#ديرة_حلــــم

...

•••أفـزن وأسمـع شلــونـك•••
•••العطش شوذبل عيونك•••
يعبدالله يبعد أمك يعبدالله
...

حتى أبنومـتي أيفـــز الســــؤال أوياي
وتجاوبني السهــم مـو أكلف آمن الماي
ودورنك ويفــزع صــــــوتك أنت أبهاي
راح أشتاگلچ يالغاليه أمـــــــــي أهواي


أركضلك وحــــيلي أنلوه
أتلاگه وي نحــــرك سوه
وشتمك أكثر ياهــــــــوه

•••وأرجــــع فارغه بدونك•••
•••العطش شوذبل عيونك•••
يعبدالله يبعد أمــك يعبدالله
...
زغير وأترف آمـن الماي نضـــــــراتك
أشدن حيلي مــن أسمعهه ضحكاتك
يطاري العافيه الشبعانه مـــــن ذاتك
طحت يالمارضيت أطيـــــح دمعاتك


بگماطك وطـــولك برز
وبيه الحليب آشگد نغز
حــــس بالسهم لمن غرز

•••أشافو حــــتى يرمونك•••
•••العطش شوذبل عيونك•••
يبعدالله يبعد أمــــك يعبدالله
...
يم كاروكك أيهزني ترى الطـاري
بدللول الولد هـاك أسمع أخباري
بدمعتي من ألولي تفهم أسراري
نار الخيم تصــفن يبني يم ناري

ويحترگ جــرحي المابرد
أبكل دمعه أصيحلك مدد
والوجـــع لجروحي أنعگد

•••يمن فـــدوه العمردونك•••
•••العطش شوذبل عيونك•••
يعبدالله يبعد أمـــك يعبدالله
...
يالفيتك چــبيره والهجــــر قاسي
ليل الوحـشه خلف شيب البراسي
كون أيصير چان أنطيتك أنفاسي
يالفرگاك بين حـــــــتى بحساسي

مــــاأدري بيبان الطبگ
مــــــن تنفتح ماتنطبگ
والصوت بعـدك مختنگ

•••وأفز وأسمـــــع ينادونك•••
•••العطـش شوذبل عيونك•••
يعبدالله يبعد أمــك يعبدالله
...
زغير وعالرمــــــح يل الما تفارجني
آمن أعثر تلتفت ودموعك أبحضني
بنضرتك ديرة أچــــم حلم يسعدني
مــــــاأدري الحزن يم نحرك أيذبني

أتيتــــــــــــــم أبفگد الأبن
وأتخاوه وي جرحي اليون
ياأم يفرهــــــــدهه الحزن

•••كل ضني أتشيلني أمتونك•••
•••العطش شـــــوذبل عيونك•••
يعبدالله يبعد أمـــك يعبدالله
...
خادم أهل البيت،،ع،،
أبوحسين السرگودي...🕊️🕊️🕊️

للسيدة زينب عليها السلام

رمح يحمل عرش مذبوح يشاهدها منو اليگدر
على الهزل خدر مفجوع و صوت من السمه كبر

تحر حسرات
دمع جمرات
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سواد الدنيه مد الشوف فقط نور برمح يسطع
صدى خافت يجي من بعيد هدم حيلي و اجيت اسمع
نحر و يرتل القرآن دماه اعله الرمح تطبع
شفت كعبة اعله ظهر النوگ احس روحي بدت تطلع 

دمعها اليجري مو مدمع شذره من العرش سالت
تميل الدنيه و البيها تعدل الناگه لو مالت

صدى الآهات
دمع جمرات
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ 
خدر بس مو خدر چنها ايات و على الهزل
اشاهدها نجوم الليل نزلت بيها تتسول
اعاين للقمر يرجف مثل سعفه بهوى تخلل
صحت هذي المره منهي عساني لا اجيت اسأل

جواب من الهزل اسمع عسن ميت ولا سائل
عرش مذبوح جوبني زينب اخت ابو فاضل

سمعت عبرات
دمع جمرات
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ 
بين الهيه مو هيه احس بيه الارض خسفت
احس روحي ورق اشجار بخريف من صدى ذبلت
متت كلما ضربها السوط شفتها للرمح صدت
تعاتب و الگمر مخسوف مثل دمعه بهوى و نزفت

تحاچي راس ابو فاضل شمر سوطه يأذيها
تسيل ادموع عيناها و اخوها ما يحاچيها

متت مرات
دمع جمرات
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ 
شفتها شامخه زينب و ادري السوط يالمها 
جبل من الصبر لكن نحنت لمن شتم امها
تصد الراس اخوها حسين دمه عيونه يلكمها
الف مره گطع منحر ولا فاطم يشتمها

زعل راس القمر عباس يدخن غيره من نحره
فتح عينه يجر السيف يوسفه چفه يم نهره

هجم نضرات
دمع جمرات
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
راس حسين كلمها يزيب نشفي عيونج
اصبري الخاطر العطشان تره الغايه يكسرونج
يزينب عين ابو فاضل احذري تشاهد متونج
اذا شاف امتن احمر يمحي الدنيه من دونج

يزينب صبري و تحملي يخويه الونه اخفيها
اذا يزعل نحر عباس يخلي اسفلها عاليها

عطش ثارات
دمع جمرات
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم آهل البيت،،ع،،
كلمات جعفر االزرفي

#رحلت_عذابي
•••
بدت رحلت عذابي...أنصب هودج مصابي
  علـــه الناگ الهزيله الفاتحه أقراها
  أخاف أنصبها وأنطيح أنــي وياها
حــسين_°•°_حــسين
•••
رحــت..وأديرعيوني مـــــاتندار بالگوه
صحت..حگي لوصحت ياناس عالخوه

جسدهم عالرمل والرمل لفحت نــار
وشوفـن روسهم ويـن ألتفت وأندار
يخيمة عافيتنه الدمــــــع يوگع حار
ويــن ألگاهـــــــم وأحچيلهم عالصار

بحسرتي أسمع جوابي...أنصب هودج مصابي
   الماعـــدهه علي شيهـــــود أبچاها
   أخاف أنصبها وأنطيح أنـي وياها
حـــسين__°•°__حـــسين
•••
العـمر..ردت الموت ماردته أنه يخواني
الفجر..أبطلعته مارحمني حــيل بچاني

أليصابح بخوته وروسهم بـــــرماح
يعثر بـــــالملاگه المايـــلاگي أرواح
ألم أبدمعتي وبصفهه ضـلي الطاح
وأديـــه أتهدلــن والرمـــــح مايلاح

وتبلل چف كتابي...أنصب هودج مصابي
   تشبكـــــــم أديــه وفــــارغه ألگاها
   أخاف أنصبها وأنطيح أنــي وياها
حـــسين_°•°_حـــسين
•••
وأهــم..وأجتني أحـــــبالهم تتفاخر أبگيدي
وشلـم..اليطيح أشلون مايفزعله چف أيدي

وبين أيتامــــنه والــــروس تبرالي
أبسوطه الشمرخويه يوگف أگبالي
وبكتاري تلــــوذ وتلتــم أطفـــــالي
وتهل عيوني حـــــد ماتنگع أذيالي

وبقت هيبت حجابي...أنصب هودج مصابي
وآيـة ستــــر لون العرف مــــــعناها
أخاف أنصبها وأنطيح أنـــي وياها
حــسين_°•°__حــسين
•••
الدمـة..الهسه مابرد يحرگ أحساس الگاع
السمه..لمت خيرهم مــــــــثل اليلم أشراع

وأنه أتفكر أبكل گطـرة شتخضر
مـنبر لو مواكب گاعــــده أتصدر
لـو ثورة فكر عايشهه بــس الحر
نـعثر بالدرب والحـــمد بينه أتمر

ويرف منهج حسابي...أنصب هودج مصابي
نعمة أوخـــير أخوتي الحافر أذاها
أخاف أنصبها وأنطيح أنــي وياها
حـــسين__°•°__حـــسين
•••
وكمل..جرح يندل جرح والدرب يندله
نــزل..دمعنه والسبي بي مية ألف علـه

الشمس شربت ضـــوانه والتعب بين
ومـــــــن تعثر الناگه أيتامـــي يتبدن
النوگ الصاحيه أبهل الدرب مـايمشن
شلــــون أبهل الهزايل وبجـرح يحدن

وعله وكتي عتابي...أنصب هودج مصابي
وضلـت كربلــــــه أيحزمني معناها
أخاف أنصبها وأنطيح أنــي وياها
حـــسين_°•°__حـــسين
•••
خادم أهل البيت،،ع،،
أبوحـــسين السرگودي...🕊️🕊️🕊️

#فزاعيه
•••

كل مـــــــاأصد أبعيني عالگاع
أوصــال جسمك راحن أضياع
حسين العـشيرة وهيبة أسباع
•••
•••
ولميت جسمك بالعباه__مــــــــن جــــــابته الخياله
•••
ولا..كتر من جسمك سلم__مــــن جــــــابته الخياله
ودمك وصـلنه للخـــــيم__
وشميت بي خــوه وعلم__
وجـــــرح العطش چتاله°°°مـــــــــن جابته الخياله
•••
كل وذره ذبلهــــا العطش__مـــــــن جــابته الخياله
وعثر وچف أيدي أرتعش__
وچفوفي صـــارلك نعش__
وحــسين مـــــحد شاله°°°مـــــــــن جــابته الخياله
•••
وشفت الظلوع أمكسره__مـــــــــــن جــابته الخياله
وظلوع أخوي أمطشره__
يامـــره تحمل يامــــره__
الأخـــــو أتلــــم أوصاله°°°مـــــــــن جــــابته الخياله
•••
وشاطن أعيون آمن البچي__مـــــــــن جابته الخياله
وزينب عليمــــــن تنتچــي__
والحچي يعــــــثر بالحچي__
وحـــــــال الغريبه أشحاله°°°مـــــــن جــابته الخياله
•••
يحـسين فــراني الدهـــــر__مـــــــــن جـابته الخياله
والرمـــــــل گبعني بخـــبر__
أسهامهـــــم مثل المــــطر__
مــــــاسلم حــــتى أخياله°°°مـــــــــن جابته الخياله
•••
لمـــــن وصـلـتـك سلــمت__مـــــــــن جــابته الخياله
والنحرجـــــاوبني وشفت__
بكل طبره أحس أتشيعت__
والمــوت گمت أنخالـــــه°°°مـــــــــن جـــابته الخياله
•••
ولاعظم ضل صاحي أنطحن__مــــــــن جابته الخياله
وخيولهم مــــــــــنه أستحن__
وحـسين كعبه ودم وطــــن__
بـس الرمــــــــــــــــح تچاله°°°مـــــــــن جابته الخياله
•••
خادم آل البيت،،ع،،
أبوحسين السرگودي...

#خطوة_عافيه
•••
خطوة عافيه بدربك
رسالـــة وادم أتحبك
مشي!!مشي!! تنقري ألـــه أبمشي
•••

وشدت أحروف الرسالــــه أحزامنه
شلون نوگف نستحي آمن أجدامنه
الهذا يومـــــك عطش تبچي أيامنه 
ندري بيك الأربعينك ضــــــــــــامنه

وعشگك أذن حــــــيّ عالمشايه
وعشگك أذن مــسح چف الرايه

النيه الصافيه بدربك
رسالـــة وادم أتحبك
مشي!!مشي!!تنقري ألــــه أبمشي
•••

أقره كتلنه بسوالــــــــــــف ريلــــك
ياأحــزام ألبي نحس مــن حيلــــك
أنت بيرغنه وحـــچينه أدخيلــــــك
آمنين مـــــــــــانبدي نرد نبديلـــــك

وأنت روح وبيك خـــضر دينك
وأنت روح أووحي نزلت عينك

الجــدام الحافيه بدربك
رسالــــــــة وادم أتحبك
مشي!!مشي!!تنقري ألـــــه أبمشي
•••

كلهــــــــــه تتعنه ألـــــك مــشايه
الگاع وآهــــــل الگاع شدت رايه
الخطوه البدربك تخـضر أحچايه
حتى جــــرف الشط يحشم مايه


ياسمه الله البقه عالـــي شراعك
ياسمه الله الدنيه تمشي الگاعك

تضوي الطافيه بدربك
رسالــــة وادم أتحــبك
مشي!!مشي!!تنقري ألــــه أبمشي
•••

ياحرزنه ألمــــــن تشيلــــه أمتونه
ألــــك فــــدوه لــــــو تغـــير لــونه
ياهوه الله ألبي نعـــــــرف أشلونه
يالطمنه الهـــــوه يشفي أصدورنه


ياعشگنه الما نعوفك ساعه
ياعشگنه المايحــير أذراعه

ألطمه الشافيه بدربك
رسالة وادم أتحــــبك
مشي!!مشي!!تنقري ألـــــه أبمشي
•••
خادم آهل البيت،،ع،،
أبوحسين السرگودي...

الأمام السجاد،،ع،،
قصيدة_°_وريث الأذان_°_
-------------------------------------------------------
ألك بالمجلس سؤال...هيبته هيبة نزال
    هاذه جدمن بالأذان هاذه جدمن
    هاذه جدمن بالأذان هاذه جدمن
-------------------------------------------------------
وأذنو    حتى  يگطعون    الحديث
وأنت تسكت  بأمر من ذاك الخبيث
الدنيه  كزبر  طولهه  وزاد  الحثيث
مادروك  الهل  الأذان  أنت  الوريث

        وسرفنت ردن  الفزع
        وعلي بحساسك طلع
  الزرع بچفوفه اﻻمان هاذه جدمن
هاذه  جدمن  بالأذان  هاذه جدمن
""""""""""""""""""""""""
كبرة   ويه    الأذان     أبكل    شغف
وحتى  منبرهم  سمع  صوتك  رجف
وتقره   بدموع   التسمعك چم أسف
ما درو   بيك  أنت  أبن سيد  النجف

         ذاكه البسيفه أنكتب
        الأسﻻم   أوما   تعب
  الكسر أقيود الرهان هاذه جدمن
  هاذه جدمن بالاذان هاذه جدمن
-------------------------------------------------------

نوخت    روس   التضدك    بالأرض
القصر بيهم  ظاگ  ولد أهل  البغض
من   لگو     بأذانهم     جدك   نبض
وبأسمه يتوضه  ترى وصلى الفرض

        ورعشت أحلوگ الزلم
        ونصر   ثاني  ينحسم
  أتسجل أبگصة الزمان هاذه جدمن
  هاذه  جدمن  بالأذان  هاذه جدمن
-------------------------------------------------------
من  سئلته  هذا   جدمن    يايزيد
ودم  چفوفك  مابرد  من  الحديد
علمتهم   أنت    أبن  ذاك  الشهيد
الما يريد   الذله   بس  العز  يريد

            الماعرف ذل  الحياة
            وﻻ رگع  يم   الطغاة
    وعالي راسه أعله السنان هاذه جدمن
    هاذه  جدمن   بالاذان   هاذه   جدمن
"""""""""""""""""""""""""""
يبن    مكه   أومنى   أوزمزم   والصﻻه
يبن   ذاك   ألمن   نموت     أنشم   ثراه
بنص   گلبنه  أمصابك انحس بي چواه
ومجلسك    مابرد    يچوي   أبمحتواه

           أبيومك   أنعيش   ألطم
           ونجلي بسمك  كل ضلم
      مجلسك أكبر ضمان هاذه جدمن
      هاذه جدمن بالاذان هاذه جدمن
-------------------------------------------------------
خادم أهل البيت،،ع،،
أبوحسين السرگودي...🕊🕊🕊

ياالله

نعي
•••

شنسوي وعمرنه أنشــــــــوفه  يتهزل
أوين أوجـوهنه أنحطهه أحـنه ماتقبل
بس يم الحــسين أتعـــيش مـــــاتنمل
لأن عاشــــــــــور عايش بينه والمقتل
•••
ونتوچه أعلهـ چتف النار والدمـــــــعه
وهـــــــاي أگلوبنه أبكل وگت منفجعه
مجانين وخـــــــــدمتك سمعة السمعه
مــــــــــــن نسمع عزه نفزع فرد فزعه
•••
تربينه وكبرنه وبعـــــــد هــــــــــم نكبر
ونضل وياك مـــــــــثل الحچي المعتبر
فــــدوه أعمارنه بــــــس يسلـــم المنبر
يفيّ أوجوهنه أعله  الفرگه مـــــــانگدر
•••
أنگطع بس عطره باقي نفس الحسين
واذا تشتمه تعـــــــــرف نفس الحسين
بس عباس ندري نفــــــــــس الحسين
بمگابلهــــــــــم وچــب حـــيل الخويه..
***
خـــادم اهل البيت،،ع،،
ابوحسين السرگودي...

#السيدة_رقيه_ع_
#قصيدة_فلسفة_جرح
#الشاعر_أبوحسين_السرگودي...

يــــــم النحـــر متبديه الأنفاس
گعدت رقــيه وتبچي بحساس
عرفت المنحر حـــيل عطشان
ومتطشره يمه أحـــروف قرءان
گعدت رقـيه وتبچي بحــساس
•••

وگعدت وچــــان الدمـــــع ناصبله منبر
وهــــــيه لمن وصلته أچــــــم مـره تعثر
لايــــحه أتـراب وتمسحه وصـــــوت كبر
يــــاأبو يقبل أبنيته أتشوفه مـــــــــــنحر
والأغـــروب أعليهه شــــــد أحزامـه يفتر
وهـــــيه تمسح يـــاجـــرح محتاره وأكثر

ولچـمته وحس بوجعهه
وگلهه فدوه من سمعهه

وگلتله صوتك حـــــــيل ذبلان
ومتطشره يمه أحروف قرءان
•••

بـــــاسته أبنحره وتلمه أچـــــفوفهه أزغار
وگلهه مچويات أديــــچ أشجــــــابهه النار
تستحي أتگله خــــــــــيمنه والوجــــع دار
أبروحه حتى الگاع رجـــفت چنهه الأنصار
وهيه يم صدره وتشاهد گلبه چــن غــــار
بــــالمثلث كلشي مـــــاضل مـــــــنه تذكار

وفوگ كل هذا الحوافر
شسوت أبذيچ المشاعر

يــــــاناس داسو صدر الأيمان
ومتطشره يمه أحروف قرءان
•••

مــــــاشكتله كلشي مــرهه چانت أتخاف
خذو راسه وخــــاف ونته أبنحره تنشاف
الونه مـــــرات بصبرهه أتكضهه الأشفاف
والمصيبه حــسين طايــح مامش أچتاف
تـــعرف الماعنده تچوه أتطيحه الأخفاف
وهيه مشدوده أويه نحره أيرتل الأعراف

وصل (صـــدرك) رتلاهه
وبچت الآيــــــه الوراهه

أحچيلي دمعچ كلـــــــه دخان
ومتطشره يمه أحروف قرءان
•••

وشبكته ونــــامت بحضنه نومت أعزاز
نومت المايـــــــــدري يمته أيروح جناز
وتبچي وتلـــــــــم أبدمعهه أتگله معتاز
مـاي لو رواك نوحي البي جــــــرح فاز
الماخذ المحبس أبخنصر حاسبه أنجاز
مالچم جرحك ضميرة أوحـس بالحزاز

مــــــاذكر بته وبچيهه
بخنصره أتچلب أديهه

يــــــاناس هاي الذبحة أنسان
ومتطشره يمه أحروف قرءان
•••

وزينب أدور عليهه أبـــحال يــــاحــــال
يـــــــــارقيه عمه وينچ والدمــــــع سال
سمعت أتسولف لبوهه أتگله أكو أخيال
راح يوصلنه وأخــــــــــافن عـني تنشال
وأنه أضل مـــــثل ألغريبه ودمعي خيال
وخوفي كلهه أتصـيح بتمن هـايه تنگال

ألهه صاحت گومي عمه
فدوه لا عــــودچ نلچمه

وشوصف أملاگه الكلهم أحنان
ومتطشره يمه أحروف قرءان

•••

خادم أهل البيت،،ع،،
أبوحسين السرگودي...🕊️🕊️🕊️

#السيدة رقيه

•••
رحت والشوك ضل ساكن بريلي
وحـاچي الگاع بس مــتني بريلي
وجـــــهّ أغروبك المـوحش بريلي
أنچفه وطوح سمار النوح بيه
•••
أجيتك والجـــــــــدم گتله علي اوياك
واحسه الشوك چن رمحك عله اوياك
أهنانه نوحي أحـــــــــــسنه عله أوياك
من غمضت خفت أتصد أليه
...
خادم آهل البيت،،ع،،
أبوحسين السرگودي

#قصيدةالامام الحسن المجتبى
•••
بالوصيه-:أنفاسك أشتمهن هوه الطف
والحميه-:سولفتلك كل معرف ﻻيعرف
هيچي ڪبر كل زمن--وأنت حاضريالحسن
            بالوصيه___والحميه
...
گلبت حسرة أحـروفك بين اﻻسطور
أبجرح الأترفرف دمــعته أتلثم النور
أنت ماموجـود أدري ولحــت عاشور
شلت طف حسين بيدك واتضح دور

الغاضريه-:بيدهه سرفنت ياموﻻي ألك چف
والحميه-:سولفتلك كل مــعرف ﻻ يعرف
ورجفت گلب الفتن--وأنت حاضر يالحسن
               بالوصيه__والحميه
...
درت من ماي البگصتك حـــتى الأحروف
تنگــــــع أبغيرة ضميرك يالعشت شـــوف
أبوجه جاسم درت وجهك وأنت معروف
أنت شخصك بالحـــرب رايدته اﻻطفوف

والمسيه-:ليلهه أبخصر النجم ياسيدي ألتف
والحميه-:سولفتلك كل مـــعرف ﻻيعرف
وماردت حتى الصحن--وأنت حاضريالحسن
                  بالوصيه__الحميه
...
الهـــسه گـــــبرك ســـيدي شايلـته اﻻيام
وفــوگ صحنك هــــم شلت لنار الأخيام
بس بقى صـوت الخويه أيرجف اﻻسهام
الخاطر أحسينك نخيته أيضحي جـسام

للمنيه-:شاب وانت اتحملت جسام ينزف
والحميه-:سولفتلك كل معــــرف ﻻيعرف
المهم ميعيش الوثن--وأنت حاضر يالحسن
                 بالوصيه__الحميه
...
الهسه تحچي أسهامـهم شالت رساله
وأنت  قراءنك  ترتل  بي ســـــــــﻻله
الورد ترب راسه وأضلم كل خـــــياله
شنو  هـــــذا  السهم  كون  أنه أبداله

ناصبيه-:وأنت رايه والمجد بسمك تشرف
والحميه-:سولفتلك كل معرف ﻻيعــــــرف
رفرفت فوگ الوطن--وأنت حاضريالحسن
               بالوصيه__والحميه
...
ألسه للـــون أتراب گـــبرك للونه رايه
وحگ جـــــــاسم من برز بيه الكفايه
بسمك أيرتل نحــس چف أسمك آيه.
أيوضي كل حمله أبتﻻوه أمن البدايه

وبالزچيه-:أيحلف الثار ودمعته أتصير معطف
والحميه-:سولفتلك كل معرف ﻻيعرف
أبيالثارات الضعن--وأنت حاضريالحسن
                بالوصيه__والحميه
...
خادم أهل البيت..ع..
أبوحسين السرگودي...🕊️🕊️🕊️
...

والحسن بابه آيصيح حيّ عالمشايه
•••
باب عـــــــــــاش أويالكرم شامخ بتربيته
تارس أجيوبه الحــــــسن لليچهبه أبنيته
عمر مــــاسد روحه عوز وبين أبصينيته
من سمع بأهل العراق أتحزم أبخاچيته
شيخ چنه ويدري زين الخـدمه ترفع صيته
أفلاحته أيعــــزب يريد وكربله أمتانيته

وحلمه موكب لوصار بي ترفرف رايه
والحسن بابه أيصيح حيّ عالمشايه
•••
وخفگت الرايه بهـواه وكلشي بين بيهه
أشما ترف رايه يگول الگمر چف ساگيهه
ويعرف أبجاسم چبير وهوه اليلاگيهه
وهله بالزاير هله بحرگه من يحچيه
وهدر أدلاال المضيف وبالعشگه غاطيهه
وخدمةالمشايه نعمه الباب ضل يحچيهه

ومن بقيع الدمعات ترس جوده أومايه
والحسن بابه أيصيح حيّ عالمشايه
•••
باب بس غيرته شعلت كلشي ضل بكتاره
ومايبس بسمه الخضار وعايش أبأسراره
أمحزم أوغيرته وگفت علي وكض فقاره
باب بس يحسب نشوفه أمنيته كل أزياره
يخدم ويوگف تراثه ونشم عـــطر أخباره
باب مدري أنحسبه خادم حفظ هيبت داره

والخدم بي تنهاب لگت بسمه أحچايه
والحسن بابه أيصيح حيّ عالمشايه
•••
باب بس شايل ضـــمير أمعلم آمن الزهره
باب عمـــره أبخير عايش بيده ينطي الفقره
والحسن گلـــه أبجبينك دوم خلي الگطره
حـــسين لو يتعنه ليك أبروحك أوگف وقره
ياأبو الأكبر شخــــبرك والعشگ عالفطره
باب لو عوچيه أصيرن عكـــس ذيچ الشجره

والرمح عندي أوياه وگفه وبهل الآيه
والحسن بابه أيصيح حيّ عالمشايه
•••
ألهاي بدموعه توضه گلبه وأصبح شاعر
أشگد تمنه أيصير خيمه ويحترگ بالعاشر
رادبس الطف يحظره وينحسب بس ناصر
راد يركض والسياط أبمتنه توگف باچر
راد بالفزعه الچبيره ويكبر وميكابر
أمنيته ويه حسين يحضر حــتى يصبح ثائر

وكبر وأحلامه أوياه كبرت الهل غايه
والحسن بابه أيصيح حيّ عالمشايه
•••
خادم أهل البيت،،ع،،
أبوحسين السرگودي...🕊🕊🕊

ياالله

#قصيدة_ياحسين_أباربعينك
القصيدة تخص خدام الحسين الذي فارقونا الخدمه والمسير لسيدة الشهداء،،ع،،

•••
أبأربعينك هالصــــــــور شلناها
وصـــور فوگ أصـورنه زودناها
بكل سنه هذا العهد___منك أنريدالمدد
أبهل الشعيره أعله الأمم نتباها
•••
ياحسين ومـــــن أگولنها أشأحس
حچايه ثمره وبيها ينصاغ الدرس
الوفه شايل مـــرتبه أيأدب النفس
والوفه بدربك شهد___منك أنريد المدد
وصور عدنه وراح نمشي أوياها
•••
گبل مـــــانطلع سئلني شرت أخوك
الشاعر وگتله انت جرحي المالگوك
گلي شد حيلك وأخـــذ صورة أبوك
بگبره لخدمه أستعد___منك أنريد المدد
وصاح ربعه أهــــل الصــور حياها
•••
وشدو أحزام الچــفن شدت بخور
العنده حــرگه امبين الرايــح يزور
عالدرب وگفولنه ودمهـــــــم يفور
الموته دمهم مابرد___منك انريد المدد
حــسين تمشي الموته هم خلاها
•••
أتگاودينه أمگاود الخــــــايف يتيه
العنده غـالي شايلاته أچفوف أديه
أصورنه وأحنه صحنه كلنه نعتنيه
للحبيب المعتقد___منك أنريد المدد
والروايه أويانه مـــــــــا ننساها
•••
ضل حزنهم بينه مــافگ النگاب
شلون مـــــــانذكر الجوه التراب
شاركونه الدمعه وشتملك ثواب
يبو اليمه أنت السند___منك أنريد المدد
الفاتحه الهــــــــم بالدرب نقراها
•••
النيه هيه الماخذه أبحب الحسين
دور بـــــس يادور متوضي أبونين
الصور واحـــــــنه نقره ياام البنين
بعدنقراها بعد___منك انريد المدد
الأمـــــرر تسهيل الزيارة أنخاها
•••
أنريد نلطـــم بالدرب مـــانستراح
ويه زينب لطم فاجـــــد بي نياح
مثل جابر من وصل كض الصفاح
حسين شم گبره وگعد___منك أنريد المدد
أنريد مثلــــــــه هــالكرامه أبجاها
•••
خادم أهل البيت،،ع،،
أبوحسين السرگودي...
•••

قصيدة عـاشـوراء
كلمات واداء أبوحسين السرگودي...

يمحمدصدگ ماتعرف اختك
    وانه أبعازت الخوه من ندبتك
-------تجي واتشوف حالي-------
------غريبه   أبغير   والي--------
    وانه ابعوز خويه من ندبتك
•••
ندبتك  والگلـب  نيرانه  تسري
عگب عباس تدري اشصارتدري
حرگو خيمتي وانسلب خدري
ونه أبحيره صرة ياخويه بأمري
صرة محتاجتك راي… تفرح اطفالي بالماي
تجي وتشوف حالي**غريبه ابغيروالي
     وانه ابعوز خويه من ندبتك
****
ندبتك   والمدامع   حيدريه
ردة  ويه الظعن نمشي سويه
وتشگف صوطهم طگو رقيه
وتشوف اعيون ابوهه اتصداليه
وحميهه يرجواي...وعليه اتزيد بلواي
تجي وتشوف حالي**غريبه ابغيروالي
     وانه ابعوز خويه من ندبتك
****
وتجري امنالمشاگف متني وايدي
دم واسياطهم صحتلهه زيدي
آنه عندي رساله ابدم وريدي
دشيلو روسكم شوفو شهيدي
أسمعو يقره هالجاي...الكهف ويحذر أعداي
تجي وتشوف حالي**غريبه ابغير والي
    وانه ابعوز خويه من ندبتك
***
ذبحتو ظنكم القراءن ينساه
انفصل عن جسمه راسه وهوه يقراه
طلعولي عدل يفهملي معناه
داخ الجيش كله وصاح اويلاه
فهمو شنهي معناي… علي الحگ نقبل ابهاي
تجي واتشوف حالي**غريبه ابغير والي
وانه ابعوز خويه من ندبتك
****
وبعد بالمجلس ألبي الموني
صحت يمحمد وغرگت اعيوني
نخيتك گوم وفزع ها ولوني
سمع عباس بيهم شتموني
فزع عباس وياي… بخزرته امحزمه عيناي
تجي وتشوف حالي**غريبه ابغير والي
وانه ابعوز خويه من ندبتك
****
خادم أهل البيت. ع.
أبوحسين السرگودي…

عندما عادة السيدة زينب،،ع،، وتم لقائها بأخوها محمد ابن الحنفيه گالته يمحمد صدگ ماتعرف أختك

قصيدة يبن الحسن،،عج،،
-----------------------------------------------------------
            ندعي بصوت يبن الحسن
•••

جرحـنه أبابك أمـــحزم ترى أبونته
ودعاء الندبه عـــايش بينه وسمعته
يبو صــالح  عمرنه  أقرينه  فاتحته
أذا ماتفزعلنه  الموت  طب  سكته

ونعيش..كل محنه أبمحنته.. والآه أبونته..
تشكيلك حالتهه التترده

ونعيش..بين ألهم أوبينك..ونجرحك منعينك..وأتشوف أنت بعينك..نتبده

ومتن الحمل وحده أنهدل
يبن  الحسن   أنت   الأمل
•••

وتمايلنه مثل سعفه أبمهب الــــــــريح
وعجل  يابو صالح خد  دمـعنه أيصيح
وأحنه أنذكرك  آمننحس نريد أنطيح
من شفنه الألم راكب  ظهــر  كل  ريح

والخوف..ياخذنه أندگ بابك..ونشم عطر أغيابك..ونحلفك بحبابك تحضرنه

والخوف..أيدلينه ونندلك..ونحشمك ونگلك..يالغايب نتأملك تنضرنه

أوجهّ  الفتن  بينه أنشتل
يبن  الحسن   أنت  الأمل
•••

وعشنه أحنه أبوكت يخرب على القسمه
وتطشرنه مثل سبحه أبحلـــــــــــم أعمه
وتگضي السنه چنهـه أمسممه أبكلمـــــه
أوقايه آمن الذنب محـــــــد حفظ أسمه

ولليل..يطشرنه أشمانحلم..وأتلمنه وهم نلتم..وبأسمك نتيمم يالغالي

ولليل..نتلاوه أويه أغصانه..ومن تفزع ويانه..ونهد كل بنيانه الظل عالي

بحبك  نرد  نهدم  هبل
يبن الحسن أنت الأمل
•••

وظهورك يبقه عايش چــن مطر بينه
يالمحزم  أبثارك  مـــــــــــــن تلاگينه
السلامــــه أبذكــــرك أطيب  معانينه
وأمانن  يبن فاطم  هــــــــاي  تكفينه

وبحسين..أنحلفك أسسنه..وبنضره أتوهسنه..ومايبرد مجلسنه لحسينك

وبحسين..أشمانلطمله أبحرگه..ونحلفك بالملگه..لاتكبر هالفرگه وي دينك

وبنظرتك كلشي أنعدل
يبن الحسن أنت الأمل
•••

وعجل يابو صالح والجــــــــرح كبر
وغيابك دمع أحمــــر تارس المنظر
ياصــــــبح الحقيقه أبطلعتك نفخر
أبلآيه أحچاية الله العـمرخل يگصر

ونموت..بس كونك تقبلنه..وتلمنه أبموطنه.. وتفرج هالمحنه بترتيلك

ونموت..ياباب الله الواسع..ملانه أحنه الواقع.. من شاهدنه أندافع..ندعيلك

وحيل الجرح ظهره أنهزل
يبن  الحسن   أنت   الأمل
•••

خادم أهل البيت،،ع،،
أبوحسين السرگودي...🕊️🕊️🕊️