چوتها الگاع وتبده الهــــــوه الحار
عليهـــــا والصمــــــود البيهه ثوره
تعرف الخدمه لمن تنچوي أتعيش
حـــــــــــــره وفوگها الجابتها حره
ملامحها ضوه اندلاها الحــــــسين
تعـــــــــرف الخدمه يرادلهـا شمره
•••
خادم آهل البيت،،ع،،
أبوحسين السرگودي...

السيدة زينب،،ع،،
تشتكي حالها الى اخيها الحسين وتتحدث عن ماجره لها أتگله
•••
ميال ميال شفت الدمــــــــــــع كل سـاع ميال
وياحال ياحال بجيت اربعينك حـــــالي ياحال
وچتال چتال وملگـه الأگبور أيصـــــــــير چتال
•••
كواك كواك أنشد ابگبرك خـــــــــــويه كواك
وياك وياك لوميته اخــــــــــــــير اوياك وياك
بجفاك بجفاك احچي الجرالي وصار بجفاك

•••
ويدور ويدور شمـــــدريني وكتي ايدور وايدور
وعاشور عاشــــور راحـــو اخوتي بضهر عاشور
يبدور يبدور جـــــــــــــوه التراب وچنكم أبدور
•••
ويشيل ويشيل ضــــــعن النحبهم فجئه ويشيل
والحيل والحيل مــــــــاي وتبده اشيبقه بالحيل
واليل واليل ليلة الوحــــــشه أتمـــــرني كل ليل
•••
والنوگ والنوگ عرجــــه وهــزيله وتكلف النوگ
ومشبوگ مشبوگ مشبوگ يتوچـه اعله مشبوگ
والسوگ والسوگ كلــش هضمني دخلت السوگ
•••
والشام والشام والله خـــــــــــزينه ابطبت الشام
وسهام وسهام تمــــــــطر أعيون الـــــوادم أسهام
وأسلام وأسلام آهــــل القصــــــــر مابيهم أسلام
•••
خادم آهل البيت،،ع،،
أبوحسين السرگودي...

#طفـلـــه
#ضـــريره
#تخــــدم
#الحـسين
°°ع°°
•••
طلعت والحــسـين أبراسهـــــا أيعيش
وعدها الخدمه كون أيعيش الحـسين
الماي أيگلهــــــــــــا زاير خاطر أتگوم
ودمــــع اعيونهـــــا مــايحچي وجهين
شكو زاير تچهبا أبياعلــــــــــــي أوياك
وتتلاگا مثل نسمـــــــــــــــــــة بساتين
گمكم خدمــــــه هـيه وتعرف الضـيف
وگفتها رسالـــــــــــــــــــه بدفتر العين
هيه أتشوف بــــــس زوار الحــــــسين
•••
✍️أبوحسين السرگودي...

وگفتها سترتشبه اخـــيام حـــــسين
بدرب كل أمنيات الخـــــــير تترقب
أستغلت كل وكت بي موعد التاريخ
تشرب معرفه مومـــــاي بس تشرب
رغــــــم مـابالحزن غرگانه مثل اليل
رادت تطمئن گبــــر العـشگ قــرب
القرأن البديهـــــــــــا والمشتله أتزور
العنهن يبتعد شتحسبه هـــــم يخرب

•••
✍️أبوحسين السرگودي...

وقبر بطوس يا لها من مصيبة،
الحت على الاحشاء بالزفرات ،
إلى الحشر حتى يبعث الله قائما ،
يفرج عـــنا الــــهم والكربات،

فقال دعبل: يا ابن رسول الله هذا القبر الذي بطوس قبر مَن هو؟

فقال الرضا عليه السلام: (قبري)!

بحار الأنوار ،ج، ٤٩ ، ص، ٢٣٩،

اعظم الله تعالى اجورنا واجوركم بذكرى شهادة الامام علي بن موسى الرضا عليه السلام،

#رسائل_الطريق.
👇👇👇
الشايلـــك علگ مــــــــيعوفك أتموت
يعرفك وين عــدالله هـــــــــــوه أنشم
طفلـــــــه ومــن وعت مـاعدها چفين
وضعن الخدمــــــــه مــن شافاها سلم
وهيه أتحـــــزمت أبهـــــــــــــــا يعباس
وحـــيل البيها طــــــــاست مـــاي ونلم
وجــــــــابت مـــــاي مثلك يانبي الماي
وتوزع لليزور أوجــــــــــــــــــــاي مهتم
وعذرهـــا أمسنبل وتارس حچي الگاع
تگول أعذرني خــــــــــافن قصرت يـم
أزغر جــــــــــــــدم گاصد گبر الحسين
ويـم أكـــــبـر أغـــــــــروب أتبده بي دم
ويم كل حــــــــسره تخنگ رية الأحباب
وأزغر خيمه مــــــــــــــــن ذاك المخيم
•••
خادم آهل البيت،،ع،،
أبوحسين السرگودي...

#رسائل_الطريق
👇👇👇
هاي الطفله عشگت درب الحسين
الماعايش أبحــــــبه أتضن حچوله
أهنانه عالـــــــــم الذر غازل الروح
ويفرعلك غصــــن عشگ الخجوله
حـسين أقـســم بحبك جـنن الناس
لذالك عشگتك حــــــــتى الطفوله
خيمه أزغيره كلش والحــچي أكبار
وكو وادم چبيره وهــــــــــــيه چوله
•••
✍️خادم آهل البيت،،ع،،
أبوحسين السرگودي...

أجيناك خويه حسين أجيناك
•••
أجـينه والتراب أيحـــوم فوگ أعبينه يالوالي
ودخان الخــــيم وياي يمشي  أمگاود أخيالي
وبناتك سومرن يحسين الـغالــي أيغير الغالي
الفرگه البيها اخو مچتول گوم اتنــوع الحالي

فراگاك خـويه أشسوه فرگاك
أجيناك خويه حسين إحيناك
•••
بس أدري العـــــــــذر مقبول عد الناس ألتقدر
أجيت وشيلتي يحسين حمره المستحه أيغير
بتالي الضعن ساعه وساع أريدن اوصلك وأشعر
رقيه وين يازينب عليه أتصــــــيح بيش أصبر

وملگاك واحمل جـرح ملگاك
اجيناك خويه حـسين اجيناك
•••
أجيت وأربعينك حــــيل مـــني أتريد وين ألگه
يالعفتك وذر عالگاع گوم ابعــــــــــازت الملگه
وحگ راسك الضلت بيه الرقيه خويه أثر شبگه
الحرگه أتجيبني يحسين وتردني ألـــــف حرگه

وياك أوجبت العــــــمر وياك
اجيناك خويه حسين أجيناك
•••
وين الله وترد يحــــسين أشــــــــوفنك تلاگيني
وتگلي ياهلـــــــــه أبزينب أوتصبرني وتواسيني
السبي دوهني كلش حيل شيب واهس أسنيني
ابناگه اوهزله أطب لسوگ أذكرها وتصب عيني

وهناك ميته أختك ترى اهناك
اجيناك خويه حـــسين أجيناك
•••
يالتارسني ملگه أخوان الضعينه الخاليه اتألم
إجيناك وحزنه أيلـوح دمعنه أبأسمك أيحـشم
وگعنه والكبر تربان وگعت وادم أتحشــــــــــم
گبرك لمنه لمت الماي وعلينه اترابك أيسلــــــم

بحماك كلها أتصيــــح بحماك
أجيناك خويه حسين أجيناك
•••
وحده وحده أسمع صوت الگبرك تشتكي همها
وتشوفك والحــبل چـتال الدرب متبلل أبدمها
وصبري الماتعب يحسين دمعته أطـيح ويلمها
وبخــــــن گبرك وانخـاك دمعتي بگبرك اتضمها

وداك دهـــــــــري وين وداك
اجيناك خريه حسين اجيناك
•••
خادم آهل البيت،،ع،،
أبوحسين السرگودي...

#رسائل_الطريق
👇👇👇
أزغر خـــــــــــادم آبگد الهله أشويه
أنزرع بالـدرب حـتى أيطگ حسينه
حتى أيعـيـش باچــــــــــر ذره لزوار
والفـــــــيّ الضخين النحـــلف أبفيه
نحفــظ جيلنه نرويهـــــــــم أبعاشور
وباچــــــــــــــر للعطش نلگاهم آميه
مـــــــن دشداشته امبين المقتل بيه
مـــــن چفيته گــلت الخدمه محميه
من نضرة عيونه الخـــــير عايش بيه
أنزرع بالدرب حــتى أيطگ حسينيه
•••
✍️خادم آهل البيت،،ع،،
أبوحسين السرگودي...

#نعي_حدي
لمولاتي السيدة زينب،،ع،،حيننا وقف على قبر المولا اباعبدالله الحسين،،ع،،
•••

يالمخــلي الدمـــــــع بالنوگ بدوه
وصــــلت الگبرگ ومــــحتاره گوه
أشمن ريحـت أمـي اتصيحلي اهنا
گبرك مــــــن چهبته ايفوح نخــوه
وصلت وگمـت أبخ أبكبرك أبماي
يراعي الخــــوه مـــــــاضلتلي خوه
اجيتك والضعــــــــن دافنله تاريخ
وخجل دمــــــعي لان ضيعله سلوه
رقيه الفرفحت من حضنت الراس
گلت لحـــــــــسين مابياش خطـوه
العذر من الله ردته ومنك حـسين
لوبيدانه اروحلهــــــــــــــا انه فدوه
•••
خادم آهل البيت،،ع،،
أبوحسين السرگودي...

#رسائل_الطريق
👇👇👇
زاير باس ضهــــــــــر أيد التواضـــع
عرفهــــا أمـــدافعه بذيچ المواضــع
عرفها أطت المذهـــب بيرغ ومــاي
وشباب وحصلـــــت شيب ومواجــع
قره بيها اللــطــــم مكتوب لحــسين
ومن شمها أفتهـــم عطر الجوامــــع
گعدمتربع وعــــــــايف حچي الناس
وصينيته اعلـه راسه وهـــــــم يدافع
أخـذها الشارع آنه أحچيها ألك روح
تحسدك گامــــــــت أعيون الشوارع
•••
✍️خادم آهل البيت،،ع،،
أبوحسين السرگودي...

#رسائل_الطريق
👇👇👇
صوره وبيهــــا يافـــيْ الأخـو ألاح
وانه أبعيني اشوفنهـــــــــا الأميره
گعدت وادم أتحـب الله وحـسين
وهــــــــاي الگعده عـدالله چبيره
بوگفته مغــــــــزر العـباس مرتين
البدايه أتبين الوگفه الأخــــــــــيره
بملامحه الأمـــــــان اتسمه عباس
حــــــــتى آحجابها بخيـوطه غيره
•••
✍️خادم آهل البيت،،ع،،
أبوحسين السرگودي...

#رسائل_الطريق
•••
رفگت وادم أمدللها الحــسين
وأحس الشيب مـن أرمـاد الأخيام
انه أبيتنه وأسمـع حچي أدموع
هـــــــــسه أشحالهـا زينب بالأيتام
الجــرح لمن يلچمك تستلذ بي
وهمه أجروحهـــــــــم گادتها الأيام
أذا دمعتهم أتبلـــــل گفــه الگاع
رسالات الوفــــــــه خاتمها الأسلام
•••
✍️خادم آهل البيت،،ع،،
أبوحسين السرگودي...

ثگيل اوداعهـم من ينچفي اعله الروح
أذا ودعت غالـــــي أيفيض بيك النوح
أول مره أحــــــسن صدگ عني اتروح
يم أفراگك ألگه الدمــــع بس مسموح
وبقه چــــف الدعــــاء أبغيبتك مفتوح
تسهيل أمــــــــــرأقرالك آشگد أجروح
عشناهن سوه وهـــــسه انه ميت روح
•••
✍️أبوحسين السرگودي...

يارسول الله.
قصيدة أنگطع عنه الوحي
•••
أنگطع عنه الوحي……وفزع شيب اللحي
     مثل فزعت ألم…فزع~~~فزع
•••
أعاين   بالوجوه   الفايضه  أحسان
وشفت  الشيب  تارس  وجهّ الأذان
أشما  ألتفت   يكسر   گلبي  سلمان
أبشيب أدموعه يبني أبدار الأحزان

أنهدم حيلي الصلب……وقريت الينكتب
  أبصلب ضهر القلم…فزع~~~فزع
•••
ودور  والگه  كلشي   بعيني  ذكره
منشوف أوجوهم مخطوفه صفره
متربه    والحزن     بانيله   حضره
وغيابك  والأغروب أبروحي جمره

وأعيش  أبيا  ترى……الحزن شد مأزرى
الهجر مثل السهم…فزع~~~فزع
•••
ويعصرني  الألم  چن  عصرة الغار
وياخذ  روحي وتفرهدني الأسرار
ألگه   أبكل   درب  تاركلي   تذكار
يرحمة   الله    يالتارسني    أيثار

يالمضوي السمه……اليصبر فاطمه
دعائكم والقسم…فزع~~~فزع
•••

مشيت  أوعينهه  ترستهه  الـأدموع
وبكسرة    گلبهه    كلشي   مفجوع
أبأثر   حسراتهه   محنيه   الأظلوع
ويبللني   الدمع   وأقراك   موضوع


بغيابك چم جرح ……نشغ نشغت صبح
مثل حچي الذمم…فزع~~~فزع
•••
ويم   هاي    الملامح    والتصاوير
أعاين ولگه  جرحك  غمگه  تفسير
ولوجن    والألم     يتحمله    البير
أحچيله  وأصبره    ودمعته  أتحير

وأذن  والعمر ……  أبدينك منتصر
وحقدهم متهم…فزع~~~فزع
•••
خادم أهل البيت،،ع،،
أبوحسين السرگودي…🕊🕊🕊

يارسول الله.
قصيدة ألتقن
•••
التقه جرح السبي°°°أبوجهّ جرح النبي
  وتشابكن  دمـــع°°°ونشغ كسر الضلع
              ألتقن___ألتقن
•••
حرت الياجـــــرح دمعاتي أنويهن
ولمهن حــتى أوگف وستعد بيهن
أذاجرحــــــــين وتلاگـن نعاويهن
جرح شابك جرح ورماد غاطيهن

وحزنهن ...شيـــــــب اليل
صدرهن...سحگته الخيل
ويلمهن ...بيده جــــــبريل

ويفز ملگه  الجرح°°°مثل فزت الصبح
الوجع ضل منزرع°°°ونشغ كسرالضلع
               ألتقن___ألتقن
•••
مدري أشســــولفن وتوزرن بالهــم
وطاير دمــعهن مــــدري مطرة دم
حتى السمه أختضت والحزن غيم
أمنهدالأربعين أوظل أبقــى أمحزم

هضمته...جــــرحه بي باب
ودمعته...أبحگ الأحــــباب
وفجعته...بثگل الأمـــصاب

بقى العاشر يدگ°°°مثل گلب الصدگ
ونحرمن منگطع°°°ونشغ كسر الضلـــع
             ألتقن___ألتقن
•••
نسه آلامــــــه ونسه أشمابيه وجع جرحه
ويسولـــف عن ألم  برسومه ضل مسحه
السبي شمـسوي بيه سومر حچي صبحه
أشما صــــــبره أيتلملم  دمعته  أتفضحه

ومصابه…أبروحــه معگود
أوييابه…الگطــــــع الأزنود
وعتابه …الهســــه موجود

ترس چــــــف كربله°°°أنسبت يا عايلــه
وحــــــسرته تنسمع°°°ونشغ كسر الضلع
                 ألتقن___ألتقن
•••
ومــــــــسح  بيدة  التراب الگبع الأيتام
وحضــنهم والأحلام أيشوف بيها أسهام
جرح يلحگ جرح وتلچمه طبت الشام
وبچه ألحدماضريحه أتحـزم الها أوگام

وسـؤاله…الضـــعن الأشراف
الرسـاله…أمـــغيره الأوصاف
وحچاله…أجروحي الأخفاف

ويزر جرح الأهل°°°وضوه حيله أنهدل
ودليله   منصدع°°°ونشغ كــسر الضلع
             ألتقن___ألتقن
•••
وذب أعبايته وخلاهـــــــــــــا ألهم  فيّ
من شاف الشمس تحرگ أشعدهم ضي
وگاللهـــــــــم المـاي أبيدي أجيبه المي
وسگاهم والعطش ماخــــله عدهم شيّ

وتئلــم…ونچفه الصوت
وتحزم…جـــرحه تابوت
وتكلم...خاطـــب الموت

حــزنهم خط درب°°°فقط بس لليحب
ومساره ألبي شرع°°°ونشغ كسر الضلع
              ألتقن____ألتقن
•••
خادم أهل البيت،،ع،،
أبوحسين السرگودي…🕊🕊🕊

نعي لسيدة الزهراء،،ع،،لسان حال السيدة زينب،،ع،،
•••
أشـــد أكوارهــــه روحي وأحشمهه
شلون أتعيش گلي الفارگت أمـــهه
وأنه أسنيني كلهـن شيبه من همهه
مـيته أمـــــــي ودعائي ربي سلمهه

ودمعتي أتطــيح وتسلم عليهه°°
الظلع مكسور بين من حچيهه°°
•••
يالشايل نعـــشهه وين مـــــنواها
ردت أشبــع أمسامـر كـون وياها
أمــــي الغاليه الماأنســه ملگاهـا
مشت وظلوعهه تلچم أبممشاها

مشت والبيت حافظ كل مشيهه°°
الظلع مـكسور بين مــن حچيهه°°

خادم اهل البيت،،ع،،
أبوحسين السرگودي...🕊️🕊️🕊️

نفهم شني أفكارك...من تكتب أعذارك
...
أنت ياباب التبري عمــر عــــــن فعله
والهجوم الــدار وقعه بكل گلب زعله
وأمتداد الجرح واصــل حــتى للقبله
يالدست بخـتك أشمـالك دربك أندله

تبرهن عمر شارك---من تكتب أعذارك
...
ترى خلــــــف الباب فاطم نعمة النعمه
وأن ألمن هـــــــاي چـانت أفهم الكلمه
هاي أول نقطه سـوده أتوضح الهجمه
أنت يمدلي أبجرئتك بالجــــرح سهمه

يالتطعـــن أبدارك---من تكتب أعذارك
...
يالضــربت أنت الولايه بفكرك المــهمل
الماعــرف مـــن تاه دربه يسئل ويندل
أنت مــن ياملــه طالع ســـولف اليعقل
باب من أجذوع خشبه وحافظ المقتل

أعتب عله أنصارك---من تكتب أعذارك
...
مــــن يلطمون ولطمهــم مـــــاألـــه قيمه
أذا مــامــــــــحروگ باب شعندك أتجيمه
المجلـــــس المن ناره عزلو حرگو الخيمه
هــــــذا يستاهل لطمـنه وينحسب شيمه

أنكشفت أســرارك---مـــن تكتب أعذارك
...
هاي هجمة فكر حاقد والحچي أنشوفه
ونعــــرف الحــق وعلينه أنميز أصفوفه
هذا باب ورحمة الله أبروحه مــــعروفه
الحرگ شاهد من تسئله وباقي بچفوفه

شيطانك أخـتارك---مـــن تكتب أعذارك
...
✍️خادم أهل البيت،،ع،،
أبوحسين السرگودي...🕊️🕊️🕊️

  رجعت زينب وهمهه--تعقد مـجلس الأمهه
     نست ضيم السبي والعثرة والحسرة
     سنه دارت أبحـــــرگ الباب عالزهرة
...
نعـت""والناگه گامــــت تهمــل الدمعه
بچت""وصوت المدامع حيدر أيسمعه
    وأيتام الحـــــــسين أتنوح عالناگه
    الغالي أشمايطول يوجـــــع أفراگه
   وزينب ضـل گلبهه أيصيح مشتاگه
    وجرح أبجرح ويه أدموعهه أتلاگه
وحزنهه إمبين أبدمهه--تعقد مجلس الأمهه
    وخلف الباب گامــت تذكر العصرة
     سنه دارت أبحرگ الباب عالزهرة
...
الزمـن""رد بيهه مـــثل الدافن أحبابه
أنحنن""كــــل ذكريات المشهد أوبابه
مـــــن شاهد حزنهه أعلـه الحزن زايد
حچه الهودج وگلــــــه شعندك شرايد
الزينب چــــــــم گلب يراد مو واحــد
بعدهه أمتربه ودرب السبي شاهـــــد
وبچفه الجرح لمهه---تعقد مجلس الأمهه
وأنت أمـــــحزم ولاگيتهه أبذكرة
سنه دارت أبحرگ الباب عالزهرة
...
وقره""تسهيل أمـــــــر ياربي صبرهه
ودره""أتحــشم دمعهه أتگله ناصرهه
هاي الزهرة أمي ومــــــن نوت ترحل
تركت چــــــــم وصيه والگلب محمل
الأخيره أبكربله فجعتني چـــن مقتل
لخوي حسين بيهه آشگد دمـــع يندل
الوصيه دنگ وشمهه---تعقد مجلس الأمهه
وشفت الشيب يركض ونترس شعرة
سنه دارت أبــــــحرگ الباب عالزهرة
...
ورحل""وأنه أبزماني آشگد شفت حيرة
وكمل""دور السبايه ودمــــــعي تفسيرة
وهسه السنه أندارت والجـــــــرح غيم
شني ذنب الضلوع العـــــــــدنه تتهشم
كبرنه أعله الجرح خلــــي الطفل يعـلم
عـــــــــــله عتبت الباب المحسن أتيتم
عرف بالموت لازمهه---تعقد مجلس الأمهه
سبگهه والأجل بي مشتعل جمرة
سنه دارت أبحرگ الباب عالزهرة
...
وكبـــر""بينه العـذاب المايــــــلمه البر
وزغــر""كلش فرحـنه وفوگهه أتطشر
ويــــــــــن أندير للون أگبورنه أيلالي
وگبور أمــــــــي ترسن صفنتي وبالي
وضـــــــــــــل تشيعهه دوم أيتراوالي
وسمع صــوت أبوي البيت ضل خالي
ويعرف الچان هاضمهه---وتعقد مجلس الأمهه
الوصيه الچتفت حـيدر علي وكبرة
وسنه دارت أبحرگ الباب عالزهرة
...
خادم أهل البيت،،ع،،
أبوحسين السرگودي...
       

#قصيدة_عمر_قاتلهه

•••

فكرة أرد أوصلهه..الزهـره قاتلهه..عمر
ألــ وأن گايلهـــــه..الكتب تنقلهــه..عمر
أتصفح هجوم الدار--ويرويلك البسمار
                عمر قاتلهــه
•••
وبهجوم ألدار تلگه أچــم جـــــرح بان
باب لوصلــــه أبقنوته أتشـوف دخــان
الباب گالــــو جــذع عنه وچـنه انسان
أخو قنبر هوه أحسه بخــــدمته أيمان

والسمه أترتلهـــــه..الزهرة قاتلهه..عمر
ألـــ  وأن گايلهـــه..الكتب تنقلهــه..عمر
وحرگو الباب أبنار--ويرويلك البسمار
               عمر قاتلهـــه
•••
الهـــــوه ادخــــل يامــــحمد يقره بالباب
ونسمه ترتيلة دخولــه بصــوت أبوأتراب
آشگد فـرق بين الأجوهه أتبينه الأسباب
بينو چـــــــي علي أموصه وصارو أركاب

والحطب سجلهه..الزهـره قاتلهه..عمر
ألـــ وأن گايلهــه..الكتب تنقلهـــه..عمر
وموصه ذوللفقار--ويرويلك البسمار
              عمر قاتلهـــه
•••
عمر قـــــائد نار چــــــــــــان أوأكثر أهواي
الحقـــــد بالسانه يتطشــر يحـــــرگ الماي
وبهجــوم الـــــــــــدار صــوته أيمثل الراي
أعليهه دوست بيت هـــــاي أبحكم الأفياي

التاريخ شارألهه..الزهره قاتلهه..عمر
ألـــ وأن گايلهــه..الكتب تنقلهه..عمر
وأمبين الغدار--ويرويلك البسمار
          عمر قاتلهــــــه
•••
عرف خلــــف الباب فاطـــــم والحقــد زاد
مــــــن عصرهه الطف وصلها أرماد الأرماد
وفاطمة أول شهيدة أبچـــــــــــف الأحـقاد
عمــــر مـــــــن لاطال عمره أشأسس اشراد

شايل بغض ألهه..الزهره قاتلهه..عمر
الــ  وأن گايلهــه..الكتب تنقلهـه..عمر
والعتبه تدري شصار--يرويلك البسمار
                 عمـر قاتلهـــه
•••
لا..أتبرونه القتلهــــــه أبحجة الأنصــــــاف
المره مــــــــــــاتنطگ يوادم وين الأشراف
الهسه عتبت بابهه تنطيك الأوصــــــــــاف
عمــر وصمة عار صــــــــــار أبين الأطياف

الكل مله مثلهه..الزهره قاتلهه..عمر
الــ وأن گايلهـه..الكتب تنقلهه..عمـر
مـاراعو الكرار--يرويلك البسمار
            عمر قاتلهـــه
•••
خادم أهل البيت،،ع،،
أبوحسين السرگودي...🕊️🕊️🕊️