مرات الجرح من يلچم ترتاح…
ومرات الجرح من يلچم تنذل----
ومرات الدمع وحده ايريد ايطيح…
يعرف اليسوه وينه أبياكتر يندل----

(جرح سبايكر عله قيدالحياة)
♥♥♥سورة شمع♥♥♥
صار هواي.
جرح أسبايكر عايش أبرية الماي ■■■
وشتم كل نهر بي ماي يطلعلي جرح بستان**
وحلفه ابگنطره ويحني شفتي اردان**
وأقره اعلى الجرح سورة شمع غرگان**
صارهواي.

اخوان الله يتقبل طاعاتكم
لاتنسوني من دعائكم لان محتاج تدعولي

♥♥وطن اﻻمير♥♥
~~~~~
`
~~~~~
ياوطن بيك الوطن تدري اﻻمير
وانت راية أتلوگ بچفوف الفقير
.....هامتك ماتنكس.....
.....عاليه ابعلوالشمس.....
ياوطن ياوطن::::::::ياوطن ياوطن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياوطن تدري أنت عايش بالوطن
وأكو غيرك عاشو أبسد الوثن
والعلي الكرار صرت أنت الصحن
.....ياوطن بالك تميل.....
.....بيك حماي الدخيل.....
ياوطن ياوطن::::::::ياوطن ياوطن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بيك حيدر تدري حيدر أنت بيك
ولو تنخيته الشمس تنزل عليك
وبأديك المجد مصيوغ أبأديك
.....انت عالي وتعتلي.....
.....والفخر كله العلي.....
ياوطن ياوطن::::::::ياوطن ياوطن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بيك منقذ يونس أمحير العقول
وبيك حماي الحمه وفحل الفحول
أشما يزيد ارهابهم شضن ينول
.....أشمايفجرونك عنيد.....
.....حشدتطلع من جديد.....
ياوطن ياوطن::::::::ياوطن ياوطن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بيك چف أشگد حصد تدري أنتصار
وأله يحله الغيره مايحله الفقار
واﻻبهام أتكفل أعيون الزغار
.....أبهام هوه ويفتهم.....
.....يمسح أدموع اليتم.....
ياوطن ياوطن:::::::ياوطن ياوطن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
أشماأشوف أسمك أفسره وينقري
شيعي يطلع ياعراق وجعفري
وأنت عايش كلك أنت ابناضري
.....عايش انت وماتموت.....
.....تفجر أعيون السكوت.....
ياوطن ياوطن::::::::ياوطن ياوطن
،،،،،،،،،،،،،،،،،،،،،،،::::::::،،،،،،،،،،،،،،،،،،،،
خادم أهل البيت؛؛ ع؛؛
أبوحسين السرگودي...
،،،،،،،،،،،،،،،،،،،،،،،::::::::،،،،،،،،،،،،،،،،،،،،

عرفته وكلشي بينه اتلملم اوصار
مثل كلمة الخوه ابساعة العيد…
الصديق ألي اعرفه اوعايش اوياي
مثل وجه الفرح مابيه تجاعيد…

مذكرة عيد شهيد...
اشمايمرنه العيد نذكركم يعيش..
وهوه فرحه ودمعه بعيون الزغار**
عرگة اصوركم خجل من يمنه حيل..
لان صوت ادموعنه ابرية النهار**
عيدكم شنگوله وانتم النه عيد..
منين مانندار نلگاكم خضار**
بس جرحكم عاش بينه الهسه صوت..
وحگ ماي اوجوهكم والحامي غار**
••••••••••°°°°°°°•••••••••
آلله يرحم شهدائنا الأبرار
الشاعر أبوحسين السرگودي…

قصيدة وقفة يتيم.
الشاعر أبوحسين السرگودي…

وينه الفاگدله صاحب.
قصيدة هاياصاحبي.
الشاعرأبوحسين السرگودي…

#البقيع


بينه حيل..اوعطره هيل..نوصل أحنه الغايه##
للبقيع.. أنهم سريع ..ونعتني مشايه##
//////////////////////////////////
ماندنگ للوهابي أوكلمن ايعادينه**
بينه غيرة حشد شعبي الرادنه ايﻻگينه**
وحگ طول الصفنه يخنگ صوت باشط بينه**
أبيا حسين أعروش طاحت والرگب تدرينه**
مانساوم..من نقاوم..بينه رفة رايه##
للبقيع ..انهم سريع..ونعتني مشايه##
///////////////////////////////////
أنسرفن اردان المنايه ونكتب الردناهه**
أسعود وآل أسعود كلهه أحساب عدنه أوياهه**
ننكت الگاع المشوهه الضيعو معناهه**
وعالبقيع أنحط رگبنه أشحده من يدناهه**
بعزم عربي..وحشدشعبي..العشگ يروه ابهايه##
للبقيع..انهم سريع..ونعتني مشايه##
///////////////////////////////////
ونشعل اشموع وبخور ونقره بيهه أبهمه**
وبالبقيع أحله المجالس تنعقد وبحكمه**
حتى صوت السمه انسمعه ويانه هم فد لطمه**
والمعزب أبو صالح چفه يكرم رحمه**
ونجري دمعه..أتعيش شمعه.. وبالضوه أمحنايه##
للبقيع.. انهم سريع..ونعتني مشايه##
///////////////////////////////////
واﻵذان أيعيش غادي أبياعلينه الغالي**
حتى أم عباس تفرح تشم أسم الوالي**
أعيونهه الهسه أبدمعهه بالگبر وتﻻلي##
أتصيح ياعباس يمه بيك ياهنيالي**
النهر يمك..وانه أعرفك ..ماظگت من مايه##
للبقيع..أنهم سريع..ونعتني مشايه##
///////////////////////////////////
وصوت من عباس نسمع هاي گبتي أطيهه**
للحسن مني هديه وهوه هم راعيهه**
أمي نذرتني لخوتي وعشت شامخ بيهه**
والتهز كاروكه أمي الخوه بيه يحميهه**
بدم وريده..أيخط قصيده..الخوه كون أحچايه##
للبقيع ..أنهم سريع..ونعتني مشايه##
///////////////////////////////////
خادم أهل البيت..ع..
ابوحسين السرگودي..
//////////////////////////////////

عليمن تنتچي والياجرح تنحاز

الخاطر كل كرامه اتسيل عين اليل…
وذا داسو عتبته الجرح حگه ايسيل
اشغر والألم يترس اعيون الفاس…
شجره اونطعن واترس أديهم هيل
احمل آخهم وأنتچي أبضهر الأخ…
وخناجرهم ايرگضن بيه ليش اتعيل

حينما تتناثر الجروح بيد من تحب فعليك بألتزام الصمت…
السرگودي

الجرح تدريني اعلى مودك عايفه
حتى من تلچمني اعرفك شايفه
ويوگف بروحي الألم… مثل وگفات الخيم