اظننچ على الناگة وتونين .. يزينب وين سويتي عزه حسين

وبنص الخرابه تدمع العين .. .. يزينب وين سويتي عزه حسين

وچم چادر على ابن امچ تريدين .. يزينب وين سويتي عزه حسين

...................

وچم بيرغ على اخوانچ تشيلين .. يزينب وين سويتي عزه حسين

ويا زلمه اليشيع من تشيعين .. يزينب وين سويتي عزه حسين

ومعازيبچ يزينب بس نساوين .. يزينب وين سويتي عزه حسين

ابفاتحة العزيز اشراح تطين .. يزينب وين سويتي عزه حسين

ابثواب حسين دمعاتچ توزعين .. يزينب وين سويتي عزه حسين

وقرآنچ تشگگ بيش تقرين .. يزينب وين سويتي عزه حسين

ونعاويچ گضن شلون تنعين .. يزينب وين سويتي عزه حسين

ابهيده ابچي يحره ولاتنوحين .. يزينب وين سويتي عزه حسين

عرجة ناگتچ خافن تطحين .. يزينب وين سويتي عزه حسين

ونسوانچ ثكالة لا تموتين .. يزينب وين سويتي عزه حسين

حگچ آ يزينب من تونين .. يزينب وين سويتي عزه حسين

وحگچ آ يزينب من تعتبين .. يزينب وين سويتي عزه حسين

اعتابچ ياذي اخوانچ الطيبين .. يزينب وين سويتي عزه حسين

ويا وسفة وندامة راح تمشين .. يزينب وين سويتي عزه حسين

ومنصوبة الفواتح للسلاطين .. يزينب وين سويتي عزه حسين

معقولة يزينب راح ترضين .. يزينب وين سويتي عزه حسين

وفاتحة الحنين ابنص دواوين .. يزينب وين سويتي عزه حسين

وچم نگبة على ابن امچ تشدين .. يزينب وين سويتي عزه حسين

_ _ _ _الشاعر سيد فاقد الموسوي__ _ ___

محمد علي آل كريم

#هوسات 🌹💐شعبانية🌹💐
*******
يالگاصد زيارة كربله اعرف زين
توجد للشفاعه ابهالمحل بابين
باب الكفل زينب باب ثاني حسين
واليطلب منهم ينطونه
****
حاجة اتريد ابو السجاد يگضيهه
روح الأبو فاضل كلّفه اعليهه
بس يسمع بسم عباس ينطيهه
ويحيي الگاصد يم بابه
*******
عباس اشأوصفك عقلي بيك احتار
وصفك ما أميزه امن الوصي الكرار
مثل خوّة علي ويّه النبي المختار
لحسين الطف يشهد بيهه
*****
هل نور الأمامه ابمنتصف شعبان
ليلة فرحة عمّت عالأنس والجان
بيهه ينولد شبل النبي الرحمن
ميلاد المهدي بهالليله
*******
نور امن الرساله اليوم شع بان
واله انهار التهاني اتفيض شعبان
ما مثلك شهر يا شهر شعبان
بيك انوار شعت للزچيه
******
هالليلة الزچية الزهرة فرحانة
بارينه عليهه تمم احسانه
ابميلاد الإمام المهدي عنوانه
فرحانه ويّاهه الشيعه
******
الشاعر قاسم الساعدي المندلاوي

باب الحوائج آني
=========
قصيدة للسيدة شريفة عليها السلام
===================

باب الحوائج آني ... ما خاب من ينخاني
وطبع بيه ما أعيفه ... الصاح وينج يا شريفه
.
آني بنت الألله أكرم ما خلق
البسمه بحر النيل لموسى إنفلق
الصاح بسمي وينتخي بساعة قلق
الناس أصيرله وأصيرله الفلق
كلمن نخه وناداني ... يم علته يلكاني
كاطعه لجرحه نزيفه ... الصاح وينج يا شريفه . 1
.
آني شريفه والمثل بيه إنضرب
بإعجاز طبي عجزت طب العرب
ومثل جدي علي كشاب الكرب
أكشف الكربه بإذن من هو رب
بنت الحسن هيه آني ... جف الكرم عنواني
مرقدي هوه مضيفه ... الصاح وينج يا شريفه 2
.
إبفضلي شهدت للزمن كل الملل
جفي مستشفه ودوه الكل العلل
شاف الأعمه وإستقام البي شلل
والشدايد تغدي يم بابي حلل
ما أرجع إلي إتعناني ... إبنفس علته إيعاني
بالشفه إيدي خفيفه ... الصاح وينج يا شريفه 3
.
وإيصير حلال المشاكل جد إلي
ينوصف جف الحفيده جف علي
آني شريفه العون كلمن مبتلي
يرجع إبفرحه الإجه دمعه إيهلي
ما خله ساعه إيتاني ... الكاصد مقامي عاني
ما خلي دمعاته ذريفه ... الصاح وينج يا شريفه4
.
مريم العذراء أنه إبهذا العصر
والله خله العافيه إبجفي تدر
آني مفتاح اليسر قفل العسر
وبإذن الله الشده يمي تنكسر
رب العرش خلاني ... عيسى المسيح الثاني
أسمع الحته إعله كيفه ... الصاح وينج يا شريفه5
.
أبوجعفر العبودي
.
ونسألكم الدعاء والفاتحة لأم البنين ع

يابو فاضل ...... طيحة ايدك مو وقتهه

يابو فاضل ....... ضربوا متوني وردتهه

يابو فاضل ....... زينب اني الواعدتهه

يابو فاضل ...

*********

والله دنيا وصارت اخبارك بعيده

وانت ذاكه العشت كل عمري بوريده

اذكر الشامت قبل من يرفع ايده

ما اميز بينك وبين الرعيدة

اشتكيلك ....... والشمس صبغة عباتي

اشتكيلك ....... جنت وياك شحلاتي

اشتكيلك ....... روحي وردة وذبلتهه

يابو فاضل ....

*********

يابو فاضل ...... طيحة ايدك مو وقتهه

يابو فاضل ....... ضربوا متوني وردتهه

يابو فاضل ....... زينب اني الواعدتهه

يابو فاضل ...

*********

خويه مشتاقتلك بكد مانخيتك

خنكة صارت بلمخيم واعتنيتك

قبل لا اوصل الك وصلت منيتك

عمت عيني امخضر الدم بلحيتك

هذا حالي ......كصتي انطبعت بدية

هذا حالي ........ ليش مادفنوك بية

هذا حالي ........ دمعتي بخدي عفتهه

يابو فاضل ........

*********

يابو فاضل ...... طيحة ايدك مو وقتهه

يابو فاضل ....... ضربوا متوني وردتهه

يابو فاضل ....... زينب اني الواعدتهه

يابو فاضل ...

*********

قلبي ماينطيني سهم العين اعوفه

لون وجهك حيل متغير اشوفه

خويه دليني اعله جرحك حتى اروفه

كلي وين اليوجعك خليني اطوفه

انا وانته ....... نشبه اشراع السفينه

انا وانته ....... امتون وجفوف التقينه

انا وانته....... وحدة موتتنه ردتهه

يابو فاضل ......

*********

يابو فاضل ...... طيحة ايدك مو وقتهه

يابو فاضل ....... ضربوا متوني وردتهه

يابو فاضل ....... زينب اني الواعدتهه

يابو فاضل ...

*********

راسك اعله الرمح وجفوفك كطيعه

ما عرفتك من لكيتك عالشريعه

ليش ساكت ضاكت بعيني الوسيعه

احجي حركت خيمتي نار الفجيعه

ياهضيمة ....... الماي يتبدة ويعمرك

ياهضيمة ........ امدافع سهام اعله ظهرك

ياهضيمة ........ خوية رايح ماكلتهه

يابو فاضل .....

*********

يابو فاضل ...... طيحة ايدك مو وقتهه

يابو فاضل ....... ضربوا متوني وردتهه

يابو فاضل ....... زينب اني الواعدتهه

يابو فاضل ...

*********

يوجع فراك الاخو وداعة شبابك

من بعيد ايبين بوجهي غيابك

راح اوزع جم نهر خويه بثوابك

وكضي كل العمر منتظرة اعله بابك

ما اعوفك ......... لحد ما تعمة النواظر

ما اعوفك ........ ادري ماتكسرلي خاطر

ما اعوفك ....... يا اخو المارخصته

*********

يابو فاضل ...... طيحة ايدك مو وقتهه

يابو فاضل ....... ضربوا متوني وردتهه

يابو فاضل ....... زينب اني الواعدتهه

يابو فاضل ...

*********

شلون اردن للخيم وعيوني حمرة

لو سئلني حسين عنك بيش اصبرة

هاي اول مرة اشوف ايده اعله ظهرة

فركه الخوان ما توصلهه كسرة

باربعينك ......خويه مشايه اعتنيلك

باربعينك ......... اترس عيوني واجيلك

باربعينك ........ ارسم همومي العشتهه

يابو فاضل ....

*********

يابو فاضل ...... طيحة ايدك مو وقتهه

يابو فاضل ....... ضربوا متوني وردتهه

يابو فاضل ....... زينب اني الواعدتهه

يابو فاضل ...

*********

دارت الدنيا وتفاركنه ابسهولة

انت طايح والخصم يمشي اعله طوله

بداخلي ديرة حجي خليني اكوله

بعدك ا تصبح فعل ماضي الرجولة

ما اعاتب ........ لاتضل تحرك بدمك

ما اعاتب ........ عفت كسرة ظهري يمك

ما اعاتب ......... انت روحي الماعفتهه

*********

يابو فاضل ...... طيحة ايدك مو وقتهه

يابو فاضل ....... ضربوا متوني وردتهه

يابو فاضل ....... زينب اني الواعدتهه

يابو فاضل ...

*********

ما اكلك ارجع اعرف مستحيله

بس اكلك طيحه المالح ثجيله

خوية جاملني احلفك بلعليلة

كلي بس فترة غيابك مو طويله

ما اريدك ...... تعتذر ياخوية مني

ما اريدك ...... تنقهر وتزيد وني

ما اريدك ........ بس اريدك اي كلتهه

يابو فاضل ......

*********

يابو فاضل ...... طيحة ايدك مو وقتهه

يابو فاضل ....... ضربوا متوني وردتهه

يابو فاضل ....... زينب اني الواعدتهه

يابو فاضل ...

*********

قصيدة :يابو فاضل

كلمات :سيد رفعت الصافي

اداء : الحاج باسم الكربلائي

لسان حال الحسين عليه السلام حول الخرابه وماجرى بها..

بالخرابه ودنيا ظلمه وكاعدات
خويه اخبريني يزينب عالبنات
آه ياذيج المسيه
لاذت اسكينه ابرقيه
اشلون زينب من بكيتن حايرات
..........
آه يزينب سولفيلي اشسوه حر الشمس بيج
وانتي تعبانه مشيتي وبالحبل مشدوده اديج
وعالهزل لمن ركبتي انشبحت عيوني عليج
وحته شفت النوك تبجي عرفن ابلوعة سبيج
النوك تبجي الهظمتج
وتعتذر جي شالتج
وناكه وصت ناكه بيج وهايمات
.........
خويه شحجيلك شكلك تدري كلبي ممتحن
خويه عالناكه وسكينه اتعاين الراس وتون
خويه يحسين ورقيه دمهه يجري من الاذن
وعني لا ماريد اخبرك ولا اسولف عالمتن
شرد اكلك عالرباب
انكظهه وترد للتراب
تكول عكب حسين ماريد الحياة
.........
خويه تنشدني رقيه اعليك تنشدني ابحنين
اتأخر اهواي واعرفه بدوني ماتغفاله عين
دنيا ظلمه وطفله تبجي تكلي جا عبدالله وين
اخذ عبدالله وتركني بابه وينك ياحسين
عمه زينب وين بابه
اتكلي واحنه بالخرابه
والله حيره من اكلهه حسين مات
.........
خويه يحسين الخرابه ظلمه مابيهه ظوه
آنه وايتامك يخويه كاعدين انون سوه
والعطش يبس لهاتي كلبي بس هم ارتوه
ظاكت ابعيني الوسيعه وانكطع حته الهوه
آه لوتدري اشجرالي
من عكب عز ودلالي
كاعدات ابنص خرابه وخايفات
.......
علي راشد عرب
ونسألكم الدعاء.

قصيده للدفن (عل طور ناذر سنيني )
زينب عليها السلام تخاطب الامام السجاد عليه السلام بعد عودته من دفن اﻻجساد الطاهره😭

كلي ياعمه..... شلونه أبو اليمه ....يسجاد
شلون من شلته .....جمعت جثته ....يسجاد
⚡⚡⚡⚡⚡
يكلهه ياعمه يزينب دفنت الحسين
موذر اوصاله يعمه وجبده نصين
ضلوعه كله مكسره بخيل المﻻعين
من طلع سهم المثلث
اسمع ونين
زيد الونه .....حسين ابو اليمه .....يسجاد
شلون طلعته ....وجمعت جثته .....يسجاد

⚡⚡⚡⚡⚡
اخ ياعمه شكلج يهدم الحيل
جثته مطحونه يعمه بحافر الخيل
لسه نحره من الذبح ياعمه يسيل
دفنت ياعمه ابوي بغير تغسيل
ماينغسل دمه ...حسين ابو اليمه...... يسجاد
شلون جفنته ......وجمعت جثته .....يسجاد
⚡⚡⚡⚡⚡
منين اجيب الماي ياعمتي واغسله
والسدر والجفن عمه منين احصله
ردت بدموعي اغسل وصله وصله
من الهظم جف الدمع ونشف نهله
مغسل بدمه ......حسين ابو اليمه ....يسجاد
بتراب جفنته .....جمعت جثته .......يسجاد

⚡⚡⚡⚡⚡
عمه لمن وسدت الجثه الرميه
جني اسمع ونه الزهره الزجيه
تصيح ا يبني والدمعه جريه
ينذبح ضامي ابن سيد البريه
اه يايمه .....حسين ابو اليمه .....يسجاد
ضامي وسدته .....جمعت جثته. ....يسجاد
⚡⚡⚡⚡⚡
ساعد الله كلبك شلون احتمل
شفت ابوك حسين متكطع وصل
ادفنت جسمه هم بعد عندك امل
يرجع الراس عله جسمه وي اﻻهل
ترجع تلمه .....حسين ابو اليمه ....يسجاد
وبيدك دفنته.....جمعت جثته .....يسجاد

⚡⚡⚡⚡⚡
تمت بعون الله تعالى وحمده
اهدي ثوابها الى والدي العزيز رحمه الله
بقلم خادمه الزهراء ام حسين اﻻسدي

كربلا ياحيدر اتعناها
وشيل من يم الشريعه الواها

****
الكعبه صاحت علي ياحامي الدخيل
وسمع بسمك وانهزم عسكر الفيل
ليش مارديت عن ابنك الخيل
وليش زينب ماسمعت ابچاها

****

لاحضرته من وگف بالطف وحيد
ولا حضرته من نزف دم الوريد
شنهو عذرك يضل مرمي اعلى الصعيد
ابلادفن ياحيدره ترضاها

****

النار بسمك عن خليل الله انطفت
ليش عينك عن خيم زينب غفت
جمر فوگ الگاع خيمتها صفت
تسعر ومحد فزع طفاها

*^

ضلع واحد شلع گلبك للبتول
ياعلي بضلوع ابو اليمه اشتگول
اضلوعه طحنتها بحوافرها الخيول
وگلب زينب طحنته وياها

***

نوح بالطوفان ينده ياعلي
والشدد بسمك يحيدر تنجلي
وزينب اعلى التل تنادي ياهلي
حايره ولاهاشمي الحاچاها

****

انت للملهوف حاضر شدته
وين عن زين العباد ومحنته
الليل وحشه ويون هو وعمته
وين باچر ياعلي منواها

****

طفت نار المعركه وچلچل الليل
وبالظلام اتعنت الجسم لكفيل
تگله ها عباس شو نومك طويل
اختك اتنخيك گوم اوياها

***

ويّه طرة الصبح ياعقد الولا
عالهزل چتّفو كل امدلله
وسارت بنوح وهضيمه القافله
وضلت بحر الشمس ولياها

***

الشاعر جعفر الفاضلي

#يبويه_راح_اموت_من_القهر
الشاعر : علاء الجعفري

يابويه راح اموت من القهر
يابويه مارجع منك خبر
🔹🔹🔹🔹🔹
هايه يابويه اني حميده بويه لا تنساني
اختنق كلبي بغيابك والهضم بجاني
سيف هجرك مارحمني يذبح بوجداني
بس تطول الفركه اكثر بالكبر تلكاني
بويه من رحت راح النظر
يابويه مارجع منك خبر
🔹🔹🔹🔹🔹
والله مشتاقه اشوفك بويه وينك وينك
بس تعال انطيك عيني فدوه عيني لعينك
راح اموت شوكت ترجع يا سفير حسينك
لا تظن انا ودليلي لا تظن ناسينك
يابويه يذبح بروحي الدهر
يابويه مارجع منك خبر
🔹🔹🔹🔹🔹
هاي ابويه ارجع واخذني مهجتي مجموره
ليش يابويه عفتني بلا ابو مقهوره
ارد اروح وياك حتى صيطي ياخذ دوره
ليش بس اولاد مسلم واني مامذكوره
يابويه ذبل عيوني السهر
يابويه مارجع منك خبر
🔹🔹🔹🔹🔹
ما اجتنا اخبار منك راح اموت بقهري
والله ماادري اتاني لشوكت ما ادري
خايفه بس لا ابويه هيجي يخلص عمري
كمت انام على التراب كمت انام بكبري
يابويه دمعتي مثل المطر
يبويه مارجع منك خبر
🔹🔹🔹🔹🔹
هاي ابويه شلون رايك ماترد للتالي
مادريت انمرد جبدي وانمرد دلالي
انتظرتك وانتظرتك بويه حس بحالي
محد يعوض مكانك ضل مكانك خالي
يابويه فقدك يذوب الصخر
يابويه مارجع منك خبر
🔹🔹🔹🔹🔹
النعي :
رحت وين ما اصرع غيابك رحت وين
حميده ما كلت بعدي رحت وين
عم بنتك يا ابو الغيره رحت وين
جنت خيمه الي وطاحت عليه
🍃🍃
وحسبي وكيل الباري بغيابك وحسبي
طلع كلوب كل ظني وحسبي
على راسي اليحط جفه واحس بي
اكسر خاطره ويعطف عليه

قصيده الاستشهاد موسى بن جعفر الكاظم
(عليه السلام) تقرأ على طور...
((( هالله هالله حسين وينه بسيوف مقطعينه ))



هالله هالله موسى وينه بسجن ومسممينه

///////////////////////////////////////////////

بالسجن خلص حياته وللشمس ما طلعت عينه

**

الا اهل يمه وگرابه وبس غرب المشعينه

**

عالجسر صاح المنادي هذا امام رافضيه

**

ركضت الشيعه تنادي عالجسر طيح ولينه

**

اه يا ابن الزجيه شنهو ذنبه مسممينه

**
مگضي وقته بالعباده صاحب السجده الطويله ملقبينه

*

اه من وصلت منيته من هو الغمض له عينه

*

احنا ما شاهدنا ميت بالحديد مگيدينه

*

بسجن هارون العين ابن اللعين معذبينه

*

للفرج يحسب ليالي وبالفرج يدري مماته

*

العنده حاجه يمشي لي هو ما يقصر مراده

*

اه يا ابو محمد يا موسى ليش طايح يا ولينه

*
شيعتك اليوم حزنت والسواد عليك كلهم ناشرينه

للشاعر احمد العبادي نسأل الله تعالى التوفيق للجميع

فزاعيه جنوبيه لأم البنين ع
******
هاي ام البنين الساده شيعوهه
لكبر حسين والعباس ودوهه
******
يالشلتو النعش هاي الوداعيه
ام عباس هاي الكلهه حنيه
ريت بكربله كبرج يبدويه
عزيزة فاطمه والكل يزوروهه
******
غريبه تموت ظلت شابحه العين
حسافه مااجوهه الاربع ابنين
كبل الموت رادت شوفة حسين
خمس جروح بيهه لاتلجموهه
*******
بهيده بالنعش شيعوهه الجنازه
كل ميت يريد اتشيعه اعزازه
يانعش الوفيه عازته عازه
وجفوف البطل عباس كطعوهه
*******
ماتت وبكلبهه تسعر النيران
ماتت من حزنهه لغربة العطشان
ياويلي الجنازه بعازة الشبان
وين الاربعه عالشاطي وذروهه
********
من عاشر محرم والدمع حراك
لوعهه المصاب ونار الفراك
ماحملت قهر كلساعه تشتاك
بيش الوالده وبيمن يصبروهه
********
واجب بالنيابه نزور عنهه
ماتت من كبل متزور ابنهه
ويم كبر الحسين يزيد ونهه
ظلت امنيه بالطف يدفنوهه
*******
أم علي

هوسات للسيده زينب ع
*******
يالشلتو النعش بأم عون ماشين
زركه امتونهه وامورمه العين
هاي اخت البطل عباس وحسين
بالشام الغريبه وكالو امنين
امضيعيهه اخوتهه اليوم
********
ياناس اليموت اهله يحضرون
واعز واحد يغمض بيده العيون
وايشيل الجنازه اويه اليشيعون
وين جفوف اخوهه اليوم يلكون
امكطعيهه بالطف اجفوفه
*********
عله مصاب الغريبه الكلب محتام
ولاواحد اجه إودعهه بالشام
بين اغراب ماتت بت الاكرام
وآه من الزمن ياغدر الايام
اتلكاهه يالكافل كوم
*********
هاذي بت علي حامي الحميه
اويانه باللطم امهه الزجيه
خمس اخوان فكدت فد مسيه
وماتت يم عزيزتهه رقيه
تواسيهه بالشام الطفله
******
يدفان الحبايب كل سنينك
يازين العباد الله اليعينك
تدفن عمتك بدموع عينك
وصحت بصوت يامظلوم وينك
مر بيهه يحسين لزينب
******
أم علي

ثكيله للرسول ص نفس طور يابو فاضل للحاج باسم الكربلائي
***********
ها يبويه ودعتني بهالمسيه
ها يبويه خوفي ماترجع إليه
ها يبويه اتحالفو بعدك عليه
ها يبويه
******
ودعتني الليله والمدمع تسيله
تكول صبري فاطمه انتي الجليله
يهدم فراكك يبويه ومالي حيله
ياهو بعدك هضم كلبي اشتكيله
يبو القاسم روحي بمصابك حزينه
يبو القاسم موحشه وظلمه المدينه
يبو القاسم بويه لاتترك اديه
ها يبويه
******
ياهو اليصبرني يابويه بمصابي
وآنه بعدك تنطفي شمعة شبابي
بهجمة الدار التجيني وحرك بابي
ضلوعي إلمن تشتكي لوعة عذابي
يهشموهه ضلوع بنتك يبو الزهره
يهشموهه وباجر اعله العين سطره
يهشموهه بفاجعه واعظم رزيه
ها يبويه
*******
إعداك منعوني البجي وضميت دمعي
وحدي وبدار الحزن خلوني انعي
اخلاف عينك انظلم يابويه وادعي
ماكفاهم روحتك كسرولي ضلعي
ياغدرهم جم مصاب الراح اشوفه
ياغدرهم ياجرح الاكدر اروفه
ياغدرهم وحيدر بحبل الوصيه
ها يبويه
*******
عيوني تمطر من اشوفك تنعه روحك
مايهمك موت يابويه اليلوحك
امصابي آنه وحيدر يهيج جروحك
وادري لحسين وحسن يابويه نوحك
للعقيله دمعك الغالي تسيله
للعقيله همومك لزينب ثكيله
للعقيله لو مشت بالطف سبيه
ها يبويه
********
نعشك يشلونه باجر غصب عني
شلون عايف زهرتك والظهر محني
بويه لاترحل يطول اعليك وني
راح ادفنك بالكلب وتشوف حزني
ناري بيه حزني بويه اعليك سرمد
ناري بيه ياحبيبي يا محمد
ناري بيه تسعر ليوم المنيه
ها يبويه
********
أم علي

قصيده للسيده زينب ع نفس طور مايحاجيها للرادود حيدر البياتي وتنقري هوسات
********
صحت عباس خويه ماسمع صوت
ردت شوفة كفيلي ساعة الموت
وتمنيت بجفوفه يشيل تابوت
يشيعني الحنين لكبري ويفوت
ويصير دفاني ردت وكت المنيه
**********
هنياله اليموت بموطنه فاز
زينب بالغرب للخوه تعتاز
خلص عمري نحيب بفكد الاعزاز
غريبه بلااهل وتريد جناز
وين واليهه العقيله الهاشميه
*********
تعالو وشوفو حالي يالشياهين
يخوتي لكربله شبحت العينين
صاحو هالجنازه الجايه منين
وآنه اخت البطل عباس وحسين
مايشيعوني بالشام الغريبه
*******
بعد موتي غريبه وبيه حسرات
باراضي الشام تغفه العين وتبات
وبكبري تلوح عيون شمات
وايام السبي ولون الخرابات
رقيه عالطشت وتصيح يايابه
********
أنه الميته كبل من يوم الطفوف
عميه من البجي وعيوني متشوف
الشمر حادي الضعينه وعسكر صفوف
وعالشاطي عفت مرميه الجفوف
سهم البعينه مااكدر اشلعه
***********
ألف موته تموت الروح كل يوم
من اذكر حسين امسلب هدوم
وبسهم المثلث جبده مجسوم
بكل شهكة نفس اصرخ يمظلوم
طحنو ضلوعه بخيل الاعوجيه
*********
أم علي

جنوبيه للحسين ع
*****
ياخيل اعداي صدر حسين عوفيه
اشمالج حيل بالحافر سحكتيه
******
يخيل اعداي كافي مستحيتي
هاذه حسين ابو اليمه دريتي
سحكتي ضلوع صدره وكسريتي
ابن امي بعد ماظل نفس بيه
*******
إلج عين وتدوسين اعله صدره
طبكتي ضلوع صدره فوك ظهره
ماكفاج يجري دموم نحره
ياخيل انطحن صدره درحميه
*******
يخيل شمالجن رحمن بحالي
ماتدرن بخويه حسين غالي
مردتن جبدتي وعزي ودلالي
عزيز امي الزجيه الزهره اسميه
******
صلفات الحوافر طشرنه
دم حسين بيهن واشوفنه
مسلب عالتراب موذرنه
ماواحد ينصره ولارحم بيه
*******
هضيمه يازمان ودرت بينه
صدر حسين قرآنه لنبينه
ياإسلام يقبل ساحكينه
يازمرة أميه ليش دستيه
********
أم علي

فله للسيده زينب ع
**********
زينب تندفن بالشام غريبه وين اهاليهه
********
زينب بت علي الكرار احضرهه يحامي الجار
عاداهه الزمان اندار وبالخوان سابيهه
********
ام عون بحزنهه تموت غربه شالو التابوت
شيعوهه الغرب بسكوت الهواشم مااجو ليهه
********
حمره من البجي العيون زركه من الضرب المتون
يسبهه ويضرب الملعون حرمه ابين اعاديهه
*********
وحشه اجنازة الحره ماشفتيهه يالزهره
مثلج عالوجه سطره وعميه من بواجيهه
*********
وسفه اخت البطل عباس غريبه تموت ياهالناس
يسروهه العده الارجاس عكب حسين واليهه
*********
وياهه ماتت الدمعه ماتت بالكلب وجعه
لاخوهه المنسحك ضلعه وراسه برمح تاليهه
*********
ياعباس تعال وشوف لأختك حاشه لامتعوف
ردهه للزنود جفوف وام الخدر واريهه
*********
غريبه زينب الليله لأبو السجاد تشكيله
تعال وللنعش شيله ونار الشوك طفيهه
*********
أم علي

شدة للزهراء س
***
يمه خلاف عينج مانمت ليلي
عليج انحب وانوح ومنهدم حيلي
*******
رحتي من وكت يمه وتخليني
خمس سنين عمري ليش عفتيني
ماشوفج بعد ياشمعة سنيني
أمي ماترد يادمعتي سيلي
******
الدنيه بلايه ام كل طعم مابيهه
احن وأشتاك الهه وين ألاكيهه
أذكر كعدتي وياهه ومحاجيهه
إلمن اشتكي الهموم كوليلي
******
رحتي ومادريتي شبيه مابيه
احضن شيلتج يالزهره بيديه
اشم عطرج وافز من نومي ليليه
يتيمه امسيت حته الصخر يبجيلي
********
اصد للباب واذكر ضلعج وكسره
حرك الباب والبسمار اتذكره
صوتج من يصيح اختنك بالعبره
المحسن طاح يافضه إلحكيلي
*******
شلون انساج يمه مشبعت منج
اظل للموت اذكر ضلعج وإونج
يم طول الحلو وشلون اشوفنج
شباب للكبر ترحين ياويلي
*******
أم علي

بسم الله الرحمن الرحيم...

على بركة الله...يعود اليكم من جديد...《《دعم القلم الحسيني النسوي 》》

شروط الدعم >>>>>>●

¤1 يتم قبول القنوات من عدد 500 عضو فما فوق

¤2 ينشر الدعم مرتين في اليوم

¤3 يثبت الدعم ساعة واحدة ويحذف بعد ساعتين من وقت نزوله ويكون❌ مشكول الذمة ❌ من يحذف قبل ذلك الوقت

¤4 ❌ مشكول الذمة ❌ من يقوم بألغاء الدعم دون اعلامنا بذلك..

¤5 يكون حذف الدعم عليكم ..

الدعم بأدارة...الشاعرة دمع الفواطم..


للاشتراك بالدعم مراسلة ادارة القناة على المعرف التالي 👇👇👇
@Sssss55555ss


➿➿➿➿➿➿➿➿➿
1● قناة دموع الفواطم الشاعرة الحاجة ام احمد الحجامي
@Karbalaa_13
2●الملا سجى المحمداويه
@qltri
3●قناة صرخة العقيلة الملا ام عهد
@zhrhzahraa
4●قناة الشاعرة زينب المحمداوي
@zainabjj34

5●قناة احزان آل الرسول ص الشاعرة ام باقر السراي
@fssduuuhdAAaDdffgghjdaakkAasyuuy
6●قناة افراح اهل البيت ع الشاعرة ام حسين الهلالي
@hsmib
7●الشاعرة العلوية ام محمد تقي الموسوي
@KADMTAMALBNEN
8●ام حيدر الحمزة الطائي
@aseel1278
9●الشاعرة فاطمة الحلفي
@FATIMA99991111
10●قناة طب اهل البيت ع
@AlwumAhlAlpyet
11●قناة رقية للشاعرة ام احمد شهد الرضوي
@alzmqpa
12●قناة الشاعرة ام حسنين البدري
@AlBadti86F
13●ناعية طف كربلاء الشاعرة ام عبدالله العابدي
@cccccccUm_abbd_allcoooooo_9
14●الشاعرة ام محمد الكناني
@t198t
15●قناة ريحانة الرسول الاولى
@RyhanaAlrasul87
16●الشاعرة نشوان الكناني
@Nshwan_1999
17•الشاعرة بتول الهاشمي
@Batool1998Batool
18•الشاعرة فاطمة البصراوية
@Fatiiimafll
19●الشاعرة هاجر الزينبية
@HH_7W15
20●الشاعرة ام حسين العامري
@firyjgssMeropmm
21●الشاعرةكلثوم الساعدي
@ailyihg
22●قناة سبع الكنطرة الشاعرة ام عباس الحسيني
@omabbasalhoseini
23●قناة هلاهل الاشعار
@falehalameri111
24●قناة انين الطفوف بإشراف الشاعرةام يحيى العبودي
@amyahaaaleabude
25●قناة هلاهل الاشعار للافراح
@falehalameri111
26●قناة رابطة مسلم ابن عقيل ع
@mslmapnAGyel
27●قناة الشاعرة العلوية ام ضيغم المحنا الموسوي
@omdegim
28●قناة خادمة الزهراء ع لنشر القصائد الحسينيه
@fvyhbib
29●الشاعرةبتول الكربلائية
@pDQDJRsUu3Q3MzAy
30●قناة رماد الخيام
@ramad111
31●قناة لوعة الزهراء ع للشاعرة شيماء ام نور
@shaymaumnoor
32●رابطة مسلم ابن عقيل ع لنشر القصائد الحسينيه
@sjdjnfnfj
33●قناة لوعة رقية ع
@loahroqaiah
34●قناة الحسن ع للشاعرة ام ليث المالكي
@yahassN
35●الشاعرة نور الظهور المقدس ام ليث
@Yazahraaa655
36●قناة صاحبة الضلع المكسور للشاعرة ام كرار الزينبيه
@xhm467
37●قناة جروح وآهات وقلمي
@hooral
38●الشاعرة ام علي المالكي
@typkj
39●الشاعرة نور المهدوية
@NOOR_H_19
40●الشاعرة ام عراق الشمري
@kEc5VGVP81k2Nzgy




🔗🔗🔗🔗🔗🔗

https://www.tg-me.com/tteef

السلام عليكم ورحمة الله وبركاته 🙋‍♀🙋‍♀
بسم الله الرحمن الرحيم...
الى جميع شاعراتنا المبدعات..المشتركات في دعم القلم الحسيني النسوي 🖌🖌🖌🖌🖌

سيقوم دعم القلم الحسيني النسوي..

بنشر كل قناة يوميا لمدة أسبوع مرتين باليوم حسب الاقدمية بالدعم..

وهذا تكريما لهم لاشتراكهم بالدعم..

اقدم القنوات المشتركة بالدعم..

الدعم بأدارة الشاعرة دمع الفواطم...ام علي الساعدي


جاء الان دور قناة خادمةالزهراء ع لنشر القصائد الحسينيه))

https://www.tg-me.com/fvyhbib

¢¢¢¢¢¢¢¢¢¢¢¢¢¢

✍🏻 #الحاجه_ام_علي_الساعدي_دمع_الفواطم
❌لاإجيـــز حــذف الأســم❌

★★--------------★★----------★★

https://www.tg-me.com/tteef