مولد النبي ص

……………………………………………………………

الك سـويت الاكـوان
خلقت الانس والجان
فرشـت الگـاع الـوان
لجل عينك محمد ••• لجل عينك محمد

…………………………………………………………..

رب الكـون انا  و رب الايات
الك يا طـه رفـعيت السـماوات
على حروفك مشت هاي المجرات
احـبك و اليحـبك دخـل جـنات

الشمس لجبينك اتزور
گـمر مـن عـندك يـنور
خلـقت انهار و ابحور
لجل عينك محمد ••• لجل عينك محمد

……………………………………………………………

گبل ادم محـمد انت مـوجـود
لان ابظهره نورك صار الـ سجود
الملائك گصدتك مو هو مگصود
على اجناح الملائك اسمك اورود

لان بسمك يمحبوب
غـفرنه الآدم اذنـوب
رجع لمجانه مهيوب
لجل عينك محمد ••• لجل عينك محمد

……………………………………………………………

وصلت القاب قوسينين اليه
الك مشـتاق يا سـيد البريه
يخطاري وهله بجيتك عليه
حصرا بس الك يا ابو الزجيه

اصـعد للسـمه و روح
الك بس انت مسموح
جنان ابعـطـرك اتفوح
لجل عينك محمد ••• لجل عينك محمد

……………………………………………………………

يبو خلق العظيم وشايل اوصاف
مـثل نورك ابد جبريل ما شـاف
مـيه و اربـعـه وعـشـرين آلاف
نبي و مايوصلونك حد الچتاف

كلها ازغير و اچبير
قطره ابحرك اصير
الـك كبّـروا تكـبير
لجل عينك محمد ••• لجل عينك محمد

……………………………………………………………

هذا الدين مهره و انت خيال
واوزار الرسـاله كـلـش اثگال
و بكل زود جتفك للحمل شال
يمن وصلت ديني اجنوب وشمال

امفضل عل بشر حيل
فضل الگمره عل الليل
يويله الخالـفـك ويـل
لجل عينك محمد ••• لجل عينك محمد

…………………… .……………………………………

ونصرناك ابعلي البروح يفداك
و بكل معـركه يرهبـهم اعداك
و الكوثر هـديه الباري انطـاك
خدم للزهره صارت كل الاملاك

و انـطـيتك امامـيـن
مهجتك حسن وحسين
و تسـعه مـن المـيامين
لجل عينك محمد ••• لجل عينك محمد

……………………………………………………………
✍️ ( سيد خضر الزاملي )

https://www.tg-me.com/AL_Nay_and_Alrthaa

قصيدة بمناسبة ولادة الامام جعفر الصادق عليه السلام



جعفري احلى الاسامي
شيعي والصادق امامي
جعفري جعفري احلى الاسامي

***

عني تسأل عن ولائي
وألمن أعلن انتمائي
لجعفر الصادق فدائي
موقــع العهد بدمـائي

مـا ابطل مــن هيـــامي
شيعي والصادق امامي

***

جعفر الصادق وجـودي
هو ديني وكل صمودي
موقــع بدمـي عهــودي
جنــدي ومشمر زنـودي

وللخلـگ أعلــن غــرامي
شيعي والصادق امامي

***

لجعفر الصـادق حنيني
هوه نهجي وهوه ديني
يــا فكــر لــو يعتـنيني
فكر ابو البــاقر يقـيني

علمه للضدني حســامي
شيعي والصادق امامي

****

مولـده اجمــل هـديـه
النّـه مــن رب البـريــه
نــوره من نـور الزچيه
جامعه أصبــح عالميه

وكلها درست يم امامي
شيعي والصادق امامي

***

مـولده ومـولد محمد
للبشـر منهـاج أوحــد
نـور واحد الله يشهد
مذهبــه نــوره يتوقد

مذهب الناس الكـرامي
شيعي والصادق امامي

****

الشاعر
موسى البديري



https://www.tg-me.com/AL_Nay_and_Alrthaa

مولد رسول الله صلى الله عليه وآله

عطايه الناس لابد منه بيهه
الامور المانحلهه منه بيهه
الامه الما توعت من نبيهه
يضل بيها الضلم والجاهليه

محمد هادي العقابي

انخلق هل كون كله الخاطر اعيونك
يالبيك العقول تحيرت كلهه
شحجي اعله المعاجز وادخللهه منين
والتاريخ عاجز ماوصل حلهه
ضلمه الدنيه جانت والجهل بالناس
وجفك بالإسلام العين كحلهه
هبل من طاح محد فسرلنه شلون
امن الوكفه تعب؟ ماكدر يحملهه
لذالك فكرت يمكن نتيجه الكيت
بعقلي القاصر ومقتنع من حلهه
جدمك يامحمد يوم لاح الكاع
من ثكلك الباري الدنيه زلزلهه
الله يحبك وسر حبه ماضماه
حبيبي ايگلك وبس الك گايلهه
ماضل لانبي ولامرسل ايضاهيك
كلها تضل وراك وانته اولهه
بميلادك الليله مانوج شموع
كون الروح من الفرحه نشعلهه

الفرح معلوم بشره ماهوينه
هوينه وبعد عنه ماهوينه
نبينه وغيرك انته ماهوينه
ونضل منك فقط ناخذ وصيه

محمد هادي العقابي




https://www.tg-me.com/AL_Nay_and_Alrthaa

‏فاضتْ بنا الأشواقُ والدمعُ انهمرْ
‏للحجَّةِ المهديِّ والنجمِ الأغرْ

‏ما قيمةُ الساعاتِ مهما جُدِّدتْ
‏إنْ لمْ تجِئنا ساعةُ "الثاني عشَرْ" ؟!

علي عسيلي العاملي

‏‌ #يا_صاحب_الزمان⁩
‏‌ #اللهم_عجل_لوليك_الفرج⁩

السلام عليك يا صاحب الزمان ورحــــــمة الله وبــــــــركاتة

((المولد النبوي))

نقـــــدم هالمسيه
الورود الفــاطميه
بزغ هالليله نـوره
النبي سـيد البريه
ــــــــــــــــــــــــــــ

سطع نور الرساله
البدر بين كمــــاله
توسط في سمانه
گمــر نوره ايتلاله

لسـان الوفه غــرد
انولد طـاها محمد
مِله نوره الكـواكب
الزمان ابأسمه ردد

تهــانينا .. وامانينا .. ابحضرته نجتمع
مواكبنه .. تقـــربنا .. اله نعــــلگ شمع
لبو القاسم .. فرح دايم .. وتر ماله شفع

الگلب واضح هيامه
لبو القــــاسم غرامه
يهنياله الــــــي زاره
الزياره اجمـل هديه
ــــــــــــــــــــــــــــــ

نهنــي الليله فـاطم 
انولد فخر الهواشم
ونگـــــــلها يالزچيه
گلبنه بسمه هـــايم

يفرحتنه الچبيره
انولد جد الاميره
الفــرح عم البريه
الورد فوّح عبيره

سطع نوره .. مثل سوره .. نرتل مولده
الف اهلن .. الف سهلن .. سلامه انردده
نبي الأمه .. نزل رحمه .. على اعناد العده

انهدم ايــوانه كسره
كســر محـــد يجبره
وبحيره ساوه جفت
وطفت نار الســـريه
ــــــــــــــــــــــــــــــ

رسول آلله وحبيبه
ابو الزهـره النجيبه
نهني الليله حــيدر
ونعيش اجواء طيبه

تهــــــانينا يضــرغام
انولد بيــرغ للاسلام
الأمين الصادق احمد
نبي الساده والاعوام

اخو الوالي .. علي الغالي .. اخو نعم الاخو
ابو العتره .. ابو الزهره .. ابو حسين أو كفو
النبي طاها.. بعلي اتباها.. صدح صوته الحلو

درس للخـوه كتبو
صوره للوفه رسمو
يعلمنه مــــن الاول
عشگ حامي الحميه
ــــــــــــــــــــــــــــــــ

اذا جــــــــد العقيله
ابو طــــــالب كفيله
نسب طاهـر اساسه
والاصــلاب الجليله

ملك تاجــــه النـبوه
النهر من ايـده يروه
عجز كلمــن يوصفه
صفـــاته كلها حلوه

الصنم داسه .. على راسه .. موحّد خـــالقه
سجد لله .. النبي صلى .. الشهاده بمنطِقه
صعد صيته.. الشرف بيته .. ابو الزهره رقه

وصل لعّلى السماوات
عليه افضـــل تحيات
وتدنه قـــاب قوسين
من الــــــذروه الـعليه
ـــــــــــــــــــــــــــــــــ

ســــور وآيات نزلت 
اباب اعتابه سجدت
على اســــــمه نبينا
ملائــــك ربنا صلت

محمد اكمــــل الدين
من نصّب ابو حسين
برســـــــــالة ربنا بلغ
وتم النعمــــه ياسين

رفع ايده .. النبي بيده .. هنيئاً ياعلي
خطب بيهم .. يوصيهم.. كلامه يعتلي
علي بعدي .. اخي وعضدي .. رضيته الكم ولي

ونزلت بيـــــــها آيه
بلــــــغ بالـــــــولايه
الأمين ادى الرساله
الى يـــــــوم المنيه
ــــــــــــــــــــــــــــــــ

حيدر بشار الدراجي



https://www.tg-me.com/AL_Nay_and_Alrthaa

#مولد_رّسولنا_الأكرم_وحفيده_الصّادق(ع)

#الصّادِقان🌺

هوَ أحمَدٌ صلّى عليهِ اللّٰهُ
ألِفُ الوُجودِ أحِبّتي تَهواهُ
هوَ خاتَمُ الأسيادِ، هلَّ هِلالُهُ
ربُّ السّماءِ لفَضلِهِ جلّاهُ

هوَ أحمدٌ هوَ صادِقٌ صلّى عليهِ اللّٰهُ
🌺🌺🌺

قلبي بِوالِدِ فاطمٍ لَمُتَيّمُ
صلُّوا علَيهِ أيا كِرامُ وسَلِّموا
هوَ للعِبادِ شَفيعُهُم في مَحشَرٍ
لا ليسَ يشفَعُ زَلّتي إلّاهُ

هوَ أحمدٌ هوَ صادِقٌ صلّى عليهِ اللّٰهُ
🌺🌺🌺

يَهفو الفُؤادُ لِذا البقيعِ وجعفرَ
بالصِّدقِ يُنعتُ سَيِّدٌ بينَ الورى
أَنشِد أيا طَيرَ الغرامِ بمَولدٍ
في الخافِقَينِ ومُهجَتي سُكناهُ

هوَ جعفرٌ هوَ صادِقٌ صلّى عليهِ اللّٰهُ
🌺🌺🌺

يا طيبةُ اليومَ الثِمي أعتابَهُ
واستقبِلي بِحفاوةٍ أحبابَهُ
قد عمّتِ الأفراحُ كُلَّ دِيارِنا
جَلَّ الّذي في العَرشِ قد عَلّاهُ

هوَ أحمدٌ هوَ صادِقٌ صلّى عليهِ اللّٰهُ
🌺🌺🌺

هلَّت بشائِرُهُ بِنا..؛ يا سَعدَنا
والبدرُ إجلالًا لِأحمدَ إِنحَنى
عمَّ السّناءُ بِذي الوِلادةِ والهَنا
سُبحانَ مَن بجمالِهِ سَوّاهُ

هوَ أحمدٌ هوَ صادِقٌ صلّى عليهِ اللّٰهُ
🌺🌺🌺

#متباركين_بذكرى_مولد_الصّادقين💐

زينب الموسوي
#بنت_الزهراء

#مولد_رسولِ_الرّحمة💐
#على_لحن(طلع البدر علينا)

#ميلادُ_الأمين

أشرَقَت أنوارُ أحمَدْ في السّماواتِ العُلى
طَيرُ قَلبي لهُ أنشَدْ   آيَ عِشقٍ رتّلا

صلّى اللّٰه على مُحمّد صلّى اللّٰهُ عليهِ وآلِه

بُشراكُمْ يا آلَ طٰهَ بميلادٍ لِلأمين
أسمِعوا الدُّنيا نِداكُم في ساحاتِ العاشِقين
يا حبيبًا قد حَبانا عِزّةً في العالَمين
واصطفاهُ اللّٰهُ نورًا في السّما والأرَضين

صلّى اللّٰه على مُحمّد صلّى اللّٰهُ عليهِ وآلِه

يا شَفيعي يا مُحمّد يا كريمَ الوالدَين
كلُّنا في الكونِ ردَّدْ جاءَ خيرُ المُرسَلين
مَن سِواكَ قد سَقانا قَطرةَ الماءِ المَعين
يا شُموسُ اليومَ غيبي هلَّ بَدرُ المُؤمِنين

صلّى اللّٰه على مُحمّد صلّى اللّٰهُ عليهِ وآلِه

أتحِفونا بالصّلاةِ على النّبِيِّ الأمين
مَن بهِ الدِّينُ استقامَ يا كِرامًا أجمَعين
عطِّروا كُلَّ الدُّروبِ مِن عَبيرِ الرّياحين
مِسكُ طٰهَ وحَفيدُهْ أثلجَ القلبَ الحَزين

صلّى اللّٰه على مُحمّد صلّى اللّٰهُ عليهِ وآلِه

#متباركين💐

زينب الموسوي
#بنت_الزهراء

#في_الخدمة_المقدسة
#قصيدة_إنشادية
#ولادة_الرسول_الأكرم (صلّ الله علیه وآله)


محمدُ نورُنا الأوّلْ
وقبلةُ عِشقِنا الأجملْ
بمولِدهِ السّنا يخجلْ
محمدُ نورُنا الأولْ(٢)
----

رسولُ اللهِ قد هلَّ
وفي أمِّ القرى حلَّ
عليهِ اللهُ قد صلّى
محمدُ نورُنا الأولْ(٢)
----
محمدُ رحمةٌ كبرى
بمولِدهِ لنا البشرى
محمدُ والدُ الزّهرا
محمدُ نورُنا الأول(٢)
----
محمدُ صفوةُ الباري
أتاهُ الوحيُ في الغارِ
شفيعٌ من لظى النارِ
محمدُ نورُنا الأولْ(٢)
----
نبيٌّ شرَّفَ الأمّةْ
وأنقذها منَ الظُّلمةْ
نقيٌّ طاهرُ العِمّةْ
محمدُ نورُنا الأولْ(٢)
----
هو المحمودُ والأحمدْ
بذكرِ حَبيبِنا نسعدْ
وهذا الكونُ قد أنشدْ
محمدُ نورُنا الأولْ(٢)
----
محمدُ نعمةُ الربِّ
ضياءُ الشّرقِ والغربِ
يُزيّنُ بالهدى دربي
محمدُ نورُنا الأولْ(٢)
----
إليه تحجُّ آمالي
وفي قلبي هو الغالي
وأحمدُ كلُّ رسمالي
محمدُ نورُنا الأول(٢)


#منال_بجيجي

https://www.tg-me.com/AL_Nay_and_Alrthaa

تـــــــــــــــــــــــنويه هااااام

بدأ دعم دعم دار الاحرار للقنوات الدينية

الآدمن اقطع النشر لمدة ساعة

ابرز واجمل القنوات الدينية على التليجرام
تصفح واشترك عزيزي العضو كل ماتريده تجده ضمن هذه اللستة المميزة


من يود المشاركة معنا وتجيه زيادة حلوه القناته يراسل هذا البوت

ويرفع حساب الدعم مشرفا في قناته

@daem_daralahrar313

ــــــــــــــــــــــــــــــــــــــــــــــــ
علما الدعم المنفرد يوميا لقناة حسب التسلسل
ــــــــــــــــــــــــــــــــــــــــــ

📌قائمة دعم قنوات الأحـرار:-

1- قناة دار الأحـرار
https://www.tg-me.com/darMahd313


2- للزهراء انتمي
https://www.tg-me.com/gbnkkm313



3- الشاعرة شمس الضحى الركابي|زهراء الركابي✍️

https://www.tg-me.com/chjiiigddgjiokjhgguujhg

4- النعي و الرثاء لمجالس سيد الشهداء

https://www.tg-me.com/AL_Nay_and_Alrthaa



5- بـنـت المـهـندس
https://www.tg-me.com/zz313g



6- يا يوسف الزهراء
https://www.tg-me.com/Mh_ddy3


7- يا انيس من لا انيس له
https://www.tg-me.com/S313_AL


8- العلم و تطوير الذات
https://www.tg-me.com/sarcnu


9- الشاعرة زهراء الخاقاني
https://www.tg-me.com/Zahraa313sz



10-يّآيّوُسًـفُ آلَزَهِرَآء عَ🌼🕊☘
https://www.tg-me.com/xjbcfh


11- المطمئنة بظهور القائم
https://www.tg-me.com/Reassuring_313


12-؏لَيِّ سِـر أّلله 🍇⁩🫀
https://www.tg-me.com/Mahdion13



13- أّخِـذ بًيِّدٍيِّ يِّأّصّـأّحًبً أّلَﺰمًأّنِ 🕊
https://www.tg-me.com/+doA0wXtoEWtjYzIy


14- لـ يِقيَن 🦋🌿
https://www.tg-me.com/engzahraa1998


15- حسين الروح
https://www.tg-me.com/Waitinglonging313


16- عشق اهل البيت (ع)
https://www.tg-me.com/roz1446

16- عشق اهل البيت (ع)
https://www.tg-me.com/roz1446

نحب من بيه رب الكون أسره
من افضل عشيره وخير أسره
ابحبه گلوبنه للموت أسره
الحبيب المصطفى سيد البريه

الشاعر حسن لعيبي الحريشاوي

♡♡ابوذيات لولاده النورين النبي والامام الصادق♡♡

انولد طه حبيب الله.............نبينا
وفرحنه والفرح واجب..........نبينا
جبنه افراحنه وجينه..............نبينا
نهني ابحضرته الزهره الزجيه

سبحانه الخلق شخصك.........والكون
انولدت وكَلبي الك غرد..........والكون
ضويت السبعه يالصادق.........والكوان
بوهج نورك ينور الله ونبيه

..هوسات♡♧
ابو الزهره انولد ويفوح بس معروف
مدينه من العلم للغافل وميشوف
سوى المو طبيعي وخارج المألوف
(والكون استبشر بقدومه)

ضواه شمس وكَمر يتحدن ابفد دور
جبينه من الارض للسما ايشع بيه نور
واليفرح اكيد بهالفرح مأجور
(والجنه بهالحب مضمونه)

اجيت المحفلك متعني يالهادي
جايب فرحتي والياس واورادي
وسمع بهالمسيه المحفل اينادي
(بالهادي متنوره الدنيا)

♧♧ الخادم فراس موحان الساعدي ♧♧

https://www.tg-me.com/AL_Nay_and_Alrthaa