(( زينب حايره )) الشاعر: جهاد المياحي

زينب حايرة ولون الفجر ذاب
تنـاطـر و اليتامه بعتبة الـباب
حچي بدمـع اليـتامـه بـيـهن طـبر هـامـه
الـگـلـب رگـبـة حمامه وغدر الفجر جامه
اقـرولـه السـلامـه
اقـرولـه السـلامـه
*****
الفجر مضلم مثل غفوة مصابيح
مشت للباب زينب تكف وطيح
توصله وترد مثل المراجيح
اسمعت صوت اليتامه بدمعة عتاب
الخبز مـاله تـنـگب علي يمكن تصوب
إشجره طول علامه وغدر الفجر جامه
اقـرولـه السـلامـه
اقـرولـه السـلامـه
،،،،،،،،،،،،،،،،،،،،،،،،،،،،،،،،،،،،،،،،،،

مثل ميل الثواني فزت ام عون
تصل للباب لون ومن ترد لون
والتفگد مثل والدها خيعون
بگلبها برودة جويريد عطاب
فزة بلا اماني مثل ميل الثواني
صبح طبرو وسامه وغدر الفجر جامه
اقـرولـه السـلامـه
اقـرولـه السـلامـه
،،،،،،،،،،،،،،،،،،،،،،،،،،،،،،،،،،،،،،،،،،،

صرخ جبريلها واختنگت الريح
طاحت والله اركان الهدى يصيح
وزينب چنها مردي تگوم وتطيح
ورجعت خنگة المحسن وره الباب
طاحن كل سنيني موش اركان ديني
منو يعين اليتامه وفجر الغدر جامه
اقـرولـه السـلامـه
اقـرولـه السـلامـه
،،،،،،،،،،،،،،،،،،،،،،،،،،،،،،،،،،،،،،،،،،،،،،،

شمعة بيتها وجية المسه تعيل
ما فارگها لحظه و باچر يشيل
وي جيـة الليل ويوگف الميـل
طفله بروح صفرة الليل حطاب
بويه شيحمل الليل المسه بلياكم يعيل
الليل بلا كرامه وغدر الفجر جامه
اقـرولـه السـلامـه
اقـرولـه السـلامـه
،،،،،،،،،،،،،،،،،،،،،،،،،،،،،،،،،،،،،،،،،،،،،،،

محطات العمر والموت اله امچان
تعوف الفقره لـيـش وهذا رمضان
معقوله مـحـمـد فـوگ جـوعان
لـو مـشتاگ لامي ملگه الاحـباب
طاح الحيل شفته الطف ماوصل وكته
و لا نـاره وخـيامه وغدر الفجر جامه
اقـرولـه السـلامـه
اقـرولـه السـلامـه
*---


اللهم ارزقني الذرية الصالحة بحق حبيبك ابا الحسن
((( توفيقك ياعلي )))

*********
بقلم الشاعر
جهاد المياحي

مجلس عزاء في صحن أمير المؤمنين عليه السلام بصوت الخطيب الحسيني الشيخ عبدالله الدجيلي.

أبــمگبرة الـــردان أدمــــوع
يــأذنن بيه فـــرگه أوجــوع
علي يعشگ عـلي أبموظوع
الأيتام__________الأيتام
--------------------------------------------------------------
أسير والجرح… يفك باب الملح…
وغصن بالبچي°°°
شكثر شايل ألم...بكبر حيل الخيم…
أعلى جرحي ومنتچي°°°
ولملم كل زعل… وعيشنك أمل…
يرتل بالحچي°°°

بـسمارك قـصتي....تـوضت حــالتي
يفانوس أوأمل....يكلشي أومحتمل
ثمن حــبك صــــفه مدفوع
علي يـعشگ علي أبموظوع
الأيتام__________الأيتام
••••••••••••••••••••••••••••••••••••••••••••••••••
ونسف دمعتي… ألك يامنيتي…
وخبرك بالجره°°°
لحد ماصرت أشم… غيابك وأنهظم…
بوجهّ فجرك تره°°°
أريدنك تمر… صفن حتى العمر…
تثلم خاطره°°°

يعنوان الشمس....شسولفلك أمس
غــيابك مارحل....يكلشي ومحتمل
الـــحزن بعدك صفه مزروع
علي يعشگ علي أبموظوع
الأيتام__________الأيتام
••••••••••••••••••••••••••••••••••••••••••••••••••
كبر بينه اليتم… مثل كبرالزلم…
العمر مامستقر°°°
الهوه أيحرك سعف… ونحن لأرض النجف…
بعشگ من الزغر°°°
يشيب الماطلع… لمن بسمك سمع…
مثل شيب البدر°°°

عـــزلنالك هــــوه....يريت كل ضوه
دمربينه أبعجل....يكلشي ومحتمل
العــطر مـــن الورد مگطوع
علي يعشگ علي أبموظوع
الأيتام__________الأيتام
••••••••••••••••••••••••••••••••••••••••••••••••••
اليتيم الماعطش… ترس گلبه النعش…
ينعمه وياخبز°°°
يكلشي أنت أله… يطاري البسمله…
تفگ أكبر لغز°°°
شكثر زادو نعد… بكثر دم الحشد…
الكسر ضهر المرز°°°

اليتيم أبكل زمـــن... ألك جــــايب لبن
وظعن متنه أنهدل...يكلشي أومحتمل
وبعدك عاش بــس مفجوع
علي يعشگ علي أبموظوع
الأيتام__________الأيتام
••••••••••••••••••••••••••••••••••••••••••••••••••
ألم صوتك نده… لحد ماشاهده…
يعافيت اليون°°°
ينسمة چم فرح… أنشرح گلبي أنشرح…
يالمرجف الحزن°°°
اليتيم أبلا أبو… بعدعينك شكو…
أذا ليله يجن°°°

يـحيدر يــاعلي....هلي أوياكل هلي
أهل للعنده أهل....يكلشي ومحتمل
الوجــع مــايعرف الموجوع
علي يعشگ عـلي أبموظوع
الأيتام__________الأيتام
•••••••••••••••••••••••••••••••••••••••••••••••••
خادم أهل البيت.. ع..
أبوحسين السرگودي…🕊️🕊️🕊️

نعي لمولاي الامام علي ..ع..
…………………
اجاني العيد وأهل العيد غياب
ويفززني الهوه لو حرك الباب
العيد ايريد فرحه اؤاني بمصاب.
… وين ألگه اليسليني أعلى هونك
…………………
عيد اوبيه املاگه اوبيه تباشير
يالصورتك غابت والدمع طير
على بيتك اذا مرت عصافير
تطيح ادموعهه الخاطر أعيونك
…………………

اعيشن والجرح متلثلم الثام
وعلى بابك يحيدر واچبه أيتام
شگللهم رحل وأترده الايام
… وتعرف أدموعي ماتصبر بدونك
………………
الخادم
أبوحسين السرگودي….

شيعي وزين تدروني...الدمع صاير دوه عيوني
••••أمننوحن وبچي لحسيني••••
••••أمننوحن وبچي لحسيني••••
-------------------------------------------------------
عشت ويه المجالس عيشت أم أوليد
أوحيد والسوالف صفن ترس الأيد
بذيال المواكب عمري يگضي أيريد
العيد أبمجلسه يحسدني حتى العيد

بدگت صدري ومتوني...الدمع صاير دوه عيوني
••••يفخر بيه ضل ديني••••
••••أمننوحن وبچي لحسيني••••
-------------------------------------------------------
أكض بيدي الهوه أبمجلسه وشتمه
وذا ردت أنه أطبله أتوضه أله أبلطمه
حسين أيعيش بيه عيشت الكلمه
بمحرم كلشي أنسه وألتهي بهمه

بيشيعه أبماي أذكروني...الدمع صاير دوه عيوني
••••أمنذكره تعطش أسنيني••••
••••أمننوحن وبچي لحسيني••••
-------------------------------------------------------
أحشمله الدمع ونخاه يشد حيله
لأن حسين طول السنه أبچيله
محرم مانسيته أبروحي أشم هيله
شلون أنساه وأنه أدموعي توميله

وحزنه أمشيب أبلوني...الدمع صاير دوه عيوني
••••الدمع هوه اليدليني••••
•••• أمننوحن وبچي لحسيني••••
-------------------------------------------------------
من كلشي أنحرم راضيهه وتقبل
المهم عاشور عندي وأسمع المقتل
ودخان الخيم بنفاسي ظل يحتل
الروح البيهه طف حسين ماتنذل

وأفخر من ينشدوني...الدمع صاير دوه عيوني
••••وجرحه أيضل يباريني••••
•••• أمننوحن وبچي لحسيني••••
-------------------------------------------------------
وتلمس بصدري أجروحه چنهه هواي
ويلچمني أذا مر أبدربهن ماي
وطيحن من أذكره وأوگف أنه أبهاي
حسين أبن الكرامه وهوه ألهه أفياي

وميهمني اليلوموني...الدمع صاير دوه عيوني
••••العاشر بيده يحيني••••
••••أمننوحن وبچي لحسيني••••
-------------------------------------------------------
خادم أهل البيت،،ع،،
أبوحسين السرگودي...🕊🕊🕊

🍂🍂نعي أحباب🍂🍂

عـطشنه والـــصور تاخذنه ليهم
ونــشم المگبره ونسمع حچيهم
ونــلاگي أگبورهم ونحن لديهم

هذيچ الچانت أتشابكنه بالعيد

-------------------------

يـچوينه الجرح مــاطول الأحباب
مــشو وعــيونهم غطاهه الأتــراب
بعدهم عشرة صارت ويه الأنگاب


وصدرنه الهسه أظل أمعاشر الأيد
---------------------------
الــمفارگله غــالي أشتلگه بي حال
من گــد ما أمحدب حتى الأخيال
أبظهره أشـــگد توارد ويه الأهلال

وعلى الغالي التوارد كل سنه أيزيد
----------------------------
أعيونه مــــولحن وهدومه فد لون
وبـــــــالمگبره عيده أيعايد أعيون
بقت بس بالصوره راعيهه مدفون

والــــمگبره مـــــاتعرف مــــواليد
------------------------------

✍️أبوحسين السرگودي...🕊️🕊️🕊️

♣️♣️نــــــــــعي العـــــــــــــيد♣️♣️
............................................................
وحشه المگبره من غير طبت أحباب
من هسه الگبور أعيونها أعـــله الباب
وعلينه چــــنهه دارت وحشة الغياب

أول عــيد متروسة الصــــور تربان
........................
أول عـــيد مـــرهم والحچي أنسمعه
لا شـــمو بــــخور ولاضــــــوة شمعه
ولا سمعو الصــــــــوت أحبابهم تنعه

تحن أگبورهــم تـعرف البيهه أحنان
........................
جــــــرح الغالي هم من يلچم غالي
وصورهـــم شيبت والشيب ينعالي
چـــيه مــحد وصلهم عيدهم خالي

بس الرمــــــل بين أگبورهم حزنان
.........................
✍️أبوحسين السرگودي...🕊️🕊️🕊️

♣️♣️نعي وحشه المگبره♣️♣️
🌹🌹أول عيد متروسه الصور تربان🌹🌹
بصوت الحسيني الرادودملاحازم الدشتكي
كلمات أخوكم أبوحسين السرگودي...

♠️♠️♣️♣️نــــــــــــــــعي♣️♣️♠️♠️
🌹عطشنه والصور تاخذنه ليهم🌹
أداء الرادود الحسيني ملاحازم الدشتكي
كلمات أخوكم أبوحسين السرگودي...

غابت الأيادي عن مصافحتكم فأرسلنا قلوبنا لتعانق أرواحكم وزيّناها بِصدق محبتنا لكم نحن على يقين بأن الرسالة أدنى درجات التواصل لكنها تحمل مشاعراً تلامس عنان السّماءحباً بكم و وداً لكم ..كل عام وأنتم بخير بمناسبة عيد الفطر المبارك أعاده الله علينا وعليكم باليمن والخير والبركات ونسأل المولى عزوجل أن يرفع الغمة عن هذهِ الأمة ببركة صاحب الزمان،،عج،،🌙🌙🌙❤️❤️❤️

🖊️ أخوكم أبوحسين السرگودي

وحشه المكبرة 😢
🎙 اداء حسين القريشي
✏الشاعر ابو حسين السرگودي
🎼م صوت ضياء ابو رغيف

نعي
أول عيد متروسه الصور تربان
بصوت خادم الحسين،،ع،،سيدحيدرالبخاتي
كلمات أخوكم أبوحسين السرگودي...

😥وحشه المكبرة😢
🎙 أداء حسين القريشي
✏الشاعر أبو حسين السرگودي
🎼م صوت ضياء ابو رغيف

#قصيدةالضوه_أمسافر
يوالــينه_°_رقـــيه الخــنصرك تــــنعه
يغالــينه_°_وتـوگع والــحچي أتودعه

چــان الــخنصر أعــله الـدرب گايـدهه
هــسه أطــيح لــمن تــمشي وحـــدهه

أداء وألحان| #ملا_وطن_الصغير
كلمات|أخوكم #أبوحسين_السرگودي
مجلس #عزاء_هيئة_أبا_الفضل_العباس_عليه_السلام
#واسط_الكوت_انوار_الصدر

#يامعصومه`

نسيرلچ دمع حد ما نخلي الليل
يتبلل أرادانه آمن البچي وألهم--
ونعيش الفاتحه الأخر جرح ملچوم
والملچوم بس بالدمعه ظل يلتم--
يفانوس الكرم طحنه أعلى بابچ طيف
بس أعيون ماكو أوبيهه نتحلم--
عطش غصن الحوائج وأنتي بابچ ماي
وگيض المرنه عطش حتى المعلم--
رخت بينه السوالف وأنتي بت أجواد
و قضاء الحاجه يمچ چن ورد ينشم--
🍃🍃🍃🍂🍂🍂🍃🍃🍃
خادم أهل البيت..ع..
أبوحسين السرگودي...🕊🕊🕊

ياصاحب الزمان°°••°°أرزقنا بالأمان
أحباب عدنه هوايه•••أعگـــدلنه الرايــــــه
ياصاحب الزمان°°••°°ياصاحب الزمان
-------------------------------------------------------

والله مابينه أحـنه نفگد غالي وأنت الغالي
والوباء چن أيـده طالت وأنت تعرف حالي
فرعت دمعاتي يمــــــك ترضه أضلن خالي
من الأحباب وحسرتي أتصير چنهه أخيالي


التمسك الدعاء°°••°°فشلنه هالوباء
أگلــوب ألك نخايه••••أعگـــــدلنه الرايــــه
ياصاحب الزمان°°••°°ياصاحب الزمان
-------------------------------------------------------
عشنه أيـــــــام وحياتك دمـعة بس يادمعة
نحترگ والوجع بينه الهسه صوته أنسمعه
الموت واگف والوباءأچفوفه حيل أمشرعه
وبيت بيت أنحسه يضلم منه راحت شمعه


يارحمة السماء°°••°°قـدطالنا البلاء
أوياك عدنه أحچاية••••أعگــدلنه الرايـــه
ياصاحب الزمان°°••°°ياصاحب الزمان
-------------------------------------------------------
سيدي تدري أنــــت كلـفه والوداع شلونه
هواي فاگــــدلك أعزاز وكلـــهم أيشبهونه
كلهم حسين أنت عندك نفس ذيچ عيونه
ودمعك الهسه أيتبدة وأحـمر أصبح لونه


من تنعا كربلاء°°••°°أطلب لنا الشفاء
أعليك جوده ومايه•••أعگـــدلنه الرايــــه
ياصاحب الزمان°°••°°ياصاحب الزمان
-------------------------------------------------------
أبداعــت الضلــت غريــــبه وأبألمهه أتكابر
فاطمه اليچويك ونهه چيه أبوهه أماسافر
شلــون لوبـــــاچر محرم يمنه يوصل باچر
نبــقه محضورين ترضه والدمع چن شاعر


في شهرِعاشوراء°°••°° ساعدنه بالعزاء
عالفــگد تچايــــه•••أعگـــدلنه الرايـــه
ياصاحب الزمان°°••°°ياصاحب الزمان
-------------------------------------------------------
والمواكب تبقه وحشه سيدي الله أيعينك
وأنت عمرك هالگضيته أبدمع كل أسنينك
أنحـــلفك بياضلع يوجع هدم خيمة دينك
والله زحـمة تبچي وحدك مانساعد عينك


أرزقــنا بالبكاء°°••°°ونجــــدد الولاء
ونمشي أله مشايه•••أعگـــدلنه الرايـــه
ياصاحب الزمان°°••°°ياصاحب الزمان
-------------------------------------------------------
خادم آهل البيت،،ع،،
أبوحسين السرگودي...🕊️🕊️🕊️

دعوة أم (قبل أذان المغرب بأنفاس) وهيه تتجه صوب كربلاء الى صاحب الكفاله والرايه تنقل ألمها والالام الأمهات الدفع البلاء والوباء قالت بكل مالديها ألم
❄️❄️❄️❄️❄️❄️❄️❄️❄️❄️❄️❄️
أجــــــيتك والهـموم أمشكبنه بروحي
ويـــم بابك أفرع كل حچي أجروحي°°°

يبوفاضل أچــــم معلول گلي أوياچ
وچــــم شيله جــبتلك عاگده أبنوحي°°°

ترسنه المــوت ترست جربتك بالماي
يباب العافـــيه الماگلي بـــس..روحي°°°

يجربة خـــــير يالماعطشتنه أبيوم
يالمعلمنه نشـــمخ والحــچي اليوحي°°°

يعباس وثچيلة أحچايت العـــباس
شعب كله أختنگ ودموعنه أنفضحن°°°

أمهـــات أتوزرن من كثر مــاننخاك
حتــى أبطيفهن يـــم حضرتك يرحن°°°

يصعدن علــى التل ورايتك تغتاض
تــرفرف والحوائـــــــج كلهن أيدنگن°°°

أبداعت خيمة أختك بالمشت للشام
بـالتـرچي أحلفك بــــــالمشن ينـــعن°°°

وگعنه ومــــالنه غير الله يابو الخير
وفـــزعتـــــك للعليل اليمـــه يتنوعن°°°

بناته ومالهن بــــــــس الله يالعباس
رد العافـــــيه الواليــــــــهن أيفرحـن°°°

✍️أبوحسين السرگودي...🕊️🕊️🕊️

مقطع من قصيدة شكرآ
أداءملامحسن المرياني
كلمات أبوحسين السرگودي...

🌿🌿قصيدة يـــــاشـــريـــفه🌿🌿

أجـيت وجـــرحي ملضوم أبخيالي
مـــن گـــد مـــــاأنودع غالي غالي..
ترست أحچايتي ماي وعلي أوياچ
أعرفــچ بـــالعطش عشتي الليالي..
وأعــرفچ بـــالسبي ماعندچ أمتون
وأعرفچ والحــــزن مقتل حچالي..
بس أوداعتچ مـــــــن رحتي لشام
شريفــــه ودمعتي أتبين أبسؤالي..
مــــن نزفن أديــــچ أبچف الأحبال
نخيتمن لمـــن صحتي تعــــــــالي..
وحـــــــــتى أجروحنه مسبيه لشام
وحــگ أجـــــروحچ النوح أنحنالي..
هســه أحـــنه ألتفتنه أعليچ والعين
يفززهه التــعب والهــــــــــم قرالي..
يبت الحــــــسن وأنتي بت الأجواد
وأعگد بيرغـــــــــچ دوم أويه بالي..
الوبــــاءأعلينه هــــــد وياخذ أرواح
الهضم والشيب هــــــالبان أبخيالي..
ويمـــچ بـــــعد هاي وأنتي بت بيت
مـــاردالـه أي چــــف مــــره خــالي..
العـــــــــراق أبرايتچ متغطي والليل
وشمـــس العـــافيه أبــــابـچ تلالي..
وأنتي أبكيفچ وبــــــــــت المعازيب
البابــــچ أيــدي أمدهه وهذا حالي..

✍️خــــادم أهـــل البيت،،ع،،
أبوحـــــــــــسين السرگودي...