🌸🍃✨

لــ نـقرأ سـوياً دعـاء الفرج بنية تعجيل الفرج وقضاء الحوائج وشفاء المرضى
✨دعاء الفرج✨
✨اَللّهُمَّ✨
✨کُنْ لِوَلِیِّکَ✨
✨الْحُجَّةِ بْنِ الْحَسَنِ✨
✨صَلَواتُکَ عَلَیْهِ وَعَلی آبائِهِ✨
✨فی هذِهِ السّاعَه وَفی کُلِّ ساعة✨
✨وَلِیّاً وَحافِظاً وَقائِداً وَناصِراً وَدَلیلاً
✨وَعَیْناً حَتّی تُسْکِنَهُ أَرْضَکَ✨
✨طَوْعاً وَتُمَتِّعَهُ فیها✨
✨طَویلا✨

- أللہـم صلِ ؏ـِْلئ םבםנ وآل םבםנ ❤️
🌸🍃✨

#الزهراء ع


نعي بحق الزهراء عليها السلام

لسان حال السيدة زينب عليها السلام

ياموالين يامحبين من بعد مقتل الصديقة فاطمة الزهراء عليها السلام كان حال مولاتنا زينب عليها السلام واخوتها مفجعاً لايقر لهم قرار من كثرة البكاء والنحيب على فراق امهم عليها السلام حيث تركتهم صغارا يتامى ورحلت عنهم مضلومة مهتضمه كاني بلسان حال السيدة زينب عليها السلام عندما تجلس على اعتاب دار امها اتگول زينب:



يوميه امر بعتبة الباب
واذكر صريخچ يم الاعتاب
يوم الضلع يم الحسن عاب
اگعد واذر عالراس الاتراب
ازغيرونه يمه وفاكده احباب
وگلبي على امي صار عطاب


شنسوي وترد النزلـــــها
وعن حالنا ياهو اليگلها
وزينب عگبها اشظال الها
الماراحت امها اشرايحلها
هنيالها واشفايـــــــــتلها
تسوه العمر والدنيا كلها


احلفچ ييمه ابروح جدي
لوساعه يم حسين ردي
ابچي ودمعتي چوت خدي


انحب صدگ موش ابرهاوه
والناس جازتني ابعـــــداوه
محد يواسيني ابنعــــاوه


لامره مرتني النساوين
ولاناشدني اشبيچ تبچين
نبچي بدمه بس انا واحسين
والحسن يمه امورم العين


جبت العمر ونه اعله ونه
والحظ ييمه ايست منه
سود الليالي ولا اعدلنه



ام علي رضا الشريفي الحسيني

الفاتحة لروح والدي خضير بن زوينة


https://www.tg-me.com/AL_Nay_and_Alrthaa

#نعي

أبو اليمه گصد لمه ويهل عبره
يگلها ليش خدچ بي اثر سطره

ياهو اللي جسر يا يمه واتعده
دخبريني بجدي المصطفى وفگده
يا خيمة علي ويا درعه بالشده
دحاچيني وانه المظلوم ابو العتره

سالت دمعة الزهره الزچيه عليه
و گصدتله تشمه بنحره وتحاچيه
مد ايدك على خدي ودشوف شبيه
وانظر عيني من كثر الضرب حمره

مد ایده ابو اليمه على خدها
سد اعيونه لمن سطره شاهدها
وذب روحه عليها وگام ينشدها
حيدر والدي هم يدري باليجره

لا يوليدي عودك ما اظن يدري
ضميت الأثر عنه وخفيت أمري
وفدّيته يیمه بمحسن وعمري
وفديت الضلع للمرتضى وعمره

والآذاني موقف يا أبو اليمه
محسن من وگع وتگمط ابدمه
كل همه يضل وياك كل همه
ويموت وياك لمن تهوه عالغبره

محسن دم ضلوعي صار اله تغسيل
وانته تغسلك الحره بدموع الليل
محسن داسته الرجلين وانته الخيل
وانه ألطم عليكم يبني بالعشره 

زمان الحسناوي

#اللهم_عجل_لوليك_الفرج


https://www.tg-me.com/AL_Nay_and_Alrthaa

نعي بحق الزهراء عن السيدة زينب

---------------------------------
اكَبالي امددة ابعيني اشوفنـــهه
امغمظة عيونهة كل ساعة احبنـهه
يبعد الروح حاچيني  واشمنهه
تسمعني وعلية جواب متـــرد
------------------------------------------
هالنومة غريبة وچنهة نومة موت
بعد هيهات منچ يمة اسمع صوت
ما اكَدر اشوفچ يمة بالتابوت
وعن عيني ييمة طولچ ابعــد
-----------------------------------------
اطب للبيت يمـة وما اشوفچ بـيه
اذكر ييمة الـحچي السولفتيـــه
ظل خالي مچانچ بس ترب غاطيه
عني بساع رحتـــي الله ولحد
____
اجة الليل اصيحن ما سمعتي
وكَعدت ابمچان البي كَعدتي
اتانيچ يمة وما رجعتـــي
بعــد هيهات لمتنة سوية
___
ظليت اون دمعي اعلى خدي
وصيح بصوت يم البيت ردي
ما كَلتي من اروح شلون ولدي
حــنينة الوالدة واكَطعت بية
_
انة زينب واصيح بصوت يمة
اطب للبيت شو موحش وظلمة
حاچيني يبعد الروح چــلمة
صوتچ من اسمعة روحي اتهيد
__


أسالكم الدعاء رائد الاسدي

https://www.tg-me.com/AL_Nay_and_Alrthaa

#نعي
كأني بمولاي سيد الشهداء عليه السلام

صار الوداع وفارگيـــتچ
وفرغن عيوني وفرغ بيتچ
بالبــال يمــه وما نسيتچ
تشوفين بعدچ حالي ريتچ

الليل چل والشـوگ اخذنه
والگلـب ما مضمـوم ونه
وحشه عليها بيت اهـلنـه
وعصرة ضلعها الهم عصرنه

ماتت ومسطوره بجفنها
وموش ام ابيهـا الزهره چنها
ما غمضن عيـونه ابـنها
المتعود اينام بحضنها

شلون المحنه تلمهـا الگبور
وحسين گلبه اعليها مطرور
ام الجنين المات معصور
انكسرت وراها گلوب واضهور

تطرد الدار خلاف ضلها
اتغيرت معانيها وشكلها
حالف بعد ما ادخل الـها
وزينب التنشدني شگلها

ملچ الموت موتي -- جابه ليته
يمن عمري بغيابچ -- جبّـليته
مچانچ من گعـدنه -- جابليته
ونعيت وونت الحيطان اليه

          عبد العليلة
✍حيدر ابو كيان الفاطمي

#اللهم_عجل_لوليك_الفرج


https://www.tg-me.com/AL_Nay_and_Alrthaa

وبجاه بابج للفرج فتحي لنا باب
مثل يِّتامه ضايعه جتج هل احباب
والي گصدكم في طلب ما خاب ما خاب
والله يلبي لخاطرج كل ما تريدين 💔❤️‍🩹

حنِّي عليه بهل طلب يَمِ الايِّمه
في ضيق خادمكم صبح غارق بهمه
داخل عليكم بالأمل يا اهل المهمه
والي گصدكم ما رجع خايب يطيبين💔❤️‍🩹.

بكل شدة صحت يحسين. فزعة
عليــك بداعـت الـمالــگت. فزعة
بــالمحـــشر ألــي عـبــاس. فزعة

يكتبني بسجل خدام أخية


بقلم الشاعرة العلوية فضيلة الموسوي

▪️في خروج سيدة النساء (عليها السلام) للدفاع عن أمير المؤمنين (عليه السلام)

إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

١/قد خرجتْ بحيدرٍ تُطالبْ
وخلْفَها منَ السما مواكبْ
لو همستْ تُكوِّرُ الكواكبْ
ففاطمٌ مُظْهِرةُ العجائبْ !

أمُّ الهدى، بنتُ الهدى، كُفْوُ الهدى
في جمعِهمْ نادتْ بكلِّ حنينِ :
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

٢/غريبةٌ في دارِها غريبهْ !
مُصَابةٌ تُنْذِرُ بالمُصيبهْ
قامتْ برغمِ كَسْرِها مَهِيْبَهْ
فكلُّ ضلعٍ وَحْدَهُ كتيبَهْ !

من جنبِها المكسورِ تعلو صرخةٌ :
ما همَّني عصري وفقدُ جنيني
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

٣/كلَبْوَةٍ داستْ على الدواهي
للموتِ تَحْمِيْ أسَدَ الإلٰهِ
كَأَنْ بِها أتى نداءُ اللهِ :
" أنْ لا فتاةَ في الولا إلاَّ هِيْ !"

اليومَ صدَّتْ فاطمٌ عنْ حيدرٍ
إذْ حيْدرٌ كمْ صدَّ عنْ ياسينِ
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

٤/ذي (قُلْ تعالَوْا) هُشِّمَتْ بالرَّضِّ ؟
أمْ تلكَ طوبى أُسقِطَتْ للْأرْضِ ؟
قالَتْ : أنا يا كفرُ أمُّ الرَّفضِ !
عَليْ ، عَلِيْ ، عَلِيْ ، عليٌّ نبْضِيْ

لنْ أَتْركَ الكرَّارَ يا أهلَ الجفا
أقسمتُ : والزيتونِ إيْ والتِّينِ
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

٥/همَّت لتدعو بَضْعَةُ العدنانِ
فارتفعتْ قواعِدُ الجُدرانِ
جاءَ إليها الأمرُ مَعْ سلمانِ
فامتثلتْ لِحُجَّةِ الزمانِ !

لكنَّهُمْ عادوا لها بسياطِهمْ
فغدتْ تنادي عِلَّةُ التكوينِ :
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

٦/ردَّ عليهِمْ متْنُها المضروبْ
دونَ الذُّبابِ قدْرُكُمْ محسوبُ
إنْ كانَ في الدنيا لكمْ نصيبُ
قدْ (ضعُفَ الطَّالبُ والمطلوبُ)

لي مقعدُ الفردوسِ قربَ المصطفى
ولكمْ طعامُ النارِ منْ غِسْلينِ
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني


٧/كَمْ بدَّدَتْ لرِجْسِهمْ أوْهامَهْ
فرُزْؤها وثيقَةُ الظُّلامهْ
يا حبترٌ قمْ شاهدِ العَلامَهْ
إذْ نزَفَتْ أضلاعُها (لَطَّامَهْ)

إنَّا بَنُو الزهراءِ منها درسُنا
نفدي أبا حسنٍ بكلِّ ثمينِ
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

٨/سياطُهمْ آلمتِ الزَّكيّهْ
فألهبتْ في روحِنا القضيَّهْ
قلنا : خُذي الضلوعَ فاطميَّهْ
"لبَّيكِ يا زهراءُ للمنيَّهٌ "

قدْ ردَّدَ "الرادودُ" فينا صارخاً
وبإِثرِهِ صِحْنا ليومِ الدِّينِ
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

علي عسيلي العاملي

#الليالي_الفاطمية
#اللهم_عجل_لوليك_الفرج

https://www.tg-me.com/AL_Nay_and_Alrthaa

#شكايتها_وبعض_وصاياها_لعلي_ع
⬛️◾️القصيدة-4-◾️⬛️

عليٌ لا يكُنْ دَفني نَهارا
وحاذرْ أنْ تُشَيعَني جِهارا
فإنّي قد غضِبتُ علىٰ أناسٍ
تمادَوا بعدَ أنْ كانُوا شِرارا
وقد هجمُوا علينا واستَباحُوا
لحُرمَتِنا وما حفِظُوا الذِمارا
كما الأحزآبِ جآءُوا عندَ داري
وعمْداً أضرمُوا بالبابِ نارا
كأنّـا لم نكنْ أهلاً لطٰه ٰ
ومِنّـا يطلِبُ الأصحابُ ثارا
فأينَ وصيةُ المبعوث ِفينا!
وأينَ مقامُنا القُدسيُ صارا!
ببابي لُذتُ حتىٰ لا يرآني
عدوُ الله ِأبغي الإستتارا
أُنادي يا أبي هَتكوا حجآبي
ولم أك ُ أرتدي-أسفاً- خمارا
فَمِن عصَرآتِهِ أهوىٰ جنيني
وأضلآعي تُعاني الإنِكسارا
وأما لَطمتي في العينِ تؤذي
سريعاً خلّفت فيها احمرارا
ومسمارٌ هناكَ أصابَ صدري
وقُرطي بعدَها راحَ انتثارا
وسوط ُالعبدِ أوجَعني بأمرٍ
من الباغي بهِ حقداً أشارا
أباحسنٍ سأرحلُ بعدَ هضمي
فعّف ِ القبر َ لا تُبد ِ المزارا
وفي وقتِ الهزيع ِهناكَ خُذني
إلىٰ الأجداثِ حيثُ بها أُوآرىٰ
وداعاً زينبٌ حسنٌ حسينٌ
فإنَّ العيشَ أصبحَ لي مَرارا
وأعلمُ أنّ لوعَتَكُم لأجلي
تطولُ وكُلُكُم بعدي حَسارىٰ
أنا مقهورةٌ ظُلماً وجَوراً
علَيَّ الدهر ُبالويلآتِ جارا

#سمير_الصالحي
#النجف_الأشرف
#السلام_على_المقهورة_المظلومة


🏴نعي - مجردات

ما كمِّلت عشرين الاعوام
واسبابهه عصرة الظلام
متكسره من عدهه العظام
متلوعه من كثر الٓآم
وجفونهه ما تقبل تنام
لعيون حمره بدمع سجام
بنت النبي ياعجب تنضام
گالتله يا حيدر يضرغام
يامن بسيفك عم الاسلام
جرحي غميج وعيب يلتام
خلصت سنيني وباقي ايام
والموت لو صوبني بسهام
گلبي عليكم يظل محتام
والأشد فرگة هاي الايتام

🏴 نعي - مجردات

نادت يبويه آخ ضلعي
ويسيل دم بدال دمعي
وانحب عل المحسن و انعي

#سمير_الصالحي
#النجف_الأشرف

⬛️◾️القصيدة-5-◾️⬛️

يا صاحبَ الأمرِ ألآ تَظهَر ُ !
                حتىٰ مَ  يابنَ فاطمٍ  تَصبـِر ُ؟
أما عَلِمت َ أنَّ أعداءَكُم
           ضِلعاً مِـنَ الزهرآء  ِقد كَسّـرُوا
يومَ أَتَوها وهي َفي دارِها
                    بِـبابِها  وآ   أسَفاً   تُعصَـر ُ
وُمحسِـن ٌ يَسقُطُ من ضَربِهِم
                  وخَدُّها من لَطمِهِم أحمَر ُ
أ هٰكذا ترضىٰ بهذا وما
                 يُهيجُ    آلآماً  لك َ المنظر ُ !
قد غُصِبَت وأُوذِيَت سيدي
                    وحَـقَّها  جَهراً  لـهُ أنكرُوا
ولم تَزَل ْمَهضُومَةً تَشتكي
                    و غَوثُها مُـكَـتَّـف  ٌ حيدر ُ
فأسرَعَ الموت ُ لها حينَها
                    أَوصَت علياً عنهُ لا يُخبـِر ُ
ودَفنَها والنعش َفي خِفيةٍ
                  وظالميّها  فيهِ لا يحضَروا
فَشُيِِّـعَت سِـراً بليل ِ الأسىٰ
                   و زينَب ٌ ويلآه ُ  تَـستَعبـِر ُ

#سمير_الصالحي
#النجف_الأشرف


🏴 نعي مجردات متنوع
1-
من نومهه فزت تنادي
والدمع مثل المطر غادي
يمه انفطر عگبچ افادي
2-
مرعوبه فزت والدمع سال
والنوح منهه يصدع الاجبال
تندب يزهره عايني الحال
فراگچ علي يايمه شو طال
3-
يازهره وينچ زينب آني
چم دوب يمه اصبر واتاني
منچ فلا طارش إجاني
مليت المعاتب تراني
فراگچ مرد چبدي وعماني

🏴 أبوذية

فراگچ لا ولا لحظه عليّ هان
تسيل عيوني وآنه الطم علي هان
يشايل نعش والدتي علي هان
اريد احضنهه بويه بين اديه

#سمير_الصالحي
#النجف_الأشرف

لنيل القرب من ولي النعمة
صاحب العصر والزمان ولسلامته

الصلاة على محمد وآل محمد

#اللهم_صل_على_محمد_وآل_محمد

#نعي

مولاتي العقيلة روحي فداها

ييمه اليل لو چلچل ضلامه
اخلصنه بواچــي وما انامه
رف گلبي الـچ رف الحمامه
ييمه انعيش من بعدج يتامه

ييمه اخلاف عينج ماغفينه
تگابلنه سـوه ابدراچ بچينه
انفجـعنه ابموتــچ وتعذبينه
عالمكتــوب يا يمه اشبدينه

امنصد للباب اتذكــر وگعــتچ
وذكــر لوعتــچ يمه وصطرتچ
ييمه جاوبيــني ورحمي بنتچ
بعدني ازغيره وبگبرچ دفنتچ

احن اعليچ وكـت المغــربيه
وصيح ابصوت وينچ يالزچيه
ييمه اتعـودت نگعـد سويه
اشمن بيچ وتشمين بيه

✍كامل السعيدي

#اللهم_عجل_لوليك_الفرج
https://www.tg-me.com/AL_Nay_and_Alrthaa