#قصائد_شهادة_الرسول_ﷺ_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

يا أبَا فاطِمُ تمَهَلْ فَأنْ الظُلِم بعدُكْ يَحِلُ ..😭

ــــــــــــــــــــــــــــــــــــــــــــــــــــــــ

أبو ذيات في استشهاد نبي الرحمة المصطفى محمد صلّى الله عليه وآله وسلّم  ،،، لسان حال الزهراء عليها السلام  . 
ـــــــــــــــــــــــــــــــــــــــــــــــــــــــــــــــ

دِليلي ٱمنِ الحِزِن مگطوع   بَتّاه 
على السافَر بِعيد وعاف     بِتّاه
لِيل  وما  دَرانِي  شلون     بِتّاه 
بنواعِي وهضم والوّنّة  الشجِيّة 

ـــــــــــــــــــــــــــــــــــــــــــــــــــــ

يبويه البيت عگبك صار  ظَلماي
بُقَيت أبچي ولا بالعَين    ظَل ماي
يَدهرِي شبيك بَسّك عاد   ظُلماي 
يِتيمَة  والحِزِن  خَيّم  عَلَيّة
ــــــــــــــــــــــــــــــــــــــــــــــــــــــ

جَرَت نِيران دَمعاتِي     وَسَالَت 
مُصيبَة ونَحّلَت عَظمي   وَسَالَت 
عَليك الروح تِتلاوَب     وَسَالَت 
وتِجُر حسرات  يا  خير البَريّة
ــــــــــــــــــــــــــــــــــــــــــــــــــــــ

يبويه اسهام هِجرَانك     لَحَنّي 
أبد ما ظَن يِصَل واحد   لَحَنّي 
مِثِل وَنّة وشَجَى اليِندِب  لَحَنّي 
أموت  وَأعدَل بكِل  يوم  مِيّة 
ـــــــــــــــــــــــــــــــــــــــــــــــــــــ

لَوَن تِدري عَليّة شلون     مَر هَم 
چنتِ إنتَه لجروح الروح  مَرهَم 
يِتيمَة آنه وعگب عيناك   مَرهَم 
ويِوِنّ  اعليك  حَمّاي  الحَميّة
ــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#مواليد_فرحة_الزهراء_9_ربيع_الاول

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

👑تتــــويــج المهـــ ؏ـج ـدي👑


خليل الروح خلك من تخالي
يكلبي شبيك امن من تخالي
انه مخليك تسمع من تخالي
العقل ويغار من عندي عليه
......
سبحان الخلقها سماه ورضاه
امام ومفترض ارضاه ورضاه
واذا انخاه مرة اقتنع ورضاه
لان شما طلبته يصير اله
.........
ذنوبي ثكال كلش حيل والمن
اللوذن وين منهم يرب والمن
الك انت الكرم والجود والمن
تمن الليلة تغفرهن اليه
.........
اعيش شلون ما اكدر بلاهم
تمنيت العـمر يخلص بلاهم
واذا تسأل على عقلي بلاهم
انه المجنون بيهم هاي هيه
........
فتوة عـشك بأمر الكًلب لوبات
تلوب الروح بيها شكـثر لوبات
نهار عليك بس حسرات لوبات
وتراه الموت وفراكك سويه
.......
لساني جنوني بالفرحة صحلها
جروحي بمولدك تشفه صحلها
سنين مساهرة عيوني صحلها
وسحر بيها الليالي المهدويه
.........
يمالك كـل صبح ملـكـك ملك ليل
ورد نرجس عطر خدك ملك ليل
الملائـك رسمـت اكليلك ملك ليل
ورود الجنة تستنشقك هيه
.........
كمر غايب لان نورك يهل هل
هتف جبريل بالفرحة يهل هل
يمهدي يا عطر جدك يهل هيل
تفوح بعطرك الليلة الثريه
.........
بـدونـك غابة روحي مات سدها
جروح خيوط صبري مات سدها
عليك عيوني شبحت مات سدها
لان بيها انت عايش سدها اليه
........
يسجاد السجود انته سجدلك
لان هذا الزمن كله سجدلك
واذا ادور الك مرقد سجدلك
بكًلبي وانت النبضات بيه
.......
هوه الدنيا يتنفس من هواكم
بعـدد ذرات غـيثه من هواكم
يعيش بفرح دومه من هواكم
لجلكم هالحياه موجوده هيه
.......
زينب نور وجهك من رواها
رواها ماي جفـك من رواها
وروايات الاخـوة من رواها
رواها كًمر يوم السطع ضيه
........
الك مشتـاك كلبي بعـشك ياما
واحـس الفرح هذه اليوم ياما
تشوفك كون عيني صدك ياما
اذا ما شافتـك متشوف هيه
.........
العـقـيلة حـنت اللـيلة كف الها
انـولد بنواره ياشيعة كف الها
هموم الدنيا من بشر كف الها
وجه زينب ضحك هاي المسيه
........
يـنـور وجهـك بـنـوره ولولاك
وحي جان اليهز مهدك ولولاك
ومصير اسلام ما يبقى ولولاك
ثبت دين النبي بأبن الزجيه
.........
يحـير الـكـون بيـك ويضل رباك
خلـق نورك جلالة وعطف رباك
وحضن طه النبي المبعوث رباك
والك الاملاك سجدت عشك هيه
........
الشاعر
اياد الفرح التميمي



💞مؤسسة منبريون للالحان رقم 1
@ahmed_alziwar1

💞مؤسسة منبريون لنشر القصائد 2
@ahmed_alziwar2

💞مؤسسة منبريون للمقامات3
@ahmed_alziwar3

💞مؤسسة منبريون للنعي4
@ahmed_alziwar5

💞اكبر كروب لتلحين القصائد

https://www.tg-me.com/joinchat-AAAAAD9pmsoMub22NRYqtA

#قصائد_مولد_النبي_الاكرم_والامام_الصادق_عليهما_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار


🌸ولد الهدى فالكائنات ضياء
ــــــــــــــــــــــــــــــــــــــــــــــــــــــــ


بوذيه في ميلاد النبي محمد صل الله عليه وآله وسلم

محبّك لو تقطع وصله وصله(١)
ما يقطع أبد ويّاك وصله(٢)
يالربّك رفع شانك وصلّى(٣)
عليك وعلى العتره الهاشميّه
________


تمت بحمد الله ومنّه
نظم خادم السيدة الزهراء عليها السلام
ياسين العبد الرضا


🌼مؤسسة منبريون للالحان رقم 1
@ahmed_alziwar1

🌼مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🌼مؤسسة منبريون للنعي4
@ahmed_alziwar5

(كروب مؤسسة منبريون)


#ملاحظه ممنوع ادز الحانك للاخوات على الخاص اي لحن عدك تنشره بهذا الكروب 👇👇👇👇👇

2.كروب 2 خاص بنشر وتلحين القصائد
https://www.tg-me.com/joinchat-Dw92DkJZ4tvb4YIzJWBWrg

#قصائد_مولد_النبي_الاكرم_والامام_الصادق_عليهما_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار


🌸ولد الهدى فالكائنات ضياء
ــــــــــــــــــــــــــــــــــــــــــــــــــــــــ



ابوذيات لولادة النبي الاكرم محمد صلى الله عليه واله وسلم

ماعندي مهم غيرك ولاهام
يطه ولنشغل كلبي ولاهام
فرح هليوم لادمعه ولاهام
ميلادك فخر يابو الزجيه

يمن يعجز لسان البشر وصفه
يبو الزهره زلال الماي وصفه
ذكرك للعليل انكتب وصفه
وميلادك مله الاكوان ضيه


الشاعر حسن لعيبي الحريشاوي
🌼مؤسسة منبريون للالحان رقم 1
@ahmed_alziwar1

🌼مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🌼مؤسسة منبريون للنعي4
@ahmed_alziwar5

(كروب مؤسسة منبريون)


#ملاحظه ممنوع ادز الحانك للاخوات على الخاص اي لحن عدك تنشره بهذا الكروب 👇👇👇👇👇

2.كروب 2 خاص بنشر وتلحين القصائد
https://www.tg-me.com/joinchat-Dw92DkJZ4tvb4YIzJWBWrg