يملك الموت جاي شتلگه بيه
گبل موتي متت بالغاضريه
طلعت روحي أحس بحرگ الخيام
متت من طلعوا زينب سبيه
...............................1

عليل الطف واساهر باليالي
اگضي الليل بس ابچي أعلى حالي
راح بكربلاء شعندي غالي
غير جروحي بالطف ما بقالي

اساهر ويه دمعي بليلي مانام
بكل جرت نفس شفت المنيه
................................2

يا جرح الاذكره وياهو أنساه
خلصت العمر آه بأثر آه
أخذ روحي برحيله الغالي وياه
ابوي المنذبح وتصدلي عيناه

رأسه المنذبح شالته ظلام
من فوگ الرمح ينظر عليه
..............................3

أهلي أعلى الترب ضلوا ضحايه
بالطف ما شفت غير المنايه
المصايب تجري أشوف بلا نهايه
من بعد الذبح درب السبايه

اطفال وحرم مشوها للشام
على الناگه الحبل خانگ رقيه
................................4

تمنيت ويه أهلي اتگطع أوصال
ولا أشوف العقيلة بچفهه الحبال
عليل وفوگ ناگه شوصف الحال
جرح درب السبي ما يشفه كتال

شفعلوا بينا ناس التدعي إسلام
ميعرفون الله و لا نبيه
.............................5

متت من حرمله سدد نبلته
أعلى عبدالله الرضيع وحز رگبته
ابوي حسين ضل محتار شفته
الظليمه يصيح يا عالم سمعته

متت حسرات لمن شفت لحسين
وحيد وحاير بذيچ المسيه
..................................












حسين ألفيصلي

شهر حزنك سيدي مر بينــــــــه
يا حسين اعذرنا اخافن قصرينه
يا أبا عبدلله .. يا أبا عبدلله
....................

الدمعة ما تكفي و لا لطمة صدر
الثوب الأسود ما يوفيلك عشر
من اجلنه بكربله انطيت العمر
الدين لو ما تنذبح ما يستر

حين بالطف قدمت دم الشهادة
علمتنه أعلى الصمود و عالاراده
يا أبا عبدلله .. يا أبا عبدلله
....................................

انته بيدك قدمت الأكبر ضحيه
علمتنه نموت منهاب المنيه
شما بچينه شما لطمنه بكل عزيه
ما نوفي دمعه وحده من رقيه

لسهم لو ما ذبح نحر الرضيع
ندري هذا الدين ما يبقى ويضيع
يا أبا عبدلله .. يا أبا عبدلله
.....................................

زفت القاسم اذا مو عالسيوف
ما اعرفنه ودين واضح ما نشوف
موقفك يالمنذبح بأرض الطفوف
لازم ادرسه بمناهجها الصفوف

ثورتك من أطلقتها أعلى الطغاة
نعم دمك سأل بس خضر حياة
يا أبا عبدلله .. يا أبا عبدلله
.....................................

الدمع لجلك سيدي مهما يهل
ما يعادل قطرة من دم الطفل
قدمت عبدالله بيدك للنبل
حته نندل الطريق وما نزل

شمعة للتايه يدلي خنصرك
انته درب الحق رسمته بمنحرك
يا أبا عبدلله .. يا أبا عبدلله
....................................

يعرضنه الطف بقه أشكال الصور
شفنه بيها الدم على السيف انتصر
چفوف شفنه مگطعه بجنب النهر
شال رأسه الدين بيهن و فتخر

لگمر لو ما يضحي اثنين أديه
ما عرفنا الحق ولا نسأل عليه
يا أبا عبدلله .. يا أبا عبدلله
.....................................










خادم أهل البيت ع
حسين ألفيصلي

كل عام .. نعتني مشايه
كل عام .. الحسين الغايه

ما نعوف زيارتــــــــــك
بصوت صاحت شيعتك

كل عام .. شيعتك و فايه
........................

عهد ثابت يا حسين و للأبد
يعتنيلك حتى طفل البالمهد
احنى شيعه وابد ما نخلف وعد

رايات .. بسمك نعليها
رايات .. ثار نطلب بيها

الطاغي ذل بثورتك
بصوت صاحت شيعتك

كل عام شيعتك وفايه
.....................

ما تهمنه بهل درب كل المسافات
يا حسين بكل زمن مرفوعه رايات
نزور قبرك سيدي رغم المسافات

نزور .. وين الي عادينه
نزور .. الكافل و چفينه

جنه شفنه بحضرتك
بصوت صاحت شيعتك

كل عام شيعتك وفايه
.....................

بالدرب نمشي وننادي بصوت يحسين
ما نعوفك للأبد عدلين ميتين
نمشي و بدربك نردد نبقى كل حين

للموت .. هالدرب منعوفه
للموت .. شيعتك معروفه

وين ناس العادتــــــــك
بصوت صاحت شيعتك

كل عام شيعتك وفايه
.....................

اصغار و كبار اعتنينه لكربله اليوم
نردد بصوت و ننادي حسين مظلوم
رأيتك مرفوعه تبقى بعلو الانجوم

يحسين .. هذا صوت أنصارك
يحسين .. جينه نطلب ثأرك

تضل ترفرف رأيتك
بصوت صاحت شيعتك

كل عام شيعتك وفايه
.....................







✍ حسين ألفيصلي

الحمد لله على منّه ورحمته الواسعة ان شملنا بلطفه فجعلنا من زوار صريع الدمعة الساكبة .. الذي حقّ أن تبكيه كل عين .. 
نسال الله ان يرزقنا واياكم شفاعته وجواره يوم الحساب .. إنه سميع مجيب ..

يا رسول الله الوداع الليله
فاطمة تبچي و دمعهه تسيله

تصيح بويه تعذبت .. وداعت الله يالرحت
.....................................

تسمع ينادي الرسول
بويه يالزهره البتول
گلبچ أعلى فراگي اريدن يقوه صبره

الليلة آخر ليلة هاي
خلي اودعنچ تعاي
بويه يالزهرة الزچيه وداعت الله

آنا رايح عنچ بهاي المسيه
للمصايب شدي حيلچ يالزچيه

غير لهموم اشفت .. وداعت الله يالرحت
يا رسول الله الوداع الليلة
...................................

الدنيه ضلمه بلا ضواك
خنگه لو ما اشم هواك
رايح وتاركلي بس همي وعذابي

ليلة وداع وسهر
وانته ناوي أعلى السفر
شنو بعدك لو رحت يجبر مصابي

بويه بعدك ينكسر مني الضلع
يالخذت كلشي وعفت بس الدمع

بصوت الموادع صحت.. وداعت الله يالرحت
يا رسول الله الوداع الليلة
...............................

هذا وكتك مو أمان
الخيانه بكل مكان
بويه اخافن ما يحفضون الوصية

لبابي لو بالخيل اجو
و لوصيتك خالفوا
ينكسر ضلعي اذا دفعو عليه

بكل وقاحة تجاسرو وبكل صلافه
من علي الكرار سلبوها الخلافة

بهل مصاب تحيرت .. وداعت الله يالرحت
يا رسول الله الوداع الليلة
...............................

نودعك اليوم وتروح
تبقى بس دمعة وجروح
يلي اغله من ألهوه الاشتمه انته

من زماني شانتظر
خذت وياك العمر
گلبي كله جروح بغيابك تركته

گلبي مجروح برحيلك ما يطيب
وادري ما ترجع تطول بالمغيب

كون تدري شگد نحت ..وداعت الله يالرحت
يا رسول الله الوداع الليلة
..............................

من كثر وإني الحزين
ما اوچد دربي وين
عيوني راحت من كثر ما صب دمعهه

أيدي احطها أعلى الضلع
ابچي ويسهل الدمع
سنيني بعدك من رحت طفو شمعهه

ليلة وداعك تمنيت المنيه
انته رايح وادري ما ترجع عليه

ابچي أضل بكل وكت ..وداعت الله يالرحت
يا رسول الله الوداع الليلة
..............................






✍حسين ألفيصلي

الليلة مو مثل الليالي
غالي و يودعله غالي

فاطمة و حيدر اجو .. ويالرسول توادعو
غالي و يودعله غالي
........................

لليلة من دون لليالي بيها بس حسره ودمع
كل گلب نار بوداعك يحترگ مثل الشمع
الدنيه ظلمه بلا وجودك طفوا النور اليشع
ما رحت بعدك يبويه وصار يوجعني الضلع

ودعتنه وكلشي ضاع
ريته لا صار الوداع
عيون بوداعك بچو .. فاطمة وحيدر اجو
غالي ويودعله غالي
.......................

تدري نورك لو هجرها ظلمه تصبح دنيتي
بس شأگولن وانته رايح ما ترجعك دمعتي
آنا اودعنك واحسه السيف طابر هامتي
وصرت اشوفنها الخيانه بدم تخضب شيبتي

گلبي ضل شگد يحن
عفت دمعة بكل جفن
بدمعة وداع اعتنو .. فاطمة وحيدر اجو
غالي ويودعله غالي
.......................

احنه شاغلنه وداع و الربع عقدو سقيفه
و الوصية الي عفتها علي ما يدنه سيفه
ضدنه صارو بويه تدري لجماعه لمو شريفه
قررو ينكسر ضلعي جرحي ما يگطع نزيفه

گالو نزل دمعهه
فاطمة وكسر ضلعهه
بالمسير ستعجلو .. فاطمة وحيدر اجو
غالي ويودعله غالي
.......................

الشكوه ل الله ماكو غيره هناك لوصار لحساب
شهود عندي أعلى الجريمة ضلع عندي وعندي باب
وهذا محسن خلي يشهد جبته من فوگ التراب
بيا ذنب كسر ولي ضلعي خلي ينطون الجواب

ليش كسرو ضلعي ليش
ليش ما خلوني أعيش
لهل مصيبة تحسرو .. فاطمة وحيدر اجو
غالي ويودعله غالي
.......................

كل مصيبة لبينه صارت الهم بمسعاها ايد
بالسقيفه الاسسوها بيها صنعوا چم يزيد
طورو بيها الخيانة وعلمو ذبح الوريد
لكن يصفيها سيفه صاحب اليوم الشديد

شما يطول الإنتظار
المهدي يظهر عنده ثار
بهل قضية تحيرو .. فاطمة وحيدر اجو
غالي ويودعله غالي
.......................












✍ حسين ألفيصلي

((يا عباس يا خويه طحت ويـن))

نكسر ظهري عليك وظهر لحسين

ترضى لوحدي اردن للصواويــــن

بعد ما أشوف دربي يا ضوه العين

مثلك يا ابو فاضل يحصل منيـــن

يا غيرة علي يبن أم البنــــــــــين

تون روحي عليك تريدك لحيــــن

يزينب عن كفيلچ لا تسألـــــــــين

نايم عالنهر ما عنده چفـــــــــين

الخفت من عنده صار وحقق البين

ياهو لعني يدفع ضيم لسنيــــــــن

بعد عينك اخاف نطب دواويـــــن

گلــــت مدللة بجالي تضليــــــــــن

هسه أعلى الهزل مچتوفه اليدين

نار البالگلب مثل الكوانــــــــــين

أسأل عالبقو عدلين ميتــــــــــين




✍ حسين ألفيصلي

الكون أظلم وناصب .. مأتمنه
شچم شاب المعدل .. مأتمنه
الگلب تدري شتمنه .. مأتمنه
بگبر واحد يدفنونه سويه

✍حسين ألفيصلي

هاي الليلة اخر ليلة وياك
فراگك مو سهل حته اكَدر انساك
بويه بويه
_______________

انا الزهــــره وغيابك عذباني
الدهر بسهام من بعدك رماني
حزينة وبس دمع بعدك تراني
الفرح بعدك رحل مارد نساني

بويـه بويـه
_________________

بعد عينك شفت بويه المصايب
بقيت بهم تراني ودمعي ساچب
دارت مــن غبت ضدي النوايب
ششرحلك بعــــــــد دلالي ذايب

بويـه بويـه
___________

صــــــار بغيبتك زايد انيني
الضلع مكسور ولسطره اعله عيني
العدو عالدار بعدك يعتنيني
دفع بابي وسكَط محسن جنيني

بويـه بويـه
________________

بعــــــدك خالفو دين الشريعة
يبويه وما رعـو بعدك وديعة
بعيني ضاكَت الدنيه الوسيعة
جـــرائمهم يبويه شكَد فظيعة

بويه بويه
________________







✍ حسين ألفيصلي

يزينب ..يزينب ..يزينب إنا عبـــاس
يزينب ..يزينب ..ألچ چفيني حراس
...............................................

يزينب إنـا المشكــــــــر ...
ياهو ليدنه ألج يكَــدر
أنا ابن القلـــــــع خيبــر ...
أنا العباس
أطب المشرعــة بزودي ...
الكل تعرف مكَصودي
أجيب المشرعة بجودي ...
أنا العباس
مو احمــــــــر يسموني ...
جيش ألطف يعرفـوني
أمــوته بخزرت عيوني ...
أنا العباس

يزينب ..يزينب ..غيري الحدة ينداس
يزينب ..يزينب ..ألچ چفيني حـــراس
..................................................

المـــــوت تحدد بكيفــــــــي ...
لعبتي من الزغر سيفي
أخذت من الكفــــــــر حيفي ...
أنا العباس
أنا ابن الشطر مـــــــــرحب ...
وكت الموزمه مجــرب
تعرفني ألحومه من اغضب ...
أنا العباس
ابد ما اترك حســــــــــــيني ...
نذرت لعمـــــره سنيني
أحـــــامي بسيفي عن ديني ...
أنا العباس

يزينب ..يزينب ..كلمة لكَطع الأنفاس
يزينب ..يزينب ..ألچ چفيني حراس
...............................................

انه صولاتي معروفـه ...
انه ابن الزلزل الكوفــة
اخوج وعينج تشوفـه ...
أنا العباس
يزينب لـــــو ألج ظنه ...
النهـــر مجتوف اجيبنه
وإذا ترفضينه اذبحنه ...
أنا العباس
اخوج بيمنتي الرايــة ...
انتظر من عندج حجايه
أجيب العلكَمي بمايــه ...
آنا العباس

يزينب ..يزينب ..أذلهم يختي الارجاس
يزينب ..يزينب ..ألچ چفيني حراس
...............................................

نزلــــــت بجفي بتاري ...
بعــد ما تنخمد ناري
تجيج وتوصل أخباري ...
أنا العباس
أنا الموصوف بالغيـرة ...
اخلي العسكر بحيرة
نزل عباس لــــو غيره ...
أنا العباس
أسد وكت الحرب أزئر ...
تضل هل كلمه تتكرر
أجــه العباس لو حيدر ...
أنا العباس

يزينب ..يزينب ..تحير بصولتي الناس
يزينب ..يزينب ..ألچ چفيني حراس
...............................................









✍ حسين ألفيصلي

لا ينشغل بالك عليــــــــه
وي عمي أروح بلا وصيه
من أبرز بسوح المحـن
اهتف أنه نجل الحسن
...................

تارك وصيه و عمري سنتين
كاتبلي لا لا تترك حســــــين
يا بويه أمرك شلته بالعــــين
عن وگفتي تحچي الميادين

ما اعوف عمي لوحده
ما يبقى ناصر عنده
مثل الأسير المرتهن
اهتف أنه نجل الحسن
...................

يا بويه روح موعدع الله احچيها
تبقى الوصيه بروحي مخليـــــها
روحي لحسين بكربلاء انطيــــها
مثلك اصير الصعبة ماهم بيــــها

بحزامي أشد عمامتك
بسيفك أصول ورايتك
بوگفتي حتار الزمن
اهتف أنه نجل الحسن
...................

بهاي الوصية ليش شاغل بالك
آنا ابنك و باچر أعيد أفعالــــك
ما تخشى من الموزمات أمثالك
تنادي كلها بهل ولد هنيــــــالك

بالصعبه ما أعز روحي
و الحنه دم جروحي
بليلة زفافي البس چفن
اهتف أنه نجل الحسن
...................

چن وگفتك وكت الحرب وي حيدر
لمن چنت تكسر ظهور العسكـــــــر
هيچ اوگف ويحسين من يتحيـــــر
الطف اصبغه من المناحر أحمــــــر

يا والدي من الفيهم
الگاع تهتز بيهم
تحتار بيه أهل الوثن
اهتف أنه نجل الحسن
...................

فن الحرب درسني عمي العباس
لمعلمه أخو زينب أبد ميطخ رأس
عن صولتي تسأل تضل الارجاس
هذا الحسن لو حيدر لرد عالناس

يموت اليلاگيني
مو سيف اذبحه بعيني
الطعنات من يتشابكن
اهتف أنه نجل الحسن
...................












✍ حسين ألفيصلي