عشت كل سنيني
وانا دمعة بعيني

بالأحزان .. بالأحزان
راح العمر بالأحزان
..................

أبدي من يا صفحة وأشرح عن الأمصاب
عن جنيني الي و گع لو دفعت البـــــــاب
بيه غدرو بويه ناس الچانت أصحـــــاب
آنا اعاتب وادري ابد ما ينفع أعتــــــــاب

ضلعي ضل ياذيني
تألمت تدرينــــــــي

بالعيون .. بالعيون
ماضل دمع بالعيون
..................

ناس ما عرفت كلام ولا وصيه
تعنو البابي واجو دفعو عليــــه
ضربت البسمار راوتني ألمنيـــه
بيك خانو بويه يا سيد البريــه

ذوله همه أصحابك
اجو حرگو بابـــــك

يخونون .. يخونون
بعدك تره يخونون
..................

بويه شاذكرلك شعوفن يا حــــزن
ازرگ من السطره لو شفت الجفن
الأول بنفسه الامرهم بالطعـــــــن
فاطمــــــــــــة بالدار گاللهم وإن

هتك مني حجابي
برجله يرفس بابي

تمنيت .. تمنيت
بعينك شفت تمنيت
..................

دمعة بعيون الحسن وعيون الحسين
ردو يسألون عني فاطمة ويـــــــــــن
يمه چنتي بهل وكت دومچ تصليـــن
مــــــــــو محل نومچ ييمه لا تنامين

سمعت صوت حسيني
حيل ضــــــــل ياذيني

بالجروح .. بالجروح
راح اندفن بالجروح
..................

بحرگه انظر و الدمع عالخد اسيلــه
تبچي يم راسي وتون بنتي العقيله
مثلي بآچر هم غريبة وهم نحيلـــه
تخيلتها شلون تصعد عالهزيلــــــــه

وين الي واسيني
نارهم تچوينــــي

بالهموم .. بالهموم
راح الصبر بالهموم
..................







✍ حسین ألفيصلي

يالگاعد أعلى الگبر .. زینب بقت تنتظر
ارجع يكرار
مرعوبه فزت تون .. دمعتها فوگ الجفن
لوحدها بالدار
..........................

يبو حسين ترى الحــــين نتبهت زينــــب ادور عليــــــــــه
فارغ البيت بيها حسيت يكرار بعجـــــل زينب خطيــــــــه
رايحه بعيد كلشي ماريد أعلى ام عون ارد أوصيك بوصيه
هايه طفله ماهي سهله التفارگ امهــــا تتمنى المنيــــــــــه

أسرع طويل الدرب .. نشف دمعها اليصب
صبرها عالصار
ياذيها هـــذا الحزن .. دمعتها فوگ الجفن
لوحدها بالدار
..........................

بزينب شصار أسأل الدار ضلــــت يا علي زينب يتيمه
تسيل الدموع مثل الشموع تذرف بالمدامع جنها غيمه
گلبي محتار البت يكرار بلايه امها تشوف الدنيه هيمه
يا ابو الأيتام گلها خاتنام أعرف يا علي چفوفك رحيمه

مثل امها زينب صفت .. من الصبه تيتمت
بيها الفلك دار
هم تنضرب عالمتن .. دمعتها فوگ الجفن
لوحدها بالدار
..........................

أخبرها ع الحال و حكم الآجال بيدك يا علي نشف دمعها
لا تونين ياخت الحسين وصيــــه من امچ الكسروا ضلعها
باچر تشوف بأرض الاطفوف مصايب كربله أعظم وضعها
ضلعي لانصاب و حرگت الباب عليه الظالم تعنه و دفعها

يسطرني چف الغدر .. عشت بعمر يا عمر
مشدوها الأفكار
الليـــــــل كلما يجن .. دمعتها فوگ الجفن
لوحدها بالدار
..........................

عتبت الدار بيها إثر نار الحرگ بابي يرد يحرگ خيمهـــــــــــا
ضلعي مكسور وانته مطبور لا انا علي ولا انته يمهــــــــــــا
تعوف الأحباب فوگ الاتراب الشمر يا وسفه يا حيدر هضمها
بس الأحزان كلها عدوان زينب بالحزن طلعت على امهــــــــا

شيرد هذا الزمــــــــن .. نكضي العمر بس محن
سطره وأثر نار
مكسورة كسرت غصن .. دمعتها فوگ الجفن
لوحدها بالدار
..........................

فد معانات كلها مأساة صارت قصتي قصتها العقيلـــــــــه
تبچي وتنوح للسبي تروح إذا هضموها ياهو تشتكيلـــــــه
تنظر شلون تمشي الضعون شلون الحره تصعد عالهزيلــــه
بروحت الشام وذيچ الأيتام تضل محتاره والمدمع تسيله

تحمل مرار شكثر .. آه أعلى ام الخدر
تحديها كفار
آثار فوك الوجن .. دمعتها فوگ الجفن
لوحدها بالدار
..........................












✍ حسين ألفيصلي

شهد ما شفت من دنياي .. بسمار
وجرحي لا تضن فد يوم .. بسمار
كسـر ضلعي بهذاک الباب .. بسمار
بيوم ألدفعته أشرار ألبريه
..................................
دمـع العين ما ينگطع .. منصاب
على ضلعچ إلي بالباب .. منصاب
ألـچ مأتم حزن بالگلب .. منصاب
ويضل هالنوح دايم للمنية
...............................

✍حسين ألفيصلي

لمنع عبـــــــاس خلوا .. شرطة عالماي
حرس و جروفه يدرن .. شرطة عالماي
شرط هيچ ابو فاضل .. شرطة عالماي
زحف يوصل خيام الهاشميه
.................................

تعنه العلـــــم بيده .. صدف الماي
يخزره ومنه يرجف .. صدف الماي
غرف بچفوفه شاله .. صدف الماي
ذبه وما شرب جدام أخيه
.................................

وحق الما خلــف بالطف .. لك الما
النهر و الجيش صاحوله .. لك الما
نزل و بجربته الكافــــل .. لك الما
مگيد مأخذه الخيمة رقية
.................................
حسين ألفيصلي

انكسر ضلعي و على الحايط طحت
يبو الحملـــــــــــه دخيلك حشمـــت
عليا وا عليا وا علي
........................

صحت بسمك يليث الموزمـــــه
دخيلك يا علي حامي الحمـــــه
ترى ماتت تعال الفاطمـــــــــــه
ضلمه الدنيه احس ذيچ المسيه
عليا وا عليا وا علي
........................

يجر حسره النظر مره اعله حالي
شاسولف عن قهر وكتي الجرالي
مصايب دنيتي وظيم الليالـــــي
مثل سرب الگطه التمن عليـــــه
عليا وا عليا وا علي
........................

تعنوني اعله بيتي و شبو النـــــار
ورا الباب انا اصيحن گلبي محتار
من دفعو نبت بضلوعي بسمـــــار
بسوط من انضرب اشكف بديـــه
عليا وا عليا وا علي
........................

علي هجمو واجوني الما يرحمــــــــون
دخل منهم شخص طگني اعله العيون
لان موصـــــــــــه حيدر هم يـــــدرون
يدرون بعلـــــــــــي عده وصيــــــــــه
عليا وا عليا وا علي
........................

ولاني الماله رحمه وانا وحـــــــــدي
أمر من السقيفه يگلي عـــــــــــــدي
رفسني برجله رد طگني اعله خدي
من سوطه شفت ظيم واذيــــــــــه
عليا وا عليا وا علي
........................

آه بحالي شوف شسوه دهــــــــــري
بس اثمن طعش عام انا عمــــــــري
يعرفونه الاجه وطگني اعله صدري
لكن شيعتي ادور تقيــــــــــــــــــــه
عليا وا عليا وا علي
........................








✍حسين ألفيصلي

بحروف إسمك بقيت الهج .. ورا التل
شكثر عباس حــــــشمتك .. ورا التل
بكلامـــــي الرادني اتعثــر .. ورا التل
وإنه أختك ما اذل يدرون بيه
................................؛
الساني الما عثر مــــــره .. باكلماء
يبو فاضــل على زنودك .. باكلماء
تعال وسكــــت الشامت .. باكلماء
الشام و كربله انطبگت عليه
................................؛

✍حسين ألفيصلي

زينب تصيح هـل مسيــه
الله وياچ يالزچيــــــــــه
غدا يا بنـــت النبـــــــــي
من امشي بدروب السبي
جمر الخيام يچوي اديــه
الله وياچ يالزچيــــــــــه
..........................

بالطفوف هناك تفزع عالخيم جيش الكفـــــر
ومثل ضلعچ ضلع اخوي حسين باچر ينكسر
و ينگطع عباس چفه و وليه يولينه الشمـــــر
بكربله نصبح سبايــــــــه يروح حماي الخـدر

طولي ينشاف والله حيره
انحني شلون انه اميـــــره
الكون استره بمعصبــــــي
من امشي بدروب السبــي
بيه يدرون هاشميــــــــــه
الله وياچ يالزچيــــــــــــه
..........................

راح اراويهم صمودي ما اذل مهما حصـــل
الزود بيه من ابو فاضل انه تربات الفحــل
من اطب بالقصر واخطب الا البسهم شيل
ما اذل هيهات واركع وحق چفين الكفـــل

صوت الحسين يبقى ثورة
حتى لو مات انه انصــــره
هذا عهدي ومطلبـــــــــــي
من امشي بدروب السبــي
لا تهمين يمه بيــــــــــــــه
الله وياچ يالزچيـــــــــــه
..........................

ذكرى من عباس ضلت بيدي خيط من العلم
شده بچفوفي ابو فاضل من طلع من الخيم
كربله زغيرونه گلي و طولچ بكبر القــــــــمم
القوس لمن يحني ظهره يشمر بعيد السهـــم

من طلع گال يالعقيلـــــه
يفرع الكون وانتي شيله
الشام اروح اطي عبــــي
من امشي بدروب السبي
هيج عالبال عندي نيــــه
الله وياچ يالزچيــــــــــه
..........................

حسين اخوي النصباني اعلام اصير لثورته
من بعد عباس اصيرن انا حامل رايتــــــــه
فكروه يموت صوته الشمر لو حز رگبتــــــه
انا ذو الفقار صوتي من احچي تكتل چلمته

من يصيرون هم خيبـــر
انا بالشام چفي حيــــدر
فارس الهيجاء أبــــــــي
من امشي بدروب السبي
حتاروا الگوم حيره بيه
الله وياچ يالزچيـــــــــه
..........................

بيه من حيدر شجاعة ما يذل بيه العــــــزم
لو حچيت گبالي تسكت تخرس حلوگ الزلم
التراب تراب يبقى ما يصل صيت النجــــم
عني من شافوني گالو اخت عباس الشهــم

لو يضل يوم كل حياتـي
الستر خيط من عباتـــي
بيه يفخر كـــــــــــل أبي
من امشي بدروب السبي
بصبري ذليت آل أميــــه
الله وياچ يالزچيـــــــــه
..........................








حسين الفيصلي
@ALFAESALY

#للأم

يا شمعة حياتي الضاويه البيــــت

احن الشوفتچ يا يمه كل حيـــــن

من گد ما بچت بفراگچ دمــــــوع

تعالي وشوفي بعدچ راحت العين

اتذكر گعتچ وين مــــــــــــا اروح

شحلات اليمه بلسانچ تصيحيـــن

ضل بالبيت عطرچ باقي لليــــوم

عاش أبالي صوتچ باقي للحيـــن

شكثر ناديت بسمچ گومي وياي

يا يمه شعجب شو ما تسمعيـــن

زاعلت الفرح من رحتي لليـــــوم

وصاحبت الدمع والونه تدريـــــن

اضل مشاگلچ گد ليــــــــل الفراگ

لو حتى بحلم رتچ تمريـــــــــــــن

خذيتي وياچ روحي ونور العيون

الدمع بعدچ عمالي عيوني الثنين

كلشي يروح بس ذكراچ هيهـــات

تضلين أعله بالي وما تروحيــــــن




✍حسين ألفيصلي

نار و دمــع .. مثل الشمع .. هيچ احترگ سكته
دمعاتي دم .. بــس الألم .. بضلوعــي كاتمتـــه

ابچي و اجرن حسرات
لمن شفت محسن مات

بگد ما بچيت بدمعي غسلته
..............................؛

أجر حسرات و أون ونت عــــــــذاب
من ألتفت وگبالي أشوف بعيني باب
المحسن بحاجت حضن مو عالتراب
بيك لو ما ينعصر چا هسه شــــــاب

طير الفرح .. ليش انذبح .. عمر الورد عمــــره
دمع الجفن .. يروي الحزن .. عالخدر أثر سطره

لا ما اعيشن هيهـــــات
لمن شفت محسن مات

شلون اعيشن عمري ودعته
..............................؛

رته ما يسمع ابو حسين بونينــــي
بالحجاب اگباله دوم مغطيه عيني
ياكل بگلبي ألم شوگي و حنينـــي
نار ضلعي التلهب و فرگت جنيني

گبالي المهد .. مـا بي ولد .. بس تجري دمعاتي
من تعتلـــي .. يسمع علي .. ما اعلي و ناتــــي

ماتت بشفتي الضحكات
لمن شفت محسن مــات

ظيم شکثر مرني وتحملته
..............................؛

دمعي ما ينساني لحظة ولا نسيته
عمري بس انحب و اونن خلصيتـه
بابي بالنار اشتعل شنهي الجنيتــه
والدي عني مشه و خانوا وصيتــه

راحت فدك .. ستري نهتك .. بس غمضن عيونه
بيا ســــبب .. جابو حطب .. ابابي يشعلونــــــه

ما عندي غير الدمعـات
لمن شفت محسن مات

لو يسوى اعاتب دهري عاتبته
..............................؛

من اعتنه لبيتي واجه البايع ضميره
بالدموع تحيريت شلون حيـــــــــره
وجهي وين ليا كتر يا صوب اديــره
طحت بين الباب والحايط اسيـــره

تحيـــــرت .. ما حشمـــت .. حيرني موضوعي
طگني وطحت.. بس ماصحت.. من كسر ضلوعي

جرحتني هـاي المأساة
لمن شفت محسن مات

ماي وتبده گبالي شاهدته
..............................؛

انوليت المن اسولف واشكي واضعي
عالترب طايح جنيني ويجري دمعي
انحنيت بحسرتي و ايدي اعله ضلعي
تالي خلاني الزمن مجروحه وانعي

حيلي نهدم .. عشت بألم .. مات الهوى بريتي
لمو حطب .. شنو السبب .. ليش حترگ بيتي

كل عمري خلص لوعات
لمن شفت محسن مات

مر بيه تالي الما تصورته
..............................؛





✍حسين ألفيصلي

گلبك الله يعينة | اداء ملا هشام المياحي

كلمات الشاعر حسين ألفيصلي

https://youtu.be/uZNYInDhcGE