ونصر من نصره وخذل من خذله.
#انا_غديري

#برنامــــج_مـــحرم

ياابا عبدالله أرزقنه خدمتك لاتنسانه ياحسين

قصائد الهلال
👇👇👇

...
سهــــــم هلتك ترى للگلب مــــالاخ
وچـــف الوگت گبلي أخت مـــالاخ
آمن أشوفنك شگـــولن أخ مـــالاخ
لحـــــــــــد ماتغمض عيوني أبمنيه
...
خادم اهل البيت،،ع،،
أبوحسين السرگودي...🕊️🕊️🕊️

#أهلالك
•••
أهلالك من أجه أملثم
وخــيال بضواه مـهتم
هنا أعلن حدادي___ألك ولبس سوادي
     ياآبا عبدالله___ياآباعبدالله
•••
كل يوم انه أخم بغروبي أدورنك
وسئلها السمـــه هالبت خــبر منك
لحـــد مـــابين أهلالك حچه عنك
مـــــن ألثامه ميزت الحزن حزنك
خيال أهـــــلالك جـــــــايبلي النار بخيمه
وانه أتلگه آهـــــــلالك ملگه الگاع الغـيمه
ودعي بكل دمعه أنه أبچيلك حزنك ديمه
ألونتي أهلالك الراعي
رساله وجابهه الساعي
بفطرتي وبجتهادي____ألك ولبس سوادي
         ياآبا عبدالله___ياآباعبدالله
•••
متولـــــــم الحزنك والگلب يندل
أبشهرك من بعيد وانه أشم مقتل
يحسين الجرح مـــن يلچم يعدل
ماريدن أحزامي أبخدمتك ينحل
يحسين آمــن الطملك توگف بيه الهيبه
وبكل دگه أيسولف گلبي عدنه أمصيبه
ولطملك والطمه أبراسي اتخضـر شيبه
أحزامي أمحزم أحزامي
الجمر يچويني بحـلامي
خدمتك كل مرادي____ألك ألبس سوادي
          ياآبا عبدالله___ياآباعبدالله
•••
ألبسلك ســـــواد وگلبي هـــــــم لابس
جـنون وكل جــنوني ومـرجعي عابس
البچالك دمـــعه عندك ينحـسب فارس
بشعور الخدمه عـندي أتأگدت حاسس
يارحمة الله أشما أشوف آهلالك مــدمي
چن شفتك بالحومه أمطبر عاري ومرمي
لـــو ألبسلك ليل أمـــــــقصــر أنه وأسمي
دمعتي أتودع أعيوني
أزيد أشمـا يلــــوموني
عزائك كلشي بادي____ألك ألبس سوادي
         ياآبا عبدالله___ياآباعبدالله
•••
أضم أدموعي الــعــاشورك أنضمن
أمـــــانه لــلعزيز اليســـوه يتودن
الماعرفن أعيونه حسين مايسون
بدخـــان الخـيم كل دمعي يتلون
من يجبل عاشورك حـالي أتغير حالي
تچويني وألگالك خـــيمه بنص دلاالي
ومن انصبلك مجلس تلطم كل أعيالي
وچمل حسبت أجروحي
ومــــــايبرد ألــك نوحي
عزائك بي سدادي____ألك ألبس سوادي
         ياآبا عبدالله___ياآباعبدالله
•••
فراغ أبروحي أحــــسن لوصرت ناسي
وشلت كربله وجـرحك چن شعر راسي
أحساسي أيموت أذا مو أنت بحساسي
الـــك كل سنه أسبل صـــوتي ونفاسي
أتضل قصة جرحك وهلالك عبره وعبره
ومـــــاتطفه ولاتبرد بينه أمصابك جـمره
ونحلفك كون أتسجلنه أنواســـي الزهره
العمر بسمك أنادي___ألك ألبس سوادي
         ياآبا عبدالله___ياآباعبدالله
•••
خادم آهل البيت،،ع،،
أبوحسين السرگودي...

#وحي_البچي

•••
لهلالك أبكل وكت دمعي خط قل هوه
ياحـرز دمعتي البيهه أسمك ضـــــــوه
...
أهلالـــك أيهل أبضواك وينفتح باب الصـور
يانحـر ضــــل محتواك وعشت ترتيلـة نحـر
حـــــسين جنني بهواك بدرب عـابس عالأثر
بكل سنه جرحي نخاك ينفجعلك كــل شهــر

بجرحك المنلچم فدوه خلني الچم
حتى أعيش الألم لوجــــرح بالهدم
•••
ياهــلال البيه خـيام أمــــحزمه بلــون اليهل
والــدوه شايل كـلام والدمــــــع حگ ينسئل
من تهل مثل الحمام بجنحك الطـــف تنحمل
وتلتفت حتى السهام وصحنه ها يابو الفضل

آشگد سمعنه حچي ومايهمنه الحچي
أهلالك بكل سنه هوه وحـــــي البچي
•••
ومـــــــن نسبلك دموع تلگه بينه آشگد وجـــع
بمجلسك فدوه الضلوع ألكل جدم بالطف فزع
ونركض شلون الخشوع ألماي گصتنه أنجمـــع
والبچالــــــك بالأسبوع مــره بس غيره أنرضع

يازمــــــــان الوفــه بــس عزائك وفه
بثوبي الأســـود حـزن مرتوي بمعرفه
•••
وثوبي الأســــود كله دين وأكـو بالــدين أنشره
ونشمخ بكلمـــــة حــسين ومـــــــاندنگ عالثره
ونحـــــرك أنسبلـــــه عين چــــي رسالة مفخره
بمجـــــلسك لطمك حنين يرسـم ألنه أشماجره

من نعيشك صدگ نفتهم بالعشگ
ياسوالف برد مــــن تخضر صدگ
•••
ومن تسولف بينه راي أنشاهـــــد عيون السمه
أتناوش الينخاك مــاي أچفوف أمــــــك فاطمه
ياضـــوه اليندلــنه راي المجلس انحس مكرمه
وكل جـــرح أذن دواي الماي أليطيب ألضمــــه

من يمرنه العطش نلتفتلك عطش
والوجـع والألـم تدري بينه أنفرش
•••
خادم أهل البيت،،ع،،
أبوحسين السرگودي...

قصائد الخدمه
👇👇👇

#قصيدة_هاي_الخدمه
•••
خدمة حسين الچبيرة
وهيه أكبر كل عشيره
خدمة راي وراي°•°بيهه أيعيش الماي
                 هاي الخدمه
•••
مـــــــن عباس أتعلمنه__عشگك يالتارس دمنه
وجـهّ الخير أنشوفه°
يم كل تكبيره أنحسه__بلون الأذان أونفسه
باب الرحمه أچفوفه°

ندعــــي ونسعــــي
وتشتل بينه الفزعه
ونهتــم نلتـــــــــــم
ونخضرلك دمـــــعه

الدمعه تثمر بينه غيره
ونقره يازينب أمــــيره
رغم الهم حداي°•°بيهه أيعيش الماي
           هاي الخدمه
•••
وننصب شباچك بينه__وأنطوفك وتخــلينه
وهم ننصر كل خيمه°
ونسير فزعه ونبدي__وجرحك مايبرد يحدي

وندخن چن غيمه°
ويهوه ويروه
ويسولف چف طفك
خنصر ينصر
گطعو مــنحر چفك

أبگاعنه متبديه ديره
يارسالة حگ أخــيره
بسمك خدمه هواي°•°بيهه أيعيش الماي
                 هاي الخدمه
•••
ونتوضه بحيل التسلم__وتكبيرة عشگك مآتم
ونبسملــــــك رايه°
ونركعلك وأنت التسوه__ياتچوه المثلك تچوه

مامش مثلك ثايه°
للحگ تعشگ
يامشعل كل ثوره
وتنشد مسند
ياتسبيح الزهــره

وچم گلب أسمك ينيره
ياعشگ وادم خــــبيره
أنت أبهاي أوهاي°•°بيهه أيعيش الماي
            هاي الخدمه
•••
ونتحــــــــزم بيك أبهمه__ياأغلـــه أوأغلـــــه كلمه
ونكتبك يالهيبه
كل موكب يوصل ريلك__ويتبلل فيهّ أبحيلـــــــك
وترزقــه بشيبه

ويلتف معطف
من تسئل تاريخي
ويكتب موكب
يوم العاشر شيخي

ياجرحـــنه المن نشيره
جسمك أتلمه الحصيره
قصتك شهگة ناي°•°بيهه أيعيش الماي
                هاي الخدمه
•••
ياعطر المايتوصف__ويه أسمك مثل المصحف
لورتلــــــك ناعـــــــي
يمدلــي المايندلك__والتيه هــــــــــــم يوصلك

مومجلس چن ساعي
اليحضر ينضر
واليلچملك جـــرحه
اليسمع يلمـــع
من يوصلك صبحه

واليزورك يســـوه ديره
بكل جدم يزرع شعيره
وبيدر تعبه أفياي°•°بيهه أيعيش الماي
                هاي الخدمه
•••
خادم أهل البيت،،ع،،
أبوحسين السرگودي...

#قصيدة_عبد_الأخيام

•••
أخدمك ولگه الأچفوف
تسولفلك علــى الشوف
وأتوچه أعلـــــه طاريك
أطـيحن ونتچي أعليك
ومــــــحــــــير الشماته
حـــــــــــــــــــــــســـين
ومـــــحــــــير الشماته
••• 
أخمن روحي ولگاك
صلاة الخدمه دمعه°°°
أذكرك وأسمع أوياك
بضواي ألگاك شمعه°°°

يتچــــــوتنه الــچـبيره__حسين أسمك عشيره
سلام الله أعله طاريك__تلمنــــه آبهل الشعيره

ألك كل حـــيلي منذور
علگ يحــــــزام عاشور
شد بي حــيلي وأبديك
أطـيحن ونتچي أعليك
ومـــــــحـــــير الشماته
حـــــــــــــــــــــــســـين
ومـــــــحـــــير الشماته
•••
ذبحك جايس الــروح
الحـــزن ثوب بخيالي°°°
العطش مـوماي للنوح
وأنه أسهـــــــــر ليالي°°°

يالمـــشرع المــــحنه___عبر حبك أهلنه
نشمك لمـــن أنعيش___بشباچــك وطنه

يالمعلمنه الأحــــساس
بضـــواك وجود عباس
أدعــــــــي الله يخليك
أطيحن ونتچي أعليك
ومــــــحـــــير الشماته
حـــــــــــــــــــــــســـين
ومــــــحـــــير الشماته
•••
خسارة كل وكت مــر
عليه وعمــــري خيمه°°°
عمر بالثانيه أخـــــسر
ترك حــــزنك هضيمه°°°

الدنيه أبلآيه الحسين__مـــاي وبدته العين
أذا مو يمه مــوجـــود__غم رايچ يالأسنين

الخدمه أمــلثمه أبلون
عابـــس ثوبه قــــانون
أفــز بالغفلـــه وأدعيك
أطيحن ونتچي أعليك
ومــــــحــــــير الشماته
حـــــــــــــــــــــــســـين
ومــــــحــــــير الشماته
•••
عشت بسنيني فـــلاح
الزرع محصوله خدمه°°°
التعب مـــــاأعتقد راح
عنوان أسمي أسمـــــه°°°

أمشكل وحصد أدموع__أذا مــــــــاأبچي بسبوع
أمـــوتن مـــوتت الگاع__كلشي أبروحي مگطوع

حـياتي وخدمتي أولام
أسمــي عـــــبد الأخيام
بحبيبي مــــــــن أناديك
أطـيحن ونتـچي أعليك
ومــــــــحــــــير الشماته
حـــــــــــــــــــــــــســـين
ومــــــــحــــــير الشماته
•••
بفتشت عيني يهواي
أشوفـــك أنت كلشي°°°
أذكرك دوم عالــمــاي
دمعتك تاج رمـــشي°°°

يفرهت روحـــي والشوگ___وغلاتك اغله معشوگ
أبعيني آشگد حچي أدموع___نخله وشايله أعثوگ

هواك آبروحي أمــــر بيه
وأشيل أجـروحي ونطيه
عمر كل حلمــــــه يرثيك
اطـــيحن ونتچي أعليك
ومــــــحـــــــــير الشماته
حــــــــــــــــــــــــــــسين
ومـــــــحــــــــير الشماته
•••
خادم آهل البيت،،ع،،
أبوحسين السرگودي...

قصائد السيدة فاطمة العليله،،ع،،
👇👇👇

#قصيدة_راشده_النيه
•••
رايحين…راشـــده نيتكم
رايحين…يالعفتو أبنيتكم
فوگ الألم محترگه'__'بنار البعد والفرگه
           رايحــــــين
•••
طوح ضعنكم والوجـــــع هـــم طوح
والگلب مدري أشجاسه أحسن فرفح
والرايح الدمــعه بگفــا مـــــــــاتصلح
رشيت مـاي وخضر الطـــــــف مذبح
           رايحـــين
وركضن أجروحي بسرعه
وشدت ضعنها الدمــــــعه
وأصـــبر وأرد منفجعـــــه
        
سالمين…تردون من سفرتكم
سالمين…يالعفتــو أبنيتكــــم   
وأحترگ مثل الورگه'__'بنار البعد والفرگه
           رايحـــين
•••
رديت والبيت الأردلــــــه أشعـنده
الوحشه تكتل ترى العايش وحـده
فكيت بابه وچني طـحـــت بشده
مالحگت مــــو دمعي عمري أتبده
               رايحـــين
ولميت روحـــــــــي أبهمه
وعطشت بصــوتي الكلمـه
راحــو الچـــــــــــانو نعمه

دايمين…يهل الفخر جمعتكم
دايمين…يالــعـفتو أبنيتكــــم          
ماتطفه أله أبملگه'__'بنار البعد محترگه
              رايحـــين
•••
كل الوكت ياناس يرعـــه الخاطر
بس الأغروب أتمــوت بي وتسافر
عگب الأهـل بالصفنه دمعك شاعر
أنعـــــه وأصبر روحي بألكت باچر
               رايحـــين
أيردون أليــــــــه أمنعشه
وأنسه الوجـــع والوحشه
والگه الأجـــروح أمغبشه
شايفين…شنهي الجره بغيبتكم
شايفين…يالـــعــفتـــو أبنيتكــم
كل الوكت مختنگه'__'بنار البعد محترگه
              رايحـــين
•••
وتردني روحي شلون ردت واحد
يعثر أبروحــــه وهــوه تلگا گاعد
الفرگه نار وتچوي حـــــتى البارد
ومشتاگه ألهــــم كلش الله شاهد
               رايحـــين
وتاخذني حـيره الحـيره
والدمــــــع فرفح خيره
ونبرة دعـــــائي أزغيره

غانمين…صرت أدعي يم صورتكم
غانمين…يالــــعـفـتـو أبنيتكــــــــم
بالطيف أدور وألگه'__'بنار البعد محترگه
              رايحـــين
•••
أرسم أحـــــلامي وطيفكم چتالي
وأذره يومــيه برمـــــــــاد أخيالي
بنص الدرب لوميته عندي أحلالي
ولاشفت غيبتكم شسوت حـــــلي
           رايحـــين
وذبلت أبعيني أرسومي
وبالوگعه يخلص يومي
وياروحي أحشم گومي
سامعين…شندبكم آمن اندبكم
سامعين…يالعـفتــــو أبنيتكـــم
رايه وحزنكم خفگه'__'بنار البعد محترگه
               رايحـــين 
•••
خادم آهل البيت،،ع،،
أبوحسين السرگودي...          
•••

♠️قصيدة العليلة♣️عطر طيفك♠️
•••
مـــشتاگه بويه الشوفتك مشتاگه
يردنه الزمـــان وهــــم بعد نتلاگه
لوهيهات..لوهيهات°°°يردالفات..يردالفات
مــــشتاگه°°°°°°°°°°°°°°مــــشتاگه
•••
عشت والطيف هـــوه أيصبر أبعلتي
وعمر بـس أبـــألـم غـــرگانه سالفتي
أضمهه أبروحي خـاف أتفززك ونتي
وتــجيني أمــفـــرع وتشبكني يبنيتي

شنهي اليوجعچ گولي
فدوه يروحلچ طـولي
ويلمني لمــت نهــــــر حاضن راگه
يــردنه الزمـــان وهـم بعــد نتلاگه
لوهيهات..لوهيهات°°°يردالفات..يردالفات
مـــــشتاگه°°°°°°°°°°°°°°°مـــــشتاگه
•••
وشــمنه وتــردلـي العــافيه أبــشمته
ويســـنولفلي وأنــام بحـضن سـالفته
غفــله ولـــن أبوي أبســــــاع فارگته
مشـــــه وضـليت أونن والدمع سكته

وراحووالضعن يحــدي
وبقيت أمعلعله ألوحدي
يـــانـاس والوالـــد ثچـــــيل أفراگه
يــردنه الزمـــان وهــم بعـــد نتلاگه
لوهيهات..لوهيهات°°°يردالفات..يردالفات
مـــــشتاگه°°°°°°°°°°°°مـــــشتاگه
•••
بــــس الطيف لمنه وگمنه بيه نلتــم
أبملامح وجهه متبدي التعب والهــم
أنشــــــدنه ويگلي عـــــــــودچ أمعلم
وأحس أبعيني يركض مودمــع زمزم

يروح وعيني تتأمـــل
جيت الغالي مويرحل
ونامــــــت أعيوني الشوفته سبـاگه
يــردنه الزمـــان وهــــم بعد نتلاگه
لوهيهات..لوهيهات°°°يردالفات..يردالفات
مـــــشتاگه°°°°°°°°°°°°مـــــشتاگه
•••
ونــامـن وأنه روحي من وجعهه أتلوب
الخـاطـر طيفه أغفــه والـدمع مكتوب
تــجــي لوماتجي يالأنته أعز مـــحبوب
أنـام الشوفتك والحـسره تچوي الثوب

وليليه الوجــع يكبر
وأنه أبدمعتي أتعثر
ســــمعت حـنيني وگــابلتني الناگه
يـــردنه الزمـــان وهــم بعـد نتلاگه
لوهيهات..لوهيهات°°°يردالفات..يردالفات
مـــــشتاگه°°°°°°°°°°°°مــــــشتاگه
•••
وأجاني المـغـرب وجايب أبجيته أخبار
رســالة وبيهه دخـــــــــان الخيم محتار
تــرس داري بوحشته وتفتهم كـــل دار
أذا مـــــــابيهه غـالي تشتعل بــــــــالنار

عرفته منذبح چنه
وليل الوحشه يدنه
ومجـــــلس عزائك رايته خفاگه
يـردنه الزمــان وهــم بعد نتلاگه
لوهيهات..لوهيهات°°°يردالفات..يردالفات
مـــــشتاگه°°°°°°°°°°°°مـــــشتاگه
•••
خادم آهل البيت،،ع،،
أبوحــــسين السرگودي...🕊️🕊️🕊️

#عمر_مهجور
...
اليل وفراگك كتلني وهـاي أديه
تفرغ وطيفك يلمني بكل مسيه
والگه بيبان الصور--تاركه بجفني الأثر
     چي فارگتني___چي فارگتني
...
بويه وبحـــــيل الرسايل شرد أخــــلي
آمن الضوه العطشان لابس ثوبه ضلي
هـــــــــايه فرگه وغيركم بالدنيه شلي
والعليله أعيونهــــــــه أبهمهــــــه تدلي

وطيفك بخدي عثر---تاركه بجفني الأثر
      چي فارگتني___چي فارگتني
...
أرجــــــــف واوگع وطيحن مـن أذكرك
بويه فدوه ايروحلك عمري اعله عمرك
عمري مهجـــــــور أبغيابك شرد أخبرك
عشت وحشت مگبره وتيهــنــي صبرك

ويركض بعيني السهر---تاركه بجفني الأثر
    چي فارگتني___چي فارگتني
...
ذبلاني اليل تدري وروحـــــي صحــــره
وين أنوي أجروحي ألگه بجرحي جمره
والابنيه أبلا أبو شيبتهــــــه صفــــــــره
شتله والماي أنگطـــــع وعيوني خضره

ودمعتي أتعادل نهر---تاركه بجفني الأثر
  چي فارگتني___چي فارگتني
...
علتي بردت والأفراگ ابروحي أچيلــه
عمر بي فرگت أبو شيحملــــــــه ليلـــه
وانه أشــــــــــم الگاع شيصبر الدخيله
وأنچفي ويلمني صــــــــــوتك يالعليله

والعمر بعدك گصر---تاركه بجفني الاثر
    چي فارگتني----چي فارگتني
...
وصــرت أدور عنك وأســــئـل حچينه
وگمت أشوفك بويه بصـوري الحزينه
بويه وأعــيون أخــوتي تسئلني وينه
موسؤال الدنيه تبچي چـــــيه بچينه

والتعب شيبه ضهر---وتاركه بجفني الأثر
       چي فارگتني---چي فارگتني
...
خادم أهل البيت،،ع،،
أبوحسين السرگودي...

قصائد السيدة أم البنين،،ع،،
👇👇👇

حنينه وشوگهه أمخجل الرسائل
بشيلتهه الدمـع خـــط يابوفاضل
الدمع كاتب عهدها---مـاتبچي الولدها
•••
رسائلها_رسائلهاالأگبور وهاي ندريها
رسائلها_تبني والدمــع يهدم التبنيها
وتنعى والدمـــــع يتبلل أبغالي
وفراگ الولـــــــد ياناس چتالي
مـاأبچيلهـــم بس منشده حالي
لحسين الدمع بس هوه يحلالي

بچــــــت وعيونهه أتسولــــــف دلائل
بشيلتهه الدمــــــع خـــــط يابوفاضل
الحسين أصبح مجدها---ماتبچي الولدها
•••
يلاگيها_ويلاگيها الدمع وجروحه الشاهد
يلاگيها_وتگله حسين راح وبعــد ميعاود
وهيه أعلـــه الـــدرب تتنطر أخباره
وسومرهـــا التعــب والعين تتجاره
الوجـع من يلتفت بس ألـــم بكتاره
أدعيله اليجي آمـــن حسين ببشاره

وازرعلــــــــــــــه الـــــــدرب كله مشاعل
بشيلتهه الدمـــــــع خـــــــــط يابوفاضل
الحزن كلش ضهدها---ماتبچي الودها
•••
وتسولفله_وتسولفله وتگله أبيوتنه أشصارت
وتسولفله_بعد عينك ترى مثل النجم طاحت
وكل أبيوتنه يحـــسين مهجوره
ويابيت الأطـــبه أيشيلك صوره
راسك عالرمـــح ويگلي مأجوره
وانه أتوچه گوه وحيل مكسوره

الحزن حـسين ماعندي يعادل
بشيلتهه الدمع خط يابوفاضل
وطنها وكل سندها---ماتبچي الولدها
•••
وتوديله_وتوديله أويريح الهاب عطشانه
وتوديله_ماي وگلبي رايد شـوفت أحنانه
وتثوبله الحـــد مــــــــــابينت كلش
أديها آمن التعب مابيها بس ترعش
حتى عيونها يحسين مـــأــــاترمش
أفرگك والوجـــــــع بضلوعها أيفلش

وتزرع والحزن محصول حاصل
بشيلتها الدمــع خــط يابوفاضل
وتنعاله الوحدها---ماتبچي الولدها
•••
ويكلفهه_ويكلفهه الحـــسين العمر بحــواله
ويكلفهه_بس لحسين صاحت شايله اسلاله
على أفراش المنيه وتجري دمعتها
وحرگتهـا بقت بـس جـمر حركتهـا
الدنيه تعــــــــزيه لحـــسين سوتها
هـــــــــــاي أم البنين أتبچي حالتها

وبخـــدمـــــة حـــسين العمـــــر كامل
بشيلتها الدمـــــــع خــــــط يابوفاضل
وعليه ينحب نشدها---وماتبچي الولدها
•••
خادم آهل البيت،،ع،،
أبوحسين السرگودي...

#رسالة_مستحه
•••

وداع الأم صعب ياناس بـس أم البنين أدره
بوداع حـسين والعباس يا تسهيل امـر تقره
•••

وگفت والدمع مكسور..يعين الله الفگــــــــد ناسه
بدمعهه رايتك عاشور..رفت والزعــــــــل جـــاسه
الله أوياك مــن أتگول..الهــــــــوه تتخلبص أنفاسه

توصي بالگمر ياناس يرخص للأخو نحره
بوداع حسين والعباس ياتسهيل أمر تقره
•••

أريدك يالگمر مـــــــــذبوح..مـــاريدك تجي سالم
الأخو يرخص لخوه الروح..حتى أيعـلـــم الوادم
رسالــــــة مستحه العباس..بوگفتك تنكتب خادم

أريدن خوت العباس حرز بس للعرف ذخره
بوداع حـــسين والعباس ياتسهيل أمر تقره
•••

مــــن طوح ضعنهم وين..ضـلت عالدرب تنطر
وينشدهه الدمع لحسين..الغير حـسين مـاتعبر
گالتله ودمعهه الطـــــاح..بوفاء أم الوفه يشعر

كفو آمن الربت العباس يرخص للأخو بعمره
بوداع حـــــسين والعباس ياتسهيل أمر تقره
•••

حنينه وشيبهه ألبي ريل..تتخيل حـــــــچي الناعي
تزرع بالحــچي ألبي ليل..ضوه ويم كل جرح داعي
ياذخــر الحچي المنگول..فزعــــتك هيبت أشراعي

تسهيل أمر كون أتموت وگفه وجرحك أتشكره
بوداع حـــــسين والعباس ياتسهيل أمـــر تقره
•••

وضلت لحد مامر صوت..لبن حــذلم ترى أتساهر
تكتب عالدرب بي موت..درب أحـــــسينه الباچر
وشالت راسهه المرفوع..وگفت وگفه بالـــعـــاشر

هيچ أم البنين أتريدارض الطـــــف تضل گمره
بوداع حسين والعباس ياتسهيل أمر تقره
•••
خادم أهل البيت،،ع،،
أبوحسين السرگودي...

قصائد الامام مسلم أبن عقيل،،ع،،
👇👇👇

#توقيت_الفجر
•••
من أذن أذان حــــسين..مسلم سرفن أزماطه
من وگفته آمبين شيخ..شيخ وكاشخ أبقاطه
     تعرفه من غلاته°°سفير أبكل صفاته
                شيخ وكاشخ أبقاطه
•••
من سولـف وكف الحچي__خلــــــه الرگب تتبده
وكبرت طـــــوعه بياعلي__وحلــت الرايه العگده
وكل جيش من يگبل يرد__بس خيل من الشرده
شربو فشلهم مـــن وكت__من مسلم ألتف وحده

وتنومس ترى الفقار...مــن شاهدهن أچفوفه
دخلهـه الرگب بنذار...الزلم ماتت ترى بخوفه
    ومترهي أبرهاته°°سفير ابكل صفاته
             شيخ وكاشخ أبقاطه
•••
خله الزلـــم مثل الوجع__مـــــــاتندل أبياصفحه
والمنه طاحــــت رگبته__بردت أحچايت جرحه
ورجلين مـاتت بالدرب__والخوف واصــل رمحه
اليل فـــك بابه وعـرف__بمسلـــم تنفس صـبحه

وخلـه المايصير أيصير...وتبلل نده أحساسه
وحده ومايعرف أيحير...مـــافكر يطخ راسه
   يطخ ل.الله بصلاته°°سفير أبكل صفاته
                 شيخ وكاشخ أبقاطه
•••
شمرهم وحـتى السطح__هـــوس المسلم هوسه
من تفترك طــــولك نهر__بالـغيره تغــرف طوسه
ياراية الطــف من ترف__بعيونك المحـــــــروسه
يمنومس الكوفه بفـعل__وللحگ صــرت فانوسه

بأول خــــطوه تهـــــــزم لليل...للطف منرسم دربه
أثنعش مـعصوم عنده الحيل...وبيهم منترس گلبه
      رخص عمره وحياته°°سفير أبكل صفاته
                    شيخ وكاشخ أبقاطه
•••
وقصر الأمـــــاره شماوگف__يوگع ألثامه وطوله
وكل كلمه بيه من تنحچي__ترجــــع ترد مذلوله
مسلــم يخضر بي وطـــن__گلولــــه أي گلولــــه
رجفت أصــور البي بچت__والسبب فز من ذوله

مــن أشر عليهم چــــان...توقيت الفجـــر أشر
مسلم رايه خضره وبان...فشل كل نوايه الشر
    وعرف ساعة مماته°°سفير أبكل صفاته
               شيخ وكاشخ بقاطه
•••
وضل مـلتفت مثل الزمـن__لحـــسين واضح لونه
وبولده لحـــــسين أنتخه__ولحسين تبچي عيونه
ونذبحو ودمهــم وصـــل__غاية فكر مــــــضمونه
وينتچي بتضحيته الورد__ولسانه عطره أيصونه

لوهيچي الأذان أيعيش...لو مـو هيچي مايندل
دور وبرمـــــــاد الريش...الموقف صاحبه يعدل
    بأذانه أتحس حلاته°°سفير ابكل صفاته
                شيخ وكاشخ أبقاطه
•••
خادم أهل البيت،،ع،،
أبوحسين السرگودي...

طوعه بس شيميني إرد ماضيها
ألــه أخـلي إخيولهــــــــم ترويها
راح أكتب عالقصر___فقط مسلم ينذكر
أبعلي يابوالحـــسن مــــن أبديها
•••
أبياعلي شديت حيلي أبكل حرب
وأحنه راية نصراول مـــــــــانطب
لان مــايصعب علينه أكبر صعب
أحــنه أهلها المــوزمه
ومــــــــــاندنگ لضمه
ختم عدنه آمن السمه
والرگب بسـيوفنه أنذريها
اله أخلي أخيولهم ترويها
عالمنابر والشعر__فقط مسلم ينذكر
أبعلي ياابا الحسن من أبديها
•••
علي أنطـاني أحزام أله چان أبدر
ومــــن أشدنه الشكر لـ لله الشكر
الزلـــــــــــــم گدامي تدور عالعذر
وانه إگــول أدلــــلي
طوعه ذكريني بعلي
ارگابهــــــم تركع ألي
شرط من موت الحمر أسگيها
ألـــــــه أخلي أخيولهم ترويها
النه مخلوق النصر___فقط مسلم ينذكر
أبعلي ياابا الحسن من أبديها
•••
عـندي راي الملگه متهزه الرخاص
اليوم يم بابچ أوگفهــــــم قصاص
والشجاعه تعشگ البيها أختصاص
ألـــــه أعلمها الزلم
بطبره وحده تنثلم
وين جــايبها العزم
على درب الشرده يفتر بيها
أله اخلي أخــيولهم ترويها
الزلمه بيهم خل يفر__فقط مسلم ينذكر
أبعلي ياابا الحسن من ابديها
•••
راح إخلــــي الكوفه تشتم الهـوه
أله أسكت أقصـورهم من الضوه
أنه أبن البسملـــــــــه والقـل هو
أقصورهم تصبح ترى
ميته بيهـــــا المفخره
والكتـب تروي الجـره
والرساله البيها حگ نشريها
اله اخلـــي اخيولهم ترويها
بالحرب مامش عذر__فقط مسلم ينذكر
بياعلي ياابالحسن أبديها
•••
راح اخلي حسين  يسمع بالخبر
ويه كل طبره انه احسنه افتخر
والرسالـــــــه الخانته ادور المفر
والرسالــــــــه الباعته
أحترگت بضل دعوته
والاخــــــبار الوصلته
مسلم امذكر الزلم ماضيها
اله أخلي اخـيولهم ترويها
وبسلامي آشگدصبر__فقط مسلم ينتصر
ابياعلي يااباالحسن ابديها
•••
خادم اهل البيت،ع،
أبوحسين السركودي

قصائد الأنصار
👇👇👇

أحزام الأنصار علي حامي الحمه
أحزام الأنصار علگ مــــن فاطمه
شــدو الحيل بعلي
وعلي تلحگ ياعلي
أحــزام الأنصــــــار
•••
حتى رايتهــــــم ترتل ياحـــسين
اليوم يومك والفعل يهوه اليقين
اليوم نكتـب عالهوه
ألنه تشهــــــد نينوى
الضــوه يفزع لضوه
واحنه نعشگ كل حرب بأمر السمه
أحزام الانصار علگ مـــــــن فاطمه
شدو الحــيل ابعلي
وعلي تلحگ ياعلي
أحــــزام الانصــــار
•••
العشگ بي قانو عـابس وي حبيب
ومسلم وجون وجرحهم والمشيب
ورتفع صوت العشگ
أمـبلل أبماي الصـدگ
أنموت بس مـانفترگ
وحــيّ الحب حسين وأحنه أنكلمه
أحزام الأنصار علگ مــــــن فاطمه
شدو الحــيل أبعلي
وعلي تلحگ ياعلي
أحــــزام الانصــــار
•••
مـــاندنگ لو أنموت وهـــم نموت
ولوبحب حسين هم يبلعنه حوت
اليوم بالطــــف ننولد
بعاشر حــسين المجد
البحث بالحب نجتهد
آيه آيه أنقلــــد حــــسين أبضمـه
أحزام الأنصار علگ مــــن فاطمه
شدو الحــيل ابعلي
وعلي تلحگ ياعلي
أحــــزام الانصــــار
•••
عمر نتنطر لحـــــــد أخـــــــر عمر
لوبعــــد يوم أحــــنه لطف ننتظر
حـــسين قبلة مـرجله
وطرح أعظم مــسئله
والجـــــــواب أبكربله
حـــسين افظل خــــاتمه للخـاتمه
احزام الانصار علگ مــــن فاطمه
شدو الحــيل ابعلي
وعلي تلحگ ياعلي
أحــــزام الانصــــار
•••
اليوم تشتم كربلــه أبدمنه الورد
وتلگه لزهـــــره علگ بس منعگد
علي ياحــــيدر مدد
أبدمنه مكتوبه بعهد
والعرش شاهد شهد
ومحكمه بكربلـــــه أكبر محكمه
أحــزام الأنصار علگ من فاطمه
شدو الحــيل ابعلي
وعلي تلحگ ياعلي
أحــــزام الانصــــار
•••
خادم آهل البيت،،ع،،
أبوحسين السرگودي...