#نعي

حال مولانا امير المؤمنين
روحي فداه

حسرة غيبتچ مامنهه حسره
يفاطم وانكسرنه اشلون كسره

علي اخلافچ الدنيا ابعينه ضلمه
ولمَّن ودّعچ چن وَدَّع امَّه
دمع العين ياعين التضمَّه
حالي اعليچ هذا وربنا أدره

أگظي امن النهار ويلفي ليلي
وون يافاطمه ومهدوم حيلي
وانادي يم حسن بلله اندعيلي
الله ايعِينِّي وگلبي يصبره

أنه او ولدچ گعدنه اشلون گعده
وحده اجروحنه او ونَّتنه وحده
شِدَّه امصيبتچ يالزهره شِدَّه
ونهل اعليچ عبره ابأثر عبره

تسعر جمرتي ويتغير اللون
امن اشوف اولادنه الفگدچ ينوحون
واصد اعله الحسن وحسين يبچون
وزينب خاطري اكثرهم تكسره

اشما صدينه يافاطمه عالباب
تذكرنه الجنين وذاك المصاب
تهيج احزانَّه والدمع سچاب
وكسر اگلوبنه ياهو اليجبره

سيد علي الموسوي

#اللهم_عجل_لوليك_الفرج
https://www.tg-me.com/AL_Nay_and_Alrthaa

صحتيني فضة والجرح گاعد يأذيچ
اسم الله يا ام الحسن بيه ولابيچ
خانچ الحيل اويه البدن
اسم الله يا ام الحسن
بيه ولابيچ
...
بالباب .. من صحتي يفضة گلبي ناده
بالباب .. صار اليغضب الباري وعباده
بالباب .. شفت الحزن يذبح بالسعادة
بالباب .. چن المصطفى اعلن حداده

من اوصلت شفت الجمر واصل للثياب
ياويلي وعيونچ حمر وابنچ عالتراب
عيونچ حسافة اتورمن
اسم الله يا ام الحسن
بيه ولا بيج
....
صديت .. شفتچ طايحة وگاعد تونين
صديت .. ابكسرچ والصفع حرتي شتداوين
صديت .. شفت دمچ كتب فوگ الحياطين
صديت .. " علي الأول رغم انف الشياطين

لخاطر عيون المرتضى ضحيتي لظلوع
ولدين ابوچ ابهالرفض قدمتي مشروع
من خطة ارباب الفتن
اسم الله يا ام الحسن
بيه ولا بيچ
....
لكرار .. اجالچ يركض وايده على ظهره
لكرار .. صفن وعيونه من الغيض حمره
لكرار .. بچفوف الهجر تخنگه العبره
لكرار .. يگلچ كلها الا انتي يزهره

واختتگ من مات الحچي وظل تالي يومي
ويأشر لشخصچ بما معناه گومي
ولمن حچه صاح بشجن
اسم الله يا ام الحسن
بيه ولا بيچ
....
وحسين .. اجه يگلي يفضة وينها امنه
وحسين .. ينادي خل تجي نشمها وتشمنه
وحسين .. العزيز العايش ابحب ومحنه
وحسين .. يصيح شلون يتطشر شملنه

وهو على المثل ام حسن لو مات حقه
وناته صارلها صده ابـ كل الأزقة
وادموعه بعيونه حچن
اسم الله يا ام الحسن
بيه ولابيچ
...
كل ما .. تسكتين اركض وانظر احوالچ
كل ما .. اطب الگ النبي گاعد اگبالچ
كل ما .. اشوف الحسن وسط الليل اجالچ
كل ما .. يشوفچ صاح ريت انا البدالچ

واكبر اولادچ ظل يحس هاي النهاية
يگعد على فراشچ يشم عطر العباية

حچاياته بافكارچ بقن
اسم الله يا ام الحسن
بيه ولابيچ
...

زينب .. من تسألني عنچ شرد اگلها
زينب .. صعب كلش عليه من اشرحلها
زينب .. اروح وياها للطف وانظرلها
زينب .. تصد بالغربه مذبوحين اهلها

من يلتم اعليها الفزع واهيه وحيده
ميت علي بذاك الوكت وانتي بعيده
ياغربته الفاگد وطن
اسم الله يا ام الحسن
بيه ولابيچ
..

حسن ميثاق الربيعي
https://www.tg-me.com/AL_Nay_and_Alrthaa

#نعي

مولاتي العقيلة روحي فداها

ييمه اليل لو چلچل ضلامه
اخلصنه بواچــي وما انامه
رف گلبي الـچ رف الحمامه
ييمه انعيش من بعدج يتامه

ييمه اخلاف عينج ماغفينه
تگابلنه سـوه ابدراچ بچينه
انفجـعنه ابموتــچ وتعذبينه
عالمكتــوب يا يمه اشبدينه

امنصد للباب اتذكــر وگعــتچ
وذكــر لوعتــچ يمه وصطرتچ
ييمه جاوبيــني ورحمي بنتچ
بعدني ازغيره وبگبرچ دفنتچ

احن اعليچ وكـت المغــربيه
وصيح ابصوت وينچ يالزچيه
ييمه اتعـودت نگعـد سويه
اشمن بيچ وتشمين بيه

✍كامل السعيدي

#اللهم_عجل_لوليك_الفرج
https://www.tg-me.com/AL_Nay_and_Alrthaa

#نعي

حال مولانا امير المؤمنين
روحي فداه

حسرة غيبتچ مامنهه حسره
يفاطم وانكسرنه اشلون كسره

علي اخلافچ الدنيا ابعينه ضلمه
ولمَّن ودّعچ چن وَدَّع امَّه
دمع العين ياعين التضمَّه
حالي اعليچ هذا وربنا أدره

أگظي امن النهار ويلفي ليلي
وون يافاطمه ومهدوم حيلي
وانادي يم حسن بلله اندعيلي
الله ايعِينِّي وگلبي يصبره

أنه او ولدچ گعدنه اشلون گعده
وحده اجروحنه او ونَّتنه وحده
شِدَّه امصيبتچ يالزهره شِدَّه
ونهل اعليچ عبره ابأثر عبره

تسعر جمرتي ويتغير اللون
امن اشوف اولادنه الفگدچ ينوحون
واصد اعله الحسن وحسين يبچون
وزينب خاطري اكثرهم تكسره

اشما صدينه يافاطمه عالباب
تذكرنه الجنين وذاك المصاب
تهيج احزانَّه والدمع سچاب
وكسر اگلوبنه ياهو اليجبره

سيد علي الموسوي

#اللهم_عجل_لوليك_الفرج
https://www.tg-me.com/AL_Nay_and_Alrthaa

#أبوذية

نميل وياها كلما - مالت امي
وامن الوجع كلش - ملت امي
ادور على الشيلة - مالت امي
عسى من اشتمها ترجع روح بيه

منقول ..

#اللهم_عجل_لوليك_الفرج

نعي وصية الزهراء لزينب( ع)

دمعتها سالت ويه دمعتي
وبخواني وصتني وبخيتي
ظلمة تظل گالت حجرتي

عليه دموع افراگ تبچين
وبلايا ام زينب تظلين
فراش المرض بيدج تشيلين

بغطاي اخوج حسين غطيه
ومسحي دمع عينه ونوميه
حمل الثچيل انتي تشيليه

اريدج على الفرگه تصبرين
وضمي الدمع لمصيبة حسين
ينذبح بالطف وتضيعين

راسه يشيله النذل بيده
وجدامج ايحز بوريده
اتظلين يايمه وحيده

ندهي علي وياج احضر
واثنينه نگابل المنحر
نلم الجسد عاري موذر

…… .تمت……………………..

بقلم ام زهراء العامري
https://www.tg-me.com/AL_Nay_and_Alrthaa

نعي +فزاعيه للزهراء(ع)

تنام شلون عيني وفارگيت امي
راحت والضلع من الكسر مدمي
يشيال النعش حط النعش يمي

فزاعيه

ريض بالنعش يالشايله بليل
مكسورة ضلع ياحامي الدخيل
………………………… ..

ريضلي بنعشها لاتشيلون
والكسر بضلعها لاتلچمون
ومن سوط العبد ماظلت متون
(ريضولي… بنعش الشالت)
…………… ..............

نزلي النعش خليني احاچيه
ووصيه عالحنينه النايمه بيه
بالتربان طول امي تخليه
(بهيده وياه… نعش الزهره)
……………………… ..

طول امي الحنينه ينام بتراب
انسه شلون وگعتها ورى الباب
اطب البيتها وادور احباب
(مخليته… البيت ينوح)
……………………… ..

ياريحة محنتها الگضتني
عافتني الاحبنها وتحبني
وياها اريد وماخذتني
(لفرگاها… تصب عيوني)
…………………………

اتمدد اريد بصف لحدها
تنام شلون بالرمله وحدها
للعشرين ماوصلت بعدها
(وياها… اخذوني اتمدد)

………… .تمت……………………

بقلم ام زهراء العامري


https://www.tg-me.com/AL_Nay_and_Alrthaa

#نعي :
عن لسان السيدة زينب ع وهي تُكلم أُمّها الزهراء روحي فداهما

يمـه ســايم الله اعليــچ ردي
دمعة فرگتــــچ حفرت خـدي
اموت اوياچ يم حسـين ودي
اشماله الموت بعدچ ماخذاني

اطب للدار وستورح مچانج
وادْكِر طيبــــتچ يمه وحنانچ
قسـه وياچ من زغرچ زمانچ
وزماني ابفرگتـچ بلوه بلاني

اتنوع البابـــچ وادذكِر الصـــــار
وادْكِر صدرچ المصيوب بسمار
اصيـحن آه وبگلبي تشـــب نار
ييمه اصــواب ضلعچ شيــباني

ماخـــلاني ابوي اويــاچ اروحـن
ادفنـــنچ بِدَي وعليــــــچ انوحن
ييمه الشوفتچ من فدوه اروحن
عگب عيــنچ ييمه اهواي اعاني


✍ كامل السعيدي


#اللهم_عجل_لوليك_الفرج
https://www.tg-me.com/AL_Nay_and_Alrthaa

#نعي

زینب اتعاين الإمها ابیا وضع
اید فوگ العين وايد اعلى الضلع

تعاين امها مگبعه بضيم الدهر
وتشكي حالتها لعلي فارس مضر
تگله بعيونك شفت ضلعي انكسر
وشفت سطرت گنفذ الخلت طبع

انته حيدر بالحرب مالك مثيل
وانته وكت الضيج حماي الدخيل
وادخلت عندك بدمعي اللي يسيل
والدخيل العرب توگفله درع

وهيه عاده اللي يطيح ابموزمه
بس يصيح بصوت ياحامي الحمه
تگضي شدته بالأرض لو بالسمه
واني گدامك طفو نوي اليشع

وهيه تشكي لحيدر وزینب تون
ولبو اليمه تعنت بدمع الحزن
تگله یا ریته عمه صبي الجفن
ولا يشوف أمي بهضم تهمل دمع

گوم ويايه يبو گلب الحنين
بشوفتك يستر گلب امنه الحزين
وحين گصدوا لمهم وشافت حسين
تگله ضلعي يمه بي لا تنصدع

ضلعي واحد يجي المهدي ايجبره
لچن صدرك كل ضلوعه امکسره
وبضلوعك تضل زینب حايره
وتريد تجمعن لچن ما تنجمع

يمه شحجيلك بعد عن يا جرح
جسمك يضل عاري من بعد الذبح
وراسك يشيلونه يحسين برمح
وراسي عالزان ویه راسك يرتفع


الشيخ زمان الحسناوي

#اللهم_عجل_لوليك_الفرج٠
https://www.tg-me.com/AL_Nay_and_Alrthaa

#نعي

لمن ماتت الزهره بده حیدر یغسلها
ويعاين عالصدر مصيوب وناده ودمعته يهلها
مصابچ مرد دلالي وروحي النايحه سلها
لضل انعاچ کل عمري واحن لشوفتچ كل حين

وشالوا نعش أم حسين وزينب تنظر المنظر
وصاحت يمه يا زهره ضلعي ريته لتكسر
يا يمه يبعد الروح على فرگاچ ما اگدر
دگومي وشوفي حالتنه بس نهمل دموع العين

دفنها المرتضى تالي وضل يرتل ابعبره
ومن كثر التعب غمضت عينه ونام أبو العتره
اجته فاطمه اتنادي يا كرار انه الزهره
زینب فزت من النوم واخاف اعليها يابو حسين

ما ترضه الزچيه تشوف زینب تگعد من النوم
ويمها الحسن يمها حسين ويمها الطاهره أم كلثوم
چا شيصير بالزهره لو شافت هذاك اليوم
زينب ليلة الوحشه متحيره ابين اثنين

تروح لجثة المظلوم وتشوف الجره اعليها
لو تحرس يتامه ازغار غايب عنها واليها
وين ام الحسن عنها وتعاین زینب شبيها
تنادي بصوتها المخنوگ آه ياگطعت الچفين

الشيخ زمان الحسناوي

#اللهم_عجل_لوليك_الفرج
https://www.tg-me.com/AL_Nay_and_Alrthaa

نعي للزهراء س
*
بعدني بعازتج يايمه تدرين
وعفتيهه غريبه اخلافج العين
بتج بالعمر خمسه من السنين
شلون أحمل يزهره سطرة البين
خذاج بساع من يمنه تروحين
يالبعدج شباب وللكبر تمشين
عمرج ماوصل وتعده عشرين
ليش بياسبب مهشومه ضلعين
يتيمه أمي ويضربوهه الملاعين
عالخد والجفن خلو نياشين
وإكبالي تموت إمسبله الأيدين
يالشلتو النعش بالليل لا وين
ريضو بالجنازه يالمشيعين
عله فراك الحنينه الكلب نصين
الصبر لأمي اجيبه منين ومنين
واكبالي ينوح الحسن وحسين
**

بعد بالعين ماظلت            وشاله
راح الحيل من جسمي       وشاله
من شفت النعش يرحل     وشاله
علي إكبالي كمت اصفك بديه

الدهر بغياب امي        مرمراني
بعذاب انواع غدره       مرمراني
صخر لو هالكلب لو     مرمر آني
تفسر ذاب من حزني العليه

لون ابجي عله أمي     من يلمني
عكبهه اندار وكتي       من يلمني
حضنهه الراح بعده     من يلمني
لأظل انعه لما تدنه المنيه
***
أم علي الكاظمي

https://www.tg-me.com/AL_Nay_and_Alrthaa