💠💠💠 قریباً 💠💠💠

قصیده:تهانینه✨
للشاعر:حسین الفیصلی📃
اداء و الحان:میلاد الکنانی🎤
مهندس الصوت :سیدجمیل العبودي🎹
أخرج السید احمد الحسینی البطاط

يحسين يحسين اروح الك فدوه
يحسين يحسين غيرك فلا نهوه

صوت المحب ناداك
ســــر وعلن نهواك

يحسين يحسين غيرك فلا نهوه
______________

عالي هذا الصوت يبقى بكل زمـان ...
يا حسين يا حسين
احلى كلمة تردد فــــــــــوك اللسان ...
يا حسين يا حسين
يالي عطرك احلى من عطر الجنان ...
يا حسين يا حسين

لا والله ما ننساك
سر وعلن نهواك

يحسين يحسين غيرك فلا نهوه
______________

ما نعوفك نقسم بطه الرســول ...
يا حسين يا حسين
يا ابن حيدر علي وابن البتول ...
يا حسين يا حسين
الما يحبك باجچر لربه شيكَـــول ...
يا حسين يا حسين

خسران من عافاك
سر وعلن نهواك

يحسين يحسين غيرك فلا نهوه
______________

يا وسيلتنا الإله العــــــــــــالمين ...
يا حسين يا حسين
صوت بسمك مرتفع في كل حين ...
يا حسين يا حسين
شيعتك وبدربك نضـــــل سائرين ...
يا حسين يا حسين

للجنة نمشي وياك
سر وعلن نهواك

يحسين يحسين غيرك فلا نهوه
______________

يالي بسمك يستجاب النه الـدعاء ...
يا حسين يا حسين
جنة انته اعله الارض في كربلاء ...
يا حسين يا حسين
يالي بســــمك تدعي حتى الانبياء ...
يا حسين يا حسين

سبحان من سواك
سر وعلن نهواك

يحسين يحسين غيرك فلا نهوه
______________







حسین الفيصلي

بيه شــوک يصيح يالغايب تعال
كافي مـــــــن البعد طال غيابک
والله لو تسمعها عذالي شتگول
الغاب ما يرجع بعد ســـــد بابک
بعد لا تنتظــــــره خالعينک تنام
كــــــــــافي لا تهجر بعد بعتابک
گالو انته تعاند وماكــــــو دليل
رادو بشخصيتك ينســــــــــــوني
شلون اعوفک وانته ساكن بالظمير
وصورة الک يالمهدي بين عيوني
انا چف حيدر علي وبي ذو الفقار
وراية العباس فــــــــــــوگ متوني
الغيره بيه تاسست من كـــــربلاء
وشي اعاند رافضي يســــــــموني
ما اصافح ما امــــــــد چفي ليزيد
وحــــــــــــــق ذاک العالنهر چفينه
شاف ضل الدين ضامي وماكو ماي
حصر بيده وشـــــــربا من عينه
احنه يعني حسين والعباس اكيد
ويخســـــــــر الفكر يجي يلاوينه
احنه ما ننساه هالشي مســـتحيل
لا تضن كسر الضلــــــــــع ناسينه
ولو تموت الشيعه كلها بهل طريق
ياخذ بثار الضلـــــــــــع مهدينه



حسين ألفيصلي

أنتبه للدنيا ليغرک هـــــــــــــواک
شما كثر عمرک يضل موتک وراک
ميز بين الخطإ وبين الصحـــــيح
الله خلالــــــــــک عقل بي ميزاک
ءءءءءءءءءءءءءءء

هايه دنيا شما تطــول
كلشي من أيدک يزول
من تسافر للگبر ترحل وحيد

اصحه ما دامک شباب
وفكر بذاک التـــــراب
بالگبر غير العمل محد يفيد

شما جنيت بدنيتک مال وبيوت
ما تروح وياک بآچر من تمــوت
تأخذ لگبرک فقط وصلة چـــفن
تندفن جوه الترب والكل نساک
ءءءءءءءءءءءءءء

تصدق وانطي الفقـير
شما كثر عمرک گصير
والي فاتک لا تفكر ما يــرد

اصحه من هذا السبات
و لا تغرک هل حيـــات
وعن درب ربک ابد لا تبتعد

تنطوي الدنيا مثل طي الكتــــاب
مــن يسألك منكر شتنطي جواب
تأمل لذاک الزمان و إستعـــــــــد
الوحدک بذاک الگبر والكل جفاک
ءءءءءءءءءءءءءءء

أنتبه واحذرها زين
لا تغرک هل سنـين
الموت ما يعرف چبير ولا شباب

بغفله لا تبقى أنتبه
العمل هوا الربــــح
المگابر خنگه لا ما بيها بــــــــاب

شما تضل عايش وسط هاي القصور
تخيل أنت بمگبره وما بيها نــــــــور
وينها الناس التودک والأهــــــــــــــل
لا تگلي هـــــــــــــوا شيطانک عماک
ءءءءءءءءءءءءءءء

يالي ضايع بالدروب
توجه وللباري توب
الله يغفرلک اذا شلـــت الادين

هذا درب الحق جلي
تايه العايف علــــــي
يخسر الما واله أمير المؤمنين

الباچي دمعة بمجلس حسين الشهيد
الزهرة ما تنسى ابد هل شيء أكـــيد
هناكه تحظر فاطمة وأم البنـــــــــين
مـــــــــــن بعيد يگولن الخادم هذاک
ءءءءءءءءءءءءءءء








✍🏻حسين ألفيصلي

ابد ما يصحه طبع الدهر خوان
وأحس عيوني من الدمع خوان
بعد ريت أربعة يحسين خوان
واقدمهم نذر بالغا ضريــــه

..................
كَصد روحي الحزن بعدك وايلهه
وكَلبي ما سله بهجرك ويلهـه
أنا أم الاربعه الراحـــــو ويلهه
حسين الأغلى مـــن روحي عليه

.......................


حسین الفيصلي

بدمعي راح أكتب رسالة ياهو اليوصلها إلي
بشهگت أنفاسي الأخيرة أرد اشوفك كافلي

يا أبو فاضل .. يا أبو فاضل
.......................

خويه من شام الغرب آه يا كفيل
صرت أنادي
وانته سكته
خبر وديته الك ويه الرياح
يا كفيلي
بدم كتبته
مر الفراگ ويعذب روحي حيل
يا أبو فاضل
ما جرعته
الغرب تسأل عجب ليش الكفيل
بغربه يقبل
عايف أخته

حيل اذتني الملامه و شيبت من القهر
راح اموتن يا كفيلي يا أبو فاضل يا گمر


يا أبو فاضل .. يا أبو فاضل
.......................

آخر أنفاسي بقت مو راح أموت
خويه وينك
ارد اشمك
ضال بگلبي عتب من الطفوف
ارد اشوفك
حتى اكلمك
من رحت يا كافلي و صار الوداع
جسمي سافر
روحي يمك
لا تگول اختي نست كافلها ليش
ما نسيتك
يشهد إسمك

بسمك الهج يا كفيلي لحظة ما ناسيته أبد
روحي يم چفك عفتها هذا بس جسمي أبتعد


يا أبو فاضل .. يا أبو فاضل
.......................

رتك عيوني تغمضها من أموت
بيدك انته
يا أبو فاضل
بغربه و بعازت اخو ضليت انوح
يا حسرتي
دمعي سايل
تدري بالماعدها اخو لمن تموت
عنها محد
يبقى سائل
صحت يا راعي العلم وينك تعال
حشميتك
وانته كافل

شگد تمنيتك تجيني يمي تحظر من أموت
حتى ما أشعر غريبة للگبر لمن افوت


يا أبو فاضل .. يا أبو فاضل
.......................

خويه عاذرتك لاونك ما اجيت
بوضعك أعلم
خويه أدري
عين طفاها الدمه وعين السهام
راح أسلم
لله أمري
هامتك يا خويه ضاربها العمود
هذا لجلي
لجل خدري
من نخيتك گطعت لختك چفوف
وچني اسمعك
گتلي اصبري

خويه عاذرتك كفيلي من اهد ذيچ الطفوف
شلون تدفن جسمي بيدك وانته ما عندك چفوف


يا أبو فاضل .. يا أبو فاضل
.......................

خويه بعتابي يبو فاضل عليك
عذبيتك
يا حبيبي
شبيدي وداني الدهر عنك بعيد
الغربة صارت
من نصيبي
جرحي ينزف ما شفه وگتلك تعال
روفه جرحي
يا طبيبي
من ونيني تعلم ينوح الحمام
هذا طبعه
من نحيبي

الطير من يون أسمعه عالغصن لمن ينوح
مو مثل ونات گلبي العايش بين الجروح


يا أبو فاضل .. يا أبو فاضل
.......................









الخادم حسین الفيصلي

ألدنيـــــه ويالمصايب .. لاحمتني
لأمـــــــــــــن موتتني .. لاحمتني
الشمر يا وسفه سوطه .. لاحمتني

وعباتي من الضرب طبعت عليه
....................

عيوني من الدمع شي يصب .. خوان
وطبعها الدنيــــه ليش وياي .. خوان
خلتني وحيدة بغيــــــــــــر .. خوان

ضل وين النذل يجسر عليه
.....................

خفت عباس اجرحه .. لونخيته
وحقي الظهر بالطف .. لونخيته
ما يدريه شصايـــــر .. لونخيته

نخطف لوني وبعد ما لون بيه
...................

يون گلبــــــي واگله .. لا بعد وين
ويگلي تعود اخوتچ .. لا بعد وين
گلتله هـــــــــا يگلي .. لا بعد وين

الخرابه بعيده عنچ يالسبيه
.....................








✍حسين ألفيصلي

يسلوت روحي بعدك .. من سلاني
وغير فراگك انتـــــه .. من سلاني
هضمني الشمر عنـك .. من سلاني

كفيلچ وين اشوفنچ سبيه
......................

مصيبة طــــــف محرم .. لويعتني
وأنه المن عدها اشوفن .. لويعتني
شمرهم مـــــــن عباتي .. لويعتني

ازامط بيش وانته أعلى الوطيه
....................

الضعـن لاوين رايح .. ما دريته
وجــي لغير ربـــــي .. ما دريته
الكفلني بحال متني .. ما دريته

ولا راويته طبع السوط بيه
......................








✍حسين ألفيصلي

القناة
https://www.tg-me.com/Alfaesale
المعرف الشخصي
@ALFAESALY