🥀 إلى صاحبة القلب الصغير الذي لم يحتمل فراق الحبيب، والعينان اللتان بقيتا تنظران إلى رأسه المقدس في طشت الظالمين، سلامٌ عليكِ من قلوبنا المنكسرة حزنًا عليكِ …

#يارقية
#شهيدة_الرأس

وها هي السّيّدة رقيّة تموت من انتهاء الآمال، وضياع الأحلام، وصدمة الرأس المفصول.. ها هي تثبت إنّ الآلام النّفسيّة تقتل الإنسان فعلًا!

_٥_صــفـــرّ

‏"السلامُ على الصغِيرة التي أوجعها المكُوث في الأرض و أدركت أن لا حيّاة بعدَ الحُسين💔
أعظم الله أجورنا وأجوركم في ذكرى شهادة سيدتنا ومولاتنا رقيه عزيزة الحسين عليه السلام 😭💔."

‏⁧#عزيزة_الحسين⁩

رُقيّة، ظلّت تمثّل لنا منتهىٰ الذّوبان بإمام
زمانها، رُقيّة عرفت ڪيف يڪون الاتّصال
بالحُسين هو بمثابة الدّنيا أجمع، وبعده
عليها العفا "عليهم السّلام"

يا زوار انحبوا وابجوا عليّه .. بنت حسين انه واسمي رُقية
يا زوار انحبوا وابجوا عليّه .. بنت حسين انه واسمي رُقية

يزوار انحبوا وابجوا لحالي .. وذكروا عزتي وخدري ودلالي
انه بنت النبي من بيت عالي .. انه بنت النبي من بيت عالي
جدي المصطفى خير البريّه ..


جدي المصطفى سيد الكونين .. جدي المرتضى والد السبطين
والعم الحسن والوالد حسين .. والعم الحسن و الوالد حسين
وجدتي فاطمة زهره زجية ..


احنه اللي نشأنا وتربينا .. بمدينة جدنه الهادي نبينا
وين الشام وين ارض المدينة ... وين الشام ووين ارض المدينة
عدونا ماعرف حرمة نبينا ..


عدانا عن حرم جدنا بعدونا .. وعن تربة وطنا شردونا
ذبحوا كل هلي واحنه سبونا .. ذبحوا كل هلي واحنه سبونا
هضم مر اعلى عماتي وعليّه ..


يوم الغاب ابويه حسين عني .. والله كل بجى والنوح فني
منه اتيتمت من زغر سني .. منه اتيتمت من زغر سني
يسموني العدى ياخااااااااااااارجيـــــة ..



حين النزلونا بالخرايب .. شفت طيف الابو لن عني غايب
جابوا راسه بطشت النوايب .. جابوا راسه بطشت النوايب
ويا راسه جابولي منية ..


https://www.tg-me.com/AL_Nay_and_Alrthaa

#أبوذية

اذان اجروح صاير   عمه اذاني
الشمر وبصوطه بالطف عمه اذاني
اخذ ويه التراچي   عمه اذني
الوجع والدم صبغ وجهي و اديه

سلام البهادلي

#اللهم_عجل_لوليك_الفرج

#السيدة_رقية
#شهادة_مولاتنا_رقيّة
#عزيزة_الحسين(ع)

كأنّي بمولاتِنا رقيّة(ع) تبُثُّ حُزنَها ومُصابَها لعمّتِها العقيلة زينب عليها السّلام ثمَّ تخاطب رأسَ أبيها المذبوح قبل أن تُوافيها المَنيّة🖤

رُزءٌ أُصيبُ بهِ فُؤادُ حُسَينِها
تِلكَ العزيزةُ ألهبَت لي أدمُعي

في الطّفِّ كُلُّ الأهلِ صَرعى قد غدَوا
فبَكَت لهُم -واحَسرَتي- بتَفَجُّعِ

تَشكو المُصابَ لزَينبٍ لهفي لها
يا ليتَ كانَ بأَرضِ كربٍ مَرتَعي

يا ليتَ سَهمًا في فُؤادي قد ثَوى
وعلى الثّرى يا عمّتي ذا مَصرَعي

أفدي الرّضيعَ مُضَرَّجًا بدِمائِهِ
فالمَهدُ خالٍ، ذا أخي لم يَرجِعِ

حَنَّت لِوَجهِ السِّبطِ، يَعلوها الشّجى
أبَتاهُ أينَكَ!؟ في الخَرابةِ مَضجَعي!

عُد.. فالأَعادي قد سبَونا بَعدَكُم
أوَ ما كَفاهُم مِنكَ كَسرُ الأَضلُعِ

قد أَلَّموا مَتني بِسَوطٍ حاقِدٍ
لكَ أشتَكي آلامَ روحي فاسمعِ

سُبِيَت بَناتُ المُصطَفى يا والدي
بعدَ الرّزايا شَمسُنا.. لم تسطَعِ!!

#أعظم_اللّٰه_أجوركم◼️

زينب الموسوي
#بنت_الزهراء

https://www.tg-me.com/AL_Nay_and_Alrthaa

🏴🏴🏴
*عظم الله لك الاجر سيدي يا صاحب الزمان*

*نرفع أسمى آيات العزاء الى رسول الله (صلى الله عليه وآله) وآل بيته الكرام(صلوات الله عليهم أجمعين)*
*والى المراجع العظام والأمة الاسلامية جمعاء

*بذكرى استشهاد عزيزة الحسين عليه السلام الشهيدة المظلومة مولاتنا السيدة رقية عليها السلام*

*نسأل الله سبحانه أن يرزقنا في الدنيا زيارة محمد وآله النجباء(صلوات الله عليهم) وفي الآخرة شفاعتهم*

#٥_صفر
#ذكرى_شهادة_مولاتي_رقية_عليها_السلام

🏴أعظم الله أجورنا وأجوركم

▪️

وَكم أقرَحَت كُلَّ جَفنٍ رُقَيّة!
إلى ابنِ زِيادٍ تُقادُ سَبِيّة

وفي"الطِّشتِ"رأسَ الحُسينِ رأَتهُ
هَوَت فَوقَهُ البِنتُ..؛ يا لَلرّزِيّة!

حملة إبداع الشِّعريّة لمناسبة ذكرى استشهاد عزيزة الحسين عليه السّلام

#سيِّدتنا_رقيّة
#إبداع

زينب الموسوي
#بنت_الزهراء

ــــ نـــعــــي ــــ

يـــيــمه الــوكت صار أظلم علينه
بـــفگـــــد عباس بالغربــه انوليـنه
حرم و يــتــام بـس نــصفك بدينه
ــ واحنه إبلا  ولـــي يمي الـزجـيه ــ
ـــــــــــــــــــــــــــــــــــــــــــ.
اجيت من السبي ونــيران بالروح
يخويه حسين والدلال مــــجروح
ونظل طول العمر عالفاجعه انوح
ـ ونظل ننعاك كل صبح او مسيه ــــ
ـــــــــــــــــــــــــــــــــــــــــــ
يا عـــباس يالشايــــل لوانــــــــه
وسفه الشمر ياخويــــه ولانـــــه
بگيت إبلا ولي مــحــد حمانــــه
ولـــبــن ازيــــاد  ودونـه هــديــه ــــ
ـــــــــــــــــــــــــــــــــــــــــــ
خالد جودي العارضي

https://www.tg-me.com/AL_Nay_and_Alrthaa

🏴

هوت #رقية..
و هوى السناء على رأس من كان نبع السناء!

ماتت رقية..
و مات النقاء

#اعظـﻣ الله لکﻣ الاجـر

🌿🏴

نعي مصيبة الدفن للسيده رقيه

من ديوان

#مواجع_الطف_الجزء_الثاني

ابوذيه ……

ونينـي اليوم مــايبطل ونا هنا
خرابه وكسرت اكليبـي ونا هنا
رقيه اعله الطشت ماتت ونا هنا
شلون امشي واعوفنها البنيه

•───✧◐◐✧───•

يتيمه تموت مايمها اهلها
بس سجاد محتار بدفنها
بخرابه ولا چفن ويفصل الها

•───✧◐◐✧───•

عليها تعلمت ياناس روحي
ياروحي عالحلوات نوحي
وللموت ماتشفه جروحي

•───✧◐◐✧───•

تحاجيني كل صبح ومسيه
اذا ماسيرت تنشد عليه
اليوم الغاليه حدر الوطيه

•───✧◐◐✧───•

عزيزه واخذها الموت مني
امانة حسين اخذوها مني
شكله لورحت وعنها سألني

•───✧◐◐✧───•

قال الإمام زين العابدين (عليه السلام):
عمه زينب ارفعي اليتيمة عن رأس والدي فإنها فارقت الحياة، فلما حركتها زينب وإذا بها قد فارقت روحها الدنيا فارتفعت الأصوات وعلا الصراخ، وقيل:
أحضر لها أهل البيت مُغَسِلَةُ لتغسلها، فلما جردتها عن ثيابها قالت:
لا أغسلها، فقالت لها زينب (عليها السلام): ولم لا تغسلينها ؟!
قالت:
أخشى أن يكون فيها مرض، فإني أرى أضلاعها زرق، قالت زينب (عليها السلام): والله ليس فيها مرض، ولكن هذا ضرب سياط أهل الكوفة

هنا السيدة زينب تتكلم مع المغسله…..
تكلها ……

مابيها مرض يمغسلتها
واسياط أميه الزوركتها
صبح ومسيه مكابلتها

•───✧◐◐✧───•

ماي وسدر حطي وكافور
اهي طاهره والغسل مجبور
صغيره ويوجع نوم الكبور

•───✧◐◐✧───•

بهداي من تغسليها
ترفه وذبلانات اديها
وبراحتج لتعوريها


عندما اكتمل الغسل والتكفين دفنها اخوها السجاد حفره لها حفره في الخربه ووسدها في قبرها أهنا صاحت زينب …

•───✧◐◐✧───•

يسجاد عمه ادفنها بهداي
اخيتك صغيره ومردت حشاي
غطي الورده بالترب هاي

•───✧◐◐✧───•

ونت زينب الحره عليها
يحلوه ياترفات اديها
والموت خرب معانيها

•───✧◐◐✧───•

صغيره ومشت مني بسرعه
مشتاكه صوت رقيه اسمعه
يدفان بكبرها خلي شمعه

•───✧◐◐✧───•

زغيرونه وتخاف الليل ظلمه
وشبعت قهر شبعت مغمه
ياثوبها چاوين اضمه

•───✧◐◐✧───•

يمعدله وحلوة محاچي
محلاهن اعليچ التراچي
حنينه رقيه وكلب زاچي

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/AL_Nay_and_Alrthaa

نعي رقيه تقول
…
حنيتلك يابويه حنيت
ادريك كونك عدل چاجيت
يالماتفارگ وجهي بالبيت
ترجع علي مره تمنيت


بويه الليل خيم والگلب طاگ
وعاين عالزلم حسبالي الگاك
ولاواحد يشبهك حتى احاچيه
ونشده اعليك خاطر امشي وياك
تعبت من الركض مابين الوجوه
ولاعمتي التگلي والدچ ذاك

تعبت من الركض موتعب رجلين
تعب بالي ابكثر ماگلب اوجوه
مااشتم هوه اتنفس اسهام
ودخان الخيم عطاب تدروه
اعاين عالزلم ماترس ابشوف
مستحيه شكثر خافن يشوفوه
يصيحولي رقيه وماصحت ها
خاطر حرف بسمي مايحفظوه
ذباحه وعلينه هدت اسيوف
ونه عندي حلم بس لايذبحوه
اشوفك ولو مره واگعد وياك
يالحظنك دفو بالخيل سحگوه
معاناة اليتيمه بأخر الليل
بس الفاگدين اهلهم حالي يدروه
اوصيكم وصيه وذمه للموت
اخبروه اعله حالي من تلاگوه

مثل قرءان ومصابك تلاني
واشاگف سوط والثاني تلاني
سطرني وطحت وبأيده تلاني
وگفت ورد سطر يتسله بيه
……
علي الحاج الصبيحاوي


https://www.tg-me.com/AL_Nay_and_Alrthaa

#نعي

كسرة مولاي الحسين
لمولاي الحسن روحي فداهما
___
شحلات السانك من يصيح بسمي
يل تفرح الكلب يل امك امي
على امصابك يخويه يفور دمي
وسف ظهر الاخوة تفلت احزامه
___
شحلات الضحكه ذيج وذاك ملكاك
تاخذني المحنه واضحك وياك
يدكات الگلب ذابحـني فركاك
الحنين شلون تنسه الروح ايامه
___
يـخـوي ويا عيوني وياضواها
خلافك من تروح يحل عماها
السهام اجنازتك يمشن وراها
يــدره وضاعت وكبرك لكاهـا
___
اذا تمشي نشيل وياك كلنه
من تشيل يعني تشيل اهلنه
هوانه وياسمانه ويافخرنه
حسين وراحته بعينك لكاها

الشيخ_حيدر_الحميداوي

#اللهم_عجل_لوليك_الفرج
https://www.tg-me.com/AL_Nay_and_Alrthaa