موشح إلى الإمام الحسن عليه السلام


يـــــا كــريــم وحــاجتــي أدريــها
غيــرك انتــه يــا شخـص يگضيها

*-----------*----------*

يــا كــريـم وحگـي لــو بابــك ادگ
يا عشگ طاهــر فــلا مثــله عشـگ
ادري بــاب الله انتــه المـن صــدگ
لهفــت  المشتــــاگ  تشعـــر  بيـهـا

*-----------*----------*

بلهفــت المشتاگ أجيتــك يالحـسن
همــومي كثـره ويم مضيفك نوخن
أدموعي مرخوصات لــو يمك جرن
غاليــه أعليـــك الدمــــوع أجـــريها

*-----------*----------*

غاليــه أعليـك المدامع من تصـب
يــا كــريم ومـا تـرد چـف المحـب
انـه ضامــي وانته شـلالك عــذب
صحــره روحي ومايــك أيــرويها

*-----------*----------*

مايــك أيـروي الأرض بالمكــرمـات
والحيــاة ابلايـه جــودك مـو حيـاة
جفي أمده شكثـر شايــل أمنيــات
مـــا تــردها  وحــاجتـي اتگضيــها

*-----------*----------*

حــاجتـي اتگضيـها يبـن الأنـبيـاء
والتــوسـل بيــك مقبــول الدعـاء
ضنـو الشمــات لــو مــاكــو بنـــاء
نعــوفــك احنــه يالحسن تــاليـها

*-----------*----------*

انعوفك احنه هاي ما ترهم محال
لــو تسيخ الأرض وتمــور الجبـال
لا وحگك يالحسن ننســى  محـال
الشيعه مــا تنسى الحســن واليها

*-----------*----------*
الشاعر
موسى البديري

https://www.tg-me.com/AL_Nay_and_Alrthaa

الشال حسين بعيونه
من يحجي يعرفونه
الخادم من صدك لحسين من يحجي يعرفونه

كبل لا اسولف اسمعني اريد حجايتي احجيهه
انا المقصود موغيري قصدي الروح اربيهه
اربيهه اعله حب حسين وبدربه ادليهه
وشرط كون اليحب حسين روحه اخلاق يحويهه
كون يعيش عنده احساس
جود ايشوف يم عباس
ومن يذكر عطش اطفال نبع والكل يگصدونه


الخادم من صدك لحسين يشوف الموكب اطفوفه
ويشوف الزلم والخيل ونحره المنبر يشوفه
ومايقبل يطب بطران يقره وتجرح احروفه
بالموكب نهر مذبوح ضامي وتنحب اجروفه
بالموكب نشد رايات
ومثله انصيح هم هيهات
هذا الي يريده حسين واهل البيت يردونه

يهنياله الخدم بإخلاص صافي النيه هنياله
بكل موقف يشوف حسين لجله ادموعه هماله
ولو مر بالوكت عاشور سواد ايغيراحواله
هذا الي يحس بحسين حبه انشوفه بفعاله
من جرحه بحزن مجروح
مهضومه وتون الروح
ياونت الفكدله اعزاز ردو لو يسمعونه

ولو مره العسر والظيم ينخه ابزينب اتصبره
شافت بالمصاب الوان جرح اخوانهه اشكبره
شافت روس مرفوعات شافت رمح ال بنحره
ومسبيه ودربهه ابعيد وبالدلال الف حسره
زينب للصبر عنوان
مهظومه ابكلب حزنان
بس وكفت تكلهم حيف شماته اشلون يسبونه

الناوي ايريد يخدم كون خل ياخذ عهد وياه
يكله ابخدمتك مولاي كل طاري التعب انساه
ولو افني العمر مرات خادم والوكت محلاه
امل عندي الامل موجود باجر هل تعب الكاه
لعيونك تصد عيني
بالمحشر تلاكيني
فدوه اسنيني الك يحسين والك هل روح ممنونه
خادمكم حسين محمد الزهيري
اسالكم الدعاء
الوزن الطويل

https://www.tg-me.com/AL_Nay_and_Alrthaa

مظلوم يالمجتبى
مسموم يالمجتبى

***

يا ملاذ الأمه ياباب الرجاء
ثاني إمام ورابع أصحاب الكساء
سيد أهل الجنة في يوم الجزاء

وللفضائل أصبحت عنوانها

****

من هوان الدنيا تبقى إبلا معين
وأنت ابن حيدر أمير المؤمنين
حجة الباري اعله كل المسلمين

ثورتك كشفت وجه خذلانها

****
نسلت سيوف التخاذل والغدر
ومن ظلمهم أنت عانيت شكثر
ياصبر من عنده يحتار الصبر

ما تلاويك المحن واحزانها

***
تبقى شامخ يامعز المؤمنين
وذكرك الخالد على مر السنين
النكر فضلك أكيد ابلايه دين

والشريعة منهو غيرك صانها

***
تفطرت من سم غدرهم جبدته
يم محمد جده منعو دفنته
وبالسهام وصوبوها اجنازته

وأظهرت ذيج المره عدوانها

****
الظلم ليهسه صرنه نشاهده
هدمو وزالو معالم مرقده
واحنه عاهدنه ونرد نعاهده

محبتك وسط الگلب نيشانها

***
ياسر الساعدي

https://www.tg-me.com/AL_Nay_and_Alrthaa

‏وخوفي من نوصل الشام
‏اتشوف أبوها بالأحلام.

الُلُُهــــمٌ صل على محمد وال محمدو ْعجْلُ لُوَلُيَــــــكِ الُفَـــــرَجْ وَالُنَصّـــــــرَ الُمٌبّيَــــــــنَ بّرَحُمٌتْــــــكِ يَاأرَحُـــــمٌ الُرَاحُمٌيَـــــــــــنَ 🌹

🗯🍃💭اللهـــــــــــــــمَ 🗯🍃💭صـــــــــــل 🗯🌊💭علـــــــى🗯🍃💭محــــــمـــــــد💭🌊🗯 وآل محمد 💭🌊🗯وعجل فرج قائم آل 🗯🍃🗯محــــــمـِـــــــد🌊🗯آلّلّّهًمٌﷺعَجُلّﷺلّوَلّيِگٍﷺآلّفَُرّجُ💭🍃🗯

لسلامة قلب مولاي صاحب الزمان
الصلاة على محمد وآل محمد

#اللهم_صل_على_محمد_وآل_محمد
#اللهم_عجل_لوليك_الفرج

تجليبه السيدة رقيه (ع)




اول طفله من جور العده الظلام
على نحر الحسين اتموت برض الشام

١

اول طفله تمشي بليل مسبيه
مابين العده ونيران مجويه
الشمر يركض وراها ايصبح علويه
جتفوها بحبل خل تشهد الأيام
٢
جتفوها بحبل هالليله جتفوها
وجيبو راس ابوها يمها خلوها
لترحموها هاي الليله ضربوها
ولتخلوها تغمض عينها وتنام
٣

مشوها سبيه بنار دمعتها
تمشي وي الحرم وياها عمتها
يا وسفه الشماته كلها شافتها
وعليها كام ينظر الخاص وعام
٤

وصلت للنواصب والدمع بالعين
بعد رحلتها شافت كل دواهي البين
دخلوها بخرابه ويمها راس حسين
نظرت للطشت بس الكلب محتام
٥

شافت راس ابوها وشهكت بدمعه
متحملت رقيه وبالحزن تنعه
حست لحظه بس ورايح اتودعه
من كثر المواجع كلها والآلام
٦

فزت بالخرابه الطفله من نامت
من شافت ابوها الفرحه مادامت
شافت نحره دامي وبالعجل ماتت
ادعو الليله كون اتسجل الخدام





لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

https://www.tg-me.com/AL_Nay_and_Alrthaa

▪️رباعية السيدة رقية عليها السلام

١/كربلا تبكي لها عينُ السَّماءْ
ولرُزءِ الشّامِ تبكي كرْبلاءْ
فإليها قَدْ سَبَوْا فخرَ النِّساءْ
كالإما بُغضاً لأُمِّ الحَسَنينْ

٢/شامُ، لا هُنِّئتِ في يومٍ سعيدْ
ما شفَتْ غِلَّكِ أغلالُ الحديدْ
زينبٌ أدْخَلْتِها قصرَ يزيدْ
حبلُها شُدَّ بشبلِ الخِيرَتَينْ

٣/بعدَها في خِرْبَةِ الليلِ الحزينْ
أيُّ صوْتٍ أيْقظَ الرِّجسَ اللعينْ
كادَ مِنْهُ الصخرُ مفطوراً يلينْ
قيلَ هٰذي طِفلَةٌ تَرْجُـو الحُسَـيْن

٤/ضمَّها في طيْفِها بَعْدَ الفِراقْ
فَشكَتْ والقلبُ يكــويهِ اشتِيــاقْ
يا أبي،طافتْ بِنَا عُجْـفُ النِّياقْ
وسياطُ الشِّمرِ تعـلو المَنكِــــبَيْنْ

٥/بينما تشكو لَهُ مُرَّ العَــذَابْ
إِذْ بها قامتْ وعنها السِّبطُ غابْ
قعدتْ تدعو وضَجَّتْ بانتحابْ
أينَ ذاكَ العطفُ والتَّحنانُ أينْ؟؟

٦/وكأنِّي بابنِ سُفْيانٍ يصيحْ
سكِّتُوا ذاكَ البُكا كيْ أسْتريحْ
ثمَّ نادى: إحملوا هذا الذبيحْ
بعدما بالسَّوطِ آذى الوَجنتينْ

٧/أعوَلَتْ لمّا رأَتْ رأسَ الحَبِيبْ
ثغْرُهُ المقروعُ أدماهُ القضـــيبْ
فانحنتْ لثماً على الخدِّ التّريبْ
وقضَتْ تنعَى قَطيــعَ الودَجَين

الشاعر علي عسيلي العاملي

#السيدة_رقية
#اللهم_عجل_لولیك_الفرج

https://www.tg-me.com/AL_Nay_and_Alrthaa

............فائدة .........

.*ماهي السورة التي إذا قرأت بالمنزل عم الهدوء والسلام والبعد عن المشاحنات*؟
سورة النور

*ماهي السورة التي تؤلف بين قلب الزوجين بالمحبة*؟
سورة الرحمن

*ماهي السورة التي تزيد الرزق*؟
سورة الواقعة

*ماهي السورة المحصنة للإنسان وهي حرز وحفظ له*؟
سورة البقرة

*ماهي السورة التي تسخر لك الخلق*؟
سورة ص وسورة فاطر

*ماهي السورة التي تجعلك تكشف بواطن الأمور*؟
سورة سبأ

*ماهي السورة التي تعصمك من الذنوب*؟
سورة المؤمنون
اللهم صل على محمدوال محمد

🕊
في قلبيَ الأشواقُ تستعرُ!
لا زلتُ يا مولايَ أنتظرُ!

أدري بأنكَ كنتَ تسمعني
في الليلِ حينَ تلألأَ القمرُ

ولأنتَ مَن فجرًا تُلاطفني
فلآلئُ الدمعاتِ تنتثرُ

شوقًا تقصُّ عليكَ راحلتي ..
بحنينها لهفاهُ تعتصرُ

روحي تئنُّ، تقطّعت سُبلي
ومشاعري بالبعدِ تنكسرُ

فاجبر حنينَ القلبِ يا مددي!
بوصالكَ الأشواقُ تنجبرُ

#زينب_فياض

🕊
#السيدة_رقية

يا مساءَ اليتم يا جرحَ اليتامى
فيك قلبي نحوَ روح الروحِ هامَ

يرتجي لقيا حبيبٍ ليسَ يخفى
عن فؤادي فيه شوقي قد تنامى

قادمًا في ليلةٍ يشفي حنيني
عينُه قالت لدمعاتي سلاما

بين أضلاعي غفا يحدي لصدري
حنّ قلبي ثم نبضُ القلبِ نامَ

#زينب
#عظم_الله_أجورنا_وأجوركم

https://www.tg-me.com/AL_Nay_and_Alrthaa

#نعي
مولاتي رقية روحي فداها

ظني الطشت بيه ماي بارد
ثاريه راسك چان گاعد
شفت برگبتك ثلمة ارماح
كلساع تندار علة واحد
ـ_
تعبان راسك والضمة اهواي
وماضايگ من العاشر افياي
بالگوة من شفتك عرفتك
متغير من الضيم والماي
ــ____
يابو التراچي امتوني زرگة
اتلاگينة بس مو خوش ملگة
ماعرف أعاتب واعتب عليك
لاتنشم ولا بيك شبگة
ـ_
كتلك بطيت وگتلي محتام
يومية ادورج بين الأيتام
خلف الضعن تمشين والشال
راسي برمح يركض لكدام
ـ_
علة اعيوني اشوفنج بعيدة
وكلساع اصيحن يالشهيدة
مبيوگ صوتي وسكتة الاصياح
بيمن يأشر الماهي ايدة
ـ_
انـدارلـج كـل مـا عـثـرتـي
والـگـة الرمح ماكل رگبتي
كل ساعة طايحلج ع الگاع
وتتبلل اخدودي بدمعتي

حسن الترابي

#اللهم_عجل_لوليك_الفرج

https://www.tg-me.com/AL_Nay_and_Alrthaa

#في_الخدمة_المقدسة
#محرم_١٤٤٦
#مجلس_الشام
#مصائب_العقيلة

(نعي شعبي)

مْصاب العقيله ثگيل وما مثله مُصاب
فگد الأهل والعزوه ومُداراة الحجاب

عادة الحُرمه عدْنا عزيزه مدلله
تگعد بْدارها مخدره بين العايله
بس زينب وضعها مختلف في كربلا
هذي بت حيدر وحيده مابين لغراب

كل حُرمه بعيالها ولخوه تلاگي العمد
يسعوا إليها بالخدمه وما تحتاج أحد
بس زينب تسعى مابين حسين وعباس السند
ومن بعدهم غريبه تنضرب وتلاگي العذاب

عادة الحُرمه مهيوبه وإلها كفيل
يحمي خدرها من الغُرب ويبگى المعيل
بس زينب فَگْدِته على النهر والله قتيل
وصارت سبيه بين الأعادي بلا نقاب


#منال_بجيجي

https://www.tg-me.com/AL_Nay_and_Alrthaa