علي أيحزم علي وينخاه صبره ياعلي صبره
خلـف الباب ام حـسين وأسمــع لظلع كسره
•••
وجع غيرك تعيشه آتموت بس أنت عدل واچف
تتبده أعله حيلك نار  ويحــرگك حچي الشايف
ترجف رجفت الفنجان علــى الحبيته أذا خايف
للينجرح دمــــع العين يضمد كل  جــــرح نازف

ويلملم بگايه الحيل ويعرف بالگلب جمره
خلف الباب أم حسين واسمع لظلع كسره
•••
وانه المنكتل والبير يعـــــــــرف شنهي سالفتي
أضم أدموعي وسط الماي البير أمـأنه عاطفتي
أدموعي آمنگبه آمنطيح يروحي ياألــــم شفتي
بعدني بدفنت الزهراء ولحيتي ابسرعه شيبتي

والدافن عزيز اليل يخنگ واهسه بحسره
خلف الباب ام حسين واسمع لظلع كسره

•••
بكل نضره ألي بالبيت أشوفن جــــرحـــي يبرالي
بعتبت بابي ألوح الگاع وخلفلله علــــــى أخيالي
يكضني وانه حيلي أيموت موتت غالــي يم غالي
وأگومن وانتچي اعله الباب چـني أملاگي چتالي

وبكل خطوه حيلي أيصيح عونچ فاطمة الزهره
خــــــلف الباب أم حــسين واسمـــع لظلع كسره
•••
آمن أطب البيت بيه أيدور وگتي ودمعي يتبده
أشوف الحسن آبلاصــوت يبچي ودمعته بخده
وشوف حسين گام وطاح تثگل حيرته الوحـده
وزغيره زينب اعلــــه الأخ وفگد الأم ترى شده

حياة الجرح يم ملچوم وجع روحك ترى ايفسره
خلف الباب أم حـــــسين وأسمـــع لظلع كسره
•••
بيت النفس چـــان البيه تشمه وتستلذ روحك
هسه الحزن عــم البيت وأنت أمحزم ابنوحك
وأنت ابياكتر ترتاچ تخــــــاف أتفزز اجروحك
وأنت أبهــاي مدري أبذيچ تحذر كلش ابوحك

تضم الآخ فوگ الآخ مثل ألي يضم ذكره
خلف الباب أم حسين وأسمع لظلع كسره
•••
قصتي قصه ويه الباب كل مـــــــاشــــــوفه يتكرر
كسر الظلـع والبسمار الخلــــــــه أحــــلامي تتكسر
الخلاني أريد الموت بعــــــــد الزهره كلشي أخسر
وعلي أيحزم علـي ضليت وكل لحظه الجرح يكبر

يم كل أباب أحس بالنار وروحي التنعصر عصره
خلـــــف الباب أم حـسين وأسمــــــع لظلع كسره
•••
خادم آهل البيت،،ع،،
أبوحسين السرگودي...

سالفت باب
****
والباب أيسولفلك حگه
يانار الجابوهه أتحرگه
وملثم وجــــهّّ الچتال
وتسولفلك نيته أهلال
****
ومتوضي الباب أبدمع
أذن يحس كسر الظلع
بغدر الصحابه
وتحزم وشالــــه العزم
بس الحطب مــايفتهم
بين نصــــابه

ماقره بي رس جــذع مريم تلاله
باب مـــن أجذوع تشرح ياسلاله
اليل يحتاجه ويجي أداين هلاله

وترفرف بالباب الـــــرايه
دور تلگه بصدره أحچابه

الدافــع شيطان ومـال
وتسولفلـك نيته أهلال
•••
وصلــوله وعيونه بدت
يافاطمة الدمعه حچت
شاهد غدرهم
والياكــتـــر راح أنتچي
وعيونه غرگــن بالبچي
لولذتي عنهـم

راح يستر طــــولچ المحــــد يشوفه
من خشب وتلعثمت فزعة حــــروفه
أنخطف لونه وبينت بحساس خوفه

ومحتار وحار ومتحير
أحسن منهم بابچ خـير

من أجيوبه أتحمل إجمال
وتسولفلك نيته أهــــــلال
•••
أجيوبه تارسهــــــــــن علي
نعمــه ودعــــه ألكل سائلي
ياچــــــف تعنه
ينطونه ويخضـــــر وطـــن
وتنمسح مــــــن يمه المحن
وبالعـــــز تحنه

ويفتخر چف اليگصـده عاليجدي
علي نعمة الله بابك دمعي يحدي
باب شـــال جيوب ياخيرالله بدي

أمعزب ومشكل بحـموله
وصاحلهـم حاقد عزبوله

بالنار التحـــرگ خيال
وتسولفلچ نيته أهلال
•••
وحترگ وتلاگه الجمر
وبسمار كبر بالصــــدر
وبروحه جمره
ودنگ ترى بابچ خجل
تدنوگت الفاگد أهــــل
وبظهره عــترة

وأنتي خلف الباب وحــساسچ تلاگه
أثنينكم صحتو علي بصمت أشتياگه
مــــن حبستوهه أبوصية چف رفاگه
دين شايل دين والمــــــــوت أبعناگه

والنار أتبدت بجـروحه
وظل يسبلچ من نوحه

وبكل مجلس نلگاه حال
وتسولفلــــچ نيته أهلال
•••
ياباب يالشايل ألــــــم
بنارك ترى حرگو خيم
ومحتاره طفله
تشبه ترى الزهـره بكثر
مــــــابيهه بالدنيه عمر
والهــــم تكمله

هايه رقيه البيهه مــجروحه العبايه
ازغيره والسوط أبمتنهه ايبچي آيه
وتنذكر گامــت ترى أبـــهاي الروايه

آمنل الممشه اتبين مفجوعه
عالطحنو بالطــــــف أظلوعه

ويم حزنچ ياهم ينگال
وتسولفلچ نيته أهــلال
•••
خادم أهل البيت،،ع،،
أبوحسين السوگودي...🕊️🕊️🕊️

ياأم البنين،،ع،،

•••
اجينه والدمــــــــع سولفلچ ابحرگه
أبچــف أدمـــــوعنه بابچ ترى أندگه
•••
واحد رادله اوليد ودمــــــــعته أتهل
أتحزم والوجـع بجروحه ضل يشتل
االمامش عنــــده بزره الياكتر يحمل
حگه أيموت وبهــــــــذا الوكت حگه
•••
والعنده بنات وبيت مــــــــــــــاعنده
يحس روحــــه وحيد وجرحه يتبده
ينخاچ بكثر مــــــــــــاحاطته الشـده
يحـــس مـــوطن بناته بسفرتچ يلگه
•••
والرزقه تفرهـــــــد والعـسر چــــتال
والفرغن إجيوبه الـــچ يشكي الحال
اجاچ وضهـره متقوس اشلون أهلال
عله الساعه الگصيرة أتموته الشهگه
•••
والماعدهه والـــــــي أتحشم ادعولي
وسمعناهه ونشدهه الدمع بس گولي
گالــت للأم گمر عباس وصلــــــــولي
سلامي وهيه تعرف دمعـــــة الفرگه
•••
واحنه ابهــــــاي ننخاچ وتهل العين
نريد احـنه وقف بس الدمع لحسين
لاتنسينه أنمشـــــــــــي ترى الچفين
عليچ وصرنه نشبهه طيحت الورگه
•••
خادم أهل البيت،،ع،،
أبوحسين السرگودي...🕊️🕊️🕊️

#وسئلته

...
أجيت ودمعي يركض صاير أيداعي
عرف ياصوت أجاني وفرزن الناعي
أبن حذلم وصــل ليه
وسئلته وگلي مسبيه
...
وأنه أباب حـچيه أمحزمه أبهمه
وأول مره أشوفــــن تعثر الكلمه
سئلته والحچي من طاح شيلمه

عرفني وطاح حيله--
ودمعته آشگد ثگيله
الحزن طوح عويله--

وصدمني الخبر كلش كسر أظلاعي
عرف ياصوت أجاني وفرزن الناعي
وصحت آحــا يعلويه
وسئلته وگلي مسييه
...
وگعدت وحـيلي گام بكتري يتبده
وسمار الشيله مولح حتى بالعگده
خــــبر فگد الأحبه يكتل أبوحــده

وذا غيـم خبرهـــــــم--
تحـــــــير وتنتضرهم
وتسولف وي صورهم--

وأحس بالهوه أتحزم يلوي بشراعي
عرف ياصـوت أجاني وفرزن الناعي
وقريت شلون لطميه
وسئلته وگلي مسبيه
...
وزينب ياغريبه بصوتي صرت أقرة
وأحترگت عباتي بجمرة مــن جمرة
ألاگي شلــون زينب وادري متيسرة

شلاگيهـــــا العضيمه---
أجـــــت زينب يتيمه
وفــيّ محملهه غيمه---

وگلـــــــب الگاع ناده زينب أبگاعي
عرف ياصوت أجاني وفرزن الناعي
أستحت والگاع محنيه
سئلته وگلـــــي مسبيه
...
واحسن بالحچي البيناتنه أتبلل
دمــــع والهوه كام أيرتل المقتل
ونه لاگيتهــــم ميته وارداعــدل

أشحالـچ يالوحيده---
بدروب البعـــــيده
أحس مطيه شهيده---

أجه الدخـــــان گبلچ جيت الساعي
عرف ياصوت أجاني وفرزن الناعي
فرگتچ خنگت الريه
سئلته وگلي مـسبيه
...
وعفت الولد صـحت آنه الولد فدوه
أنه أمــــــــــربيتهم أيضحون للخوه
بطل حيلي أنذبح حسين أبوالنخوه

وخيمهم گمت أشمها--
أحترگت روحي يمها
مـــصيبه وشعضمهــا--

آشگد أبعيده بس ماخانت أسماعي
عرف ياصوت أجاني وفرزن الناعي
وحس بالحسره محنيه
سئلته وگلي مـــــسبيه
...
خادم اهل البيت،،ع،،
أبوحسين السرگودي...

#صرت_أبلا_خوي
•••
شـدت أوزارين مــــن جـــاهه الخبر••
وخلفــــــت دمــعتها خيمه أبكل أثر••
…
أهتمت وصـــوت الوجع أذن قيام
ومن رمـاد أدموعهه أمبينه الخيام
موهوه بشهگتهه تشهگ بس سهام

والفراگ أبروحهــــــه چــــــن أستقر••
...
ولتوت لوليت الــــــــــــرايه التلتوي
وحيل صــاحــــت يمه شنگلك جوي
عـمت عيني حسين صرت أبلا خوي

ونكسر خـــــــاطرهه شيجبره أنكسر••
...
حـــــتى گاع الله ويخاطرهه أنچوه
وأبن حــــــــذلم شافهه أتبچي الهوه
جـرح يلحگ جرح يحچي أويالضوه

وهيه فـــــــدوه أتصيح عباس الگمر••
...
ومن وصل لحسين حاير مستحير
والألــم مـثل الگطه أبحچيه يطير
شرد أسولف والجــرح شوچنه بير

وعلى الغبره حسين عاري وبس نحر••
...
نعت وهتز البقيع آمــــــــــــن النعي
كون موش أضلوعك أدوس اضلعي
شعدهه يمك خيلهـــــم وأبن الدعي

سبك وجــــــــهّ السمه من دم مطر••
...
خادم  اهل البيت،،ع،،
أبوحسين السرگودي...

السلام على أم قمر بني هاشم،،عليهم السلام صاحبت الوفاء الذي ترجم على واقعة الطف من خلال قمرها العباس،،ع،،
خادم آهل البيت،،ع،،
أبوحسين السرگودي...

عهدلمولاي الحسين،،ع،
°•°•°•°•°•^•°•°•°•°•^•°•°
شماتركض أيام السنه نلتــــــــــم عين
ودورت سنتنه تحله من نبچي حسين
كل عـــام دمعي أيريده--
يرجــــع الخنصر الأيده--
هــــــــــاي أمنياتي شماتمر بيه أسنين
…
خادم آهل البيت، ع ،
أبوحسين السرگودي...

دورة سنه
بصوت الطيب سيدعلاء الجزائري

الله يرحمك ملا فيصل الدراجي

باحسين.
بعيوني ضل ينقره حزنك البي ملتهي
ياوجع سالفتي
✍️أبوحسين السرگودي...

الى مولاي الأمام علي الهادي،،ع،،
------------------------------------
أعتنيتك والحزن خيم بدمعاي
وهوه سامره  متكبع  بدم عاي
يهادي جرحك  أتحزم  بدمعاي
منهد ماسممك أبن الدعيه
----------------------------------
رسالة الى صاحب الزمان،،عج،،
----------------------------------
أجينه  والعطش   بين   لحدما
النهر بحساسنه  أنشوفه لحدما
دعاء   الفرج   منگطعه  لحدما
نشوفك تهتف أبثار الزچيه
-------------------------------
الهوه  بغيابك  أنشمه  يمر هاب
چوانه ونعرف  أفراگك يمرهاب
عراقك تدري بأوراقه يم أرهاب
وطلعتك هيه الأتحامي القضيه
-----------------------------
خادم أهل البيت،،ع،،
أبوحسين السرگودي...🕊️🕊️🕊️

سرفنن عالخــــد ردنهن..يم علي الهادي
أدموعنه وطوح ظعنهن..يم علي الهادي
والجرح يتحزم•••حتى نروي المئتم
يم علي الهادي🌱🌱🌱يم علي الهادي

°°°°°°°°°°°°°°°°°°°°°°°°°°°°°°°°°°°°°°°°°
أنسرفن اردان المدامع لأن نهوه الحظره
ومايبس على الخد أثرهن عاش مثل الجمره
ونوگف ونلگه بجرحنه أتعيشلك چم ذكره
وحگ أحرورة مصابك بينه عايش تقره

المجلس اليجمع شملهن..يم علي الهادي
أدموعنه وطوح ظعنهن..يم علي الهادي
بنفس سمك ننسم•••حتى نروي المئتم
يم علي الهادي 🌱🌱🌱يم علي الهادي
°°°°°°°°°°°°°°°°°°°°°°°°°°°°°°°°°°°°°°°°°
وحنه متكضنه المسافه أبكل وگت نتعنه
ياجرح وضا صموده وعاش مثل الجنه
أنلثم أوجوه الحوائج من نجيك بمحنه
لأن يومك نار يوگف كربلائي الونه

والجروح أيزيد ونهن..يم علي الهادي
أدموعنه وطوح ظعنهن..يم علي الهادي
ياهوه الله الينشم•••حتى نروي المئتم
يم علي الهادي 🌱🌱🌱يم علي الهادي
°°°°°°°°°°°°°°°°°°°°°°°°°°°°°°°°°°°°°°°°°
نعيش غربت چف ضريحك من نشوف الگبه
نطيح مثل أخيام عمتك وحگ حزن الكعبه
لبست أسود بس عليكم هم تعيش أبغربه
وتفرح أبكلمن يصلي وگصته تهوه التربه

والترب بيكم نشمهن..يم علي الهادي
أدموعنه وطوح ظعنهن..يم علي الهادي
ودم ضواكم سلم•••حتى نروي المئتم
يم علي الهادي 🌱🌱🌱يم علي الهادي
°°°°°°°°°°°°°°°°°°°°°°°°°°°°°°°°°°°°°°°°°
وحنه كل أزياره يمكم والعزه ظل عامر
ياجرحنه اليم مصابك ما عرف يكابر
الهسه متحزمهه أبالمهه أبصحنك المنابر
وچفوف عمك أبو الغيره بحضرتك مناير

الشيعي بس هوه العرفهن..يم علي الهادي
أدموعنه وطوح ظعنهن..يم علي الهادي
والنضرهن ينعم•••حتى نروي المئتم
يم علي الهادي 🌱🌱🌱يم علي الهادي
°°°°°°°°°°°°°°°°°°°°°°°°°°°°°°°°°°°°°°°°°
وهاي خدمه وكل عمرنه أنعيش بس مانلگه
مثل هاي الخدمه نعشگ ياضوانه وعشگه
حتى جفن العين يوگف مانريد أنطبگه
يدري عدنه عيون ألكم ماتحب الفرگه

والصور يبقى رسمهن ..ياعلي الهادي
أدموعنه وطوح ظعنهن..ياعلي الهادي
وعشنه بيكم ننعم•••حتى نروي المئتم
ياعلي الهادي 🌱🌱🌱ياعلي الهادي
°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت،،ع،،
أبوحسين السرگودي...🕊🕊🕊

ياسبع الدجيل
------------------------------------------------------
نطوفك والحزن خيم  أبمحرابك
ياسبع   الدجيل  أدموعنه  أبابك
أبهواك المنفجع''''يوضينه الدمع
ياسبع الدجيل°°•°°ياسبع الدجيل
------------------------------------------------------

نوگف   والمناير    تركض   أتعزب
ياصورة   كرامه  وتعشگ  المغرب
ندورك  والجروح  المالحه  أتعذب
على ياجرح نحچي أبابك  ونكتب

ونحس أبكل كتر متحزم أصوابك
ياسبع   الدجيل   أدموعنه  أبابك
وتشوف وتستمع''''يوضينه الدمع
ياسبع الدجيل°°•°°ياسبع الدجيل
------------------------------------------------------
يالبيك  الجروح   أمحزمه   وتنزف
المأذن  من دعائك  كل وكت تغرف
حتى أحروفهه  المختنگه هم أترف
عاشت   باليحبك   عيشت  اليعرفْ

اليشوفك مايتيه دمعة أعتابك
ياسبع الدجيل  أدموعنه أبابك
وتعرفه المنفجع''''يوضينه الدمع
ياسبع الدجيل°°•°°ياسبع الدجيل
------------------------------------------------------
نشوفك  والملامح  واگفه أبحيره
يالخليت  أسمك  شال  أسم ديره
بكراماتك نشاهد كل حچي الغيره
علگ ونشــدك أبكل سالفه  أچبيره

ومگضيه أحنه نسمع يطلع أجوابك
ياسبع   الدجيل    أدموعنه   أبابك
وكراماتك تشع''''يوضينه الدمع
ياسبع الدجيل°°•°°ياسبع الدجيل
------------------------------------------------------
مادگ   بابك  أورد   فارغه  أحموله
اليچهبك    ماترده   أبروح   مذلوله
طمعنه  أبغيرتك    والزينه   مگيوله
الكريم أشماحچه معروف محصوله

يالمخلي المواقف تحضن أكتابك
ياسبع  الدجيل   أدموعنه  أبابك
ألأتضوي الشمع''''يوضينه الدمع
ياسبع الدجيل°°•°°ياسبع الدجيل
------------------------------------------------------
أحنه  بكل  أمر  نترجه  معروفك
وهاي أرواحنه  ودمعاتنه أطوفك
نقره  أبمجلسك ومحزم أنشوفك
عراقك حيل رايد دعوة أچفوفك

ونعرف ماتردهه دعوة أحبابك
ياسبع الدجيل أدموعنه أبابك
نحلفك بالضلع''''يوضينه الدمع
ياسبع الدجيل°°•°°ياسبع الدجيل
------------------------------------------------------
خادم آهل البيت،،ع،،
أبوحسين السرگودي...🕊️🕊️🕊️

أشد أحـروفهن وعگدهــــن أنعگدن
ويتبده الورد مـــن كل كتر يحچن...
ويلملم ضــواه الفرح مــــــثل الماي
وأيام السنه المافرحـــــن أيفرحن...
لحد مــافتشت بيهن وشـــفت العيد
وحروف الشعــــر مــاقبلن أيگعدن...
وتوضيت بعلي وبين بشعري الحيل
وبمولــد الباقــــر گامــــــــن أيأذنن...
وخضر شوفي كلش والسمار أنشال
وبمولد الهـادي أتحـــزمـــــن فزعن...
وصليت أبفرح حدمالگيت الشيب
بحروف الشعر وبراسي هــم طلعن...
ولتمن وراحـــــــــت بالهن موجـود
وبهاي الولاده شگد حــــــزم شدن...
الدعاء الفرج من شدن حزمهن زين
وعجل يابوصـــــالح سيدي يدعن...


مبارك لنا ولكم ولادة الأمام الباقر،،ع،،
والأمام الهادي،،ع،،نسئل من الله أن يمن علينا بالتوفيق لخدمة محمدوآل محمد.

✍️أبوحسين السرگودي...🕊️🕊️🕊️

#ياعلي..
الجدار الحيدر أنطر ماطرألهم
وخــــبر شايل مكارم ماطرألهم
أبمولــــد علي الدنيه ماطرألهم
أمامه وعدل مطرة عالبريه
•••
بسملـــة أبعلي ولــن الجـــــــــــدار أنطر
جدار الشعر وحـــــــــده أبيا علي أتفطر
لحد مـاغص شليلي الصورة تترس بيت
والطــــــبره الضخينه أبكـل وگــت تگبر
فلاح وتشكل والحـوي أعلــــــــــه اللون
وين الراويه البيهـــــــه الشعــــــــر يثمر
وين البيهه دفعت بلــــــــــــه أطيح أهنا
والحبك علي بكل سالفـــــــــــه أمـــقدر
أجيت المولدك شايل مــــــــــحنه وماي
ولگيت أهـــل الحــــــــوائج ورد يتطشر
وشفت أبابك امحمله الأچفوف أچفوف
وأنت أتچيل فــــــوگ الچايلـــــــه وأكثر
ونخيتك وانه شايل بالدعـــــــــاء أعيون
ونخيتك لأبو صــــــالح تدعي خل يضهر
•••
✍️خادم أهل البيت،،ع،،
أبوحسين السرگودي....🕊️🕊️🕊️

#هله_بحيدر
•••
جدار الكعبه ألك هم___توضه وگام سلم
هله بحيدر °°°°°هله بحيدر
•••
شدروحه الحچي اليرادلــه أمراد
باچـــــر يمسحونه ويطلــع أعناد
جدار الكعبه أمثله شلون الأجلاد
حافظ محتاواه كل مـــولد انعاد
النواصب عاشت أبهم__توضه وگام سلم
هله بحيدر°°°°°هله بحيدر
•••
شمايلغونه گام أيزيدهــــــم حل
رسالـــــــة للبغض بس انت أول
اليعـــرفك ياعلي دين الله يندل
مسافة مـــــــوت والحباك يعدل
اليحبك عاش مغرم__توضه وگام سلم
هله بحيدر°°°°°هله بحيدر
•••
ينيشان المروه البيهــــــــا ورد
دين الله رسائل كلهــــــا مسند
الكعبه والجـــدار وچتف احمد
آشگد عدنه دليل بحبك آشگد
الضوه أبلاياك اضلم__توضه وگام سلم
هله بحيدر°°°°°هله بحيدر
•••
بيت الله ألــــك بس أنت عزب
ومن الله اليحبك عاش ينحب
صــــــرت مــنا والأسلام رحب
هله بحيدر الضـــدك مو مؤدب
الطاهر مولده أنشم__توضه وگام سلم
هله بحيدر°°°°°هله بحيدر
•••
تارسنه عشگ مـــــن عالم الذر
علي انحبك لون كل ساع نكبر
اليله مــــــــولدك وعيون تسهر
ومحراب السمه بطرواك خضر
ينعمة ربنه تسلم__توضه وگام سلم
هله بحيدر__هله بحيدر
•••
خادم آهل البيت،،ع،،
✍️ابوحسين السرگودي...
️

هوسات مولد الامام علي،،ع،،
•••
شدهــا آحچايتك وعـدل مـغازلها
وهاي اليله فرحــه بروحك أشتلها
الجدار الحيدر انطر غصبن اعقلها
هاا_وأثار المولد موجوده
•••
كل مـــــــــايمسحونه أايبين الواضح
الحايط مــن حلال أنبنه بچف صالح
الرابح مو علي الحـب علي ضل رابح
هااا_وبيوم المحشر تحتازه
•••
✍️خادم آهل البيت،،ع،،
أبوحسين السرگودي...

علي  هيبة  سمه  وهالفكره  مدروسه
من شگت زيجهه الكعبه العلي بهوسه
موشگت  حزن  بس   فرح   متروسه

🍂🍂هاها
چانت تعرف بالكرار
الكعبه ازماط ازامط
🌿🌿🌿🌿🌿🌿🌿🌿🌿🌿🌿🌿🌿
وهبل وللآت أجاهم سيف ذوللفقار
ويرد   أتراب  يرجع  طولهم  يندار
الله  أبيته  يعرف   حارسه   الكرار
🍂🍂هاها
ومحد يوصل بيته
وحيدر واگف بيه تاريخ

✍️أبوحسين السرگودي...🕊️🕊️🕊️

الاذان ابلاعلي ايفشل المنارات.
✍️أبوحسين السرگودي...
التفاصيل داخل البوستر.