فدوه لحسين يدنيه فدوه لحسين
أربــــع أبنين أقدم أربــــــع أبنين

ناذرتهم .. اربعتهم
فدوه لحسين يدنيه فدوه لحسين
.....1

ولدي ذوله الأربعه أرخص هدية
بيدي اقدمهم نذر لإبن الزچيـــه
ضامتهم مـــــــن زغر للغا ضريه
وادري بيهم ما يهابون ألمنيـــــه

بالميادين شجاعة بالميادين
أربع أبنين أقدم أربع أبنين

قدمتهم .. اربعتهم
فدوه لحسين يدنيه فدوه لحسين
.....2

ضاخرتهم للشدايد جعفر وعـــــــــون
فدوه لإبن الزهرة ولدي فدوه يرحون
أبني عبد الله نذرته وحامي إلاظعون
خاف بــــــــس الأربعه هم ما يكفون

تدمع العين بعدهم تدمع العين
أربع أبنين أقدم أربع أبنــــــين

سلمتهم .. اربعتهم
فدوه لحسين يدنيه فدوه لحسين
.....3

آنا وصيت الگمــــــــــــــر هاي الوصايه
يضل وي زينب حرس شخصي وحماية
دگلي صدره ورفرفت بچفوفــــــه راية
وصاح مــــــــــن زينب ولا توگع عبايه

لا تخافين ييمه لا تخافين
أربع أبنين أقدم أربع أبنين

لجل اختهم .. اربعتهم
فدوه لحسين يدنيه فدوه لحسين
.....4

هيچ وصيت الشهم حامي الضعينه
لزينب يقدمهــــــــن اليسره ويمينه
حين تعطش مو نهــــر ينطيها عينه
حته أوفي بخدمتي الزهرة الحزينه

وفو الدين اصيحن وفو الدين
أربع أبنين أقدم أربـــــع أبنين

ذاخرتهم .. اربعتهم
فدوه لحسين يدنيه فدوه لحسين
.....5

عندي وياهم بعــــــــــــد أتمنى خوان
وما يضل وحده الحسين بطفه حيران
ولا تضل زينب غريبــــه أبين الأحزان
شلون تحدي بزينب المهيوبه عدوان

بالظعن وين يزينب بالظعن وين
أربع أبنين أقدم أربــــــــع أبنين

ما شفتهم .. اربعتهم
فدوه لحسين يدنيه فدوه لحسين
.....0








✍حسين ألفيصلي

گومي ياليلى ادعيلــــه
****

لأكبر گصد ســــوح الحرب
أبحسره وبمدمــــــع يصب
من يمشي شي صبر الگلب
ضلت دمعها تسيله
..........................

لمن برز وجــــــه البــدر
چنه النبي وطب عالكفر
خايف عليه مــــن الغـدر
حاطته أهل ألحيله
.......................

يحسين وجهك شو صفر
عن أبني ما عندك خبـــر
گلهـا أبنچ يواجه خطـــر
ونار العطش هد حيله
............................

يگللها مــن جت تسأله
لكبـــر يواجه معضلــة
بكـــر ابن غـانم نازلــه
شفت الخطر يحديله
.........................

بخيمتها وتنادي العلـــي
ســــالم أريده يعــود ألي
لحظه ورجع ســالم علي
حز رأس إلي يعاديله
.........................

حز رأس خصمه بصارمه
رد والابـــوه يكلمـــــــــه
يگلـه حـز گلبي الضمــــه
حر العطش يشكيله
.........................

يالمطلبك مـــن مــطلبي
رد يبنــي يســگيك النبي
أبعــزمـــــه رد ألطــالبي
بكأسه النبي متانيله
...........................

رد ضامي گلبه ومستعر
تحاوشوه مـن كـل كتـر
لكبر وگـع مـن المهــــر
تعناله أبوه يشيله
...........................







حسين ألفيصلي

عندما سمعت زينب ع بخروج الإمام العباس ع لجلب الماء لصغار الإمام الحسين ع فحس قلبها بالخوف على أخيها وسالت دموع عيناها و كأني بها ...

تنشد بالدمع يا دمــــع .. قل ماي
خاف من الكفلني النهر .. قل ماي
إذا عن العقيلــــة كتب .. قل ماي

أعلى زينب يحله معناها البوذيه
................

الگال  بماي  أرد  للخيم .. مايه
عدل  ردنا يرد  مو  مهم .. مايه
جروحي تفوقت عالعدد .. مايه

بكثر طعناتك ألف وتسع ميه
.................


#حسين_الفيصلي

عليل الطـف واناشد .. من يسرنه
وزاد المـــــرض بيه .. من يسرنه
اذا تنشـــــــد علينه .. من يسرنه

اسرنه الدعي وسب الزچيه
*



حسین الفيصلي

ترقبوا جدید
قصیدة علمــوعـــد اجـــینه
لشاعر : حســـین الفیـــصلي
به مشــارکة روادید
الرادود عبدالرضا خزاعی
الرادود،مصطفی محسنی
الرادود علی اکبر فلاحی
الرادود سعــید،المنصوری
استودیو نهاوند

قريبا جدااا
قصيدة (طريق الجنة)
الملا . مرتضى الميساني
الملا . سعد المالكي
كلمات . حسين ألفيصلي
م/ الصوت . علي الرسام