قصيده للعباس عليه السلام

🏴🏴🏴🏴🏴🏴🏴🏴
هذا مو عباس سبع الگنطرة
هذا كل الكون طايح على الثرى
🏴🏴🏴🏴🏴🏴🏴🏴
الكون كله اليوم مگطوع الجفوف
هذا مو عباس طايح بالطفوف
والزجية تعنت تنوح او تطوف
مالگت عباس شافت حيدرة

هذا موعباس سبع الكنطره
هذا كل الكون طايح عالثره
🏴🏴🏴🏴🏴🏴🏴🏴
دنّگ الموت القبض روح الكفيل
باس دم الهامة والمدمع يسيل
ايگلة اجيتك نادم او عندك دخيل
ارجوا من حامي الدخيل المعذرة

هذا موعباس سبع الكنطره
هذا كل الكون طايح عالثره
🏴🏴🏴🏴🏴🏴🏴🏴
من وگع عباس فاگد يمنته
هية گاع الطف اتعنت تلاگته
والسهام البنحر من صابته
هيَ من دم السهام امطبرة

هذا موعباس سبع الكنطره
هذا كل الكون نايم عل ثره
🏴🏴🏴🏴🏴🏴🏴🏴
بالحرب محد مِلَكْ هاي الخصال
ياهو من جف يمنته تخاف الجبال
والأسد من يزئر بسوح القتال
صاب جف السيف والسيف انبره

هذا موعباس سبع الكنطره
هذا كل الكون طايح عالثره
🏴🏴🏴🏴🏴🏴🏴🏴
عجبة من طاح الگمر بجنب النهر
ماطلع عباس واتلگه الگمر
والمُهر شايل جبل فوگ الظهر
مافطر گاع الطفوف بحافره

هذا موعباس سبع الكنطره
هذا كل الكون طايح عالثره
🏴🏴🏴🏴🏴🏴🏴🏴🏴
من وگع عباس فوگ المشرعة
هدم أركان آل أمية ابمصرعه
لاجفوف او گام هاي الفاجعة
والبطل معروف عند الزمجرة


هذا موعباس سبع الكنطره
هذا كل الكون طايح عالثره

🏴🏴🏴🏴🏴🏴🏴🏴

*نادوه بالعليلِ ،*
*فجعلَ عار ما فعلوه عِلة لازمة في قلوبِهم ،*
*لم تشفَ أبداً ..*
*حيث ذاع خزيهم  في عِقرِ دارهم ،*
*وحطم قصورهم بخطبتِه ..*
*كيف لا وهو ابن :*
*"أربطُهم عِناناً، وأثبتُهم جَناناً،* *وأمضاهم*
*عزيمة، وأشدّهم شكيمة "*

*هو زين العباد  علي السجاد ،*
*فسَلَامٌ عَلَيْهِ يَوْمَ وُلِدَ وَيَوْمَ يَمُوتُ* *وَيَوْمَ يُبْعَثُ حَيًّا ..*

*#استشهاد_الامام_السجاد*
*#٢٥_محرم*

يمه زينب .... وين وداچ الزمان
يمه زينب .... وين صرتي بيامكان
رحمي ياكربلاء.... زينب مدلله

قلبي يازينب .. من الحزن شيب
ابجي لمصابي وعلى مصاب الغريب
روحي تتالم .. دمعي ينزل دم
من اشوف حسين مذبوح وسليب
وادري بالمصرع .. لو جرى المدمع
لايفيد ولاكو لجروحي طبيب
واقفه واسال .. زينب على التل
تنادي ياحسين وبجت مامن مجيب
على الفواطم. زينب عليها صعب
على الفواطم. تنظر اعيون الغرب
هامت بها الفلا .. زينب مدللة
رحمي يا كربلا .. زينب مدللة

يمه زينب .. وين وداج الزمان
يمه زينب .. وين صرتي بيا مكان
رحمي يا كربلا .. زينب مدللة

العايله احتارت .. من العطش صارت
تشرب ادموع اليتامه وما روت
مخدرات حسين .. تركض برجلين
احترقت بنار المخيم وانجوت
لمت العيله .. وهيا تشكي له
وحشة الليل الطويل وما قضت
والنذل واقف .. سوطه ويشاقف
يرعب قلوب الارامل لوبجت
والمصيبه. تبجي يضربها النذل
والمصيبه. حضروا نوق الهزل
لليسر راحله .. زينب زينب مدللة
رحمي يا كربلا .. زينب مدللة

يمه زينب .. وين وداچ الزمان
يمه زينب .. وين صرتي بيامكان
رحمي يا كربلا .. زينب مدللة

نادت اعلى حسين .. بلقلب نارين
نارك ونار الهضيمه الماتهيد
انظر اطفالك .. خويه وعيالك
والفواطم من تون ناري تزيد
من درت فينا .. والخلق جينا
تنظر بعين الشماته وعندها عيد
خويه مرينا .. كل دواوينه
فرجه سوانا عقب عينك يزيد
ابلا محامي . وحيده زينب بلا كفيل
ابلا محامي. بس ارامل والعليل
كم هظم شايله .. زينب مدلله
رحمي يا كربلا .. زينب مدللة

يمه زينب .. وين وداچ الزمان
يمه زينب .. وين صرتي بيامكان
رحمي يا كربلا .. زينب مدللة
رحمي يا كربلا .. زينب مدللة

الشاعر أحمد الهلباوي

#يل_لابس_اثياب_العرس

يل لابس ثياب العرس وين العرس
يوليدي ضلت بالنفس وين العرس
باحلامي هلهوله وبلا صوت
گدامي شاب وگصد للموت

عرسك فلا حاجة ضوه
زينه وشمع وبخور
من كلشي الله مزهبه
ومكدر ومگدور
صورة جمالك زينته
وخدك ورد منثور
وانفاسك لعرسك عطر
بس عرسك بعاشور

┅━━━℘⇣••●💔●••⇣℘━━━┅
آه يبني ياجسام.....آه يبني ياجسام.....آه يبني ياجسام
┅━━━℘⇣••●💔●••⇣℘━━━┅

شجاب الورد يم العطش يبن الحسن
ما جنك بسن اهدعش يبن الحسن
بعيونك فرگه ووداع وثار
يحنونك حنة عرس ما صار

هيبة شبابك تارسه
عيوني فرح مذبوح
عرسك زفافك حنتك
للحومه كون يروح
وهلهوله خرسه بلا فرح
غالب عليها النوح
جرحي تسولف شمعتك
حته الضوه مجرح

┅━━━℘⇣••●💔●••⇣℘━━━┅
آه يبني ياجسام.....آه يبني ياجسام.....آه يبني ياجسام
┅━━━℘⇣••●💔●••⇣℘━━━┅

يوليدي رايح زفتك لو حومتك
جاوبني گاصد حوفتك لو حومتك
بهدومك كشخة گمر مخسوف
برسومك ثار وحرب وسيوف

يالگاصد ارض المعركه
ثوب العرس بدله
حنتك لمقبر صارمك
يوليدي شتگله
ما شايفه زفه بحرب
هذا العمر كله
بس انته يبني بكربله
الماصيره صرته

┅━━━℘⇣••●💔●••⇣℘━━━┅
آه يبني ياجسام.....آه يبني ياجسام.....آه يبني ياجسام
┅━━━℘⇣••●💔●••⇣℘━━━┅

جنك نويت لفرگتي بطف كربله
شيگضي عگبك غربتي بطف كربله
يا گلبي شكد هالعرس تانيت
وتربي تاليها فرگه جنيت

لو قررت يبن الحسن
گلب امك تحرمه
اترس اذاني يالولد
من كلمة اليمه
وبعطرك اترس غربتي
حته ابقه اشتمه
يمخلي رسمك ع الجفن
باحضاني شيضمه

┅━━━℘⇣••●💔●••⇣℘━━━┅
آه يبني ياجسام.....آه يبني ياجسام.....آه يبني ياجسام
┅━━━℘⇣••●💔●••⇣℘━━━┅

هالجلمه صارت سولتي آه يالولد
عگبك يجاسم ندبتي آه يالولد
كل عمري ناذرته لجل ارباك
ما ادري احصد جمر فرگاك
سيد محمد جابر الحلو

يبني اسهرت ليل الربه
يشهد الك حجري
هسه اسهر امجن مصيبتك
يشهد الك دمعي
ليه انكتب جن السهر
يوليدي كل عمري
راح آخذ وياي الحزن
ودموعي بگبري

┅━━━℘⇣••●💔●••⇣℘━━━┅
آه يبني ياجسام.....آه يبني ياجسام.....آه يبني ياجسام
┅━━━℘⇣••●💔●••⇣℘━━━┅

۞الشاعر:- سيد محمد جابر الحلو


ثواب النشر هدیة الی روح امي و ابوي

#الناشر_مهدي_الكعبي

يـالابس اثياب العرس وين العرس
يوليدي ظلت بالنفس وين العرس

بحـلامي . هلهوله وبـلا صوت
جـدامي . شاب وگصـد للموت

آآ يبني ياجسـام
آآ يبني ياجسـام
_______

عرسك فلا حاجه الضوه زينه وشمع وبخور
من كلشي الله مزهبك ومگدر ومگدور
صورة جمالك زينتك وخدك ورد منثور
وانفاسك لعرسك عطر بس عرسك ابعاشور

آآ يبني ياجسـام
آآ يبني ياجسـام
_______

اشجاب الورد يم العطش يبن الحسن
ماچنك ابـسن اهدعش يبن الحسن

بعيـونك . فرگه ووداع وثار
يحنـونك . حنـة عرس ماصار

هيبة شبابك تارسه عيوني فرح مذبوح
عرسك زفافك حنتك للحومه كون ايروح
وهلهوله خرسه ابلا فرح غالب عليه النوح
جرحي تسولف شمعتك حته الضوه مذبوح

آآ يبني ياجسـام
آآ يبني ياجسـام
_______

يوليدي رايح زفتك لو حومتك
جاوبني گاصد حوفتك لو حومتك

بهـدومك . كشخـة ولد مزفوف
وبرسـومك . ثار وحـرب وسيوف

يالگاصد ارض المعركه ثوب العرس بدله
حنتك بالمقبض صارمه يوليدي شتگله
ماشايفه زفه ابحرب هذا العمر كله
بس انته يبني بكربله الماصار ابد مثله

آآ يبني ياجسـام
آآ يبني ياجسـام
_______

يـالابس اثياب العرس وينه العرس
يوليدي ظلت بالنفس وينه العرس

بحـلامي . هلهوله وبـلا صوت
چـدامي . شاب وگصـد للموت

آآ يبني ياجسـام
آآ يبني ياجسـام
_______

چنك نويت لفرگتي ابطف كربله
شيگضي عگبك غربتي ابطف كربله

ياگلبي . اشگد هالعرس تانيت
واتربي . تاليها فرگه اجنيت

لو قررت يبن الحسن گلب امك اتحرمه
اترس اذاني يالولد من چلمة اليمه
وبعطرك اتـرس غربتي حته ابقه اشتمه
يمخلي رسمك عالجفن بحظاني شيضمه !

آآ يبني ياجسـام
آآ يبني ياجسـام
_______

هالچلمه صارت سولتي آ يالولد
عگبك يجاسم ندبتي آ يالولد

كل عمري . ناذرته لجل ارباك
ما أدري . احصد جمر فرگاك

يبني اسهرت ليل الربه يشهد الك حجري
وهسه اسهر ابچي مصيبتك يشهد دمع يسري
اعليه انكتب چم السهر يوليدي كل عمري
راح آخذ وياي الحزن وادموعي الگبري

آآ يبني ياجسـام
آآ يبني ياجسـام
_______

كلمات الشاعر : سيد محمد جابر الحلو

_____

المجلس:-وصول سبايا الإمام الحسين (عليه ‌السلام) ورأسه الشريف إلى الشام🏴

📚📚📚📚📚📚📚

لطميه ثقيلة لدخول زينب ع  الى الشام
ــــــــــــــــــــــ
طبت الشام  عمتني  طبت الشام
ضيم الايام  كضاني  ضيم الايام

المن اشكيها المصايب
والحنين عله الترايب
طبت الشام  عمتني  طبت الشام
............
حيره حيرني الوكت واهلي نسوني
وين رحتي  ابياكتر ما   ناشدوني
ريت  ميته  والا  الجاتلك خذوني
خويه  للمجلس يسيره اوطببوني

مجتفه واحبال  بيدي
وانه اكل لروح  هيدي
طبت الشام  عمتي    طبت  الشام
...........
خويه اشيكيلك هظم يوم الخذونه
اباب ساعات  الحزن  من  وكفونه
وحده اتصد عله وحده وين اخونه
كون اهلنه بهل مصيبه ايشاهدونه

احنه  وي راسك وكفنه
والشمس حركت وجهنه

طبت  الشام  عمتني  طبت الشام
..............
من الدرب  يحسين تعبانه بناتك
لوتجي وتشوفها  حالت  خواتك
والشمس حركت اوجوه امدلاتك
الحك  اختك  كوم يالحلو صفاتك

خلي ابوالغيره  يجينه
ايشوفنه شلون انولينه
طبت   الشام  عمتني  طبت الشام
.............
وين  اخوي  وكافلي  واعتابي وياه
خل يجيني بساع مشتاكه التهاياه
ريت  ينضر  بالعقيله  اسوت اعداه
كبل  عيني  والنذل  يضرب ثناياه

شفته  بعيوني ضربهن
وسكنه  وارقيه شعبهن

طبت  الشام  عمتني  طبت الشام
..........
بعد ششكيلك  هظم كلبي وعذابه
اه  يكلبي  واه  ياهمه    وامصابه
اسعرت بدلال   يا  نار     الخرابه
اصار  كلي  يوم   نمنه   عالترابه

يخوتي باليلة  رقيه
انه ماضل حيل بيه
طبت  الشام  عمتني  طبت الشام
================

المقدمة..(الديباجة)
صلى الله عليك ياسيدي ومولاي يارسول الله....

صلى الله عليك ياسيدي ومولاي يااباعبد الله....

السلام عليك يا حسين....

السلام عليكِ مولاتي يازينب..

============
أبوذية
======
كلبي  ماكطع   نوحه  ولا هاد
لا  والي  الفزع   ليه   ولاهاد 
صحت هد الحبل مني ولاهاد
حتى الطم وادك  بثنين اديه

نعي  لدخلول  زينب ع إلى الشام عندما
وقف زينب ع باب الساعات
ـــــــــــــــــــــــ
بالشمس والحر  وكفونه
تمنيت ذاك الحيد اخونه
واكله عكب عينك  ولونه
........
كونك تجي وتعاين الحال
تشوف حالي وحال الاعيال
فوك الشمس اذتنه  الاحبال
.........
ريتك عدل  واتصد اليه
وتعاين  سكينه  ورقيه 
بعيونهن  دارن    عليه
..........
دارن علي والعين تدمع
والشمس فوك الروس تصدع
وين  الحنين اليوم  يفزع
........
شاب الكلب من كثر همه
وشبيدي عليجن  يعمه
عساها  يعمه العين تعمه
...........
صاحت ومنها الحيل خلصان
وراجن  بعد  طبت  الديوان
نطر الزلم  وي رؤس الاخوان
.............
ياريت ميته والاطب  ليه
وراس حسين جدامي يخليه
عفيه عله كلبي وحيل ضل بيه
==============

المجلس:-

انا لله وإنا إليه راجعون:-
ألف لا حول ولاقوة الابالله العلي العظيم

لما أدخلوا الرؤوس والسبايا في دمشق الشام أمر يزيد فزينت داره بأنواع الزينة وأوصلوا الرؤوس والنساء وقت الزوال إلى باب..

قال المحدث القمي في نفس المهموم في أول صفر أدخل رأس الحسين (ع) إلى دمشق وهو عيد عند بني أمية. و قال البهائي في الكامل أوقفوا أهل البيت على باب الشام ثلاثة أيام، حتى يزينوا البلد فزينوها بكل حلي وزينة ثم استقبلهم أهل الشام من الرجال والنساء مع الدفوف، وخرج أمراء الناس مع الطبول والصنوج والبوقات، فلما ارتفع النهار أدخلوا الرؤوس إلى البلد ومن ورائها الحرم الأسارى من أهل البيت(عليهم السلام)
قال سهل بن سعد الساعدي: رأيت الرؤوس على الرماح ويقدمهم رأس العباس بن علي (ع) فنظرت كأنه يضحك ورأس الإمام كان وراء الرؤوس أمام المخدرات وللرأس مهابة عظيمة ويشرق منه النور، بلحية مدورة قد خالطها الشيب، والريح تلعب بلحيته الشريفة يمينا وشمالا كأنه أمير المؤمنين. رأس ابن بنت محمد ووصيـ للناظرين على قناة يُرفع لا منكر منهم ولا متفجع
وأكثر من ذلك ما قاله أبو مخنف عن سهل أن عجوزا قامت إلى رأس الحسين (ع) وبيدها حجر ضربت به وجه الحسين (ع) فأدمته وسال الدم على شيبته، فالتفتت زينب (عليها السلام) إلى الرأس الشريف فرأت الدم سائلا على وجهه و شيبته، فلطمت وجهها ونادت

وا ،غوثاه وامصیبتاه، وا محمداه، وا علياه، وا حسناه،

هذا وبعد أن ادخلوا على يزيد وضع اللعين رأس الحسين في طست كي يحرق قلب الإمام زين العابدين
وباقي العلويات وضعه امامه وكان بيديه خيزران صار ينكث بها ثنايا ابي عبد الله ويطعنه في وجهه، الله أكبر ،فتعالت اصوات النساء بالبكاء والنحيب اما زينب (سلام الله عليها) وجهت ذاك الخطاب العظيم وكأنها تفرغ عن ابيها أمير المؤمنين(عليه السلام)

أمن العدل يا بن الطلقاء تخديرك نساءك(حرائرك) وإماءك، وسوقك بنات رسول الله( صلى الله عليه وآله) يحدو بهن الأعادي من بلد إلى بلد، ويستشرفهن أهل المناهل والمناقل،يتصفح وجوههن) القريب والبعيد، والدني والشريف، ليس معهن من رجالهن ولي، ولا من حماتهن حمي..غير متأثمٍ ولا مستعظم، وأنت تنكت بمخصرتك ثنايا أبي عبد الله سيد شباب أهل الجنة ؟ فكد كيدك واسعى سعيك وناصب جهدك فوالله لن تمحو ذكرنا
نظرت الى رأس اخيها بأبي وأمي يازينب ...احترق

فؤادها نادته وااحسينااه....
ـــــــــــــــــــــــــــ
نعي مجاريد
لدخول زينب ع إلى الشام
ــــــــــــــــــــــ
اودي  العتب  للبيه   حميه  
اختك طبت الجلسه وسبيه
وزاد  الهم  يبو فاضل عليه
............
صاحت   بعبرتها    ينيام
ياغدر الدهر  ياجور الايام 
اختكم سبيه وطبت الشام
............
طبت  ودمعته  عله   الخد
يكون  الوكت عباس  ينرد
يرد  طورنه   والمات  يكعد
...........
كون  من  أدير  العين اشوفه
واكف  بطوله  ويرد    شوفه
من بعيد   توميلي   اجفوفه
............
يكلي اسمعت ونج  واجيتج
عتابج    وصلني   واعتنيتج
عرضت  كبل  عيني  خويتج
..........
عرضت عيونج كبل عيني
سمعتج يزينب تحاجيني
عليك بداعت الخوه تجيني
............
تكله
عرضت عيونه  بيوم  طبيت
دم   مودمع   عباس    هليت 
يردك  عليه   الموت    ياريت
.............
طبيت  والديوان    مصفوف
وجفي  يخويه بحبل مجتوف 
وبناتك خذاها  الرعب والخوف
...........
كعدو    يهلنه  وبسكم   النوم
كضتنه  الشماته  وثكل الهموم
والي   الحرم  مايكدر  ايكوم
...........
رمحه   الدهر  بحشاي  شجه
كل ساع دمع  العين  اسجه
من اشوف الولي عليه  يتوجه
===============
هذا ولله الحمد

الرثاء//بقلم ام زينب كربلاء

تنظيم المجلس//فــريـق الإنتــظار بقـــائنـا//

https://www.tg-me.com/ffhuqq

سلام عليكم اخواتي العزيزات ارجو الانتباه من الجميع اخواتنا ملالي وخادمات فاطمة الزهراء عليها السلام

احد الأخوات الملالي بالفواتح والمجالس تكول للنساء كصن باص يم شريفه وتلم افلوس من النسوان هاي برئيكم مقبوله مع الأسف والله بس اسال سؤال واحد اريد جوابه من الأخوات المواليات يعني هيه المله تشتغل سكرتيره يم سيده شريفه مثلا مو صارت البدع ما الها حد والمشكله النسوان تمشي عليهن ويصدكن ويدفعن إلى متى نبقه بجهل اخواتي ارجو الانتباه من الجميع وليس من البعض اهل البيت عليهم السلام يجب علينا احترامهم في كل قصيده وابيات شعر وبالمجالس الحسينيه الحسين عليه السلام مو فقط ثوابات وليس توزيع الحسين عليه السلام علم معرفه دين اخلاق مبادئ قيم لا نجي احنه عن جهل نحرف ونقيم بدع وجداوه بسم اهل البيت عليهم السلام تره فشله من مولاتي الزهراء عليها السلام

ياريت الكل الأخوات الي يدعن خادمات فاطمه الزهراء عليها السلام ان يدرسن تاريخ اهل البيت عليهم السلام ويسجلن حوزات ويسألن على كل تصرف يصرفنه هل ترضه عليه الزهراء عليها السلام لو هذه مخالف لزهراء اخواتي لاضلن دورن ماده وفلوس وأهم شي اقراء بالفواتح واطلع مبلغ الفلاني او اقراء مجلس واخذ مبلغ الفلاني اخواتي الأجر ناخذه من صاحبت العزاء هي مولاتي الزهراء عليها السلام وليس من خدام اهل البيت عليهم السلام ارجو الانتباه شنو ينطوكم اقبلو لا داعون ولا تكولن مايكفي قليل ووو الاحراج الي يصير على مبالغ المجالس تره فشله من الزهراء عليها السلام
والله اعرف احد صديقاتي كانت غير قنوعه ودور ماده وتحرج الخادمات اول ما انسلب توفيقها وضلت ماتطلع مجالس ولا احد يدز عليها وزوجها منعها ليش ننحرم من مجالس اهل البيت عليهم السلام
للأسف صارت مجالس اهل البيت عليهم السلام تجاره عد بعض الملالي وافشلتاااه من مولاتي الزهراء عليها السلام
تره المجالس يرادلها توفيق وهاي نعمه حافظو عليها جزاكم الله خير الجزاء
اختكم علويه ام حسن البدري 😔
من حركت كلبي احجي ابروني ذمه

الاخوة والاخوات القراء والرواديد الافاضل
ليس كل ما يُكتب او تجدونه من قصائد يُقرا على المنابر
فهناك كلمات غير لائقة بمقام سيد الشهداء ورفعته وسمو مقامه العظيم
ان تقال بحقه
ولا نعرف الغاية من وراء كتابة هكذا نصوص
قد يكون طعن او عن جهل او للحصول على المال او للشهرة او غيرها وكلها تصب في مصب واحد
ولا نريد ان نعرف الغاية
ولكن
اعلم انك بذلك الفعل والعمل سوف تكون مع جيش عمر بن سعد وشمرا وال ابي سفيان وآل زياد وال مروان (عليهم لعائن الله ورسوله وال البيت عليهم السلام)
وتوجه سهامك بأتجاه الامام الحسين عليه وآله السلام
وسوف تكون مأثوم غير مأجور
و سيكون ال البيت عليهم السلام خصماً لك في الدنيا والآخرة

مثال على ذلك هذه الكلمات

عندي عتاب ويه حسين واعتاب لاخو لاخته
ليش العرض يبن امي بيد الغرب تيته

وغيره كثير
فأحذروا كل الحذر.

#ابوذيات
لمولاتي رقية روحي فداها

ينوگ بعلي امن اتمريـن جدماي
خل يسمع رقيه تصيـح جدماي
ونوبه اتصيح اذاني ونوب جدماي
ونوبه اتصيح متني ونوبه اديه

ابوج الشمر نحره شكثـر بيداج
وجم حافر ركض للجسد بيداج
هذا حسين ظل بس راس بيداج
موتي اوياه وخل الضيم اليه

علي محسن الزيادي

#اللهم_عجل_لوليك_الفرج

لسان حال الشاعر الزهراء عليها السلام تسأل عن أحوال زينب
🏴🏴🏴🏴🏴🏴🏴🏴

يمه زينب .... وين وداچ الزمان
يمه زينب .... وين صرتي بيامكان
رحمي ياكربلاء.... زينب مدلله ٢

كلبي يازينب .. من الحزن شيب
ابجي لمصابي وعلى مصاب الغريب
روحي تتالم .. دمعي ينزل دم
من اشوف حسين مذبوح وسليب
وادري بالمصرع .. لو جرى المدمع
لايفيد ولاكو لجروحي طبيب
واكفه واسال .. زينب على التل
تنادي ياحسين وبجت مامن مجيب

على الفواطم. زينب عليها صعب
على الفواطم. تنظر اعيون الغرب
هامت بها الفلا .. زينب مدللة ٢

رحمي يا كربلا .. زينب مدللة٢

يمه زينب .. وين وداج الزمان
يمه زينب .. وين صرتي بيا مكان
رحمي يا كربلا .. زينب مدللة
🏴🏴🏴🏴🏴🏴🏴🏴🏴
العايله احتارت .. من العطش صارت
تشرب ادموع اليتامه وما روت
مخدرات حسين .. تركض برجلين
احتركت بنار المخيم وانجوت
لمت العيله .. وهيا تشكيله
وحشة الليل الطويل وما كضت
والنذل واكف .. سوطه ويشاكف
يرعب اكلوب الارامل لوبجت

والمصيبه. تبجي يضربها النذل
والمصيبه. حضروا نوك الهزل
لليسر راحله ..٢ زينب زينب مدللة٢
رحمي يا كربلا .. زينب مدللة

يمه زينب .. وين وداچ الزمان
يمه زينب .. وين صرتي بيامكان
رحمي يا كربلا .. زينب مدللة
🏴🏴🏴🏴🏴🏴🏴🏴
نادت اعلى حسين .. بلكلب نارين
نارك ونار الهضيمه الماتهيد
انظر اطفالك .. خويه وعيالك
والفواطم من تون ناري تزيد
من درت بينا .. والخلق جينا
تنظر بعين الشماته وعدها عيد
خويه مرينا .. كل دواوينه
فرجه سوانا عكب عينك يزيد

ابلا محامي،،،، وحيده زينب بلا كفيل
ابلا محامي. بس ارامل والعليل

كم هظم شايله .. زينب مدلله
رحمي يا كربلا .. زينب مدللة

يمه زينب .. وين وداچ الزمان
يمه زينب .. وين صرتي بيامكان
رحمي يا كربلا .. زينب مدللة
رحمي يا كربلا .. زينب مدللة
🏴🏴🏴🏴🏴🏴🏴🏴
الشاعر أحمد الهلباوي