انميشن | الصحن الحسيني | الصحن العباسي
أداء مهدي الدراجي
أداء علي الدراجي
الشاعر حسين الفيصلي
إنتاج مؤسسة
اركان الهدى للانتاج الفني
https://youtu.be/lRSHL6I7fSY

زياره فاطمه الزهراء عليها السلام
اَلسَّلامُ عَلَيْكِ يا بِنْتَ رَسُولِ اللهِ ، اَلسَّلامُ عَلَيْكِ يا بِنْتَ نَبِىِّ اللهِ ، اَلسَّلامُ عَلَيْكِ يا بِنْتَ حَبيبِ اللهِ ، اَلسَّلامُ عَلَيْكِ يا بِنْتَ خَليلِ اللهِ ، اَلسَّلامُ عَلَيْكِ يا بِنْتَ صَفىِّ اللهِ ، اَلسَّلامُ عَلَيْكِ يا بِنْتَ اَمينِ اللهِ ، اَلسَّلامُ عَلَيْكِ يا بِنْتَ خَيْرِ خَلْقِ اللهِ ، اَلسَّلامُ عَلَيْكِ يا بِنْتَ اَفْضَلِ اَنْبِياءِ اللهِ وَرُسُلِهِ وَمَلائِكَتِهِ ، اَلسَّلامُ عَلَيْكِ يا بِنْتَ خَيْرِ الْبَرِّيَةِ ، اَلسَّلامُ عَلَيْكِ يا سِيِّدَةَ نِساءِ الْعالَمينَ مِنَ الاَْوَّلينَ وَالاْخِرينَ ، اَلسَّلامُ عَلَيْكِ يا زَوْجَةَ وَلِيِّ اللهِ وَخَيْرِ الْخَلْقِ بَعْدَ رَسُولِ اللهِ ، اَلسَّلامُ عَلَيْكِ يا اُمَّ الْحَسَنِ وَالْحُسَيْنِ سَيِّدَىْ شَبابِ اَهْلِ الْجَنَّةِ ، اَلسَّلامُ عَلَيْكِ اَيَّتُهَا الصِّدّيقَةُ الشَّهيدَةُ ، اَلسَّلامُ عَلَيْكِ اَيَّتُهَا الرَّضِيَّةُ الْمَرْضِيَّةُ ، اَلسـَّلامُ عـَلَيْكِ اَيَّتـُهَا الْفاضِلـَةُ الزَّكِيـَّةُ ، اَلسـَّلامُ عـَلَيْكِ اَيَّتـُهَا الْحَوْراءُ الاِْنْسِيَّة. ورحمة الله وبركاته ...

#شگد_تمنيت
أداء الرادود ذو الفقار الخزعلي
كلمات الشاعر حسين الفيصلي

https://youtu.be/lhqPjE_ejK8

الزيارة اقراها الچ واجري الدمع
وعالكَبر يأم البنين أشعل شمع

يمته اوصلــــــچ وازور
ماي ارش واشعل بخور

وعالكَبر يام البنين اشعل شمع

****************

امنية روحــــــــــي الوحيدة ازيارتچ يام البنين
ليله ليله كَاعد احســــب وخايف تخلص السنين
عمري خلص بس مدامع و بحزن صوت الأنين
ربي حقق امنياتي بجاه امير المــــــــــــــؤمنين

صابر اعلى الفركَه كل هذا الدهر
انا مشتاك ارد ازور أم الكَمر

من الظلام اخذلي نور
ماي ارش واشعل بخور

وعالكَبر يام البنين اشعل شمع

****************

اتمنى اوصلج وازورج و اكَعد بصف الكَبــر
لشوفتچ مشتاكَه عيني ليا وكت ابقى انتظــر
كَلبچ الطيب اعرفــــــــــــــه للكَصد ما يعتذر
وانتي يام عباس اعرف عندي حاجات شكثر

لدمعة جابتني اعلى ذكرچ وعتنيت
بمجلسچ يام البنين شكَد بجيت

اليندبچ بس الغيور
ماي ارش واشعل بخور

وعالكَبر يام البنين اشعل شمع

****************

ردت اوصلچ وازورچ هناك واغفى اعلى التراب
لان ادري تراب كَبرچ لا منارة ولاكـــــــــــو باب
شكبر قـــــــدرچ يالغريبه ليدعي بسمچ مستجاب
روحي رادت تشم عطــــرچ تكَلي ما احمل غياب

يالي ضحيتي الولد لجل الشهيد
غير بس زيارتچ لا ما اريد

لهفتي لذيچ القبور
ماي ارش واشعل بخور

وعالكَبر يام البنين اشعل شمع

****************

خلصتها سنيني دمعة وانتظر ساعــــة لقاء
يالوفيه و ماكو مثلچ الچ تشهد كــــــــربلاء
الليلة كل ناس التحبچ حزنت ونصبت عزاء
ندري دربچ كله غيره انتي مدرسة الـــوفاء

انتي يام الاربعه الكل تعرفچ
الليلة بچفوف الكَمر عباس احلفچ

قدميتي اربع نحور
ماي ارش واشعل بخور

وعالكَبر يام البنين اشعل شمع

****************

يالي متردين سائل يندبچ وكت الشــــــــــدد
العنده حاجه وطلب منچ تكَولين اطلـــب بعد
للنخاچ بساعة حرجه تحضرينه اعلى الوعد
شچم عليل تشافه بسمچ بفضلچ العالم شــهد

تحضرين العنده حاجه بشدته
تخلصيها ويرد بسمه بشفته

بيدي اجيبلچ زهور
ماي ارش واشعل بخور

وعالكَبر يام البنين اشعل شمع

***************














✍🏻حسین الفيصلي

#يا_ام_البنين

انا مو مثــــل البنات .. أملك اثنين أمهات
وحدة مكسورة ضلع .. وحدة موتها الدمع
...........................

انا زينب ما رحم حالي الدهـــــــر
راح اسولف قصتي بشي مختصر
امهاتي اثنينهـــن ماتن قهـــــــــــر
وحدة أم حسين وحدة أم الگمـــر

اثنينهن نفـــــس الإسم .. يا وسف ماتن هظم
بحزني راح اگضي الحياة .. انا مو مثل البنات
.........................

مو قضاء ولا قدر موت الثنيـــن
وحدة موتها الضلع وحدة الأنين
اثنينهن ماتن أثر حادث حزيـــن
أم الحسين و حسن وأم البنيــن

وحدة ضلت تنتظر .. وحدة كاتلها الصبر
و الثنين مصوبــات .. انا مو مثل البنات
.............................

النار البدار الزچيه توجــــــــــرت
منها حيل أم البنين تعذبـــــــــت
امهاتي اعيونهن من غمضـــــــت
عيوني ما الومنها من دم لوبچت

الفرگه صعبة وما تهون .. يموت التموت امه كون
ولا تضل بس ذكريات .. انا مو مثل البنات
..........................

الماتت امه وگلبه بالفرگه نچوه
مو مثل گلبي الجريـــح بلا دوه
حگي من اشرگ واغصن بالهوه
امهاتي اثنينهن ماتن ســــــــوه

فاطمة وهم فاطمة .. اثنينهن يبچن دمه
وسفه حيل معذبات .. انا مو مثل البنات
.............................

ذكريات لأمي بالبيت شكثـــــر
العافته أمه حتما يعوفه الصبر
بلايه أم شيسوه لو طال العمر
من تعوف البيت يتحول گبـــر

يالي أغلى مـــــــن الهوه .. بغيبتچ مات الضوه
كلشي احس بالدنيا مات .. انا مو مثل البنـــات
...........................










✍ #حسين_الفيصلي

الخيام احترگت ويسعر .. يمرهن
سبايه الحرم والظالم ..... يمرهن
أعلى اهلنه النوگ گلوله .. يمرهن

نودع البقو بأرض الغاضريه
.....................

✍حسين الفيصلي
@ALFAESALY

أحب المصطفى وحيدر .. وزهره
الكون مفتحه أغصانه .. وزهـره
ياس نقدمه للمهدي .. وزهــــره
بحفل ميلادج بهاي المسيه
......................
حسين الفيصلي

بمولد الزهره البتول
نهني هاليله الرسول
مبارك يهادينه .. بصـــوت نادينه
يا زهراء .. يا زهراء
..................

مبروك يا سيد البشــر هاي المسيه
الليلة مولد فاطمة الزهـرة الزچيه
قدمها الك رب العرش اجمل هديه
و بتشرت اگلوب التحبها الجعفريه

لمحفلچ جينــــه .. بصـــوت نادينه
يا زهراء .. يا زهراء
.......................

سبحانه رب الصورچ يا محله هالصوره
بمولدچ يام الحسن هل دنيه مسروره
الباري كوثر وصفچ بكتابه مذكــــوره
من نورچ الكون زدهر عالدنيه شع نوره

نورچ ضوه علينه .. بصـوت نادينه
يا زهراء .. يا زهراء
......................

جبريل جاب من السمه للهادي هل بشره
بشر رسول الله بفرح عن مولد الزهـــــره
يا ســـــر الــه الخالقچ يا ايتـــه الكبـــره
اسمج نجاة من الشدد ما خاب الي يذكره

يالزهره احضرينه .. بصوت نادينه
يا زهراء .. يا زهراء
....................

يا حجة الله اعلى البشر يا سر الاسرار
ما خاب لبدربچ مشه يا ام الاطهــــار
مولاتي كلمن خالفچ خاليدخــل النار
لن الجنان الزاهية لشيعة الكـــــــرار

للجنة ودينــــه .. بصـــوت نادينه
يا زهراء .. يا زهراء
.......................









✍حسين الفيصلي

ابعثلك من الشـام .. يا كافلي ســـــلام
الك يا ابو الحميه .. من زينب المسبيه
يا كافلي سلام
*

خويه ابعثلك سـلام ودمعي يجري
يا كفيلي ويا اخوي وحامي خدري
راح اودع بالغرب هاليلة عمـــري
بكربله تمنيته يمك كونـــــه گبري

يحن گلبي الحزين .. يگلي الغالــي وين
خبر هاي المسيـه .. من زينب المسبيه
يا كافلي سلام
*

خويه يالكلك وفــه وكلك حميه
گلبي خويه يحـن واشرلك بديه
راح اروحن لان مشتاگه لرقيه
فــي امان لله كفيلي بهل مسيه

يبو فاضــــل وداع .. العمر بالغربه ضاع
صوت الاجه بحنيه .. من زينب المسبيه
يا كافلي سلام
*

دمعتي الما فارگت يـوم العيــون
فارگيتك وانته غالي وما تهــون
انا ما مهتمه لن زرگه المتـــون
الهمني گالو اخوتچ لا ما يجون

دمــــع عيني نزل .. اموت بلا اهــــــل
الك هاي الوصيه .. من زينب المسبيه
يا كافلي سلام
*

ليش ضالمني الدهر مني شيريد
صار گبري خويه عن گبرك بعيد
بغربه چني حسـين و الوادم يزيد
ســـيف دهري وانا يالكافل وريد

الدهر صاير شمر .. يحز نحـــري بغدر
ياليث الغاضـــريه .. من زينب المسبيه
يا كافلي سلام
*

عشت نفس امي وشفت نفس المصاب
محسن وعبدالله نامــــــــــــو عالتراب
الخيمه من شتعلت انا انظـــــــرها باب
عشنه نفس جروحنه ونفس العــــذاب

الالم نفــس الالم .. بسمار وســـــــهم
نفس الالم سويه .. من زينب المسبيه
يا كافلي سلام
*







✍ #حسين_الفيصلي

يأم الأحزان .. و ين الأخوان .. آه يزينـــــــب
........

لوحدچ ليش .. يالغريبه
ليش ماكوا اخوان وحدچ جيتي تمشين
اذتچ حيل .. يا مصيبه
طيحت العباس لو من طاح الحســــــين

آه زينب بيچ شمسوي السهـــر
ليش چنچ سعفه محنيه الظهر

بلايه عنوان .. و ين الأخوان .. آه يزينـــــــب
........

شسوت الشام .. يالاميره
منها شفتي شگد قهر و شگد اذيـه
گلبچ احتار .. والله حيره
وسفه ما بين الغرب ماتت رقيــــه

راح يا زينب كفيلچ راح الحســــــــين
هاي اخت عباس وسفه اطب دواوين

كلها عدوان .. و ين الأخوان .. آه يزينـــــــب
........

بچفچ آثار .. یالحزینه
السوط اکثر المچ لو جر الاحبـــــــــال
عالرمح رأس .. تنظرینه
هاي نظرات العتب وانتي أعله الجمال

چنچ تصيحين يالكافل دخيل
انا حرمه وبالغرب والدنيا ليل

الزمن خان .. و ين الأخوان .. آه يزينـــــــب
........

تجري الدموع .. كل مسيه
شكثر ضيم وحزن شفتي بحياتچ
شفتي العزاز .. عالوطيه
آه جمرات الخيم لسه بعباتــــــــچ

هيبتچ چانت مثل هيبة نبــــــي
وسفه زينب هسه بدروب السبي

السفر حان .. و ين الأخوان .. آه يزينـــــــب
........

گلبچ شلون .. هالمسیه
وانتي زینب کل اخوتچ فوگ الاتراب
شفتي بالعين .. عالوطيه
معفرين بفيض دمهم شفتي الأحباب

حافيه وچدمچ تدوس أعله الجمر
بسوط کل ساعة وضرب متنچ شمر

بگلبي نیران .. و ين الأخوان .. آه يزينـــــــب
........






الخادم #حسين_الفيصلي