والگلب مثل النار
دبخي أگلوبهن يالسفرتچ كوثر
•••
تشـــــد أكـوارهه وعلراس شايلته
ونواعيهــــه جــرح متحزم أبونته
تدعيچ الوليهه أيگوم مـــــن علته
وردنهه آمن الدمع كل سـاع يتبلل
***
وين الفاجــــــــده التنجاب بالطاري
وين ألبس دمـــــع لو گالت أصراري
وين الترس مــــــاي عيونهه الذاري
على سفرتچ تفتر فرت المغزل
***
هوسات
👇👇👇
چـــــم والــد أبوالد منهضــم گلبه
وعلاجه بالأخـص يم سفرتچ تربه
اجاچ ودمــع عينه أتسولف بطلبه
وأوليده أيريد أتشافينه
***
اجاچ وكله حـــــيره وحيرته تنطش
والمضيع طبيبه أدموعه بس تنحش
ذب أعگاله يمچ والالــــــــم خرخش
بضلوعهه ودمعاته بعبنه
***
✍️خادم اهل الببت،،ع،،
أبوحسين السرگودي...

أجه رمضان بس ماجونه الأحباب
العطش والماي أهون مـن الأغياب
عشنه أفراگهم والدمعــــــه عالباب
وين أبياكتر مــــــــــاشين چاوين...
•••
وين أبياكتر گلــــــــــولنه أبهــــــاي
أبنار أفراگكم ضـــــل يعطش الماي
شكثر مشتاگ غالب حـتى الأهواي
صوركم بقت مثلي أمعاشره العين...
•••
أتسحر بالصـــــــــــــور يالماتردون
وصومن والدمــــــع يتبده بي لون
حتى أمــــــــنغفه أخمنكم بالعيون
أخمن طيفكم يالعني مـــــــــاشين...
•••
وحيرن بالفطــــــــور ودمعتي أتهل
يابويه شحــــــــــــلاتچ جمعة الكل
وحتى السفره أحسهه بدمعه تجفل
وترد أعــــليه شيرد ذيچ الأسنين...
•••
وصـل رمضان وادري العمر سفره
مشو وبهــــــاي أبد ما گلت سفره
يأذن وأنه أمــــــد الدمـــــع سفره
لحد ماتنگع أچفوف المسيه...
•••
✍️خادم أهل البيت،،ع،،
أبوحسين السرگودي...🕊️🕊️🕊️

#قصيدة مولد الأمام الحــسن°°ع°°
...

الحسن فك باب الكرم بيدة..
والهله بيهم چـــــن مواليدة..
...
مـــــــن أنولد ليهسه تبراله
الدله صـــارت تشبه أخياله
مــاطفت ناره الجمر يقراله

•••والكرم نفسه أمچلب أيريده
...
مــــــايسد باب ولا..أبد سده
والخير مـــــــن أكتاره يتبده
واليمر تارس جيبه من عنده
•••وغرد الطــير أبأسمه تغريده
...
يكرم السائل لحـــــــد مايغنه
وسئل ترى يالگلـــــــت بالغنه
بصدر الروايه أيعيش مـبلغنه

•••والـــــراد يتأكد ترى أنزيده
...
والكربله مــــــد أيده ونطاهه
معزب وحتى أبروحه گهواهه
عزب أبخيمه وجاسم أوياهه

•••شايل كرم من الله تسديده
...
أكبر رســــــــاله الحسن للعالم
والكرم وي بابه ترى أتوالـــــم
مـــــــن فظل الله يكرم أبنادم

•••ويشبع اليذكر أسمه بالبيده
...
خادم أهل البيت،،ع،،
أبوحسين السرگودي...🕊️🕊️🕊️

#قصيدة مؤمن قريش

...

يبوطالب ياشمس من كل كتر
يبوطالب وحـــدك بس منتصر
يالحمية أنت الرســـــــاله بزودك
وضل يرتل بس مواقـــف جودك
...
الهـسه وگفاتك رســـــائل للدواوين
لازم الحـــــگ أيتأزر بالحچي الزين
وأنت بيرغ من ترفرف غيرتك دين
موقفك هم شافه حتى الماأله عين

أني أكتب وادري مـينصفك شعر
يبوطالب وحـــــــدك بس منتصر
يالحمية أنت الرســــــــاله بزودك
وضل يرتل بس مواقـــف جودك
...
سرفنت ردن القضيه أبهيبتك هــاي
ياضوه الماطخله حاجب يم الهواي
والعطش مر أبنبينه وگتله انه الماي
ومـــن كفلته الدين گلك أنت مولاي

والموحد ينعرف مـثل العطر
يبوطالب وحدك بس منتصر
يالحمية أنت الرســــاله بزودك
وضل يرتل بس مواقف جودك
...
وصرت مؤمنهم قريش الكل يعرفون
الهسه صوتك دين شايل صايرأمتون
ومن أجوك الباب بيتك رجعــو عيون
الخوف تارسهن وزودك رجــف الكون

وجوي سيفك شيب أفكار الكفر
يبوطالب وحــــــدك بس منتصر
يالحمية أنت الرســــاله بزودك
وضل يرتل بس مواقف جودك
...
يامـــنارة وبيهه تاج وراية أســلام
الله خصاك أبكرامه أحزامهه أحزام
علي أبنك والأمــــــام أيخلف أيمام
يمك الماحطلـه كلمه أيعيش بوهام

وأسمك آشگدبي مناير تفتخر
يبوطالب وحــدك بس منتصر
يالحمية أنت الرســــاله بزودك
وضل يرتل بس مواقف جودك
...
بس رحيلك عام خلف شايل أحزان
والألــم عاش أبنبينه أبكل الأوطان
مانساك وعشت هـيبه أبكل الأديان
وأنت رحمة الله بيك أيعيش الأذان

ياهوه الله الماعرف شنهو العذر
يبوطالب وحـــــدك بس منتصر
يالحمية أنت الرســــاله بزودك
وضل يرتل بس مواقف جودك
...
خادم أهل البيت،،ع،،
أبوحسين السرگودي...🕊️🕊️🕊️

#قصيدة رسالة كون
أم المؤمنين،،ع،،
****
يمــــــال أو راي--الدينچ مــــــــاي--مــــنذوره
رسالــــــــة كون--چنتي أمــــــتون--مــذخوره
...
من شفتي دين الله عطش صرتيله زمزم
أم فاطمة وطولچ ضــــوه وعالنعمه سلم
يادين مــن نسمع كبر والهمــــــــــــه تلتم
صوت الرساله أبفزعتچ مـــــــاينذل أبهـم

فزعتچ طـــــــــف--مقالـــــة چــــف--مـــــكتوبه
أنعرفتي أحــــزام--وفخــــــر وأيام--مـــــعموره
...
مـــــــــن قـــام دين الله ترى بموالچ أنتي
الياكلمـــــــة يلفظهه النبي گمتي وفزعتي
انطيتي كل خيرچ ألـــــــــه والنوبه شلتي
أسنين عمرچ مــــن ذهب ولا كلشي عفتي

يطيف أحـــــــساس--رفعتي الـــــراس--يالحــره
ونشوفچ حـــــــــيل--يعــــطر الهـــــيل--ياصوره
...
وللمؤمنين أمهــــــــــــم نحس أكبر هــديه
مــــــن نقره نلگاچ أبفخـــــــــــر أم الزچيه
ياماي يمبرده العطش أسمــــــــــــچ قضيه
أسمچ حـــــرز مـــــن ينكتب فزعه وحميه

يرحمــــــــة ودين--ينور بعــــــــين--يابيــــرغ
يراية خـــــــــــــير--يجـــــنح أيطير--منصوره
...
يالماشكيتي آمـــــن التعب لومو تعب حط
ياماي مــــــــاهــمه المطر باقي الأسم شط
وللوحي بيتچ هـــــــالصبح يالحره مــهبط
يمعزبه الملاك أبهلـــــه وبياعلـــــــي أحوط

يبيت الـمـــــــال--اليچهبچ گــــــال--أم نعمـه
صــــــلاتچ گــاع--الدعــــــاء أشرع--مشكوره
...
كلمة شكر مـــــن تنكتب يــــم أسمچ أبنص
تخجل ترى أحروف الشعر ونحسهه تخلص
ماشلتي أيدچ مـــــــن حمل يالچفچ احرص
ياراي مــــــــــحتاجه السلف والراي مخلص

يفيّ بستان--جـــــــزو بحـــــــــزان--ياوسفــــه
سگوه أبنار--الزمـــــــــــــــــان أندار--كــل دوره
...
خادم أهل البيت،،ع،،
أبوحسين السرگودي...