#قصيدة_ذرة_حلم
••••••••••••••••••••••••••••••••••••••••••••••
لويمهه  الگمر  يحمل  نعشهه
وعلى التابوت دمعاته يرشهه
ورايته أترف أبشرف!!!!وچادفنهه بالنجف
••••••••••••••••••••••••••••••••••••••••••••••
ويحملهـه  الگمر  بيده...
ودمعته   أتأذن   أبخده
وبدمعه  الاذان  أوداع...
الجنازه أيشيلهه الوحده
ويحزم  خياله  الماي...
ويسولف  بالعطش زنده
ويجود  آية  التطهير...
وحرورت دمعته أتسنده

_ويبچي والدمع يوصل لديهه_
_من گدما  حزن  دخن  عليهه_
ويمشي خطوه ولن وگف!!!!وچادفنهه بالنجف
••••••••••••••••••••••••••••••••••••••••••••••
وبعين   الهوه  دمعات...
من  گد  ماسمع  نوحه
وتلثم   حسرته   الآه...
الهوه  نسماته  مذبوحه
وأبوفاظل دمعته أعيون...
زينب عايشه  أبروحه
وذا شايل نعشهه أنشوف...
الخريف بشجرة أجروحه

_ويتبده الحزن من مستحاته_
_وأبوفاظل نذر زينب  حياته_
وبحسرته أشگدوسف!!!!چا دفنهه بالنجف
••••••••••••••••••••••••••••••••••••••••••••••
ويدفنهه ويعيش الليل...
مثل الما ألـه چن دار
ويحاچي الگبر ويگول...
ما أشعل بخور  أبنار
خافن بالگبر وتشوف...
رقيه حافيه  وتحتار
تنشد عن صباح الخير...
أبوهه الما عرف يندار

ومن حگه الحزن رك  أبچفوفي
والهذا   أعله زينب چان خوفي
والوكت هم مانصف!!!!چا دفنهه بالنجف
••••••••••••••••••••••••••••••••••••••••••••••
ويشم    الگبر  بحساس...
ويرتل ضوه أچفوفه
ويرسم  ع الگبرعينين...
شيع  بيهن  أطيوفه
ويفيض آمن الخجل عباس...
بگبرهه أوزينب أتشوفه
ويصلي صلاة الليل...
ويسومر كلشي بجروفه

_ويگول  الجرح   فرع  ونينه_
_وحگه من يون زينب حنينه_
والدمع چفه رجف!!!!چادفنهه بالنجف
••••••••••••••••••••••••••••••••••••••••••••••
ويشوف الرايه تتنگب...
يم گبر العقيله أتريد
ما متعلمه ع  الفرگه...
وعن زينب تصير أبعيد
ويگلهه الغالي من أيروح...
ومن يجبل عليه العيد
چنه أهلال حالي أيصير...
لأن حزن الاعزاز أمچيد

وبگلبي   الألم    ناصبله  خيمه
وزينب من مشت روحي يتيمه
وذره من حلمه أنوصف!!!!چا دفنهه بالنجف
••••••••••••••••••••••••••••••••••••••••••••••
خادم أهل البيت°°ع°°
أبوحسين السرگودي…🕊🕊🕊

#قصيدة_ياعلي_أعيش_أبگبتك
°°°°°°°°°°°°°°°°°°°°°°°°°°°°°°°°°°°°°°°

أعيش  أبگبتك    وبابك   أتوضه
يماي الگصه أنت المانگص لحظه
🌲🌲جدار الكعبه ألك سال🌲🌲
🌲🌲عرف بيك أنت خيال🌲🌲
حتى البيت يعرف بس علي أيحفظه
حتى البيت يعرف بس علي أيحفظه
......................................................

علي وحبك يضل حاضنته الأسطور
يكعبه  وچف  نبي  وحساس ناطور
ويهلال   الكرامه    أوكشختك   نور
وأذان أوصوت رحمه ودنيه وقصور

🌲🌲وجنه   وأخره  وخير🌲🌲
🌲🌲يالمفسر حچي الطير🌲🌲
الكتاب   أبدينه  تعرف  منهجه ولفظه
وحتى البيت يعرف بس علي أيحفظه
.......................................................

جدار الكعبه  شافك فتح ذرعانه
ورجفت شكو گاع أتعيش جوانه
أجه  قاتل   هبل   وللأت  حزنانه
علي أبمالات  ألله أيسرفن أردانه

🌲🌲علي  منيگابله   الليل🌲🌲
🌲🌲خزرته أتصير سجيل🌲🌲
صلاة الموت أسمه أبكل حرف  فرضه
وحتى البيت يعرف بس علي أيحفظه
.......................................................

علي   قائد   لذالك  كلشي  يركعله
بضوه القرءان وضه السانه وبفعله
علي  أمحزم  مواقف دنيه تسمعله
وذا  دنگ   علي     معناهه   يتعله

🌲🌲يدنگ يدخل أگلوب🌲🌲
🌲🌲رافع  راس الحروب🌲🌲
واليعشگ    علي   هذا   أشكبر   حضه
وحتى البيت يعرف بس علي أيحفظه
.......................................................

مسح  راس   الهوه  وخلاه   عطر  عنبر
وصمته أشما تعيشه أيطگ  طعم  كوثر
علي   أگصير   ولاكن   فعله    ما يگصر
وذا   يغتاض    حيدر     حشم   أبحيدر

🌲🌲علي يتبلل أحساس🌲🌲
🌲🌲وخبزه أيصير لناس🌲🌲
ورحمة  الله   ترست   دمعته   أونبضه
وحتى البيت يعرف بس علي أيحفضه
.......................................................

أجيتك وانه عاگد  حاجتي  أبردني
يالمعيشني عشگك  وأدري  متردني
يشهگة  ماي  وأنت النفس  متهدني
وكت  يهوه  الوجوه  وأنخه تبعدني

🌲🌲خليني  بوجهّ  طين  🌲🌲
🌲🌲يعشگ خدمة حسين🌲🌲
ينية   خير   بيض    وجهي    لترفضه
وحتى البيت يعرف بس علي أيحفظه
.......................................................

خادم أهل البيت...ع...
أبوحسين السرگودي...🕊🕊🕊

#ياعلي..
الجدار الحيدر أنطر ماطرألهم
خـــبر يشبه الهـــاذه ماطرألهم
أبمولد علـــي الدنيه ماطرألهم
أمامه وعدل مطرة عالبريه
•••
بسملـــة أبعلي ولــن الجـــــــــــدار أنطر
جدار الشعر وحـــــــــده أبيا علي أتفطر•
لحد مـاغص شليلي الصورة تترس بيت
والطــــــبره الضخينه أبكـل وگــت تگبر•
فلاح وتشكل والحـوي أعلــــــــــه اللون
وين الراويه البيهـــــــه الشعــــــــر يثمر•
وين البيهه دفعت بلــــــــــــه أطيح أهنا
والحبك علي بكل سالفـــــــــــه أمـــقدر•
أجيت المولدك شايل مـــــــــــحنه وماي
ولگيت أهـــل الحـــــــــوائج ورد يتطشر•
وشفت أبابك أمحمله الأچفـــــوف أچفوف
وأنت أتچيل فــــــوگ الچايلـــــــه وأكثر•
وأجيت أبلهفة الشايل أبروحــــه أعـــزاز
ونخيتك لأبو صـــــــالح تدعي خل يضهر•
✍️خادم أهل البيت،،ع،،
أبوحسين السرگودي....🕊️🕊️🕊️

(أنا الذي سمتني امــي حيدرة
ضرغام آجـــامٍ وليث قسورة)
ياعلي..
چـــــم حيدر أبحيدر سمة الناس°°
وحــرف الأسم لسمك گلبه ظامي••
أذا اسمك نذكره ايرجف الحروف°°
وجـــــــوبن لسمك أدنگ الأسامي…

خادم أهل البيت. ع.
الشاعرابوحسين السرگودي…

علي  هيبة  سمه  وهالفكره  مدروسه
من شگت زيجهه الكعبه العلي بهوسه
موشگت  حزن  بس   فرح   متروسه

🍂🍂هاها
چانت تعرف بالكرار
الكعبه ازماط ازامط
🌿🌿🌿🌿🌿🌿🌿🌿🌿🌿🌿🌿🌿
وهبل وللآت أجاهم سيف ذوللفقار
ويرد   أتراب  يرجع  طولهم  يندار
الله  أبيته  يعرف   حارسه   الكرار
🍂🍂هاها
ومحد يوصل بيته
وحيدر واگف بيه تاريخ
•••
خادم آهل البيت،،ع،،
أبوحسين السرگودي...

يازينب

عنكم يسئلني المنبر...والمدمـع ضل يتعذر
وبقت عيني بصوركم•••وغريبه وأنه أختكم
عنكم يسئلني المنبر...والمدمع ضل يتعذر
------------------------------------------------------
عشت حيرة غريبه°°توزرهه المصيبه°°
وصور____صور !!! أخوتي!!!
ورجع بيه حنيني°°لبو الأكبر يجيني°°
وگمر____گمر  !!!سلوتي!!!

ردت گبل المنيه  أتلاگه وياكم
وشمنكم  آبگد  مابيه  ملگاكم

تدرون أبموتي أتحضر...والمدمــع ضل يتعذر
الهوه جـاني أبخبركم•••وغريبه وأنه أختكم
عنكم يسئلني المنبر...والمدمع ضل يتعذر
------------------------------------------------------
الهوه أيحاچي أبصفنتي°°وأحس نشغت دمعتي°°
أجو___أجو!!!أگلهه!!!
وتگلي الغالي غالي°° وذبل واهس سؤالي°°
درو___درو!!!بأجلهه!!!

روحي    والمدامع   ركضن   أبهيمه
وأحس الطف رجع وأحترگة الخيمه

وشنسه أنه وحتى أتذكر...والمدمع ضل يتعذر
أحترگ حرگت خيمكم•••وغريبه وأنه أختكم
عنكم يسئلني المنبر...والمدمع ضل يتعذر
------------------------------------------------------
عرفت العازه عازه°°أذا تمشي الجنازه
بلا___بلا !!!چتفهه!!!
تحس هيه بثگلهه°°الما  شايفهه ضلهه°°
فلا___فلا!!!عرفهه!!!

حتى  لويجيني   حسين?وضلوعه
متهشمه..وكفيلي أچفوفه مگطوعه

وشيلم أجروحي التكبر...والمدمع ضل يتعذر
وحچه دمعي وعذركم•••وغريبه وأنه أختكم
عنكم يسئلني المنبر...والمدمع ضل يتعذر
------------------------------------------------------
وردت چفني أنه رايه°°الگبل چانت عبايه°°
أبزمن___زمن!!!كفيلي!!!
لأن   عشت   أبكفاله°°الگمر عشت أبدلاله°°
وطن _وطن!!!دليلي!!!

أأئمن   بالگبر  چيه  ريحته  أبكتري
لأن أدريه گمر  حتى  أبسمه   گبري

وأترابه أبذكره أتعطر...والمدمع ضل يتعذر
وعشت أخر ذكركم•••وغريبه وأنه أختكم
عنكم يسئلني المنبر...والمدمع ضل يتعذر
------------------------------------------------------
أنختم عمريه بعزيه°°ونعتلي أمي الزچيه°°
ألولد_ألولد!!!ييمه!!!
ونعيت أعله الأخو°°وبچت صاحت كفو°°
بعد___بعد!!!شلمه!!!

توذر  والنهر ضل حافظ أجروحه
أخوي الخدري يمه رخص بروحه

والموت الروحي أتحضر...والمدمع ضل يتعذر
ودعيت ألكل يحبكم•••وغريبه وأنه أختكم
عنكم يسئلني المنبر...والمدمع ضل يتعذر
------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️

#قصيدة_نهر_الدمع
°°°°°°°°°°°°°°°°°°°°°°°°°°°°°°°°°°°°°°°°°°
عشت  آنه أبجرحكم   وكت  الأفراگ
ويم كل ذكره دمعي أيصيح  مشتاگ
نهر بس يحچي عنكم---دمعي أشگد ذكركم

°°°°°°°°°°°°°°°°°°°°°°°°°°°°°°°°°°°°°°°°°°
براسي  النار  تركض   ركضت    أمعزب
وشوف  الخيم   توگف  وگفت  المغرب
عليكم   نوحي  حدب   حتى   ألمحدب
وعفتكم  وأنه عمري أيام  ظل  يحسب

عمري ولا عمركم---دمعي أشگد ذكركم
ويم  كل  ذكره  دمعي  أيصيح  مشتاگ
°°°°°°°°°°°°°°°°°°°°°°°°°°°°°°°°°°°°°°°°°°
وناشغ     والصور      تلچمني     وتناشغ
تعالو   والفراگ   أبوجهي    ظل    صابغ
اليل   أبلا   نجم   هم   ينحسب    فارغ
بدمعتي أنصاغ صبري أتگول چف صايغ

وحگ دمعة صبركم---دمعي أشگد ذكركم
ويم  كل  ذكره  دمعي  أيصيح  مشتاگ
°°°°°°°°°°°°°°°°°°°°°°°°°°°°°°°°°°°°°°°°°°
وعشت بس أشعشت  والغربه  چتاله
وعليكم صبري  سومر  ثوبه  وأخياله
الأخت  تحتاز  أخوهه  وتكبر  أبجاله
أذا   حست    نعشهه   چتفه    تچاله

ويغيم فيّ صوركم---دمعي أشگد ذكركم
ويم  كل  ذكره   دمعي  أيصيح   مشتاگ
°°°°°°°°°°°°°°°°°°°°°°°°°°°°°°°°°°°°°°°°°°
وتردون     التراب     أعليه   وأطمن
عليكم   والوجوه    أبحرگه   يتلثمن
وشوف أجروحي  مثل الماي   يلتمن
يالمحزمني  طفكم   فدوه  لو  يعمن

عيوني وبس أشمكم ---دمعي أشگدذكركم
ويم  كل  ذكره  دمعي  أيصيح  مشتاگ
°°°°°°°°°°°°°°°°°°°°°°°°°°°°°°°°°°°°°°°°°°
بس ماأدري  هيچ الگاع  تكسرني
تاخذكم   وينگع    بالصور   ردني
ويسير سالفه بحلگ الحزن حزني
وحگ شيبت صلاتي مانحت لبني

الفزع دم بفزعكم---دمعي أشگد ذكركم
ويم  كل  ذكره  دمعي  أيصيح  مشتاگ
°°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت،،ع،،
أبوحسين السرگودي...🕊🕊🕊

رساله من الامام الحسين،،ع،، الى السيده رقيه،،ع،،

•••

شوگ جـــايبلچ ترس حيلي أشأگول
وعلگ بيه ريحت الطــف وكل جـــرح••
ودمعه بيهه أمـــسومــر اليل الغميچ
وراية متبدي أعلـه أفيهه أشچم صبح••
وشوغه بيهه الأبو أموديلچ تعــــــاي
وراسه مـــن أيميل تچــالــــــه الرمـح••
وينزف أسمچ من نحر شيبه العضيم
مــــن يمر طــــــــــاري الحبل لو يلمح••
وحتى حيل الخيم هـــــم أنهد عليچ
وألگه بيه باب البعـــد ضــــــل منفتح••
حــــــــتى راية گبر أبوچ أترف تگول
صفره گبته ولونهـــــــــــه مـــاينمسح••
يارقيه آشگـد حنينه أبشعري مــــــاي
وعطش جــرحچ وانسگه أبصم الملح••
°•°
خادم اهل البيت ،،ع،،
أبوحسين السرگودي...🕊️🕊️🕊️
👇👇👇
هـــــاي وصيه مني توصلهه لسيدة رقيه،،ع،،
👇👇👇
سلملي عليهـــــــــــا وگلهــــه خجلان
ودزلچ نعي آمــــــــــن أبياته الجديده°°
وتلچمه أحروفچ ومن يرجع أيشوف
على أجـــــــروح الحرگ كاتب قصيدة°°
ويتبلل عطش مــــــــــن يذكر الماي
وعلــــــــــى گبرچ ركض گلبه اويأيده°°
يريد امراده توفيقچ ألــــــــه ايكون
وألـــــــــــه أتودينه بس يوصل بريده°°
خادم أهل البيت،،ع،،
أبوحسين السرگودي...🕊️🕊️🕊️

#للحن
#قصيدة_نهر_الدمع
بصوت الرادود المخلص سيد حمزةالياسري👇👇

چــتف يغـلــب چــتف جيناچ وبهمه
مـــن الله خلقنه أنمــوت عالخـدمه••
وگفنه أبابچ وشفنه الــعــلگ عــباس
أچتاف أجـــنازتچ فصلهه من أسمه••
تطيح ادموعنه أتخضر خـيم عالگاع
اليصــــــد الگبتچ يتكحل بحـــشمه••
يماي أوجوهنه حزمينه نبچي اعليچ
ترى بطارف جــــرحنه اتبين اللچمه••
يريحة فاطمه البيهه العطــــر قراءن
أرزقي الما آجـــــــــاچ أزيارتچ نعمه••
✍️خادم السيدة زينب،،ع،،
أبوحسين السرگودي...

#رساله_من_الأميره_زينب_ع_الى_من_يهمه_الأمر
أخوكم الشاعر أبوحسين السرگودي...

قصيدة الأمام الكاظم،،ع،،يواسيني،،
..


يواسيني..يواسيني..موبيه بحسين اليحب يواسيني
ويناديني..ويناديني.. ويلاه عالضامي بحزن يناديني
...
بوجـهّ التعب--بلون السبب--
ودموعه گامــت تفــتح أبقيدي
بخده الدمـــع--يرسم ضلع--
وخلاه أگبالي وشاف كسرأيدي
وسير جرح--أبراس الرمح--
وثگل الحــــديد أميتم أوليدي
أبروحه الألم--جـمر وخيم--
ويثگل أبدمعه چن ثگل جيدي

ويبچيني..ويبچيني..أعله حسين هنياله الذي يبچيني


...
وأقره الحمـد--مـــــــاي وبرد--
لخيامه وأركض ركضت الضامي
صــوب النهر--وألگـــــه الگمر--
أباب الخـــــــويه أيرتل أصيامي
ويلتم نفس--أبريتي أنحبس--
ألهـــــــــم أمبين حـــيلي وأيامي
وعشت السجن--گاعـــد أون--
بيحسين خويه حــرگو أخيامي

ويدليني..ويدليني..الدمع وأباب العزه يدليني

...
وعايش عمـــر--يغثني الشمــر--
وأبصحني ردته أنه أسمع الناعي
ويقره أبأسف--طف أعله طف--
كون أبلطمتي أكســر أضلاعــــي
حــتى اليجي--يشـوف البچي--
وأهنا يترجـــــم كلشي بوجاعي
ويلگه الضـوه--أمــبلل هــــوه--
والحــزن شايل صلطة أقطاعي

ويسليني..ويسليني.. من أبچي لحسين البچي يسليني

...
ويلبس زعـل--ألكل معتقل--
بعــيونه دم الحــــگ ركض لونه
وشايل أسـم--مــــاينقسم--
وحــسين قبله أشــما يسجنونه
ويهب وهب--وكت الطلب--
لــودينه حــــــشم يفزع أبعونه
ويلزم سـره--بدم مـــنحره--
وهيهات مـــــــــن الذله قانونه

ويحاچيني--ويحاچيني--موقفه مو هوه بحچي يحاچيني

...
وشكرآ ألــــــه--مــــن كربله--
ومن يمي هم شكرآ أله أجروحي
عشت أبوطن--خضر صحن--
وبموكبه يقـــرالــــــــــه مذبوحي
واني ألتفــت--بالطف متت--
ولحسين عايش تلگه بس نوحي
وعشت البعد--قــيـد أبزند--
بس عمتي زينب عايشه بروحي

ويوديني..ويوديني..والعمتي زينب كل وكت يوديني

...
خادم أهل البيت،،ع،،
أبوحسين السرگودي...🕊️🕊️🕊️

بجرحك أيسولف ضعن°_°بي سبايه اتيتمن
وأنت مجروح__ودمعك أينوح
                  ياباب الحوائج
•••
جرحك أيقبله النده..والوردعطره أهتده..وهمه ضلام
ليل سجنك مـارخه..الصبر چـــان أيأرخه..
وهمـــه ضلام
الوحي چان أبكل فرض..أيأذن أبگلبك نبض..وهمه ضلام
وتشتعل حكمة سمه..بمطر عينك أوسمه..وهمه ضلام

العطش بچفــوفك سنابل
أبروحك أيعيش أبوفاضل
جوده مذبوح___ودمعك أينوح
                   ياباب الحوائج
•••
الروح مدفونه أبدمع..تحترگ مثل الشمع..وعينك أتشوف
بيك چم شاخت ألم.. ويشتعل بيك السهم..وعينك أتشوف
توگف أبطول الهوه..والنفس دربه انجوه..
وعينك أتشوف
من تشوف أنت الجره..چم عبايه أماسره..وعينك أتشوف

تنسه همــــــك والتريده
من تحس زينب وحيده
وكلشي بي روح____ودمعك أينوح
                    ياباب الحوائج
•••
أيدمع أعيون الشمس..نور صوتك ينعكس..أبوجهه الأيام
شلون زينب تنسبي..ها يتل الزينبي..
أبوجهه الأيام
تدري لمن داستك..منهه صارت هيبتك..
أبوجهه الأيام
وتشتعل نار الخيم..وأنت واگف والألم..
أبوجهه الأيام

ليش ياتل مــــــــاتصارع
كلشي بالطف بي مواجع
وأنت متروح_ودمعك أينوح
                      ياباب الحوائج
•••
بخاطرك چم ملحمه..والضلوع أمهشمه..
وصوت بي نار
ألمن أدير الدمع.. الياظلع والياظلع..
وصوت بي نار
بالسجن تنصب عزه.. الونه بيك أمعززه..وصوت بي نار
أطفالك أتعيش البعد..وأنت للهم تستعد..
وصوت بي نار

مـــن يمر طــــاري حميده
أتصيح وينه الموت أريده
همهه مسفوح____ودمعك أينوح
             ياباب الحوائج
•••

بكل سجن تارك أثر..وعالجسر راسم صور..ثار الأحباب
چم رقيه تانتك..ألهه ترجع رادتك..
ثارالأحباب
سهرت عين الدرب..يامحب وغله محب..
ثارالأحباب
وأنت گظيت العمر..بالسجن بس تنتضر..
ثارالأحباب

عشت آهـــــــات المصيبه
وقلمي ظل يرجف نحيبه
جرحه مملوح____ودمعك أينوح
                       ياباب الحوائج.
•••
        خادم آهل البيت ..ع..
         أبوحسين السرگودي...

#قصيدة_صوت_العزيه

•••
صوت العزيه
بالكاضمــــيه
اذن حمـــــيه
الــــلــــه أكبر
•••
بكل خطوه راكز_صوت المعاجز_واليمشي فايز_ياجعفريه
بخطـواته تلگه_شبگه أعلـه شبگه_شايلهه ملگه_ياجعفريه

بثوب الحچي المكتوب تلگه النصائح
اتخضر صــــــور وعيون بيهه النوائح
بالخطوه بين حـــــيل عكس المصالح

بكل خطوه مكتوب
باب الله مــــحبوب
بالكاضمـــــــــــــــيه
الــــــــلــــه أكــــــبر
•••
باب الله دربه_مــــايلگه غربه_جـــامعهه حبه_كلمه بوصيه
تقراهه خــوه_تشرحهه نخوه_تجمعهه خطوه_كلمه بوصيه

والرايه عدهـه السان تطلب حوائج
والعگده عدنه أتعـيش مثل المناهج
وأزيارة المسمـوم ســــــــم للخوارج

كل مـايمر عـام
تخضرله خـدام
بالكاضــــــــميه
الـــــلــــــه أكبر
•••
آهـــــــلآ يزاير_بلـــون الشعائر_بيهه آنت سافر_شايل قضيه
خلي اليشوفك_راية ويطوفك_قاهر ضــروفك_شايل قضيه

خل حزنك أيضل دوم مـــثل الروايه
بصوتك حچي العطشان متبدي مايه
أترسخ اللطم تاريخ مـــــــــن البدايه

وتختمهه الأسنين
بثارات الحـــسين
بالكاضــــــــــــميه
الـــــــلــــــــه أكبر
•••
وخليهه بغداد_تقره الفرج غاد_يالدمعك أمراد_بوجهّ المسيه
وقره آنت الأبيات_بيهه الدمع بات_بياصبر الآيات_بوجهّ المسيه

خــــلـي الزچيه أوياك تنصــب عزاهه
وصوت الحــــزن بي نار سمو ضناهه
وتنشر حزنهه آهلال بچف كل سماهه

وكل همـــك أيهون
من تبچي الاعيون
بالكاضــــــــــــميه
الــــــــلــــــــه أكبر
•••
خادم آهل البيت،،ع،،
أبوحسين السرگودي...

👆👆👆
#قصيدة_صوت_العزيه
بصوت الرادود أحمد الدريعي
كلمات أبوحسين السرگودي...

عن أبوها تنشد المعصومه---يالرضا غابت علينه علومه
***
تگله خــويه ولاخـــبر مـــــــنه لفه
ليش طلت غيبته وشخصه اختفه
مـــــاأضنه أيجــــــازي بته بالجفه
ولا أضنه أيعــــوفني مغمومه
***
خويه أبو محمد يبن داحي الباب
أنشد الوفــــــاد نشدك مـــــايعاب
بلكت المحجوب رد منه جــــواب
ندعي ربنه أيزيل كل أهمومه
***
صبر مـاضل عندي اوگلبي انفطر
وروحي شاطت خايفه صاير أمر
كل أهـــلنه الماگضه بسيف الغدر
ايغيب عنه وچبدته مسمومه
***
أيگلهه خويه ومدمعهه بخده يسيح
أبأمـــــــــــــر أبونه نبتهل لله ونبيح
أبجاه جدنه ألي گضه بالطــف ذبيح
يهلك العاداه هــــــوه وگومه
***
غيبه الطـــــاغي علينه بالحـــبس
أمگيد وبسجون ميشوف الشمس
صابر أعله الصار وأمـطمن النفس
للفــرج لابد يگرب يومــــــه
***
خادم آهل البيت،،ع،،
ستار جابر الزرگاني

#قصيدة_ياباب_الحوائج
#أداء_الرادود_الحسيني_سيد_ضياء_المحنه
كلمات أخوكم أبوحسين السرگودي...