يقول :
من 4 سنين جت لي رسالة مهمة على الإنبوكس وصاحبتها طلبت إني أنشرها بلسانها زى ما هي.. عملت كده فعلاً ونشرتها فعلاً في مقالي على موقع "القاهرة 24".. بس النهاردة حبيت أعيد نشرها كبوست..

أنا “لمياء مؤنس”.. عندي 30 سنة.. طبيبة.. زمان لما كان عندي 8 سنين خرجت مع ماما عشان نشتري لبس العيد.. فى منطقة وسط البلد وإحنا وماشين فى طلعت حرب أمي وقعت!.. وقعت على الأرض فجأة، وكنا فى شارع جانبي ضيق.. كطفلة، وعشان كنت خجولة وبتكسف؛ لا قدرت أصرخ ولا أنادي على حد.. وقفت متلصمة كإني مستنية ربنا يتدخل وببص لأمي وببكي!.. حتي بكايا كان بدون صوت!..

الحتة اللى وقعنا فيها ورغم إنها من ضمن أزحم مناطق القاهرة بس دي بالذات كانت فاضية!.. من تحت الأرض طلع راجل ومراته ومعاهم إبنهم الطفل اللي أصغر مني.. ماعرفش طلعوا منين بس كانوا شايلين أكياس فى إيديهم.. بمجرد ما لمحوني الراجل رمي الأكياس اللي فى إيده وحاول يفّوق أمي ولما مالقاش إستجابة شالها وقال لـ مراته خليكي معاها وشاور عليا..

جري بـ أمي وهو شايلها لفترة طويلة وأنا مش عارف وداها فين.. طول المدة دي مراته قاعدة جنبي هي وإبنها وعمالة تطبطب عليا وتقول لى: ماتخافيش يا حبيبتي هتبقي كويسة إن شاء الله.. فين وفين لما ظهر الراجل وجاي وهو عرقان ومفرهد وقال: (الحمدلله لحقوها.. غيبوبة سكر).. عمرى ما أنسي لما قرب مني وحط إيده على وشي وطمني وقال لى: ماما بخير وإنتي جميلة.. رغم عدم كلامي وخضتي بس أنا كنت مركزة وحافظة تفاصيل الراجل ومراته وإبنهم.. وشوشهم.. كلامهم..

فاكرة حتي ألوان لبسهم.. وفاكرة لما الراجل ميل على مراته وقال لها بصوت واطي بس أنا فهمته من حركة شفايفه: خدي أحمد وروحي البيت وأنا هفضل معاها.. قبل ما مراته وإبنه يمشوا أخد منهم كيس من الأكياس اللى معاهم.. مشيوا.. فضل الراجل معايا وجابلي آيس كريم وأكل!.. قعد يضحكني ويهزر وطلع لعبة غالية من الكيس اللى كان معاه وإداهالي!.. أنا حرفياً بسبب الراجل ده نسيت إني فى كارثة!.. وبعد ما فات ساعة ونصف أو ساعتين أخدني من إيدي للمستشفى، وكانت أمي فاقت.. دخلت عليها أوضتها هناك وأنا مبسوطة وضاحكة كإني كنت فى رحلة!.. الراجل طلب من ماما رقم تليفون البيت عشان وقتها ماكنش فيه محمول مع كل الناس وخرج يتصل بـ بابا.. بابا ماردش وكان واضح إنه لسه مخلصش شغله..

رغم إن ماما وقفت على رجليها عادي وكنا ممكن نرجع لوحدنا، وحتى ماما قالت: (خلاص مش مشكلة أنا هتصرف وهكلمه على تليفون الشغل)؛ صمم الراجل إنه يوقف تاكسي ويركب جنب السواق ويوصلنا لحد باب البيت وقال: (لا ياريت ماتكلمهوش عشان مايقلقش)..

وصلنا البيت وفضل اليوم ده عالق فى ذاكرتي.. كبرت وربنا كرمني ودخلت كلية طب، ويشاء ربنا إني أكون مع واحدة زميلتي فى مول فى مدينة نصر بنتعشي بعد يوم تعب وشغل فى المستشفي والوقت كان متأخر ونلاقي لمة ناس وزحمة.. أنا بطبيعتي مش بحب أقف أتفرج لا على خناقات ولا لمة ناس.. بس المرة دي بالذات معرفش إيه اللى خلاّني أروح أبص!.. حتي “أروي” صاحبتي إستغربت!..

قولت لها: مش هنخسر حاجة دي بصة.. وصلنا لمنطقة الزحمة!.. لقيت نفس الراجل اللى ساعدنا أنا وأمي من 22 سنة قاعد جنب مراته وبيبكي!.. أنا فاكراه كويس والله وكنت بحلم بيه.. كان واضح إنها داخت ووقعت برضه!.. زقيت الناس ورحت علي مراته.. هو معرفنيش خالص وكانت ملامحه إتغيرت 180 درجة!..

شعره وقع وبقي لابس نضارة.. ربنا قدرني أنا و”أروي”، ورغم خجلنا نوجه الناس ونحركهم.. حد يشوف لنا عربية.. وسع إنت كده.. بسرعة بسرعة.. وصلنا للمستشفي بتاعتنا اللي بنشتغل فيها، وأنقذنا طنط بأعجوبة الحمدلله من الأزمة القلبية المفاجأة اللي حصلت لها!.. عمو كان قاعد على أعصابه ورغم إننا طمناه بس كان لسه بيبكي!.. طمنته على قد ما أقدر وطلع ورقة من محفظته وقال لى: (لو سمحتي يا بنتي موبايلي فصل شحن ممكن تكلميلي إبني عشان ييجي؟، أنا كاتب رقمه فى ورقة أهو).. والله لا إرادياً لقيت نفسي بقول له: (ياريت ماتكلمهوش عشان مايقلقش، الموضوع بسيط)..

وكل ده وهو مش فاكرني وأنا والله حاسة كإني فى حلم!.. كان المفروض طنط تفضل فى المستشفي كام يوم عشان شوية فحوصات، وكان ضروري عمو يرجع البيت عشان يجيب لها هدوم.. وصلته لحد بيته وإنتظرته لما نزل وفوجيء لما لقاني لسه تحت عشان كان فاكرني مشيت، ورجعته المستشفي تاني وقعدت معاهم لغاية تاني يوم العصر.. حتي ماما لما كلمتني قبل الفجر لما قلقت عليا وهي عارفة مواعيد شغلي، ده كان ردي.. (إنتي فين؟).. (كنت بـسدد دين)..

بعد 4 أيام ولما طنط خرجت قررت أفكرهم أنا مين وأنا بسلم عليهم قبل ما يمشوا.. فكرتهم والحقيقة كنت بعاني عشان يفتكروا لإنهم فعلاً كانوا ناسيين!.. عمو بكي تاني!.. قولت له: (سيبك من إنقاذك لحياة أمي، بس اللي ربنا يكرمك بسببه بجد هو جبرك لخاطري وأنا عيلة فى الموقف الصعب ده!).. قال بخجل: أنا معملتش حاجة والله يا بنتي، إيه يعني كام دقيقة!..

فكرته وقولت له: كانوا أكتر من 3 ساعات.. ضحك وقال بإندهاش حقيقي: إنتي فاكرة كويس أوي!..

رديت: ماينفعش لا أنساك ولا أنسي يا عمو.. قال: ولا ينفع هو كمان ينسى.. خلص الموقف بس تأثيره ماخلصش.. الموقف ده فكرني بحاجات شخصية كتير.. فكرني بخطيبي اللي خطوبتنا انتهت بسبب بخله فى مشاعره وعدم تقديره إنه حتي يجبر خاطري ولو بكلمة!.. أمي لما عملت عملية إتصل بينا بعدها بيومين!.. وفى إمتحان من إمتحانات آخر سنة فى الكلية ورغم إنه عارف إني كنت متوترة إزاى ومنهارة نفسياً ماهنش عليه يتصل بيا يتطمن!.. دايماً كنت أسأل نفسي هو اللي يجبر بخاطر حد ده هيخسر إيه؟.. حبة مجهود؟.. وقت؟.. ثمن مكالمة موبايل؟.. وقفة شوية؟..

هيفرد وشه ويضحك ضحكة ولا إتنين؟.. ده يساوي إيه مقابل اللي هيسيبه من أثر فى اللي قدامه!.. مش عارفة الإجابة بس اللى عرفته وبقيت متأكدة منه إن جبر الخواطر كلها على الله، وهو ده الأهم لإنه مش بينسى.


الناس بتكسب الناس بـ حاجتين: كلمة حلوة، وتصرف حلو.. مش بحجم الحاجتين دول لكن بمجرد تواجدهم.. كلمة وفعل.. جبر الخاطر بيكلف إيه؟.. ولا أى حاجة.. وقت.. تعب.. ضحكة.. ثمن مكالمة.. تنتوفة إهتمام.. وإيه يعني!.. ده ميساويش بالنسبة للنتيجة.. كصديق.. كدولة.. أو حتي كإنسان مالكش غير علاقة عابرة باللي قدامك؛ دايماً جبر خاطر فلان بيفضل محفوظ ومتشال!.. متشال عند ربنا ومحفوظ فى رصيدك الدنيوي بتاع بكره.. وغير كده إنت بتكسب إنسان العمر كله!.. جبر الخواطر هو إنك بتعبد ربنا بإسعاد الناس.. من سار بين الناس جابرًا للخواطر أدركه الله في جوف المخاطر.

_ لصاحبته
#جبر_الخواطر

‏الدنيا دنيئة ومردها للزوال، الأيّام الثقيلة على قلبك مردّها للقضاء والفرج، الأمر الذي أقلقك حتى أصبح نومك مضطرب بسببه تذكّر أن الله يعلمه وأنه القادر على كل شيء، ورحمته التي وسعت كل شيء حتمًا ستشملك، بلطفه ورأفته وحنانه ستعيش أيام من السرور ضعف ما عشت أيام من الألم!

- ثق ثمّ عش.

سيبيه يعيط عشان يتعود انك مش كل شويه تروحي ليه !
سبيع يعيط عشان يطلع راجل
سبيه عشان مش يتعلق بيكي
عارفين ال٣ جمل دول
هما سبب خراب بيوت كثير
اقولكم ليه
طلعتم جيل من الرجال
اتحرم من حقه في ان حد يحس بيه
وان حد يعلمه انه يستجيب لمشاعره
وان حد يعلمه ان المشاعر تقدر
وان حد يعلمه ان العياط والمشاعر مش دراما وكلام وخلاص
فطلع جيل
اتجوز بس لا عارف يقدر مشاعر اهل بيته ولا يفهم مشاعره ولا مشاعر غيره
فقط فقط فقط بيعمل صورة الراجل الي قولتوا عليها

وبردوا البنات
كبرت لا عارفه تعبر ولا فاهمه مشاعرها ولا عارفه توصل لاحتياجاتها

فلو عندك طفل رضيع بنت او ولد
واي حد يقولك سبيهم يعيطوا !
اعرفي انه مش صح ولا دي فطرة خلق الله
وعلميا كمان ليه غلط ؟ وازاي بيأثر عليهم ؟

‌‎١- الطفل بيتولد عنده حاجة اسمها ( الصدمهً النفسيه لحديثي الولادة ) ، نتيجة تغير ظروف الطفل فجاة من رحم الأم لخارج الرحم .
تخيلي كدا ، أنتي قاعده في حمام دافئ وجميل وفجأة الجو بقي مختلف تماما ، كنتي بتاكلي اكل معين وفجاه اتغير تماما ، كنتي قاعده في مكان هادئ و تسمعي صوت معين ، وفجاه الصوت دا اختفي وبقي فيه أصوات كثيرة ودوشه ، دا حال الطفل ودا سبب الصدمة الي بتكون عند الطفل المولود والي بتخليه يعيط اوقات كثير بدون وجود سبب واضح ، حتي لو شبعان ومغير ومدفي ، وعشان كدا لازم لازم نشيل الطفل ونحضنه ، عشان بيكون خايف جدا ومحتاج انه يكون قريب من الأم ، ولو تجاهلنا عياطه ، ليحصل للطفل مع الوقت نوبات بكاء اقوي ، مشاكل في ادراك الطفل لاحقا ، وضعف مهارات التواصل .

‌‎٢- السبب الثاني ان الطفل بيتعلم من استجابتنا ليه ، انه محبوب وانه مقبول ، ودا مهم جدا للنمو النفسي للطفل الي هو اساس نموه الجسدي والعقلي ، الموضوع بالضبط زي أني انا مثلا عماله اعيط ومضايقه روحت احكي لحد فضل يبص ومتجاهل عياطي وكأني مش بتكلم ، هحس بالتجاهل اكثر ويمكن اخاف احكي ثاني أو اعتقد أني مش مهمة ، ما بالكم بقي الاطفال الرضع ! .

‌‎٣- السبب الثالث ، كل تواصل مع طفلك هو سبب في نمو ذكائه ، اتكلمت في حلقه مخ الطفل عن حاجة اسمها البوصيلات العصبيه في مخ الطفل وهي المسؤله عن نمو ادراك الطفل وذكائه ، الاطفال الي بتتعرض للتجاهل وعدم الاستجابة، بيحصل عندها ضعف واضح في نمو البوصيلات العصبيه ودا بيأثر جدا جدا علي ذكاء الطفل وإدراكه وبنكتشف المشكلة دي اكثر لما الطفل يبتدي يروح المدرسة ويظهر صعوبات تعلم كثيره عند الطفل .

‌‎رسالتي لكل ام عندها طفل حديث الولادة ، لو بتدوري علي حاجة تعمليها لطفلك ، احضني طفلك ، وخليه قريب منك ، واستجيبي لعياطه لأن دي طريقته في الكلام والتعبير ، كل حضن منك وكلً محاوله تواصل منك مع طفلك ، هي عامود مهم في نمو ذكاء الطفل . كل حضن منك وكل تواصل إيجابي هما سبب مهم في نجاح ابنك أو بنتك لما تكبر أو تكون في الجامعة أو الشغل ، لانك عملتي كل الي عليكي عشان نمو ذكاء وعقل طفلك .

الله يقويكم على حسن تربية اطفالكم تربية صحيحة يارب ويجعلهم بارين بيكم 🌸💙

#تربويات

“وكانَ من عادة المرأة العربيَّة ألا تنوِّمَ ولدَها وهو يبكِي، خوف أن يسرِي الهمُّ فِي جِسمه، ويدبَّ في عُروقه، ولكنَّها كانت تنَازعه وتُضاحِكه حتى ينَام وهو فَرِحٌ مَسرور، فينمو جَسده ويصفو لونُه ودمُه، ويُشفَ عقله".

مروج الذهب | المسعودي
#تربويات

"اللهُمَ إجعلني مِمَن نظرت إليه فرحِمته ، وسَمعت دُعائه فأجبته."

لو حسيت إن يومك عدى من غير إنجاز وبدأت تحس بالإحباط اذكر الله.

لأن الذكر ممكن يغفر ذنب، يكتب حسنة، يرفع درجة، يبني بيت أو يزرع نخلة في الجنة، يكون عدل تحرير رقبة، يعتق من النار.

كل دى انجازات حقيقية وملموسة هتشوف حصادها بنفسك فى الحياة الآخرة بسبب اللى هتعمله فى يومك ده.

- أحمد صالح

‏« لو أحسن العبد التداوي بالفاتحة، لرأى لها تأثيرًا عجيبًا في الشفاء، ومكثت بمكة مدة يعتريني أدواء ولا أجد طبيبًا ولا دواءً، فكنت أعالج نفسي بالفاتحة، فأرى لها تأثيرًا عجيبًا »

• ابن القيم | الجواب الكافي صـ (٩)

طالما بتعرف تصحى بدري عشان تطلع الرحلة أو تروح الإمتحان ومبتصحاش تصلي الفجر

ف أنت مش نومك تقيل (أنت إيمانك خفيف)

م/ علاء حامد.

‏"جاي أقولك قبل ما تنام "

ربنا بيعوض ، بيعوض لدرجة تخليك خايف تكون مقصر في شكره

بيعوض لدرجة تخليك تزعل إنك زعلت على كل حاجة راحت منك قبل كده

هتكتشف إن المليون باب اللي اتقفلوا قبل كده اتقفلوا علشان توصل لشيء أفضل.

عوض الله اذا احل أنساك ما فقدت💛

أبشروا ..

عسى أن تُفتح كل الأبواب المغلقة، وتتيسَّر كل الأمور الصعبة.. عسى أن نؤتى من الجبر ما ينسينا كل ما فقدناه وما مررنا به، وأن تكون كل أيامنا القادمة جميلة❤️🌸.
#تحفيز

إعــــــــ📢ــلان


🔴خــاص بطالبات منطقة الرياض

➖

كتـابُ الله مـن يسعى إليـــه
‏يرى النَبضات في جنبيه حيّة 🌸
➖

يعلن مشروع المنهال لتحفيظ
القرآن الكريم  -عن بُعد-

🔹عن فتح أبواب التسجيل
في الأقسام الاتية:

▫️قسم الحفظ
▫️قسم المراجعة
▫️قسم المفرق
▫️قسم السرد
▫️قسم تصحيح التلاوة
▫️قسم الأمهات
▫️قسم البراعم والناشئة

💎للتسجيل الانضمام عبر الرابط:

https://www.tg-me.com/+7SyJhQw7f5k5YTI8

....

🔴يشترط:

-أن تكون المتقدمة مقيمة في منطقة الرياض.

-الالتزام والجدية والحرص على الحضور وعدم الغياب.

🔹مميزاتنا

- كادر تعليمي متميز وخبرة.
-اختبارات شهرية وتراكمية.
- شهادات معتمدة.

🔹للاستفسار:
💌@AISHA2M

....

يومي مثل يوم أبي هريرة 🤎

قالَ عِكْرِمَةُ: ("كَانَ أَبُو هُرَيْرَةَ يُسَبِّحُ كُلَّ يَوْمٍ ثِنْتَيْ عَشْرَةَ أَلْفَ تَسْبِيحَةٍ، وَيَقُولُ: أُسَبِّحُ عَلَى قَدْرِ دِيَتِي)

بما إن أي حاجة بدايتها ربنا بتكون مباركة وربنا بييسرها فأنا قررت أبدأ السنة بتاعتي بالتحدي ده 🫡🤎

فكرة التحدي مقتبسة من قناة نافع وهي عبارة عن إننا نسبح في اليوم 12000 تسبيحة من باب إننا نتقفى أثر الصحابة ويكون لينا طفرة في الذكر مع تعديد بعض النوايا زي ( فك الكرب - التقرب إلى الله -حسنات كتير والسعي إن يكون لينا ملك في الجنة - تثقيل الموازين ومغفرة الذنوب ) وبعض النوايا الأخرى بيني وبين ربنا 🤎

تقدر تخلصهم في ساعتين أو ساعتين ونص متواصل أو تقسمهم على مدار اليوم بعد كل صلاة نصاية مثلا

التجربة كانت صعبة اه بس مش مستحيلة وصعوبتها في إننا مش متعودين على الذكر للفترات الطويلة دي لكن لا ضير من التجربة مرة زي ما دكتور أحمد بيقول" إننا لازم يكون عندنا مرة نكسر فيها حاجز العبادة بتاعتنا " والنتيحة تستاهل التعب🤎

عموما الغرض من هذه المشاركة هي احتساب الأجر في تشجيع الغير وإعانتهم على الخير والعمل الصالح

إنها الصديقة بنت الصديق القرشية، التيمية، المكية، رضي الله عنها وعن ابيها، أم المؤمنين، حب رسول الله ﷺ وزوجتة، وهي أحب النساء إلى النبي ﷺ.
المبرأة من فوق سبع سمـ'وات، مُعلمة الرجال، الصابرة، كانت تمُر عليها الأيام الطويلة وما يُوقد في بيت النبي نار، كانت تعيش مع رسول الله على الماء والتمّر.
كان مولدها في الإسلام قبل الهجرة بثمان سنين او نحوها.
ــــــــــــــــــــــــــــــــــــــ
نزل جبريل عليه السلام، وأخبر النبي ﷺأن يقرئها منه السلام
عن عائشة رضي الله عنه قالت: قال رسول الله: " يا عائشُ هذا جبريل يقرئك السلام" فقلت وعليه السلام ورحمة الله وبركاته.
وتحكي عائشة رضي الله عنها:
أرسل أزواج النبي فاطِمة بنت رسول الله ، إلى رسول الله، فاستأذنت عليه وهو مضطجع معي في مرطي فأذن لها، فقالت: يارسول الله إن ازواجك أرسلنني إليك يسألنك العدل في ابنة أبي قحافة فقال لها رسول الله: "أي بُنية ألست تحبين ما أحب" فقالت: بلى، قال: "فأحبي هذه"، فقامت فاطمة حين سمعت ذلك من رسول الله، فرجعت إلى أزواج النبي، فأخبرتهن بالذي، قالت وبالذي قال لها رسول الله، فقلن لها ما نراكِ من شيء فارجعي إلى رسول الله، فقولي له إن أزواجك ينشدنك العدل في ابنة أبي قحافة، فقالت فاطِمة: والله لا أكلمه فيها أبداً.

قالت عائشة: فأرسل أزواج النبي زينب بنت جحش زوج النبي ﷺ وهي التي كانت تساميني منهن في المنزلـة عند رسول الله ﷺ ولم أره قط خيراً في الدين من زينب وأتقى لله واصدق حديثا وأوصل للرحم وأعظم صدقة وأشد ابتذالا لنفسها في العمل الذي تصدق به وتقرب به إلى الله تعالى.
قالت فاستأذنت على رسول الله ورسول الله مع عائشة فأذن لها الرسول، فقالت: يارسول الله إن ازواجك أرسلنني إليك يسألنك العدل في ابنة أبي قحافة، قالت: ثم وقعت بي فاستطالت علي وانا ارقب رسول الله وأرقب طرفه هل يأذن لي فيها، قالت فلم تبرح زينب حتى عرفت ان رسول الله لايكره أن انتصر، قالت فلما وقعت بها لم أنشبها حين أنحيت عليها، قالت: فقال رسول الله وتبسم: "إنها ابنة أبي بكر".

انظر إلى محبة النبي لعائشة وقد حافظ النبيﷺ على حبه لعائشة حتى آخر لحظة من حياته، كيف لا وقد اخبره جبريل عليه السلام: "هذه زوجتك في الدنيا والآخره"
في مرضه الذي مات فيه يقول: "أين أنا غداً، أين أنا غداً؟" يريد يوم عائشة، فأذن له أزواجه يكون حيث شاء، فكـان في بيت عائشة حتى مات عندها.
قالت عائشة: فمات في اليوم الذي كان يدور عليّ فيه في بيتي، فقبضه الله وإن رأسه لبين نحري وسحري.

وانظر إلى وصيته لسيدة نسـاء الجنة فاطِمة رضي الله عنها بأن تحب عائشة رضي الله عنها ، ويأتي أُناس يطعنون فيها بل ويشتمونها بأقبح الشتائم، ألم يعلموا بأنهم واقفون بين يدي الله تعالى يوم القيامة، وستكون عائشة خصيمة لهم يوم القيامة، وسيأخذ الله تعالى حقها منهم، كما سيأخذ حق الصحابة الكرام من كل من طعن بهم وشتمهم.

قالت عائشة رضي الله عنها، لقد أُعطيت تسعاً ما أُعطّيتها امرأة بعد مريم بنت عمران:

①لقد نزل جبريل بصورتي في راحته حتى أمر رسول الله ان يتزوجني.
② ولقد تزوجني بكرا، وما تزوج بِكراً غيري.
③ وقد قُبض ورأسه في حجري
④ ولقد قبرته في بيتي
⑤ولقد حفت الملائكة بيتي
⑥وإني لابنة خليفته وصديقه
⑦ولقد نزل عذري من السماء
⑧ ولقد خلقت طيبة عند طيب
⑨ولقد وُعدت مغفرة ورزقاً كريماً.

وكان عليه افضل الصلاة والسلام، أفضل الازواج على الإطلاق، حيث كان يعاملها معامله الاطفال لا معاملة الزوجات الكبيرات، فكان يلاعبها ويسابقها ويمازحها.
تقول عائشة رضي الله عنها: كنت ألعب بالبنات عند رسول الله وكنَّ يأتينني صواحبي ينقمعن من رسول الله وكان رسول الله يُسربهنَّ إليَّ.
ومعنى الحديث أنها كانت تلعب بلعب الاكفال المجسمه مع صاحباتها، فإذا دخل عليهن اختبأن حياءً منه_عليه الصلاة والسلام _ ولكنه لرفقته ورحمته كان يلاعبهن ويدخلهن على عائشة