مشاهدة "عليك الزهره حاجيني ملا عباس المحمداوي // كلمات الشاعر // عبدالله الشويلي" على YouTube
https://youtu.be/pZEWF_xdXLg

نار وي نار التقت
اوحده للاخرى روت
محكمه والكل حچت
من الحرگ حد ما طفت


اعترافات وحكم ....يرد حگه المنظلم ....محكمه والدم شهد
النار متهمه بقتل .....فاطمه وذاك الطفل....والمهد والبلمهد

نِسه احترگت ....خيم وجت .......وحراير خافت وركضت
ومره شتكدر .....وجهه احمر...... ....النار بفاطمه شسوت


النار من تلسع تشل
بالوجع چنها الهزل

بالاجدام توسطت
من الحرگ حد ما طفت
.
.
.
.
حجت نار ام الضلع .....وكالت بحسره اندفِع ....شما يدفعون الجذع
لِحِت وجه ام الحسن ......أطراف أصابعها انچون.......ما يطفيني الدمع

طلع دمها .......كبر همها .......والشاعلني يشتمها
ولمن تبعد.... اليه اترد .....وإني بحسره اجي يمها

كام يعصرها الجذع
واسمعت طگ الضلع

والله والله تعذبت
من الحرگ حد ما طفت

.
.
.
.
من حجت نار الخيم .....انترست الدنيا الم ......المحكمها كلها بچت
گالت اجدام الحرم .......ا سحگت اعليه بألم ......ومره بنصي توسطت

واكو واحد .....بقى كاعد .....احترگت خيمته وساجد
اشتعل هدمه .....العليل اسمه .....وجفه المنجوي شاهد

لحت اطفال اشكثر
ارقيه ركضت عالجمر

البقت كلها اتوهدنت
من الحرگ حد ما طفت
.
.
.
.
نار من الشام اجت ......مع النارين التقت .....وحچت بالصار وجره
من السطح كالت طحت ....على النسوان وشفت .....اتطفي بيه شجم مره

وابو ارقيه ......يصد ليه ......لَمَن اچويلي علويه
وبذب رأسه ... على ناسه .... دمع وعيونه مدميه


انشمرت وي الحجر
ولامسِت وجه الكمر

وروس الاضعينه انحنت
من الحرگ حد ما طفت
.
.
.
.
التحقت بهل المحكمه .....نار ما بيها دمه .....ما جوت ذاك النبي
بصحبت ابراهيم اجت...تزهي وبحبه انجوت...رغم ما وجهه اجنبي

حضن صارت ....لمن دارت.....الوادم عالنبي وجارت
شكثر حلوه ......هلا ونخوه ......عطر وبروده من فارت


ريت هيه بكربله
وما تچَوي العائله

تفتخر من سولفت
من الحرگ حد ما طفت


الشاعر عبدالله الشويلي

#ميمر

كلمن بغض حامي الجار
ملعون هو ودينه

درع النبي والأول اب إسلامه
قبل الحرب حيدر يشد احزامه
وغيره كضاها يرتب ابهندامه

بسيفه علي شال ارگاب
وغيره ماشايل عينه
.
.
.
.
شايل السبعه جف علي شنهي الباب
ما طاح ابد والميليته اطيح ارگاب
البيده يوگع ينترك صم تراب

لگطع المناحر يا ناس
من الله اجه تعينه
.
.
.
.
(ما ميت الخَلّف) ابد مو مقياس
المفروض يداول مَثل بين الناس
ما ميت العنده ولد كالعباس

الگاضيها بس بالزينات
خلفته تطلع زينه
.
.
.
.
بوجه الجمال اليوسفي يتأمل
ياهوه مثله عد إلٰهه امدلل
بجفه الحجر قطعة ذهب يتحول

من طين مخلوقه الناس
بس حيدره يا طينه؟
.
.
.
.
يندار وياه الفلك من يندار
اجناح الأمين اترفرف بيا كرار
ابراهيم ناده ياعلي وطب للنار

وصاح النبي بالطوفان
يا با الحسن نجينه
.
.
.
.
سلمٌ لمن سالم علي وولاده
ما نحب وادم ما تحب الساده
واللي يعاند ما يفيده اعناده

يوم السراط احنه نشوف
يا جف يجي يعدينا


الشاعر عبدالله الشويلي

(ام البنين ع)

الليله بالطيف يا حيف شفت خيل وزلم
دارت على حسين ميتين اهله بهل الحلم

وبس النساوين
مد للحسين

بالحلم سافرت ورحت يم الحسين وبيته
مهموم شفته عالمهر لازم بحرگه الحيته
للخيم من طب و طلع تنگط دمع خاجيته
عطشان واتراب الحرب لا ما يچلب ابريته

ما فكرت غاد بولاد فدوه الاربعه
لحسين وام عون مِن كون اطيح امگطعه


من فدوه لبنين
محد للحسين

.
.
.
.
بحرگه يقاتل بالزلم يطلب بثار إخوانه
كل ما يشد المعركه ما يثبت ابميدانه
يترك الساحه ومن بُعِد يتباوع النسوانه
وصلت الحاله أمنِ التعب مابي يحرك السانه

يفرك بالايدين ميتين اهله وصحبته
شما صد للخيام واحتام تِبيِّض لحيته

كسره اهله ميتين
. محد للحسين
.
.
.
التمت اعليه الخلگ شفته ينازع وحده
يا ناس بثناء الحرب وطاحت احجاره بخده
بس رفع وجه للسمه صاب المثلث جبده
وليه انوله بطف كربله ومحد يجي ويسنده

فوگ المهر نام وازلام ترميه بحجر
ضل يضعف الصوت ويموت بحسين النظر

كال الگمر وين
محد للحسين
.
.
.
.
خضب بحرگه لحيته يا ناس من دم گلبه
طايح يدور اعله الخيم وكل اليفوت ايضربه
ومن خَرَب اجبينه الحجر اتمدد وتيهه دربه
ماكو مجال ايشم هوى ملتمه كلها بگربه

ايدور الهوى ادوار چن نار بعروگ الگلب
مابي يشيل ايد ويريد يندل الدرب

وسفه على الزين
محد للحسين


.
.
.
.
فجأه واجت حرمه أتعدي صعدت على التل گوه
صاحت يخوي الحگ الي وصار الاخو يتلوه
كام وعلى اسهامه وكع مو سهل صوت الخوه
الما يرمي برماحه عدل بجسم الحسين اتقوه


يجَر النَفس حيل والخيل اجت تركض اله
يحاول ولا گام بسهام يرميه حرمله

ضل شابح العين
محد للحسين
.
.
.
.
باوعِت زينب حايره عين اله وعين البيته
ودرت الوجه لحسين انه وجوه الخيول الگيته
من راحن اتقدم شمر گضه وعلي من الحيته
اتربع بصدره وحَضرِتي درت الوجه خليته

فجأه وشفت راس ياناس مرفوع برمح
ما ركزت بيه ادريه حسين المنذبح

ضل ينزف الدين
محد للحسين
الشاعر عبدالله الشويلي

#شور_لام_البنين

شيخ الأنساب اجاها وطلبها لحيدر
وعلي الملگاها حضر قبائه الأخضر
شِيخة الحب وأهلها شيوخ وأكثر
فهيّ امُ البنين

مره تمطر وفه
كرم وي معرفه
فلا يوجد سواها

نعم كلها ويحيدر مابيها لاء
زلمه كالت وأريده ماكو سواء
ام للحسين اصيرن حظي جبير
وصارت ام وحنينه لوجه السماء

بأمر من فاطمه...... مره لحامي الحمه
.
.
.
.

( انجبتها الفحوله) وكفو من عدها
عدها شيله ثچيله لعلي تعگدها
ومحد ايحلها غيره لمن اتشدها
فهي امُ البنين

وجود ابلا عدم
تضل مثل خيم
اساس الخدمه هيه

الخدمه گمره وضواها ام البنين
علمتنه الوفاء ومعنى الآنين
التوكل عليها يعادل حياة
مدد من عدها هَمنا البسم الحسين

بشهود اهل السمه...... مره لحامي الحمه
.
.
.
.
البدو كلها تدنگ لَوَن نذكرها
سر عظيم وعلينا فهَم كل سرها
الف معنى يلاگي لَمَن ينظرها
فهي امُ البنين

قبل حل الفرض
تتانيها الأرض
وتناطرها الثريه

افتراضا علينا بعد البتول
ماله نية زواج وفرضا نكول
تبقى هي نفسها ام البنين
يحب الحسين گلبها حد الذهول


بزهدها عالِمه...... مره لحامي الحمه
.
.
.
.
بالموقف عظيمه بِچتها الساده
زلمه عدها بحضوره تفر القاده
شاره تسطر ببنها دخيل عيونه
لامت الحرب هديته بسنة ميلاده
فهي امُ البنين

الدرع كاروك اله
لعِبته كربله
ضحكته بالمعارك

من علي وابنه لسه الوادم تهاب
بيمنت ابنه الگناطر بجفوفه باب
الأسد محد يجيبه غير الأسود
ابو فاضل رعيده بوكت السحاب

لخوه اتقدِمه....... مره لحامي الحمه
.
.
.
.
عدها اربع كواكب عظميه المنظر
لَوَن حضروا معاره الزلم تتبخر
وابو فاضل نظرته شرحها الاشتر
فهي امُ البنين

ولِدها بالشدد
ينادوها مدد
الصعاب اليمها سهله

اليجبل الها تكرمه ابلا ما يكول
وبكرمها السوالف كلش تطول
شنهي حاتم كرمها يخجله جيل
ما نقيس العطايا فوگ الذهول

العطايا قائمه..... مره لحامي الحمه

الشاعر عبدالله الشويلي

#شور

الشيخه عالتاريخ بس ام البنين


مثلج ولاكو مره جابت زلم كلفه
لو شرقوا اعله الأرض حتى الشمس تطفه
جابج ابو حسين اله وجبتيله ابو فاضل
الحد هسه ذاك النهر من أيده بي رجفه

محتاره بيج البشر
جبتي كمر لو نهر
لوجه الله والساده

تگولين يا فاطمه
وتوگفلج ارض وسمه
وبسمج علي ناده

الماعدها مثل العباس ....لا تفتخر بين الناس ...بالبزره
شسويتي لله وسواج......وبيت فاطم خلاج ...ياحره
.
.
.
.
عندج ولد چن علي يبس رياگ الشط
بالثوب الاخضر حلو واجمل بالمرقط
اربع جهات الأرض تهتز لَمَن يمشي
ومن يحضر بمعركه خيل وزلم تفحط

والنعم منج كفو
تاج اعله راس البدو
والجابتج حره

شيعيه گبل الخلق
واسمج بقى ينِطِق
من صارت الزهره

وگفت الج انس وجان ....تهبط الروس العربان .....يم بابج
عندج اسرار الكرار .... يالما تچويج النار ....وتهابج
.
.
.
.
بدويه عد البدو وعد علي علويه
مذهوله بيج السمه والكره الارضيه
نحترگ مثل الخيم چي انتي ويانا
خطينا اسمج حرز يم كل حسينية

اترسين ضيفج هله
ويتباهه بين الملا
كلمن وصل يمج

بابج امخجل العرب
من عنده طلعت رگب
الكربله بسمج

مبخوته يم الاولاد ....نطلب وتنطينه امراد...للخدمه
تنطين بسم ام حسين .....وبس انتي تملين العين...يا حرمه
.
.
.
.
بيدج عطاء الخدم يمج الحل والشد
يحترگ بيج وعلي الخادم اليبرد
حلقت وصل للبچي يا دمعة الساده
واول جرح بالعرب جرحج اليتخلد

التاريخ بيج احتفل
چن علي خير العمل
يا بيت المروه

وبالمعرفه ماتمر
مثلج ابد يا شذر
گلتي لعلي تگوه

مجروح ذكرج مجروح ....بس وعلي ايرد الروح .....للخادم
وياج نبقى وياج ....بحماج كلها بحماج ....هالوادم
.
.
.
.
باجر بيوم الحشر بس جفج اليشفع
وللنور كل الخدم وي حضرتج تطلع
جادر حزن منًْصب بالجنه للخدمه
تشفي جرح فاطمه الدمعه من توكع


وأهل اللطم تفتخر
عالنوح طول العمر
للبي اثر حافر

وكل جرح يحضن جرح
ويه الذي منذبح
انشاهد العاشر

وبأمر رب الأكوان.....ننصب عزه اعله العطشان ....وي فاطم
حيل وعذب كله احساس ....توزع اجفوف العباس .....لالخادم


الشاعر عبدالله الشويلي

شور للامام المهدي عج

فوگ الجروح وعبرتك وغربتك باقي على اذنوبي
عذرا كلت بس ما تبت ولا عفت ياسيدي عيوبي
جا كلش اترك لو صدگ يالعشگ ثوب الخَدَم ثوبي


من أقصى حزني ....جيتك كأني .....غريب
رتبني بيدك ......مولاي اريدك ......حبيب
هذا اني نادم .....سويني خادم ....مجيب

يا حناني الما شفت مثله حنان
انه لو ما ذنبي شفتك من زمان
نفسي أماره وصراعي بنكسار
أخذ بيدي الدنيا مابيها امان
.
.
.
.
نادم على ايامي الجزن يا وطن بلا ذكرك الدائم
ويسوه العمر لو بس الك والهلك ياسيدي القائم
ارزقني احضر مجلسك اتنفسك يخنگ حجي الوادم

مالك شعوري ....وتعرف قصوري..... جبير
بس الله شاهد....بنص گلبي گاعد ....أمير
شما ابعد ارجع ....ولعطفك اركع .....اسير

اني واحد رامي جرحك بالذنب
باع عمره للعطش مو للعذب
هاي مو جرة إذن جرة كلب
وراح اكون وياك صادق يالمحب
.
.
.
.
أعمالي كلها تنعرض يا فرض كل جمعه گدامك
حين التعاين ياعمل بي خجل ويهيج آلامك
رزقي دمعتي لكربله والملا تسميني خَدامك

كل لحظه احيرن... ما اريد اصيرن....بعيد
لازم ردائك .....والكربلائك .....اريد
خل دمعي يجري ....بلا خدمه عمري ...شفيد


خاف تسبدلني وي غيري واروح
الدنيا مابيها مجالس لا جروح
اني روحي معلگه بمجلس حسين
گلي بويا شلون اعيش بلايه روح

.
.
.
.
عييشني آلام السحگ والحرگ والركضه بالهيمه
ارد افتهم شنهي الضمه والدمه وهم گلبك وضيمه
شوفني الحسين العثر عالنهر ومن وگع الخيمه

تعِب عيوني ....غيرلي لوني .....بجروح
مو حلوه بارد .....كل عمري رايد.....انوح
.للماله خنصر ....خل وقتي يعبر ....يروح

ميت الما يبچي عالذبحوله أخوه
على ذاك القبل ذبحه عذبوه
الشال اديه وبتسع اصابع ضل يلوج
ومنعو الجاري عليه وعطشوه
.
.
.
يالعايش ابلايه هلك وجد الك اضلوعه ممروده
العنده مكسورت ضلع ينفجع وعوجيته الدگوده
التنسبي عمته بهزل يضل يهل دمه على خدوده

شيخ العشره ....تلمه حصيره ....غريب
عندك حرايم .....تسبيها وادم....عجيب
طول الليالي ....ماعدها والي.....قريب

الغربه تاكل صفنتك يالما تطيب
لا أهل عندك ولا عندك حبيب
ألف واربعميت عام من الجروح
شلون گاضيها يبو صالح غريب



الشاعر عبدالله الشويلي

#شور شهادة السيدة ع
ياغربتج يزينب

بنص الجنازه واسمع تكول الناس
الميته هاي تصير اخت العباس
بالموت ما مرتاحه جا يمتى ارتاح
اسوالف الشام ثگيله وتشيِّب الراس

تابوتي طب بين الغُرب يالخوان
واتذكرت طبتي بذاك الديوان
كترين متوزعه الخَلگ عالتابوت
ومثل امي ماكو اعليه صايح نسوان



من فزعوا ليه يضحكون اعليه موش شيعوني
ضعفانه هوايه والوادم هايه حيل يسَمعوني
لحگوا يخواني الشام اذاني وناسه يجرحوني
.
.
.
.
كون اليموت ايصير هو الجناز
وشيِّع برَوحه لَوَن ماكو اعزاز
جا شلت روحي حتلو ماكو امتون
بس نعشي هم يبقى لخوتي معتاز

يلْچم امتوني النعش لَمَن ينشال
الما گاله واحد بالسبي هسه انگال
مو عالهزل هسه وسط التابوت
ميته وسمعت الحجي المامر عالبال



يمعدلل العدله ضلت بس هزله ما جابوا ليه
بيه شكد عالو اسمعهم گالو هاي المسبيه
المارحموا جثتك ميرحمون اختك لو مو علويه
.
.
.
.
حَزَت ابنفسي هواي وگفت نسوان
واعليه كالن هاي دخلت ديوان
بتابوت ينشال الغريب البالشام
بس اني تابوتي بقى بلا عوان


ضعفانه، نحلانه صرت چن اخيال
جا ليش نعشي عالارض ما ينشال
شمسويه حتى بموتي يسبيني الشام
وسفه بلسنهم يخوِتي صرت انكال

عطشانه عيوني يالماجيتوني حسره بدلالي
وحْدي وحيرانه لا امي اهنانه لا ابوي الغالي
السجاد امحير بس وَحده شيكدر وادموعه اتلالي
.
.
.
.
بس العليل وياي بعيونه يدير
ما ضل الي لا خاطر ولا تقدير
ضلت بنفسه يموت بالخنگه احذاي
ونفس النعش ينشال ووياي يصير

الغربه توجعني واحس ارض الشام
مو گدري والله وگدِر ذيج الأحلام
جانت بنفسي اندفن وي المذبوح
عاد ابارض كربله اكو اسم اخيام

هيج وكون اني ميته وي اخواني وبنصهم گبري
اتراب من الخيمه ودم اهلي وضيمه يخلون بكتري
بهيده ينزلوني خاف ايلجموني ورايتهم حدري
.
.
.
.
الناس كلمن لونه وانه ابلا لون
اشباقي بيه السوط رايدله امتون
مو ذيج زينب بعد موت العباس
ام المصايب هسه لا مو ام عون

گطعان واهس عيشتي ذيج الخيل
الخلتني اركض لحد ما صار الليل
رجليه فَرَت كربله اذراع اذراع
واسياطهم بمتون أطفالي تشيل

اركض محنيه دم برجليه الطف كله انياحه
عثره تجر عثره مدري شكم مره فريت الساحه
عمري بس لجمه صار اسمي الهضمه ما شفت الراحه

الشاعر عبدالله الشويلي

#شور_شهادة_السيدة_زينب_ع

وداعا يا دنيا هاي المسيه

اليا ضيم يا روحي اضل اليا غربه يا شوغات
غرگانه وشراع الحزن ياخذني للصفنات
كل اهلي ماتو والأمل عِكازِته الآهات

أنه الركضت گبل من هجمت الوادم
وأنه الطاحت دمع يم حنت القاسم

خيل ....ليل
وهزله عرجه تمشي كوه خذتني بيعد
وين ....حسين
دمي يجري والحداني بضربه يعيد

سبيه ....چلمه ثگيله عليه
وداعا ....يا دنيا هاي المسيه
.
.
.
.
تعبانه مختنگه بگبر بس باللحد ارتاح
بنص گلبي مو خنجر يحز ميل الوقت ذباح
طاح العمر مني صدك چن متني هذا الطاح

أنه المنها تعب سوط العدو وجدمه
أنه اللمت اخوها وما لگت هدمه

راح ....طاح
گلبي دامي عالوطيه واجتني حبال
نوح .....جروح
عفت اخويه جوه حافر على صدره نبال

اخويه ....صدره انفرش لآل اميه
وداعا..... يا دنيا هاي المسيه
.
.
.
.
گلبي ركب موج الحزن چن رَكبت الميمون
الناس كلمن كشخته بس زينب إبلا لون
اول ثواب اعله اخوتي وزعت اني امتون

لكيت بكربله الدم يفرض ابرايه
ولكيت الماله اخوه ما اله احجايه

فياااي.....ماي
ماكو للي ماله اخوه حتى انفاس
وحيد ....يريد
ابو فاضل وأبو فاضل بلايه الرأس

يعاين.....منصرع ابن الزجيه
وداعا ....يا دنيا هاي المسيه
.
.
.
.

محد ركض مثلي ابد تشهد عليه الكاع
عكب اخوتي كلشي ثكل بس الوداع بساع
السوك النحاسه اني المشت أنه العمرها ضاع


فروني اعله هزله بكل زوايا السوگ
نشاز اعليه يا وادم ابد ميلوگ

موت ....صوت
عالي اسمع زينب انتي يحز بالروح
هواي ....وياي
ياهو اضمده ياهو اصبره كلها تنوح


يحسره .....ينزف جرحنا لرقيه
وداعاً.....يا دنيا هاي المسيه



الشاعر عبدالله الشويلي

فزاعيات السيدة


غُمضت عينها ولا واحد السدها
ما ترحم الغربه وهيه وحدها
لا اولاد ضلت لا اخو عدها
وتمنت ابو فاضل يگعد بسدها

تتلفت شعدها .... كلها مذبوحه
.
.
.
.

اخت عباس بس عباس يوجعها
جنازه وضاله محد يشيعها
والسجاد وحده شلون يرفعها؟
يحشم والزلم مسدود مسمعها

العبيد شبيها شردت......لمن فزعها
.
.
.
.

چنها ام الحسن من ودعت سكته
منين انجيب فضه تنعى عالميته
ودره حيدر علي لو ما دره ابته
اثاري الماله والد موتته سكته

شعجب لأرض النجف....ما وصلت الونه
.
.
.
.
هاي الركضت بكربله محنيه
وعلويه تجيب اتضيع علويه
هاي الصاحوو الها حيل مسبيه
وصعدت عالهزل بجدام مجويه

الزلم والخيل والتل .... طرت الحره
.
.
.
.
الكواكب مالت وضل عدل محملها
التراب السحگته يسوه العرب كلها
جبيره ولحد هسه الطف يرتلها
هايه العلا اجتافه النبي شايلها

خيط بشيلت امها .....يعادل الدنيا














الشاعر عبدالله الشويلي

مشاهدة "لا تفكر بية | الرادود مصطفى الجعيفري | وفاة السيدة زينب عليها السلام" على YouTube
https://youtu.be/k6ZmuDiAKYQ

مشاهدة "نار وي نار التقت || الرادود كاظم الغريباوي #لايك" على YouTube
https://youtu.be/mhjPEPzSDJc

#شور شهادة موسى الكاظم ع

السلامُ على الغريب

يبن اللُجينِ والذاريات
بالكاظميه اصل  الحياة
چتاله حزنه الما شم هواك
واليلگه سجنك  يهوى الممات

هذا اني..... عبد گدامك
بالواني...... ابوس اجدامك
واطيوفي
تهيم بليلي تدور أحلامك

الناس التهوى غربه  هيّه غربه  ومن هويتك 
موت  وكلشي دمعه  كلشي دمعه  من لگيتك

ما ارتاح........ باب السجن بفكاري
هم مسجون..... والهم صبح خطاري
.
.
.
.
فگدك مصيبه يفوق الحداد
فوگ المدامع فوگ السواد
يشيلوني ميت كون بدموع
من يم عتبتك باب المراد

يشولنه ........ الجسد بجروحه
يغسلونه...... بدموعه ونوحه
وعيوني
على اهلي البعدوا تضل مفتوحه


ليش  المثلك انته  مثلك انته     اسمه خنگه
نوح  ومو فقط سم   مو فقط سم  موته حرگه

هاي الروح..... سابع جرح سابيها
وبيها جروح..... تأخذها وترد بيها
.
.
.
.
نبرة عزائك تشبه عزاء
ذاك المرمل في كربلاء
الغربه تكتل للعنده رأي
وچن جدك انت غربه وجفاء

كل عمرك..... كضه باللوعه
بنص عقلك.... خيم مطبوعه
بجفوفك
السلاسل تغفه وتضل موجوعه

نار وبيها لوعه  بيها لوعه  بنص جفونك
شوگ  وكل مسيه  كل مسيه  يطفه لونك

والمتعوب...... الدنيا ليش تسجنه
والمصيوب..... روحه اعله موته تِدنه
.
.
.
.
يا شمعة الله الكلها دموع
الظلمه تكتل طول الشموع
وانت لسمارك يرخه الظلام
من فيّ جبهتك هب الطلوع

اعله متونك...... البلابل نامت
لعيونك ..... الزهور احتامت
يالسجنك
يصلي الطولك وصلاته دامت

ينوح  وكلشي يسجد  كلشي يسجد  وي سجودك
الباب  البيها شوغه   بيها شوغه   من قيودك

بنص الراس...... يفتر سؤال شعظمه
شبيها الناس........ تسجن گمر بالظلمه
.
.
.
.
بروحي مسافه تمطر ولاء
من الكاظميه لحد كربلاء
عالفطره احبك والحب شموخ
من اعكس حروفك تطلع وفاء

يم بابك...... الگلب خليته
بمصابك....... الدمع بديته
يالاسمك
ملح بجروحي اعشگت حنيته

أحزان وروحي اسمها  روحي اسمها  الرافضيه
جروح    والمصيبه   المصيبه   تمشي بيه

تضيع الروح...... والگه بعزائك روحي
يا مجروح....... انت التداوي اجروحي


عبدالله الشويلي

#خروج_الضعن_العليله

امنَ اباوعله يدير عيونه عني
أخذ كل البنات وما أخذني

وجهه يكلي اصعدي
السانه يكلي ردي

اجي اكباله بدمع ومناشغ وليش......ويدير الوجه ليه
اردانه امبلله ولو الزم اديه......يسحبها من اديه
أنه الدومي اطيح اكبال الحسين......مثل دمعت رقيه
جيب اللي يقنعه وحدي ما اروح .....الدار اهله الخليه

الجفه ما يصلح وجافوني الحنان
شوكفهم اعليه اهوايه نسوان

ولٓمٓن اجزي حدي
السانه يكلي ردي

.
.
.

بعد ما تطلع الحاء اويه الحروف.... بكثر ما كلت اسمه
بلكي يكول يلا امشي وياي .......افتر كمت يمه
وأنه كد ما عليله جف الحسين.......مابيه الزمه
وحطيت اعله متني الهادله احجاب.... عبدالله اويه هدمه

مِسحت ادموعي حد ما ثكلت الايد
كل ما اجر نفس جرحي وعلي يزيد

امنَ احط ايدي اعله خدي
السانه يكلي ردي

.
.
.
.

صعد مهره ومشه وبدموع الفراك.......... ضل وجه يديره
اختنكنا اثنينه وما ميزت دوم ......يا حسره جبيره
خيط من الضعن ما خله الحسين ......أخذ كل العشيره
صرت الفاكده العافوها الشيوخ.....عكب ما جنت اميره

انه الكوه اجر الرييتي الهاب
اركض ركض كل ما دكووو الباب

غَيره شنهي عندي
السانه يكلي ردي
.
.
.
.
يروحي افراك ابوي ايذبل الروح .......الموت اهون يروحي
شني معناهه أنام امنِ البچي اعليه......وتفززني جروحي
يبس دمعي وصرت اتفنن افنون.......بانيني وذاك نوحي
وكف دمي بشرايني وطحت ليش ......من كالولي روحي

ابو ميت وكفتي صارت ازماط
وشريان الدمع وسط الوجه ناط

لو شاهدني وحدي
السانه يكلي ردي
.
.
.
.
شنو حال التعيش بحضن الحسين....وفجأء تعيش غربه
راح وشوف عيني امنهد فركاه.......مزروع اعله دربه
بظلام الليل اشوفن ضهره مكسور.....ولازم بيده كلبه
واسمع صوت بذني بويه عطشان.....لمن ماي الله اشربه

اشاهد زلم فوك الكاع ميتين
بس لا ضعنه يرجع بس نساوين

ازمه وما تِعَدي
السانه يكلي ردي


الشاعر عبدالله الشويلي

#ولادة_علي_الاكبر

قمر ليلى الأكبر منطق الحب لونه
قمر ليلى الأكبر يا جمال عيونه
قمر ليلى الاكبر زاهر ايسمونه


اجه الأكبر والابو متفائل
وهلا بنصفي الثاني كال الكافل
الثكال اتجيب للدنيا الثكال
گطع اگماطه يريد ايقاتل

بالصغر....طگ عرج ....بالزعل محلاته
منتظر .....كربله....اول احجايته

دخن رأسه...چنه الكافل

.
.
.
.
قمر ليلى الأكبر طِلبه من الزهره
قمر ليلى الأكبر شايل اجمل نظره
قمر ليلى الأكبر احلى من الگمره


اشرقت شمس الفرح عالساده
اجه للدنيا ختام القاده
بعالي صوتك صلي يالتسمع نداي
الما يصلي ما يحصل امراده


لم تضع ....بالارض .....حرمه مثل الأكبر
بالدرع ....نومته ....اسد والله وأكثر

ذاك گماطه ....بيده تگطع
.
.
.
.
قمر ليلى الأكبر علي شمحلات اسمه
قمر ليلى الأكبر امرايه وجه الامه
قمر ليلى الأكبر علينا يمطر همه

العرب ما جابت ولد بوصافه
بعلي الأكبر الله خله الطافه
حَلف الرمله بعلي تنگلب ماي
بعد ما ترمش عيونه الشافه

صَوِره ......خالِقه.........بأرق بأجمل صوره
بي شبه ....للنبي .....وطلع كله احروره

من گالو طف ....دخن كله
.
.
.
.
قمر ليلى الأكبر وقمر هاشم هوه
قمر ليلى الأكبر عزم زود ونخوه
قمر ليلى الأكبر منخلق مو توه



منخلق وي النبي وانواره
يعني ابو الدنيا البشر خطاره
ثكيل وتخف الأرض يم رجله
هو والعباس نفس الشاره

بالوصف .....للنبي .....وبالبطوله العمه
الملك .....نادته .... ياعلي بالخدمه

نام بجيده.....نهر الكوثر


ابو رضا عبدالله الشويلي