#قصيدة الرمح موألك الحوار الذي دار بينه السيده زينب.. ع.. ورأس عبدالله الرضيع في طريق السبي.
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
ادور بالجروح اولگه جرحك غار
يعبدالله الرمح مو الك مال أكبار
يالمالك أثر خطوه…يالمخلي النصر يسوه
°°°°°°°°°°°°°°°°°°°°°°°°°°°°°°°°°°°°°°°°°°
يعمه اشما أصدن عينك ابعيني
يعبدالله رمح نحرك يبچيني
وتركض للملاگه اوياك چفيني
وراسك عالرمح أسمع يحاچيني

••يعمه الياجرح دمعچ وگع وأندار••
••يعبدالله الرمح مو ألك مال أكبار••
وگع ياعمه عالخوه…يالمخلي النصر يسوه
°°°°°°°°°°°°°°°°°°°°°°°°°°°°°°°°°°°°°°°°°°
بچينه وفاض طوله منالدمع رمحك
لحد مالليل حزنك خيم أبصبحك
اشما أسمع أذان المأذنه أبجرحك
زغير انت نعم بس موسهل طرحك

••سمعة أنت الحسين ايحشم الانصار••
••يعبدالله الرمح مو ألك مال أكبار••
وفزعة بيك الامروه… يالمخلي النصر يسوه
°°°°°°°°°°°°°°°°°°°°°°°°°°°°°°°°°°°°°°°°°
تسولفلي نضرتك يابعد روحي
وجهي أشما أديره أتبين أجروحي
ماعاين ألأمي العاشت أبنوحي
لان أسمعهه تنعه أهنا يمذبوحي
•••أشمااسمعهه تركض بيه جمره ونار•••
•••يعبدالله الرمح مو ألك مال اكبار•••
يالبشوفتك چنت اروه… يالمخلي النصر يسوه
•••••••••••••••••••••••••••••••••••••••••••••••
يعمه وكل جرح ظل ينزف أودامي
منشوفنچن أحسن توگع أحلامي
ردن أبردن مشدودات گدامي
وتطيحن والألم يحرگ حچي أيامي
•••وحگ كاروكك البيه الدمع ظل حار•••
•••يعبدالله الرمح مو ألك مال أكبار•••
يسالوفتنه ياسلوه… يالمخلي النصر يسوه
°°°°°°°°°°°°°°°°°°°°°°°°°°°°°°°°°°°°°°°°°°
منشوفك والرمح گاعد ابنحرك حيل
ودمك من يطيح الشيب بينه أيعيل
اصليلك صلاة الدمعه وبترتيل
يحلم السالفه الماظم وجهه ّ الليل
•••يعبدالله أحسن گلبي بيه بسمار•••
•••يعبدالله الرمح موألك مال أكبار•••
مقامك عالي ياقدوه… يالمخلي النصر يسوه
°°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت.. ع..
أبوحسين السرگودي… 🕊🕊🕊

#قصيدة ألك بالمجلس سؤال الى سيدي ومولاي الأمام زين العابدين.. ع..
°°°°°°°°°°°°°°°°°°°°°°°°°°°°°°°°°°°°°°°°°
الك بالمجلس سؤال...
هيبته هيبة نزال ...
هاذه جدمن بالأذان
هاذه جدمن بالأذان
""""""""""""""""""""""""""
أذنو حتى يگطعون. الحديث**
وأنت تسكت بأمر من ذاك الخبيث**
مادروك الهل اﻻذان أنت الوريث**
///وسرفنت ردن الفزع///
///وعلي بحساسك طلع///
الزرع بچفوفه اأمان
هاذه جدمن بالأذان
""""""""""""""""""""""""
كبرة ويه الأذان ابكل شغف**
وتقره بدموع التسمعك چم أسف**
ما درو بيك أنت أبن حيد النجف**
///ذاكه البسيفه أنكتب///
///الاسﻻم اوما تعب///
الكسر أقيود الرهان
هاذه جدمن باالأذان
"""""""""""""""""""""""""
نوخت روس التضدك باﻻرض**
القصر بيهم ظاگ ولد اهل البغض**
من لگو باذانهم جدك نبض**
///ورعشت أحلوگ الزلم///
///ونصر ثاني ينحسم///
أتسجل أبگصة الزمان
هاذه جدمن بالاذان
"""""""""""""""""""""""""
من سئلته هذا جدمن يايزيد**
ودم چفوفك مابرد من الحديد**
علمتهم انت أبن ذاك الشهيد**
///الماعرف ذل الحياة///
///وﻻ رگع يم الطغاة///
وعالي راسه أعلى السنان
هاذه جدمن بالأذان
"""""""""""""""""""""""""""
يبن مكه أومنى وزمزم والصﻻه**
يبن ذاك المن نموت انشم ثراى**
بنص گلبنه امصابك أنحس بي چواه**
///أبيومك أنعيش ألطم///
///ونجلي بسمك كل ضلم///
مجلسك أكبر ضمان
هاذه جدمن بالاذان
"""""""""""""""""""""""""""
خادم أهل البيت ع
أبوحسين السرگودي...🕊🕊🕊
"""""""""""""""""""""""""""" ♢

#قصيدة رسالة روح

`````````````````````````````````````````

عاشگ حسين قمة الدين
حسين يهدي بدربة اسمع هالخبر
واليجيه اول صلاته اعلة النحر
@ @@@@@@ @
الگاصد لمجلس حسيني لا تذموه ياخلگ
حسين توبة ويطفي دربه كلمن ابذنبه احترگ
مجلس حسين اليطبه هذا بالرحمة غرگ
هذا يتوضأ بدموعة يعني نادم لو شهگ
يگضي الليل مدمعه يسيل
يشوف ابو الاحرار صلة اعلة الگمر
واليجيه اول صلاته اعلة النحر
@@@@@@@
حسين باب الله الچبير تگصده كل المذنبين
ابد لاتوگف بدربة الگصد تلگاه بي حنين
مجلسه الوادي المقدس ماتطبه الحاقدين
اليبدي بي ينتهي بالله الله صلة اعلة الحسين
هي دعوة الگصد يروة
فاطمة بالمجلس تسجل الحضر
واليجيه اول صلاته اعلة النحر
@@@@@@@@@@@
اليعصي الله يعيش غربة حسين دار لكل غريب
هذا تسمع من تگربةاغفرلي ربي بهالحبيب
هذا بس كربله يحسهة تطفي گلبه البي لهيب
المااله واحد يعينه يشوف بس باب الخضيب
لا تذموه ما تعرفوه
ماله غير حسين يشكيله الدهر
واليجيه اول صلاته اعلة النحر
@@@@@@@@
الوادم التحضر مجالس لاتصفها بكاذبة
اخذ عبرة من الرياحي حسين حسن العاقبة
حسين هُو درب النجاة وكلها بيه مجلبة
إعْلي تون حتى الملائك ياشفيع المذنبة
والسمة تنوح حسين مذبوح
زينب مگيدة بچفوف القدر
واليجيه اول صلاته اعله النحر
@@@@@@@
خادم الحسين.. ع..
الشاعر أحمدعبدالزهره الوائلي

#قصيدة الامام زين العابدي حينماكان الخطاب من السيده زينب.. ع..
°°°°°°°°°°°°°°°°°°°°°°°°°°°°°°°°°°°°°°°°°
حتى الدمع لمن وگع يرسم آديه
شالن أجروحك ياعلي بالغاظريه
°°°°°°°°°°°°°°°°^°°°°°°°°°°°°°°°°°°°°°°°°
ياعمه لوتدري أشحصل يالغالي تدري
أتمنيت عمري المندفن يابعد عمري
من كثر ماشوفك جرح سلمت أمري
… لجروحك اوگف والتفت ونخه المنيه…
°°°°°°°°°°°°°°°°°°°°°°°°°°°°°°°°°°°°°°°°°°
ياعلي كل ما أصد الك وبگيدك الگه
صدر الحسين المنسحگ وبكتره حرگه
وتلاگه چن جود أوسهم وتبده شبگه
… يالبيك ريحة چم نبي عاش الرزيه…
°°°°°°°°°°°°°°°°°°°°°°°°°°°°°°°°°°°°°°°°°°
أثار بچفوفك علي ياعمه چنهن
باب الزچيه المحترگ بعيوني أحسهن
والباب هم شفته أنجرح واجروحه لمهن
… بس أنت ماهمك جرح عينك عليه…
°°°°°°°°°°°°°°°°°°°°°°°°°°°°°°°°°°°°°°°°°°
بعيونك أقره انه الدمع وتگلي عمه
جسم الحسين أعلى الثره منهو اليلمه
عودي أنطبگ صدر أبظهر ظل گلبي يمه
…وچفوفي يم سبع النهر ظلن رميه…
°°°°°°°°°°°°°°°°°°°°°°°°°°°°°°°°°°°°°°°°°°
ياعمه تتوچه الارض من تمشي أنته
بخيالك البين كسر عودك فگدته
يابعد گلبي الظل يون والونه سكته
… أفديك يالعمرك جرح يوصل رقيه…
°°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت.. ع..
أبوحسين السرگودي… 🕊🕊🕊

#قصيدة دمع زين العباد
°°°°°°°°°°°°°°°°°°°°°°°°°°°°°°°°°°°°°°°°°°

دمع زين العباد•••نزل ﻻبس سواد
من نضر دمعات زينب نزلن اعله الخد عتاب...
والسياط اعليهه تنزل جرحة متن الثياب...
•••••••••••••••••••••••••••••••••••••••
ﻻبس اسود دمعه چيه ينزف حزن...
شاف عمته اجروح حاضنهه المتن...
عمه ريت انه اموتن وندفن..
وﻻ شوفنچ واضلن بس اون ...
صدگ انتي ابمكان:::::
انذبح بيه اﻻذان:::::
والصﻻه ضلت غريبه ونسحگ صدر الكتاب***
والسياط اعليهه تنزل جرحة متن الثياب***
•••••••••••••••••••••••••••••••••••••••
دمعة عينه رغم. طوله جرح...
اوگف بس دمعاته رسمله صبح...
اوراس مرفوع اعله رمحه والرمح...
خجل من زينب يعرف. المنذبح...
ولطم وجهه العليل:::::
يعمه ابﻻ كفيل :::::
الله ياعمه ينصرچ ادري موهين المصاب***
والسياط اعليهه تنزل جرحة متن الثياب***
•••••••••••••••••••••••••••••••••••••••
عمه حزميني يعمه ابحيدره...
بأسم جدي وعمي سبع الگنطره...
شعتذر عدهم وشوفچ حايره...
وانتي محد گدر لسمچ فسره...
الخدر بسمچ حروف:::::
يذبحن كل يشوف :::::
عمه بيچ انسبت دنيه مخضبه ابدم الشباب***
والسياط اعليهه تنزل جرحة متن التراب***
•••••••••••••••••••••••••••••••••••••••
عمه بيچ انسبت هاجر من سبوچ...
ومريم ابساعة يعمه اﻻسروچ...
وساره طاح احجابهه ابشتمت ابوچ...
وفاطمه اتنادي يزينب هم ولوچ...
يبت خير اﻻنام:::::
مثل حرگ الخيام:::::
بگلبي يمه النار شبت وانه عشت انه ابعذاب***
والسياط اعليهه تنزل جرحة متن الثياب***
•••••••••••••••••••••••••••••••••••••••
عمه من سطروچ تدرين اشحصل...
الحمزه صاح ابصوت ياخير العمل...
على زينب دمعي ياحيدر. نزل...
وجرحي ينزف وسفه تدري ماحمل ...
برمح ثاني انصبت:::::
وعليهه أتالمت :::::
وسفه هاذه ايصير كله واحنه يمنعنه.. التراب***
والسياط اعليهه تنزل جرحة متن الثياب***
•••••••••••••••••••••••••••••••••••••••
خادم اهل البيت-'-ع-'-
أبوحسين السرگودي...🕊🕊🕊
•••••••••••••••••••••••••••••••••••••••

يبست أعيوني وبقت خضره دمعتي...
وجمر اﻻخيام انطبع حتى ابصفنتي...
وزحفن اجروح الضعن///
وره اچفوفك من مشن///
يابوفاضل..............يابوفاضل
""::::::::::::؛؛؛؛؛؛؛؛؛:::::::::::::::""
خضر النوح ابعباية جرحي تدري..وذاب عمري..والجرح عالن حداده**
وانه روحي امحزمه بطف غاضريه..أبكل مسيه..مطرزه ابفي الشهاده**
روحي بسمك سولفت ويه اليتامه..وچم حمامه..تجمع الجيتك سعاده**
چنت احسن عالنهر رفرف صمودك..وضه جودك..بنفس بي شهگة قياده**
///عودياعباس اليه///
///هاك بس اسمع رقيه///
ادموعهه بخدهه التون...
وره اچفوفك من مشن...
يابوفاضل...........يابوفاضل
............................................
عالنهر صلت صﻻة الفاگد أمه..
بليله ضلمه..وشيبت عين امنياته**
اتعاتب الروجه ابدمعهه وينه عمي..الچان يمي..خذو ترچيتي الشماته**
المشرعه اتهدم دربهه من بچيهه..ياحچيهه ..الگمر ميفارگ خواته**
وانه انوحن والمصايب تنعه وني..اليحچي عني..اﻻخوه ياناس اشغﻻته**
//ودمعت عين الحسافه///
//وحترگ گلب المسافه///
وزينب ايفرهه الزمن...
وره اچفوفك من مشن...
يابوفاضل........يابوفاضل
............................................
اعثرابجرح الكفاله الخله صوتي..ايچفنه موتي..الحرگ خيمة گلبي نحره**
بينك اوبين النحر فزعت سبايه..العفه غايه..ميت ومكسوره ظهره**
النار بذيال السوالف من اجيلك ..وعتنيلك..يابوفاضل خدري احضره**
الخيمه مطرت نار بيهه اشگد عجيبه..والغريبه..يمهه ذكرة رايه خضره**
///وتنخه بالرايه وتحشم///
///روحي حسرة جودترسم///
حتى اطفي الماطفن...
وره اچفوفك من مشن...
يابوفاضل............يابوفاضل
............................................
أمشي وخيالك يخويه اوياي يمشي..ويدري كلشي..وعاشر الحرگه ابضميره**
أبليلة الوحشه اشوفنه ايتحسر..ويتعثر..شلون من تمشين اسيره**
عيوني حاچنه ودمعهن ون دمعهن..من سمعهن..صاح وينك يبوالغيره**
اطشرن كل ذكره بيه اوعتنيتك..وناشديتك..الوجه بعدك وين اديره**
///يالگمرمجروحه روحي///
///حتى بسمي اندارنوحي///
كل حرف ﻻبس چفن...
وره اچفوفك من مشت...
يابوفاضل.........يابوفاضل
............................................
ابالي حسبه اوبيهه حيرني زماني..وگمت اعاني..وجرحي تابوته المصيبه**
من لگه القبله الك جود السقايه..الركعه رايه..طولك انه امنين اجيبه**
شلون لوحان اﻻجل ياهو اليجيني..اتشوفه عيني.. وختك ابغربه وغريبه**
ونار اﻻفراگ اشكثر بيهه سوالف..وكلشي خايف..والجرح فارگ طبيبه**
///ردتك اتشيل الجنازه///
///وعازتك ياخويه عازه///
بكربله گلبي اندفن...
وره اچفوفك من مشن...
يابوفاضل...........يابوفاضل
...........................................
خادم أهل البيت..ع..
أبوحسين السرگودي..🕊🕊🕊

السلام على علي أبن الحسين… ع…
°°°°°°°°°°°°°°°°°°°°°°°°°°°°°°°°°°°°°°°°°
والماشاف سبع الگنطره السواه
شوفهم علي أبكل كلمه ألف مصرع…
طشر روسهم بالحچي مو بلسيف
ولابيهم غيور الروحه بس يفزع…
بس واحد أحسه أذن امنالخوف
لا… مو لصلاه لرگابهم تركع…
°°°°°°°°°°°°°°°°°°°°°°°°°°°°°°°°°°°°°°°°°°

اخوكم أبوحسين السرگودي… 🕊🕊🕊

ياأم البنين.
ولدچ من مشو شمعه أبگفه شمعه°_°

مثل حرﮔ الخيم شميت شرهاب..
وحگ البيده شرالشمس شرهاب..
شفت الخيل.. غيمة ليل
وخطوات النضر ترتيل..
وانه اعيوني تعبن حيل..
ودخن دمع عيني اجروح..
وبالطف رگد شوف الروح..
شفت قراءن بس مذبوح..
وينزف نحره آية نوح..
وصرة ابلايه خيمة راي..
من عز روحه عنه الماي..
وانه ايتام عندي اهواي..
ابمتنهم صوطكم حداي..
العويلي ايتامي يبچي الناي..
ولا هابوهه لاكن شفت شرهاب اليتامه وهمه ماعدهم حميه* *
°°°°°°°°°°°°°°°°°°°°°°°°°°°°°°°°°°°°°°°°°°
خادم. اهل البيت. ع.
أبوحسين السرگودي…🕊🕊🕊

#قصيدة أحسن بالزچيه تقارب وجهّ الدمعة بين السيده رقية بجدتها الزهراء..ع..لذالك تصفحت تاريخ الوجع الحسيني حتى رئيت حزنها عند رقية…
__________
أحسن بالزچيه:::::::::
::::::::حزنهه عد رقية
٠٠حزنها عدرقية٠٠
٠٠أحسن بالزچيه٠٠
__________
عشت ويه الدمع والحسره محرابي..
وتوظه بخيال أموادع أحبابي..
ولمن بالدمع وغسل جمر بابي..
ومسح گصة التاريخ بحسابي..
وحشم كلشي بيه::::::::::::
:::::::::::أحسن بالزچيه
٠٠حزنها عد رقية٠٠
٠٠أحسن بالزچيه٠٠
__________
وشمن كل جرح شايلته روح الگاع..
بخاطر كل ألم ماخله چف أوداع..
تارك أمنياتي اعله الذبح تنباع..
وشفت گطرة نحر وبصفهه صم أظﻻع..
تسولف عن منيه:::::::::
::::::::أحسن بالزچيه
٠٠حزنها عد رقية٠٠
٠٠أحسن بالزچيه٠٠
__________
ودور ولگه صوت أمحزم أبنبره..
نبرة أم ولد مخنوگه من تقره..
وتدنيت بسمع والدمعه متوزره..
رقيه أمگبعه أبفيّ خاطر الزهره..
وتسولفلك قضيه::::::::
:::::::أحسن بالزچيه
٠٠حزنها عد رقية٠٠
٠٠أحسن بالزچيه٠٠
_________
يبويه أشگد ثگيله الدمعه حاچيهه..
الزچيه أوياي تبچي أسمع بواچيه..
لوعدله،، أعله راسك هيه تلگيهه..
ميته أوبس تسولف دم تراچيهه..
وتگبعه الرزيه:::::::::
::::::::أحسن بالزچيه
٠٠حزنها عد رقية٠٠
٠٠أحسن بالزچيه٠٠
__________
لذالك گمت أعيشن خاطر أدموعي..
ومتوني زرگ ومكسره اظلوعي..
تكملت الحزن لزهره مشروعي..
وموظوعي الحسين أوهيه موظوعي..
وعشت بس يامسيه::::::::
:::::::أحسن بالزچيه
٠٠حزنها عد رقية٠٠
٠٠أحسن بالزچيه٠٠
__________
خادم أهل البيت.. ع..
أبوحسين السرگودي… 🕊🕊🕊
__________

أبوذيات لمولاتي السيده زينب.. ع.. وهيه تخاطب قمر العشيره. ع.
---------------------------------------------------------------
مصايب من مصايب زاحمتني..
وگـــــــــدام التضدني زحمتني..
لون عباس حاظر زاح متني..
السياط العلي هدتهه آل أميه،،،
!!!!!!!!!!!!!!!!!!!
وكان لقمر العشيره.. ع..جواب
!!!!!!!!!!!!!!!!!!!
ولو تدرين بالطف راح متنه..
الدنيه بحزن يختي راحمتنه..
أخيچ گبل متنچ راح متنه..
بأول سوط لاحچ يالأبيه،،،
------------------------------------
خادم أهل البيت.. ع..
أبوحسين السرگودي…🕊🕊🕊

#قصيدة أمنية مشاي.
حينما اتذكر رسول الله صلى الله عليه وعلى آله الاطياب اثناء المسيره المليونيه في طريق العشق الحسيني واقوم بأهدائه خطوات من مسيرتي. المقدسه
*↑↓↑↓↑↓↑↓↑↓↑↓↑↓↑↓↑↓↑↓↑*
كل ما أروحن لحسين..
صورتك توگف بالعين..
وكت المشي أومشيلك***
وبظهركل خطوه أجروح..
وترك دمع شايل نوح..
يالمصطفى أوهديلك***
~~~
يالعلمتني أبكل زمن..
مادنگ أبوجه الوثن..
يالعيشت صوت اﻻراده----
أوگف وحسنك نبض..
أبكل دگه ﻻزم تنحفض..
گطره أنت وبگصة القياده----
يالشايل أسنين الأمم..
بچفوفك أوكلشي أنختم..
بالنور وتعيش العباده----
يمحزم أحروف الشرع..
چف الحرف شايل شمع..
أسمك يالمعمم جهاده----

يالعايش أبعطرالهيل***
أمشيلك أودمعي أيسيل***
وعن السهر أحچيلك@@@
ونويلك اوياي اتروح***
وترك دمع شايل نوح***
يالمصطفى اوهديلك@@@
~~~
گمت أنگل اجدام الحچي..
وعيوني توگع بالبچي..
وتخضر ابروحي المصيبه----
كل خطوه أحسهه امگبعه..
گبعهه صوت الفاجعه..
والحيل يتناثر نحيبه----
وبالمقتل أقره أچم نحر..
وچم جسد صاير وذر..
وأزغر جرح ضايع طبيبه----
وعثر وطيحن ولتفت..
بس نار بچفوفي شفت..
والماي ياچف اليجيبه----

وتردد أبروحي الآه***
هذا الحزن ماأنساه***
وتسمعني من أحچيلك@@@
واني احترگ حرگت روح***
وترك دمع شايل نوح***
يالمصطفى أوهديلك@@@
~~~~
بالخطوه وحشه التستقر..
واوگف وأذن بالعمر..
يالمني ياجرح الحبايب----
ليله اشكبرهه ابﻻخيم..
ومگطعه أچفوف العلم..
والليل غيم بالمصايب----
وأطشر أنه اويالهوه..
ويلمنه بحساسه الظوه..
الدنيه ماتسوه وتعاتب----
وحشمني صوتك بالدرب..
ركز تعرف أنته المحب..
عوظه الله أبهل المواكب----

بدلهه اﻻخيام أبهاي***
كثره المواكب والماي***
سولفهه گتلي الجيلك@@@
هذا العشك بس مسموح***
وترك دمع شايل روح***
يالمصطفى أوهديلك@@@
~~~~
ويغازل ابتعبي الندى..
من جابر أول مبتدى..
من أسجل أسمه أبهل الزياره----
وجدامه تركلي أثر..
والچف بعدهه ألنه انبتر..
ومادنگت روس الغياره----
أتمنيت أعيشن كل سنه..
بس للمشي أتمنيت انه..
شفت العشك ورد قراره----
أليمشي لحسين ابصدگ..
يعرف شنو معنى العشگ..
ويعرف شنو رف أنتصاره----

كل ماأجدن بالسير***
بجدامي يطلع عش طير***
هالمكرمه من سيلك@@@
وبنيتي اوگف مملوح***
وترك دمع شايل نوح***
يالمصطفى أوهديلك@@@
~~~~
وتحنه بجروحي وصد..
ويغارمن جرحي الورد..
يالعلمتني اعله التحدي----
ولظلم ما أرگع ابد..
دمي أحمر أبلون العهد..
كل ما ازورك هذا وعدي----
هايم عشت بمحبتك..
وأنسان صرة أبخدمتك..
الألف بأول خطوه تبدي----
من زينب اعله التل أحس..
ونحرك طلع مثل الشمس..
وصاحت تعال الحگ يجدي----

من النحر والهل اليوم***
خادم صرة للمضلوم***
وعن ياجرح اشكيلك@@@
وظل الدمع بس مسفوح***
وترك دمع شايل نوح***
يالمصطفى أوهديلك@@@
~~~~
خادم أهل البيت-'ع'-
أبوحسين السرﮔودي...🕊🕊🕊
~~~

يابويه طولت اجفاك
شحچيلك اني بملگاك
لو رديت
دخان طفالي اعيون
ترچيتي لو ضرب امتون
لو رديت
*********
أركض يبويه وتدري بجدامي ازغار
طفله واشاگف من طحت سوط ونار
مو عيني يابويه الك حيلي اندار
بسياطهم لو تدري يحسين اشصار

گامت جلد مني اتشيل
من طگته اظلوعي اتميل
وتأذيت
بصفاحي گام ايرفسون
ترچيتي لو ضرب امتون
لو رديت
**********
شايف لون مضنوك وبهلت اغروب
من تسمع بجرحك يفز بس مرعوب
تباوع الروحك لو لبوك المسلوب
تركض لچن ماتدري المن مطلوب

وأنه بعمر خمس اسنين
مااعرف الدرب امنين
وحتاريت
مامش عرف لا ضل عون
ترچيتي لو ضرب امتون
لو رديت
*********
لشوفك عطش دلالي لا مو للماي
حر الجمر بجدامي فطرهه اشفاي
يابويه ورم گلبي من طگ مگفاي
والله امنسولفلك اشصار ابمشاي

فوگ الزلم دوس اخيول
وجدامي شجهه العاگول
حيل ابچيت
وبنفاسي أحس ايجرون
ترچيتي لو ضرب امتون
لو رديت
*********
اشكم عزيز اگبال عينك مطگوگ
مخنوگ واتصبر ابواحد مخنوگ
أطفي ناره وإنت ثوبك محروگ
وتشله جرحه اوأنت جرحك مفتوگ

وتشوف أبوك المذبوح
وشيصبره گلب المجروح
شما عانيت
بعزازك امن ايمثلون
ترچيتي لو ضرب امتون
لو رديت
********
شحچيلك العمتي وگع حيل اخيام
لو سوط يصرخ چم متن بي لوگام
يابويه من غير الجره بدرب الشام
زينب اخيتك علوجع وگفه اتنام

تتمايل اتريد اطيح
لو هزهه بچفوفه الريح
من ماجيت
رأس ابطشت بي جيبون
ترچيتي لو ضرب امتون
لو رديت
________________________
خادم أهل البيت.. ع..
الشاعر أمجد المياحي

يحسين يحسين**ابدربك الخطوه درس___________
باقين باقين**من يعطش انشربه نَفِسَْ___________
||||||||||||||||||||||||||||||||||||||||||
من نجيك أبغيره ..ديره تتبع ديره..ياسيدي----'
الرايه بسمك رفت..وبنصرهه انعرفت..ماتعتدي----'
وحنه نلطم جينه..الحزن كبر بينه..الكل تقتدي----'
بربعين الغالي..بدمعه جينه انوالي..وبي نبتدي----'
ماشين ماشين**ونخضر ابدربك شمس_________
باقين باقين**من يعطش انشربه نَفِسْ__________
||||||||||||||||||||||||||||||||||||||||||
من نجيك أنوافي ..الدرب غيمة حافي. يمطر أجر----'
تراب جدمك هيبه..ألكل مرض بي طيبه..ونسمة صبر----'
وحنه رايه أبرايه..وكربله أعضم غايه..أندوس الشمر----'
ونوگف ونتحده..والضمير أنعگده..أبخيمة جمر----'
وچفين چفين**أبدربك أطينه أمس__________
باقين باقين**من يعطش أنشربه نَفِسََْْ_________
|||||||||||||||||||||||||||||||||||||||||||
أبكل درب تلگانه..ألهمه تحچي أويانه..أنعيش أبأمل----'
علي أويالمشايه..عدنه أحله أحچايه..عاش العمل----'
ومانساوم خطوه.. الك فدوه أوفدوه..أنريد الأجل----'
أبدربك أنطب جنه..ترابه غيرة حنه..وكلشي أكتمل----'
بي دين بي دين**والخطوه بالحگ تنعكس_______
باقين باقين**من يعطش أنشربه نَفِسْ_________
|||||||||||||||||||||||||||||||||||||||||||
وراح أسولف بيهه..الفخر ماناسيهه..بنص الگلب----'
بالمواكب خدمه..أي وحگك رحمه..أتضوي الدرب----'
أتعزب الخطارك..وبيهه تزهي أنوارك..من تنصب----'
الشايب أزغرخادم..راد دربك سالم..للبي يطب----'
منسنين وسنين**الخدمه ﻻ ماتنحبس______
باقين باقين**من يعطش أنشربه نَفِسْ______
||||||||||||||||||||||||||||||||||||||||||
چم عمل أنساني..أبدربك أشماتاني..ماينگفض----'
تمشي للماجلك..غيره عد أرجالك..سرالحفض----'
الخطوه بي مطلوبه..أطيح كل أذنوبه..الحسك نبض----'
الماتفارگ صوته. عشة حتى أبموته..هم تنعرض----'
ميتين ميتين**وسمك نسمعه ينهمس_______
باقين باقين**من يعطش أنشربه نَفِسَْ________
|||||||||||||||||||||||||||||||||||||||||||
أبدربك أشجم داعي. أبصوته لهفة ناعي. يابوالمجد----'
أوراد منك نصره. ياعزيز القدره..ألكل الحشد----'
وتضمن العالساتر..مايدنگ باچر..چيه مستعد----'
بيك ضل يتباهه..ورايتك عﻻهه..رفة ورد----'
بالعين بالعين**بدمانه گبرك ينحرس________
باقين باقين**من يعطش أنشربه نَفِسَْ___________
||||||||||||||||||||||||||||||||||||||||||
خادم أهل البيت-ع-
أبوحسين السرگودي… 🕊🕊🕊
||||||||||||||||||||||||||||||||||||||||||

عالهزيله.. راكبه ودمــــعچ سوالف
عالهزيله.. وغرگت اعيون المضايف
وعشتي بجروح الضعن
أسياطهم بيچ التون
يارقيه يارقيه
•••
طفله والنوح...أمفصل أجروح...
ودمعتچ چانت چبيره أشگد تعادل
عندچ أعيون… أومايعرفون…
آه لوتوصل دمعتچ لبو فاضل
چافتح باب…يوم الاحساب…
والصدگ زلمه نشوفه أحنه يقاتل
وعينچ اتشوف.. هاي الاسيوف..
أمچفنه وماتستحي وچانت تجامل

والعليله...كل جرح بسمچ لچمنه
والعليله…أبأييابه أشگد لطمنه
والچفوف أتحزمن
اسياطهم بيچ ألتون
يارقيه يارقيه
•••
شعفتي من آه.. وتسعر أحا.. يم صدر عودچ تخضب كلشي بالدم
مادرو نوح.. يمه ميروح.. لان غرگت ڪربله ابنار المخيم
يمشي ويطيح.. بسمچ ايصيح..
على ترچيتچ يدور كاتله الهم
ويسمع الصوت.. بي أثر موت..
يم ابوچ اشعفتي والمنحر تكلم

ظل يسيله.. نوح دمعه وكلشي چلچل
ظل يسيله.. الكلمه ياناس اتبلل
والمناحر مـــــارون
اسياطهم بيچ التون
يارقيه يارقيه
•••
الونه تحدي.. اوياچ تبدي..
على ضهر الناگه انتي ونحره ينعه
صاح بسمچ.. أنه يمچ..
لاتخافين ونسه مطحون ضلعه
عاش كسره..ابروحه عبره..
الدنيه تصبغ شيبهه لمن تسمعه
حتى نعشه.. صاح وحشه..
يوگع احساس الجرح لمن تفرعه

وينتخيله.. والجرح بحروف أسمه
وينتخيله.. مـــايهم بس انتي همه
اجروحه بيچ اتكلمن
وسياطــهم بيچ التون
يارقيه يارقيه
•••
وشفتي كلشي.. جرح يمشي..
فرعو راس الهوادج ياهضيمه
وشمس صلفه.. وما تنصفه..
وجهچ وتشگف جمرها أمتون غيمه
وأنتي ڪعبه.. شحچي صعبه..
للبرائه وصرتي عنوان اليتيمه
ابناگه عرجه.. والله حرجه..
لو لطمنه أچم عمر تبقى الضليمه

مستحيله… لحضه ننسه احنه الجرالچ
مستحيله… وسوطهــــــم ضل ابخيالچ
شلون ننسه المانسن
وسياطهم بيچ التون
يارقيه يارقيه
•••
وحنه عشنه ..ومره متنه..
من يمر طاري الخرابه ابهل المجالس
كلشي يوگف.. بس هوه الطف..
النسمه حزمهه ابعشگ خرج مدارس
والتلثم.. عاش بلسم..
لون گلبه اتغار من عنده النوارس
والألم ضل.. ماتبدل..
بالسبي أنتي أوناحت أعليچ الكنائس*

ياأصيله.. رغم زغرچ وانتي رايه
ياأصيله.. المالطملچ محني رايه
عيوني لجلـچ فرعن
وسياطهم بيچ التون
يارقيه يارقيه
•••
خادم آهل البيت. ع.
أبوحسين السرگودي…🕊🕊🕊

#قصيدة الأمام الحسن.. ع.. حوار بين السيده زينب.. ع.. السيده رمله أم القاسم ..ع..
°°°°°°°°°°°°°°°°°°°°°°°°°°°°°°°°°°°°°°°°°°°
يارمله وجروح الحسن واليوجعنه
أفرگ الاخو مثل الجمر وبجرحي چنه
°°°°°°°°°°°°°°°°°°°°°°°°°°°°°°°°°°°°°°°°°
أفراگ الاخو مثل الجمر ويخلي نيشان
وتتمايل الروح ابألم شوچنهه دخان
وبريتي يعثر كل نفس مايعرف أخوان
…وچن باهته الأخ التمر مابيهه ونه…
°°°°°°°°°°°°°°°°°°°°°°°°°°°°°°°°°°°°°°°°°°
وحاچتهه رمله والجرح گبعهه مرتين
واطشرت مثل الدمع شتلمهه ياعين
ولوردت اشوف أنه الحسن بعيون الحسين
… وبچفوف جاسم نظرته ألگاهه حنه…
°°°°°°°°°°°°°°°°°°°°°°°°°°°°°°°°°°°°^°°°°°°
ودمعت زينب والالم خيم عليهه
وتوزرت مثل الحرگ وبچف أديهه
ومن حاچته تسمع صده بس تنخه أجيهه
… وگالتله زينب يالكفو يالكلك ألنه…
°°°°°°°°°°°°°°°°°°°°°°°°°°°°°°°°°°°°°°°°°°
ولنهه نعت رمله أبحزن والدنيه ونت
من صوبو نعشه أبسهم چم نسمه حنت
وأهل السهام الصابته ولاچن تعشت
… بمظيفه ويعيش الكرم بچفوف أهلنه…
°°°°°°°°°°°°°°°°°°°°°°°°°°°°°°°°°°°°°°°°°°
زينب نعت بس أشنعت حتى الغصن ناح
وكل طير تسمعله بچي وطگ شيب الاجناح
بعشوشنه أيخلي الأكل بس جعنه من راح
… ودموع زينب كبرن يهل المحنه…
°°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت ..ع..
أبوحسين السرگودي…🕊🕊🕊

نعي الى موﻻتي السيده رقيه حوار بينها وبين السيد زينب..ع.. حول الامام الحسين.. ع.
............................................
يارقيه..اشگالچ والماي جبتيله ابشليلچ....
يارقيه..ونتي من العطش يابس ظل دليلچ....
يارقيه ...هم زعل لعيونچ اوضهضب كفيلچ....
يارقيه...گال شنهي الماي اجيبه او اعتنيلچ...
يارقيه. يارقيه
.. ................................
يارقيه..شلون من چلبتي ابطارف عباته....
يارقيه..ودمعي بعيوني استحه اتشوفه الشماته...
يارقيه..بس نحر عودچ اوصاني ابناته...
يارقيه .. طاحن اعيوني اويدمعي من غﻻته....
يارقيه. يارقيه
...........................................
يارقيه ..ابسوط ضربوچ أوتالم سهم صدره ....
يارقيه..نار ترچيتچ صفة بجروحه جمره...
يارقيه..انجون رجليچ ونزف حسرات نحره....
يارقيه..گلبي يمچ بيش اضمده انهار صبره...
يارقيه يارقيه
………………………………………………………


خادم أهل البيت.. ع.
ابوحسين السرگودي…

#قصيدةيمشاي.
~~~_...................!!.................!..

يمشايه ألطم يرادله أمعين
••••••••••••••••••√√√•••••••••••••••
خلونه ندگ ونسمع الكون…
ونرسم على الرايه أچفوف وعيون…
وأحنه أهل المشي والكل يعرفون…
*ابعزمنه انصيح مشايه للحسين
*يمشايه الطم يرادله امعين
//////////////////////////////////////
الشايل بيده رايه ايڪضهه بحساس…
لأن. زحمه اذا. شافاهه عباس..
الچف. الشالهه. ماشايل. الراس…
*وأبوفاضل لزمهه ابغير چفين
*يمشايه الطم يرادله امعين
///////////////////////////////////////
خلونه ابدمعنه انروي الگاع…
ونحزم آحساس الشالت أسباع…
لوما چف لطمنه الساتر انباع…
*واحنه أبشوگ من نلطم مجانين
*يمشايه الطم يرادله امعين
///////////////////////////////////////
خلونه. نعزي. آم الخدر هاي…
ونطب الڪربله ومانشرب الماي…
احسن بالضعن هم فاگد اهواي…
*رقيه الصفنت لطم النساوين
*يمشايه الطم يرادله امعين
////////////////////////////////////////
وخوله البالغرب مدفونه وتنوح…
وعليهه گلب زينب ينزف اجروح…
يم ياگبر حارة تترك الروح…
*وهيه اتزور بگبور الميامين
*يمشايه الطم يرادله امعين
/////////////////////////////////////////
خلونه نشارك زينب الاه…
ونسمعهه لطم ماننسه معناه…
عهد هذا العهد بالون كتبناه…
*علمنه الحسين انضحي لدين
*يمشايه الطم يرادله امعين
////////////////////////////////////////
خادم اهل البيت. ع.
ابوحسين السرگودي… 🕊🕊🕊
////////////////////////////////////////

من ياهي أشتاگلك حتى أقبل أتروح..
الوداع أبﻻيه حضنه أيخشن الخاطر**
أگلب بالصور وعيوني ناعور..
الدمع عرضة ندى لرايد أيسافر**
اشيب ولگه ظلي أمشيب أوياي..
وتتناثر اجروحي ابعتبة الشاعر*
ﻻن مشتاگلك حتى الهوه أيغار..
وچنت متأمل أوهسه الأمل عاجر**
ولملك ملگه چنت الباچر أمتاع..
الصوره التختنگ بيهه الضوه امهاجر***





أبوحسين السرگودي...🕊🕊🕊