#فتحت_عزاء_اوشور


ويلاه ويلاه العطش
شمسوي بحسين


بعد ما حل النزال ....وأخذ كل زلمه القتال ..وگف مكسور الگلب
من نظر تبچي الزغار .......قرر يخوض الغمار ....ويمشي ضامي للحرب
صاح والحومه سواد .....منو يقدملي الجواد .....ولنها زينب بالدرب
تگوُد بالمهره وتصيح......گطعت گلبي الجريح ....عيونهم گامت تصب

گالتله أمانة امك الزهره
شمته بصدره وقبلت نحره
وطاحت دمعته عالوجه حمره

.
.
.
.
آيِّس امنِ الدنيا راح .....واعتله صوت الصياح ....حمل حملة حيدره
فرق بعزمه الألوف .....ما ثبت جمع السيوف .....گبال سيف القصوره
گلب يمنتها شمال .....هزها واشتد القتال .....عاد يوم الزمجره
وباوع الصوب الخيام ...ومطرت اعليه السهام ....وما وصلها ناظره


ما وصل شوفه الاهله وضعونه
صارت ضباب الدنيا بعيونه
ولون الحسين اختلف مو لونه

.
.
.
.
وگف حتى يستراح ...والسهم بالگلب طاح ....والمهر وياه مال
تحاوط أمن اربع جهات .....ماتت بعينه الحيات ..واختلف عنده القتال
صدره من العطش حار .....مزاحم الرمايه صار ....ومطرت عليه النبال
اندار واندارت وياه .....وبين بوجهه ضماه ....وباله كله اعله العيال

شد حيله بس الحجر هد حيله
طاح وسند صارتله الكحيله
حار الرمل والاهل توميله
.
.
.
.
جابو الخيل الثگال ....وانسحگ ذاك الدلال .....والعرب شدت حزم
تشگگ الثوب العليه.....احتارت السيافه بيه.....اطشر بجسمه وتلم
صاير اعليه ازدحام .....ولنها حرمه من الخيام .....طلعت كبال الزلم
صعدت بتل العذاب ....وشافت تحوم الذئاب ....وصاحت انهض يالشهم

گالتله گوم بداعت الزهره
لاچن سهام اهواي واتعذره
كام اوگع وانكسرت بصدره
.
.
.
.
رفع اجفوفه وتشوف....ماكو خنصر بالجفوف.....يگلها ردي للخدر
ذاق انواع العذاب ..تارس اجروحه التراب .....والعطش ماخذكتر
بين كل الضجه هاي ....صاحهم اسقوني ماي ...احشائي احس بيها جمر
ولن شمر بالسيف اجاه.....وذبح رأسه من كفاه ....آه يا سيف الشمر

وانشال راسه عالرمح دامي
مات الحسين بكربله ضامي
وصاحت رقيه ماتت احلامي

الشاعر عبدالله الشويلي

#شور_للعليلة



أنا وحسين عين بعين صرنا ودمعت عيونه
ما جنت ادري كلمن بي مرض اهله يعوفونه
الما يأخذ بجفها حسين منوه الياخذ بجفها
ضعن نظراته بس عالكاع مدنگ حتى ميمونه

ابو فاضل بچه شفته
ما باوعلي من صحته
مديت ايدي وي گلبي
وضم چفه الگبل بسته

چَلبت بجدام حسين بس ما رضه ياخذني
ارجع وارد اركض حيل ام عون لو ردتني
تتلفت اعليه النوگ بچيتها وبچتني
.
.
.
اول مره اشوف اهلي يوازوني على ادموعي
ومن اسمع بكلمة خيل احس تتكسر اضلوعي
بأمر حسين كلها تروح جبير ازغير ما يبقى
طلع حتى الضوه البالبيت واني وحدي عافوني

إخذوني اگللهم
وعافوني ومشو كلهم
حتى اعبايت الزهره
اخذوها وبچيت الهم

شما اسدن بجفي البيت تنفتح كل بيبانه
وادموعي تكتب عالگاع بتكم ترا تعبانه
ازحف ازحوف وي النوگ لو كالوا امشي ويانه
.
.
.
.
أنه الما راضيه وزعلان گلبي بهاي طلعتهم
الزلم غيم عليها الموت اظن بس روس رجعتهم
نحر عبدالله مدري شبي مثل وجهي انخطف لونه
اطيح اگبالهم ضليت وتطيح اگبالي دمعتهم


شَرَبت الطفل بيدي
يگلي عايني اوريدي
صاح حسين من شافه
آه يا بويا يوليدي


شما صَعِد اهدومي حسين ينزلها من الناگه
ما گدر ياخذني وياه وما اگدر اعله افراگه
بيا اله كلشي يكول مشتاگه اضل مشتاگه
.
.
.
.
نِثرت اثار رجل حسين على وجهي وعلى احجابي
رَكْضت خايف اركض ليه من يندگ علي بابي
التجاعيد البوجهي تكول شفه من العطش ذبلت
من گطعتهم لهل اليوم على شدتهن اثيابي


وعلى رجعتهم أمن أسأل
متاعي وَحَده ينحل
احلم بالضعن حاير
يشبهني وعلي معلعل


واحلم بواحد عطشان وتحاوطه الخياله
ايد بضهر ايد بسيف ويتلفت اعله لعياله
يفزع بربعه الميتين وولا واحد اليبراله
.
.
.
.
بهدوء الليل اسمع صوت يشبه ممشه خيل البر
بحوافرهن تصدرَ أصوات مثل قاروره تتكسر
واشم دخان مال اخيام محترگه وبشر تركض
واشوف اجفوق مگطوعات وخيام محاوطه بعسكر

ومره احلم ضعن مسبي
وروس مگطعه وتربي
اعله حرمه جبيره مجتوفه
واصيح اسم الله من گلبي

بالحلم واحساسي يگول چن هالمره علويه
تشبه العمْتي ويا ناس بس عَمْتي ما مچويه
مو عمِتي هاي ام عون هاي المره محنيه


عبدالله الشويلي
@AbdullahAlshwaily

يا كسرت الساده بسبيها

ضعن الله مسبي من يحلها
بي فروا البلدان كلها
زينب غريبه بلايه اهلها
تتنطر ومحد يجيها

مكسروه خاطر عالهزيله
يا هاشم انتو أهل الثجيله
عدها حمل محد يشيله
وهالحمل ضل مايل عليها


بعد ما طاحوا اخوتها ركضت وبعمر ستين
وبين الخيل والميتين محدبه ادور اعله حسين
المثل زينب مره ترتاح موش اترافگ أهل الشين

وبحسره وبهيده بچيها
.
.
.
.
قبل الجرى بذيج الحوافر
شافت اخوها بلايه ناصر
يتلفت ويكسر الخاطر
ميتين ربعه وكل عمامه

قابض على الحيته وينادي
(منْ ذا يقدملي جوادي)
محروگ گلبه والاعادي
أتريد تگرب يم خيامه

بالعدلين والميتين يتنحى ابو سكينه
ومن گد ما يريد الماي گوه يباوع بعينه
يزلم ضهره من يندار ويشاهد نساوينه

ولو سبوو أخته من يجيها
.
.
.
.
اتوجهه الحربه وبناته
كلساعه وحده تجر عباته
مو بس شفاهه الكاتلاته
مِنِ العطش ذبلت لهاته

والزلمه منْ أتريد موته
بالعازه شوفه بلايه اخوته
او لا واحد ايقدر نَخوته
وللهزل عاف امدللاته

ويه الشمر لو نسوان جا هم دارت اعله حسين
بطرگ سيفه بضهر مكسور واگباله ألف سبعين
ناس اهواي مجتمعه ما يعبرها شوف العين

شيرجع الزينب من وليها ؟
.
.
.
.
بت الدلال بحبل تنشد
للسوگ تمشي الله الاحد
تحشم بخوها وأبد ما رد
مذبوح نايم عالشريعه

وحين انچتل ضامي گمرها
مثل السبط لزمت ضهرها
ويا ويلي من حرگوا خدرها
ما كفت الها هالوسيعه

حين الگال ابو الباقر بالبر فري يا زينب
بعدها اباب المخيم تشاهد بالمخيم تلهب
عن العين بالدخان لبدت والزلم تنهب

ونار الغدر هدت عليها
.
.
.
.
اتلم الأطفال بلايه خاطر
واترد تطشرها الحوافر
مثل الحسين بدون ناصر
وكلها تصيّح عمه عمه

وسلبو تراچي من رقيه
وداسو حسين اب اعوجيه
ويلاه يرض الغاضريه
بخد كل طفل مو طينه دمه

لمن هدت هذيج الكوم لمت كل بني هاشم
تحجي الهن بهيده عن السبي و الظالم
وتگلهن ما نلاگي حسين ندور بالجثث لازم

وبالسمه ضل ينحب نبيها


الشاعر عبدالله الشويلي
@AbdullahAlshwaily

عفتوني وحدي | حسين الجابري | محرم الحرام 1446 هـ
https://youtube.com/watch?v=bOca6HScrzI&si=0liT3QnK7mYNmhgR

حسين جبار الهلالي | وصية أم البنين | محرم 1446 هـ
https://youtube.com/watch?v=SCbA99wHmd4&si=owyG3kYoWdzG3PqX

ياحيف | محمد حسين مطرود | محرم الحرام 1446هـ - ٢٠٢٤م
https://youtube.com/watch?v=A57JJmdYyek&si=fZ_C3TRHAkO5ILN0

ابن الكرم || ملا طاهر البخاتري || موكب جروح الغائب #محرم_1446
https://youtube.com/watch?v=OByIefr6oDA&si=AutkG0I3-PrL4HQm

زلزل الكوفه || الرادود محمد العيداني || كلمات الشاعر عبدالله الشويلي
https://youtube.com/watch?v=ah0DaeYDtu4&si=lF5vP20Dsuq8O2t0

تاريخ الحرب | السيد فاضل الياسري
https://youtube.com/watch?v=ZLiWtsmHAQ0&si=YQKRa3RtsBp1ZQ3r

#المشايه

صاح ابو فاضل هله وشد النطاق
وطلعت المشايه من كل العراق


طلعت ورفت الرايات الخضر
وأبو فاضل شال جفينه السمر
للحسين المنذبح دگو صدر
واسم زينب بالكلب كِتبوه وثاق
.
.
.
.
طفل' شايب' شاب كلها محزمه
هاي وادم عالحسين معلمه
والنسِه طلعت تعزي فاطمه
تحشمت بالغيره وانذل النفاق
.
.
.
.
ذوله ناس اترابهم يسوه الذهب
حرگه بيهم عالخيم حرگت وهب
اذا صاحو يا علي يموت التعب
والگلوب الكربله سوت سباق
.
.
.
.
.
وين امثال الكرم خل تنضرب
موكب بصف موكب انحَط بالدرب
بيت واحد ناسها لا مو غرب
خدمة أهل البيت ما بيها شقاق
.
.
.
.
طفح نهر الكرم وابدًا ما يجف
اذا ينسد موكب يفتح الالف
عد الحسين الخدم كلهم عرف
تمنو الخدمه عمُر مابي فراق

.
.
.
.
هبت البصره وگصِدها كربله
وصاحت الزهره هله وميت هله
وطلعت اعمارتنا طلعه معدله
زشوف ذي قار الفخر كلها اشتياق

.
.
.
.
والعوابس من سماوتنا الفخر
صار ممشاهم مثل ممشه النهر
اتحدوا اويه أهل النجف صارو بحر
ورفعو الرايات من بعد العناق
.
.
.
.
الدوانيه على الحله انطوت
وزلم واسط بالحسين اتحزمت
ويه أهل بغداد للعز اگصدت
والشمال اليوم أعلن انطلاق


الشاعر عبدالله الشويلي

@AbdullahAlshwaily

رِجعت زينب أمن الشام
بنفس الهيبه لخوتها
وياها علي السجاد
والزهره التلگتها


رِِحلة عز واجت منها والظالم عرف حجمه
الگاعد عالعرش مرتاح يم زينب نسه اسمه
شيطان الشكل والروح والإيمان اجه يرجمه
دخلت للقصر حيدر
وگفت وگفت الاكبر
حرب وانتصرت الخدر
علي وبسيفه طب عالگوم كل الناس شافتها




صاحت يا يزيد اصمت اووِگف مجرى النفس عنده
بي خوفه وعلي خلت تذكرها ولد ولده
گبال الهيبه مو طينه( كلمن دمعته بخده )
منها شردت القاده
تشل الراد يتماده
زينب هيبه الساده
يا دولة التسكتها وكل الكاع دولتها





المو رجال يم عباس يم الحره مو رجال
العفه من الله ياهل الناس عَليها مفصله تفصال
اول حرمه بالتاريخ شافتها العِده خيال
بعباية فاطمه الزهره
وگفت بالقصر حضره
وانطت كل شخص قدره
رهبه بالزلم صارت زينب هاي صولتها



مضرب للوفه زينب هاي الماتهبط الرأس
التاريخ انحنى يمها غير اخت الشهم عباس
الحارسها الملك جبريل بس بفاطمه تنقاس
ردت راشده النيه
المرأه الكربلائيه
حضنت گبر ابو الرقيه
وبده سيل الدمع يجري اعله ونها تبچي ناگتها



من گبر لگبر ضلت تمشي ولونها تغير
مثل اشفاف ابو السجاد گلبها بكربله اتفطر
الماعثرت بطبت السوگ يم إخوتها تتعثر
العافت عالارض مذبوح
حگها تنحني وتنوح
احساس الحره ضل مجروح
لان عافت اخو مطشر ويمه الروح خلتها



بعبره نادت اخوتها وداعت الله يخواني
هذا اول عزه يمكم ويم جدي العزه الثاني
وعد ما اگطع الونه واموت من الهجر اني
وعد ما ينگطع نوحي
ولا انساهن اجروحي
لحد ما تنقبض روحي
كل لحظه تموت ام عون بلا اخوان رجعتها


الشاعر عبدالله الشويلي

@AbdullahAlshwaily

#شهادة_الامام_الحسن_ع
كون اخر انفاسي ....ايدك تحت راسي
وتغمض العين

يالخوتك خوه.....الدنيا مو حلوه
عكبك يخو حسين

يالوجعتك بالروح ....من جبدتك مذبوح .....بحزام ضهر حسين ......مات الحجي المملوح
اني انكسرت اهواي .... يا خويا گوم وياي .....باجر عطش واصياح ...ومن هسه شح الماي

خلصو يبو محمد هَلي
يالطيحتك طيحت علي
يبن امي محد الضل الي
وآ ضيعت حسين

من هسه ضعت اني ......وانهدت اركاني
ويبچي العباس
يباوع على اجفوفه ......مگطوعه معروفه
شيبلي الرأس

.
.
.
.
باجر اضل اهواي.....اتلفت اعله الماي..... وعبدالله ابني يموت .....اتمنى انت وياي
تدفعني باجر خيل ....واشفاي تنزف حيل .....ومن العطش ما اشوف ....وروحي اعله مهري تميل

سم بجبدتك يالذخر
وبجبدتي إسهام اشكثر
نعشك يهد حيل العمر
مضروب بسهام



بعيونك الحمره ...خيماتي مستعره
وبيها الاطفال
ازرگ جلد جسمك...وبصدر ابن امك
يعثر خيال
.
.
.
.
.
بنص كربله النسوان .....تتوسط النيران .....وتدري يطيح بساع ....من يركض العطشان
ما يبقى بيهن حيل ......أطر الزلم والخيل.... والسوط مثل السيف .....بالعظم يلسع حيل

يالعازتك عازتك نفس
باجر تچويني الشمس
يالحسن صدري ينترس
اتراب وارماح

اتلم جسمي المطشر......بالجثث تتعثر
اتگوم واطيح
ينادوها ها زينب .........بحسين تتملعب
الخيل والريح

.
.
.
.
خويا التشل البال ....يطشرني كل خيال....يلمني علي السجاد ...ويلي بحصيره انشال
يوسد علي الاصغر ....منحر على منحر..... والتمرد الدلال...يصغر علي الاكبر

كاتلني من هسه القهر
والتحرگ الروح الگمر
كم شبر باقي اعله النهر
وابلايه جفين

جوده على صدره ......بس واصل لضهره
نايم عالسهام
كاتب اعذروني .......ماخلو عيوني
وأنظر للخيام
.
.
.
.
زينب يتعبوها .....للشام يسبوها ......مو بس سبي وهزله......مثلي يعطشوها
فكدك يذكرها .....بيك ويعثرها .......تنادي يبو محمد ....والشام تحضرها

الما شايفه ارجال بحلم
توكف تحاجيها الزلم
يصحولها بنفس الاسم
واتكف الادموع

بالشمس گعدتها .....عالرمل نومتها
بلايه خدرها
ايام بس سوده......بحبال مشدوه
ٱه يا صبرها
.
.
.
.
يحسين ياحيلي .....لا لا تتجيلي ...مرتاح بالموته ....يكفي انت تبجيلي
كل الاهل يمي.......وما لمو بجسمي........هذا وقاري اني ....ما منسلب هدمي

الغربه هيه غربِتك
والعبره كلها العبرتك
يالماكو منها طيحتك
كل البچي عليك


الماي يم ايدي .....مو وحْدي يعضيدي
هذا انت وياي
يومك مرد كلبي ......ريت الحرب حربي
وابقى بلا ماي

الشاعر عبدالله الشويلي

@AbdullahAlshwaily

بتاريخ الحرب نلگه الحسن اول مقاله
بقْرار الزمن ضحه بضعن أشرف سُلاله

اذا حضر محلاته
ابا الفضل ترباته

اله صولات اذا زعل .....فحل الگاع وابن فحل ....برق ونار اذا نزل ....... فوگ الروس الطير يحط

وله نلگاه يزل قدم ....علم وزود وأبوه علم ....الجمل انهار لمن هجم.....وخَله الوادم كله تنط

جناب السيد الآمر فخامه وفذ نشوفه
سياده ويامعاليه الحرب والحب يطوفه
يكف الحومه ابو محمد اذا سرفن جفوفه

اقليه المَعَ شخصه لچن بس حائه عالِم
إهانه للزلم صمته لذات الله ملازم

عسل ملح جلماته
ابا الفضل ترباته
.
.
.
.
كلف الزود ورِع فطن.....گطع ارگاب گطع لسن ..... عُمق النور حمل حسِن.....فنان ورسام وحيد
علي سماه فتى الحرب ....لذا نلگاه سهل صعب..اله ذرعان غضب تصب .....بس عالتسوه تحط وتصيد

ارتجالي ومحضره يرهب علي ثاني خِصاله
زعامه وقائد وعارف شعظم قدره وجلاله
جوابه للسئل يطلع قبل صوته وسؤاله

سياسي منصف وبارع ممهد كربلائي
على حب فاطمة الزهره الحسن ثاني فدائي

بقت ترف راياته
ابا الفضل ترباته
.
.
.
.
أسد يحوم على الرگب ....زلم اطيح اذا غضب ...ابو كلفات صِگر عرب ......خيال وسيد عالناس

حلو ممشاه ترف وقر ....اذا ينخاه علي يكر ....لمن ايغير مثل صَگر.....اتخرج من عنده العباس


اذا حيدر قلع خيبر بيمينه الكلها غيره
الحسن قالع فتن عصره الزغيره والجبيره
الجمل وام الجمل شاهد فلا نلگه نظيره


ابو الأكبر ورث حيدر وأخذ أفعاله كلها
اوريثه صار ابو فاضل وابو فاضل اهلها

اخذ عزم من ذاته
ابا الفضل ترباته
.
.
.
ترا ذكراه يقل عجب .....وَهُو معصوم حسب نسب ....وهب
حسين ضعن وهب....قدم نسوان وشبان

لذا هاليوم اله اللطم .....ترا لساه بقى بظلم .....وعلي يا ناس هظم هضم ....المايذكر مولاه خسران

حقيقه بعالم الخدمه نقرها يالعوابس
بفضل مولانا ابو محمد عقدناهه المجالس
ومثل جف الگمر جفه على اللطامة حارس

نعاهد احنا ابو صالح يناس بهل المسيه
الحسن يجري بخلايا الدم مثل ما يجري أخيه

ضوه الخيم شيباته
ابا الفضل ترباته
.
.
.
.
حرف الحاء حرب وَحب....حرف السين عطف يصب ...حرف النون مثل گلب ....وخيمه النقطه بنص النون

خيمة شوگ على المحب ....نعطش ليش الحسن عذب ....عالاعداء أشد صلب ....بس للخدمو ينطي عيون

اخذ ياء الحسين وحطها بحروفه الثمينه
يصير حسين ابو القاسم إذن أوسع سفينه
لذا كل الركب ببها نجى بدنياه ودينه


شعظم قدره الرسول الله على اجتافه يحمله
محرم بالحسن حتما نشوفه أحله وأحله

الفضل ترا لنظراته
ابا الفضل ترباته

الشاعر عبدالله الشويلي
@AbdullahAlshwaily

#رجوعـالسيدة

جايبه اجروحي لكبرك ما اجه أبالي ارد
حيل كبرانه بغِيابك  وروحي ذبلها البعد

هوايه تعبني الوكت
ردت اموت وما متت


جيتك بيوم أربعينك شايله آهات والم
جيتك محدبه ونحيله بلا محامل لا علم
عليك دلاني حنيني وگبرك المتروس دم
مبين من ابعيد گبرك مغطه برماد الخيم

انكسر خاطر اخيتك ومحد يجبره وعلي
هايه اول مره اجيلك وانت ما گايم الي

اعذرني خويه تعطلت
ردت اموت وما متت
.
.
.
.
على ترابك يا جروحي كون يتبده العمر
ما اذبن ماي خافن يفز نحرك بالگبر
لسه ريجي اعليك يابس والهوى يدخل جمر
شلون ابلل ريجي وانت ريجك مشبعيه طبر


يا خسارتنا الجبيره ياللي نظراتك وطن
عفتك مطشر يغالي جسمك شلون اندفن

شحالي بعدك من رحت
ردت اموت وما متت
.
.
.
.
كربله شچم حلم باگت بحسره خلتني اعتنيك
جيتك ابلايه رقيه وجر اجر بروحي ليك
ماتت وازرگ جسمها ماتت بحسرة عليك
احتار من تنشدني عنك شرد اگول شلون اجيك

شكثر كالت بابا بابا مردت بكلبي النياط
ميته من الحرگه بنتك مدري ميته من السياط

وبدفنها تحيرت
ردت اموت وما متت
.
.
.
.
وين ذيج الهيبه كلها خويه شو گبرك زغِير
شايل الدنيا بكبرها شلون شالوك بحصير
على گلبك خيل تركض وانت ابو گلب الجبير
وراسك الخلصها ساجد عالرمح تالي يصير

الگابلك ما يسوه كلشي وانت أمام وابن امام
سيوف دم احجار غربه صارت عليك ازدحام

الكلفه من اطشرِت
ردت اموت وما متت
.
.
.
.
وحق شيباتك وعطفك اختنگ لو شفت ماي
بالسبي مشدوهه خويه وراسك الينطيني راي
شكد حنين وما تركني بالشمس يفتر وراي
اعله الضعينه هواي يفتر ساعة رايح ساعة جاي

رغم ما تعبان راسك بيه شديت العزم
راس من رتل الايه خورس احلوگ الزلم

كباله حيل اتعذبت
ردت اموت وما متت


الشاعر عبدالله الشويلي

@AbdullahAlshwaily