#tavsiya

Abdukarim Mirzayev: “Qora suyaklar”ning yoʻli oq boʻlsin!🤲

Kunlarning birida muharririmiz bir asarni tavsiya qilib qoldi. Muallifiga qaradim – Sherbek Bobonor oʻgʻli.

Aslida, bu yozuvchining ijod namunalari bilan bundan bir necha yil avval tanishib, efirlarda ham oʻqigan ekanman...

Xullas, qoʻlyozmani oʻqishga tutindim va... bitirdim!
Bir oʻtirishda!
Bir nafasda!

Asar oʻta tabiiy.
Sof va milliy.
Qahramonlar ham ajnabiybashara emas!
Tirik!
Gapirsa, oʻzining gapini gapiradi, ogʻziga solib qoʻyilganni emas!
Roʻy-rost. Dangal. Bejamay!

Butun boshli shajara fojiasini aks ettirgan bu qissa, aslida, siz-u bizning bugungi hayotimiz tasviridir.

Asarni kitobxonlarimiz qanday qabul qilishadi, bilmayman. Biroq shunga aminmanki, bu qalamni qoʻllasak, sindirib qoʻymasak, undan hali koʻplab yaxshi asarlarni umid qilishimiz mumkin!

Barchamizga xayrli boʻlsin!
“Qora suyaklar”ning yoʻli oq boʻlsin!

Hurmat bilan,
Abdukarim Mirzayev

👉@huzurkitoblari