#قصيدة_دعاء_الموت
دعاء السيدة زينب أن تكون وفاتها في مجلس الحسين،،ع،،
°°°°°°°°°°°°°°°°°°°°°°°°°°°°°°°°°°°°°°°°°
سيرة روحي أعلى جرحك رايحه
تنلچم وأسمعهه تقره الفاتحه
وموتي أجاني بچف يتيمه...
وبيه نار وروحي خيمه...
بمجلسك والدمعه تنزل مالحه
°°°°°°°°°°°°°°°°°°°°°°°°°°°°°°°°°°°°°°°°°
عشت آنه العمر يحسين ماي أبجربه وأطشر---
وأديرن دمعتي الياصوب وشفته أمترب المنحر---
ومن أسمع صهيل الخيل أنام الليل ماأگدر---
أذكر طيحتك يحسين وصدرك ذاك الأتكسر--

والحزن غيمه أعلى غيمه
وبيه نار أوروحي خيمه
ويم عزائك عيني ظلت شابحه
أبمجلسك والدمعه تنزل مالحه
°°°°°°°°°°°°°°°°°°°°°°°°°°°°°°°°°°°°°°°°°
أزورك والدمع مجروح أزورك خويه يوميه---
ونعي أبحرگت الزهراء وأقره أبصوتي لطميه---
وأقرالك لحد ماشوف ليلي أظلوعه محنيه---
منوصل بالقصيدة البيت أختك تدري مسبيه---

حايره والدنيه هيمه
وبيه نار وروحي خيمه
حافيه أوركض وشيل الطايحه
بمجلسك والدمعه نزلت مالحه
°°°°°°°°°°°°°°°°°°°°°°°°°°°°°°°°°°°°°°°°°
أشوفن جرحك أيخر أشيب وچملته بضعن دمعي---
وأوگع والسمه أتمد أيد أليه وقدرة وضعي---
ويتلگاني صوتك ماي ويبلل شمس طبعي---
ويگلي بحنينچ طيف صوتچ چودر أبسمعي---

وگلبي شيب حتى ضيمه
وبيه نار وروحي خيمه
وشوفي عيني أعليچ بالدم سابحه
بمجلسك والدمعه نزلت مالحه
°°°°°°°°°°°°°°°°°°°°°°°°°°°°°°°°°°°°°°°°°
وكملك حچي الدخان هذاك الماطفت عينه---
والمجلس أشوفه أينود يعرف كل حچي البينه---
ويلچمني الحچي المذبوح من ألگاه يتانينه---
ومن يوصل ألمتني ألسوط ماأنشد عليه وينه---

وأدعي نوحي الله يديمه
وبيه نار وروحي خيمه
وفدوه متني الأيحه وما لايحه
بمجلسك والدمعه نزلت مالحه
°°°°°°°°°°°°°°°°°°°°°°°°°°°°°°°°°°°°°°°°°
ودعائي چان چف الموت كون أبمجلسك ينمد---
عليه وحتى دمعي أيروح أوياي أمحزم أعله الخد---
وموتن والتشيعني لطمتي وتدري مالي أحد---
عگبكم يالمشيتو أبعيد وبعدكم شوفي ماوچد---

ومجلسك الله اليديمه
وبيه نار وروحي خيمه
ميته وانه أبگبري أجيم النايحه
بمجلسك والدمعه نزلت مالحه
°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت،،ع،،
أبوحسين السرگودي...🕊🕊🕊

سيرت روحي اعله جرحك رايحه
تنلچم وأسمعها تقره الفاتحه

الشاعر ابو حسين السرگودي
صوت خادمكم أبو منتظر الإمارة

#جديد_ياعلي_الهادي
شلون حالك من شفت جرحك نزف دم
وتدري بذياله جمر نار المخيم
بروحك الموت أحتل،،،،،،وأنت تقره المقتل
ياعلي الهادي ❄❄❄❄ياعلي الهادي
•••••••••••••••••••••••••••••••••••••••••••
نفس ذيچ الغربه والآه أرتوت
بجرحك وبدموعك ألونه هوت
وأنت نار أبچبدك وروحك نوت
للخيم آه يالخيم لمن دوت
بنار عشت الحاله والمدمع كتب هم
وتدري بذياله جمر نار المخيم
شرتلت من رتل،،،،،،وأنت تقره المقتل
ياعلي الهادي ❄❄❄❄ياعلي الهادي
•••••••••••••••••••••••••••••••••••••••••••
أداء الرادود ملاصلاح الزهيري
كلمات أخوكم أبوحسين السرگودي...🕊🕊🕊

تنادي شيعة حيدره… يازينب يازينب
أوياچ دنيه أوأخره… يازينب يازينب
°°°°°°°°°°°°°°°°°°°°°°°°°°°°°°°°°°°°°°°°°°
بينه عابس عايش أوجون أوحبيب
وبينه جرح السبي ماشايف طبيب
الهسه حاظن سوطهم رافض يطيب
وحگ شمس الردهه أبوچ امنالمغيب
///الموت لجلچ مفخره… يازينب يازينب
///أوياچ دنيه أوأخره… يازينب يازينب
°°°°°°°°°°°°°°°°°°°°°°°°°°°°°°°°°°°°°°°°°°°
أبراية العباس حزمنه الذمم
وعلى كبر الگاع نكتبلچ نعم
أحنه نتعنالچ أبنية خدم
أنجيب جود الگمر وعيون الخيم
///بأمر سبع الگنطره… يازينب يازينب
///أوياچ دنيه أوأخره...يازينب يازينب
°°°°°°°°°°°°°°°°°°°°°°°°°°°°°°°°°°°°°°°°°°°
أحنه عدنه أرگاب مشتهيه السيوف
لأن مالحگت بأذان الطفوف
تنتظر والموت ظل بيهه يطوف
وذأ عنده عيون كل حاقد يشوف
///الطفل راخص منحره...يازينب يازينب
///أوياچ دنيه أوأخره… يازينب يازينب
°°°°°°°°°°°°°°°°°°°°°°°°°°°°°°°°°°°°°°°°°°
الراد يكتب بالحلم چفه گصر
لأن بعيونه يشوف أشگد صور
علي عالميمنه واگف والگمر
وعالشمال الحمزه واگف والقدر
///يخط ترحل ياتره… يازينب يازينب
///أوياچ دنيه اوأخره… يازينب يازينب
°°°°°°°°°°°°°°°°°°°°°°°°°°°°°°°°°°°°°°°°°°
من تعنت عالقدس ذيچ اليهود
ومن سبوهه أدموعهه يكتبن وجود
روحي غادي أتحولت يم الصمود
بقبر زينب روحي أبجنة الخلود
///حتى اصير امخدره… يازينب يازينب
///أوياچ دنيه أوأخره… يازينب يازينب
°°°°°°°°°°°°°°°°°°°°°°°°°°°°°°°°°°°°°°°°°°
وحنه من أنذكرچ أنحس بالقدس
لان تبچي أوياچ ودموعچ درس
يطن أحكام الصبر لصار أمس
بخطبت المجلس وجوبن تنكس
///روسهم وأنتي مره… يازينب يازينب
///أوياچ دنيه اوأخره… يازينب يازينب
°°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت.. ع..
أبوحسين السرگودي…🕊🕊🕊
°°°°°°°°°°°°°°°°°°°°°°°°°°°°°°°°°°°°°°°°°°

لحن قصيدة اوياچ دنيه اواخره يازينب
بصوت الملا ستار الكعبي
كلمات اخوكم ابوحسين السرگودي...🕊🕊🕊

ياعلي…

الحرب غير المنايه شرهه بيهه🌸🌸
أذن كل حرب تلگه شرهه بيهه🌸🌸
اليطبهه ايموت🌴🌴
يخنگه الصوت🌿🌿
بس يسمع صده لسيف🍁🍁
الموت ايصير صاحب كيف🌳🌳
الخوف ايصير بيهه ارماح🌲🌲
يهد عنده الفريسه ارواح🌺🌺
وبيهه ايطيح فجئه ايطيح🌱🌱
وتخطف روحه ابسط ريح🌷🌷
بس داحي الرگب والباب🍃🍃
علي المعروف ليث الغاب🍂🍂
أبدر شال الشجاعه شرهه بيهه🌸🌸
أله والغيره ماتصبح أبيه🕌🕌

خادم أهل البيت.. ع..
أبوحسين السرگودي…🕊🕊🕊

🍀🍂ياعلي🍂🍀

علي بابه يترسه أجيوب من أيروح 🍂
ويترسهن علي وهم توصل الفكره 🌹🌹
الشاعر أبوحسين السرگودي...🕊🕊🕊

النسمه أذا تعرفهه شايلهه الحنين..
أترجف أضلوع السعف 🌹🍀🌹
واليدري جوه أجدام أمه الجنه راي..
چاگبرهه أشيدري جواه بالنجف 🌹🍀🌹
🌲🌲🌲🌲🌲👑🌷👑🌲🌲🌲🌲🌲

الى تلك المرأة التي بيمينها تهز الكون لا النخلة التي تدير رحى الهموم لاجل الابناء كشمعة تذوب لتنير درب ابناءها الى تلك المتجعدة وجناتها التي تحكي قصص النعيم الذي عشناه
اللهم يحفظها ويرحم من تركت جيلاً خلفها
🌲🌲🌲🌲🌲👑🌷👑🌲🌲🌲🌲🌲

غدورتي

غدورتي

مرات الجرح من يلچم ترتاح

عالجسر شيعتك… تنتظر طلعتك
يامظلوم°°°°°°°°°°°°°°°°يامسموم
______
شيعتك عالجسر طشتلك ورد
وأذنت حي على خير المجد
بالاصلاب الطلعتك هم تستعد

كلهه تتنطر تچي***
وينذبح صوت البچي***
يامظلوم°°°°°°°°°°°°°°°°°يامسموم
_________
ومن طلع نعشك أوشافولك نعش
صفنت الأملاك وهتز العرش
سكته صارت ينسمع صوت الرمش

چم گلب وحده أنشلع***
كلهه مصيوبه أبهلع***
يامظلوم°°°°°°°°°°يامسموم
________
أچفوف الأحماميل لچمن چم جرح
بچفوف ليل أشلون ينشال الصبح
وأنت راس حسين مشيول أبرمح

أبنعشك اترتل الطفوف***
وكزبرت صوت السيوف***
يامظلوم°°°°°°°°°°°يامسموم
________
الحديد أشسوه هد حيل الأمام
أخذ دور أخيول أميه أبكل تمام
بيوم طحنت حيله ظل يبچي الحمام

يومك أنحس بي ألم***
أخذ من نار الخيم***
يامظلوم°°°°°°°°°°°°يامسموم
________
بينه يومك ماطفه يلهب جمر
من نمر تچوينه خطوات الجسر
أنشوف نعشك رايه خظره أترف صبر

همه وين أبلا ثمن***
وأنت حيدر بالمحن***
يامظلوم°°°°°°°°°°°°يامسموم
_________
خادم أهل البيت.ع.
الشاعرأبوحسين السرگودي…🕊🕊🕊

_يازينب_
التراث الحسيني
بصوت خادم الحسين،ع،
الرادودالكبير جاسم النويني

عالجسر شيعتك تنتظر طلعتك
يا مظلوم يامسموم

😭😭😭😭😭😭😭😭😭


الشاعر الموفق أبو حسين السرگودي
صوت خادمكم أبو منتظر الإمارة

وأستنوقت فتصاغرت أحجامها🍂🍂 وأستروحت فتفاقمت آثامها🍃🍃
وإذا بصاحب دينها دينارها🍂🍂
وإذا بسيد أمرها حاخامها..!!🍃🍃
👀 👀 👀

قصيدة_عمر_خلص
ياموسى أبن جعفر
🍂🍂🍂🍂🍂🍂🍂🍂🍂🍂🍂🍂🍂
الظلمه تكتل واهس العايش وحيد
وأيد مشبوگه لچن شبگة حديد

عمر خلص بس سجن
وسفه يالكاظم تون

وآه ياحال الجنازه العازت أيد
@ @ @ @ @ @ @ @ @

الجرحه طف أشينفع الجرحه الدوه
البلسجن ينغث تره بنسمة هوه
ياضوه الله اشلون شح عنك ضوه
انجمعن اثنين بسگم صفن سوه

نار طف وسجنه نار
والمفارگ گلبه حار

حيره گلي بياعذر گلبك يهيد
وآه ياحال الجنازه العازت أيد
@ @ @ @ @ @ @ @ @

ململم اجروح أعله طولك ياغريب
ونگلت أجدامك تسولفلك نحيب
عمرك المابي صبح ليل ومغيب
عكس جدك مو هدم عمرك سليب

شمر بلطف منذكر
وأنت هم سجنك شمر

الضليمه شمالهه وياكم تعيد
وآه ياحال الجنازه العازت أيد
@ @ @ @ @ @ @ @ @

آه يلحالك ولا لحضه انسلم
ازغير بعدك بس كبر بيك الألم
وحرگو اسنينك مثل حرك الخيم
مثل عباس وشلت طولك علم

گصتك اتنگط سجود
اضن شايل بيهه جود

بجفك القرآن وانته اتلاوي گيد
وآه ياحال الجنازه العازت أيد
@ @ @ @ @ @ @ @ @

ياحلم سولفته والياهم حجيت
بيا غياب الجب يمولاي أنرميت
طال بينه اعجاف فگدك مادريت
لا.. قميصك رد علينه ولا أجيت

لمحت أطيوفك بطت
الشيعه يعگوب وعمت

گلي للمشتاگ ياونه التفيد
وآه ياحال الجنازه العازت أيد
@ @ @ @ @ @ @ @ @

شنهي ذنبك بلسناسل گيدوك
غيبو كل رحمة الله ومارعوك
وحته يامولاي من مت وخذوك
بنعش موحش عالجسر ماجبلوك

بلجنازه ولا چتف
لا عزيز ولا عرف

وما عرفناك شتوصي وشتريد
وآه ياحال الجنازه العازت أيد
@@@@@@
خادم وشاعرأهل البيت،،ع،،
أمجد المياحي

🌴🌴قصيدة ياباب الحوائج🌴🌴
🍂🍂أداء الرادودالحسيني سيدضياءالمحنه🍂🍂
🌴🌴كلمات أخوكم أبوحسين السرگودي...🌴🌴

الظلمة تكتل واهس العايش وحيد
وإيد مشبوگه لجن شبگة حديد

😭😭😭😭😭😭😭😭😭😭😭

الشاعر أمجد المياحي
صوت خادمكم أبو منتظر الإمارة