قل للذين فوَّضوا أمرهم لله أنّ الله لن يخذلهم أبدًا 💙

اخترت لكم رواية كاتبتها بتمزج بين كل هذة الانواع والاحسن انها يمنية

#عصب الروح..

البارت الاول

.

مرت 18 سنه على امل ان تكون لي؛ واليوم هاانا...*
قطعت الورقه وهي تبكي
وكتبت على الصفحه الثانيه* هل القلب زجاجي؟ لانه اذا انكسر جرح! وداخلي الان يشعر بنغزات زواياه الحاده اشعر ان داخلي يتمزق الى اقطاع صغيره واجزاء ..*
قطعتها كمان ورجمتها وهي ترفع شعرها وتمسك راسها وتحاول تمسح دمعاتها
ومسكت القلم مره اخرى على الصفحه ال 20 ربما
*لماذا القلوب دئما تخون اصاحبها! ؟ لماذا يتالم قلبي عليه ولا يتالم علي! !!!!! *
رجمت الدفتر والقلم وهي منهاره ب البكاء ....
...........
قبل اسبوع ..

كانت بالمطبخ بتغسل عندما دخلت وب اشمزاز: جاء زوجك؟
اثير: ايوه
ام بهاء: حلو عشيتيه او ماشي
اثير وهي تغسل: ايوه
ام بهاء: حالي حين قد بتفعلي له شي
اثير بلعت ريقها وهي فاهمه قصدها
ام بهاء: مالش ساكته
اثير: وما قل؟
ام بهاء: صح وما تقلي! الذي مثلش ما تقل شي
كنت اقل ان قد حليمه بنت الجيران اخس واحده بتتعامل مع زوجها لكن ع الاقل عاد حليمه ادت له عيال مش مثلش!!
التفتت لها بقهر وغلقت الماء وخرجت وهي تشوف بعدها مبتسمه
دخلت الغرفه وقد عتنفجر وغلقت وهو شاف لها : مالك؟
اثير بهدوء: ولاشي
جلست ع السرير وجلس جنبها: اثير!
شافت له
بهاء: انتي تعرفي كم احبك من واحنا اطفال وختم الله حبا بزواج
ابتسمت له :..
بهاء: لكن انا اشتي اقل لك شي
كانت تشوف له وهو يحس الكلام واقف في حلقه
اثير: مالك سكت قول
بهااء: بصراحه ي اثير انتي عارفه ان انا الولد الوحيد ل امي وابي جنب الاربع البنات طبعا
والبنات تزوجين وكل واحده في مكان وبقيه انا
والبيت فاضي واهللي ..
قاطعته: يشتو عيال
بهاء مسك ايدها: اثير احنا لنا سبع سنين وما خليت شي ما عملته عشانك ولو علي مشتيش عيال بس ابي وامي
سحبت يدها منه: عارفه يشتو تتزوج وتخلف عارفه انهم مش طايقيني اصلا فما بالك لو معهم سبب
قاطعها وهو منزل راسه: انا بتزوج!
غمضت عيونها بالم : طيب
بهاء: انا خطبت
قاطعته بقهر: وليش عادك تكلمني!
بهاء: امي خطبت لي وما كلمتك قلت لما اشوف طريقه مناسبه .. انا كنت رافض بالبدايه بس رضخت
اثير: خطبت لك ميسون اكيد! بنت اختها اللي كانت تشتيك تتزوجها من زمان**
قاطعها: انا ببقى احبك للابد ي اثير ولا واحده بتحل محلك
شافت له بقهر: العلاقه تكون بين اثنين .. اذا دخل طرف ثلاث انتهت!
بهااء: لا لا تقولي كذا محد بيقدر ينهي حبي لك ابدا
ابتسمت له بقهر:الله يوفقك ويقر عينك بطفل مالي حق اعترض ي بهاء ومالي حق ما اتالم كمان
حاول يغير الموضوع ويضحكها: اثير تذكري قبل ماسافرت بريطانيا لدراسه ب اخر سنه لما خطبتك وقلت لك ارجع ونتزوج
ابتسمت: ايوه ورحت اشتريت لك دبله حديد ههههههه عشان لحد تاخذك مني
بهاء يضحك: على الاقل احسن من حقي الخاتم اللي اديته لك وعمري 6 سنين وهو كان من اسلاك وقلت لش قداك خطيبتي
اثير تشوف له
مسك هو خدها: ولا حبيت غيرك حد ولا بحب
سكتت وبعدت يده ببطى
شاف لها وهي رجعت لفوق ومسكت البطانيه بيدها: تصبح ع خير بنام
غطت وجهها وهو مكانه
ورجع جنبها ويفكر وهو يحس بالمها
مرت ساعتين ولحد منهم نام
شوي ومسك ب اكتافها وتكلمت هيه: متى العرس!
بهاء: الاسبوع هذا
اثير بقهر: كل شي اصبح جاهز
بهاء: امي فعلت كل شي
اثير: بخرج من البيت اسبوع لوما يكمل العرس
بهاء: وين عتسيري وانتي متصايحه مع اخوك الوحيد وامك عندها زهايمر ماتعرفك
اثير: بروح عند امي بيت خالتي صفيه
بهاء تنرفر شوي: بس انتي عارفه ان ابي بينه مشاكل مع عمتي صفيه وما يحبهاش
اثير: ومش شرط افعل كل شي تحبوه هوذا انت بتفعل شي ما احبه!
بهاء: مشتيش تسيري هناك
اثير بعد ماعرفت انه الموضوع غيره: لا تقلقش البيت الكبير و اسامه بيجلس تحت وانا بجلس مع بنات خالتي فوق
بهاء سكت
اثير شافت له: لا تقلق ي ابن خالي ما بخونك لا بكلام ولا حتى بنظرات اعين!
قبلها ع جبينها:اثير ما اتصورش اني بقدر احب انسانه مثل ما بين احبك!
......
كانت هي مش نايمه من الفرح
اختها تشوف لتلفون ورجعت شافت لها: مالش؟
ميسون التفتت لها ب ابتسامه: كيف مالي؟ واخيرا الشخص الذي حبيته بيكون لي!
ضحكت: هههههه عايشه بوهم ... هو بيتزوجك بس عشان العيال
كانت مازلت مبتسمه: مابسمح لك تنكدي علي فرحتي ي ام النكد .. ويتزوجني عشان عيال والا عشاني والا عشان امه المهم يتزوجني ولوما اوصل عنده لكل حادث حديث
ارزاق اختها: يزعم بتحبي خالتي
ميسون: احب اي شي يوصلني لبهاء ولوما اوصل مثل ماقلت لكل حادث حديث!
رجعت تشوف لجوالها ومن داخل * اثير تحبه قوي الله اعلم كلمها او لا مسكينه! يكفي خالتي قد كرهتها حياتها واخوها الوحيد تركها وامها مريضه وانحرمت من الخلفه والان بتنحرم من زوجها! *
...........
كان هو بالعياده مع صاحبه ..
زيد :يعني طلقتهاااا
لؤي : ايوه
زيد بنرفزه: ي اخي حرام عليك ذي ثامن واحده تتزوجها بذي الطريقه وتطلقها
لؤي: ماغصبتهن بين اقل لهن من البدايه بتزوجكن ثلاثه اشهر ما اتفقنا بنطلق وهن يوافقين
زيد: لانهن يحبينك وكل واحده تفكر انك بتحبها بعدين وتكمل معها

لؤي : هن غبيات البنت الذي بحبها ما بقول لها بتزوجك ثلاثه اشهر !!
زيد: لانك طبيب نفسي بتعرف كيف تستغلهن استغليت الناس بشغلك
لؤي ضحك: ههههههه وانت مفكر اني بكون مثلكم بتزوج وارتبط واخلف ومسؤوليه ووجع راس ؟ احصل بنت جميله اتزوجها لوما تطيب نفسي منها وبعدين مع السلامه
زيد:لؤي اللي تفعله غلط حرام عليك حتى اهلك مش عارفين بزوجاتك
لؤي: ههههههههه ايوه عاد امي بتقل لي اي حين بتزوج ؟ قلت لها مستحيل قد بين اشوف اخوتي وحياتهم ويجي لي غثيان .. وبعدين ليش حرام اللي افعله بين اتزوجهن بالشرع والقانون وعلم اهلهن وبين امنعهن من الخلفه مافيش عيال يضيعو بيننا وبعدين بين اتفق معهن من البدايه
زيد : ي اخي معك خوات لوحد فعل كذا بخواتك
لؤي: لو هي ساذجه كذا تستاهل
زيد بضبح: اسغلاللي
لؤي ضحك والممرضه دخلت:دكتور لؤي ادخل اخر حاله ؟
لؤي: دخلي
ورجع شاف لزيد : انتظر بنروح سوا
والتفتت لباب ودخلت امراء ومعها بنت شابه لبسها غريب كانت لابسه جاكيت طويل الى تحت ركبها وكوفيه عسكريه ع راسها فوق الحجاب وشككلها غريب والجاكت من عند اليدين مرفوع شوي بطريقه عشوائيه
التفتت لزيد وهو كمان
ورجع قال : العفو ي خاله هذي بنت او ولدك او ايش؟!
جلست بتعب: هي ذي المشكله
البنت بتتكلم وتحاول تغلظ صوتها :مادددخلك
زيد شاف للؤي وهو شاف له وانفجرو ضحك
كان يحاول يتكلم او يسيطر على نفسه بس ماقدر خااالص
وهو يشوف ل امها يتكلم ويضحك: العفو ههههه ي خاله هههههههه احنا ما بنضحك تذكرنا شي ههههههههههههههههه
وهي تشوف له ساكته وهو يحاول يمسك نفسه
ورجع مسحههه وجههه ويحاول يكتم ضحكاته:ايش المشكله وانفجر ضحك
وزيد ضضحك ولف الكرسي ورا مسح وجهه مره ثانيه ورجع شاف لها : المعذره كل الاسف لش
تكلمي
شافت لزيد
وهو شاف لها: لا تقلقي هو دكتور نفسي مثلي .. هاتي لنا مشكلتك نحاول نساعدك
شافت له :ذي بنتي فرح تشتي تكون ولد اصبحت تلبس مثلهم وقصه شعرها لعند اذنها وتضخم صوتها
البنت كانت تشتي تتكلم بس خافت يضحكو عليها وسكتت
ولؤي يشوف لها ومن داخله بينفجر ضحك ويحاول يمسك نفسه
وشاف ل امها: هي كذا من حين هي طفله
الام هزت راسها بالنفي : لا
زيد: طيب يا خاله كيف علاقتها مع البنات
الام : عادي بس ما تحب تخرج معهن ولا تلعب معهن
لؤي شاف للام: مافيش معها واحده مقربه
الام : لا
لؤي في نفسه * هل نستبعد كونها شاذه ؟*
الام : المشكله ابوها تركنا من وهي صغيره وانا تحملت المسؤليه ورجعت تزوجت وبقيه عندي والان زوجي ماعاد قبل يتحملها وهي رافضه تتزوج خاالص
لؤي شاف لها: ليش رافضه تتزوجي
البنت ساكته
لؤي: تحبي من اكثر البنات والا العيال
البنت ساكته
لؤي وقف وصاار امامها : ماعليك من امك وكلامها انا بعلمك كيف تكوني ولد
البنت شافت له
لؤي: بعلمك على جلسات بشرط تكوني تجي يوميا وتتكلمي تمام
ابتسمت بالخفيفه
لؤي : والان اطلعي وانا بحاول اقنع امك تمام
ابتسمت وطلعت وامها تشوف له بتعجب: ايش تقول
لؤي رجع كرسيه: اغريها عشان تكون تجي .. اسيرها
بنتك مشكلتها مش بجسدها مشكلتها نفسيه احكي لي كل شي
ام البنت : الغلط مني انا اي شي كانت تفعله كنت اقل لها لو انتي ولد لو انتي ولد لو انتي ولد
لوما زرعت في راسها فكره انه الولد بيحصل على كل شي
ولما وصلت ال ١٧ سنه تقدم حد لخطبتها واجبرها زوجي به وطلع الولد ع علاقه مع بنات كثير وهذا زاد عقدتها تركته وهو تمسخر عليها وتزوج غيرها وبعد الخطوبه قصه شعرها وقررت تكون ولد عشان ماتنلام على شي
لؤي: ههههههههه المضحك المبكي
ام البنت: دكتور ابيع مالي وما علي بس عالج البنت عشان تتزوج، عمها ماعاد بيقبلها اكثر وانا خايفه عليها من بعدي
لؤي: لا تقلقي ثقي بي بخرجها من حالتها هذه
بكت
زيد: ي خاله لا تقلقي الدكتور لؤي الاول على دفعته بينهي مشكله بنتك متاكد
لؤي ابتسم لها : لا تبكي العمل من عندي والفرج من الله
مسحت دموعها وخرجت وهم يشوفو بعدها
زيد: البنت معقده نفسيا قوي تشتي لها جلسات طوييله
لؤي: خلوها كرهت انوثتها وتشتي تتخلص من نفسها ب اعتقادها ان الحياه ظالمتها لانها انثئ فقط !
...........

*عصب الروح *

البارت الثاني

اليوم الثاني الصباح قام وهي بتجمع اغراضها في شنطه صغيرت
شافت له عندما حسته استيقظ: خذني معك بيت خالتي وانت طالع العمل
بهاء وقف: مسرع
اثير: وماعاد باقي قد ضيوفكم بيوصولو وانا مش قويه
التفتت لها وهي غلقت الشنطه:جهزت لك الفطور اخرج اكل وخرجنا
بهاء: باكل خارج البسي وتعالي
خرج الصاله وهي لبست وطلعت وامه خرجت: على فين؟
بهاء: باخذ اثير عند خالتها
اقتربت: وليش عتسيري عند صفيه؟ انتي المفروض تبري منهم كلهم عاد خالك الذي انتي الان في بيته الوحيد الذي اوائك بعد موت ابوك والا انك مشرده بالشارع
بهاء بعصبيه : يممممممه
قاطعته: مافيش خرجه وانت عارفك انك بتتزوج خليها تجلس تشتغل
شافت لها وبهدوء: معش اقارب كثير وبناتك اربع بيجين
قاطعتها: بناتي معهن عيال كودن بيفضين بس انتي ايش معك؟
انجرحت وشافت له وخرجت وهو شاف ل امه بقهر وخرج بعدها
وهي تشوف بعده: اكيد ساحرته اكيد

طلعت السياره وطلع جنبها وبدا يسوق وهي بتنفجر والدموع تردها غصب
قاطع صمتها: لا تاخذي في خاطرك
اثير: ما اخذ ما اخذ لانه مابقيش خاطر اصلا
سكتت
ورجع شاف لها: ماحب اشوفك تتالمي
اثير: وليش اتالم؟ مش يقولو ان الاعصاب هي نقطه الالم وانا محد مسك اعصابي عشان اتالم
سكتت
وكملت : الا لو في مع الروح عصب!
ابتسم: مابش مع الروح اعصاب ي اثير
شافت له عندما وصلو بيت خالتها : الا معها عصب ي مهندس بهاء معها وعصب الروح هو القلب!
نزلت وهو يشوف بعدها دقت الباب وفتحت لها بنت خالتها وغلقت وهو مكانه بالسياره : ليت كان معي خيار ثاني ولا اذذي عصبك ي اثير
دخلت هي اول ماوصلت انفجرت بكاء والدموع المحبوسه تناثره
خالتها بقلق: يوووووه اثير مالش
بنت خالتها بغداد : اثير فيش شي
بنت خالتها الثانيه رهف: اثير بهاء به شي
كانت تبكي ولا قدرت تتكلم
صفيه: اخي به شي
هزت راسها ب النفي وحاولت تتكلم: بهاء بيتزوج الخميس هذا! !
بغداد بصدمه: اييييييش
خخالتها: ايش بتقولي
رهف: اكيد ميسون صح
هزت راسها
رهف: قدني عارفه العقربه ذيك طارحته في راسها
اثير تحاول تتكلم والدموع تنزل: قال يشتي عيال
صفيه تنهدت: كنا متوقعين ي اثير هو وحيد اهله. وقد فعل معك كل شي
رهف : ولا عمل شي هو الا امه كارهه لها وتشتي بنت اختها
اثير: عملت تلقيح صناعي مرتين وهم يموتو من اول شهر
بغداد بقهر: كنتي عتزيدي مره ثانيه
هزت راسها بالنفي: خلاص مافيش امل لا حصلت طفل ولا بقي لي بهاء
بغداد جلست جنبها وضمتها: امانه لا عاد تبكي خلاص.
اثير بقهر ودموعه: احس اني بموت ماقدرش اتخيل واحده ثانيه تكون معه غيري
رهف بقهر: فما بالش ب العقربه ميسون
صفيه شافت لها بعنف ورجعت شافت ل اثير:اثير الحياه هكذا وبهاء يحبك ومابتقدرش تاخذ مكانك
اثير: ععمتي تحبها بيكونين علي الثنتين
بغداد: ميسون كل همها نفسها بس صدقيني بتاخذ حقك من عمتك ذي وبتخليها تعرف قيمتك
كانت تبكي بلا توقف
صفيه بعده بغداد وجلست جمبها : اثير
ضمتها : لا عاد تبكي بتحرقي قلب خالتش خلاص طنشي مشو اول واحد يتزوج ولا اخر واحد
..........
قام هو من النوم وخرج وصوت اخوته وزوجاتهم وخواته
لؤي يشوف لهم: خير ما معكم ما تخلوني انام
امه شافت له: لؤي مالك بنجهز عرس اختك
ابوه وقف ووصل امامه : والدكتور ايش عرفه ايش بيحصل بالبيت ما ندري اصلا متى يدخل ومتى يخرج وايام مايروحش اصلا
سكت
ابوه: متى عيرضي الله عليك وتتزوج وتعقل وتستقر مثل اخوتك ؟
لؤي: مشتيش زواج وازعاج ولا ترميني في فخ وقعت فيه يبه
ابتسم ورفع حواجبه: اتفلسف علي .. درست وتخرجت وتوضفت وانت للان مجنون والناس يقولو لي ابو الدكتور فلان والخريج فلان ابو اشهر دكتور نفسي جاء الاول على دفعته لكن محد داري كيف انت ولا انه ما بنبسرك اصلا
كان الجاكت في يده لبسه وشاف له: خاطرك
خرج وامه شافت له: مالك ع الولد
رد بعنف: بسسس هو دلعك ذي وصله ذي المواصيل ماعاد بنعرف عنه شي
ميسون: بسس ي بابا لا تزعل نفسك خلونا نفرح
شاف لها :الله يهديه بس، كلهم سويين الا هو

وصل العياده وجلس يسجر :...
..........

كان يسال بغداد : مالها اثير؟
بغداد: بهاء بيتزوج
اسامه بصدمه: ايييييش
بغداد: قال يشتي عيال
اسامه: واثير ما قالت؟ او بتطلق
بغداد شافت له: انت عديم احساس ماصدقت
اسامه سكت
بغداد: تزوجت وخلفت وماتت زوجتك ومازلت عند اثير!
اسامه: غصب عني بين احبها
بغداد: لا ما بتطلق بس جاءت هنا لوما يكمل العرس
اسامه: اهاا

كانت هي جالسه مع رهف
اول يوم بعد ما مات ابي واخي كان مازل صغير بالسن وامي مرضت وبدات تفقد ذاكرتها
اعمامي محد رضي ياخذني وجلسو يتصايحو
جاء خالي محمد وهو الوحيد الذي قبل ياخذني عنده بطيبه بال وكان وقتها بينه مشاكل مع امي وخالتي عشات ورث الارض وماكنت اعرفه ولا اعرف بيته ولا اعرف شي ولما دخلت بيتهم ل اول مره جلست ابكي من الخوف
جاء بهاء وشافني قال مالش تبكي
قلت له ماعندي احد
خرج ورجع وبيده خاتم صنعه من اسلاك وقال لي خلاص انا بتزوجك وتكوني معي
استغربت
مسك يدي وترك الخاتم بها وقال لي ذا خاتم خطوبت

نا تمام
وانا كنت ابكي بس
قال لي انتي اجمل واحلا بنت شفتها وانا ما بتركك ابدا
رهف : كلنا كنا عارفين انه كان يحبك واتزوجك غصب عن امه وابوه
اثير تهز راسها : ايوه لكن الان خرب كل شي
رهف: هو مازال يحبك
اثير: مافيش حب يتوزع بين ثلاثه !
سكتت وهي تبكي
........
بعد ما عمل جلسات مع مرضاه كانت هي الاخيره
دخلت وابتسم كانت مع امها وشاف ل امها: ممكن يا خاله تخليني اتكلم معها لحالنا
شافت لها: طيب انا بنتظر خارج
خرجت وهو شاف لها: اقل اجلسي او اجلس ؟
فرح: اجلس
ضحك: هههه طيب اجلس
جلست وهو يشوف لها مبتسم:ذلحين قل لي ما اكون اسميك ؟ مسجل هنا فرح
فرح وهي تحاول تغلظ صوتها: قل يزن
لؤي يكتم ضحكاته:طيب ي يزن ليش ما تتكلم بصوتك عادي ليش تثقله
فرح: ماحبش صوتي ماحبش اي شي انثاوي
رد ظهره على الكرسي: اهاا
ورجع شاف لها: طيب قبل ما اعلمك كيف تكون مثلنا اشتيك اول تقل لي اسباب انضمامك لفريقنا اشوف لو تقنعني
شافت له
لؤي: ايش خليك تفكر تكون ولد ؟
شافت له وحركت فمها تتكلم وشفاتها ترجف : لللل لانه
كان منتبه عليها
فرح: ل ل ل
ماقدرت تتكلم والدموع نزلت وهو يشوف لها
كانت تحاول تتكلم ماقدرت انفجرت بكاء
وهو ساكت ويشوف بس
شافت له وهي تمسح دموعها الشديد
لؤي: لا تتتوقف ابكي واصل هنا محد بيشوفك ولا حد بينتبهه لدموعك وانا شخص غريب لا تعرفني ولا اعرفك ابكي بس
هداءت شوي وقام هو من حقه الكرسي للكرسي اللي مقابلها : الان قل لي ليش تشتي تكون مثلنا
ماتكلمت
رد هو ظهر : طيب انتهي الان وقت الجلسه بكره نتكلم
وقفت بسرعه وقفها:لحظه يا يزن
شافت له
ومكنها دفترها : هذا تبعك
اخذته من يده وخرجت
وزيد دخل بعدها : البنت حق امس كانت هنا
لؤي جلس: ايوه
زيد: ماوقع
لؤي: جالسه تبكي بس وهذا شي طبيعي بالجلسات الاولى .. بكره بتتكلم ونحاول نحل المشكله من جذورها
زيد: هيا عتروح
لؤي: بروح بيتي وما بروحش بيتنا تصايحت مع ابي اليوم
زيد: ليش انتو واصل تتصايحو اصلا
لؤي ضحك: اختي بتتزوج وانا مش عارف انشغلت بزواجي الاخير وماعاد كنت اروح البيت
زيد: معه حق
لؤي: معه اثنين عيال غيري وثنتين بنات بيمشو ع كيفه وانا بمشي ع كيفي
زيد: ومن الزوجه التاسعه؟ لا تكون البنت هذي
لؤي ضحك: هههههه هذي هذي مستحيل اتزوجها
انا اتزوج الرقيقات الجميلات الدلوعات مش واحد صاحبي هذه قد انت احسن منها
زيد ضربه بالملف: غبي
وهو ضحك وطلع معه
..........

سُبحان الله وبحمده
‏عدد خلقه - ورضا نفسه - وزنة عرشه
‏ومداد كلماته ..
سُبحان الله وبحمده
‏عدد خلقه - ورضا نفسه - وزنة عرشه
‏ومداد كلماته ..
سُبحان الله وبحمده
‏عدد خلقه - ورضا نفسه - وزنة عرشه
‏ومداد كلماته ..🦋

يا رب إجعلني اتعلق بالصلاة لدرجة اني اشتاق للفرض قبل ما اسمع الاذان.” ❤️

"استغفرُوا الله حتى تنجبِر
قُلوبكم وتَطيبُ أرواحُكم" 💕

كان الرسول ﷺ إذا ضاقت دنياه يردد :" يا حي يا قيوم برحمتك استغيث ، أصلح لي شأني كله و لا تكلني إلى نفسي طرفة عين.".

‏" لن تتغير نظرتك إلى الحياة مادمت تنظر من نفس النافذة "

"إنما إبتلاك لتقترب، لا لتكتئب."

اللهم هوّن علينا ثقل الأيام حين تأتي على غير ما نُحب و أرزقنا الرضا بأقدارك.❤️

ويأتيك جبرٌ من الله يُنسيك متاعب أيَّامِك

‏"كُنْ واقعياً في كلِّ شيءٍ، إلا في الدُّعاء بَالِغْ ..أنتَ تسألُ ربَّ المستحيل."

البارت الثالث


كان يتصل له بضبح وهو ببيته بيشرب قهوه ويشوف التلفزيون
شاف التلفون وهو رقمه ترك القهوه من يده
واخذ التلفون وتنهد: ايوه
ابوه بعصبيه: وينك يا دكتور الجن ما تروح
لؤي ابتسم : بين اعاالج الجن
ابوه : روح ياالله ااختك بتتزوج والناس بيسالو عنك ماقل لهم
لؤي: بكره مالي نفس اليوم اشتي انام بهدوء
ابوه : حاضر ي لؤي حاضر ي دكتور
غلق وهو شاف التلفون : اعصابك يبه اعصابك
ترك التلفون على الطاوله وهو يفكر ويضحك * قال يزن قال ، محد ضحكني في شغلي مثل البنت ذي لبسها كيف حد عاقل يلبس كوفيه عسكريه فوق حجاب هههههههه وصوتها كيف تفعل به هههههههههههه اتوقع حتى لو ارجع لها انوثتها بيكون هذا طبعها ، شكلها مش مهتمه فيه خالص !*
..........
كانت جالسه تشوف الشباك على كرسي متحرك عندما دخلت والدموع محبوسه داخلها
شافتها بتعجب: من انتي
جلست ع ركبها : اشتي تحظنيني يا خاله ممكن
شافت لها بتعجب وهي بكت
اخذتها لحظنها وتركت راسها على ركبتيها وهي تبكي: مالش ي بنتي
اثير ودموعها تنزل على ركبه امها : زوجي بيتزوج تخلاء عني
ام اثير: يووووه وليش هذا كله
اثير: قال اني ما اخلفش
ام اثير: هم الرجال كذا يدورو لهم اعذار
اثير ودموعها تنزل : الخميس ذا الزفه
ام اثير: خلاص لو مقهوره قوي فلتيه شوفي لك حد يحبك وتزوجي لا تعلقي نفسك به
اثير : ياليت اقدر ياليت ماقدرش اتركهه ولا اتخلاء عنه
وهي تمسح شعرها: الله يجبر خاطرك
...........
كان هو بالعياده عندما وصلت بلبسها ذاك دئما تكون اخر واحده
دخلت وهو ابتسم: مرحبا بيزن
ابتسمت وهو اشر لها تجلس
لؤي: والان ما بتحاكيني سبب انضمامك للفريق
ضحكت وبصوت غليض: اسمع
لؤي: قول
فرح: لما كنت مازلت صغير ماكنت اقدر اعمل شي بسبب خوف امي الشديد علي ولما كبرت شوي امتنعت من اللعب من الخروج من كل شي بحجه اني خلقت بنت
عمي زوجها يكرههني قوووووي ويشتي يزوجني با اي طريقهه ودئما يعامل امي معامله قاسيه وما تقدر ترد عليه بكلمه .. كم مرات ضربها امامي
التفتت له وركبها يهتزو بتوتر
وقف وهو وجلس مقابل لها: كمل
فرح : كنت انقهر عليها ماقدرش اعمل شي لاني بنت
لما وصلت ١٦ سنه بالصدفه قابلت ابي
كنت اعرفه من صوره وهو ما يهرفنيش خالص ولا يعرف ان عنده بنت اصلا
لؤي: وين شفتيه
فرح والدموع تجمعت: كان ابو صاحبه صاحبتي
لما عرفت صاحبتي انه نفس الاسم تعرفت عليهم
طلع تزوج امي وهو متزوج ولما مل منها تركها وهي حامل بي بدون ما يعرف
امي مسكينه كانت تدي له مائه عذر لما اجبروها اخوالي تتزوج الظالم هذا لانه محد منهم تحملها
ذاك اليوم فقدت ثقتي بكل شي
انهارت بالبكاء: طوال حياتي ادعي ابي يجي و تفتك كربته ويرجع وياخذني واتخلص من كل الذل اللي عشته كنت اعتقد الاب سند وظهر بنته وزوجته لكن ايش كانت الحقيقه !
ماقدرت اكلم امي للان ما تعرف
وبعدين جبرني زوجها انخطب ل ابن صاحبه
وقتها كنت بدات احاول اغير شخصيتي اشتي اكون قويه مش انثى ضعيفه مثل امي اللي اخوالي فسخو زواجهها بالمحكمه وزوجوها غصب
اشتي ما اتحاسب ع اخطائي مثل ابي
عندما قالت هكذا نزل هو عيونه وكانه خجل من نفسه :...
تكمل :بس خطيبي ماعجبته خالص يشتي بنت رقيقه تدلعه
وانا ماكنت طايقته اصلا
تصور فعل علاقه مع صاحباتي كلهن وبالاخير رجم الدبله في يدي وتزوج جارتي يقهرني
وانا بقيت منبوذه لاني بنت
زوج امي حاول يضربني بيقل اني فضحت به
وقتها قصيت شعري حلقته كاامل صفر وحلفت اني ماعادد بكون انثى ابدا ولا اسمح لرجل يهينني ولا اكون مثل امي يجي حد يتزوجها فتره ويهجرها ويترك فؤادها مكسور
لؤي بلع رقيه بصعوبه وشاف لها : طيب عذرك مقنع
فرح بصوتها الثقيل : يعني ببتساعدني اكون مثلك
لؤي هز راسه : ايوه بس اليوم الجلسه خلصه نبدا من بكره
خرجت وهو يشوف بعدها بقهر
ورجع الكرسي وضرب بيده الطاوله : انا ايش عملت !
كيف كلام البنت هذي طعني طعن
مععقوله انا جردت بنات من انفسهن وكانو ضحيه مثل هذي البنت !
هل انا كنت بهذه القسوه !
خرج ماعاد انتظر لصاحبه ركب السياره وروح بيته
دخل شقه الرجال لانه ضيوف اخته بالشقه الثانيه
شاف ابوه في وجهه: ذكرت ان معك بيت يا دكتور
ممارد يحس انه متعب
دخل غرفته وغلق ماعاد تعشي وجلس ع السرير *اكون مثل امي يجي حد يتزوجها فتره ويهجرها ويترك فؤادها مكسور* * اكون رجل ما اتحاسب على اخطائي مثل ابي *
مسك راسه: اووووووف اطلعي من راسي اطلعي
شوي ووقف فتح الشباك وفك شميزه وكلامها يعيد نفسه داخله :.....
.........
بهاء كان بغرفته ويشوف لمكان اثير : وحشتيني
وحشتيني يا اثير يا قصه حبي الوحيده
فتح الكمبيوتر ويشوف صوره معها : يا احب من لي كيف اصبر نفسي وانتي غايبه
خايف اتصلك الان وقلبك مجروح وتجرحيني
ترك الكمبيوتر وتمدد على السرير: يا الله انت غرست هذا الحب ،اغرس لي صبر وخفف الم الشوق ذي داخلي
..........
ولا قدر ينام الا قريب الفجر
الصباح قبل يومين من زفه اخته كان بالعياده
دخلت هي اخر واحده كالعاده
ابتسم لها : حيا بيزن تفضل اجلس
جلست مبتسمه
لؤي : او