ويلاه يازينب

يعباس الدمع بي روح ويتوچه على الونه...
وأدورك والجروح أهواي شخصك بيش أعوظنه...
أديرن عيني ألك ياصوب يالعايش ضوه أوحنه...
وأرگظ والاخيام أبنار بيهن كلشي أشوفنه...
وديرن عيني هم ألگاك خيالك ظل حجاب ألنه...
يفانوس وعليك الليل ملتم ماعبر چنه...
وأنت أعلى الشريعه أنشوف خزراتك يحامنه...

الگمر يدري بخيته مانه أخيته
وفزعلي ومن فزعلي مانه أخيته
گدر وشلون يصبر مانه أخيته
راسه أعله الرمح وأنه سبيه...


خادم أهل البيت..ع..
أبوحسين السرگودي...🕊🕊🕊

يابوفاضل
أعلان مهرجان تاريخ المشرعه
التفاصيل داخل الاعلان...

#يابوفاضل.
التفاصيل داخل البوست

#يابوفاضل.

أسهام أعداي لتضن صارعني
ولا... كلفت واحد صارعني
أشوف الموت گرب صارعني
بگرب روحي ويخاف أيحيط بيه...

خادم أهل البيت،،ع،،
أبوحسين السرگودي...

فرع شكو موجود بس السبايه
مشيت نبي اعلى الگاع تمشي العبايه

أبوحسين السرگودي...🕊🕊🕊

ياجرح شايل مصيبه.-.والألم نسمع نحيبه

عدنه اشكثر بارض النجف رحنه ودفناهم

بصمه شرف خلو امس من جنه وياهم


جانو خدم لحسين * جنهم فلا ميتين


@@@@@@@@@@@@@

ذوله خدام المواكب ضل اسمهم بالذكر

بس جسد من يمنه راحو بس بقه منهم عطر

ذوله خلو بالمواقف غيره يدرسه الفكر

تضحيه وغيره ورجوله ما سعو ال اي اجر



عدهم عشك ماينوصف اخذ درس عابس

ضحو لجل يبقه الوعد منهج وفه لابس



عدهم وفه للدين *** جنهم فلا ميتين



@@@@@@@@@@@@

ابكل كتر خلو مواكب ما برد بيهم جسد

اشما يتعبون ابشغلهم راحه عدهم للأبد

عدهم احسين الهويه حبهم الحبه مدد

خدمو ابكطرت كصصهم عدهم الخدمه مجد



اهل الخدم شدو عزم من خدمو اشكالوا

لبيك ياسبط النبي ترضه فقط رادوا



ضلو بقو عدلين ** جنهم فلا ميتين


@@@@@@@@@@@@

ضحو شكو بيهم نفس للخدمه ما عافو

لو شافو الزاير اجه افراش وغطه صارو

ما تركو الخدمه ابد قسمو قسم كالو

ما نترك الخدمه وعد رغم الوعد ماتو




وفو لأبو اليمه العهد من ماتو اشسوو

لبسو جفن ابيض نعم الغايه جن طبرو


بالمكبره امطبرين *** جنهم فلا ميتين


@@@@@@@@@@@@

لو يمر بينه محرم نذكر الجانو امس

للنجف صح همه راحو بس بقو ويالنفس

كل سنه نخدم سويه نبقه لغروب الشمس

نبقه ايام وليالي مو تعب نلكه العكس



جنه امس احنه سوه من نخدم ابعبره

تركو جرح كلمن دخل متوسد ابكبره



للملكه مشتاكين ** جنهم فلا ميتين


@@@@@@@@@@@@@

الحلو بالدنيا هايه ماكو شي مايعشكك

العدل والميت انظر كله تتعنه الك

اليموت وعنده موكب يلكه داره ابجنتك

يرجع ينصبها المواكب وهم يرد الخدمتك



يبدي الطم اكثر بعد بالمحشر ايشوفه

يلكه الكمر يلطم رغم تنزف دمه اجفوفه


كله تنادي حسين ** جنهم فلا ميتين


@@@@@@@@@@@@@@
خادم اهل البيت

الشاعر سيد حسنين الحديدي

خادمچ وأتحزم أبچفيتي
وثوبي الأسود هوه صاير بيتي
يم عون شدي أحزامي°°°بداعت أخوچ الضامي
-------------------------------------------------------


خليني أنوحن وگضي عمري أبحسره
أبكل مجلس آسمع ناعي ألكم يقره
عالخيم نار جروحي تصبح جمره
أمترب أوجاي البابچ أطلب نضره


بمجلسكم أعرف تكتمل تربيتي
وثوبي الأسود هوه صاير بيتي
وخليني أعيش أيامي°°°بداعت أخوچ الضامي
-------------------------------------------------------
بشدت أحزامي أشچم جرح يتحزم
والوجع تارس جرحي دومه أمعلم
أشما ألچم حسيت جرحي السلم
وألما خدمكم يندم أويتندم

ونشد أجروحي ابأخچ أتوضيتي
وثوبي الأسود هوه صاير بيتي
وتصلي بيهه أحلامي°°°بداعت أخوچ الضامي
-------------------------------------------------------
ياخيركم وين ألتفت يلگاني
وخلاني أعيشن باالصدگ خلاني
ملگه السفينه الحايره أو لاگاني
وأنسان خوش أنسان من سواني

وألطمه ألبصدري صفت جنسيتي
وثوبي الأسود هوه صاير بيتي
وبس خدمتچ گدامي°°°بداعت أخوچ الضامي
-------------------------------------------------------
وأباب جفني أبد ماعندي أچفوف
والدمع من ينزل أبغيره وملفوف
ويطوف كل موقف عطش ضل أيطوف
يل من عشتكم يله عشت المعروف

الدمع ماعز روحه مره أبنيتي
وثوبي الأسود هوه صاير بيتي
وبالدمعه أفطرأصيامي°°°بداعت أخوچ الضامي
-------------------------------------------------------
عشت أبقضيه الهسه دمهه أيصلي
والثار هم يعشگ الرايه التغلي
دم المجالس مابرد متعلي
شمس المواقف مثل نار أوتصلي

وعليچ متوزره وتدگ لطميتي
وثوبي الأسود هوه صاير بيتي
يالبيچ تحچي أقلامي°°°بداعت أخوچ الضامي
-------------------------------------------------------
خادم أهل البيت،،ع،،
أبوحسين السرگودي....🕊🕊🕊

قصيدة مابين الأدروب
°°°°°°°°°°°°°°°°°°°°°°°°°°°°°°°°°°°°°°°°°°°
محتاره الأگلوب***
ما بين الأدروب***
چم جدم متعوب***
من حرگت الگاع🌿🌿🌿
°°°°°°°°°°°°°°°°°°°°°°°°°°°°°°°°°°°°°°°°°°°
وانه أرتل سومرة حسراتي سكته
بسورة الدخان أقره ولني شفته
تارس أحروف المخيم فيّ حرگته
أشما أشمه المقتل أيأذن سمعته

بحجابي والثوب***
ما بين الأدروب***
چم جدم متعوب***
من حرگت الگاع🌿🌿🌿
°°°°°°°°°°°°°°°°°°°°°°°°°°°°°°°°°°°°°°°°°°
وصدقت وجروحي متگبعات بية
والمسافه أمحزمه أبلچمه ومنية
وطاحن أعيوني أعلى أثار الرقية
الحرگ ظل بجدامهه الفوگ الوطية

والشوك محسوب***
ما بين الأدروب***
چم جدم متعوب***
من حرگت الگاع🌿🌿🌿
°°°°°°°°°°°°°°°°°°°°°°°°°°°°°°°°°°°°°°°°°°
وذبلن أدموعي وركض جرح المصايب
وبالرمح رجفت أملاگه او يالحبايب
مدري شنهي الصار حشمت الگرايب
چيه ملامح بين الوجهّ الخرايب

والدمع مكتوب***
ما بين الأدروب***
چم جدم متعوب***
من حرگت الگاع🌿🌿🌿
°°°°°°°°°°°°°°°°°°°°°°°°°°°°°°°°°°°°°°°°°°
وعشت بين الفاگده وبين الأفگده
والصور بعيوني توگف وحده وحده
وردن ليلي بالعبايه گمت أعگده
الخيمه مثل الأبو هم فگدتهه شده

بكل صفنت أغروب***
ما بين الأدروب***
چم جدم متعوب***
من حرگت الگاع🌿🌿🌿
°°°°°°°°°°°°°°°°°°°°°°°°°°°°°°°°°°°°°°°°°°
وحنه عشنه بذاك ستر الله اليريده
والدموع أطيح وتخضر قصيده
ساعه أشيم رمله من تنعه الحميده
وساعه أبوسن چف سكينه اليحچي گيده

والصار محسوب***
ما بين الأدروب***
چم جدم متعوب***
من حرگت الگاع🌿🌿🌿
°°°°°°°°°°°°°°°°°°°°°°°°°°°°°°°°°°°°°°°°°°


خادم أهل البيت،،ع،،
أبوحسين السرگودي...🕊🕊🕊

ياعلي السجاد
#قصيدة_محراب_الحزن_
-------------------------------------------------------
أبأثر عوچيتك دمع...شايله أهموم الشرع
وتنادي بسمك ياعلي وتنادي بسمك
-------------------------------------------------------
من خلص نهار العاشر أبحسره
وخيمكم نار تلهب بيهه ألف جمره
ورخه اليل أبسجوده ودمعتك حمره
وگعدة أگبال أبوك أتقبله أبنحره

والدنيه والريح. .بدمعتهه تصريح
يانحر هل منگطع.......والصده ضل منسمع
وتنادي بسمك ياعلي وتنادي بسمك
-------------------------------------------------------
تمددة أويطوله والجرح كبر
صور من كربلاء والجامعه المنظر
يلچمك جرح نحره أوهوه بيك أنسر
الرايه أچفوفك ألهه الدين مايقهر

مادنگت يوم. .وسلامك أنجوم
ودمعك أمضوي الشمع.....يانبع من يانبع
وتنادي بسمك ياعلي وتنادي بسمك
-------------------------------------------------------
ومشيت وچفك آمن الجامعه أتألم
يمحراب الحزن بيك الحزن غيم
من توگع رقيه أجروحك أتصب دم
رغم ما گيدوك أنت البقى الأعلم

ودنگلك اليل. .وحروفه تهليل
والگلب ضل منفجع.....والمناير تتسع
وتنادي بسمك ياعلي وتنادي بسمك
-------------------------------------------------------
وتعثر والدرب نادالك أصملله
وجرح الجامعه من تلچم صله
من يسمع أبصوت الأخ توصله
وتفصله الصبر بس أله أتفصله

من شاهدك راي. .يمعطش الماي
يالصرت مثل الدرع......بيك الملاگه طبع
وتنادي بسمك ياعلي وتنادي بسمك
-------------------------------------------------------
أو وگفت أگبال أكبر طاغيه أبوكته
بخطبتك چم قصر مولاي رجفته
وگطع حچيك بأذانه وأنت فشلته
أنخطف وجهّ الحچي من شاف سكته

يالكملت دين. .ياراية حسين
الغيره بسمك تنجمع.....موبهين تنصرع
وتنادي بسمك ياعلي وتنادي بسمك
-------------------------------------------------------
خادم أهل البيت،،ع،،
أبوحسين السرگودي...

الأمام السجاد،،ع،،
قصيدة_°_وريث الأذان_°_
-------------------------------------------------------
ألك بالمجلس سؤال...هيبته هيبة نزال
هاذه جدمن بالأذان هاذه جدمن
هاذه جدمن بالأذان هاذه جدمن
-------------------------------------------------------
وأذنو حتى يگطعون الحديث
وأنت تسكت بأمر من ذاك الخبيث
الدنيه كزبر طولهه وزاد الحثيث
مادروك الهل الأذان أنت الوريث

وسرفنت ردن الفزع
وعلي بحساسك طلع
الزرع بچفوفه اﻻمان هاذه جدمن
هاذه جدمن بالأذان هاذه جدمن
""""""""""""""""""""""""
كبرة ويه الأذان أبكل شغف
وحتى منبرهم سمع صوتك رجف
وتقره بدموع التسمعك چم أسف
ما درو بيك أنت أبن سيد النجف

ذاكه البسيفه أنكتب
الأسﻻم أوما تعب
الكسر أقيود الرهان هاذه جدمن
هاذه جدمن بالاذان هاذه جدمن
-------------------------------------------------------

نوخت روس التضدك بالأرض
القصر بيهم ظاگ ولد أهل البغض
من لگو بأذانهم جدك نبض
وبأسمه يتوضه ترى وصلى الفرض

ورعشت أحلوگ الزلم
ونصر ثاني ينحسم
أتسجل أبگصة الزمان هاذه جدمن
هاذه جدمن بالأذان هاذه جدمن
-------------------------------------------------------
من سئلته هذا جدمن يايزيد
ودم چفوفك مابرد من الحديد
علمتهم أنت أبن ذاك الشهيد
الما يريد الذله بس العز يريد

الماعرف ذل الحياة
وﻻ رگع يم الطغاة
وعالي راسه أعله السنان هاذه جدمن
هاذه جدمن بالاذان هاذه جدمن
"""""""""""""""""""""""""""
يبن مكه أومنى أوزمزم والصﻻه
يبن ذاك ألمن نموت أنشم ثراه
بنص گلبنه أمصابك انحس بي چواه
ومجلسك مابرد يچوي أبمحتواه

أبيومك أنعيش ألطم
ونجلي بسمك كل ضلم
مجلسك أكبر ضمان هاذه جدمن
هاذه جدمن بالاذان هاذه جدمن
-------------------------------------------------------
خادم أهل البيت،،ع،،
أبوحسين السرگودي...🕊🕊🕊

مهرجان بقايا الطف.
التفاصيل داخل البوستر...

الرادود الحسيني السيد علاء الجزائري
هيئة_شباب_الحوراء_مرقد_السيدة_شريفه_ع_
#قصيدة-قبرچ-يشرف
كلمات أخوكم أبوحسين السرگودي...

الرادود الحسيني السيد علاء الجزائري
هيئة_شباب_الحوراء_مرقد_السيدة_شريفه_ع_
#قصيدة-يم-بابچ
كلمات أخوكم أبوحسين السرگودي...

قصيدة هاي أم عون
---------------------------------------------------
چفهه مشدود بحبل
والجرح عين وتهل
والأطفال أعله الهزل

تون تون تون

حيهم ياأبو صالح
حيهم ياأبو صالح
------------------------------------------------------
تون والنوگ هم تبچي البچيهه
زينب صم جمر باقي بنعيهه
وتوگع والجروح أطتهه أديهه
لحد ماكلشي ضل يبچي عليهه

ياگلب ضل منشلع
ذايب شلون الشمع
والألم بي منجمع

تون تون تون

حيل أمنيله الطايح
حيهم يا أبوصالح
-------------------------------------------------------
شدت حيلهه بكلمة علي أوياي
تحاچي براس أخوهه البرمح واي
خويه ألف أنعم ألله ونشكر الماي
لو مابده روحه وللخيم جاي

لوبقى بجودك ترى
ما أروح أميسره
وأنت سبع الگنطره

تون تون تون

وماضل الدمع طافح
حيهم ياأبو صالح
-------------------------------------------------------
مثل حال الرمح من تمشي وياك
تشوفك ميت أنت أوحزنك أذاك
سهم بالعين والدم غطه عيناك
الدمعه التنهضم ماتلتم أبهاك

ما شكتلك ياگمر
عاشت بصفنت نهر
وگفت وكلشي إنكسر

تون تون تون


وتخنگ كلمة الرايح
حيهم يا أبو صالح
-------------------------------------------------------
تمشي وعالسبي تسولفلك أعيون
وزراگ السمه خيم فوگ الأمتون
أستحه وكل ساع گام أتبدل بلون
السبي ماذلهه زينب هيه أم عون

ضلت أبعلو السمه
بعد أمهه فاطمه
ولابو حامي الحمه

تون تون تون

وتشگف روحهه الطايح
حيهم يا أبو صالح
-------------------------------------------------------
يبو صالح دمعتك چنهه فانوس
وعلى ياجدم طاحت والحچي أيدوس
ويم ياجرح ونك باقي محبوس
وغيابك ماي چنه وكلشي مدروس

كل سنه أويل العايله
بالسبي من كربله
أجروح تمشي أمهدله

تون تون تون

يمالح والجرح مالح
حيهم يا أبو صالح
-------------------------------------------------------
خادم أهل البيت،،ع،،
أبوحسين السرگودي...🕊🕊🕊

بأربعينك...نمشي وجروح الوطن گاعد تسيل
بأربعينك...هاي كلمه وأنت أبن حامي الدخيل
والعراق أجناحك****وعتناه ذباحك
بأربعينك°°°°°°°°°°°°°°°°°°°°بأربعينك
-------------------------------------------------------
يبو الأكبر كل جرح يمك يطوف
لابس أحرام النزف مثل الخسوف
أمنين مايندار شابكته السيوف
والدعاء العدنه متشيله الچفوف

بأربعينك...ملگه لاگانه الجرح قبل الرحيل
بأربعينك...هاي كلمه وأنت أبن حامي الدخيل
والعراق أجناحك****وعتناه ذباحك
بأربعينك°°°°°°°°°°°°°°°°بأربعينك
-------------------------------------------------------
والعراق أبخيمتك خادم زغير
واليجيك أيزورك أيخليه أمير
شكبر عمره وماعرف روحه چبير
شما يخدمك يكبر أبعين الفقير

بأربعينك...على درب الخدمه دمعه أكبر دليل
بأربعينك...هاي كلمه وأنت أبن حامي الدخيل
والعراق أجناحك****وعتناه ذباحك
بأربعينك°°°°°°°°°°°°°°°°°بأربعينك
-------------------------------------------------------
فرش طوله سفره لرايد يجيك
أبهله وتفضل ينادي اليعتنيك
أمشكل أبدجله أوفرات وينعه بيك
ياحسين أنه والماي أبين أديك

بأربعينك...لأن كعبه وحزمو عالكعبه فيل
بأربعينك...هاي كلمه وأنت أبن حامي الدخيل
والعراق أجناحك****وعتناه ذباحك
بأربعينك°°°°°°°°°°°°°°°°°°بأربعينك
-------------------------------------------------------
الهسه حسرة روحه متوضيه أبأذان
وينهدل حيله مثل متن الدخان
أخيامك أبگاعه مثل نقطة أمان
أوخيمتك شامه ترى أبخد الزمان

بأربعينك...خيمتك تكبر ويكبر بيهه جيل
بأربعينك...هاي كلمه وأنت أبن حامي الدخيل
والعراق أجناحك****وعتناه ذباحك
بأربعينك°°°°°°°°°°°°°°°°بأربعينك
-------------------------------------------------------
واليضدونك نسو بي ما يطيح
لأن يتنفس الغيره آمن الضريح
وشاهدو موكب ترى العيسى المسيح
وموكب الجبريل هم يخدم يصيح

بأربعينك...هله بالزاير هله أتلگه الخليل
باربعينك...هاي كلمه وأنت أبن حامي الدخيل
والعراق أجناحك****وعتناه ذباحك
بأربعينك°°°°°°°°°°°°°°°°°°°بأربعينك
-------------------------------------------------------
وحنه شلنه أچفوفنه أوثگل الدعاء
أشما يطيح أتلمه گاعك كربلاء
لأن هيه أقرب وسيله الكل سماء
العراق أوشعبه أحفضه آمن البلاء

بأربعينك...والدعاء أنحزمه بحزام العليل
بأربعينك...هاي كلمه وأنت أبن حامي الدخيل
والعراق أجناحك****وعتناه ذباحك
بأربعينك°°°°°°°°°°°°°°°°°°بأربعينك
-------------------------------------------------------
خادم أهل البيت،،ع،،
أبوحسين السرگودي...🕊🕊🕊

والحسن بابه أيصيح حي عالمشايه
-------------------------------------------------------
باب عاش أويالكرم شامخ بتربيته
تارس أجيوبه الحسن لليچهبه أبنيته
عمر ماسد روحه عوز وبين أبصينيته
من سمع بأهل العراق أتحزم أبخاچيته
شيخ چنه ويدري زين الخدمه ترفع صيته
أفلاحته أيعزب يريد وكربله أمتانيته

وحلمه موكب لوصار بي ترفرف رايه
والحسن بابه أيصيح حيّ عالمشايه
-------------------------------------------------------
وخفگت الرايه بهواه وكلشي بين بيهه
أشما ترف رايه يگول الگمر چف ساگيهه
ويعرف أبجاسم چبير وهوه اليلاگيهه
وهله بالزاير هله بحرگه من يحچيه
وهدر أدلاال المضيف وبالعشگه غاطيهه
وخدمةالمشايه نعمه الباب ضل يحچيهه

ومن بقيع الدمعات ترس جوده أومايه
والحسن بابه أيصيح حيّ عالمشايه
-------------------------------------------------------
باب بس غيرته شعلت كلشي ضل بكتاره
ومايبس بسمه الخضار وعايش أبأسراره
أمحزم أوغيرته وگفت علي وكض فقاره
باب بس يحسب نشوفه أمنيته كل أزياره
يخدم ويوگف تراثه ونشم عطر أخباره
باب مدري أنحسبه خادم حفظ هيبت داره

والخدم بي تنهاب لگت بسمه أحچايه
والحسن بابه أيصيح حيّ عالمشايه
-------------------------------------------------------
باب بس شايل ضمير أمعلم آمن الزهره
باب عمره أبخير عايش بيده ينطي الفقره
والحسن گله أبجبينك دوم خلي الگطره
حسين لو يتعنه ليك أبروحك أوگف وقره
ياأبو الأكبر شخبرك والعشگ عالفطره
باب لو عوچيه أصيرن عكس ذيچ الشجره

والرمح عندي أوياه وگفه وبهل الآيه
والحسن بابه أيصيح حيّ عالمشايه
-------------------------------------------------------
ألهاي بدموعه توضه گلبه وأصبح شاعر
أشگد تمنه أيصير خيمه ويحترگ بالعاشر
رادبس الطف يحظره وينحسب بس ناصر
راد يركض والسياط أبمتنه توگف باچر
راد بالفزعه الچبيره ويكبر وميكابر
أمنيته ويه حسين يحضر حتى يصبح ثائر

وكبر وأحلامه أوياه كبرت الهل غايه
والحسن بابه أيصيح حيّ عالمشايه
-------------------------------------------------------
خادم أهل البيت،،ع،،
أبوحسين السرگودي...🕊🕊🕊

°°°قصيدة جرح مشاي°°°
~~~

~~~

~~~

~~~

~~~
أجينه وچف جدمنه أظلوعه محنيه…
وكل موكب نشوفه زارع أميه•••
تطشرنه أعلى كبر الجرح والتاريخ...
ونسئل ونخمش چم گلب علويه•••
مولح صوتنه مثل العباه بالصيف…
لان صيحنه منهو ألاگي ترچيه•••
ورفت روسنه رفت روايه اليل…
الله أيعين گلب الفاگد أبنيه•••
حتى أدموعنه أيطيحن أوننخه حسين…
ويتلاگهن أسمه أتگول عوچيه•••
ونخظر مستحه أبگد ماوفه العباس…
وحگ صبر العليله اليحرگ الريه•••
جرحنه الهسه نلگه الماي خنجر بي…
من رگضت أوصوت الماي أله ديه•••
من چان النحر لامس أحساسه أتراب…
من مسحته أديهه العاشت أبفيه•••
من عاشت جرحهه زينب أمنبعيد…
وأطبول الشماته أتصيح مسبيه•••
لحد ماوصلتك وعيونهه أمدنگات…
ودمعهه الخاطرك ظل يقره أبوذيه•••

للعفه أنه زينب عفاني
وسبوني وسوطهم ماظن عفاني
عفاني أشلون وأتحمل عفاني
السبي لوساعة الماتت رقيه•••
°°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت.. ع..
أبوحسين السرگودي… 🕊🕊🕊