نعي لام البنين عليها السلام…
لسان حالها وهي تقول ..

أريدنك يبو اليمه اتــحظرني
تزور الگبر كل ليلة وتــسرني
غريبة ولا ولد عندي اليمرني
راحو فدوتك كلهم سويه
…………………………

يربي ارجوك حقـقــــــلي منالي
على التــــــربان كون ابقه ليالي
ولهيب الشمس تحرگهه وصالي
اواسي احسين ابن سيد البريه
…………………………

احسّن بيك يامـــــــــوتي سعاده
واحس گلبي گرب يحظه بوداده
يملچ الموت موتي اصــبح ولاده
بوصال احسين تحلالي المنيه
…………………………

سيد فليح الموسوي

@AbuhassanAlmusawi2007

آ يلعزاز ،،،، آ يلعزاز
ليلي ذكرني بحجيكم
عبره وي دمعة أجيكم
آ يلعزاز ،،،، آ يلعزاز

الشاعر حيدر ناصر شداد

صوت أبو منتظر الإمارة

يا بعد كل الدموع الدافية
يمه زينب ميته جنج غافيه
ليش ،،، مايمج اهل
ليش ،،، جا وينه الكفل
ليش ،،، گليلي شحصل
شو غافيه ،،، شو غافيه

😭😭😭😭😭😭😭


الشاعر رعد الفريجي
صوت خادمكم أبو منتظر الإمارة

عليك السمته باللبن جعده
يعمه روح للعباس جعده
وكله اختك تصلي الليل جعده
عليه الحسين خل يلحك عليه

كلمات شوق لمولاي صاحب العصر والزمان عل الله فرجه….

فجرك لاح…
گرب چنه ظهورك سيدي ونرتاح
اشمن ريحتك كل فجر يـــــمي اتفوح
واقرالك دعاء العهد كل مصــباح
اشوف الفرج گرّب والامل عندي ازداد
ورغم كل المآسي الحزن عندي انزاح
فجرك لاح…
احس بيه الوكت لابس ثـــــياب العيد
وبستان الامل طگ رازقي وقداح
واسمعهه البلابل غـردت مهدي اتصيح
يتـــمايل فـــرح من صوتهه الفلاح
طشينه الدرب مـــولاي الـــك چــكليت
نتـــــأمل ظهورك بي نعلن الافراح
فجرك لاح…
اشوف النــــخل للكعبه سعـــفه ايميل
ومن دهلة فراتك خــضب السباح
هله بموعد ظــهورك صاح بردي الهور
وبــدّل ريــحته العنبر بعطرك فاح
ومن سفح الجبل نسـَّم عليل الشــوگ
بشرهه السفينه ايصيح اجه الملاح
""""""""""""""''''""

سيد فليح الموسوي

ما تدري يالكلك ذنب ياساعة اليدفنونك
وحدك تنام بحفرتك واحبابك يخلونك

😭😭😭

الشاعر رعد الفريجي
صوت خادمكم أبو منتظر الإمارة

گالو المن ياقبيلة…
ويالقب انت التشيلة…
رادو يعرفوني المن…
والگلب متروس حب من…
حتى دمك گالو المن يافصيلة…
رادو يعرفوني شسمي…
صوروني وخذو رسمي…
صفنو بصفنه طويلة…
رادو يعرفون علتي…
وشنو هيه اسباب ونتي…
بيا عشگ هايم دليله…
ميلك المن ياهوه…
گالو شنكتب دوه…
گلت غير احسين ماعندي وسيله…
انه غير احسين ماعندي وسيله…

فاض قلبي ياسيدي ونطق شوقاً اليك…

رحله احزان
سيد فليح الموسوي
المستهل

رحله احزان
سيد فليح الموسوي
النص

وفائج .صيته للعالم وصل
سيد فليح الموسوي
لحن ١

وفائج .صيته للعالم وصل
سيد فليح الموسوي
لحن٢

اقترب محرم ياسيد الشهداء وهتف قلبي وقلب كل شيعي اليك بهذه الابيات وننتظر منك الاجابه سيدي

گرب شهر الشعائر فزعتك يحسين
اذا يبقه الحظر ياهو يحييهه
واذا يبقه الحجر مجلسك ينباگ
وندري بالشـعائر انت حاميهه
صبرنه اعله الزياره وهالمده مازرناك
ابفتوه من المراجع نلتزم بيهه
مكانك مو ضريح انت ويانه موجود
وسط اگلوبنه ومتربع اعليهه
بس مولاي تدري احنه بشهر عاشور
نيران الگلب بالمجلس نطفيهه
من طفك لحد اليوم نبچي اعليك
وامك حاضره ويانه ونواسيهه
وندري احنه لاجل عاشور مخلوقين
معــــــــقوله الاله العله ينفيهه
رفعة ايد منك سيدي محتاجين
كريم وسخي والحاجه تكضيهه
ترزقنه كرامة خدمتك يا مولاي
انت الهه الشدايد وانت راعيهه

بيان مهم جدا *

الاخوة الحُسينيون ارجو المتابعة والمشاركة

آية الله السيد محمد رضا السيستاني دامت توفيقاته
(( يدعو الله للتوفيق بالمشاركة بعزاء سيد الشهداء عليه السلام في محرم الحرام ١٤٤٢ بما يتناسب مع المرحلة الراهنة )

سماحة السيد الاستاذ (دامت بركاته ) يُنهي دروسه لهذا العام ١٤٤١
وقال في ختام الدرس ما نصه :(( وبهذا ننهي الكلام في هذه المسألة ويقع البحث في المسألة اللاحقة ، ان شاء الله تعالى بعد العطلة العاشورائية ،أن كان في العمر بقية ،وندعوا الله أن يرفع البلاء والوباء الى ذلك الحين ، ليتسنى العود الى التواصل الحضوري ،كما كان في السابق ،فقد طال الفراق وازداد الاشتياق ،وليس لنا إلا التجاء الى المولى العلي القدير أن يكشف هذه الغمة عن الجميع ،بجاه أحب خلقه اليه محمد وأهل بيته الطيبين الطاهرين ولاسيما مولانا أمير المؤمنين (ع)الذي نتشرف بجواره ونستجير بذمته ،أحياء وأمواتآ ،

(( كمانتضرع اليه جَلت آلاؤه أن يوفقنا للمشاركة في عزاء سيد الشهداء سلام الله عليه بشهر محرم الحرام بما يُناسب الظروف الراهنة وأن لايحرمنا من بركات المواساة مع النبي(ص) وآله الطاهرين في تلك الفاجعة الكبرى ،واسألكم الدعاء ))


#الناشر_الحاج_فلاح_حسن