ألتفتنه ومولدچ هـــــــم يلتفت عطره
وباب أسمــچ نفتحه وندخل الحضره°°
وتطيح أدمـوعنه طيحت ورد عالگاع
وحلـــــم عدنه الحوائج چفچ أيفسره°°
يخيمه والخضار البيها مـــــــاينجاس
الشمس ذبلت وضــلت خيمتچ خضره°°
•••
✍️أبوحسين السرگودي...
نبارك لكم ولادة السيدة فاطمه المعصومه،،ع،،

#من_باب_الشعر_رساله
👇👇👇
•••

ضلمه أوجـــــوهم طايح نجمها
وذنب ينحـسب من تذكر أسمها
مـيز وادمـــــــك وأنت أفتهمها
•••
✍️أبوحسين السرگودي...

#رسالة جرح.
اللهم شافي كل مريض بحق قمر العشيره أبالفظل العباس،،ع،،
•••

يابوفـــــاضــــــل راح أعگدرايتك
  وهاي دمعاتي آعلى بابك جايتك
گوم طيبه البيه عاش___ جرحه ودموعي أبلاش
وداعة الخــدمه أنت گد أحچايتك
•••
سيرت  بس الجـــــــرح لازم گفاي
أبداعة الجــود البچالك جربه ماي
أشما أشوفك أفرح أوأنت أبسماي
ياهـــوه الغيرة الاحسك كل هواي
وهـاي يمك ياكفيل
وأنت تعرف بالعليل
وهو تدري بصايت الله أوصايتك
وداعة الخدمة أنت گد أحچايتك
•••
خادمك  هذا  وعشگ  كل  الونين
يابوفاضل وأنت تعشگ  ياحسين
طيبه حـتى بالطم   تبچيله  عين
ويقره  تسهيل   أمر   ياأم  البنين
بكثر ماينخه بضواك
 يقره تسهيل ونخاك
العافيه البيهه أنت تحچي بشارتك
وداعة الخدمه  أنت گد  أحچايتك
•••
روحه  يم  شباچك  أيكضهه الأـذان
وتشرب  آمن قفالتك مـــــاي الرهان
يعـــــرف أچفوفك غطه وفيّ وآمان
ياسوالــــــــف نعمه عاشگهه الزمـان
وأنت قبلـــــــة كل فقير  
أيصلي بجروحه المصير
ياضوه النجمه الخذت من شامتك
وداعة الخدمه أنت گد  أحچايتك
•••
ويشهگ أنفاسه بحضرتك مـن يطيب
ياطبيب الما عـــــــــرف علته الطبيب
وهو بحساسه أبوفاضل مــــــايخيب
شماكبر جــرحه وركض حيل المشيب
تبقى ريته أكبر ضريح
وعطر أسمك مايطيح
شلون ضل شامخ حچي أمصلايتك
وداعة  الخدمه  أنت  گد أحچايتك
•••
ولو طلع مــــن حضرتك يلگه الحمام
ضـــــأوه ريشه أمحزم  أبلون الخيام
ايشوف جنحه أيرفرف بريشه الهيام
وريشه توگع مــــــــــنه وتگله أبسلام
ويرجــــع الأهلــه أبشفاء
ويحچي عن طب كربلاء
وشاد  بيده   علگ  من  أعمامتك
وداعة الخدمه أنت گد أحچايتك
•••
خادم أهل البيت،،ع،،
أبوحسين السرگودي...🕊🕊🕊

أي والــلــه.
مع الأسـف.
لگيت المستحه آبگد ماي عاشور.
✍️أبوحسين السرگودي...

#قال الأمام الرضا..ع.. من زارني على بعد داري وشطون مزاري أتيته يوم القيامة في ثلاث مواطن حتى أخلصه من أهوالها عند تطاير الكتب يمينا وشمالآ عند السراط عند الميزان‏....
#ياضامن

#رايدك بس أشــوكت تفــــــزع بخور
وياحــــــلاة ابظيج فــــــــزع الرايده °•
حــــتى أشمنك هــــوه أوأرجـع چبير
الطير مــــــــايتوالـــــــــم أويالصايده °•
وأدري جـيتك عالگـبر شتزرعـــه عيد
شلــــون شمعـــــه وشاعلتهه الوالــده°•
وألتم أوخـيط الضــــوه أيدليني بيك
واليزورك أنت گلـــــــــــــت أتساعده °•
خادم. أهل البيت..ع..
أبوحسين السرگودي…🕊🕊️🕊️
#مبارك لنا ولكم ولادة الأمام الضامن،،ع،،

يـــــاالله•••بـــــــــلغنه مـــــــحرم
يـــــاالله•••بفـــــــــــــراگه أنتيتم
وحــشه المسيه•°•°•بــغير العزيه
  يـــــــاالله°°°°°°°°°°°°يـــــــاالله
---------------------------------------------------------
دعيناك ..رجيناك ..ومـدمعنه ساچب
ترى أنموت ..بلاصوت..لطم المواكب
وعليك أمحزمات أبحرگه هالچفين••
والمجلس نحضره
ويحسين بضمايرنه وألك يــحسين••
تسهيل أمــرنقره
((يحسين بضمايرنه°°صحنه بيك آمنه
لاصيحت عواطف هاي.....
ولادعـــوة ومجرد راي......
هاذي من مبادئنه°°صحنه بيك آمنه))
يـــــاالله•••أتــعيشنه المـــنابر
يــــاالله•••بـــــجروح الحوافر
ونــهوه المنيه•°•°بـــغير العزيه
   يـــــــاالله°°°°°°°°°°°°يــــــاالله
------------------------------------------------------------
نتانيك ..نناديــــك ..وننسه ألــمنه
يالهلال..ترى الحال..مايسوه عدنه
أذا مومجلسك يحسين عدنه الراي••
مايـسوه عمرنه
لأن أبـــدمعتك فـــشلنه حتى الماي••
سجلنه حضرنه
ياالله •••خلــــــينه نــساهــــم
ياالله •••أبـــــهايه المـــــــــأتم
شتسوه الدنيه•°•°بـغير العزيه
ياالله°°°°°°°°°°°°ياالله
--------------------------------------------------------
نـضل دوم..بــــــالهموم..أوسود الملابس
المهم كون..هل العيون..أتــهل بالمجالس
نضل أبخير أذا تقبلنه يابوالخير••
بهالخدمه الشريفه
ونخدم وبحسينتك أبــلا تقصير••
هاي أشرف وضيفه
ياالله•••عــــيشنه بـــطفوفه
ياالله•••مـــانـــقبل نعــــوفه
مامش حميه•°•°بغير العزيه
ياالله °°°°°°°°°°°°ياالله
-------------------------------------------------------
البعد صار..حرگ نار..والفرگه تـكبر
بـــله أياك..مــننخاك..مولانه نخسر
خلينه أعله بابك والچفوف أتگول••
أطيني بس كرامه
وبــابــك مــايرد اليوصله مـــذلول••
أنت أبــن الأمامه
ياالله•••أبـــچف بــابــك دلائل
ياالله•••مــــا ردالــــه سائـــــل
أتموت القضيه•°•°بـغير العزيه
ياالله°°°°°°°°°°°°ياالله
-------------------------------------------------------
نصدوين..يالحسين..بــس لا عفتنه
والأذنوب..مثل ثوب..صبغة جلدنه
أذا مو ألك نلطم نحترگ ونطيح••
يالغرگنه خيرك
يفر بينه الهوه وطشنه أزغر ريح••
ماعدنه أحنه غيرك
ياالله•••مـانــرهـــم بــدونه
ياالله•••وفــــقنه العيونــــه
بداعة رقيه•°•°بغير العزيه
ياالله°°°°°°°°°°°°ياالله
-------------------------------------------------------
خــــادم أهـــل البيت،،ع،،
أبوحــــسين السرگودي...🕊️🕊️🕊️
🤲

\\قصيدة// أمـــــــي والبيارغ من يشدهن
°°°°°°°°°°°°°°°°°°°°°°°°°°°°°°°°°°°°°°°°°°
هل عاشور ومسومر أجه أهلاله
ونشوف الخيم نار أوناس خياله
أخلافچ يمه شلهن.. البيارغ من يشدهن
وجرح الفرگه عاشت جمره بذياله
°°°
الجــرح شيطيبه اذا كـل ساعــه يتلچم..
وبـذيــالـــه جمـــــــرته أوحـگه يتــــألم..
مــــحرم يمـــــــه مجبل والگلـــب مئتم..
ونشم عطاب كل خيمه وهوه الله أغتم..

… ونزل يلطم دمعنه ويشرح الحاله…
… ونشوف الخـيم نار أوناس خياله…
ويزيدنه حزنهن…. البيارغ من يشدهن
وجرح الفرگه عاشت جمره بذياله
°°°
ييمه دمعتچ چــــــانت تــرف رايه..
أذاجـــيرانه أمــــــــسوين الأقرايه..
وتـركض روحچ أمگبعتهه بحچايه..
نـــــهر العلگمي شماله أوبخل مايه..

… وبيت الفاگــدچ متخوصرأخياله…
… ونشوف الخيم نار أوناس خياله…
ألتبدن من يلمهن… البيارغ من يشدهن
وجرح الفرگه عاشت جمره بذياله
°°°
بصماتچ حــرز  بـــالبيت مـــــن تنحط..
والقطعه النــدگهه أبــــــدمعتچ تنخط..
أبــــاب أدموعچ أيجدي المحنه الشط..
وهسه أخلافچ انحس الجـرح شعوط..

… ألطم محتاجلچ بس انتي تچايه…
… ونشوف الخيم نـار وناس خياله…
الجروح أشمانظمهن… البيارغ من يشدهن
وجرح الفرگه عاشت جمره بذياله
°°°
مـــرينه بصـــورچ بـــالگلـب حــــــافر..
الهسه أثـــــــار بيهن لليلة العاشــــــــر..
عشتي الوحشه نار أوموحچي أوعابر..
عشتيهه أبــــدمع شيصبر الحايــــــــر..

… المظيف أيكيف أشما سومر أدلاله…
… ونشوف الخيم نـــار أوناس خياله…
أبنار أصبح فخرهن… البيارغ من يشدهن
وجرح الفرگه عاشت جمره بذياله
°°°
نـشم أهدومچ ونشتم عطر خـدمه..
وصباحچ من يأذن بينه ألف رحمه..
ييمه أشما نــــگول أونعطش أبيمه..
ويــم غيـرچ نحس أمچتفه الكلمه..

… اليروح أومـــايرد شيسوي بعياله…
… ونشوف الخيم نار أوناس خياله…
ينذرون النذرهن… البيارغ من يشدهن
وجرح الفرگه عاشت جمره بذياله
°°°
خــــادم آهل البيت.. ع..
أبوحــسين السرگودي…🕊🕊🕊

#نعي_الهلال
...

شريت دمعي أعـــــلـه المخده
وأحسبهن أنه وحـــــده وحده
يهلال مـــــــــــــامش گلي رده

شو عاودت وأهلـــــي بعيدين°°
...
يهلال گلـــي بالنحبهــــــــــــم
مترب وضل موحــــش نزلهم
وبچي وعليٍ تبچي صـــورهم

وأنشد وأتعــــب النشد بالـوين°°°
...
وأرجــــف وصـيرن چني خيمه
وتحـــــــــــرگني يانار الهضيمه
مــــــــــن شفت دمعات اليتيمه

أعثر واصيحن خويه يحسين°°°
...
ويهلال أنشـــــــدك عن عباتي
الماطاحــــــت وداعت خواتي
بيهه الجمر چــــــــوه أمنياتي

والأثر ضــــــل باقي بالأيدين°°°
...
يهلال سلمنه أعلــــــــــه أهلنه
وگلهـــــــــــــم بالفراگ الكتلنه
ونصبت چـــــــوادرهه المحنه

وهمه يعرفـــــــــون الميامين°°°

...
سهــــــم هلتك ترى للگلب مــــالاخ
وچـــف الوگت گبلي أخت مـــالاخ
آمن أشوفنك شگـــولن أخ مـــالاخ
لحـــــــــــد ماتغمض عيوني أبمنيه
...
خادم اهل البيت،،ع،،
أبوحسين السرگودي...🕊️🕊️🕊️

رايه--- و بكل  سنه    تتبدل   الرايه
مايه---والعلگمي  ضل  أبنفس  مايه
كون النهر يتبدل......ويم جرفه نقره المقتل
-------------------------------------------------------
وحگ  كل  راية ضمت حچي الأدموع
ونگط  من  ضواهه أحساس موظوع
نشوف  اليوم   گلب  الدنيه   مفجوع
أذا   عالنهر    نقره   بصوت   مسموع


    (وين   ساجي   الضاميه   دلوني)
    (وين أخوي أيشوف حالي ولوني)


ثايه---مقتلنه   خله   المستهل  ثايه
مايه---والعلگمي  ضل  أبنفس  مايه
حتى الحچي يتبلل.......ويم جرفه نقره المقتل
-------------------------------------------------------
وحگه  العرش   يلطم   بيده   صدره
النهر چن  علگ صار  أبروجه  خضره
ونعيش  أبجرحه   والونه    التفسره
أذا  عالمشرعه    أحنه   عيون   نقره


(عالمشرعه العباس...صاب السهم عينه)
(وحا يسهم العين...ونكسر ضهر حسين)
            (وحنه أنگطع بينه)

أقرايه---حتى السمه أتشاركنه الأقرايه
مايه---والعلگمي  ضل   أبنفس    مايه
وأللطم عدنه أمدلل...ويم جرفه نقره المقتل
-------------------------------------------------------
وتسهيل   أمر  نقره   أنغير   الماي
و يم  بابه   ألعيون   أتبدن   هواي
وندري  الفرگه   بيهن  فرگة  أفياي
الخوه  بس  ذكرهه   أتشيب  الراي


(أچيتچ طايح أبحيره...يزينب راح أبوالغيرة)
(ياخويه تلگيني...ضهري أنكسرعينيني)
          (يزينب راح أبوالغيرة)

أبهايه---نبچي ونعيش الفاجعه أبهايه
مايه---والعلگمي  ضل   أبنفس   مايه
أنخلي الدمع يتهدل.......ويم جرفه نقره المقتل
-------------------------------------------------------

من  ندنه  نلگه    أمسرفنه   عيون
ونكتب   عالصدر    شماته   يدرون
مانرضه  الخريف   أيطيح  الأمتون
لطمنه  أربع فصول  وبعده  مديون


(شفت الفصول الأربعه...يجتمعن بجسمك سوه)
(نار ومطر... ماي وضمه...وبشفايفك صفنت هوه)

أحچايه---حسين خله بكربله أحچايه
مايه---والعلگمي  ضل  أبنفس   مايه
هيهات لاماننذل.......ويم جرفه نقره المقتل

-------------------------------------------------------
بدمع  عين   اليتامه  أنبخره  اليريد
حتى  أيصير   ماي   أويترس  الأيد
مو  يلچم   جرحنه  الما  لگه   العيد
اليحب يگطع نفس خل يرحل أبعيد


(ضيعوني  مثل   گطرة   ماي  بتراب  الصحاري
ضيعوني  أشحصل الملهوف من طيف الضهاري
      باالله ليش  السافرو  محد يردهم
      بالله ليش أعله النهر ميت وردهم
      ضيعوني___ضيعوني)


نايه---يوجعنه كل موقف عزف نايه
مايه---والعلگمي  ضل  أبنفس  مايه
وبينه الحزن ضل محتل....ويم جرفه نقره المقتل
-------------------------------------------------------
خادم أهل البيت،،ع،،
أبوحسين السرگودي...

♠️♠️قصيدة كـل عــــام ♠️♠️
__________


كل عـــام عيني أمتانيه أهـلالـه
كل عـــام والدمــــــعات هــمالـه
غريب سليب°°°°حـــسين حـــسين
------------------------------------------------------
حتى يـم أعزازي أضمهه الدمعه ماأبچيهه
والمحـــرم صرت ألمــهه وگمت أجمع بيهه
هيچي متربيه أعله حـزنه والوجع غاطيهه
روحي بس هوه هواهه وكل زمـن ماضيهه


يانفس روحي العايش أبجاله
كــل عـــــام والدمعـات هماله
غريب سليب°°°حـــسين حـــسين
-------------------------------------------------------
ربي طول عمري أدعي شني عمري أبـدونه
وللحـسين أچـفوفي تشهد عشت وبماعونه
وأنه نذر أمـــــــي وأبوي الهســه مـايوفونه
ومــن أبوس المنبر أسمع هلـه ببني شلـونه

يعرفني مـن أشتـاگ شنعاله
كــل عــــام والدمعات هماله
غريب سليب°°°حـــسين حـــسين
-------------------------------------------------------
أله خله أبروحي موقف أصبغ أنه أهدومي
والحزن يكبر أشوفه ويلبس أســـود يومي
والهلال أبروحي يگرب مــــن أگولن دومي
ياحسرتي أشما كبرتي حـسين كل همومي

ومافارگيته ودوم أوأقراله
كل عــام والدمـعات همـاله
غريب سليب°°°حـــسين حــسين
-------------------------------------------------------
حسين رحمـة الله أسمـه واليحبه أيـشوفه
من يهل أهلال مـجلس يلگه حتى أچفوفه
تـــــشتد وتلبس وقــــاره وبــالطم ملهوفه
هيه هاي النعمه أگلكم حتى أسمه أنطوفه


ومن نكتب أسمه أيبين أخياله
كـــل عـــام والدمعــــات هماله
غريب سليب°°°حـــسين حـــسين
-------------------------------------------------------
والله مـن أشتم تربته تهـــده كـل أنفاسي
يـاضعن طوح مسيرة وضل أثر بحساسي
أسمه تاج وبختي عـامر من أشيله أبراسي
ومن أجنن أدري أعــرف أعقــل أبمقياسي


البحسين جـن بجنونه هنياله
كـــل عــام والدمعـــات هماله
غريب سليب°°°حـــسين حـــسين
-------------------------------------------------------
خادم آهل البيت،،ع،،
أبوحسين السرگودي...🕊️🕊️🕊️
🤲

#خدمة_عشگ
•••
گلبي أعله بابك سيدي منهضم
أتمنه أموت بمجلس ألبي لطــم
يالعلمتني العشگ•••خليني بيك أحترگ
سيدي____سيدي
...
أدورنــــك..أدورنــك ترى دوارة الــيـل ابلــيــل
وأشوفنك..وأشوفنك جرح يلچم أعتاب الحيل

وانه بمجلسـك مـــــاأبرد أمــــحزم
ثگيله الفاتحــه عل المايعرف ألهـم
يماي الوجــهّ أنت الخجلت زمـــزم
تارسني فخر مــــــن أوگع انه ألتم

فاضحني حزنك والدمــــــــع ينلظم
اتمنه أموت أبمجـــــــــلس البي لطم
ياباب دمع الصدگ•••خليني بيك أحترگ
...
يعـــــــافيتي..يعافيتي الدمـع چـــن سبحه سويته
وطن صيتي..وطن صيتي خـــــيالي اعليك بچيته

يالمخليني واگـــف كل عزاء أبشوگ
أرضـــه أنه أعيشن عيشة المحروگ
أموتن مـن يمر مولاي طاري السوگ
فداكم كـون انه البل الحبل مشبوگ

وألكم أحــــس الزعل ماينكضم
أتمنى أموت أبمجلس ألبي لطـم
وعالوجهّ ألطم وأدگ•••خليني بيك أحترگ
سيدي_سيدي
...
يكشختنه..يكشختنه آمن أطين روحي بالمجلس
يفــزعتنه..يفـــزعتنه اليعوفك سيدي أبلاحـــس

أردد والجــــــــــــروح أبروحي تتباره
وخـــل أشبع لطـــــم وعيوني تتجاره
حــــــــتى الشيب بيه أمـولحه أكتاره
العشگ من تشگ ثوبك تفضح أسراره

مجنون أدور عن عزائك وأخم
أتمنه أموت أبمجلس البي لطم
وأدموعي مـاتنسبگ•••خليني بيك أحترگ
سيدي___سيدي
•••
يطاريها..يطاريها الكرامــــه أبأسمك أتچلب
يراعيها..يراعيها الجــروح أبروحي وتحدب

يغيمة والدمــــــع بي تفرح أخدودي
أذا مــــوالك ألطـــــــــم شلي بزنودي
يرايه وفزعت الله وخطت أحــدودي
وجودي حيل روحي أبمجلسه جودي

وصدر أمنياتي أبچفي أدگه واصم
أتمنى أمــــــوت بمجلس البي لطم
ياليلي مانفترگ•••خليني بيك أحترگ
سيدي___سيدي
...
يبوالفزعـه...يبوالفزعه العمر مــن ينكتب كلمه
حلو طبعه...حلو طبعه اليموت بمجلسك حلمه

هـــــاي الطلبه يمـك وأنت متقصر
أمـــوت أبمجلسك وأعترف ومقرر
بقنوة العشـــگ انه أدعيلك وأشكر
اريدك عاالسـراط اتصيح خل يعبر

وبروحي أضمن بيرغك مــــن أضم
وأتمنئ أمـــوت أبمجلس البي لطم
وبمنبرك أنشبگ•••خليني بيك أحترگ
سيدي__سيدي
...
خادم إهل البيت،،ع،،
أبوحسين السرگودي...
🤲

#قصيدة_الجواد


...
اليوم چم دمعه أعلى بابك يالجواد
وأذن النــــوح أبغيابك يالجـــــــواد
أبابك الحاجات---رتلن دمعات
وأذن النــــوح أبغيابك يالجـــــواد
...

وين مـــــانوي دمــــــعتي الگالك أعيون
يا أمـــلهه وكل أمــل بالدمـــــعه مدفون
أبابك الگاهه الحــوائج مــــــية ألف لون
وصوت مـن شباچك أسمع سهله وتهون

حاجته تگضي وعلي
البچه لحسين أوهلي
وماردت دمعه أبمصابك يالجواد
وأذن النــــــوح أبغيابك يالجواد
وأسمع الحسرات---رتلت دمعات
وأذن النـــــوح أبغيابك يالجــــــواد
...

چـــم رساله أبروحك أتاكدهه الأجروح
من أحـط أذني أعلى بابك أسمع النوح
صـوت بي عطــــر الخيم والنار متروح
مــقتل أسمع حتى بابك يقره بي روح

يقره بالمـقتل ضلع
الياظلع تجري الدمع
وتنجــرح نبرة جوابك يالجواد
وأذن النـوح أبغيابك يالجـــواد
وتفزع اآهات---رتلت دمعات
وأذن النــــوح أبغيابك يالجواد
...

وأحترگ أنه أوسـؤالي أبحسرة الباب
والدمــع مــــــايندفن تلگاه الأحــباب
يوگف أوروحه أتبده أبحضن الأتراب
يعــــــــرف البسمار يخنگ رية الهاب

والنسيـم البي ضوه
فرق مومثل الهوه
تكبر البــوســه بعتابك يالجواد
وأذن النــــوح أبغيابك يالجواد
وترتفع هامات---رتلت دمعات
وأذن النوح أبغيابك يالجــــواد
...

وأسمـــــع الــونه الچبيره أشيب الأغروب
يم نحــــــــر عطشان ينزف محترگ ثوب
ليش مــــن أذنچ رقــــــيه كلشي مسلوب
الصوت والترچيه أخذهن جيش الأذنوب

ونارهــــــم يامــــعتقد
أبكل وكت تحرگ عهد
ألهاي سموك أبشبابك يالجواد
وأذن النوح أبغيابك يالجـــواد
والحقدمامات---رتلت دمعات
وأذن النـــوح أبغيابك يالجواد
...

وظـل ثلث تيام جــسمك بچه الأطيور
ورمـــــــح وحشيهم تجرء يطعن النور
الحرب بالسم هوه نفس الدائره أيدور
السم يكمل دور سيف أبحكم الأقصور

همه والد البل أمس
الچبد حمزه تفترس
وعطـرة دنيه بترابك يالجــــواد
وأذن النـــوح أبغيابك يالجـــواد
هم صحت هيهات---رتلت دمعات
وأذن النـــوح أبغيابك يالجـــواد
...
خادم آهل البيت..ع..
أبوحسين السرگودي...🕊️🕊️🕊️
...

بالمجالس  لمو   كل  أدموعنه
               حتى بيهن  ينكتب  موضوعنه
       أني خادم°°°°°أني خادم
-------------------------------------------------------
حيل  خل أنشد حزمنه  الغيره نار
أونلم  كل   أدموعنه  حتى  الزغار
المجلس أيريد اليون  والگلبه حار
حسين تارسنه شرف عشگه  وقار
بالمنابر    خل     نحني    أچفوفنه
            وبياحسين أنخمس أحنه أحروفنه
        بالمأتم°°°°°أني خادم
-------------------------------------------------------
كون  نصبح   مثل  الهلال  اليهل
كلشي  محني بروحنه وماينعدل
الفاگد  أمبين   أچتافه   التنهدل
والجواب   أبدمعته  من  ينسئل
كون  يوگف بس جرحنه أيلالي
              حسين يستاهل نخدمه الغالي
    
       وعشگه دايم°°°°°أني خادم
-------------------------------------------------------
كون    قدسية      المجلس   ماتروح
كون   تچوينه    الرزيه    من   ننوح
حسين روحه أطاهه  ظل بلايه روح
الهاي كون  المجلس  أيلبي  الطموح
المجلس إنزينه أبدمعنه الساچب
                   وبيالثارات الحسين أنطالب
وبصوت فاهم°°°°°أني خادم
-------------------------------------------------------
كون   حيل    أنغث   نفسنه   ونحترگ
ألما يحب    حسين    مايعرف    عشگ
وهذا   ماعنده    گلب   عايش     يدگ
حسين بس  هوه الصدگ وكت الصدگ
حسين عاشت بسمه حتى الآيه
            لحسين يستاهل نسوي أقرايه
والكل تساهم°°°°°أني خادم
--------------------------------------------------------
بخيمة  حسين أحنه نكبر من نريد
حسين  هوه  الكسر  أقيود  العبيد
أسنين صار وموقفه  الهسه جديد
حسين رحمة الله  خطاهه  الوريد
حسين مامات وبقى ظل خالد
              الهسه عايش قائد الكل قائد
بهاي الملاحم°°°°°أني خادم
--------------------------------------------------------
خادم أهل البيت،،ع،،
أبوحسين السرگودي...🕊🕊🕊

#آهنا_ييمه

••••
ذبلت أرسومـــــي ذبلت الثوب
وغـروب گــــام أيذبني بغـروب
يمه الأفراگ أيريدلــــــه أگلوب
من روحتچ يمه شدريتي____
شــوبين الشيب أبلحيتي____
      يمه___آهنا ييمه
•••

بچفوفي مــن رديت وجـــــــهّ الرمــل حار
وياعلي صحت بصوت جبت أمي الك جار

واليل فگ أبروحــــــي بيبان
وسفه الحــــنان أيطمه تربان
راحو يروحي الچـــانو أحنان

ياروحي چا ألمن أجيتي____
شو بين الشيب ابلحيتي____
      يمه_اهنا ييمه
•••

گل للمشه جــــــناز بأمـــــــه وخذاها
كون بحضنها أيمــــوت مــن فارگاها

رديت بـــس أشـــــرده رديت
تندفن روحـــي أبطبت البيت
بعتبة الباب ولمــــــــي حنيت

ودأموعي صاحن شوبطيتي____
شــــــوبين الشيب ابلحيتي____
      يمه___آهنا ييمه
•••

أندفن بيتي ألچــــان ضــاوي بعباتچ
وي كل أذان أنگوم نشتــــــم صلاتچ

ياوجــــع گلبي الشايله الناي
أنچفت روحـي چفيت الماي
يالــذكرياتچ باقــيه هـــــواي

چـم گلب بعدچ عذبيتي____
شو بين الشيب أبلحيتي____
   يمه_آهنا ييمه
•••

رحتي وأصورچ هـــــاي فــــوگ الحياطين
أنسه آمن أطب للبيت صحتي أمي چاوين

يم كل مكان أشعلــــــــچ أشموع
ولحسين أثوبلــــــــچ ترى أدموع
هسه انه عـشـت الشنهي مفجوع

يم علي أدعيلي يالمسيتي____
شــو بين الشيب أبلحيتي____
   يمه__اهنا ييمه
•••|
✍️أبوحسين السرگودي...

﷽
*تهنئة خاصة*
السلام عليكم ورحمة الله وبركاته
يسرني ويسعدني أن أتقدم إليكم بأصدق التهاني والتبريكات بمناسبة عيد الاضحى المبارك ، اسأل الله العظيم الذي عز شأنه
والرحيم الذي فاض على الوجود إحسانه
والغفور الذي شمل كل شيء غفرانه
والغني الذي فاض على العباد كرمه
والنور الذي اضاء الكون بنور وجهه
وان يتقبل الله عباداتكم وان يجعل ايامكم سعاده وخير وايمان ومن الفائزين في الدنيا والاخرة....
*وكل عام وأنتم بخير...*
*أخوكم *✍
( ✋🏻 أبوحسين السرگودي....

#هوسات_عيد_الغدير
👇👇👇
••••
النبي شال أيدك وچن شايل الرايه
ورفت أيدك وفــــك باب الأحچايه
وأبخم ياعلي موجوده ألـــــك ثايه
هاااا..والحيدر مختومه البيعه
••••
غيرك ياعلي مـــــالگو يستاهل
البيعه اتريد زلمه معدل وعادل
يماي العافــــيه يفتهمك العاقل
هاااا..والدنيه أبيومك فرحانه
••••
حتى الگاع فرحت والشجر فرع
بغديرك ياعلي صوت الورد يطلع
فرحــــنه والفرح ينكتب بالمطلع
هاااا..وجبريل أبيومك يتباها
••••
علي بس يمك التدنوگه موذله
علي بيعة أوأدم والحچه أنگله
الكرامه لليحـــــــبك دوم تندله
هاااا..وبحبك شدينه الهوسه
••••
خادم آهل البيت،،ع،،
أبوحسين السرگودي...

الأذان أبلاعلي أيفشل المنارات
✍️أبوحسين السرگودي...

مهرجان الغدير.
برعاية الامانه العامه للعتبه العلويه المقدسه.
التفاصيل داخل البوستر...

الدين أبچفــــه نار الحقد بخ بخ
ونذر عطره الورد فرحـان بخ بخ
اليگول أشمايگول أيگول بخ بخ
المهم دنگو يم حامي الحميه.
✍️أبوحسين السرگودي...
بصوت الحبيب ملاحازم الدشتكي

#انا_غديري

•••••••••••••••••••••••
بصوت نادينه •••• علي والينه
علي تشهدله الغدير
علي  أول   مو أخير
•••••••••••••••••••••••
صوتنه أبحبك ينادي وصرخت الحگ تعتلي
ماتلوگ ألهم يحيدر ألك لاگت ياعلي

الخــلافه أتريد °°°
فارس وصنديد°°°
ألك بصبعهه تشبر ••• علي أول موأخير
•••••••••••••••••••••••
علي ايمثل دينه كله ابفخر نال المرتبه
علي مــــــن الذر ولينه علي ربك نصبه

هم خطب ياسين °°°
أوشال چف الدين°°°
علي هذا لكم أمير ••• علي أول موأخير
•••••••••••••••••••••••

ودنگت روس التضده أنحنة كلهه أبيعته
ربك الرايد يذلهــــــــم لان بغضو حظرته

انذلت الهامــــات °°°
أگبال ابوالحملات°°°
لبن عمه أصبح وزير ••• علي اول موأخير
•••••••••••••••••••••••
خـــسر كلمن مــــايحبه وبسهم حــــبه ارمه
وحنه حسينه الحياة أبحب علي حامي الحمه
حبه مــاموصوف °°°
علي بسمه انشوف°°°
ابعلي مرهون المصير ••• علي اول مواخير
•••••••••••••••••••••••
علي ساقي الكوثر أنت واليحبك تعرفه
واليضدك غادي يشهد أله يشهد موقفه

يافخر هــــالكون °°°
يبقى اسمك عون°°°
يفزع ايظل للفقير••• علي أول مواخير
•••••••••••••••••••••••
خادم أهل البيت.. ع..
أبوحسين السرگودي...

•••••••••••••••••••••••