فاطمه طبكَت رمشهه فاطمه شالو نعشهه
بدمعه اليسيل شايلهه ليل
حامي الحميه
*****************
معلم يرد الشمس بأبسط اشاره
هوه يمشي يأُشر ودمعه يتجاره
ياوكت محتار مُدرك هالحياره
من اهدهه حيدر اطلق هالعباره
الظحكه بالدنيه كصيره لاكن الشوغه جبيره
اكبر دليل شايلهه ليل
حامي الحميه
*************************
شايل الزهره ويسولف ويه نفسه
ياعلي حلوك الزمن خليهه خرسه
حته لو كسر الطهر بيدك تلمسه
منكسر لا تنكسر دمعك احبسه
مو علي اليكشف جراحه عندك اليل استراحه
ابجي بعويل شايلهه ليل
حامي الحميه

ماطلع ويّه الجنازه بس أهلهه
هوّه سلمان واباذر الحملهه
مادره بدفنتهه لمته الي كتلهه
والله لو يندل كبرهه جا اجه الهه
يطلع يحب الزجيه وهوه أوله بالقظيه
هوه الاصيل شايلهه ليل
حامي الحميه
********************************
الله سوّد وجهه سوّاله قظيه
رايح يواسي علي بموت الزجيه
ياعلي يكَله وحك سيد البريه
هسا ياحيدر سمعت بهل الرزيه
أنسطر ولسانه يشهد بينة شارة محمد
يدري الجليل شايلهه ليل
حامي الحميه
****************************



قرر يسوّي المصايب وبقراره
شلون الاول حيدر وياخذ اماره
تالي حصّل اول واثبت جداره
ظل الاول يلّعن في كل زياره
زيارة اُمنه مستمرّه كل مسه لعنه عله كبره
وحده قليل شايلهه ليل
حامي الحميه
********************************
تندم وماتنفعه هلّت دمعته
يدري يادم باجر تحمله ركَبته
لون كال ابليس وسوسلي ودفعته
يوكف ابليس يتبره من فعلته
يكله ربي بهذا حالي مااجه فعله عله بالي
الله وكيل شايلهه ليل
حامي الحميه
*********************

التشيع الرمزي لمولاتنا الزهراء
الروايه الثانيه
نسأل الله القبول

سولفتلي الشافته ظهري بانت طعنته
هذا غير الظمته فاطمه
*******************
فاطمه هيّه فرحتي وفرحتي مادامت
باب حجرتهه فتحته عليهه روحي هامت
شاهِدت حيدر اجاهه كامت وماكامت
تلاحكتهه سندتهه وعله جفي نامت
زهرتي اليوم شتحس كالت احسن من امس
بس دمعهه صبّتـه فاطمه
**********************
كلشي مابيه تكَلي واني ادري شبيهه
حركي ايدج حركتهه كوه بس تاذيهه
جبت سجادتهه الهه وابعدتهه عليهه
حجايه ثاني حجايه لنهه ياعلي دنيهه
انطيني أيدك واعتذر ظلعي اكلك منكسر
بهذي حيدر صدمته فاطمه
***********************


تكلي اخافن من اسولف تنجرح يالغالي
صح كمت للباب لاكن ماأجت ابالي
كلت ذوله ايتام دكوا بابك تراوالي
والله ماادري علبابك ياعلي جتالي
يكَلي صيحي لحيدره عليه صوته غيره
اعذرهه لاماعرفته فاطمه
********************
أسمع يكَله إدفعه واني أحرك بيته
جفي للقوه علبابك ياعلي خليته
طولي خلف الباب كله وداعتك ظميته
ثلاثه ظد واحد خذوني أيست هديته
دفعة ثلاثه سوه كطعة عليه الهوه
هسه كالو ميته فاطمه
**********************
انغمه عليه بوكعتي وجدمي مابي نهظه
ياعلي من الساني طلعت بس صحت يافظه
ادري بيك تسل فقارك والنبي مايرظه
ياعلي دين الله رايد دمنه حته يحفظه
فظه اجت تركض الي وزينب تصيح علي
بويه ابنهه ذبته فاطمه
*************************
حاولت ابنك احفظه بمهجتي المجروحه
دنكت ظحيت صدري خاف ابني يلوحه
تالي ابني جان عايش من جنت مطروحه
شايف الدم ماخذ امه هلّي طلعت روحه
المهم عوف الحزن يعوظك الله بغير ابن
واعتبرهه الجابته فاطمه
****************************
لخادم الحسين
عباس الموّاشي

        أمك تريدك.       تدفنهه بيدك
                      ياعباس
************************
مو  بعيده   كربله  عن   المدينه
هاذه ابن  حذلم اجاك اسمع ونينه
وين  ابو فاظل  ينادي  وينه وينه
خل يجي يغمظهه عين امه بيمينه
رادت تشوفك               وتشم جفوفك
                   ياعباس
**************************
تدري  بأمك يالكمر شنهو الكتلهه.   وظلت  الهذه الوكت  دمعه  تهملهه
من مشت  زينب مشه وياهه الكفلهه
شلون  زينب  ترجع   وتركب هزهله
علّتهه هيه                 زينب سبيه
                  ياعباس
*****************************
نفس  الامجان  الذي  بيه  ودعتكم
لسه  ظلت  كاعده   وبيه  تنتظركم
والله  يااهل  السفر   طوّل   سفركم
من  مشيتو  ومارجعتو ماتت  امكم
منهو يحظرهه              يحفر كبرهه
                 ياعباس
*********************************                                     يابو  فاظل   جفك   الطايح    تشدّه
واكصد لصوب الحسين وروح اجعده
وازحف  بدمعك عله  التّل   واصعده
كلهه  نعش  امي يزينب   باقي وحده
مرّوا بعليكم            عينه عليكم
              ياعباس
*****************************
ماتت  وظل  الدمع  لسه  بجفنهه
يامره   بهالدنيه  تتحمل   حزنهه
من كثر حب الحسين الغالي ابنهه
لسه حيطان  المدينه  تون  لونهه
طيّب كلبهه                الله يحبهه
                  ياعباس
*****************************
ليلة   الوحشه   يبنهه   هالمسيه
اكعد بصف  الكبر  وانصب  عزيه
اقره  اه يحسين  اه  يبن   الزجيه
لا يجي ابيت  النعي  زينب  سبيه
تدري بوظعهه              ينزل دمعهه
                  ياعباس
********************************
 

السلام على فاطمه الثانيه
عظم الله اجوركم بوفاة ام البنين سلام الله عليها

لكَيت المره            ياحيدره
تشبه باسمهه الطاهره
تعوض مجان الزهراء       وهيه التسد خلّتهه
****************
من كتلي دورلي مره جن لبوه
جم بيت اجه ابالي وكلت مو هوّه
كل الاسئله  يكلي هذا  القدوه
شيخ العرب     كل الخطب
منّه مره يردله الطلب
يدور كُفؤ بنته وين    بيده يحط يمنتهه
*****************
آني عقيل وأعرف بهلأنساب
واندل أجي ألمن وادكّن ياباب
حزام الكلابي من رحتله خطّاب
من سولَفتْ      كال شكلتْ
إلمن تكلي مافتتْ
خذهه بعبايتهه وروح     الكم واجت قسمتهه
***************
كال إبشر وقدّملي بيده الفنجان
محسود ابوهه كبال كلّ العربان
الحظ والبخت لمته يجي للانسان
بهاي الفرص    ماي الكصص
كال انتهت إشرب خَلَصْ
تسلم عله داحي الباب      تكله رفض مشيتهه
*******************
كتله أشكرك والنعم بس هيه
إسمعلي منهه موافقه البدويه
راح ورجعلي يكَول لا مكظيه
ماسولِفتْ    بس دنِكَتْ
فدوه اروحلهه استحتْ
شلون الزجيه من صار    كلمة نعم سكتتهه
***************
يالله يحيدر خل نلم مشيتنه
تستاهل فحول العرب جيّتنه
سلمان اباذر لازم برفكتنه
وناخذ غدن    حسين وحسن
والفاتحه باجر لِمَن
للزهره نقره تسهيل      لو ألمن قرايتهه
******************
يابالحسن ياما صبرت وعانيت
لفكَد الزجيه اطشرت واتاذيت
إبشر  إجتك  ياعلي أم البيت
تشد العزم       تربي زلم
يحتاج ابو الاكبر حزم
بيهه يشد ظهره بيوم      عاشر تجي عازتهه
*******************
 

هوسات لولادة الزهراء سلام الله عليها

 بالجنه  انه  جبريل              نمشي وشاف اكو شجره.          اخذ من عدهه كال ارجوك      اريـدك  تاكـل  الثمره
  كلت من عدهه تفاحه           نزلت وصارت الزهره

بالزهرة اشتم ريحة جنه
********************
جم مره دخلت الدار      خديجه تسولف الكاهه
لايمهه شخص موجود       اكولن حته حاجاهه
تالي المعجزه ياناس        الجنين يسولف وياهه

وتكَول الزهره تناغيني
**********************
نساوين الارض رفظن      كَالن  مانجي  ليهه
أول طلكه لن تشوف      طبّن اربعه عليهه
ساره وآسيه ومريم      واخت موسى توصيهه

ياحيدر صيحي وجيبيهه
***********************
مو واحد تسع أسماء     الاه الكون الهه اختار
منهن فاطمه ومعناه       يفرّح كل بشرمحتار
كل شيعي ومحب معناه     تفطمه الزهره من النار

للجنه نطب احنه وياهه
*************************

تغظب عائشه وتظوج      لون حب النبي بنته
تشوفه شايل الزهراء     وابد مامهتم لمرته
يكتلهه القهر وتموت     وكلبهه ينطحن سكته

يقهرهه من يلاعب بيهه
***********************
اجت للدنيه والكرار    قريبا يدخل العشرين
انتظرهه وماقبل يختار     لحد ماطب الثلاثين
كال الهه النبي زهراء      علي خطاب اجه تقبلين ؟

والسكته تدل هيه تريده
***********************
صافن وانظر عللطير      يلكط حبّته الزينه
ذكرت الزهره بالمحشر      يوم الّي تجي لينه
إطلع انته وانته فلان      وتصيحنه بأسامينه

ها---   شلون الطير يلكّط حب الزين من الموزين
***********************
عباس الموّاشي

ولادة باقر علوم الدين الإمام محمد الباقر صلوات الله عليه
المصادف الأول من شهر رجب سنة سبعه وخمسين للهجره
اسعد الله ايامكم

هل الاهلال صار مولود الذهب
مولده بيوم جمعه وبغُرّة رجب
هل الاهلال
*******************
بين هلال السمه طلكت امه فاطمه وجابت الباقر
فرحه تستاهل سهر بمولده هل الشهر يالمحب ساهر
بجيته كل الهلا من النبي بوسه اله وبعده ماصاير
جاب جابر بوسته وحطهه اله بنص وجنته وابتسم جابر
كلي تروح والنبي بيده حسب
مولده بيوم جمعه وبغرة رجب
هل الاهلال
**********************
احلى شي بمولده كلهه جانت كاعده يوم ميلاده
حسين كاعد والكمر نزل جبريل وحظر شارك الساده
بحظن امه ومبتسم فكروا رادوله اسم يشبه اجداده
كال جبريل لعلي اسمه مختاره العلي وربك الراده
محمد يكول اسمه من الله انوهب
مولده بيوم جمعه وبغرة رجب
هل الاهلال
*******************


نوره شع وسط الجبين بي شبه طه الامين شايل اوصافه
يحرك اشفافه عله ماء لا طلع يقره بدعاء شافوا شفافه
والامامه مبينه بي يسلم عليه النبي وبعده ماشافه
فاطمه ابنج جمال يحسدونه لامحال والحسد آفه
خوفج عليه ولو تريدين السبب
مولده بيوم جمعه وبغرة رجب
هل الاهلال
*******************
عالمدينه طيور اجن نزلن وماهاجرن ساعة صياره
ظلن لحد الصبح يصفكله بالجنح يلبعن بداره
تبركن من المهد يقرن آيات الحسد وعدهن بشاره
طارن وصفن صطُر وبجنحهن ظل عطر من الازياره
اشتمت الطير هلعطر صاحن عجب
مولده بيوم جمعه وبغرة رجب
هل الاهلال
*****************




تارس الدنيه ظوه وعطر جوري بالهوه هاي انفاسه
امه راظعته حنان لو سمع صوت الاذان يأشر براسه
مبتسم وجه علطول امه شايلته وتكول فدوه لاحساسه
مره طب جده الحسين شافه مدّاله الادين دنك وباسه
عمره أيام الباقر شيحمل ادب
مولده بيوم جمعه وبغرة رجب
هل الاهلال
*********************
نودي للباقر سلام هالمسيه ويه الحمام احنه احبابه
يجي اليوم البي نروح نحتفل ننسه الجروح نقبل اعتابه
بالصحن نعلك شموع اليل كله للطلوع نهوس ابابه
نوكف باب الحبيب والفرج جاي وقريب نحسب حسابه
نفرح نريد والظلم ذاك ذهب
مولده بيوم جمعه وبغرة رجب
هل الاهلال
********************

السلام على عاشر أئمة الهدى علي بن محمد الهادي سلام الله عليه
تاريخ الاستشهاد
الثالث من شهر رجب سنة ٢٥٤ للهجره

السلام على جبل الصبر زينب
عظم الله اجورنا واجوركم بذكرى شهادتها الاليمه

ماكعدت بحجره       كعدت تحت شجره
كالتلي تعبانه            شلناهه خلصانه
يابو حسين
**************************
ماتلاكينه من اهد ماودعتهه
آني علهودج بديه صعدتهه
تمشي ويه حسين ابد مامانعتهه
ياعلي شرط العقد يوم الخذتهه
وعبدالله ظل وحده     لامرته لاولده
وعيونه عميانه      شلناهه خلصانه
يابو حسين
*********************
هم ظرير وهم عصاتي تكود بيه
وهم مشت زينب يحيدر من اديه
صرت اشبهك يوم فاركت الزجيه
هيه هم ميته لجن ردت اليه
أشهُر تفاركنه     والعبره تخنكنه
ولوعتهه دنيانه     شلناهه خلصانه
يابو حسين
..........................................
بشرتني الناس كالوا هسه اجينه
عفنه زينب دخلت ستوهه المدينه
تكول يعقوب ورجعله شوف عينه
راح اكلك ياعلي شلون التقينه
حرمه اسئلِت عنهه    زينب أجت لنهه
تكلي نعم آنه     شلناهه خلصانه
يابو حسين
*********************
ياعلي صدكني تيهت العقيله
ظاعت ابين النساوين ونحيله
سوتلهه ام البنين شلون ليله
ياعلي حتارينه شيسكت العليله
تكوملهه جم خطوه    تركض ترد تهوه
تتذكر إمجانه    شلناهه خلصانه
يابو حسين
*******************



تجمع النسوان يوميه وتلمهه
اليعبر من بعيد هم يسمع لطمهه
كالوا تسكتهه لو تلحك زلمهه
طلعوهه من المدينه مثل امهه
ماألهه كل ظله    لاتنذبح والله
خذناهه ويانه    شلناهه خلصانه
يابو حسين
********************
حلفتهه بالحسين وطلعتهه
هذا درب الشام صاحت نزلتهه
أنتجت عالشجره نامت شاهدتهه
مابقه شي كومي زينب حركتهه
كولي علي سكته    خرّت بدي ميته
ودتني عطشانه    شلناهه خلصانه
يابو حسين
*********************




صح بعيده الشام بس يكرب بعيدك
فاطمه من غسلتهه شحست ايدك
سوط قنفذ والكسر لا خل ازيدك
جسد زينب ازرك تلاحكني اريدك
تغسلهه ياحيدر   اعذرني مااكدر
كافلهه ماجانه     شلناهه خلصانه
يابو حسين
*************************
عباس الموّاشي