وين اهل البصرة
توقف عدك برنامج السايفون وكام ما يفتح نت😔

لا اضوج جبنه الك برنامج جديد واحسن من السايفون

مع منبريون كلشي اهون
للاشتراك
https://www.tg-me.com/joinchat-AAAAAD2cKU7dhy13L1EGYQ

فرغة روسهم نكتت البيهه ابساع...
مثل مانكت حبه ابصفنته السنبل

السلام على الضامن

تغيم بالدمع ياعين اﻻبنيه
واذا راح اﻻبو چن ورده محنيه
•••••••••••••••••••••••••••••••••••••••
صدى الوحشه ابرمشهه من تهل العين...
وخطوة دمعه بيهه المستحه اتحس دين...
عليله والجرح ينعه يبويه حسين...
دمرلي ابطيف ماطول النفس بيه
•••••••••••••••••••••••••••••••••••••••
وحيده والحزن شيب ضوه اخيالي...
شما لمني الوكت الگه الحظن خالي...
الهوه والباب هنه الصارن أبالي...
وي كل دگه اموتن بويه يوميه
•••••••••••••••••••••••••••••••••••••••
أگعد يم مكانك واشعل الحسره...
لحد مابيه يرگض واهس العشره...
اﻻبو لو ﻻگه بته اتقبله ابنحره...
لحد ماتشبك اسمه احرورة الريه
•••••••••••••••••••••••••••••••••••••••
شحجيلك فرگتك بدت اسنيني...
ويم سجادتك لوردت تلگيني...
اشوفنهه وتفرع دمعتي ابعيني...
أحسن عد خواتي نقص ترچيه
•••••••••••••••••••••••••••••••••••••••
أبضل سجادتك شفت الجره والصار...
وشفت دم منحرك والخيم حضنت نار...
وشفت چم سوط تارك بالمتن اثار...
وشفت أم الخدر يابويه مسبيه
•••••••••••••••••••••••••••••••••••••••
ﻻن وكت الصﻻه بويه الجرح أذن...
وأحسن بالسوالف صوبك ايرگضن...
حرت بويه ابخواتي الياكتر يرحن...
صحت يابوالحسن عودي انذبح فيه
•••••••••••••••••••••••••••••••••••••••
خادم اهل البيت-'-ع-'-
أبوحسين السرگودي...
•••••••••••••••••••••••••••••••••••••••

شخباركم. حتى الدمع متگبع ابفي داركم
شخباركم.والمگبره أنشدهه وتظم اسراركم
تسهر ابعيني الصور… هيچي عيشني القدر
والله مشتاگ أسمع أنه اخباركم شخباركم

دورتهم حتى بنفاس الجرح تطلع صورهم

مبارك عليكم الولاده الميمونه لسيدي ومولاي الامام الرضا..ع..
‏قال الأمام الرضا..ع.. من زارني على بعد داري وشطون مزاري أتيته يوم القيامة في ثلاث مواطن حتى اخلصه من أهوالها عند تطاير الكتب يمينا وشمالا عند الصراط عند الميزان‏
------قصيدة رايدك بس شوكت------

اني مديت اعلى أسمك شوفي ماي،،،،
وسولفت يمه الدموع اشرايده
وبيوم ميلادك تنفس شيبي بي،،،
وحتى دمعات العسر متعايده
وحتى حسراتي ورد زرعن گفاي،،،
الجمره والحسره انه احس متوارده
وادري جنحين الضوه شالن ضواك،،،
اونگع وجه اليل چنك گايده
وسيرة بيه ندى واني أبخريف،،،
وخظرة روحي أبكثر مابارده
ولثمة ونتي أبكبر مابيه نوح،،،
وحزمتهه الفرحه ذيچ الشارده
وغيمة يمك خجل لاكن اجيت،،،
اوبيه شوگ المايسولف شاهده
وصرة احظنك بالهوه الشايل ضريح،،،
هيچي مشتاگ الهواك اورايده
وشلت چفي اوذنت روحي ابهواك،،،
الهوه ابريتي اوچف اذانك سانده
واني شاعر والعشگ سومرني شوگ،،،
وقرب أسنيني الگبل متباعده
وكمت. أطوفك والحچي ايصلي أبهواك،،،
وطبع ريه الكل دعاء امعاهده
واني شايل بامنياتي الصفنه طيف،،،
اليل من ينهزل تلگه الفايده
اورايدك بس اشوكت تفزع بخور،،،
ياحلاة أبظيج. فزع الرايده
حتى أشتمك هوه اوارجع چبير،،،
الطير مايتوالم اويالصايده
وادري جيتك عالگبر شتزرعه عيد،،،
شلون شمعه وشاعلتهه الوالده
وألتم اوخيط الضوه ايدليني بيك،،،
واليزورك انت گلت اتساعده

خادم. أهل البيت..ع..
أبوحسين السرگودي…

لحن قصيدة
تغيم بالدمع. ياعين الابنيه..
وذا راح الابو چن ورده محنيه..
بصوت خادم الحسين الرادود محمد الحلفي

اضحك عالجرح واليل حاضن ليل..
وتنفس فرحتي بكبر عمرالشوگ@@
الشايل طيبه أعرفه أعيونه بيهن لون..
والما شالهه أبنص نيته ألگه أفتوگ@@

الشاعرأبوحسين السرگودي…

ياالله

هوسات لسيدي ومولاي مسلم أبن عقيل ..ع..
*-*-*-*-*************************-*-*-*-*-*-
زمجرة طوعه وصعد بيهه الرجيف---
ومن عزمهه كزبر احساس المضيف•••
وين مسلم والزلم وصلتنه هاي---
شجر صاح اركابهم وانه الخريف•••
راح ألاگيهم وحگ كل شيبه بيچ---
أبهذا سيفي وأله أبدي الموشريف•••
ها...شيميني وشوفي التردينه
•••••••••••••••••••••••••••••••••••••••
طوعه صاحت بس علي وطاحت رگاب---
أبسيف مسلم وانتفض حتى النگاب•••
صاح شيميني أبعلي وانه أبن ابوي---
مثل عمي أمعلم أنه أقلعلي باب•••
أله أفرح گلبه وبكل طبره كون---
راح اخلي الروس يحضنهه التراب•••
ها..
والحومه اتسولف بس بينه
•••••••••••••••••••••••••••••••••••••••
هلهلت طوعه وخفگ جنح الحرب---
والعساكر تيهت حتى الدرب•••
هوه وحده وسومرت ذيچ السيوف---
هيه والشالتهه كاتلهه الرعب•••
گام يشمر بالزلم سواهه ماي---
مسلم وعمه علي أيكضه الصعب•••
ها...وينومس دين ابتاريخه
•••••••••••••••••••••••••••••••••••••••
طوعه صاحت والحچي بيهه استدار---
صوب حيدر والدمع ناده الفقار•••
اليوم مسلم سوه حتى المايصير---
وعلي رد يومك علي ابوضح النهار•••
الگاع شهكت من جثثهم واليطيح---
الكوفه رفعت راسهه ومسلم شعار•••
ها…هز عرش الكوفه بصولاته
•••••••••••••••••••••••••••••••••••••••
خادم أهل البيت.. ع..
أبوحسين السرگودي…
•••••••••••••••••••••••••••••••••••••••

#ويبقى_الحسين





فكيت باب اهﻻل صبرك يامحرم
واذن خضار الخيمه عمرك يامحرم
وصلينه چم حسره:::ابظهرالجرح طبره

•••••••••••••••••••••
أنشكبن أجروح أويهلتك من تجينه...
والحمل هم رادله أچفوف التعينه...
ابنبرة أذانك الدنيه أمسة حزينه...
واليل بيهه اتخوصر وهوه أبعرينه...
^^حتى النجم هم حار بأمرك يامحرم^^
^^وأذن خضار الخيمه عمرك يامحرم^^
ظل مستعر جمره:::أبظهرالجرح طبره
يامحرم------------------يامحرم
•••••••••••••••••••••
أنعيش بيك ابكثر ماشايل كﻻيف...
واليل ينزل يصبغ أچفوف المظايف...
أيخظر الناي ابضهر ريت الصرايف...
الهوه من يشبكهن اتفز الطوايف...
^^حلم چم دمعه التفسرك يامحرم^^
^^وأذن خظار الخيمه عمرك يامحرم^^
وملثمه العبره:::ابظهر الجرح طبره
يامحرم-----------------------يامحرم
•••••••••••••••••••••
اليوم يحظن يوم والمدمع تهدل...
أوثوبنه أسود يبقى لتضنه أيتبدل...
أشما رچينه اجروحنه بالهم تدلل...
من تدورنه انتنفس كلشي مقتل...
^^وبالحسين أيعيش سرك يامحرم^^
^^وأذن خظار الخيمه عمرك يامحرم^^
أتصدق ابعمره:::بظهر الجرح طبره
يامحرم-------------------بامحرم
•••••••••••••••••••••
حسين تلگه أبمنحره شايل سﻻاله...
ل.لله هذا العمل ماراد ابداله...
حتى هاي الشمس حرگت فَيْ جهاله...
وأنت تطلع خيمه وبحرگك رساله...
^^ونار تتبده أعلى كبرك يامحرم^^
^^واذن خظار الخيمه عمرك يامحرم^^
وتچوه ﭼم مره:::بظهر الجرح طبره
يامحرم-----------------يامحرم
•••••••••••••••••••••
راح احط بيدك جرح ﻻ ما رحمني...
وتنخمش أيام عمري من يمرني...
أبيوم من صاحت رقيه بويه أذني...
الگاع توگع بيه وأتبده وتلمني...
^^وبحرگت الترچيه أخبرك يامحرم^^
^^وأذن خظار الخيمه عمرك يامحرم^^
عيش ابكبر صبره:::بظهر الجرح طبره
يامحرم-------------------يامحرم
•••••••••••••••••••••
خادم أهل البيت..ع..
أبوحسين السرﮔودي…

الگبرچ اشتاگيت اشوفه ابياكتر
ودمعت عيني وتبلل چم صبر
حتى اعتذريالزهره الچ حتى اعتذر
يم كل گبر يالزهره الچ حتى اعتذر
:::::::::::::::::::::::::::::::::::::::::::
تعثر اعيوني ابمدامع ظل حزنهه...
والجروح اتسيل وتبلل چفنهه...
روحي شمعه واحترگ واهس حظنهه...
والضوه اطشر اويم گبرچ ظعنهه...
•••وأهمس ابجرحي ألم•••
•••واشتعل مثل الخيم•••
واقره بالفاتحه الچ تسهيل امر
ودمعت عيني وتبلل چم صبر
حتى اعتذر يالزهره الچ حتى اعتذر
يم كل گبر يالزهره الچ حتى اعتذر
::::::::::::::::::::::::::::::::::::::::::::
گمت اشم بذيال گبرج محترگ ثوب...
وكل شبر شميته اشمن دمعة اغروب...
وشفت دمع المرتضى امسبلچ احبوب...
الهسه باقي صوت چفنه ايذوب اﻻگلوب...
•••گمت ادور عالاثر•••
•••محجبه عيون الصور•••
من اذكرچ ظلعي احسن ينكسر
ودمعت عيني وتبلل چم صبر
حتى اعتذر يالزهره الچ حتى اعتذر
يم كل گبر يالزهره الچ حتى اعتذر
:::::::::::::::::::::::::::::::::::::::::::
صرت اصور يومچ اوفزت دمعتي...
وكسر ضلعچ نار ورث دم حرگتي...
وحگ صوت اظلوع ابو اليمه وحسرتي...
لون عندي ولد عشره چا سمعتي...
•••چان ضحو بالرگب•••
•••لبن قتال العرب•••
الخاطرحسين العمر فدوه العمر
ودمعت عيني وتبلل چم صبر
حتى اعتذر يالزهره الچ حتى اعتذر
يم كل گبر يالزهره الچ حتى اعتذر
::::::::::::::::::::::::::::::::::::::::::::
بروحي اعيش الغربه وتنفسهه وحدي...
وبشليل اعذاري چم حسره انه عندي...
ردت من عباس كون اخوانه تبدي...
وعاگده اعيوني بجربته ابصوت وعدي...
•••يبني ﻻ تنسه العهد•••
•••يبو فاضل للأبد•••
ارد اشيلن راسي بيكم وافتخر
ودمعت عيني وتبلل چم صبر
حتى اعتذر يالزهره الچ حتى أعتذر
يم كل گبر يالزهره الچ حتى اعتذر
::::::::::::::::::::::::::::::::::::::::::::
وصوت من المگبره ابنبرة دمعته...
صاح يم عباس راسچ عالي شفته...
ودمهم. ابكربله عالغبره عرفته...
ونتي وفيتي وحگ گلبي اوحسرته...
•••الخيم بيهم اذنت•••
•••الدنيه بيهم سولفت•••
والنصر بيهم يگبر بالنصر
ودمعت عيني وتبلل چم صبر
حتى اعتذر يالزهره الچ حتى اعتذر
يم كل گبر حتى يالزهره الچ حتى اعتذر
::::::::::::::::::::::::::::::::::::::::::
خادم اهل البيت*ع*
ابوحسين السرگودي...
::::::::::::::::::::::::::::::::::::::::::

وين ماألزملي صفحه الگالي أخ

#العليله

••••صورة ضعن..نار اوطن••••
••تخنگني كل مسيه••
••••••••من مشو خلوني••••••••
الدمعه لون عيوني
•••صورة ضعن… نارأوطن•••
•• تخنگني كل مسيه••
.......................................
انه فاطم من ونيني ادمع اعيون العرش---
الحسره بظلوع المأذن من اونن تنفرش---
فارگوني أورگض بالي والگلب ظل منخمش---
وانه طفله وشيب نوحي خله چفي يرتعش---
بعداﻻبو...شتلگه حلو... بس تعشگ المنيه••••
صورة ضعن... نار اوطن...تحرگني كل مسيه•••
••••••••من مشو خلوني••••••••
الدمعه لون اعيوني
............................................
أگعد اوجرحي يسولف واﻻلم يلزم سره---
وگلبي يطشر ولمه چنه بيهم هم دره---
فارغ الكاروك اشوفه والله يكتل منضره---
سهم بي وتلولي حسره مگبعه ومحيره---
وينعه الدمع...هم منفجع...
والونه زينبيه•••
صورة ضعن… ناراوطن… تحرگني كل مسيه•••
••••••••من مشو خلوني••••••••
الدمعه لون اعيوني
...........................................
بعيني اشوفن كل اخوتي مجزره وگلبي انكسر---
وصرة ألم بدموعي بيدي وحرة
أشرب يانحر---
وين ما ديرنهه عيني توگف ابعيني الصور---
بعد شتأمل يجوني علي لوعمي
الگمر---
وجرح العلم...ينزف ألم..بچفوف الحميه•••
صورة ضعن… نار اوطن… تحرگني كل مسيه•••
••••••••من مشو خلوني••••••••
الدمعه لون اعيوني
............................................
وحترگ ثوبي ودمعتي بالخيم من وجرن---
وچم عبايه النار بيهه وماشفتهن فرعن---
ونطفت نارالمخيم ياعلي اوهم ماطفن---
بين خيمه اوخيمه منحر والحرم يتراگضن---
وصحت ابدمع...بچه الجمع...
من طگو رقيه•••
صورة ضعن… نار اوطن… تحرگني كل مسيه•••
••••••••من مشو خلوني••••••••
الدمعه لون اعيوني
...........................................
شحچي عن لليلة وحشتي هم مثلهن مانمت---
عشت بحساس المصيبه بيامصيبه اتألمت---
من شفت عمتي العقيله تحرس انه اتوزرت---
وگمت احشم گوم لينه گوم ياحيدرصحت---
وشفت الجرح...ينزف صبح...
ضل فوگ الوطيه•••
صورة ضعن… نار اوطن… تحرگني كل مسيه•••
••••••••من مشو خلوني••••••••
الدمعه لون اعيوني
""":::::::::::::::::::::::::::::::::"""
خادم اهل البيت..ع..
ابوحسين السرگودي...
"""::::::::::::::::::::::::::::::::::"""

بروح اسم العطش زارع جرف عباس
أبگاع أذن النهر غزرة سالفته!!!
شال الماي بيده وشافه ميت لون
ولا نسمة أملاوحة گاع جايسته!!!
نكت گصة النهر مالگه گطره اتعيش
حتى الروجه يابس مايهه أبگصته!!!

عاشق قمر العشيره
خادم الحسين أبوحسين السرگودي…