يا روحي أحسن لو تموتين
شتسوى الحياة بدون لحسين
لا دمعة تنفع لا صبر
من بعده عمرچ يا عمر
شتسوى الحياة بدون لحسين
.......................................

بروحي نيران الغرب كل لحظة أحس تچويهه ..
و ايامچ الفاتت فرح لا ما ترد انسيهه ..
دنيه و تطول بلا أهل ما تسوه أعيشن بيهه ..
من الزمان شحصلت بس دمعتي الاجريهه ..

يا روحي بسچ كافي العتاب
طايح حبيبچ فوگ الأتراب
بي شفتي طعنات شكثر
من بعده عمرچ يا عمر
شتسوى الحياة بدون لحسين
........................................

الموت ارحم يا نفس و لا أعيش انا بدونه ..
شيفيد عمرچ و المحب عنچ مشه يبعدونه ..
إيست ما رته العمر من فارگيت عيونه ..
ما شفته من طاح و هوه بس شفت الي ذبحونه ..

من طاح إخوي اشرلي بيده
أنظر يحزون بوريده
گاعد على صدره الشمر
من بعده عمرچ يا عمر
شتسوى الحياة بدون لحسين
.......................................

يا روحي من راح الولي تمنيتچ تعوفيني ..
و تصير موتتنه سوه هناك وتغمض عيني ..
تدرين ما أريد العمر لو فارگيت حسيني ..
منچ ردت هذا الأمر بس رايده تعذبيني ..

و يا ردت يوم المنيه
خاطر سوه اطمنه ألوطيه
يم گبره گبرچ ينحفر
من بعده عمرچ يا عمر
شتسوى الحياة بدون لحسين
.......................................

من بتعد عني و مشه خلالي عمري بلا ضوه ..
خنگه الحياة بغيبته ويا أخذ حتى ألهوه ..
گلبي و يگلبه بفد وتر لو دگن يدگن سوه ..
من غاب ما دگ الگلب وبنار أحس بيه نچوه ..

من اعرفت ما ترجع انته
صار الگلب نبضاته سكته
بضلوعي أحس يسعر جمر
من بعده عمرچ يا عمر
شتسوى الحياة بدون لحسين
.......................................

ماريد أموتن بالغرب هناك ويطمني الثره ..
حسين ماكو من اصد لا أشوف سبع الگنطره ..
يا نار گلبي الما طفت ليا حد تضل موجره ..
موقف صعب ما ينسي يذبحني من أتذكره ..

راح التحبينه و مشه بعيد
عمرچ بعد يا روحي شيفيد
الغالي ناوي أعلى الهجر
من بعده عمرچ يا عمر
شتسوى الحياة بدون لحسين
........................................










حسين ألفيصلي

الزيارة أقرأها الچ واجري الدمع
و عالگبر يأم البنين أشعل شمع

يمته اوصلچ وازور
ماي ارش واشعل بخور

و عالگبر يأم البنين أشعل شمع
...........................................

أمنية روحي الوحيدة زيارتچ يأم البنين ..
ليلة ليلة گاعد أحسب و خايف تخلص السنين ..
عمري خلص بس مدامع و بحزن صوت الأنين ..
ربي حقق أمنياتي بجاه أمير المؤمنين ..

صابر أعلى الفرگه كل هذا الدهر
انا مشتاگ أرد أزور أم الگمر

من الظلام اخذلي نور
ماي ارش واشعل بخور

وعالگبر يأم البنين أشعل شمع
.........................................

أتمنى اوصلچ وازورچ واگعد بصف الگبر ..
لشوفتچ ملهوفه روحي ليا وكت أبقى أنتظر ..
گلبچ الطيب أعرفه للگصد ما يعتذر ..
وانتي يأم عباس اعرف عندي حاجات شكثر ..

الدمعة جرتني أعلى ذكرچ وعتنيت
بمجلسچ يأم البنين شگد بچيت

يندبچ بس الغيور
ماي ارش واشعل بخور

وعالگبر يأم البنين أشعل شمع
..........................................

ردت اوصلچ وازورچ هناك واغفى أعلى التراب ..
لأن ادري تراب گبرچ لا منارة ولاكو باب ..
شكبر قدرچ يالغريبه ليدعي بسمچ مستجاب ..
روحي رادت تشم عطرچ تگلي ما أحمل غياب ..

يالي ضحيتي الولد لجل الشهيد
غير بس زيارتچ لا ما أريد

لهفتي لذيچ القبور
ماي ارش واشعل بخور

وعالگبر يأم البنين أشعل شمع
.........................................

خلصتها سنيني دمعة وأنتظر ساعة لقاء ..
يالوفيه و ماكو مثلچ الچ تشهد كربلاء ..
الليلة كل ناس التحبچ حزنت ونصبت عزاء ..
ندري دربچ كله غيره انتي مدرسة الوفاء ..

انتي يام الاربعه معروفه
لوفه لعندچ حتى الاعمه يشوفه

قدميتي أربع نحور
ماي ارش واشعل بخور

وعالگبر يأم البنين أشعل شمع
..........................................

يالي متردين سائل يندبچ وكت الشدد ..
العنده حاجة وطلب منچ تگولين اطلب بعد ..
للنخاچ بساعة حرجه تحضرينه أعلى الوعد ..
شچم عليل تشافه بسمچ بفضلچ العالم شهد ..

تحضرينه العنده حاجه بشدته
تخلصيها ويرد بسمه بشفته

بيدي اجيبلچ زهور
ماي ارش واشعل بخور

وعالگبر يأم البنين أشعل شمع
..........................................













حسين ألفيصلي

ابد ما يصحه طبع الدهر خوان
واحس عيوني من الدمع  خوان
بعد ريت اربعه يحسين خوان
واقدمهم نذر بالغاضريه
...........................

حسين ألفيصلي