¤¤قصيدة التابعي سعيد ابن جبير¤¤
.................................................
جرحك أية اصرار---رتل بأسم اﻻحرار
            وراسك عالرمح صار
            چـيه شايل علي تاج
•••
أبحرگة جرحـــــك أيسولف جرحنه
ولگينه أحروف  فجرك چن صبحنه
وراسك عالرمــــــــح ترجم  شرحنه
الموت أبحــــــــب علي راية فرحنه
ﻻن  حـــــيدر خليفه
المهم شنهو السقيفه
ودمك ثورة أنذار---يضل كل عام وهاج
            چيه شايل علي تاج
•••
وگفت أوچان جرحك بيه مسافات
أبأية صـــــــــــبرك أترتل الفراشات
وجلـــــــد السيف كزبر يمك أومات
ﻵن..لذله  يسمع صـــــــوت هيهات
هزهــــم صوتك أبزود
وكﻻمك حكمه وجنود
وصوتك چان فقار---يذبح ألف حجاج
            چيه شايل علي تاج
•••
الدنيه ألصـــــوتك أستمعة يصنديد
وكﻻم ألحگ نبي أبكل كلمه تجويد
الظلـــــــم هزية طوله أبعالم  أبعيد
عالـــــم  بي علي  بي  يفرح  العيد
وشايل راية أسلام
وهــدم كل الأصنام
وتحرس نسمة الغار---الألهه الدين محتاج
            چيه شايل علي تاج
•••
أشگد شايل حـقيقه أبراســـك أدور
ثوره ونار باب أومــــــــــاي عاشور
الظالم ظن گضه من گص الأسطور
البراسه  شمــــــس مايطفه بي نور
تضل مشتعله اﻻنفاس
ﻷن الغيره  بالــــــراس
ودمك يحرگ النار---ورظيت أبگطع الأوداج
             چيه شايل علي تاج
•••
لذالك مــــن نزورك نشعــل أشموع
بدمعنه ياسعيد أتعيش مـــــوظوع
ﻷن بسمك توظة حـــــتى اﻷدموع
وراسك نصر عالي أنشوفه مرفوع
شايل  هامـــة  الدين
مشية أبدرب الحسين
عايش غيرة الثار---نقره بيك منهاج
            چيه شايل علي تاج
•••
خادم آهل البيت--ع--
أبوحسين السرگودي...🕊🕊🕊

ياعلي.
شالت صورتك شيلت الماي أبعين.
✍️أبوحسين السرگودي...🕊️🕊️🕊️

نعي التابعي الجليل سعيد أبن جبير
رضوان الله عنه
•••
راسك للذبح يترتل ابرمــــــــــــحك
چبير ومــــــابرد مثل الجمر جرحك
گطعو راسك وخضر شمـس صبحك
وتفرهد رايهم وعـــيونك أتصلي
•••
تفرهــد رايهـــــم يمحــــــزم الشيمه
أنت أشرتلت شـوكل حـــــرف خيمه
أضن لحسين مجلس نحرك أيجيمه
واليقره لحسين أيكون مـــــتعلي
•••
قريت ودمـــــــعتك تتوضه بالعبره
وماتنسه الحــــسين أمعاهد الزهره
يذبحونك ونحــــرك بس نعي يقره
زحمه ايشوفني حسين انه متخلي
•••
شلون أتخله عنه وعن خدمته شلون
وانه الرمـــح هــوه الصار اليه أمتون
واگــــــف والذبــح رديتله أنت أتهون
اذا مــــو للحــــسين أبدنيتك شلي
•••
✍️خادم اهل البيت،،ع،،
أبوحسين السرگودي...🕊️🕊️🕊️

#أمنية الأمام الحسين،،ع،،
°°°°°°°°°°°°°°°°°°°°°°°°°°°°°°°°°°°°°°°°°°°°°

وين وين،،،،ياجرح ضليت أشوفك حـاضن الباب
وين وين،،،،والحزن بعيوني راسم صورة أحباب
راحت أمي أودعتهه---ودمعي يكتب فارگتهه
وين وين----وين وين
°°°°°°°°°°°°°°°°°°°°°°°°°°°°°°°°°°°°°°°°°°°°
الهسه نــارك تشعل أبعيني التصاوير
وبسبب دمعي طلــع شيب التفاسير
عشت دمعه أبخد يتيم أمفارگ الخير
ومن أگولن يمه أشاهد شنهي اليصير

عين عين،،،،من كثر دمعي طلعلي أبوجهّ الأتراب
وين وين،،،،والحزن بعيوني راسم صورة أحباب
أزغير وأمي شيعتهه---ودمعي يكتب فارگتهه
وين وين----وين وين
°°°°°°°°°°°°°°°°°°°°°°°°°°°°°°°°°°°°°°°°°°°°
گام يخنگني الغروب وتحچي عيني
وأنه أحس أبصدري يتكسر حنيني
چني أشوفچ بالصلاه يالما تجيني
وملگه شايلچ يخيمة چف يقيني

دين دين،،،،بيچ وصه أشكثر يادستور الاحجاب
وين وين،،،،والحزن بعيوني راسم صورة أحباب
وبحلم لمن شفتهه---ودمعي يكتب فارگتهه
وين وين----وين وين
°°°°°°°°°°°°°°°°°°°°°°°°°°°°°°°°°°°°°°°°°°°°
أنه متمني تعيشين ألي عشته
حتى جرحي تبرد بچفچ حرگته
ردتچ أبكربله والما ردته ردته
ويه زينب والسبي تحرگ جمرته

حين حين،،،،عالرمح راسي وتگلي بزودك أنهاب
وين وين،،،،والحزن بعيوني راسم صورة أحباب
خطوه خطوه ماعفتهه---ودمعي يكتب فارگتهه
وين وين----وين وين
°°°°°°°°°°°°°°°°°°°°°°°°°°°°°°°°°°°°°°°°°°°°

الجرح من نتقاسمه أتعيش ألمحنه
الهسه ضلت أخنه أتباري بظعنه
وعاش عبدالله دليل أبچف صورنه
ودم رقيه الهسه ضل أيعيش حنه

بين بين،،،،ردتچ أويانه نشارك هذا المصاب
وين وين،،،،والحزن بعيوني راسم صورة أحباب
وروحي بالآه حزمتهه---ودمعي يكتب فارگتهه
وين وين----وين وين
°°°°°°°°°°°°°°°°°°°°°°°°°°°°°°°°°°°°°°°°°°°°
الولد من أيموت كون أتحضنه أمه
حتى يسمع صوتهه من تنعه يمه
ومن تظمه أيهيد جرحه من تظمه
وجسمه الأتوذر يحس بيهه تلمه

زين زين،،،،لا تظميني أعرفه أبصدرچ أنعاب
وين وين،،،،والحزن بعيوني راسم صورة أحباب
حزني قصه وسولفتهه---ودمعي يكتب فارگتهه
وين وين----وين وين
°°°°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت،،ع،،
أبوحسين السرگودي...🕊🕊🕊

(العطش يبقى عطش يردون أگله نهر لوموت ماجامل)

مهرحان تأبين الشاعر الكبير سميرصبيح كلية الأداب.
التفاصيل داخل البوستر.
👇👇👇

             #قصيدة_ويـن_العـــرب
...
   مـره وتنطگ---وتفرهــد حـگ
ويـن العـــرب ويـن أويـن غيرتهـــم.
مـــــــــاعرگت خجل ليهسه گصتهم.
...
وين النخـوه وين السرفن أردانه
يهجمون أعله بيت الـخير باذانه
لو مــاكو وصيه المــــوت للهنانه
يوصـل لحد مـا هالدنيه خلصانه
واحدهم النار أمــــعاشره ألسانه
الماراعت نبيهه الأمــــه خسرانه

     الحقدصفگ---وتفرهـد حـگ
   وصلــــــو بابهه والدنيه عــرفتهم
    مـــــاعرگت خجل ليهسه گصتهم
...
وصلــــــــــو بابهه والوئن تتعـــاله
الچبير الينحسب عالگــوم بخياله
إمـرهم والحقد يسحل وره أذياله
دفعـــــــو بابهه والنيه چــــــــتاله
وحقـــــدبسمارهم لصــــدر يبراله
وجنين أبلا عمر والمهـــــد ينعاله

    الدمع يشهگ---وتفرهـدحـگ
 أهل الشيمه طلعت چذبه شيمتهم
  مــــــاعرگت خجل ليهسه گصتهم
...
أبعصرتهه وگع چـــــم علي أبعصرتهه
وجرحهه الهسه ينزف مــن مصيبتهه
وين العــــــــــرب وين أوين عــادتهه
مره وبت نبــي تنطگ شروي قصتهه
أبابوهه أخــــــلاق تترسهــم هويتهه
خوش أمجازه مــــــن العرب جازتهه

     شيروفه الشگ---وتفرهـدحـگ
   وفعلهم هذا ثوبه أصخام صفحتهم
   مـــــــاعرگت خــجل ليهسه گصتهم
...
وضلت والألــــــم وياهــه ضل يشتد
يغطيهه وجرحهـــــه الهسه مــــايبرد
برماد الباب كل تاريخهم أســــــــــود
أختفت وين المـروه البل أصل معـبد
وين الغـيره وين الفزعه ماكو أحــــد
وسفه يـــــــم حـچي الدينار تتفرهد

     الجرح يغمگ---وتفرهـد حـگ
والـــد ألضل حقــدهم وي مسيرتهم
  مـــــــــاعرگت خجل ليهسه گصتهم
...
وضلت والــــروايات أبحـــــزنهه أتهل
ومـــــجالسهه حـــزن ودموعنه اترتل
عرب مامش شهامه آمن العرگ تجفل
الباب أبالنـــه والنار مـــــــــثل الضــل
مــن الباب لخــيام الحـــــــسين أتحل
وحقد تاريخهم ياوسفه ضــــــل يفتل

      الزمـن لحگ---وتفرهـد حـگ
   للطــــف وعـــــبر للشيعة غــايتهم
    مــــــاعرگت خـجل ليهسه گصتهم
...
خــــادم أهــل البيت،،ع،،.
أبوحــــسين السرگودي...🕊️🕊️🕊️
         








        
                           

#قصيدة_صوت_أمي_
لسان حال الييدة زينب،،ع،،وامها الزهراء،،ع،،

•••
يايمه يايمه فاطمه يايمه
•••
أحـومن والجــرح بالباب أشوفنه
وشوف أثر دمـچ لگط چن حـــنه
وطـوفــــن وگعتچ وعيوني تدنه
العتبت بابنه وبيه انه ألــــف ونه
يايمه يايمه أمالمه يايمه
يايمه يايمه فاطمه يايمه
•••
وطب للبيت ولگه البيت مترادي
ثچيل أفراگچ وتوه الألـــــم بادي
وشيلمه الجرح لوطوح الحـــادي
يبضعه وبيچ نشتم ريحة الهادي
يايمه يايمه أبياسمه يايمه
يايمه يايمه فاطمــه يايمه
•••
زغيره والدمــــع مـافارگ أرداني
اوحشة بيتنه اتبين حــــزن ثاني
ادور والوجــــــع يم كل كتر باني
خيم واليل فرهد ضحكت اخواني
يايمه يايمه املثمه يايمه
يايمه يايمه فاطمة يايمه
•••
اوين التفت توگف صــــــورتچ يمي
وجرح فرگاچ إحسه أمحزم أبأسمي
بنفس النعش شالـــو چثتچ وحلمي
غريبه الدنيه اذا مـابيهه صوت أمي
يايمه يايمه أمحزمه يايمه
يايمه يايمه فاطمــة يايمه
•••
كل مـــــاشم بخورچ روحي تتعذب
أشوفـچ والگبر مـــــثل الهوه يگرب
وجيچ أبلهفت ألــــي أيدور ويتعب
ويفز كل ضوه بيچ أيصيح يازينب
يايمه يايمه أميتمه يايمه
يايمه يايمه فاطمة يايمه
•••
خادم أهل البيت،،ع،،
أبوحسين السرگودي...🕊️🕊️🕊️

ياسبع الدجيل
------------------------------------------------------
نطوفك والحزن خيم أبمحرابك
ياسبع الدجيل أدموعنه أبابك
أبهواك المنفجع''''يوضينه الدمع
ياسبع الدجيل°°•°°ياسبع الدجيل
------------------------------------------------------

نوگف والمناير تركض أتعزب
ياصورة كرامه وتعشگ المغرب
ندورك والجروح المالحه أتعذب
على ياجرح نحچي أبابك ونكتب

ونحس أبكل كتر متحزم أصوابك
ياسبع الدجيل أدموعنه أبابك
وتشوف وتستمع''''يوضينه الدمع
ياسبع الدجيل°°•°°ياسبع الدجيل
------------------------------------------------------
يالبيك الجروح أمحزمه وتنزف
المأذن من دعائك كل وكت تغرف
حتى أحروفهه المختنگه هم أترف
عاشت باليحبك عيشت اليعرفْ

اليشوفك مايتيه دمعة أعتابك
ياسبع الدجيل أدموعنه أبابك
وتعرفه المنفجع''''يوضينه الدمع
ياسبع الدجيل°°•°°ياسبع الدجيل
------------------------------------------------------
نشوفك والملامح واگفه أبحيره
يالخليت أسمك شال أسم ديره
بكرامتك نشاهد كل حچي الغيره
علگ ونشدك أبكل سالفه أچبيره

ومگضيه أحنه نسمع يطلع أجوابك
ياسبع الدجيل أدموعنه أبابك
وكراماتك تشع''''يوضينه الدمع
ياسبع الدجيل°°•°°ياسبع الدجيل
------------------------------------------------------
مادگ بابك أورد فارغه أحموله
اليچهبك ماترده أبروح مذلوله
طمعنه أبغيرتك والزينه مگيوله
الكريم أشماحچه معروف محصوله

يالمخلي المواقف تحضن أكتابك
ياسبع الدجيل أدموعنه أبابك
ألأتضوي الشمع''''يوضينه الدمع
ياسبع الدجيل°°•°°ياسبع الدجيل
------------------------------------------------------
أحنه بكل أمر نترجه معروفك
وهاي أرواحنه ودمعاتنه أطوفك
نقره أبمجلسك ومحزم أنشوفك
عراقك حيل رايد دعوة أچفوفك

ونعرف ماتردهه دعوة أحبابك
ياسبع الدجيل أدموعنه أبابك
نحلفك بالضلع''''يوضينه الدمع
ياسبع الدجيل°°•°°ياسبع الدجيل
------------------------------------------------------
خادم آهل البيت،،ع،،
أبوحسين السرگودي...🕊️🕊️🕊️

يمدري الياكتر تندار حــــــيره أبـهـاي
بصـــــدرك مــــــــگبره وگبـور تتوازه..
ويچلچل ليلهه وتخنگ أضنونك ناس
مـــــــــــــــاتت والتراب أيريد عكازه...
•••
#شيخ_رياض_الباوي
اصدق مفاهيم الصدق هيه الدمعه كنت خادم حسيني حقيقي وداعآ ياخادم الزهراء الرحمه والخلود الروحك الطاهره

    قصيدة ببان الوفاء
ولادة السيدة الجليله جبل الصبر السيدة زبنب،،ع،،
•••


قراءن السماء...بيان الوفاء

        ينسمع زينب كربلاء

...

أبميـلاد السـفيرة--النـذيره--الأمـيره

مولدهه أبخيمهه--أســمهه--الـوزيره

والدنيه أبأمـلهه--شملهـــه--العشيره

كبرت ملاحـــم كربله بخيمتهه

وأم الخدر بالخدر هل السمتهه

حـتى أبأذان الغيره هـم خلتهه

حــــي على زينب عـلي نادتهه

عنوان الأباء...بيان الوفاء

       ينسمع زينب كربلاء

...

خطواة المخاطر--مــشاعر--مــنابر

قاموس العزائم--مـــكارم--مــناير

بيبان الروايــــه--المــــنايه--تسافر

هيــه أنتصار أنولـــدت أبكل كاتـب

هـــــيه القرار المنولد بــس صـائب

هيـه المثل ع العين شيخ الحاجب

هيه الرسالة البيهه رحمة أتخاطب

بيبان الضياء...بيان الوفاء

      ينسمع زينب كربلاء

...

مولـدهه البـدايه--الــعبايه--بـروايــه

خطوتهه الرئاسه--قياسه--الحـمايه

العنوان أبلطفهه--وصــفهه--الـــنهايه

طلعـت شمـس والكربلـــه تتولم

زينب أمــــيرة انولدة الكل معلم

راية الغـيرة البل الهــــوه تتبسم

لو رفرفت يعني أبوفاضل تسلم

عنوان النداء...بيان الوفاء

    ينسمع زينب كربلاء

...

ندعيهه بصبرهه--أبأمرهه--بشعرهه

ونقراهه الأصيله--الجليله--بكـبرهه

ونلتم أبصحنهه--بوطنهه--بـخبرهه

لوجــبنه ألهــــــه علگ مـــن الحضره

آمن حسين من شباچه تعرف عطره

بي تشـــــــم عـباس النذر كل عمــره

ننخـــاچ تدعـــين أبفــــــــرج للفقره

أيمان البقاء...بيان الوفاء

    ينسمع زينب كربلاء

...
خادم أهل البيت،،ع،،

أبوحسين السرگودي...🕊️🕊️🕊️

بوجهّ الساسه بابك گاعـــــد أتسده
وبوجهّ أطـفالنه مـــــاتگدر أترده•••
ياچف ينكتب لمـــــــن أجي واقراه
عش ألگاه أمخضر چفك الوحده•••
اليچهبك يجي خالي آمنين مايندار
ويرد مــتروس منك خيره يتبده•••
يصوره والزمـــــن شايلهه موبسمار
حـتى المبتلي أتشد حيلك أتسنده•••

المرجع الآعلى السيد علي السيستاني (دام ظله ) يستقبل عدداً من الأطفال المصابين بالسرطان مع أطبائهم
✍️أبوحسين السرگودي...

رسالة دفاع عن مظلومية السيدة الزهراء،،ع،،حتى لايتوهم البعض...
..........................................................
نفهم شني أفكارك...من تكتب أعذارك
...
أنت ياباب التبري عمــر عــــــن فعله
والهجوم الــدار وقعه بكل گلب زعله
وأمتداد الجرح واصــل حــتى للقبله
يالدست بخـتك أشمـالك دربك أندله

تبرهن عمر شارك---من تكتب أعذارك
...
ترى خلــــــف الباب فاطم نعمة النعمه
وأن ألمن هـــــــاي چـانت أفهم الكلمه
هاي أول نقطه سـوده أتوضح الهجمه
أنت يمدلي أبجرئتك بالجــــرح سهمه

يالتطعـــن أبدارك---من تكتب أعذارك
...
يالضــربت أنت الولايه بفكرك المــهمل
الماعــرف مـــن تاه دربه يسئل ويندل
أنت مــن ياملــه طالع ســـولف اليعقل
باب من أجذوع خشبه وحافظ المقتل

أعتب عله أنصارك---من تكتب أعذارك
...
مــــن يلطمون ولطمهــم مـــــاألـــه قيمه
أذا مــامــــــــحروگ باب شعندك أتجيمه
المجلـــــس المن ناره عزلو حرگو الخيمه
هــــــذا يستاهل لطمـنه وينحسب شيمه

أنكشفت أســرارك---مـــن تكتب أعذارك
...
هاي هجمة فكر حاقد والحچي أنشوفه
ونعــــرف الحــق وعلينه أنميز أصفوفه
هذا باب ورحمة الله أبروحه مــــعروفه
الحرگ شاهد من تسئله وباقي بچفوفه

شيطانك أخـتارك---مـــن تكتب أعذارك
...
✍️خادم أهل البيت،،ع،،
أبوحسين السرگودي...🕊️🕊️🕊️

قصيدة أنوي
_ _ _ _ _ _ _ _ _ _ _ _ _ _ _ _ _ _ _ _ _ _ _ _
بين المراقد دمع يضوي……
وحلف القاسم وأنت تنوي……
بالزيارة°°°°°°°°°°°°°°بالزيارة
_ _ _ _ _ _ _ _ _ _ _ _ _ _ _ _ _ _ _ _ _ _ _ _

حلفه أنت بدمعتك گوم بحيل أجروحك أتوضه
لأن بين المراقد شوگ وحل وكت العشگ فرضه
أبأذان أدموعك أسمع ماي يأذن والنهر نبضه
تلملم والحچي اليراد تلگه أحروفه تشضه


وبس المكارم بيده يحوي……
وحلف القاسم وأنت تنوي……
بالزيارة°°°°°°°°°°°°°بالزيارة
_ _ _ _ _ _ _ _ _ _ _ _ _ _ _ _ _ _ _ _ _ _ _ _
حتى أتعيش دين أنسان يفخر منهجه أبأسمه
الرضا من گالهه اليشتاگ أليه وروحه چن نسمه
اليزور القاسم وألگاه يطوف أبگبري ضل حلمه
وشمن عطر أخوي الهيل مثل شمت حچي النعمه


وعن الزيارة أشكثر يروي……
وحلف القاسم وأنت تنوي……
بالزيارة°°°°°°°°°°°°°بالزيارة
_ _ _ _ _ _ _ _ _ _ _ _ _ _ _ _ _ _ _ _ _ _ _
من گد ما عصرني الليل وأني بشوگي مدفي
رواية قصتي بيهه أحساس تخضرمفخره أبوصفي
أخوي أوهالبعد چف نار أشبك ناره يله أطفي
الوكت خلاه بعيد أيصير مسافة چم گلب مخفي


وصوت الفراگ أبروحي يچوي……
وحلف القاسم وأنت تنوي……
بالزيارة°°°°°°°°°°°°بالزيارة
_ _ _ _ _ _ _ _ _ _ _ _ _ _ _ _ _ _ _ _ _ _ _ _
أشما أشوفنكم أطوفون گبر القاسم أتمنه
أطوفه أوياكم أتمنيت وتفز أبروحي چم ونه
ولطم وأسمع الرادود آه يبنيتي أسمعنه
وينعه والبنات أهواي چنه أبيا جرح چنه


ونار المخيم بيه تدوي……
وحلف القاسم وأنت تنوي……
بالزيارة°°°°°°°°°°°°°بالزيارة
_ _ _ _ _ _ _ _ _ _ _ _ _ _ _ _ _ _ _ _ _ _ _ _
اليزوره عالسراط أهناك هم أوگفله متحزم
وعالميزان أيبس الريح ما خلي الحچي أيغيم
الكتب لو طايراهه الخوف أخلي الخوف يستسلم
نفس ألي يجيني أهنا روحي أبياعشگ تقسم


أوگفله لو كل حيلي يخوي……
وحلف القاسم وأنت تنوي……
بالزيارة°°°°°°°°°°°بالزيارة
_ _ _ _ _ _ _ _ _ _ _ _ _ _ _ _ _ _ _ _ _ _ _ _
خادم أهل البيت،،ع،،
أبوحسين السرگودي…🕊🕊🕊

#قصيدة_بين_المراقد
أداء الرادود الحسيني الطيب
سيد علاء الجزائري
كلمات أخوكم ابوحسين السرگودي
السلام على الامام القاسم أبن الامام الكاظم عليهم افظل الصلات والسلام
#المكان_مرقد_الامام_القاسم_ع

صـــــوت الأذان أشما ثگل يندل
بصدر المناير هالنفس يعـــــــدل
ياطيف لمـــــــــــن ينكتب مقتل

✍️أبوحسين السرگودي...🕊️🕊️🕊️

سنه ودورة سنه والناس فرحــانه
وانه الشيب بيه أتنگــط أحــــــزانه
تبدي السنه وتگضـــي وانه الأهنانه
دمعي للحـــــسين امسرفـــن اردانه
أموتن اذا مـــــــــاشـــم عتب بيبانه

✍️أبوحسين السرگودي...

سنه ودورة سنه
اداء الرادود الطيب سيد علاء الجزائري
كلمات اخوكم ابوحسين السرگودي...
شكرآ لله ع خدمة الحسين،،ع،،

#قصيدة_عمر_قاتلهه

•••

فكرة أرد أوصلهه..الزهـره قاتلهه..عمر
ألــ وأن گايلهـــــه..الكتب تنقلهــه..عمر
أتصفح هجوم الدار--ويرويلك البسمار
                عمر قاتلهــه
•••
وبهجوم ألدار تلگه أچــم جـــــرح بان
باب لوصلــــه أبقنوته أتشـوف دخــان
الباب گالــــو جــذع عنه وچـنه انسان
أخو قنبر هوه أحسه بخــــدمته أيمان

والسمه أترتلهـــــه..الزهرة قاتلهه..عمر
ألـــ  وأن گايلهـــه..الكتب تنقلهــه..عمر
وحرگو الباب أبنار--ويرويلك البسمار
               عمر قاتلهـــه
•••
الهـــــوه ادخــــل يامــــحمد يقره بالباب
ونسمه ترتيلة دخولــه بصــوت أبوأتراب
آشگد فـرق بين الأجوهه أتبينه الأسباب
بينو چـــــــي علي أموصه وصارو أركاب

والحطب سجلهه..الزهـره قاتلهه..عمر
ألـــ وأن گايلهــه..الكتب تنقلهـــه..عمر
وموصه ذوللفقار--ويرويلك البسمار
              عمر قاتلهـــه
•••
عمر قـــــائد نار چــــــــــــان أوأكثر أهواي
الحقـــــد بالسانه يتطشــر يحـــــرگ الماي
وبهجــوم الـــــــــــدار صــوته أيمثل الراي
أعليهه دوست بيت هـــــاي أبحكم الأفياي

التاريخ شارألهه..الزهره قاتلهه..عمر
ألـــ وأن گايلهــه..الكتب تنقلهه..عمر
وأمبين الغدار--ويرويلك البسمار
          عمر قاتلهــــــه
•••
عرف خلــــف الباب فاطـــــم والحقــد زاد
مــــــن عصرهه الطف وصلها أرماد الأرماد
وفاطمة أول شهيدة أبچـــــــــــف الأحـقاد
عمــــر مـــــــن لاطال عمره أشأسس اشراد

شايل بغض ألهه..الزهره قاتلهه..عمر
الــ  وأن گايلهــه..الكتب تنقلهـه..عمر
والعتبه تدري شصار--يرويلك البسمار
                 عمـر قاتلهـــه
•••
لا..أتبرونه القتلهــــــه أبحجة الأنصــــــاف
المره مــــــــــــاتنطگ يوادم وين الأشراف
الهسه عتبت بابهه تنطيك الأوصــــــــــاف
عمــر وصمة عار صــــــــــار أبين الأطياف

الكل مله مثلهه..الزهره قاتلهه..عمر
الــ وأن گايلهـه..الكتب تنقلهه..عمـر
مـاراعو الكرار--يرويلك البسمار
            عمر قاتلهـــه
•••
خادم أهل البيت،،ع،،
أبوحسين السرگودي...🕊️🕊️🕊️

وَ مَا ( يَزيد بن مُعَاوِيّةَ ) إِلاّ سيئة من سَيِّئاتِ ( عُمر ابن الخطاب ) .