الظهورك ياأمامي إشبعد واشباگ
وعماتك سباية چتف واشباگ
اليگول الشمر منهن شخذ واشباگ
حليهن والتراچي العد رقيه

محمد الجماسي

#اللهم_عجل_لوليك_الفرج
https://www.tg-me.com/AL_Nay_and_Alrthaa

يون گلبي عله فراگك وناطير
جبل ويمرني طاريك وناطير
انه بكل جمعه امد خلگي وناطير
عسه يرد بقميصك شوف اليه
..
عليك انشد اضعون التمر ونحال
عليك اصبح رچيج الجسد ونحال
يون گلبي واكله شبيك ون حيل
عسى يسمعك المجفي ويرد ليه


رائد الناشي


#اللهم_عجل_لوليك_الفرج
https://www.tg-me.com/AL_Nay_and_Alrthaa

#ابوذية

لسان حال العليله عليها السلام

هلي يل شايله ابروحي شگلهم
مشوا عني وبقه ابگلبي شگلهم
الينشد وينهم اهلچ شگلهم
حرت والطف خذاهم من اديه

الشاعر محمد حسن ضيغم

#اللهم_عجل_لوليك_الفرج

بويه الله وياك نيتك راشده
راح اظل اباب دارك كاعده
ــــــــــــــــــــــــــــــــــــــ
حظرت روحي لرحيلك من زمان
وادري راح افكد خواتي والحنان
حتــه مــا خليتلـي وياهن مجــان
دونهن جني اعلى ضعنك زايده
ــــــــــــــــــــــــــــــــــــــ
ماعرضلك بويه جدامك طريج
بس يبويه صواب فركاكم غميج
ليش مـــــا خليتلي بدارك رفيج
وحيــده اظلن لا ابـــو ولا والدة
ــــــــــــــــــــــــــــــــــــــ
بوية مايصلح اعرضلك بالسفر
والدرب جدامك بعيد وخطر
هلبت الله برايك تعيد النظر
وتاخـــذ الكالت وياكم رايدة
ــــــــــــــــــــــــــــــــــــــ
بويه الله وياك ميسور الدرب
لدارك خلافك بعد ماريد اطب
راح اظل متانيه ودمعي يصب
للضعون الرايحة والرادة
ــــــــــــــــــــــــــــــــــــــ
يالخذيت العافية بهذا الضعن
عيوني وعيونك دمع يتوادعن
هايهيه وبعد ما نتلاكه اظن
وراح اظل وي الحزن متواعده
ــــــــــــــــــــــــــــــــــــــ
راح اظل جويعدة بدرب الضعون
وانشد اعليك اليروحون ويجون
بـويه ادري عليك بنتك ماتهون
ودمعتك وكت الموادع شاهدة
ــــــــــــــــــــــــــــــــــــــ
عشرتي ويالباب راح تظل عمر
هلبت اعلى الدار طارشكم يمر
بويه ماغمض  بدارك واستقر
النــوم يصلح للكلوب الباردة
ــــــــــــــــــــــــــــــــــــــ
وحيدة راح تظل عليلتكم وراك
بس تنوح وكاعده بدرب الخذاك
وتنشد عله ضعونكم هذا وهذاك
كل وكت بتكم عليكم ناشدة


رائد الناشي


#اللهم_عجل_لوليك_الفرج
https://www.tg-me.com/AL_Nay_and_Alrthaa

#تراث

لخروج ضعن الحسين عليه السلام

من طيبه ببو اليمه الضعن زم
اوتوجه لعد مكه ابليل الأظلم
ــــــــــــــــــــــــــــــــــــــ
طلع خايف گبل ميطر الأشفاگ
اوحده حادي الضعن وانوه اعله الفراگ
لفه محمد اودمع العين دفاگ
يطيح اوينتهض والريج علگم
ــــــــــــــــــــــــــــــــــــــ
يصيح ابصوت لاجن دمعته اتهل
ريّض بلمجد يا حادي البل
يمگدر بالمفارگ لا تعجل
بعد ههيات هذا الشمل يلتم
ــــــــــــــــــــــــــــــــــــــ
سمع صوته الحسين اودار عينه
اوصاح ابرهد يا حادي الضعينه
ريِّض لمن محمد يجينه
نودعه ونتباجه الهظم والهم
ــــــــــــــــــــــــــــــــــــــ
وصل ليهم يصيح ابصوت لاوين
ناوي ابها الظعن يا گرة العين
عايف حرم جدك ليش يحسين
اومنه ابليل طالع وتكتم
ــــــــــــــــــــــــــــــــــــــ
گام ايجاوبه اويسجب العبره
يخويه الكتب گامت عليّ تتره
ولي ابديرة الكوفة أنصار كثره
اوليهم ضاعن ابها الليل الأظلم
ــــــــــــــــــــــــــــــــــــــ
ناداه اوجرت عبرة اعيونه
الكوفه انسيتها اشسوت ببونه
اوبيها اشصار من عگبه اعله اخونه
جه تخفاك وانته ابحالها أعلم
ــــــــــــــــــــــــــــــــــــــ
لا تضعن ينور العين ليها
خوينه أولا يحن گلبك عليها
اگصد لعد مكه اوجيم بيها
اوجاور يا عضيدي البيت الأعظم
ــــــــــــــــــــــــــــــــــــــ
اولو شفت الغدر لاح امن أهلها
اوصارت تشبه الكوفه ابفعلها
اگصد لليمن واسكن نزلها
واضنك بس تصل لليمن تسلم
ــــــــــــــــــــــــــــــــــــــ
اوبيها لو عليك الفلك يفتر
اوتشوف الناس عالمها ايتغير
عاد اطلع ابضعنك واضرب البر
لمن يحكم الباري اوبيكم ارحم
ــــــــــــــــــــــــــــــــــــــ
حمد رايه اووصاه ابوصيّه
أريدك عين الي ابهاي الثنية
أولا تخفي امن أخبارك عليه
اوتوادع ويه اخوه واعليه سلّم
ــــــــــــــــــــــــــــــــــــــ
صاح ارشد يحادي ابنيتك اوسير
اوحفَّت بالضعن ذيج المشاهير
يخافون الهجن لو سارت اتنير
اويتروَّع گلب زينب اوجلثم
ــــــــــــــــــــــــــــــــــــــ
ضياغم وتخسه اليوث العرينه
مثلهم تگدر اتحامي الضعينه
حته الطير هاشم صاجرينه
وهو ابجبد السمه ايخاف ايتجدم
ــــــــــــــــــــــــــــــــــــــ
الكل من عدهم المرهف نديمه
يظيم الموت سيفه أولا يظيمه
لون ما هالهوه ابحاجت نسيمه
ما والله اعله ظعن الحرم نسَّم
ــــــــــــــــــــــــــــــــــــــ
انگطع ذاك الدرب وتحامته الناس
اوكلمن سمع رد امهبط الراس
من يخطف اوحادي الضعن عباس
اوزينب راجبه اوبيده المخذّم
ــــــــــــــــــــــــــــــــــــــ
اشحَّد اللي يمر اويصد ليها
و اخوها ابرايته ايظلل عليها
لَّمن وصل مكه الظعن بيها
حط اوجاورو بيت الله الأعظم

عبدالحسين الشرع

#اللهم_عجل_لوليك_الفرج
https://www.tg-me.com/AL_Nay_and_Alrthaa

#نعي

يامالت الله موش أجاويد
سوو الشام بكيفهم عـيـد
من دخلونه المجلس أيزيد
لا نغر بيهم لا فزع حـيـد
چا هاي ناس الشام والشام

شحچيلكم يا عملة السوگ
يظحكون وانا گلبي محروگ
لا والتكتلك هــزّل الـنـوگ
أنفكت علينه عيون وحلوگ
الصارن ويانه ماهن أولام

وياهم قليله الشام شمات
أربات الخدر وأحنه العفيفات
يصيحون جبناهن سبيات
تالي بخرابه مهدمه أنبات
ودارت صدگ ويانه الأيام

ليل الخرابه يشيب الشاب
حيطان خشنه فراشهه أتراب
وكل ساع واحد طالع وطاب
لا سگف بيها ولا أسم باب
ويـردون بيها نـغـفـه ونـام

ياكـون ميـته والله ياريـت
ولا للـغرب مسـبـيه طـبيت
موش أحنه أهل البيت يابيت
صرنه غرب ياحيف وأبچيت
تبات بغرب تالي أم الخيام

وياي أجو أخواني بس روس
منحوس والله الشام منحوس
العطشان عينه تروح للطوس
بالشام حتى الماي منفوس
منريد مي لو نعطش أعوام

بالشام يكتل وكت الغروب
تحسه سلف مايوم مچهوب
چنه مضيف وشيخه منهوب
اليدخله صاحي يرد متعوب
عنهم حرام أنگول أسلام


#حسين حمدان الدلفي

#اللهم_عجل_لوليك_الفرج
https://www.tg-me.com/AL_Nay_and_Alrthaa

#ابوذيات

لمصايب عن عبينه مالهنه
بهوه نسوان عثرت مالهنه
هاي چفوف احسهن مالهنه
عثرت ورادن يفزعن اليه
ــــــــــــــــــــــــــــــــــــــ
شفت الويل بس ماصحت مالاخ
ونه بكلبي حجيهم حيل مالاخ
لزلمه ينولي لوجان مالاخ
شحال انه مره بل غاضريه
ــــــــــــــــــــــــــــــــــــــ
سهم والثانيه بدم لون عينه
بلا جفين بيمن لو نعينه
العده يقبلون نلطم لو نعينه
على الخلصو سحك بل غاضريه
ــــــــــــــــــــــــــــــــــــــ
رسم بعيوني اشوفك راس ماله
وصرت نفس ليوزع راس ماله
منو دافن ابيه وراس ماله
وتاني الناس لمته ترده اليه

سيد حسين العنكوشي

#اللهم_عجل_لوليك_الفرج
https://www.tg-me.com/AL_Nay_and_Alrthaa

قُــلْ لِلْمُغَــيَّبِ أخْـذُ ثَاْرَاتِ الْسِبَا
لَمْ تَلْتَئِـمْ يَبْنَ الحُسَـيّنِ جِرَاْحِيَاْ

مَاْذَا عَلَـى مَنْ شَــمَّ تُرْبَــةَ كَرْبَلاْ
أنْ لاْ يَعِيْـشَ وَ بِالْعَــرَاْءِ غَــواَلِيَاْ

صُبَّـتْ عَلَـيَّ سِــيَاْطُهُـمْ لَــوْ أَنَّهَاْ
صُبَّتْ عَلَـى حَجَـرٍ أصْـمَّ بَكَى لِيَاْ

فْالْيَوْمَ أَخْضَـعُ لِلْمَسِيْرِ مَعَ العِدَىْ
شَتْـمَاً أُجَــاْبُ إِذَاْ نَدَبْــتُ مُحَـاْمِيَاْ

فَـإِذَاْ بَكَـتْ مَسْــبِيَّةٌ فِــيْ أَسْـرِهَاْ
ضُرِبَتْ وَ صَـاْرَتْ تَحْتَمِـيْ بِرِدَاْئِيَاْ

وَرَأيْتُ فِيْ الشَاْمِ الدُفُوْفُ وَرَقْصِهَاْ
وَكَأنَّمَــاْ عِــيْداً أتَــىْ بِمُصَــاْبِيَاْ

يَبْنَ الْحُسَـيّنِ لِقِصَّتِيْ فَابْكِي دَمَاً
فِيْ الْشَــاْمِ لَا زَاْلَـتْ يَدِيْ بِحِبَاْلِيَا

ـــــــــــــــــــــ

بيت أحزان أمي اليوم ـ صَبْ بيت
وعَلَى جدّك دِمُوع إدموم ـ صَبّيْت
عَلَيّ صُبَّتْ مُصايب كُـون ـ صُبَّتْ
عَلَى الأيام صارن ليل إليّه ..

#عظم_الله_أجوركم_بشهادتها🏴

مهدي التقي

#اللهم_عجل_لوليك_الفرج
https://www.tg-me.com/AL_Nay_and_Alrthaa

#نعي

مولاتي العليلة روحي فداها

وي وكت الغروب .....
روحي تحن وي وكت الغروب

ومجابله البوب....
هلبت خبر و مجابله البوب

يا كون مكتوب....
يوصل الي ياكون مكتوب

جافيت محبوب....
حيلي انهدم جافيت محبوب


كون الهوه يودي المراسيل
لَـكَتب بگد ما وحدتي تعيل

بتكم نحيله من الفراگ
وي الهوه اليعبر تره تميل

بگد ما الوسعه تجري ابحور
مني المدامع بالجفه اتسيل



يابوي تدري الگلب مشتاگ
ومو خوش طاري ،طاري الفراگ

الكوفه بعيده و دربك اطويل
وعندك عزيزه بطيبه تشتاگ

يابوي بالك من السيوف
حتى النفس يحسين ينباگ

لو بيدي أعطل ممشه الضعون
بس الضعن مكتوب ينساگ

ابو نوح الكناني

#اللهم_عجل_لوليك_الفرج


https://www.tg-me.com/AL_Nay_and_Alrthaa