..نعي لليوم العاشر

〰️〰️〰️〰️〰️

وبينما بقيت مولاتنا زينب عليها السلام وحيده غريبه  واخوتها بذاري الرمال صرعى احرق جيش العين خيمت العيال اخذت تخاطب اخوتها ولسان حالها يقول

〰️〰️〰️〰️〰️〰️〰️〰️

صاحت اكعد يبوالغيره

اختك لاتخليها بحيره

بين الغرب هايه جبيره

ناديت محدسمعني

〰️〰️〰️〰️〰️〰️〰️〰️

اكعد يخويه شوف حالي

حركو خيمتي وتاهواطفالي

توليها الغرب يلماعدها والي

بين العده محداليه

〰️〰️〰️〰️〰️〰️〰️〰️

تكله  اكعد يافخرنه

خلافك يبوالغيره تعبنه

عدوان وكفر  محد يحبنه

رد الشمر بسياطه ضربنه

لونك تجي وتشوف حالي

〰️〰️〰️〰️〰️〰️〰️〰️

اعداكم تراهم  ناس كفار

حركوهاالخيم ياخوي بنار

ضعنك صفه نسوان وزغار

تردون لونكطع الضنه

〰️〰️〰️〰️〰️〰️〰️〰️

نركض طلعنه من الخيم

بجسامكم عثرات  الحرم

ناديت وصحت ياراعي العلم

عكبك انه ماريدروحي

〰️〰️〰️〰️〰️〰️〰️〰️

حفاي نمشي اعله الجمر

وبسوط لاحكنه الشمر

وينه  دلالي والخدر

روحي جاساها الهضم

〰️〰️〰️〰️〰️〰️〰️〰️

يشرد طفل والزم طفل

وايديني ربطوهن حبل

احضرياكفيلي بلعجل

دم وجمر يهمل دمعنه

〰️〰️〰️〰️〰️〰️〰️〰️

ياعباس هاي اختك  جبتها

ومن المدينه تكفلته

برض الغرب جاشو عفتها

غريبه ولاولي ينغر اليه

〰️〰️〰️〰️〰️〰️〰️〰️

نايم ليش گلي وعفتني

بين الاعادي تركتني


عداكم تره عكبك ولتني

مشيت ميسره والضيم حالي

〰️〰️〰️〰️〰️〰️〰️〰️


✍#
تــمت بعــون اللــہ
تعالى بقلمي المتواضع خادمة
اهل البيت ام صادق ونسالكم
الدعاء❌غیرمبری الذمه الیحذف الاسم او یغیره❌

https://www.tg-me.com/AL_Nay_and_Alrthaa

مجلس اول يوم محرم

صلى الله عليك يامولاي ياابا عبد الله صلى الله عليك يبن رسول الله وابن امير المؤمنين وابن فاطمه الزهراء سيدتي نساء العالمين غريب يامظلوم كربلاء ياحسين

قريض
يامؤمنا متشيعا   بولاءه

يرجوا  النجاه والفوز يوم المحشر

ابك الحسين بلوعه وتفجع

ان تجدها لم فؤادك اكثر

وامزج. دموعك بالدماء

وقلما
في حقه حق إذا لم تنصر

والبس ثياب الحزن يوم مصابه
  مابين اسود حالك أو
  أصفر

ابوذيه
علي ضيم الدهر كل وكت ينهال
ولجيوش النوايب صرت منهال
شهر الكدر عاالاسلام منهال
علي هجمت اهموم الغاضريه


نعي مجردات
والله فجعني شهر عاشور
وخله امن اخوتي خاليه الدور
وعليهم اون والكلب مكسور



من هالشهر تجري اعيوني
وابجي  واون  عالدللوني
وبنار   فركاهم   جوني



اويلاه . ياشهر النوايب
كلبي على الخوان ذايب
واشكثر اتحمل مصايب



كسرني زماني ابفكد اخوتي
كبلهم  يريته صار  موتي
عليهم صحت وانسمع صوتي


ذكرت  اخوتي وعليت وني
انه اشجم عزيز الراح مني
مصايب  الدنيا دوههنني



انا لله وأنا إليه  راجعون

قال الله سبحانه وتعالى في كتابه الكريم
بسم الله الرحمن الرحيم
هنالك ابتلي المؤمنون وزلزلوا زلزالاً شديدا
صدق الله العلي العظيم


هذه إلايه الكريمه من اي الذكر الحكيم  تتحدث عن البلاء
ماهو البلاء
البلاء في اللغه هو الاختبار أو الامتحان
الله سبحانه وتعالى يعامل عباده معامله المختبر والممتحن لهم
وحينما يمتحن  الله عباده لا  لكي يعرف حالهم فهو الاعلم بهم   اعلم بهم حتى من أنفسهم فهو يعلم كل شي عنهم ولايخفى عليه شي وانما يختبرهم من أجل أن يهذبهم ويربيهم
وبعتبار أن الإنسان خليفه الله في الأرض يريد الله أن يطهره وينقيه من الداخل فيختبره بالخير والشر
والغنى والفقر بالشده والرخاء وكلما زاد اختبار  الإنسان كلما صفت نفسه
وطهرت
وكلما زاد الاختبار زاد الاجر
يقول الامام الصادق
ان الله اذا احب عبدا غته بالبلاء غتا
وحتى يخرج الإنسان من البلاء معافا سليما في دينه ودنياه عليه بالصبر وكما يقال الصبر مفتاح الفرج
لابد أن يتحلى الإنسان اامؤمن بالصبر على البلاء حتى يعطيه الله مايعطي الصابرون من الأجر الجزيل
قال تعالى
انما يوفى الصابرون اجرهم بغير حساب
يقول ابن مسعود دخلت على رسول الله إنا وخمسه من أصحابنا وقد اصابتنا مجاعه شديده ولم يكن اكلنا الا الماء واللبن فقلنا يارسول الله الى متى نبقى على هذا الحال
فقال رسول الله لاتزالون فيها ماعشتم فاحدثوا لله شكرا فاني قرأت. كتاب الله الذي أنزل علي والكتب التي أنزلت على الأنبياء قبلي فما وجدت من يدخلون الجنه الا الصابرون

وافضل الصابرون واهل الصبر هم النبي واله الطاهرين وخصوصا مولانا ابا عبدالله الحسين عليه السلام
الذي انصبت عليه المصائب كلها في يوم واحد في يوم عاشوراء
من  العطش والجوع ذبح الاولاد والاخوه  وغيرها من المصائب إلا أنه كان كالجبل في صبره وهذا الصبر صار  سبب في خلوده وخلود اسمه وخلود مجالسه
يقول رسول الله إن لقتل ولدي الحسين حراره في قلوب المؤمنين  لاتنطفي إلى يوم القيامه
كان الامام الصادق اذا دخل عليه شهر محرم لم يرى ظاحكا  ابدا وكان يبكي حتى يغشى عليه
قيل له يبن رسول الله
ان الميت يجلسون أهله بالبكاء عليه بعد موته ونراكم وشيعتكم تجلسون  من اول يوم من المحرم بالعزاء عليه
فقال عليه السلام
اعلم ياهذا أنه إذا أقبل علينا  شهر محرم نشرت الملائكة قميص جدي الحسين  وهو مخرق بالسيوف وملطخا بالدماء فنراه بعين البصيره فتنفجر دموعنا ثم قال أحيوا امرنا رحم الله امرأ احيا امرنا أن تلك المجالس احبها هاي المجالس محبوبه من قبل اهل البيت وخصوصا من قبل الزهراء التي تحضر هذه المجالس
وهيه تحمل قميص ولدها الحسين الملطخ بالدماء والمخرق بالسيوف وهيه تنادي واولداه واحسيناه بني حسين قتلوك ومن شرب الماء منعوك
وماعرفوا من امك وابوك
اه اه

نعي مجاريد
انه الوالده المكسور ضلعي
وابماتمك اصرخ  وانعي
وعلى مصيبتك هليت دمعي


انه الوالده  الكسروا اظلوعي
وابماتمك يجرن ادموعي
ياهو اليسكن الم روعي


انه الوالده وتهمل اعيوني
على ابني يشيعه ساعدوني
وياكم كاعده ماتشوفوني

نعي عاشوري

وياكم أنه بكل عزيه  اه اه
ابجي لذبيح الغاضريه اه اه
العطشان  ماظاك   الميه


انه الوالده  بكل مجلس احظر اه اه
ونار الكلب تلهب  وتسعر
اه اه
وابجي واصيح الله واكبر



تخلص

افاطم لو خلتي الحسين مجدلا
وقد مات عطشانا بشط فرات


بقلم خادمه اهل البيت
ام حسين الهلالي

https://www.tg-me.com/AL_Nay_and_Alrthaa

مجلس  لليوم الثاني من محرم


بسم الله الرحمن الرحيم
صلى الله عليك يا سيدي و مولاي يا رسول الله،  و على ال بيتك المظلومين
صلى الله عليك يا سيدي يا ابا عبد الله، 
يا قتيل العدى و يا مسلوب العمامة و الردا
يا غريب و يا مظلوم كربلاء
صلى الله على الشيب الخضيبِ
صلى الله على الخد التريبِ
صلى الله على الثغر المقروع بالقضيب
يا ليتنا..  يا ليتنا كنا معكم،  سادتي فنفوز و الله فوزا عظيما

—-
تطبيق  الفصيح: طور الدرج 🎤

لمْ أَنْسَ زَيْنَبَ بَعْدَ الخِدْرِ حَاسِرَةً            تُبْدِي النِّيَاحَةَ أَلْحَانَاً فَأَلْحَانَا
مَسْجُورَةَ القَلْبِ إلَّا أَنَّ أَعْيُنَها               كَالمُعْصِراتِ تَصُبُّ الدَّمْعَ عِقْيانا
تَدْعُو أَبَاهَا أَمِيرَ المُؤْمِنينَ أَلَا              يَا وَالِدِي حَكَمَتْ فِينَا رَعَايَانَا
وَغَابَ عَنَّا المُحَامِي وَالكَفِيلُ فَمَنْ          يَحْمِي حِمَانا وَمَنْ يُؤْوِي يَتَامَانَا
—————
ابوذيه

ياحادي الضعن بهداي چاوين
تريدانروح عن الهل چاوين
گفيلي واليباري الخدوچاوين
يخليني غريبه بين اميه
~~~~
------------------------
نعي مجرد👇🏻
شددضعونه وحمل حسين
وماخذ عياله والخواتين
الديره غريبه وين ماوين
~
اليوم ابواليمه شدالرحال
ولديارغربه حمل وشال
وماخذ اخوته وكل العيال
~
وزينب تعايله وحزينه
حسين وين تريد بيه
يخويه بالنزل ماتخلينه
~
يولاد هاشم لاتشيلون
ولديارالبعيده تروحون
وضليت اكول شلون وشلون
~
اليوم العقيله يهل دمعها
وعلى خوانه مكلف وضعها
لديارالغرب حمل ضعنها
~
حمل اضعونه ابيوم ثاني
وعرف يدوهني زماني
من شالوحمولي اخواني
~
شالوضعوني وسافرينه
ومانرد لديارالمدينه
نروح ابيسر وشلون بينه
~
من نوصل الديرت الغربه
هايه عليه شكثر صعبه
ابقه غريبه ومالي صحبه
~~
ام اسامه👆🏻
[١٨/‏٧ ١٣:٢٠] ام فاطمة:

حديث خروج زينب مع ابي الفضل

🖊🖊🖊🖊🖊🖊🖊🖊🖊🖊
يقال ان الحسين عندما حمل العيال ليلا اخرج جميع من اراد ان ياخذهم معه بهدوء حتى لا تشعر بهم الناس ويخرجون لتوديعهم بضجه وبكاء فاراد الحسين ان يخرج بهدوء

فحمل الكل ولم يبقى سوه العقيله زينب فنادى القاسم ابن اخيه فقال له يا ولدي اذهب وخبر زينب باننا قد جهزنا لرحيل فخرجها وركبها على ناقتها في المحمل فذهب القاسم وعاد للحسين قال له ياعم عمتي رفضت الخروج معي
فنادي على الاكبر فقال له يا علي اذهب الى عمتك وخبرها اننا راحلون وخرجها معك الى محملها فذهب على الاكبر لعمتهه ولكنها رفضت الخروج معه
فذهب لحسين بنفسه لزينب وجدها جالسه في باحه منزلها مستعده لرحيل ومهيءه ولاكن تعجب لعدم خروجها ولمح في عينها دمعه وحزن لم يره في عيني اخته قبل ذالك
: فقال له لماذا يا اختاه لم تخرجي مع القاسم ومع علي الاكبر قالت له ياخي لم اخرج معهم ليس استصغارا بحقهم
ولا كني لا اخرج الا مع من وضع  ابي يده بيد قبل وفاته
فعرف الحسين ان اخته لا تخرج ابد مع احد
الا مع ابا الفضل العباس فخرج ونادى يا اخي يابا الفضل
ان اختنا زينب لاتريدد الخروج الا معك
فقام العباس ودخل  الضعينه الى بيت زينب وتقدم لها وخذ يدها بيده وثنى ركبته وصعدت الحوراء زينب الى محملها معززه  مكرمه مع اخيها ابي الفضل
: ولسان حالها يقول

ياخويه ما اطلع بدونك
ادريك ترخصلي عيونك
ومن تمشي بضعني اعله هونك
يلوني خويه مثل لونك

كل اخوتي خويه عالراس 
بس انته الميز يعباس
حزام ضهر حسين وساس
ايموت لو كطعيت النفاس

خويه كلفاتك جبيره
يالمنترس نخوه وغيره
محروس يابدر العشيره
منغيرك انته نحير حيره

على بختك يخويه طالعه اليوم
وطير المحاتف فوكنه يحوم
وعيني على طولك يجيدوم
وعيني الاخره على المظلوم

خويه وستر بيتي وداري
ياسلوتي بليلي ونهاري
مهظومه اظل ودمع جاري
يامركب الاهلك ياساري

يمشي الضعن ونا التفت ليك
ودعي بدمع ربي يخليك
وترد يخويه والله يحميك
رفعت علمنه ونفتخر بيك

ناعيه الحسين
ام فاطمة الزهراء
~~~~
تمت ابعون الله


https://www.tg-me.com/AL_Nay_and_Alrthaa

نعي حول الامام الحسين ع واليوم العاشر من المحرم وكأني بمولاتنا زينب ع


بهداي  يا شمس  الظهيره
منين  اجيب الفي  وديره
لحسين    ولبدر   العشيره


حر الشمس يحرك بالمتون
والرمل  تارس ذيج العيون
اصيحآ  عليكم ما  تكعدون



محتاره اشدن يا جرح بيك
يبن امي دكعد من احاجيك
باجر  شلون  امشي وخليك



عطشان   خال الولد   شفته
ومن    الذبح    لا    ما عرفته
تعبان  من سوده  على اخته



سوده  عليه  اخوي   تعبان
ذبحوه وهوه حيل عطشان
عليه  حيلي  اليوم  عدمان



يفداه   عمري  انه  وخواتي
لكعد        وفييله     بعباتي
انه   رايحه  موش  برضاتي




💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي ✍
https://www.tg-me.com/AL_Nay_and_Alrthaa

#نعي_لهل_زينب


اعتب على اليسوون عتبي
وبفراكهم ماشوف دربي
راحو هلي ومشلوع كلبي

•───✧◐🕊🌻🕊◐✧───•

يخويه الأخت تعتاز اهلها
وتريد الحنين اليوكف الها
واختكم ترى طايح حملها

•───✧◐🕊🌻🕊◐✧───•

عليكم لصبن دمع عيني
يخويه خلافهم ضاعت سنيني
ونيت وشينفع ونيني

•───✧◐🕊🌻🕊◐✧───•

اعزاز الگلب جنهم نسونه
من ازمان ماردو واجونه
واظنهم اهلنه ضيعونه

•───✧◐🕊🌻🕊◐✧───•

محلاج يالمت  شملنه
وحلوه السوالف وي اهلنه
ترجعون لو نكطع الضنه

•───✧◐🕊🌻🕊◐✧───•

تمنيت ترجع ذيج الايام
جنه بفرح والفرح مادام
عليهم احزاني تزيد گل عام

•───✧◐🕊🌻🕊◐✧───•

يادار اهلنه بس تونين
اضنج على الشالو تنوحين
اونن اوني على الطيبين

•───✧◐🕊🌻🕊◐✧───•

يادارهم جنتي مزهرة
بوجود راعيج منورة
وهسه انكسر كلبي شيجبره

•───✧◐🕊🌻🕊◐✧───•

يامايله الدنيه او يهلنه



هذه النعي  بقلم ✍🏻المله 🎤 والشاعره📄 ام علي الامارة
غير مبري الذمه اليحذف اسم الشاعره 📄 وينسب الكلام له


https://www.tg-me.com/AL_Nay_and_Alrthaa

#نعي
السيده زينب عند جسد اباعبدلله الحسين عليهما السلام
.............
اتدنيت يم جسمك افكده
وشفت النبل وحده علئ وحده
ياجرح اعوفه وياهو اضمده
يلمتغطي بدم اجروحك.

دمك جابني من بعيد شميته
بهذه الحال جسمك ماتمنيته
عثرت بعون جسمك من تعنيته
وكتله اعذرني ارد اوصل خالك

طعنه بوسط طعنه الكوم طاعنتك
نعمه انت شجاهه الخيل ساحكتك
حركوا خيمتي ونشاف طول اختك
يحسين حبال محظريلي
..........
مع الزهراء
تعالي يام ظلع ينزف تعالي
خلصو كل هلي محد بقالي
بس اجساد فوك الثره اكبالي
والروس علئ رماح انشالت

مع علي ع

تلاحك ياعلي وعاين المنظر
جسم حسين علغبره توذر
يبويه والشمر بحباله يفتر
ويوصي جنوده ايجتفوني

بشار السامي

#اللهم_عجل_لوليك_الفرج

https://www.tg-me.com/AL_Nay_and_Alrthaa

#نعي

اباوع عالجثث كلها مطاعين
كلها اعله الضهر نومت السبعين
هناك ولمح شوفي ابطارف العين
الوحيد اعله الوجه مگلوب الحسين
__
اباوع عالجثث وي هزت النوگ
ومثل حرگ المخيم كلبي محروگ
الجثث سبعين بس حسين مسحوگ
ونزل دوس الحوافر بي للعروگ
__
اباوع عالجثث والحادي شمتان
ومثل ناعور بينه افتر الميدان
كسر كلبي الوحيد حسين عريان
منيتي أوگف وستره ابيش ماجان
__
اباوع عالجثث وانه اعله اممشاي
وكل ساعه التفت لا حيل لا راي
بحلم مدري ابعلم ما گامو وياي
اطلع وي غرب ما حاسبه الهاي
__
اباوع عالجثث حيره اشباوع
معروفه الجثث وحسين ضايع
مجوم موذر مو عالترب واگع
ما سلمت وياه حتى الاصابع
__
اباوع عالجثث ومضيعه محبوب
ادور عن جفيلي حرت ياصوب
المثلك ما ينام وضعنه منهوب
يبعد الحيل گوم الحيلي متعوب


بسام قابل الياسري

#اللهم_عجل_لوليك_الفرج
https://www.tg-me.com/AL_Nay_and_Alrthaa