أفعل الخير .. وليقعْ حيث يقع ..
فإن وقع في أهله ، فهم أهله .. وإن وقع في غير أهله ، فأنتَ أهله ..

((أني أريد آمانآ يبن فاطمة آنا وأحبائي مستمسكآ بنا من طارق الزمنِ))
أتلعثم صوتنه أوحتى الدعاء بي شيب

وجروح السوالف چــن سواجي أتهل..

وأحــنه أبغيبتك مـــانعرف أحنه أمنين

عجـل يابوصـــــــالح والوجـــع يكتل..

تهــــــنه أبين مــــلگه أوبين الله أوياك

أومــــالحگنه لليسوه الدمــــــــع ينزل..

مــــالحگنه حــــــتى أنودع الغـــالين

الوداع البي جـرح من كل نعش يجفل..

وأنت أبهاي تعــرف چم وداع أتعيش

چــــــم كسرت ظهــــــــر بهلالك أدلل..

وصرنه أنشيع الحضن ألتراب أخوان

لحـد مـــاغربه صـرنه والضوه أموشل..


وتلچمنه الصـــور  ونصير دمعه أبماي
ومـــحتاجين حايط صور عدنه هواي
ينگعنه التعـــب وأنفـز نفـــــــس للناي


وأحنه أبلا شكو أنسير ضـعن مخنوگ

أشما نلتفت وحـــــده أيصوفر السنبل..

أومــالحگنه نلتم جـــــيل كون أبجيل

نلتم بالصــور  لمت الخطـــــوه أبضلْ..

وأحنه أبيا طــــرف تلگانه مــثل البير

مـن يلتف أبروحة أوضل ضواه يگزل..

مــن گد مـــا بچينه أعله الضعن باليل

مــــدري الياگبر رايــــــــح البي نختل..

مدري أشعنده رايح وأحنه ليش أنعيش

وخـواطرنه مثل خيط أبهوه أشتحمل..

وتطشرنه ركض مــــــثل المضيع شاب

ومشهد كل جـرح يلچمنه مــن يشعل..

ميتين أووكتنه أيريـــــد بينه أيعيش

عيشت سالفــه أويدري  الزمــن يرتل..

وردينه مـــــثل ردت سهــــــــم للقوس

وچـفوف المگابر چــــــــــم گبر تشتل..

گضينه وشوفتك بس هيه راحت بال

هـــــواي أمـــــــــلثمه وبلثامهه أتمثل..

هواي بيوت غصت والألم طــف روح

مـحترگه وخيمهه أبروحهــــــه أترتل..
خـــادم آهـــل البيت،،ع،،

أبوحسين السرگودي...🕊️🕊️🕊️

------
مـــن نشم عطرك نـرد مثل الهوه
يــــافلاحة عافيه أتـــخظر ضوه
بـــــعطر شباچك ترتل القل هوه
حــسين والمامنجرح يعرف دوه

المايعرفك موجرح•••ومالحگ طول الرمح
ومـــــافهم معـنى الــــطبگ
وأنــت بـــاب الـله الـــصدگ
حـــــــــــــسين°•°•°حـــــــــــــــسين
••••
✍️خادم أهل البيت،،ع،،
أبوحسين السرگودي...🕊️🕊️🕊️

أحزاب أحزاب...العراق أتحكمة الأحزاب
ردنه منهم العونه•°•أنتخبناهم أوباگونه
العراق أتحكمة الأحزاب
-------------------------------------------------------
جرح متعلگ بلچمة والحچي ضل أيتطشر
عمر جبناهه أحنه ننزف والألم بالگاع خظر
والأگبورأشمانعدهه وره سـاعه أتصير أكثر

وشبــــانه أيطمهه الثره
وتـروه بـدمعنه المگبره
وچم أبو كسرو خاطره
وبالدمعة چـم أم أتعثر


وتراب وتراب...بـس گبعنه الأتراب
الجرح ماسلهم أعيونه•°•أنتخبناهم أوباگونه
العراق أتحكمة الأحزاب
-------------------------------------------------------
ومن أجونه الخير أجـانه وگلنه راح الضيم كله
وفوگ ضــيم البعث ذاكه الطين هم زادوه بــله
مــو أبــسد الديـــن بـــاكو لاتشمله الديـــن كله

چــــامابگت أنـت شعجب
والعتب بـس الأهل العتب
والسبب هــم بينه السبب
أبصوتنه البعناه أبـــــــذله


وبحساب وبحساب...غاية دنيه بحــــساب
زحمة شلون غشونه•°•أنتخبناهم أوباگونه
العراق أتحكمة الأحزاب
-------------------------------------------------------
خلي نصحه ولا نـأمن شني ذيــــب أيصير راعي
أجــو حـفاي أنـعرفهم قــــوطهم مــــاألهه داعي
لانصير أحنه النلمهم چــن ضرف بچفوف ساعي

كلهم حــــــــرامية فلـــــــس
وأبيضهم أشتلگاه نگـــــــس
خيرهـــــــم أيــــبوگ ويـنس
وأنه أحـــمي أبروحي گاعـي

والباب والباب...بدينه أنسـدة هالباب
الشعب ثوراته مضمونه•°•أنتخبناهم أوباگونه
العراق أتحكمة الأحزاب
-------------------------------------------------------
شــوهو كلشي النحبه وكل جرح بحساسه شاهد
وبــرسالات النحبهه حــشد عـــدنه وحـشد واحد
مـــايــدنــگ مــــــن يــأذن مـــــــثل أذان المراقد

واليل يــجليه الصبح
والجـرح ينطم أبملح
وياهم أيفشل الصلح
والعراق أبنك مجاهد

وشياب وشياب...الفـــــــــزعة أتريد شياب
الغياره ألي يقودونه•°•أنتخبناهم أوباگونه
العراق أتحكمة الأحزاب
-------------------------------------------------------
هاي فرصتنه الأخيره وصوتنه أنخليه يقرر
وبضمير أنعيش مـــــره والضمير ألي يصور
ليش بس العــوز عدنه بخيرنه الوادم تصدر

التغير يبدي آمن اليبي
فهرس كرامـــة مطلبي
بتاريخچ الـدنيه أكتبي
والشعـب لازم يشــــور

غـياب غـياب...أهــــــل الغــــــيره غـياب
الحمل أهله اليشيلونه•°•أنتخبناهم أوباگونه
العراق أتحكمه الأحزاب
-------------------------------------------------------
✍️أبن العراق
أبوحسين السرگودي...🕊️🕊️🕊️

يـــــاالله•••بـــــــــلغنه مـــــــحرم
يـــــاالله•••بفـــــــــــــراگه أنتيتم
وحــشه المسيه•°•°•بــغير العزيه
يـــــــاالله°°°°°°°°°°°°يـــــــاالله
---------------------------------------------------------
دعيناك ..رجيناك ..ومـدمعنه ساچب
ترى أنموت ..بلاصوت..لطم المواكب

وعليك أمحزمات أبحرگه هالچفين••
والمجلس نحضره
ويحسين بضمايرنه وألك يــحسين••
تسهيل أمــرنقره


((يحسين بضمايرنه°°صحنه بيك آمنه
لاصيحت عواطف هاي.....
ولادعـــوة ومجرد راي......
هاذي من مبادئنه°°صحنه بيك آمنه))


يـــــاالله•••أتــعيشنه المـــنابر
يــــاالله•••بـــــجروح الحوافر
ونــهوه المنيه•°•°بـــغير العزيه
يـــــــاالله°°°°°°°°°°°°يــــــاالله
------------------------------------------------------------
نتانيك ..نناديــــك ..وننسه ألــمنه
يالهلال..ترى الحال..مايسوه عدنه

أذا مومجلسك يحسين عدنه الراي••
مايـسوه عمرنه
لأن أبـــدمعتك فـــشلنه حتى الماي••
سجلنه حضرنه

ياالله •••خلــــــينه نــساهــــم
ياالله •••أبـــــهايه المـــــــــأتم
شتسوه الدنيه•°•°بـغير العزيه
ياالله°°°°°°°°°°°°ياالله
--------------------------------------------------------
نـضل دوم..بــــــالهموم..أوسود الملابس
المهم كون..هل العيون..أتــهل بالمجالس

نضل أبخير أذا تقبلنه يابوالخير••
بهالخدمه الشريفه
ونخدم وبحسينتك أبــلا تقصير••
هاي أشرف وضيفه

ياالله•••عــــيشنه بـــطفوفه
ياالله•••مـــانـــقبل نعــــوفه
مامش حميه•°•°بغير العزيه
ياالله °°°°°°°°°°°°ياالله
-------------------------------------------------------
البعد صار..حرگ نار..والفرگه تـكبر
بـــله أياك..مــننخاك..مولانه نخسر

خلينه أعله بابك والچفوف أتگول••
أطيني بس كرامه
وبــابــك مــايرد اليوصله مـــذلول••
أنت أبــن الأمامه

ياالله•••أبـــچف بــابــك دلائل
ياالله•••مــــا ردالــــه سائـــــل
أتموت القضيه•°•°بـغير العزيه
ياالله°°°°°°°°°°°°ياالله
-------------------------------------------------------
نصدوين..يالحسين..بــس لا عفتنه
والأذنوب..مثل ثوب..صبغة جلدنه

أذا مو ألك نلطم نحترگ ونطيح••
يالغرگنه خيرك
يفر بينه الهوه وطشنه أزغر ريح••
ماعدنه أحنه غيرك

ياالله•••مـانــرهـــم بــدونه
ياالله•••وفــــقنه العيونــــه
بداعة رقيه•°•°بغير العزيه
ياالله°°°°°°°°°°°°ياالله
-------------------------------------------------------
خــــادم أهـــل البيت،،ع،،
أبوحــــسين السرگودي...🕊️🕊️🕊️
🤲

كل عـيدعندي المجلـس أهلاله
كل عــام والدمــــــعات هــماله
أســمك چـــبير أوأوگف أبچاله

يـــحسين لاتـــحرمني مــن يمك
بداعة المهدي خــل أحس بسمك

وزيدني حرگه الجرحك أنعاله
...
✍️خادم الحسين،،ع،،
أبوحسين السرگودي...🕊️🕊️🕊️

أعظم الله لنا ولكم الأجر بشهادة السيدة فاطمه العليله،،ع،،

♠️♠️قصيدة حلــــم حلــــم♠️♠️
_______________________________


حلم حلم..حيل فززهه الحلم
تهم تهم..والعليله بــــس تهم
روحهه بالغاضريه°°°أمگابله خيمة رقيه
-------------------------------------------------------
وفـرفحت والنـــار بيـهه تـــستعر
شلون خيمة وبده يشعلهه الشمر
صارت أبكل كتر توگع بس جــمر
وشكرة الله أبكثر مــاحگ ينشكر

رسم رسم..واگفه شلون الرسم
تــهم تــهم..والعليله بــس تــهم
توگع وتلتم خطيه°°°أمگابله خيمة رقيه
-------------------------------------------------------
أتگول خليني أحترگ بس لا أشوف
بشكو خيمة أبكربله الــــنار التطوف
وفـزت ولن بــالحلم صاير خــسوف
وچم أسم مذبوح حـست بالطفوف

أسم أسم..عاشت أبهذا الأسم
تـهم تـهم..والعليله بــس تــهم
تختنگ كل مغربيه°°°أمگابله خيمة رقيه
-------------------------------------------------------
وهيـه يمهه الليل نـوخ چـــــن جـرح
أمــنين مـــــاتلتفت لاگـاهه الــرمــح
ومن ألمهه أيخاف ضل وجـهّ الصبح
وطلــع شيب الگاع كــل هـــذا الملح

تـلم تـلم..أحتارت الياهم تلم
تهم تهم..والعليله بــس تــهم
ألكل جرح نصبت عزيه°°°أمگابله خيمة رقيه
-------------------------------------------------------
وحـــايـره أبــين الأجـــو والمــا أجـو
أتگــول لاســبني الگلب لمـن مــــشو
أنــه أدري أبكـربـله شعـــدهــم بطــو
هلــي أكـــرام ولـــــــشهاده عــــزبــو


ختم ختم..والمواقف تنختم
تـهم تـهم..والعليله بـس تهم
أوماتغيرهه المنيه°°°أمگابله خيمة رقيه
-------------------------------------------------------
وسيــر أعليهه الألـم مــــن كـل طـرف
وهيه متوضيه أبـــحزنهه الضل شرف
أتوجهت صوب الغري أتحاچي النجف
علي أبداعت علي ألكل شدة أنــوصف

علــم علــم..ألجيتك عندي علــم
تــهم تــهم..والعليله بــــس تهــم
للوحشه ياحامي الحميه°°°أمگابله خيمة رقيه
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️
🤲

#سفير_الخيم
...
♠️♠️قصيدة بيــان الخــيم♠️♠️
_______________________________


والخيم عدهه سفاره°•°وگابلت قصرالأماره
ورجفت حيل القصر•••مسلــم أيقــود النصر
-------------------------------------------------------
أفتـرهت الكوفـه لمــن طــبهه النذير
أبـــريحة أثيــابه كرامــــه ألكل فقير
بســيفه لالــذله مـخطوطــــه بضمير
والأمــير حـــسين مــــــاكـو كل أمير

صــــدر بيان الخيم°•°والتفهمه أهـــل الشيـــــم
ديــــني…أحــسيني°•°نــومسو رفــت العلــــــم

بثورة ضدأهل الكفر•••مسلم أيقود النصر
-------------------------------------------------------
طلــــــع بيانــه مثــــل عطـــر الـــورد
شــمته العاشت صــدگ معنى المـجد
وصــاح يــاباب القصـر گـــوم أستعد
راح أقـــــلـــعـــنك ورد خــــــيبر ورد

شلون طبت حيدرة°•°وشـــبرمـاأرجع وره
عـــمي…أبـــدمــــي°•°طبتهه چنهه الأخره

وبطبرته آشگدأجر•••أبمسلم وسيفه النصر
-------------------------------------------------------
وگــف بــالكوفه وعلي بــگبره وگــف
عـــرف مــسلم مــايــدنگ بي عــرف
هــذا أبــن نسابــهه الــبسمه الشــرف
مــثل مــلك المــوت سيفه لــوخطف

مسلم أنشودة وفاء°•°أبمستهل يــاكربــلاء
يــــقره…أبـــــنصره°•°بصوت جبريل الأداء

وأبن عمه يفتخر•••أبمسلم وسيفه النصر
-------------------------------------------------------
الهسه طوعه أوبابهه أتعيش ألي صار
شلـون مــــسلم مــن وگف چنه الفقار
ويــه كـــل كلمة علي أبسيفه أستــدار
الجيش يوصله ويــــرد بي تحچي نار

وهوست طوعه أله°•°هيه هاي المرجله
سيـــفـه…أبكـــيفه°•°فتح بـــاب الكربله

وحيرأحروف الشعر•••أبمسلم وسيفه النصر
-------------------------------------------------------
وضــل سفــير الخــيم شامـخ باليقين
وهمـه ويــه أقصورهم مـــاندري وين
أتراب صارو بـس بقه ألكل همته دين
هـــاي خاتمته العشگ أســم الحـسين

ترف ضلت رايته°•°والكوفه تزهي بگبته
أبنـوره…أتــزوره°•°الـروح تهوه الحضرته

أزيارته تجلي العسر•••أبمسلم وسيفه النصر
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️
🤲

♠️♠️قصيدة رجعت هالمجالس♠️♠️
_____________________________


رجعت هالمجالس•••وينه البيهه دارس
°عشرة دمع°°كسرة ضلع°°ضل ينسمع°
فكــرك خلــــه حارس
رجـعت هالمـجـــــالس
-------------------------------------------------------
ويــن العــاشرو بـالمــجلس الدمعه
خــطوة خيــــر يلگون الأثــر شمعه
حـسين أيحـبنه من ردلنه هالجمعه
الماعنـده جـــرح مـايــعرف الفزعه

(أللهي ألچـــان مـــــاأردن الأبو اليمه)
(أخذروحي أبغيابه الموت ألي رحمه)

العشگ خرج مدارس•••وينه البيهه دارس
°نــارالألم°°مثل السهم°°وكلشي أنهدم°
فكـرك خلــــه حارس
رجـعت هالمجـــــالس
-------------------------------------------------------
لـــوتتوقـــف الـــدنيه فـــــلا نـــهتم
بس كـون أحـنه مــتحزمين بالمئتم
ونــــــدگ أصــدورنه وخلــينه نتألم
اليـعرف ألدنيه بـس أيــام مـــايندم

(أيـــــام أيـــــام هــــــاي الـــدنـــيه أيـــــام)
(يوم الأأهل يحمونه°°ويوم العده أيسلبونه)
(هــــــــــاي الدنــــــــــــيه أيــــــام)

دمعتك خل تنفاس•••وينه البيهه دارس
°وخبر الزمن°°عدنه المحن°°مثل الوطن°
فكـرك خلــــه حارس
رجـعت هالمجــــالس
-------------------------------------------------------
شفتو شلـــــون عشـنه أيـــــام مـوأيام
المجالس منـه راحت وأحنه چنه أيتام
خلــــــــونه نجــــدد نيــت الخـــــــدام
ونخلي أصـواتنه تتوضه بــــس بخيام

(الخـــيل غــــارة والخـيم مــگصودهه)
(اليوم الأخــوه اليـــوم دون أحدودهه)

الأمانه أغله النفائس•••وينه البيهه دارس
°أخيام أووفه°°آبگد موقفه°°ضـدالجفه°
فكرك خلـــه حارس
رجـــعت هالمجالس
-------------------------------------------------------
أشمـــــا نگبــر تـــــره للگــاع ردتــــنـه
وحـــسين الكبرانه أسمــه أبهــــويتنه
المجلــس والبساطه أحساس غـايتنه
نــندل بيهن أحــنه أخــلاص خدمتنه

(راحــــة الداريـــن بـــــالخدمة الحسينه)
(للأهل الصدور الطاهره التحمل نياشين)
(بـــــــــالخـــــــــدمـــــــــة الحــــــسينيه)

أنعيش شلون عابس•••وينه البيهه دارس
°أبدور النفسْ°°عشنه الدرس°°أنخضر شمس°
فكرك خلـــه حارس
رجــعت هـالمجالس
-------------------------------------------------------
نــقره الفاتــحه يـــم كــل جـــرح كبـــر
حتى أنــعيش عيشت مجلس ومــــنبر
علي أيحبنه تـرى آبــگد مـــايحب قنبر
وحــسين إيْعَرِفْ ربــــعه ورادنه نحضر

(رايتنه غــايتنه مـــــابيهه تقصير)
(من علي وحسين__للإمه والدين)
(مــــابـــــيهه تــــــقصير رايـــــتنه)

فارس يحمي فارس•••وينهه البيهه دارس
°نوگف ألهه°°وأحنه أهلهه°°مـــــانملهه°°
فكرك خلــه حارس
رجــعت هـالمجالس
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️

🤲

♠️♠️#قصيدة_حي_الله_الأنصار♠️♠️
__________________________


حي الله الأنصار•••°•••حي الله الأنصار
خطتهه الأقـــلام•••°•••حي الله الأنصار
-------------------------------------------------------
مــــن قرو تسهيل أمر أللأم البنين
الفاتـــــحه ورفت بـيارغهم يــقين

حلوه جمعتهم___البيعه لمتهم
والغيره شالتهم

الغيرة لمـعة بالسوالف چنهه عين
حـيّ عالأنــصار فزعــــو للحسين

وكل كلمه فقــــار•••°•••حي الله الأنصار
شاهــــدهه الأيام•••°•••حي الله الأنصار
-------------------------------------------------------
گـــام وتــحزم حبيب ورد شبــاب
خلــه ملك الموت يصفن عالرگاب

والبيرغ أحزامه___ومن علي أيمامه
أيـذكره بأيـامه

أمــنين مــايطلع يشوفونه ضباب
مـاتفرزن شيبه مــن لــون الثياب

يانية الأحـــرار•••°•••حي الله الأنـصار
خاتمهه الأسلام•••°•••حي الله الأنصار
-------------------------------------------------------
الگاع گـامت هوست مـــاچنهه گاع
الخـطوه غابه وخضرة بيهه السباع

وتباهة الطبرة___چيه نصروالعتره
وحضنتهم الحضره

آبـــگد معزتهم وگــع طــول الوداع
لسفينه أنشوفهــــم صــــارو شراع

متذلهه الأخطار•••°•••حي الله الأنصار
من عاشوأحزام•••°•••حي الله الأنـصار
-------------------------------------------------------
هيه هاي الصحبه من جون وحبيب
أثنينهم لـــونـــين أســـود والمشيب

بس راجع النيه____تـقراهـه لطميه
مابردت أشويه

وگفو الهسه أبحضرتهه آشگدنصيب
چـــان عدهــم بــــالوفه مامر مغيب

أتـمناهــم الغار•••°•••حي الله الأنصار
من وگفوأعلام•••°•••حي الله الأنصار
-------------------------------------------------------
مـــن أسولف بيهم أيزيدوني صيت
مـــيت أنـه وبـــــــذكرهــم هالحيت

وأتسمو النعمه___وتحـــزم بچلمه
وخادمهم أتسمه

الشعر وآهل الشعر من يسمع قريت
أتلمهن أچفوف الكرامه بــيت بــيت

والدعوه بصرار•••°•••حي الله الأنصار
يسجلونه خدام•••°•••حي الله الأنصار
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️
🤲

♠️♠️أم البنين،،ع،،قصيدة يم كل جرح♠️♠️
-------------------------------------------------------
يم كل جرح أرسم گبر..وشعل شمع..ينزف دمه
ونصبلي منبرمن رمل __وتقرالي مجلس فاطمه
وتنادي يحسين..وتغيم العين..ونصبلي منبر
-------------------------------------------------------------------
ويخضر أبكتري أللطم وأني أستمع لمك نعي
وتتراجف أضلوعي خجل ردت الكسر بس بضلعي
وحزنانه الأحروف التجي أيلاگيهه يركض مسمعي
ومن أبچي يفزعلي الرمل بچفوفه يجمع مدمعي

وتتچوه الأجروح..من يفزع النوح..ونصبلي منبر
--------------------------------------------------------------------
أتلاگيني يم بابك هله وأنت أعلى طولك منسحگ
دورتك وشفت الأثر عايش مثل وجهّ لصدگ
ويلمني بحساسه الهوه لمت نفس ضل مختنگ
يارحمة الله أمصيبتك ثق شيبت حتى الخلگ

خلاني عاشور..بس أبني بگبور..ونصبلي منبر
--------------------------------------------------------------------
وأترهدنت لأخر جرح من شفت الموادع صعب
وتقرالي أمك وأنه أون يم ولدي تيهت الدرب
عرضه أنه صرت الكل شمس تشغر لحد ماأنشرب
كل خوفي يمك قصرو لو يمك أمقصر الگلب

واعدني عباس..مادنگ الراس..ونصبلي منبر
--------------------------------------------------------------------

وأنطيت ولدي أنه الگفه بس گبرك أبروحي أرتفع
وقره الزيارة أبحس علي وصوته أعله صوتي أسمع وگع
يامدري شيلمك أسم يم هيبتك كلشي أنجمع
مامحترگ ثوبي أبخيم بس گلبي شالك وأنفجع

ويتمايل أبريح..أخيالي ويطيح..ونصبلي منبر
--------------------------------------------------------------------
وموتني حزنك والبعد يالعندي أغله آمن الولد
من مرني موتي أشگد ردت لوساعه يحسين وترد
تدفني بيدك حتى أحس دافني بچفوفه الورد
وبگبري وأشتمك عطر ميته وأشمنك مجد

وتگحل العيون..يالكلك أمتون..ونصبلي منبر
--------------------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️

🤲

للحن قصيدة يم كل جرح🤘🤘🤘
بصوت الطيب ملا عصام

🗨️#شوط_كربلائي🗨️
♠️#قصيدة_أقره_الفاتحه_العباس_ع_♠️


أقره الفاتـحه العباس…تــسهيل أمـــر عـــد أمــــــه
المجالس تبقه كون بخير…حــسين بخدمته النعمه
---------------------------------------------------------
أمد أچفوفي حتى أقراه...بــعد الفاتحه أتجدي
مـــــن عباس وأم الخير...غير حـــسين ماعندي
أذا مــــااحــــترگله اليل...بروحي وگلبي متبدي

وعـــيشن عيشة الينعاف
مــــيت مـــالگاله أچتاف
الألم موكل وكت ينشاف

وقفيت الدمع لحسين...دمعته أبدمعه متحزمه
---------------------------------------------------------
مـــاطــــول الحسين أبــخير...أحنه بخير كل ليله
الـــمايلطم ألــــه أبــعاشور...شنهي الفايده أبحيله
أبهاي أحساسي ضل موجود...جرحك من يتچيله

وقريت الفاتحه مــرتين
وألهه أمــشي يـــاچفين
تخليني بخدمتة حسين

لأن ردت أنه أعيش أنسان...عيشت معنه بالكلمه
----------------------------------------------------------
خيبر عالمجالس باب...شكثر وادم رضت تنسد
حتى أنعيش مثل الماي...يــم الخيم بـس ينعد
مابيه فزعه صم تاريخ...وعبدالله أنــذبح بالرد

هاي الصورة دوم أوياي
يچويني بـجمرهه الماي
لحد مــاأحس أنه الواي

ويطفيني السهم كل يوم...أموت أوأحيه بالطمه
---------------------------------------------------------
ليش أشعدنه ويه الناس ...حچيهم قبل شهرك هل
يــذبحونه قبل عــــاشور...ونجيك ونــوصلك نندل
وبس لحسين يحله النوح...نـگلهم مــقتلك مـــقتل

هيچي المـــــنبر أيربي
أقــــره الفاتحه الدربي
العزائك كل وكت تربي

عيني وبس ضريحك طيف....بعزائك عطره أشتمه
---------------------------------------------------------
والهاذه السبب ضليت...أقــره الفاتـــحه أبروحي
ونزع شكوبيه أجروح...فقط بس كربله جروحي
ودور ولگه بـس دخان...خيمهه اليــــفتر أبنوحي

وأدعـــــي ودمعتي ترجف
بـــعيني وبس صور تذرف
غير حــــــــسين مــاتعرف

يالمالكني وأني أزغير...بدللـول الـــولد نسمه
---------------------------------------------------------
ياعباس حگي أنخاك...وأنخه أمك وحاچيهه
هــيه أم الخدم والنوح...المـاتخلص بواچيهه
هــيه العلمتنه حــسين...هــيه أمنه بنواعيهه

هــــيه الباب والمــفتاح
بـذكرهه الماله أم يرتاح
تـــــدعي دوم للي صاح

(يحسين أبــــضمايرنه...تدعيله وتعرف أسمه
-------------------------------------------------------
وعشنه والجــرح ملچوم...أبفگدك والألم خـــيم
يعباس الخــويه أعليك...أمفرعه والحچي أتيتم
الماشالك أبروحه أحساس...أحساسه أمطشر أشيلتم

وأحنه أنحلفك وننخاك
هــذا الطلب يمــك هاك
ومـــاننساه ومــاننساك

يالمحزم الخويه أحزامه...حزمنه بضوه الخدمه
---------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️🤲

🗨️ياعلي الأكبر🗨️
#قصيدة_عسكر_آهـل_الدين
______________________________


يالأكبر ياعلي الأكبر•••شــد أحزامك أبحيدر
هذا الصوت من حسين°°°يالأكبر ياعلي الأكبر
------------------------------------------------------
وگف والرايــه وگفـت شـــالهه الواهس
مـن شافت أجــاهــه عـــرفت الفــارس

أستحه حتى الهوه منه
النبي لـــوحـــيدرة چنه
رغــم مـابــالحرب سنه
زغيــر أمــحزم أبفــــنه

وحچت كل خيمة بأسمه ورادته حارس
هلــه بــــالعــد أبــو فاضل عمـــر دارس

علي وهيهات يتكرر•••شــد أحزامك أبحيدر
يهيبة عسكرأهل الدين°°°يالأكبر ياعلي الأكبر
-------------------------------------------------------
حتى الخيـــم وگفــت وگفــت الرايه
مــن شافته أمــحزم كبــــرت أهوايه

تحـــاچي الگاع وبهمــه
لاتنسين أحفضي أسمـه
أجاچ الـخطوته رحمــــه
المراجـــل دنـگت يمــــه

أكتبي أحــزام الأكبر چــانت أحچايه
ألصوت أجدامه جيش أتراجع أبرايه

أبطلعته الوحده عسكر•••شــد أحزامك أبحيدر
حسين أتخيله أبصفين°°°يالأكبر ياعلي الأكبر
-------------------------------------------------------
لحـد مــاغيمة والدنيه أحــس دارت
بـعيــدأوخيلهم بالشردة لـــن غـارت

أفترو والهـوه أيطشهم
چنهـــــه الخيل ركبتهم
يــدورون أعله شردتهم
طاحو مــــــدري هدتهم

وصلهــم والرگــب مــالحگت طارت
وجثثهم بلا روس أمـحيره أوحارت

أفكار القادة تتطشر•••شــد أحزامك أبحيدر
مثل جده طبرته أثنين°°°يالأكبر ياعلي الأكبر
-------------------------------------------------------
أوشيــب صــوتهم مـــن كثر مـامـنا
أجــــاكم والكتايب فشلــت أبيمـــنا

فلاح ودخـــــل گــــاعه
ألمنــجل نومسه أذراعه
يحصدهم تــره أبساعه
أمشكل عـايش أطباعه

وي ديرت روسهم صاحلهم أنه أهنا
أبأول حــرف بعـــــده وموتهم سـنا

وخله أجدوسهم تكثر•••شــد أحزامك أبحيدر
شيرد الصفو ميتين°°°يالأكبر ياعلي الأكبر
-------------------------------------------------------
أهنـانـه حـسين فرحـن كلش أعيونه
وأتبـــاهه أبعلــي چـي مــايــــلاگونه

أبدعائه الهيــل يتبرك
عطر والنسمه تتحرك
أعرفنه العطش ضرك
وسيفك يذبح الأشرك

أبدين الله وكبر وسواسه بضــنونه
يـــالمخلي الكتايب تتطلب العــونه

أبوك حسين حگ يفخر•••شــد أحزامك أبحيدر
يوليدي أنت گرة عين°°°يالأكبر ياعلي الأكبر
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️
🤲