#استشهاد_رسول_الله (ص)

كظيم الـهم واصـيحَن آه واراه
أصِـل دار النبي ابـيـا عين واراه
أناشد يا هو وسـط اللحد واراه
گالـوا حِـضَر بـس حيدر وصيّه

#جابر_الكاظمي
#ابوذية_جابر_الكاظمي

#نعي

قُل للمغيّب تحتَ أَطباقِ الثّرى 
إِن كنتَ تسمعُ صَرخَتي وَنِدائِيا

صبّت عَليّ مَصائبٌ لو أنّها 
صُبّت عَلى الأيّام صِرنَ لياليا

قَد كنتُ ذاتَ حِمى بظلٍّ محمّدٍ 
لا أَخشَ مِن ضيمٍ وكان حِماً لِيا

فَاليومَ أَخشعُ لِلذليلِ وأَتّقي
ضَيمي وَأَدفع ظالِمي بِرِدائيا

فَإِذا بَكَت قمريّة في ليلها شَجناً
عَلى غصنٍ بكيتُ صباحِيا

فَلأجعلنّ الحزنَ بَعدكَ مُؤنسي 
وَلأجعلنّ الدمعَ فيك وِشاحيا

ماذا عَلى مَن شمّ تُربة أحمدٍ 
أَن لا يشمّ مَدى الزمان غَواليا

جروح فاطمة الزهراء (عليها السلام)

#اللهم_عجل_لوليك_الفرج

https://www.tg-me.com/AL_Nay_and_Alrthaa

#تراث

{ الواثبين لظلم آل محمد }

الواثِبـيـنَ لِظـُلْمِ آلِ مُحَمَدٍ
وَمُـــحَمَدٌ مــُـلقىً بِــلا تَكْـــــفينِ

والقـائِــــــــــــلينَ لِفاطِمٍ آذَيْـتِـــنا
فـي طـُـولِ نَــوحٍ دائـِـمٍ و حَـنينِ

وَالْقَاطِعِينَ أراكَــةً كَـي لا تُقيلُ
بِــــظِلِ أَوراقٍ لهـــا وغُـــصُونِ

وَمُجَمِعي حَطَبٍ عَلى البَيتِ الذي
لَمْ يَـــــجْتَمِعْ لولاهُ شَـمْلُ الدِّينِ

وَالدَّاخِلِينَ عَلَى الْبتولةِ بَيْتَهَا
والمُسْـــقِطينَ لهــا أعَــزَ جَــنينِ

وَالْقَائِدِينَ إمَامهُمْ بِنَجَادِهِ
و الطُـــهرُ تــدعو خَلْفَهُمْ بِـرنينِ

خَلوا ابنَ عَمِّي أَو لأكشِفَ لِلدُعا
رَأســـي وَأَشْكُو لِلإِلَهِ شُجُونَي

ماكانَ نَاقَةُ صَالِحٍ و فَصِيلُهَا
بِالْفَضْلِ عِنْدَ اللَّهِ إلا دُونِي

وَرَنَتْ إِلَى الْقَبْرِ الشَّرِيفِ بِمُقْلَةٍ
عَبْرَى وَقَلْبٍ مُكْمَدٍ مَحْزُونِ

نَادَتْ و أَظْفَارُ الْمُصَابِ بِقَلبِها
أَبَتَّاهُ عَزَّ عَلَى الْعِدَاةِ مُعِينِي

أبَتاهُ هَذَا السَّامِرِيُّ و عِجْلُهُ
تُبِعَا وَمَالَ النَّاسُ عَنْ هارُونِ

أَيَّ الرَّزَايَا أَتَقِيّ بِتَجَلُّدٍ
هُوَ فِي النوَائبِ مُذْ حَيَيْتُ قَرِينِي

فَقْدِي أَبِي أَمْ غَصْبَ بَعْلِي حَقَّهُ
أَمْ كَسْرَ ضِلْعِي أَمْ سُقُوطَ جُنَيْنَيْ

أَمْ أَخَذَهُمْ إِرْثِي و فَاضِلَ نِحْلَتي
أَمْ جَهْلَهُمْ حَقِّي وَقَدْ عَرَفُونِي

قَهَرُوا يَتِيمِيكَ الحُسَيْنَ و صِنْوَهُ
وَسَألتهُمْ حَقِّي وَقَدْ نَهَرُونِي

*المرحوم صالح الكواز*

#اللهم_عجل_لوليك_الفرج

(102)
https://www.tg-me.com/AL_Nay_and_Alrthaa

ليلة ٢٨ صَفر | صّاحت الأرض حُزنًا للسّماء قد فَقدنا
خِتام الأنبيَاء 💔
‏‌#استشهاد_الرسول_الأعظم⁩

بسم الله الرحمن الرحيم

{{وَمَا مُحَمَّدٌ إِلَّا رَسُولٞ قَدۡ خَلَتۡ مِن قَبۡلِهِ ٱلرُّسُلُۚ أَفَإِيْن مَّاتَ أَوۡ قُتِلَ ٱنقَلَبۡتُمۡ عَلَىٰٓ أَعۡقَٰبِكُمۡۚ وَمَن يَنقَلِبۡ عَلَىٰ عَقِبَيۡهِ فَلَن يَضُرَّ ٱللَّهَ شَيۡـٔٗاۚ وَسَيَجۡزِي ٱللَّهُ ٱلشَّٰكِرِينَ }}

28 صفر هو ذكرى شهادة حبيبنا و شفيعنا نبي الرحمة والأنسانية
خاتم الأنبياء والمرسلين ابا الزهراء ارواحنا وأرواح العالمين لتراب مقدمه الفداء

في أخر رسالة و وصية له حينها قال صلوات الله عليه
((إني تارك فيكم الثقلين ما إن تمسكتم بهما لن تضلوا:
كتاب الله وعترتي أهل بيتي وأنهما لن يفترقا حتى يردا علي الحوض ))

بعدها حدث ما يحمل عقباه من انقلابات
على آل بيته عليهم السلام

لعن الله القوم الظالمين و اصلهم يارب سعير نارك

أعظم الله لنا ولكم الأجر .

"أُصِبْنا بِكَ يا حَبِيبَ قُلُوبِنا ، فَما أعْظَمَ المُصِيبَةَ بِكَ حَيْثُ انْقَطَعَ عَنَّا الوَحْيُ ، وَحَيْثُ فَقَدْناكَ ، فإِنَّا للهِ وَإِنَّا إِلَيْهِ راجِعُونَ"💔

"اعلمُوا أنَّ الدُّنيا بحرٌ عمِيقٌ
قد غرِق فيها خلقٌ كثيرٌ، وأنَّ
سفينة نجاتِها آلُ مُحمَّد.."

- النبي الأعظم (ص) ❤️

نعي حول الرسول



شايل نضر عيني وضواها
والعافيه وياه خذاها
عزيز الوالد وروحي كضاها


تبجي الزجيه وتهمل العين
وتكول شايل جد الحسين
عليه الحزن مو يوم يومين


يسوه البجي ويسوه ونيني
وانعه واودر كون عيني
هيبه الابو وشمعة اسنيني


في الابو ما مثل فيه
وحنين من ينشد عليه
شيجيبه بعد ويعود اليه


هيهات والظنه اكطعتهه
والبويه غصبن فاركتهه
انه بعازت العشره وردتهه

بعدني بعازتك يابويه تدري
وعمري اخلافك شنهي عمري
يالدللتني وشلت بزري


للموت شايل ما تجينه
وعليك الكلب حضر ونينه
تدري بروحي اشكد حنينه

انه ما افاركك تدري بحياتي
ويا هيبتي وخيمة بناتي
وياك اريد انه مماتي


اتمنيت عمري يروح فدوه
العمرك يبو عشرت الحلوه
تسوه الحزن يابويه تسوه




لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له ج



https://www.tg-me.com/AL_Nay_and_Alrthaa

(نعي لأستشهاد الرسول مجمد.ص)
....................................
گرب أليـه المـوت ويــن الصمـيـده
يحظـر أبـوالحسنـيــن يمــي أريــده
لمـن أمــوت اليــوم يدفنـــي بـيـده
*
مات الرسـول اليـوم أحـمـد نـبـيـنــه
وبعده أصبحت ياناس وحشه المدينه
يـثـرب أهلهـا أتنـوح ظلـت حزينه
*
ابدار الصميـده اليـوم حلـت رزيـه
لمـن مشـه المختــار هاي المسـيـه
نصبت عـزاء اعليه بنتـه الزجيـه
*
بنـتـه الزجـيـه اليـوم مـن ودعـاها
للهادي وسط الروح نصبت عزاها
وظلت تـون وتـنـوح عالفـارگـاها
**

شحال الوديعه أخلاف عينك يطاها
تبجـي وتنـوح اعليـك حيـدر لگاها
بعدك تشـوف الظيـم بنـتـك تـراها
*
يبجي الحسن وينوح دمعه اعله خده
راح اليـعـزه أهـــواي راح الـيــوده
حگه يظـل مهمـوم ينعـه اعله جـده
***
ياجد يصيح احسيـن لاتبعـد ارجاك
لا مو سهل عالروح ياجـدي فرگاك
بنفـس الگبــر جـداه أدفـنــي ويــاك
*
راح النـبـي المخـتـار سيـد البريـه
وبأمــــة الأســــلام حلـت رزيـــه
أملاك السماء اعليه نصبت عزيه
***

أحزن عليـه الكون وأعلـن حـداده
ونـاح الوحـي جبريل يوم أفتـقـاده
آ.يا محمـــد آه بالحــســـره نــــاده
**
أملاك السمـه وجبريل نزلو يشيعون
وي الصميده اليـوم كلهـم يحضـرون
البيت النبي المختار حضرو يعزون
****
خادم أهل البيت(ع)
الشاعر: حيدر كامل العبودي

https://www.tg-me.com/AL_Nay_and_Alrthaa

نعي بحق النبي محمد صلى الله عليه واله وسلم عن الزهراء عليها السلام


علية البيت موحش يالعفتني
اجر حسرات والونة اتركتني
وحگك بالگلب بوية صبتني
رحت عني يبوية وما خذتني
==================
اچلب بالنعش بثنين ادية
عزيز وفرگتك تصعب علية
اضل ارجاك كل صبح ومسية
بگبر واحد يكون انطب سوية
===================
مدري شلون عمري ايصير بجفاك
وانة كلساع گلبي ايريد ملگاك
اخذني للگبر يا بوية وياك
عزيز وبالگلب يچويني فرگاك
=====================
ليل انهار انوح عليك وانحب
يبو القاسم ترة گلبي تصوب
يبو طول الحلو گلبي تعذب
احس موتي بعد شخصك تگرب
=====================
أسألكم الدعاء رائد الاسدي


https://www.tg-me.com/AL_Nay_and_Alrthaa

#حصرياً
قصيدة لرسول الاعظم ص
ــــــــــــــــــــــــــــــــــــــــــــــــــ

انه الزجيه... انه الزجيه
يابويه عد راسك اون
انه الزجيه

بس رد عليه بس رد عليه
بفرگاك يگضيني الحزن
بس رد عليه
ــــــــــــــــــــــــــــــــــــــــــــــــــ

انه الزجيه بنيتك واسمع عتابي
لو رحت عني يلابو يكثر مصابي
تتركني بالهم والمصايب وبعذابي
وتموت عگبك ياالولي زهرة شبابي

كون المنيه كون المنيه
تلفيني وياك بعجل كون المنيه
انه الزجيه انه الزجيه
يابويه عد راسك اون انه الزجيه
ــــــــــــــــــــــــــــــــــــــــــــــــــ

تمنيت موتي وياك ياعزي ودلالي
ولاشوف بيتك يوحش ويضلم يغالي
ماعدي غيرك انت الي كلشي يوالي
ارحم دمع عيني يبويه وشوف حالي

شيصير بيه.. شيصير بيه
من تغيب يوليني الدهر
انه الزجيه
ــــــــــــــــــــــــــــــــــــــــــــــــــ

يوليني دهري بغيبتك واشبع مصايب
ولو وين اروح من انهضم والوالي غايب
مضمومه الي بفرگاك يابويه النوايب
روحي عليك ممرمره والگلب ذايب

محمل اذيه محمل اذيه
يالدللتني مروتك
انه الزجيه
ــــــــــــــــــــــــــــــــــــــــــــــــــ

ردلي يوالي تريد ملگه وياك العيون
كل حيلي تدري وياك ياوالينه مرهون
باجر اگضي ايامي كلها شلون بشلون
انشد عليك بفرگتك حتى اليمرون

العايف بنيه العايف بنيه
وعليها هم يرجع بعد
انه الزجيه انه الزجيه
ــــــــــــــــــــــــــــــــــــــــــــــــــ

هل ايست روحي يبويه والامل خاب
هيهات ماترجع عليه ونمت بتراب
هضمتني كلش روحتك ياغله الاحباب
ضليت اناطر گاعده وانحب عله الباب

دموعي جريه.. دموعي جريه
للحمل وناسيني اون
انه الزجيه
ــــــــــــــــــــــــــــــــــــــــــــــــــ
بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له


https://www.tg-me.com/AL_Nay_and_Alrthaa

٢٨ صَفَر المُظَّفَر

استشهاد النبي الأعظم رسول الله مُحَمَّد
(صلىٰ الله عليهِ وآلهِ وسَلم) سنة ١١ هـ.

عظم الله أجوركم 💔
#استشهاد_الرسول_الاعظم

صُبّتْ المصائِبُ على الآلِ بعدكَ يا رسول اللّه