أبوذيات العليله،،ع،،


يعرفه الستر شنهي منعله الباب
الهوه لو ما يعرفه منعله الباب
العليله الهسه تلهج من عله الباب
بگبرهه وتبچي وي كل مغربيه...
°•°•°•°•°•°•°•°•°•°•°•°•°•°•°•°•°•°•°•°•°•
الهوه ياخذ دليلي عتبه عالباب
بكثر ماخله دمعي عتبه عالباب
وذا ردت أنه أعتب عتبه عالباب
نفس الزهره ناره أتعيش بيه
°•°•°•°•°•°•°•°•°•°•°•°•°•°•°•°•°•°•°•°•°•

نار..أفراگ.. مدري شفته عالباب
وكتنه أوحي ربنه شفته عالباب
أبوي أشما أغمض شفته عالباب
وفزن والملاگه أتموت بيه
°•°•°•°•°•°•°•°•°•°•°•°•°•°•°•°•°•°•°•°•°•
الهوه والباب هدن حيل الأمتون
منهد ماراحو أهلي ومايردون
ودور وين چانو من يگعدون
أبصورهم وبدمع متوزره العيون

ضلت عيني تركض عالهوه الهاب
بلكت صوره جايب من الأحباب
ويجبر خاطري الما يحمل أمصاب
عليله والأفراگ أشوده وشجاب


✍️خادم أهل البيت،،ع،،
أبوحسين السرگودي...🕊️🕊️🕊️

👇👇👇حـــــــسين حــــــــسين👇👇👇
🍁فرفحت حــد مـــاشيب بين بالجفـون🍂
🍁ولــوعمن مــن فرگاك أديـــــن أعيـون🍂

✍️أبوحسين السرگودي...🕊️🕊️🕊️

عبدالله بعـيون الشـرف راســـم أراده
ملفوف بگماطه أشعرف مـن الشهاده
تفهم شنو أيمانك--روح أقره قراءنك
ملفوف بگماطه أشعرف مـن الشهاده
...

مــريم أبيوم المخـاض أشعـــــدهه همه
أبدمــعة العــــــاش أبغربته أمسة تكلمه
هيه رحمــــــــة الله بس تحتاجه رحمه
چف جـذع من هزته وظل يحچي نعمه

رطبآ جـنيآ أتساقط عليهـــــــه
رغم ماچان العسرتارس أديهه

صــوت عبدلله رفض حچي الوساده
ملفوف بگماطه أشعرف من الشهاده
لتگلي برهانك--روح أقراءنك
ملفوف بگماطه أشعرف من الشهاده
...
أبيوم عاشـــــــر صفنت الدنيه العنيده
حسين وحده والسيوف أتصيح أريده
أبروح عبدالله المراجــــــل مو جديده
حسب ڪاروڪه جـــذع ويهزه بأيده

هزت الكـاروك عد عبدالله غايه
گام يتصاقط رطب لونه المنايه

مـــــــن علي هالفزعه والعـز بأمتداده
ملفوف بگماطه أشعرف مــن الشهاده
وكحل فعل شانك--روح أقره قراءنك
ملفوف بگماطه أشعرف مــن الشهاده
...
چان باله أبســـورة الفرقان ســارح
والنذير الروحـــه مــادور مصـــالح
أتبارك أبكلمـــة تبارك والتسامـــــح
ودع الخيمـــه أبكثر مـــاگلهه رايح

والرباب أبروحــــهه أتلم أبوداعه
وهوه متيقن صﻻة الحب جماعه

أوبلطفـوف أعلــن رســـالات أجتهاده
ملفـوف بگماطه أشعرف من الشهاده
حط علي أبأذانك--روح أقره قراءنك
ملفوف بگماطه أشعرف مـن الشهاده
...
أيردد أبقد أفلحه وترعــــــــــد نبرته
المؤمنون أبصدره تكتب هم شرحته
الموقــف المابيه ظمير أيموت سكته
خطوه ماعنده وترك خطـوه الفزعته

بلغ الدنيه وكتب هـــــــــــــاي المواقف
الگصه من تعرگ ترى أتعيش المضايف


يدري بالعـــــــاشر يخضر بي معـــــــاده
ملفوف بگماطه أشعرف مـــــن الشهاده
وتفهم شنو أخوانك--روح أقره قراءنك
ملفوف بگماطه أشعرف مـــــن الشهاده
...
وعـــاش عبدالله طفل وگماطه رايه
راسه فـــوگ الرمـح ويباري السبايه
ســـــورة الأنسان وظحهـــه أبروايه
الدين غيرة الله وتحـــزمــه الهدايه

واليشوفه يقـــــره بعيونه المهابه
ونصر عبدلله يرف رايه أعله بابه

سجل التاريخ ألــــــــــه أتلــوگ لقياده
ملفوف بگماطه أشعرف مـــن الشهاده
عيش أنت بنسانك--روح أقره قراءنك
ملفوف بگماطه أشعرف مـــن الشهاده
...
خادم أهل البيت..ع..
أبوحسين السرگودي...🕊️🕊️🕊️
...

هوسات تطبير
°°°°°°°°°°°°°°°°°°°°°°°°°°°°°°°°°°°°°°°°°°°°
نطبر روسنه ونﻻوي چف الموت...
وحيدر وحگ حيدر يرتفع هالصوت...
بذنبنه ننبلع والذنب صاير حوت...

هاها...آمن لحوت أتخلصنه الطبره
♥♥♥♥♥♥♥♥♥♥
نطبر روسنه وشضارك بيهه...
بدمنه أنريد أم الحسن نوفيهه...
الفكر المايسولف دمه أحچيهه...

هاها...مدسوسه أفكاره وتاريخه
♥♥♥♥♥♥♥♥♥♥
الهامه المايسولف دمهه بالعاشر...
غايب ينحسب ماينحسب حاضر...
وحگ دمنه النزف عالچفن والساتر...

هاها...أبكل طبره أنعيش التكبيره
♥♥♥♥♥♥♥♥♥♥
أطبر هامتي وأبقامتي أتباهه...
وانه ابن الموكب گول سواهه...
الشعائر ﻻ تمسهه ابروحي تلگاهه...

هاها...أتشرف بالسيف أبراسي
♥♥♥♥♥♥♥♥♥♥
خادم أهل البيت.. ع..
أبوحسين السرگودي…🕊🕊🕊

قصيدة دمعة رقيه
كلمات الشاعرابوحسين السرگودي
اداء الرادود مله علي الساعدي

يـالعايش بعيوني ودمعي اليجري
يـــاخيمتنه ويومك ذبـــــل عمري
بدمك سابح....شفتك طايح
-------------------------------------------------------
يــالطحت عالرمل....يــــــالچوية العمر
يـــــاضواي المشه....يـــاصبر چم صبر
أشماأشوفك وطن....ومستقركل خـدر
خــيمتي بروحتك....نگعاهه الجــــــمر

شيطفي النــار الماتقبل تطفي
وتچوه أثاره اليركض متحفي
أخلاف الرايح....شفتك طايح
-------------------------------------------------------
وأنه مدري أشألي....وأنت مدري أشئلك
حــرت بين الوگع....وبين أوصــــــل ألك
أعثــــــــر أبريتي....بــــأبني وأنه أسئلك
شگد عزيز الاخو....تشم بي كــــــل هلك

لوشفته وحــالك مايبقى بحيرة
وتضمه أبـروحك وتحس الغيرة
بگلبه الطافح....شفتك طايح
-------------------------------------------------------
تدري عشت الألم....عيشت المــــــنذبح
عشت كل الوجـع....مـــن أجاني الصبح
وعثر وعيني ألك....وألي أيتچي الرمح
شاله راسك ألــي....خجل دور الملـــــح

مـن شافك مذبوح وعينك ليه
أتچيلي ورمحك صاير عوچيه
وشوفك شابح....شفتك طايح
-------------------------------------------------------
وردت أبوسك خفت....وأنــــت وجهك نبي
خاف ألچمك صحت....أبــــحبل گيد السبي
يـــــــــاشموخ العدل....أنت عـــــــــز طالبي
مــــــــــايدنگك ذبح....صحت خويه أطلبي

تقراني وتلگاني بروحك غــــــايه
يحسين التعرف بجروحي هوايه
وجرحك ناصح....شفتك طايح
-------------------------------------------------------
ولمني حيلي وأجه....يـاضوه البسمله
تدري عفت الگلب....يمـــــــك أبكربله
حتى أعيش الوفه....وجسمك البالفله
ردته ينصب عـــزه....للأخــــو أبمقتله

والمجلس بي يوگف حيل أحساسي
عباس اليمك ضـــــــــــــل أوعباسي
بدمعي السارح....شفتك طايح
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️

#قصيدة_مسبحة_طفك
-------------------------!""!""!""!""!-----------------
خليني أعيشن بالوجع°•°يالطفك أبكلشي طلع
يــاضـــوه عيـــون الفاتحه حسين حسين
من دمعي أسوي المسبحه حسين حسين
-------------------------------------------------------
مسبحة طفك من دمع والرايد أيعيشك خلگ•••
من دمعته أتعرفه الترب يحسين بس عشگك عشگ••
أستغفاره يتيمم لأن بالماي موقف للصدگ••
يلگاك موذابل عطش يالخيطت للذل فتگ••


والمالطملك مافزع°•°يالطفك أبكلشي طلع
يـــاضوه عيــــون الفاتحه حسين حسين
من دمعي أسوي المسبحه حسين حسين
-------------------------------------------------------
لمن طلعت أبياضوه يالتارس أچفوف الشمس••
ياريحة الله الموعطر يحسين يم أدب النفس••
شنهي الجره وضل خنصرك ماعنده چف گطعو أمس••
يالمن أشوفن مغربك نار وخيم ضل منترس••


ياالما ألك چف أنگطع°•°يالطفك أبگلشي طلع
يــاضوه عيـــون الفاتحه حسين حسين
من دمعي أسوي المسبحه حسين حسين
-------------------------------------------------------
يالغزرت مثل الملح يالما يدنگلك فعل
يالشيمت موقف علي والدين بسمك ينعدل
يالسيرت للطف نبي خطوات ألك حگ تنشتل
نحتاجك أتخضر وطن بس أنت ألتلم الشمل


يامطر تعرف بالزرع°•°يالطفك أبكلشي طلع
يـــاضوه عيــــون الفاتحه حسين حسين
من دمعي أسوي المسبحه حسين حسين
-------------------------------------------------------
يالبيك أسولف للعرف والمو عرف خل يستمع••
أول أنسان أبمولده ينزل أله أشرف دمع••
من يمهه شيب الواقعه يلتم مثل دمع الشمع••
وأنت أعله طولك منتچي يحچاية الحگ والنفع••


والمايسمعك ماسمع°•°يالطفك أبكلشي طلع
يـــاضوه عيــــون الفاتحه حسين حسين
من دمعي أسوي المسبحه حسين حسين
-------------------------------------------------------
ياربح ياطولة عمر للماعرف شنهي العمر
يحسين بس يمك ترى حيل أستلذ حت لوجمر
خليني أموت أبمجلسك موتت ضوه أبيت الشعر
وتبقى أعله بالي أشما ضغط يحسين جثماني الگبر

وبمجلسك لزني الطمع°•° يالطفك أبكلشي طلع
يــاضوه عيـــــون الفاتحه حسين حسين
من دمعي أسوي المسبحه حسين حسين
-------------------------------------------------------
خادم آهل البيت،،ع،،
✍️أبوحسين السرگودي...🕊️🕊️🕊️

بدت رحلت عذابي
أنصب هودج مصابي
عـله النــاگه الهزيله الفاتحه أقراهه
أخاف أنصبهه وأنطيح أنــي وياهه
حــسين_°•°_حــسين
-------------------------------------------------------
رحــت..
وأديرعيوني مـــــاتندار بالگوه
صحت..
حگي لوصحت ياناس عالخوه

جسدهم عالرمل والرمل لفحت نــار
وشوفـن روسهم ويـن ألتفت وأندار
يخيمة عافيتنه الدمــــــع يوگع حار
ويــن ألگاهـــــــم وأحچيلهم عالصار


بحسرتي أسمع جوابي
أنصب هودج مصابي
الماعـــدهه علي شيهـــــود أبچاهه
أخاف أنصبهه وأنطيح أنـي وياهه
حـــسين__°•°__حـــسين
-------------------------------------------------------
العـمر..
ردت الموت ماردته أنه يخواني
الفجر..
أبطلعته مارحمني حــيل بچاني

أليصابح بخوته وروسهم بـــــرماح
يعثر بـــــالملاگه المايـــلاگي أرواح
ألم أبدمعتي وبصفهه ضـلي الطاح
وأديـــه أتهدلــن والرمـــــح مايلاح


وتبلل چف كتابي
أنصب هودج مصابي
تشبكـــــــم أديــه وفــــارغه ألگاهه
أخاف أنصبهه وأنطيح أنــي وياهه
حـــسين_°•°_حـــسين
-------------------------------------------------------
وأهــم..
وأجتني أحـــــبالهم تتفاخر أبگيدي
وشلـم..
اليطيح أشلون مايفزعله چف أيدي

وبين أيتامــــنه والــــروس تبرالي
أبسوطه الشمرخويه يوگف أگبالي
وبكتاري تلــــوذ وتلتــم أطفـــــالي
وتهل عيوني حـــــد ماتنگع أذيالي

وبقت هيبت حجابي
أنصب هودج مصابي
وآيـة ستــــر لون العرف مــــــعناهه
أخاف أنصبهه وأنطيح أنـــي وياهه
حــسين_°•°__حــسين
-------------------------------------------------------
الدمـة..
الهسه مابرد يحرگ أحساس الگاع
السمه..
لمت خيرهم مـــــــثل اليلم أشراع

وأنه أتفكر أبكل گطـرة شتخضر
مـنبر لو مواكب گاعــــده أتصدر
لـو ثورة فكر عايشهه بــس الحر
نـعثر بالدرب والحـــمد بينه أتمر

ويرف منهج حسابي
أنصب هودج مصابي

نعمة أوخـــير أخوتي الحافر أذاهه
أخاف أنصبهه وأنطيح أنــي وياهه
حـــسين__°•°__حـــسين
-------------------------------------------------------
وكمل.
.جرح يندل جرح والدرب يندله
نــزل..
دمعنه والسبي بي مية ألف علـه

الشمس شربت ضـــوانه والتعب بين
ومـــــــن تعثر الناگه أيتامـــي يتبدن
النوگ الصاحيه أبهل الدرب مـايمشن
شلــــون أبهل الهزايل وبجرح يحدن

وعله وكتي عتابي
أنصب هودج مصابي
وضلـت كربلــــــه أيحزمني معناهه
أخاف أنصبهه وأنطيح أنــي وياهه
حـــسين_°•°__حـــسين
-------------------------------------------------------
خادم أهل البيت،،ع،،
أبوحـــسين السرگودي...🕊️🕊️🕊️

💢قصيدة من أعثر أسمعلك علي💢
---------------------------------------------------------


تحاچيني يالفوگ الرمح...راسك طلع مثل الصبح
أتحزمي الدرب السبي°°°وياچ أروحن منذبح
خضيب ياأباعبدالله**تريب ياأباعبدالله
-------------------------------------------------------
وشديت كل حيلي وگمت ياهيبت أحساس الخيم
عالرمــــح راسك وألتفت مـــــن شاهد ألهم أنرسم

شــاهد گيدي..وتنزف أيــدي..يــاراعي الحميه
طاحت دمعه..أشتعلت شمعه..بحضان الوطيه
وخضــر مــنبر..ومــوكب يكبر..بنفاسه العزيــه

يـــالشايل أبروحك خير°°°يمفزع اليوسف بير
أتلاگيني يالكلك وكت°°°يمحير أشعندي شرح
خضيب ياأباعبدالله**تريب ياأباعبدالله
-------------------------------------------------------
يالماعفتني أبلا.. هله من أعثر أسمعلك علي
وتلمني بعيونك ضوه وتحضرني يـالكلك ألي

وتلـــتم كلك..بــس أوصلك..يــاحامي الفواطم
ويكتب رمــحك..هـــذاأيجرحك..ياغيرة مسالم
ردت العفه ..أتعيش أبچفه..وچفه أتحط مــأتم

يلنـرتوي بذكرك مـــاي°°°عالرمح ونحسك جاي
بس يوگع البنتك دمع°°°جروحك مأذن تنفتح
خضيب ياأباعبدالله**تريب ياأبا عبدالله
-------------------------------------------------------
وضليت يمخلي الدرب من نضرتك يرجف خجل
وترتيلة اليلتم هــــوه مـــقتل ألــه أبكلشي أنقتل

وضلت رايــه..أبـــــطفك آيـــه..يــــامنهج كياني
أتـرفرف شيمه..مــثل الخيمه..يــمنومس زماني
أدري شيحصل..ويومك مفصل..يامنهج أذاني

يالشامخ أبلايه أهدوم °°°وجهك أوجهّ الله أيدوم
يالسلبوك أبلا ذنب°°°وألف وسبع مية جرح
خضيب ياأباعبدالله**تريب ياأباعبدالله
-------------------------------------------------------
والكوفه من طبهه الضعن رجفت لحد مسلم سمع
ديــرت مــــناجل خطبتي وصوفرت كل حيل الزرع

ويسمع بيهه..وأنه إحچيهه..وشتسوي النواصب
حارت حــيره..أچفوف الغيرة..الدفنتلك مناقب
الردتــه أتعسكر..وبسمك كــبر..وبدينك يـــطالب

يـــالمايذلنه السجان°°°عيشتنه عيشت قرءان
مايقره من يمنه حرف°°°مايلتم أبعين الصرح
خضيب ياأباعبدالله**تريب ياأباعبدالله
-------------------------------------------------------
وبالقصر خليت النفس يعثر مثل مــاي الگصص
وأرتفع نصرك والقصر يزغر صفه شلون القفص

ورفرف نصرك..أبطولت عمرك..يمعطر الروايه
وگتلك تســلم..رحمه وتلتــم..وكشفت النوايه
وعشنه وماتو..وكلهم طــاحو..بحروف النهايه

يالأسمك أيسولف وين°°°الهذا النصر ردت حسين
ويشاهــد ألصار وحصل°°°أبخطبتي الطف ينملح
خضيب ياأباعبدالله**تريب ياأباعبدالله
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️

يحسين الروح كل أغروب لايت
عليك ودمــع عيني أحزام لايت
أذا أسمع أبخيل أصـرخت لايت
أسمع صوت كسر أظلوع بيه
...

دمعتي الكربلـــــــه ياناس ياليت
أمنهد ماگلت بس لحسين ياليت
أمنذكر على صدره الخيل ياليت
بسمه الله أسمع بچي الأمه الزچيه
...

سهمچــن يالنوايب عليه ويهين
لعيوني وچـن خيم وبنار ويهين
أيهول بالدمـــــع لحسين ويهين
أعله حزنه أيلوگ دمع المغربيه

✍️أبوحسين السرگودي...🕊️🕊️🕊️

السيدة شريف،،ع،،
#قصيدة_مشتاگه_الأبوهه

...
رساله الأبوهه---بگبرهه لگوهه
يوصله____________ويگله
مشتاگه الأبوهه
...
مكتوبه بگبرهه هـــــــــالرساله أبشوگ
الى عودي الحسن والدمع يروي النوگ
سلام وبي جــــرح طبت سبايه بسوگ
الأمام الصادق أيوصله أبگلب محروگ


وقرتهه وقروهه---بگبرهه لگوهه
ويسلمه___________ويكلمه
مشتاگه الأبوهه
...
شكثر شايل مـــحنه أبهل السلام أهواي
بحيث الصـــادق أتبلل أدمـــــوعه الماي
لگه بحروفهه أشچـم نشغه تچوي الراي
يبوي الحـــــــسن كون أتمنه يمي أوياي

الرساله روهه---بگبرهه لگوهه
الشريفه_________العفيفه
مشتاگه الأبوهه
...
وصــــــل يم الحــسن والصادق أملثم
أبسلامـــچ ياشريفه أتحــــزم وسلـــم
يشم ضرف الرساله وكل حرف يشتم
مـــــن گبرچ عطر يتوضه بي زمــــزم

أبدمعهه أحتوهه ---بگبرهه لگوهه
الأميره_________الأسيره
مشتاگه الأبوهه
...
ومن رد السلام آشگد بچت عينه
عليچ ودمعته مــــتحزمه بسنينه
ينشدچ عالسبي وهمــچ كبر بينه
حيل ارتاح من أسمع صدگ زينه

بحزنهه بدوهه---بگبرهه لگوهه
الدمعهه__________سمعهه
مشتاگه الأبوهه
...
وبـدوه وثنينهم عاشـــــو ترى العاشر
ودمعهـــــم يلتفت يم كل جرح حافر
وضل مجلس حسين بكل وكت عامر
ونسو لچمة چبدهـــــم والألــم شاعر

بثوابه هدوهه---بگبرهه لگوهه
القصيدة_______الجديده
مشتاگه الأبوهه
....
خادم أهل البيت،،ع،،
أبوحسين السرگودي...🕊️🕊️🕊️

نعي لمولاتي السيدة شريفه،،ع،،

...


جايب حاجتي ويم بابچ أتوسل
يااول جــــــرح ينشال عالمحمل

أجيتچ والدمع تارس آچفوفي أثنين
منشوف الحبل توگع صورتچ بالعين
خذوچ أميسره والجرح ينعه حسين

واليفگد عزيز أبدمــــــعته أمدلل
...
شكثر هاي الحوائج ناس عدهه هواي
وچانت حاجتچ لحــــسين كـون الماي
يادمـــــــعة الغيره العـــاش بيهه الراي

أمجدي وغير بابچ چفي مـايندل
...
تسهيل أمــــــر دمــــعه أبچيلچ أبهيبه
يباب العافيه المـــــــــنچ تجي الطيبه
الأمر الينعگد يمــــــــــــچ ترى أنجيبه

بس أذكرله أسمچ وحـــــــده ينحل
...

خادم أهل البيت،،ع،،
أبوحسين السرگودي...🕊️🕊️🕊️

التفاصيل داخل البوستر

حتى الدمع لمن وگع يرسم آديه
شالن اجروحك ياعلي بالغاظريه
°°°°°°°°°°°°°°°°^°°°°°°°°°°°°°°°°°°°°°°°°
ياعمه لوتدي أشحصل يالغالي تدري
أتمنيت عمري المندفن يابعد عمري
من كثر ماشوفك جرح سلمت أمري

… لجروحك اوگف والتفت ونخه المنيه…
°°°°°°°°°°°°°°°°°°°°°°°°°°°°°°°°°°°°°°°°°°
ياعلي كل ما أصد الك وبگيدك الگه
صدر الحسين المنسحگ وبكتره حرگه
وتلاگه چن جود اوسهم وتبده شبگه

… يالبيك ريحة چم نبي عاش الرزيه…
°°°°°°°°°°°°°°°°°°°°°°°°°°°°°°°°°°°°°°°°°°
ياعلي بچفوفك اثر ياعمه چنهن
باب الزچيه المحترگ بعيوني أحسهن
والباب هم شفته أنجرح واجروحه لمهن

… بس أنت ماهمك جرح عينك عليه…
°°°°°°°°°°°°°°°°°°°°°°°°°°°°°°°°°°°°°°°°°°
بعيونك أقره انه الدمع وتگلي عمه
جسم الحسين اعلى الثره منهو اليلمه
عودي أنطبگ صدر أبظهر وظل گلبي يمه

…واچفوفي يم سبع النهر ظلن رميه…
°°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت،،ع،،
أبوحسين السرگودي...🕊🕊🕊

🔆🔆قصيدة تعرف رقيه🔆🔆
-----------------------------------------------------------
وحگ رب الجلاله...مشت بت الرسالة
أمــيره وكبرت الگاع أعله عفتهه
أسيرة شلون تعقلهه أويه عمتهه
موخارجيه____________تعرف رقيه
-------------------------------------------------------
مشت والگاع تمشي أويــاهه وتصور
علي وچم علي صارت والجدم خضر
مواقــف والزمــــــــن سجلهن أبدفتر
مـــن حـرگ أجدامهه گاع الله تتفطر

الجرح كاتب مقاله...مشت بت الرساله
عرفـــــــت بالألم يحتاج وگفتهه
أسيرة شلون تعقلهه أويه عمتهه
لا..موسبيه ____تعرف رقيه
-------------------------------------------------------
الهـــــوه بنفاسهه أشمايلتفت يـــلگه
لبوهه حسين شبگه أمحزمه أبشبگه
تركض عالرمــــــح وتحسه بي ملگه
وتوصله وتحاچي الرمـــــح اي حگه

ونزف جرحه وسؤاله...مشت بت الرساله
طفله ومارضت تفضحهه مشيتهه
أسيرة شلـون تعقلهه أويـه عمتهه
ورثهه الحميه____تعرف رقيه
-------------------------------------------------------
الشموخ العدهه صوفر كلشي بي ذله
السؤال حـــسين هيـــــه أتگله وأتگله
الجــــــــرح اليلچم لو مـــيت أحسنله
ولا يلگه الرمـــل واصل جـــــرح ضله

الألم خط من خلاله...مشت بت الرساله
رقيـه الهسه عاشت بينه وگفتهه
أسيرة شلون تعقلهه أويه عمتهه
منسمهه أبيه____تعرف رقيه
-------------------------------------------------------
ضلت مــــاشيه أعله الدرب متحزمه
رغم مــــالگت كلشي أمحزم أبضلمه
طــــفله وشيبهه مـــــاتوصفه الكلمه
وصلت لرمــــــــــح وتخاف لتلچمه

ونوت توصل خياله...مشت بت الرساله
تگوده أتريـد يعرف شنهي نيتهه
أسيرة شلون تعقلهه أويه عمتهه
بكبرهه العزيه____تعرف رقيه
-------------------------------------------------------
متنطره اللقاء وهيه تــــعـــرف زيــن
يـــحل وكت الملاگه وتلتقي بحسين
لذالك فزت ودمعتهه تــــرس العـــين
جايب راس أبوهه آشگد حنين البين

أبمنيه أصبح وصاله...مشت بت الرساله
بچه حتى العرش من شاف حالتهه
أسيـــرة شلـون تعقلهه أويه عمتهه
ولفتهه المنيه____تعرف رقيه
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️🤲

#قصيدة_آية_شكر
...
آية شكر للخدم والبعده يخــدم
آية شكر للأشــــوفه دوم محـرم
أللطم صدره اشكره--للحسين أيطول عمره
...
تنزل أدموعي أويه كل كلمـــــه عشتهه
هـــذا خــادم والخــــــدم كلهه أعرفتهه
بين كـــل مـجلس ومـجلس حـــــلـلتهه
بالطواف أطــــوف چـــنهه مــن شفتهه

آية شكر للوگف وحـــــزامه بيرغ
آية شكر لو نعه كل ناعــــي ينشغ
بالدعاء كل لحظه اذكره--للحسين ايطول عمره
...
واليدگ صــدره ويحس ضلع الزچيه
أمكسر ودمـعاته بخــدوده جـــــــريه
حــــيل مــتيقن التدعيلــــــــــه رقيه
أچفوفهه أزغـــار وسبتهه الغاضــريه

آية شكر للصدگ مجروح گلبه
آية شكر للتطــــــين گبل ثوبه
والجزع مالمه صبره--للحسين أيطول عمره
...
لليشم عطـــــاب وتفر بيه دمـــــعته
تگوده للخيام العقيله وكلشي سكته
والغيور أبهـــاي مـــــايقبلهه بأخــته
تروح مــسبيه ويضـــم عنهه فزعته

آية شكر لليذب أعگالهـه ألهـه
آية شكرالبلخيم روحه شعلهه
آمن الخيم بحساسه جمره--للحسين ايطول عمره
...
والنوه وبروحه مـــلتمه المصاعب
وماحضر والدمع چنه بعينه كاتب
خلي نيتك هـيه هيه وأنت شايب
لان حـــــــيدر بالعزه گاعد يراقب

آية شكر للوگف وبعينه واضــح
آية شكر حسين عالتربان طايح
وشابچ أعله الراس عشره--للحسين ايطول عمره
...
والمواكب اخجل آمن أشكرهه شقره
هيــــه والهيئات والكل رايه خضــره
والرواديد وشعرهــــــم بيش اشكره
والخــطيب البينه يزرع دوم عـــبره

آية شكر چنهه تعجز يم عملكم
آية شكر ربي كون أيمـد عمركم
موكب أيسويله كبره--للحسين ايطول عمره
...
خــــادم أهـــل البيت،،ع،،
أبوحــــسين السرگودي...🕊️🕊️🕊️

#قصيدةيمشاي.
•••

يمشايه ألطم يرادله أمعين
•••
خلونه ندگ ونسمع الكون…
ونرسم على الرايه أچفوف وعيون…
وأحنه أهل المشي والكل يعرفون…
*ابعزمنه انصيح مشايه للحسين
*يمشايه الطم يرادله امعين
//////////////////////////////////////
الشايل بيده رايه ايڪضهه بحساس…
لأن. زحمه اذا. شافاهه عباس..
الچف. الشالهه. ماشايل. الراس…
*وأبوفاضل لزمهه ابغير چفين
*يمشايه الطم يرادله امعين
///////////////////////////////////////
خلونه ابدمعنه انروي الگاع…
ونحزم آحساس الشالت أسباع…
لوما چف لطمنه الساتر انباع…
*واحنه أبشوگ من نلطم مجانين
*يمشايه الطم يرادله امعين
///////////////////////////////////////
خلونه. نعزي. آم الخدر هاي…
ونطب الڪربله ومانشرب الماي…
احسن بالضعن هم فاگد اهواي…
*رقيه الصفنت لطم النساوين
*يمشايه الطم يرادله امعين
////////////////////////////////////////
وخوله البالغرب مدفونه وتنوح…
وعليهه گلب زينب ينزف اجروح…
يم ياگبر حارة تترك الروح…
*وهيه اتزور بگبور الميامين
*يمشايه الطم يرادله امعين
/////////////////////////////////////////
خلونه نشارك زينب الاه…
ونسمعهه لطم ماننسه معناه…
عهد هذا العهد بالون كتبناه…
*علمنه الحسين انضحي لدين
*يمشايه الطم يرادله امعين
////////////////////////////////////////
خادم اهل البيت. ع.
ابوحسين السرگودي… 🕊🕊🕊
////////////////////////////////////////

الامام الحسن،،ع،،

•••
بالوصيه-:أنفاسك أشتمهن هوه الطف
والحميه-:سولفتلك كل معرف ﻻيعرف
هيچي ڪبر كل زمن--وأنت حاضريالحسن
بالوصيه___والحميه
...
گلبت حسرة أحـروفك بين اﻻسطور
أبجرح الأترفرف دمــعته أتلثم النور
أنت ماموجـود أدري ولحــت عاشور
شلت طف حسين بيدك واتضح دور

الغاضريه-:بيدهه سرفنت ياموﻻي ألك چف
والحميه-:سولفتلك كل مــعرف ﻻ يعـــرف
ورجفت گلب الفتن--وأنت حاضر يالحسن
بالوصيه__والحميه
...
درت من ماي البگصتك حـــتى الأحروف
تنگــــــع أبغيرة ضميرك يالعشت شـــوف
أبوجه جاسم درت وجهك وأنت معروف
أنت شخصك بالحـــرب رايدته اﻻطفوف

والمسيه-:ليلهه أبخصر النجم ياسيدي ألتف
والحميه-:سولفتلك كل مـــعرف ﻻيعـــرف
وماردت حتى الصحن--وأنت حاضريالحسن
بالوصيه__الحميه
...
الهـــسه گـــــبرك ســـيدي شايلـته اﻻيام
وفــوگ صحنك هــــم شلت لنار الأخيام
بس بقى صـوت الخويه أيرجف اﻻسهام
الخاطر أحسينك نخيته أيضحي جـسام

للمنيه-:شاب وانت اتحملت جـسام ينزف
والحميه-:سولفتلك كل معــــرف ﻻيعــرف
المهم ميعيش الوثن--وأنت حاضر يالحسن
بالوصيه__الحميه
...
الهسه تحچي أسهامـهم شالت رساله
وأنت قراءنك ترتل بي ســـــــــﻻله
الورد ترب راسه وأضلم كل خـــــياله
شنو هـــــذا السهم كون أنه أبداله

ناصبيه-:وأنت رايه والمجد بسمك تشرف
والحميه-:سولفتلك كل معرف ﻻيعــــــرف
رفرفت فوگ الوطن--وأنت حاضريالحسن
بالوصيه__والحميه
...
ألسه لــــون أتراب گـــبرك لــونه رايه
وحگ جـــــــاسم من برز بيه الكفايه
بسمك أيرتل نحــس چف أسمك آيه
أيوضي كل حمله أبتﻻوه أمن البدايه

وبالزچيه-:أيحلف الثار ودمعته أتصير معطف
والحميه-:سولفتلك كل معرف ﻻيعـــرف
أبيالثارات الضعن--وأنت حاضريالحسن
بالوصيه__والحميه
...
خادم أهل البيت..ع..
أبوحسين السرگودي...🕊️🕊️🕊️
...

#قصيدة خطوة أجر
°°°°°°°°°°°°°°°°°°°°°°°°°°°°°°°°°°°°°°°°°°
•••بالمشي نيتك أبدمعه الگاهه•••
•••الخطوه تطلع والأجر وياهه•••
°°°°°°°°°°°°°°°°°°°°°°°°°°°°°°°°°°°°°°°°°°
أحنه موكب رايه ونعيش أبرفيف…
شماخدمنه أيخضرأحساس المضيف...
الهله العدنه أتغزر أشلون الرغيف...
•••بدرب بي ضهر المجد شالاهه•••
•••الخطوه تطلع والأجر وياهه•••
°°°°°°°°°°°°°°°°°°°°°°°°°°°°°°°°°°°°°°°°°°
درب بي حته الهوه أيشمك يريد...
يشهگ أحرورة الغيره ألما تهيد...
بكلمه من زينب رجف واهس يزيد...
•••والله ماتمحي ذكرنه أقراهه•••
•••الخطوه تطلع والأجر وياهه•••
°°°°°°°°°°°°°°°°°°°°°°°°°°°°°°°°°°°°°°°°°°
أشما يغير لونه أنحبه السمار...
حتى نحزن والحزن بينه أحنه صار...
هيچ من الله العشگ خضر خضار...

•••بحب الحسين الخدم علاهه•••
•••الخطوه تطلع والأجر وياهه•••
°°°°°°°°°°°°°°°°°°°°°°°°°°°°°°°°°°°°°°°°°°
نريد نكبر خلي نزغز أحنه حيل...
أشما نقدمله الحسين أنحس قليل...
الشمس من أنقيسهه أيغطيهه لليل...

•••أتموت الليل بكبر ملگاهه•••
•••الخطوه تطلع والأجر وياهه•••
°°°°°°°°°°°°°°°°°°°°°°°°°°°°°°°°°°°°°°°°°°
أحنه بينه أشچم جرح لفه النگاب...
شكثر عدنه أحباب غطاهه التراب...
ويه كل خطوه نثوبلهم ثواب...

•••حسين رايه ودمه هد شالاهه•••
•••الخطوه تطلع والأجر وياهه•••
°°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت،،ع،،
أبوحسين السرگودي...🕊️🕊️🕊️

قصيدة_فلسفة_جرح
دليني لاتفترك البير طعنت گاع
السلام على السيدة رقيه،،ع،،عزيزة الأمام الحسين،،ع،،
أخوكم أبوحسين السرگودي...
🤘🤘🤘