أستاذ اليوم طلعت من الامتحان واني ممسلمة الدفتر فارغ و ولا خيبات أمل صارت
الحمد لله جاوبت وأمتحنت وأمي كومة تدعيلك
صح مو ١٠٠ ومقهورة على هالشئ لان أني جنت متوقعة الفيزياء ١٠٠ بس لان رحت ممكملة المادة بيوم ونص واني مريضة والمادة بيها نقوصات واكو فرع عفته على النص لان سحبوا الدفتر مني🥲 بس الحمد لله
أستاذ احنا محضوضين بيك ومراح ننسى أي شئ قدمته النه وانتَ الوحيد المعفتنه وحدنا الهاللحظة بحيث بهاليومين عززت الثقة عدنا بوجودك ويانه 💙

شُكراً على كُل لحظة أنطيتنياها

السلام عليكم استاذ الحمد لله اليوم جاوبت وشكرا استاذ على كل تعب تعبتة ويانة الصراحة جانت الفيزياء حلوة ولطيفة بفضلك وانت جنت اكثر من استاذ جنت مثل الاب النة
تستاهل كل الخير
والدية يسلمون عليك

الحمد لله جنت انتظرج ♥️
بطله وهذا استحقاقك

مرحبا ستاذ
شكرا جزيلا ع كل دقيقة تعبت بيها ويانه
اكثر ماده كنت حابه انو تجي بيها 100
بس حرامات مالحكت ع وقت🥺
بس ع كل حال الحمد الله ♥️
ربي يوفقك استاذ 😍
صراحه فرحانه لان خلصنه 😊
بس خلاص قصه الفيزياء من 2022/6/12 الى 2023/7/12 انتهت مع 🥹
#استاذ احمد فيصل♥️♥️♥️

شكراً استاذ على كُلشي مقصرت
وشكراً لأن بقيت ويانه لأخر لحظة
جنت رايده اجيب 100 بيه لان الصراحة كُلش تعبنه على المادة وهواية درسناها وجانت من اكثر المواد الي احبة ولكن شائت الاقدار وكعت بفخ السؤال الثاني A بس مضجت لأن انتَ انطيتنه كُل الي عندك من مادة واكثر واني بذلت كُل طاقتي وقتي الحمدلله على كُل حال

الحمدلله استاذ جاوبت زين بفضلك و اشكرك على تعبك ويانه مقصرت رحم الله والديك و جانت سنه حلوه كضيناها وياك استاذنه الغالي❤

عاشت ايدك استاذنا الاسئلة كله عرفناه ويه الترك
انتظرنه نبشرك بالدرجة طلاب الالكتروني ممتنين على اهتمامك بينه و خصوصا فترة المراجعة ذيج الامتحانات االتراكمية الطويلة

كروب K
فد طلاب مخيفين ان شاء لله هسنه الصداره بكل شيء اني وطلابي ♥️🥼

طبعا حبيت اشكرك استاذ لان تعبان ويانه هوايه ولو ما انته جان ما وصلت مرحله انو من كاعد احل بل اسئله جنت ادور عله سوال بي فكره حتى اصفن شويه ماكو 😂وطبعا هذه كله فضل الله ثم فضلك استاذ جدا اشكرك واشكر تعبك ويانه جدا ممنون منك استاذ ❤️ كل حب وتقدير الك استاذ طبعا انيالهم دفعة 2024 لان عدهم استاذ احمد الفيصل

استاذ هسه اجيت والحمد لله

انشاء الله رفعنه راسك

رحمله والديك ع كول شي قدمته النه

الحمد الله
بفضل الله و فضلك درجتي ما تقل عن 97

إسلام عليكم استاذ الغالي ❤️❤️❤️❤️❤️
استاذ اني اليوم امتحنت الفيزياء وفضل الله وفضلك استاذ اسئلة الي جتي
ضحكت عليها 😂
وباذن الله اجيب 100 وافرحك يا احلى استاذ بالدنيا
شكرا الك استاذي الغالي على جهودك والله ايفرحك انشالله وايحفضك يا وردة 🌷

استاذ حبيت اشكرك ابد مقصرت ويانه الحمدلله جاوبت والاسئله كلش سهله بفضل الله وفضلك ❤🥰

شكراً الكم ومن حقكم تفرحون هذا جهدكم وتعبكم ومحد متفضل عليكم ♥️
الرسائل كلش هوايه وشكرا لاولياء الامور الي اتصلو بينا شكراً شكراً للجميع

كلام انشره وبكل فخر ♥️
🌼موسم 2023🌼
وفقنا رب العالمين واكملنا المنهج بشهر 4
بدون ( حفلات وهميه 🥼 )
بدون ( مراجعة مركزة ) وهيه كتاب مصغر
بدون ( مرشحات ) بدون ( اعلام ونشر )
بدون دعم من قنوات كبيره وترويج
بدون تعاون من احد وبطريقة او اخرى بالمعاهد والالكتروني
الحمد لله وبكل ثقه 85‎%‎ من طلابي اليوم
(فول مارك ) وان شاء لله بفريقي من الان اقوله
من (اوائل الكرخ والرصافة) واحتمال العراق .
اشكر الكادر الي يعمل ويانه على طول السنه
من مساعدين وموظفين
شكراً للست ابتهال مسؤله الالكتروني
شكراً للست الدكتورة مريم مسؤله الطباعة
شكراً لمنصة نور التعليمية
شكراً للمساعدين في زيونة والمنصور
شكراً لفريق الطلاب الحضوري والالكتروني
دمتم بخير دائماً وابداً

أ. احمد الفيصل
2023/7/12

السلام عليكم
بخصوص الدورة الالكترونية 2024
صار فتره غلقنا التسجيل علية لان بلشنا بالمادة والامتحانات
ولكن بطلب الكثير من الطلاب واولياء الامور
سيتم فتح التسجيل لمده 10 ايام من الان
والطالب الجديد تعاد اله جميع الامتحانات السابقه ويصير عنده سجل درجات وبدون تراكم .

طبعاً راح تتوفر كميه قليله من بطاقات التسجيل في نفس المكتبات المسؤولة ولمنشوره سابقاً بالقناة
للاستفسار راسلو المعرف :@Alfasal_0