🔆🔆قصيدة تعرف رقيه🔆🔆
-----------------------------------------------------------
وحگ رب الجلاله...مشت بت الرسالة
أمــيره وكبرت الگاع أعله عفتهه
أسيرة شلون تعقلهه أويه عمتهه
موخارجيه____________تعرف رقيه
-------------------------------------------------------
مشت والگاع تمشي أويــاهه وتصور
علي وچم علي صارت والجدم خضر
مواقــف والزمــــــــن سجلهن أبدفتر
مـــن حـرگ أجدامهه گاع الله تتفطر

الجرح كاتب مقاله...مشت بت الرساله
عرفـــــــت بالألم يحتاج وگفتهه
أسيرة شلون تعقلهه أويه عمتهه
لا..موسبيه ____تعرف رقيه
-------------------------------------------------------
الهـــــوه بنفاسهه أشمايلتفت يـــلگه
لبوهه حسين شبگه أمحزمه أبشبگه
تركض عالرمــــــح وتحسه بي ملگه
وتوصله وتحاچي الرمـــــح اي حگه

ونزف جرحه وسؤاله...مشت بت الرساله
طفله ومارضت تفضحهه مشيتهه
أسيرة شلـون تعقلهه أويـه عمتهه
ورثهه الحميه____تعرف رقيه
-------------------------------------------------------
الشموخ العدهه صوفر كلشي بي ذله
السؤال حـــسين هيـــــه أتگله وأتگله
الجــــــــرح اليلچم لو مـــيت أحسنله
ولا يلگه الرمـــل واصل جـــــرح ضله

الألم خط من خلاله...مشت بت الرساله
رقيـه الهسه عاشت بينه وگفتهه
أسيرة شلون تعقلهه أويه عمتهه
منسمهه أبيه____تعرف رقيه
-------------------------------------------------------
ضلت مــــاشيه أعله الدرب متحزمه
رغم مــــالگت كلشي أمحزم أبضلمه
طــــفله وشيبهه مـــــاتوصفه الكلمه
وصلت لرمــــــــــح وتخاف لتلچمه

ونوت توصل خياله...مشت بت الرساله
تگوده أتريـد يعرف شنهي نيتهه
أسيرة شلون تعقلهه أويه عمتهه
بكبرهه العزيه____تعرف رقيه
-------------------------------------------------------
متنطره اللقاء وهيه تــــعـــرف زيــن
يـــحل وكت الملاگه وتلتقي بحسين
لذالك فزت ودمعتهه تــــرس العـــين
جايب راس أبوهه آشگد حنين البين

أبمنيه أصبح وصاله...مشت بت الرساله
بچه حتى العرش من شاف حالتهه
أسيـــرة شلـون تعقلهه أويه عمتهه
ولفتهه المنيه____تعرف رقيه
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️

قصيدة الامام الحسن،،ع،،
-------------------------------------------------------

والحسن بابه أيصيح حيّ عالمشايه

-------------------------------------------------------
باب عاش أويالكرم شامخ بتربيته
تارس أجيوبه الحسن لليچهبه أبنيته
عمر ماسد روحه عوز وبين أبصينيته
من سمع بأهل العراق أتحزم أبخاچيته
شيخ چنه ويدري زين الخدمه ترفع صيته
أفلاحته أيعزب يريد وكربله أمتانيته

وحلمه موكب لوصار بي ترفرف رايه
والحسن بابه أيصيح حيّ عالمشايه

-------------------------------------------------------
وخفگت الرايه بهواهه وكلشي بين بيهه
أشما ترف رايه يگول الگمر چف ساگيهه
ويعرف أبجاسم چبير وهوه اليلاگيهه
وهله بالزاير هله بحرگه من يحچيه
وهدر أدلاال المضيف وبالعشگه غاطيهه
وخدمةالمشايه نعمه الباب ضل يحچيهه

ومن بقيع الدمعات ترس جوده أومايه
والحسن بابه أيصيح حيّ عالمشايه

-------------------------------------------------------
باب بس غيرته شعلت كلشي ضل بكتاره
ومايبس بسمه الخضار وعايش أبأسراره
أمحزم أوغيرته وگفت علي وكض فقاره
باب بس يحسب نشوفه أمنيته كل أزياره
يخدم ويوگف تراثه ونشم عطر أخباره
باب مدري أنحسبه خادم حفظ هيبت داره

والخدم بي تنهاب لگت بسمه أحچايه
والحسن بابه أيصيح حيّ عالمشايه

-------------------------------------------------------
باب بس شايل ضمير أمعلم آمن الزهره
باب عمره أبخير عايش بيده ينطي الفقره
والحسن گله أبجبينك دوم خلي الگطره
حسين لو يتعنه ليك أبروحك أوگف وقره
ياأبو الأكبر شخبرك والعشگ عالفطره
باب لو عوچيه أصيرن عكس ذيچ الشجره

والرمح عندي أوياه وگفه وبهل الآيه
والحسن بابه أيصيح حيّ عالمشايه

-------------------------------------------------------
ألهاي بدموعه توضه گلبه وأصبح شاعر
أشگد تمنه أيصير خيمه ويحترگ بالعاشر
رادبس الطف يحظره وينحسب بس ناصر
راد يركض والسياط أبمتنه توگف باچر
راد بالفزعه الچبيره ويكبر وميكابر
أمنيته ويه حسين يحضر حتى يصبح ثائر

وكبر وأحلامه أوياه كبرت الهل غايه
والحسن بابه أيصيح حيّ عالمشايه
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️

🔆🔆قصيدة أجينه🔆🔆
❄️❄️❄️❄️❄️❄️❄️❄️❄️❄️❄️❄️❄️❄️
أجينه وچف جدمنه أظلوعه محنيه…
وكل موكب نشوفه زارع أميه•••
تطشرنه أعلى كبرالجرح والتاريخ...
ونسئل ونخمش چم گلب علويه•••
مولح صوتنه مثل العباه بالصيف…
لأن صيحنه ياهو ألاگي ترچيه•••
ورفت روسنه رفت روايه اليل…
الله أيعين گلب الفاگد أبنيه•••
حتى أدموعنه أيطيحن أوننخه حسين…
ويتلاگهن أسمه أتگول عوچيه•••
ونخظر مستحه آبگدماوفه العباس…
وحگ صبر العليله اليحرگ الريه•••
جرحنه الهسه نلگه الماي خنجر بي…
من رگضت أوصوت الماي أله ديه•••
من چان النحر لامس أحساسه أتراب…
من مسحته أديهه العاشت أبفيه•••
من عاشت جرحهه زينب أمنبعيد…
وأطبول الشماته أتصيح مسبيه•••
لحد ماوصلتك وعيونهه أمدنگات…
ودمعهه الخاطرك ظل يقره أبوذيه•••

للـــــعفه أنـــه زينب عفـــــــــاني
وسبوني وسوطهم ماظن عفاني
عفاني أشلون وأتحمل عفاني
السبي لوساعة ألماتت رقيه•••
°°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت.. ع..
أبوحسين السرگودي… 🕊🕊🕊

يوالينه_°_رقـــــيه الخنصرك تنعه
يغالينه_°_وتوگع والحچي أتودعه

چـــان الخنصرأعله الدرب گايدهه
هـــسه أطيح لمــن تمشي وحدهه

✍️خادم أهل البيت،،ع،،
أبوحسين السرگودي...
أحسن الله لنا ولكم والعزاء...

#قصيدة_]شكرآ[_الى_كل_خدام_الحسين،،ع،،
-------------------------------------------------------
شكرآ...ألكل دمعه طاحت لزغر أجروحي
شكرآ...للگلي فدوه أتروح ألك روحي
شكرآ يخدامي°°°متعبتكم أيامي
-------------------------------------------------------
عشتو أشچم جرح وياي وجرحي مابقى أبوحده
أبمجالسكم الآه أتعيش ودمع العين يتبده

//وصلت للعرش ونتكم أومبحوح ياصوت العزيه//
// ويامحله الوداع أتنفست عاشور وعلوم المنيه //

شكرآ...يل وسميتو أصدوركم لجلي
شكرآ...حتى المدامع توگف أتهلي
وتشكركم أيتامي°°°متعبتكم أيامي
-------------------------------------------------------
وأتخيل لطمكم ماي والعبدالله يوصله
ويبلل ريجه والرادود أسمعه أيصيحله أصمله

//من گد مايحس بجروحه والمجروح مايلچم حبيبه//
\\لو شاهدت راسه أعله الرمح شتگول وحدهه مصيبه\\

شكرآ...من أول أيامي لعد هايه
شكرآ...يحفظكم العباس أبوالرايه
يحبابي وأزلامي°°°متعبتكم أيامي
-------------------------------------------------------
يالعشتو بسواد أونوح أدعي الله اليجازيكم
ماعفتوني وتعوفون كلشي العني يلهيكم


//ينجوم وترستو وحشة التاريخ ياهيبة مساره //
//بعوائلكم حيتو عالم التشبيه هم راحو أساره//

شكرآ...من زينب التبچولهه الدمعه
شكرآ...ياربي أرزق خادمي السمعه
الحرگتهم أخيامي°°°متعبتكم أيامي
-------------------------------------------------------
يالبيكم الخنصر طاب مجالسكم ضوه وعبره
أشكركم لأن كل يوم أشوفن أمي الزهره

// يم كل باب أمي أمحزمه بدمعات وأسمع كل بچيهه//
// وأيد أعله الضلع والثانيه للجاي تدعي أسمع حچيهه//

شكرآ...الكلمن أجه وجايبهم أطفاله
شكرآ...للابس أسود عيني تبراله
من كل جرح دامي°°°متعبتكم أيامي
-------------------------------------------------------
شكرآ لسهرلي اليل شكرآ للكتبلي أبيات
وكل موكب أشكرنه أبگد مارفن الرايات

// أشكر لهفت الرادود لمن گال يحسين ومصابه//
//وأسمع صوت الأكبر وبدعائه أيگول أحفظله شبابه//

شكرآ...ماعوفكم يالما نسيتوني
شكرآ...والماي أضوگه من تزوروني
يالهفت الضامي°°°متعبتكم أيامي
-------------------------------------------------------
خادم أهل البيت،،ع،،
أبوحسين السرگودي...🕊🕊🕊

تعمة العين على زينب

يـــــاحـــــسين فدوه الأسمك گعدته وحدهه موكب

يــانـهر شــــــوگه...أرواح مــــــــحروگه
حـسين وحــده آمن الله موكب ينبنيله°•°
وكلــــشي يتأمـل...أبـــــــــدمعة المقتل
حــتى يـــعرف بــــالدمع كلمن مـــسيله°•°
✍️أبوحسين السرگودي...

يابوصالح


🗨️🗨️سمعن وطـــاعه مولاي🗨️🗨️

-------------------------------------------------------
غيبتك مغرب...والجرح يكتب
أحــنه غير حـسين مــــاعدنه وسيله..
ياجرح نوحي...ينزف أبروحي
حــتى صـوت الماي بي ونتك ثچيله..

بـدل أدموعك تهل عينك دمـــه
هـــذا عهدك للحسين أومـــأتمه
مابرد جرحك تعرفه أهل السمه
أبـونتك أمـوزرة أمــــك فاطمه

🗨️🗨️بحـساسك النارأفياي🗨️🗨️
🗨️🗨️سمعن وطاعه مولاي🗨️🗨️
-------------------------------------------------------
چــم جرح خيمة...أتـحملت ضيمه
وشكو جمرة أبجرحك أتعيش بشليله..
ومشتعل نوحك...شعلت أجروحك
وصـــــوت مـــن أنفاسك أيأذن قليله..

يــاكريم أنــريــد مــــنك هـــــــالطلب
دمعه وحده وندري تچوي أچم شعب
ونـــــدري بيهه نحترگ حرگت گصب
حــسين.. يستاهل ألـه أيعيش التعب

🗨️🗨️وندري الطلب هذا هواي🗨️🗨️
🗨️🗨️سمعن وطـــــاعه مولاي🗨️🗨️
-------------------------------------------------------
فـــدوه خلينه...نكبـــر أبـعينه
حـــسين حـتى أبطيفنه الكل نعتنيله..
عشنه بلطافه...وكون يتشافه
أبجــرحـه كون أرواحنه أتبين دخيله..

مـــانــعوفه أشمـــــــاتضك بينه الحياة
حسين عشگه أخظر ترى بلون الصفات
أمـــنيتنه التـــــسوه كــل الأمـــــــنيات
يـــــابو صـــــــــالح ألنه حققهه أبثبات

🗨️🗨️وبخدمته أيعيش الراي🗨️🗨️
🗨️🗨️سمعن وطــــاعه مولاي🗨️🗨️
-------------------------------------------------------
ياضوه المجلس...كلشي متحمس
يابوصالح أزغر الخدام حزم بيهه حيله..
وبــقولك أتيمم...أتـعينه بـــالمأتم
العــــزم مــوناگه أكـــو ســـر بيه يشيله..


مـابـرد مـــجلسه ويلاوي الضروف
مــــثل رايــــة أبوفاضل والچفوف
طاحــن وهــيه ترف والكل تشوف
هذا حـال المجلس البسمك يطوف

🗨️🗨️وفقنه وي ذيچ وهاي🗨️🗨️
🗨️🗨️سمعن وطاعه مولاي🗨️🗨️
-------------------------------------------------------
يــانـهر شوگه...أرواح مــحروگه
حـسين وحــده آمن الله موكب ينبنيله..
وكلشي يتأمل...أبــدمعة المقتل
حــتى يـــعرف بــــالدمع كلمن مــسيله..


حسين أبونه وحـــيل يعذرنه نريد
شمـاقصور البينه كل مجلس يزيد
هوه نـــذر العــــافيه الغطه الوريد
أشما يطشرنه الوكت نـــلتم جديد

🗨️🗨️ومجلس حسين الحداي🗨️🗨️
🗨️🗨️سمعن وطـــــاعه مولاي🗨️🗨️
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️🤲

يـاحــسين

يجمعله أمــتاع صحه خاطر أيعيش
يحسين الينچفي أبدربك ترى أنسان..
بخواطــر واهسه الطف لابس أثياب
بخطوتك ضـــلْ نسلهه أيشيله تربان..
لذالـــك عـــــــرف كلمن راد تــــاريخ
بتـراب اليقصدك يــلگه بــرهـــــــــان..
وعـــاش أبلون لـــــون الگاع عالگاع
وشـــبع وأرتــوه وبين شيبه نــيشان..

✍️أبوحسين السرگودي...

كل جدم يكتب شعارة°•°حيّ حيّ عالزيارة
...
خلي كلشي بروحك أيكبر حــــــسين
وعيش أحـــساسك شنومعنى اليقين
وفهــــــــم أليحچون شنهو العاشقين
وأزرع أبكل خطوه دمعه ويمهه عين

أتشوفهه أتخضر مناره°•°حيّ حيّ عالزيارة
...
رفرف أبروحك مــــثل رفت العلم
وشوف حب حسين جننهه الخدم
صيح خلي العلگمي أيعيش أبندم
هذا مــــاي أشحده يوصله السهم

بالدرب باقي أنتصارة°•°حيّ حيّ عالزيارة
...
شاهـــد أنت البالدرب گاعد يصير
الزاير المثلك ترى عايش أمـــــــير
الله رادك تكبر أبـــــــــــهذا المسير
والمصير حسين شد حـيل المصير

وخطط الگلبك مسارة°•°حيّ حيّ عالزيارة
...
عيش تسبيحة الزهـــرة أبـكل خشوع
وخلي صوتك يلبس أحساس الدموع
وخلي صوتك بالدعاء مــــثل الشموع
تضوي دربك وادعي ربــــــــك لظلوع

وابدي باليدعيله ثارة°•°حيّ حيّ عالزيارة
...
ولملم أشعندك طمع وكت الدعاء
لبوصالح حــــــــتى تشفه كربلاء
وخلي گلبك يشتعل مـــن الوفاء
ودعي ياربنه تــــرى مسنه البلاء

وتجني من تعبك ثمارة°•°حيّ حيّ عالزيارة
...
خادم أهل البيت،،ع،،
أبوحسين السرگودي...🕊️🕊️🕊️

#أمنيه يارسول الله
°°°°°°°°°°°°°°°°°°°°°°°°°°°°°°°°°°°°°°°°°°°
يبو الزهره كون گبرك…
يمنه وبيومك نحضرك…
مثل يوم الأربعين،،،ألك ياجدالحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يارسول الله الحزن سيفه أنشهر
والدمع فوگ الوجن راسم أثر
جرح لاگاله جرح شايل صور
وللمدينه أعيونه أصد أبقهر


الگبرك أيهزنه الولاء… من نشوفه أبلاعزاء
بنار تچوينه السنين،،،ألك ياجدالحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

چا زحفنالك مثل يوم الطفوف
وأنت تدري أبهل الرگب تهوه السيوف
ورآية الحگ أذنت وألكل تشوف
ألمهم نوصل سيدي الگبرك نطوف

أنزوره ونشم بي ألم… ظلع لزهره أنهشم
والگلب ينزف حنين،،،ألك ياجدالحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
چا تحزمنه بصبرنه الممتحن
وأحنه حتى أخيالنه أمحزم يون
وبلطمنه أنساعد أحنه أم الحزن
ماندگ عالصدر نلطم عالوجن

ندري مجروحة صدر… فاطمه أتبچي الصبر
وتشتكيلك يالأمين،،،ألك ياجدالحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حتى مارادوهه تبچي الفرگتك
والدموع أتزاحمت يم عتبتك
وحاربوهه أهل السقيفه الغدرتك
ويارسول الرحمه وينك نادتك

ليش وصيت الأمير… وأنه بيمن أستجير
والحقدبيهم دفين،،،ألك ياجدالحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وأنه بيمن أستجير أبهالمصاب
غير أبوالحمله أڪو أيحل الصعاب
ترضه بويه أنسطر وأوگع عالتراب
وينذبح طيف العمر ويه الشباب

ومني محسن هم وگع… أوگلبي يالوالي أنصدع
ومارعولك بويه عين،،،ألك ياجدالحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادم أهل البيت..ع..
أبوحسين السرگودي…🕊🕊🕊

الليله ذكرى وفاة السيدة ..
فاطمة بنت أسد...أم الأمام علي بن أبي طالب ع..
عظم الله أجورنا وأجوركم...

♠️ قصيدة رثاء لناعي الزهراء،،ع،، السيدجاسم الطويرجاوي♠️
-------------------------------------------------------

بچه أطويريج أعله فگدك ياشهم
وأسم ناعي أيلوگلك هـــذا الأسم
...
عــاشت أبصوتك العبره أبكل وكت
وخويه بيهه أچم جرح لمن صحت
بمشت زينب يـــــابوفاضل لونحت
...أبهاي كل أجروحك أمست بس تهم

...
عمر خلصته وگضه هـــذا العمر
والحسين أوياك عايش مستمر
حيل ياذيك الضهر آه يـــالضهر
...الواقعه گدامـــك أتــحس ترســـــم
...
مــــــــايمرك يوم أذا مـــــــــابيه نعي
الشمر خــــــــويه بسوط كسر أضلعي
الدنيه تبچي أوياك أحسهه أبمسمعي
...مــــــاكو شي يعرفهم أله أوينهضم

...
يبن طـــــــــــــه وسيد وهمتك دمع
وجاسم أحساسك جسم ويه الضلع
بالمجالس عمرك أشلــــــــون الشمع
...هيچي خلصته أبـــحسرتك تلچم
...
حـــسين رادك حتى يمه تندفن
يالگضيت العمر بس لسمه تحن
شلون ليله والنجم لابس حــزن
...شـراح تقره وأنت گلبك منلچم
...
هاي حــسن الخاتمه شرايد أگول
وأنت ناعي الزينب وأمهه البتول
أدري يتلگاك حـــــــيدر والرسول
...والاملاك أمحزمه وحگ تنخدم
...
خادم أهل البيت،،ع،،
أبوحسين السرگودي...🕊️🕊️🕊️

يارسول الله

#لسان حال أمير المؤمنين،،ع بفقد الرسول،،صلى الله عليه وعلى أله الطيبين الطاهرين،،
°°°°°°°°°°°°°°°°°°
الحزن وألهم غطالي الروح بيروح
وعرفك يا محمد صرت بيروح
الوجع بجفاك ياهوالگال بيروح
بقى الحد مابچه المحراب بيه

#لسان حال الزهراء;;ع;;وهيه تخاطب أبها عليهم أفظل الصلاة والسلام...
°°°°°°°°°°°°°°°°°°°°°°°°°°°°°
المصايب تمتن چنهن شفلهن
وجروحك بيه عگدنهن شفلهن
عگبك وين يتحصل شفلهن
علي وچفوفه مچتوفه أبوصيه

خادم أهل البيت،ع
أبوحسين السرگودي...🕊🕊🕊

أربعينية الأمام الحسين ع أنتهت...؟؟؟
لكن !!!!
هناك شخص لم يؤديها ؟؟؟
شأت الاقدار أن يزف لمولاه هكذا !!!

تشييع السيد جاسم...

#السيد_جاسم_إنموذج_الخدمة

يارحمة الله الواسعه

ريتك أتشوف السطرهه أبعينهه
شلون فاطم بعدك أمأذينهه
-------------------------------------------------------
من غبت چف الحقد لنه جسر
وصاب زهرة روحك وطفه النظر
خانت الأيام والضلع أنكسر

...والضلع مكسور طاح أجنينهه
-------------------------------------------------------
منهه محسن طاح يالهادي أوگع
والحزن لم روحه يمهه وأنجمع
وأنجرح صدر الزچيه وأنصدع

...والصحابه بعدك أملوعينه
-------------------------------------------------------
آه يالبسمار ناره أبكل گلب
خله دم الزهرة عالغبره يصب
وبرعب عيشهه أبآلام ورعب

...والوصيه أنذبحة أوناسينهه
-------------------------------------------------------
بس علي راعه وصيتك وألتزم
وخدم هذا الدين بس هوه الخدم
وحملت أرگاب السقيفه أشگدذمم

...ذمة الزهرة الحمة كل دينهه
-------------------------------------------------------
ذمه برگاب التضدچ فاطمة
لأن بعد النبي عشتي أبمظلمه
وآنه أنادي بصوت روحي أمآلمه

...ومنچ أطلب طلبة لتردينهه
-------------------------------------------------------
آنه أريدچ غاد لوضكني الگبر
(يوم من خشمي حليب أمي يدر)
صدگ ترضين اليحبكم يعنصر

...وأنه أدري أبهاي ماترضينهه
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️

الأمام الرضا،،ع،،
قصيدة موضوع الزيارة
-------------------------------------------------------
أتمنى أزورك أنه ودموعي
وبزيارتك غرگان موضوعي
يمتى..تأذنلي أزورك
يمتى..يغمرني نورك
-------------------------------------------------------
ياأنيس العافيه وكلشي أشوفه
يمتى گبرك سيدي أوصل وأطوفه
حتى شعري أعليك عطشانه حروفه
ردت يمك أقره للعاش أبطفوفه

مئتم الجدك ردت أقيمنه
وقره وجنابك هم أسمعنه
يمتى…ويحميني سورك
يمتى…يغمرني نورك
-------------------------------------------------------
ردت يم شباچك أنصب بس عزيه
ردت بيهه الدمعه تكتب منبريه
كون يامحله الوداع أبهل المسيه
ردت أعيشن يمك أبلوعة رقيه

وبالدمعه يغرگ كلشي بعيوني
وتحترگ روحي وخل يلوموني
يمتى…بدمعة شعورك
يمتى…يغمرني نورك
-------------------------------------------------------
كون يمك ننعه ونعيش المصيبه
وياغريبه أنصيح ونبچي الغريبه
حتى معصومه تجي وتسمع نحيبه
جرحك المايگدر أيصبره طبيبه

ونلطم أوننعه ويوگف العاشر
بصدورنه ويبين الحافر
يمتى…ويلمني دورك
يمتى…يغمرني نورك
-------------------------------------------------------
ونرجع ونبچي الجرح حاضن فرگتك
وياغربتك من نسولف ياغربتك
اليزورك ندري توگفله أبفزعتك
عالسراط وكلشي بيه من ندبتك

والكتب من تتطاير أحضرنه
الميزان هم ردتك تعدله ألنه
يمتى…أشتم بخورك
يمتى…يغمرني نورك
-------------------------------------------------------
يمتى أكحل عيني أبشوفت ضريحك
ويبو محمد وأني يم بابك وأصيحك
وانه عمري أمشيب أبهيبة مديحك
والهله أويلنفس أشتمهه أويريحك

وتمسح أجروحي المالهن چاره
وترزقني يابو محمد أزيارة
يمتى…والشور شورك
يمتى…يغمرني نورك
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️