#أكبر_رسالات_العشگ
•••
أبتكبيرة الـــرايه____كل طبره أله أحچايه
     حيدر…حيدر___حيدر…حيدر
...
اليوم نحيهه الشعيره ونطبر أحــــــــــــــنه الهامه
ونكتب رسالتنه بشرف والنشمي شـــــــد احزامه
حسين ضل بس الجسد ومطحونه حتى أعضامه
شلون مـــــــــــانطبر ألـــــه ونحيهه هـــــاي أيامه

ياحبنه الهوايه____كل طبره أله أحچايه
   حيدر..حيدر____حيدر...حيدر
•••
خلونه مانبرد ترى جــــرح العطش ضـــــل حاضر
حسين وسفه أبلا صـــدر مـــــن كثر دوس الحافر
حسين مرمي اعلـــــه الثرى وشتخلي عذرك باچر
لازم الهامـــــه التنطبر تفتهــــــــــــم مـعنى العاشر

ونبرهـــن الغايه _كل طبره أله أحچايه
   حيدر…حيدر…____حيدر…حيدر
•••
خلــــو الطــبره تنسمـــــع والــــــــدم يسد عيونه
ونوفــي لــو خفگت رمــــــل كلش ثچيله أديونه
ترضون يبقه أبلاعزه وهـــــــم وحده يبقه بدونه
وحـنه أنخلقنه الكربلـــه وخليهـــــــــــــم أيلمونه

   ويقبلنه وفايه_كل طبره أله أحچايه
    حيدر…حيدر___حيدر…حيدر
•••
أكبر رسالات العشگ يمهه الحــــــــسين أنشوفها
الهامـــــــــه دمهـه الينچفي ويرد عليهه أيطوفها
ياثورة الحـــــــــــب الذي نعجز نوصف أحروفها
أطفالنه تطبر ألـــك مــــــــاشفنه فزعه الخوفها

مفجوعه الولايه_كل طبره أله أحچايه
   حيدر…حيدر_حيدر…حيدر
•••
خادم أهل البيت،،ع،،
أبوحسين السرگودي

#هوسات_تطبير
•••
نطبرلك لحد ماننترس بالـــــدم
يراية شيبنه يالموقفك حــــــزم
أحـساس البينه لوللموت مانندم

ها--وبدمهه الهامه محنايه
•••
اليوم الهامــه الك نطبرهه منبالي
ونخلي الدم يسولف قصة أحوالي
عشگناك وعشگنه ايصيحلك غالي

ها--ونهوس يرخصلك دمنه
•••
نحــــــد أسيوفنه ونسولف أبأسمك
وفدوه يروح دمنه الگطره من دمك
من ننگع أبدمنه أنواسي دمـــع أمك

ها--ونعزي الزهره المضلومه
•••
خادم أهل البيت،،ع،،
أبوحسين السرگودي...

#قصيدة_عبد_الأخيام
اداءباسم البركي
كلمات أبوحسين السرگودي...

#القرأن
•••
الخيمه والجلاد اثنينهن فدروح--
لأن قراءن چــان أيعيش داخلها
لذالك نارهـــم ضلت الهذا اليوم--
لأن حــــسين راية نصـــر شايلها
 للحارگ احنه أگله…هيهات من الذله
•••
✍️أبوحسين السرگودي...

قصيدة عمرمهجور
الرادود رسول ابراهيم العماني
كلمات أبوحسين السرگودي...

#العليه_تغيم_بالدمع
•••
تغيم بالدمــــــــع ياعين اﻻبنيه
واذا راح الأبو چن ورده محنيه
•••
صدى الوحشه ابرمشهه مــــن تهل العين
وخطوة دمعه بيهه المستحه اتحس دين
عليله والجــــــرح ينعه يبويه حـــــــسين
دمرلي أبطيف ماطول النفس بيه
•••
وحيده والحـزن شيب ضوه اخيالي
شما لمني  الوكت الگه الحظن خالي
الهوه والباب هنه الصـــــــــارن أبالي
وي كل دگه أموتن بويه يوميه
•••
أگعد يم مكانك واشعـــل الحسره
لحد مابيه يرگض  واهس العشره
اﻻبو لـــــــوﻻگه بته اتقبله ابنحره
لحد ماتشبك اسمه أحرورة الريه
•••
شحجيلك فرگتك بدت أسنيني
ويم  سجادتك لـــوردت تلگيني
اشوفنها وتفرع دمـعتي أبعيني
أحسن عد خواتي نقص ترچيه
•••
أبضل سجادتك شفت الجـــره والصار
وشفت دم منحرك والخيم حضنت نار
وشفت چـــــم ســوط تارك بالمتن أثار
وشفت أم الخدر يابويه  مسبيه
•••
لأن وكت الصﻻه بويه الجـرح أذن
وأحسن بالسوالف صوبك أيرگضن
حرت بويه بـخـواتي الياكتر يرحن
صحت يابوالحسن عودي نذبح  فيه
•••
خادم آهل البيت-'-ع-'-
أبوحسين السرگودي...

(شـــور)هوسات لسيدي ومولاي مسلم أبن عقيل ..ع..
       *-*-*-*-***-*-*-*-*-
زمجرة طوعه وصعد بيهه الرجيف---
ومن عزمهه كزبر احساس المضيف•••
وين مسلم والزلــــــم وصلتنه هاي---
شجر صـــاح أرگابهم وانه الخـريف•••
راح ألاگيهم وحـــگ كل شيبه بيچ---
أبهذا سيفي وألــه أبدي الموشريف•••

ها...شيميني وشوفي التردينه
•••••

طوعه صاحت بس علي وطاحت رگاب---
أبسيف مـــــسلم وأنتفض حتى النگاب•••
صــاح شيميني أبعلـــــي وأنه أبن أبوي---
مــثل عمي أمـــــــــعلم أنه أقلعلي باب•••
ألــــــــه أفــرح گلبه وبكل طــــبره كون---
راح اخلــــي الـــروس يحضنهه التراب•••

ها..والحومه اتسولف بس بينه
••••••

هلهلت طــوعه وخفگ جنح الحرب---
والعساكر تيهت حـــتى الــــدرب•••
هوه وحده وسومرت ذيچ السيوف---
هيه والشالتهه كاتلهه الرعـــــــب•••
گام يشمر بالزلــــم سواهه مـــــــاي---
مسلم وعمه علي أيكضه الصعب•••

ها..وينومس دين أبتاريخه
•••••••

طوعه صاحت والحچي بيهه أستدار---
صــــوب حـيدر والدمـع ناده الفقار•••
اليوم مـــسلم ســـــوه حتى المايصير---
وعلي رد يومك علي أبوضح النهار•••
الگاع شهگت مـــــن جثثهم واليطيح---
الكوفه رفعت راسهه ومسلم شعار•••

ها…هز عرش الكوفه بصولاته
•••••••
خادم أهل البيت.. ع..
أبوحسين السرگودي…🕊️🕊️🕊️
•••••••

الرباط أيگول.
👇👇👇


اليوم الغيره أتأذن حيّ اعله العباس.


خادم أهل البيت،،ع،،
أبوحسين السرگودي....

قصيدة بيان الحرب
اداء الرادود مصطفى البدري
للتحميل https://youtu.be/gqyKwUBUfgE
والرابط الثاني https://youtu.be/8FDXG0P--WA
كلمات أخوكم الشاعر أبو حسين السرگودي
ماسترنغ الحبيب الماسترنغ منتظر ألزبيدي
التوزيع في ايران سيد ميلاد الموسوي
ومن الله التوفيق.

#قصيدة_أنه_عند_أحچايتي_الماتلفظ
أخوكم أبوحسين السرگودي...

يحسين الروح كل أغروب لايت
عليك ودمــع عيني أحزام لايت
أذا أسمع أبخيل أصـرخت لايت
أسمع صوت كسر أظلوع بيه

✍️أبوحسين السرگودي...🕊️🕊️🕊️

دمعتي الكربلـــــــه ياناس ياليت
أمنهد ماگلت بس لحسين ياليت
أمنذكر على صدره الخيل ياليت
بسمه الله أسمع بچي الأمه الزچيه

✍️أبوحسين السرگودي...🕊️🕊️🕊️

سهمچــن يالنوايب عليه ويهين
لعيوني وچـن خيم وبنار ويهين
أيهول بالدمـــــع لحسين ويهين
أعله حزنه أيلوگ دمع المغربيه

✍️أبوحسين السرگودي...🕊️🕊️🕊️

يابوصالح


🗨️🗨️سمعن وطـــاعه مولاي🗨️🗨️

-------------------------------------------------------
غيبتك مغرب...والجرح يكتب
أحــنه غير حـسين مــــاعدنه وسيله..
ياجرح نوحي...ينزف أبروحي
حــتى صـوت الماي بي ونتك ثچيله..

بـدل أدموعك تهل عينك دمـــه
هـــذا عهدك للحسين أومـــأتمه
مابرد جرحك تعرفه أهل السمه
أبـونتك أمـوزرة أمــــك فاطمه

🗨️🗨️بحـساسك النارأفياي🗨️🗨️
🗨️🗨️سمعن وطاعه مولاي🗨️🗨️
-------------------------------------------------------
چــم جرح خيمة...أتـحملت ضيمه
وشكو جمرة أبجرحك أتعيش بشليله..
ومشتعل نوحك...شعلت أجروحك
وصـــــوت مـــن أنفاسك أيأذن قليله..

يــاكريم أنــريــد مــــنك هـــــــالطلب
دمعه وحده وندري تچوي أچم شعب
ونـــــدري بيهه نحترگ حرگت گصب
حــسين.. يستاهل ألـه أيعيش التعب

🗨️🗨️وندري الطلب هذا هواي🗨️🗨️
🗨️🗨️سمعن وطـــــاعه مولاي🗨️🗨️
-------------------------------------------------------
فـــدوه خلينه...نكبـــر أبـعينه
حـــسين حـتى أبطيفنه الكل نعتنيله..
عشنه بلطافه...وكون يتشافه
أبجــرحـه كون أرواحنه أتبين دخيله..

مـــانــعوفه أشمـــــــاتضك بينه الحياة
حسين عشگه أخظر ترى بلون الصفات
أمـــنيتنه التـــــسوه كــل الأمـــــــنيات
يـــــابو صـــــــــالح ألنه حققهه أبثبات

🗨️🗨️وبخدمته أيعيش الراي🗨️🗨️
🗨️🗨️سمعن وطــــاعه مولاي🗨️🗨️
-------------------------------------------------------
ياضوه المجلس...كلشي متحمس
يابوصالح أزغر الخدام حزم بيهه حيله..
وبــقولك أتيمم...أتـعينه بـــالمأتم
العــــزم مــوناگه أكـــو ســـر بيه يشيله..


مـابـرد مـــجلسه ويلاوي الضروف
مــــثل رايــــة أبوفاضل والچفوف
طاحــن وهــيه ترف والكل تشوف
هذا حـال المجلس البسمك يطوف

🗨️🗨️وفقنه وي ذيچ وهاي🗨️🗨️
🗨️🗨️سمعن وطاعه مولاي🗨️🗨️
-------------------------------------------------------
يــانـهر شوگه...أرواح مــحروگه
حـسين وحــده آمن الله موكب ينبنيله..
وكلشي يتأمل...أبــدمعة المقتل
حــتى يـــعرف بــــالدمع كلمن مــسيله..


حسين أبونه وحـــيل يعذرنه نريد
شمـاقصور البينه كل مجلس يزيد
هوه نـــذر العــــافيه الغطه الوريد
أشما يطشرنه الوكت نـــلتم جديد

🗨️🗨️ومجلس حسين الحداي🗨️🗨️
🗨️🗨️سمعن وطـــــاعه مولاي🗨️🗨️
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️🤲

الفــرق بيــــن الليله ويــه البارحه
وحشة اخواني ودمعتي الطايحه
      ودمعة رقيه""با لغاضريه
"""""""""""""""""""""""""""
البارحــه أخــيام الضــــوه بيهن أذان
ونزل جـــــبرائيل  ينثر بـــــــــالمكان
ورد حـتى أيعطر أحــساس الزمـــان
عكس هـــــاي الليله ما شافت أمــان 

البارحه الرايه ترف فوگ الخيم
وهـسه لليل البارحه أبنار أنهدم
     وحرگت أديه""بالغاضريه
"""""""""""""""""""""""""""
البارحــه عالماي بس نـــأمر أمــــــــر
الليله بسياط العطش عشنه الصـــبر
البارحـــه مـــادمعة عيــن الخــــــدر
الليله نـــــار الفـــــــــرگه بينه تستقر

ندري لليل البارحه أنعيشه أبصمود
اليلة رحـــمة الله صــابوهه أبعمود
     وعشنه الرزيه""بالغاضريه
"""""""""""""""""""""""""""
البارحــه مــــاشفنه چــــثه أمطبره
وصرنه هـــــاي الليله أحـنه العالثره
أرواحنه فـــوگ الرمـــــال أمطشره
بجروح  گاع الطــف صفت متوزره

البارحه أبكل خطوه أمشي أمدلله
الليله أمـــشي أوعثـــر أنه أبكربله
    بكل خطوه أليه""بالغاضريه
"""""""""""""""""""""""""""
البارحه حـــتى النجـم ﻻبس ضواه
وتارس أعيون السمه أبكل محتواه
الليله بـــس الحسره متعلگه أبگفاه
ﻻن دايــــــر وجــهه منطيه السماه

أحس حتى أذيالي عين المستحاي
الليله نار أذيالي وأنه أبلايه مــــاي
         بعدالخويه""بالغاضريه
"""""""""""""""""""""""""""
الليله نـــار الحــسره شاعلهه المصاب
اليله خاطــر حس رقيه أبــــﻻ جواب
الليله وحــشة ملگه راسمهه العتـــاب
الليله مسحت نحر أبوهه آمن التراب

وباسته وهو أبحضنهه أتنشده وين
يانحر خبرني عن وجــــــهّ الحسين
       مويدري بيه""بالغاضريه
"""""""""""""""""""""""""""
رگضت أوبالخطوه تترك چــم جرح
عمر ويه الطعنه مـــــــاشايف صـلح
وغيمه بيهه أتراب وأچفوف أومـلح
تحرگ أبخاطرهه شيجيبه الصـــبح

وأنه وي صوت الأذان أسمع نعي
الشمر بويه أبسوط كســر أضلعي
    بحضنك خطيه""بالغضريه
"""""""""""""""""""""""""""
خادم أهل البيت..ع..
أبوحسين السرگودي...🕊️🕊️🕊️
""""""""""""""""""""""""""""

نعي الى مولاتي السيدة زينب،،ع،، عندما عثرت على جسد ولدها عون ودار حوار بين السيدة زينب،،ع،،
وولدها الأكبر عون،،عليهم السلام
•••
تركـــض والحـچي يتفرهــــــد أبحدها
وزينب فاطمــــــــــــه لوقست البگدها
تشاهـــــد بالچـثث مـكتول يم مكتول
شافت أضــــــــن عون الطايح أبسدها
مشت والدمع يعبر شكو شعدها اعزاز
وتشد اوزارها البل الحومه وحــــــدها
حتى أعيونها طاحـــــــن أبكتر حسين
وعثرت زينب ومــــــــن وگفت أشعدها
••••
يمه أرسومچ أمغيرهــــــــــــــا لون النار
تعبانه أشوفچ والوجـــــــــــــــــــع يندار
عـــن ياعافيه أدورين عـــــــــــن حسين
الرايح منه أخو أبكل خطوه جدمه أحتار
أشوفچ والحزن مــــــــاخذ أشعدچ حيل
بس لاخـــــالي جثته أعله الأرض طشار
المضيع عزيز أتعــــــــيش بيه الــــــوين
وتفز أجروحه وي فزت الدمـــــــع الحار
•••
أقره الفاتحــــــــــــــه الأم البنين أبحـيل
تسهيل أمـــــــر كون أدوسك أبني الخيل
قربآ للحـــــــسين الحچي المالـــــح مــاي
مــــــــــــن أشتاگلك أشتم أبأسمك هـيل
يفتشت عيني يالبيك الوجـــــــــع ينزاح
يرفعت راس أمك والوكت چــــــــن ليل
يافزعت الفــــــــــــزعه البيك دوم أنلوذ
يبياض الوجـــــــــــــهّ والفخر يمك چيل
•••
خادم أهل البيت،،ع،،
أبوحسين السرگودي...

حسين فكره حسين ثوره حسين عنوان الصمود

حسين شَگ ورقة حياته من دَره ابموته الخلود

خيمة الحريّه نهجه و إسمه بيهه اندَگ عمود

و اليِهوا الذِل ما طَب بيهه


#الشاعر_سجاد_الكِناني

#قصيدة_الأمام_علي_الأكبر
برنامج قوافي الطف
تقديم الكبير الشاعرحسين البهادلي
أخوكم الشاعر أبوحسين السرگودي

دمـــع زين العباد•••نزل ﻻبس ســـواد
من نضر دمعات زينب نزلن أعله الخد عتاب
والسياط أعليهه تنزل جرحة متن الثياب
•••
ﻻبس أسود دمعه چيه ينزف حزن
شاف عمته أجروح حاضنهه المتن
عمه ريت أنه أمــــــوتن وأندفــــن
ولاشوفنچ وأضلـــــــــــن بس أون

صدگ أنتي أبمكان
أنذبــــح بيه الأذان
والصﻻه ضلت غريبه ونسحگ صدر الكتاب
والسياط أعليهه تنزل  جرحة متن الثياب
•••
دمعة عينه رغــــــــم طـــــوله جرح
اوگف بس دمعاته رسملــــــــه صبح
اوراس مرفوع  اعله رمحه والرمح
خجل مـــــــن زينب يعرف المنذبح

ولطم وجهه العليل
يعمـــــــه آبﻻ كفيل
الله ياعمه ينصرچ أدري موهين المصاب
والسياط أعليهه تنزل جرحة متن الثياب
•••
عمـــــــــه حزميني يعمه أبحيدره
أبأسم جـدي وعمي سبع الگنطره
شعتذر عدهـــــم وأشوفچ حايره
وانتي محــــد گدر الأسمچ فسره

الخدر بسمچ حروف
يذبحـــن كل يشوف
عمه بيچ انسبت دنيه مخضبه أبدم الشباب
والسياط اعليهه تنزل جرحة متن التراب
•••
عمه بيچ أنسبت هـاجــــر من سبوچ
ومـــــــــــريم أبساعة يعمه الأسروچ
وساره طاح احجابهه ابشتمت أبوچ
وفاطمه اتنادي يزينب هـــــم  ولوچ

يبت خـــــيراﻻنام
مثل حرگ الخيام
بگلبي يمه النار شبت وانه عشت انه أبعذاب
والسياط أعليهه تنزل جرحة متن الثياب
•••
عمه مــــن صطروچ تدرين اشحصل
الحمزه صــــاح أبصوت ياخير العمل
علــــــــــــه زينب دمعي ياحيدر نزل
وجرحي  ينزف  وسفه تدري ماحمل

برمح ثاني أنصبت
وعليهــــــــا آتالمت
وسفه هاذه أيصير كله وأحنه يمنعنه التراب
والسياط اعليهه تنزل جرحة متن الثياب
•••
خادم آهل البيت-'-ع-'-
أبوحسين السرگودي...
•••

زينب  أدروب اليسر تچــويهه
بجدم حافي أم الخدرتمشيهه
•••
حــــــافيه ودرب اليسر مابيه رحم
ايحيط جــــــدمين العقيله بس ألم
والدمع فوگ الوجن مدري أشرسم
رسم لوعــــــــــه والحزن غاطيهه
•••
حـــيل غاطيهه الحزن من كل كتر
أتنادي يالخـــــــوان ياذيني اليسر
عگب كافل ضعني سابيني الشمر
مــــــــاأضن ترضى الشمر سابيهه
•••
الشمر سابيهه وسنان وحرملـــه
وهيه بت فاطمه وبت عقدالوله
دولباهه الوكت حيل أبكربلـــــه
وبالاحـــــبال أمچتفات أيديهه
•••
وعينهه أعلــه الروس وياهن تدير
وبألــــــــــم يالگمر زينب تستجير
خويه ياعباس ترضه اختك تحير
وبالسياط أعـــــــداك تظرب بيهه
•••
أخ ياســـــــوط المتن بيهه أشعمل
متن زينب تدري مــــن يمه انهدل
خلــه دمــــع أم الحزن عالخد نزل
إمصاب فوگ أمــــصابهه وياذيهه
•••
مگبعه ابثوب الهضم أخــت الذبيح
وهيه مكسورة ضهر تمشي وتطيح
اتصيح ياعباس ياخــــــويه تصيح
مــــــــــــادرت بيك اختك اتخليهه
•••
خادم اهل البيت. ع.
أبوحسين السرگودي…