#ابوذيات مفجعة 😭

دمع عيني يخويه عليك ...يا راي
حنين وحالي غيرك منو .... ياراي
ينور العين بيه اشيظل.... يا راي
واشوفك بالشمس طايح رمية
**
يمهر احسين دون احسين هايت
حاجيني ، ابدليلي اجروح ..هاجت
اشوف الخيل صوب الخيم ...هجت
صدگ يا مهر يردوني سبية
**
تعاي واشوفي اخوي احسين يَماي
سليب ومات ظامِي الجبد ..يم ماي
احسين وراح ...يمته ايصير ..يومي
أظل المن واخوي اعله الوطية ..

****
عمية وما شفت عالكاع ...يا ليت
اخوي وفوكه خيل وزلم ... يا ليت
تمنيت الكمر عباس ...ياه ليت
ويشوف احسين أخيه اعله الوطية
***
حزن ..وشموع جاسم ما شعنه
وبدر ليل المسرة .. ماشع انه
يناس احسين اخونه ماشي عنه
حنين ومن يروح اشلون بيه
*'****
كلشي راح يابن امي وريدك
يل خلوك دم ينزف .. وريدك
هاي الليلة احشمنك ..وريدك
تعال وشوف بعيونك رقية
***
بيد احسين عبدالله...وديته
مضه ومن گلبي بغيابه ..وديت آه
يرد مذبوح يا زينب ...وديته
الدمه تارسها، زينب.. شالرزية...
**
اصيح احسين خويه ليش ... ما ييت
اصيح وثاري اخوي احسين ..ماييت
بزينب كربله من راح ...مايت
وحيدة وفزعت الوادم عليه
***
دهري اهمومه بجفاكم ..عليّ خل
مشيتوا وما رجع منكم ..علي خل
يبو فاضل ترى احسينك ..علي خيل
اصعدن ، وعيونه دايرهن عليه
****
انه الما قدرولي الناس ...ياهاي
يفت دلالي جمر الهظم ... يا هاي
مثل زينب غريبة اتصير يا هاي ؟
وجانت بالخدر أمها الزجية ...
***
يزينب ردي لخيامي ...تراباي
نفس واحد بقه وموتي ..ترا بي
لتمسحين من عيني ترابي ...
لحظة وخيلهم تجبل عليه


قاسم المالكي

#اللهم_عجل_لوليك_الفرج
https://www.tg-me.com/AL_Nay_and_Alrthaa

#نعي لمولاي زين العابدين روحي فداه

نعم وقد استمر بكاء الامام السجاد على ابيه الحسين-ع- طوال ايام حياته ولسان حاله
__
هــو دوس الــخـيــل خــلانــي أون
خـيـل صلفـه وجـانت اثـجيـلـة وزن
مــن تـدگ عـالگاع تــرجـنـهـا رجــن
طبگن اعله حسين جن طبگ الجفن
•••
هـو دوس الخيل سـوانـي عـلـيل
وصوت كـسر ضلوعه ذباني نحيل
شفت منظر ينسي من المستحيل
حسين حدر الخيل لـو مالت يميل
•••
هو دوس الخيل مو عابر حـجي
هــو اصل احزانه وكــل البـجـي
فـزعت النسوان راحـت تشتچي
شافن الخيل اعله اخوهن تتچي
•••
هو دوس الخيل يـا عالم صعب
لـو نـبت حـافـرهـن ولاح الگلب
جـادر السـحـكنـه لازم يـنـصب
ما تلحگه العافيه الشاف الصلب
•••
هو دوس الخيل شوفني المرار
خلص من حسين رد اعله الزغار
اتفرح الشمات عثرات النهار
وتكتل الحرمه وتوجر بيها نار
__
🖊#_الشيخ_حيدر_الحميداوي


#اللهم_عجل_لوليك_الفرج
https://www.tg-me.com/AL_Nay_and_Alrthaa

#محرم_١٤٤٦
#طور_لفي_عاشور
#ليلة_الأصحاب
#مهداة إلى روح الشهيد إسماعيل الزين  (الحاج راغب )



يَصحاب الوفه اصحابي     وحيد بساحة الميدان
مو طبِع الجفا عِدكم           تِخلوني بوسط عدوان
غريب وغُربتي مره           حيّرني فقد الاخوان
اظل انخاكم وموتى          كلكم عالثرى قربان


هذا مرضرض ومنحور      وذاك مقطع الأوصال
وعضيدي عالنهر مرمي     ما كانت ابد بالبال
عِشرتي خلصت اوياكم     وعفتوني في هذا الحال
يحِدّ سيفه الشمر ملعون   لذبحي وطِيحتي بلرمال

حق العِشرة يا اصحابي      إجت امي تناظركم
تشوف مخضبة الشيبات    وبحسره تونّ إلكم
كفو ونعمين يا أحبابي       تحاكي كل تقي منكم
لن ساعه وتصد راسي       عالي عالرمح يمكم


🖊خادمة أبي الفضل
https://www.tg-me.com/AL_Nay_and_Alrthaa

#تراث #نعي

اختك الكوفه امن اجت ليها
يا طبّت الگشره عليها
يبن والدي شمّات بيها
تسمع شماتتها اوحچيتها
ولا من عشيره اتمد اديها
تطلج العيله من سبيها
اوطبت المجلس نختشيها
يرضيك هذا يا وليها

يخوتي اشبعد شحچي شگلكم
هظيمه الحرّه امخدّرتكم
سمعتو شيخاطبني عدوكم
يگول النذل ربكم فضحكم
يگول استراح البلد منكم
يزينب اوشفتو اشلون ذلكم
نسيتو بني هاشم فعلكم
بشيوخنه سلفو چتلكم
فعلتو اوفعلنه احنا مثلكم
كتلنه العميد احسين منكم
وانتم سبي وانّهب عزكم
بالمُلك بعد احسين شلكم


عَلَي طبّت ابن ازياد شدّه 😭😭
يعرضونه وحدةٍ وحده
اومن شافني كثّر النشده
يسبني ولا واحد يردّه
بس راس أُخوي احسين عنده
يضربه النذل بالسوط عمده
وينه علي ابعينه يصدّه
بس دمعته تجري اعله خدّه
توجه علي الكرّار جدّه
هتف بالعشيره اوبهل ودّه

الشاعر المرحوم
السيد عبد الحسين الشرع


#اللهم_عجل_لوليك_الفرج
https://www.tg-me.com/AL_Nay_and_Alrthaa