جديد ربيع الأول١٤٤٦هـ
شهادة السيدة الزهراء عليها السلام


إرجــع ياغايب       للــزهــره أمّك
يم عتبة الباب       تبچي وتكلمك
مـاوقــف نـزف الضلع
كلـشـي ناده بهالوضع
إرجع ياغايب
ــــــــــــــــــــــ
تـــتــلـــوّه أمّــك فاطمه وزايد وجعها
يــالـــمنتظر قوم ابعجل عاين وضعها
إيد اعلى خدها المنسطر ويد بضلعها
منتظره يالمهدي تجي وتمسح دمعها

إرفعها بـالـحـال       بيدك عن الـقـاع
ماظل بعد حيل       مكسورة أضلاع
مـنـهــا لاخـبـار إستمع
مـاوقــف نـزف الضلع
إرجع ياغايب
ــــــــــــــــــــــ
إفـزع يـابـوصــالـح ترى فزعو عليها
هـذا بـضـرب هذا الإجه ايروّع بنيها
ماتقدر اعلى النهضه لنها امسقّطيها
بدار النبي تلقه الدمه مـطشـره بيها

منّه اعلى لجدار     واهـنـا على الباب
ومـســمـار الآلام     وشي فوق لعتاب
بـكــل جهه سـال النبع
مـاوقــف نـزف الضلع
إرجع ياغايب
ــــــــــــــــــــــ
ســـنّـــدنــي يالمهدي تون بسمك بعدها
لحّق على الأرض اوقعت ناحل جسدها
مـــن رفـسـة الطاغي اعتفر يمها ولدها
القوم القتل أمّـــك إجـــت كلها بحقدها

والأفجع تشوف    في وسط لدروب
يجرّونه بـحبـال    حــيــدر يامهيوب
حــايــط اعليه الجمع
مـاوقــف نـزف الضلع
إرجع ياغايب
ــــــــــــــــــــــ
يـالحجه وصّل فاطمه ابدمع التهلّه
بهيده عليها ســـيّـــدي عند المصلى
الـــرفـعـــة أياديها العدو قوّه مخلّه
بهذا العمر واتجرّعت علّه اعلى علّه

مــحــمــرّة العين        تـــدعــي بقهرها
عالقاد أبوحسين        واللّـي عـصـرهـا
بالجرى اجواب الدمع
مـاوقــف نـزف الضلع
إرجع ياغايب
ــــــــــــــــــــــ
يالمهدي ثارات أصبحت موبس إلك ثار
كلمة وإن ضـرب وهجوم وحـرقـة الدار
عـصـره ولطم قيد ورفس نبتة المسمار
فـــوق الظلم كلّه بـعد مخفي القبر صار

كلشي لـهـا ضاع       رجعه يـاموعود
وانشد هالانذال       حين الذي تعود
بـيــا ديانه ويــا شرع
مـاوقــف نـزف الضلع
إرجع ياغايب
ــــــــــــــــــــــ


تمت بحمد الله ومنّه
٢٤ربيع الأول ١٤٤٦هـ
نظم خادم السيدة الزهراء عليها السلام
ياسين جواد العبد الرضا

https://www.tg-me.com/AL_Nay_and_Alrthaa

قصيدة طلب حاجه للإمام العباس (ع)
طور (خادم انهَ) للرادود سيد فاقد الموسوي
===============

حاير انهَ    حاير انهَ    حاير انهَ
         لبو فاضل اجيت
😭😭😭😭😭😭
طلبتي كلش جبيره
وحيره والله حيرتي
جيت اندبك ياخو زينب
وانته تعرف حالتي
كافل لكَلبي انه ردتك
وانته تعرف قصتي
ماادكَن غير بابك
يمك انه حاجتي

انتَ الكَمر   انتَ الكَمر  انتَ الكَمر
       وانهَ بيك انتخيت
😭😭😭😭😭😭
احلفك بدمعت رقيه
وبنحر عبدالله ذاك
ابن بدويه نعرفك
والله ماخاب الاجاك
ماترد الخادم ادري
بضيجه وبهضمه اعتناك
انته باباً  للحوائج
حشه مارد النخاك

باب الكرم   باب الكرم   باب الكرم
       والك اني اعتنيت
😭😭😭😭😭😭
الصعبه يمك تسهل انته
والك احنه معتنين
هواي هنه معجزاتك
غير ابن أُم  البنين
ياما ياما اعمه اجالك
ياما مشلول وحزين
بعجل مراده نطيته
انتَ أبو كَلب الحنين

تنطي بعجل  تنطي بعجل  تنطي بعجل
       هيج اني دريت
😭😭😭😭😭😭
معجزه منك ردتهه
بيهه تبرد  الدليل
كافل انته خدر زينب
ردتك لكَلبي كفيل
سنين صار انخاك انه
والدمع علخد يسيل
احضرني ياعباس انادي
وانحب ومهظومه حيل

ياابا الفضل   ياابا الفضل   باابا الفضل
      مجروحه اشتكيت
😭😭😭😭😭😭
الك اشكي ألم روحي
والدمع تارس العين
بهضم زينب جاي احلفك
وارد احلفك  بالحُسين
نضره يامولاي  منك
والله موتني الونين
برايتك منتخيه انه
وطلبتي تعرفهه زين

اكضَ رايتك   اكض رايتك   اكض رايتك
         واعكَدهه وبجيت
😭😭😭😭😭😭

تمت والحمد لله
بقلمي المتواضع
✍للشاعرة وخادمة الحُسين
            رقية العامري

https://www.tg-me.com/AL_Nay_and_Alrthaa

اذكر الله يذكرك :
-استغفر اللّٰه
- سُبحان اللّٰه
- الحمدللّٰه
- لا إله إلا اللّٰه
- اللّٰهُ أكبر
- سُبحان اللّٰه و بحمدهِ
- سُبحان اللّٰه العَظيم
- استغفر اللّٰه و أتوبُ إليهِ
- لا حول و لا قوة إلا باللّٰه
- اللهُمَّ صلِ علىٰ محمّد وآل محمّد
- لا اله الا انتَ سُبحانك اني كُنت من الظالمينَ
- حسبي اللّٰه لا اله الا هو عليه توكلت وهو رب العرش العظيم
-اللهُمَّ ارزقني من حيث لا أحتسب
-اللهُمَّ ثبتّ قَلبي علىٰ دينك
- يارب رضاك والجَنه
-اللهُمَّ احسن خاتمتي
-اللهُمَّ احشرني مع نبيك
-اللهُمَّ آجرني مِن عذاب النار
- اللهُمَّ قِني عذابك يوم تُبعث عبادك

نعي للزهراء عليها السلام



مشتاكه لامي انشدت عنها
يسوالف امي الماكو منها
واحبن اديها واشمنها

➖➖➖➖➖➖➖➖
➖➖➖➖➖➖➖➖

اكلها ييمه مااجيتي
ماكلتي خل اكعد ابيتي
واشوف الولد واشوف بنتي
اشتاكلج وتصب دمعتي

➖➖➖➖➖➖➖➖
➖➖➖➖➖➖➖➖

مري علينه ولو بلطيف
ويه الغيوم ومطرة الصيف
بعدتي علينه يمه ياحيف

➖➖➖➖➖➖➖➖
➖➖➖➖➖➖➖➖

تحن البنية اليوم لمها
لان غيرها محد يظمها
والوالده تحس بألمها

➖➖➖➖➖➖➖➖
➖➖➖➖➖➖➖➖

يمه المنيه جتج ابساع
ورحلتي عنه ونمتي بلكاع
مالحكينه اعليج بوادع

➖➖➖➖➖➖➖➖
➖➖➖➖➖➖➖➖

ردي عليّ يمي الحنينة
وكلبي هل الظال بونينه
ولو بلحم مري علينه
واجنه ابعازتج لاتتركينه

➖➖➖➖➖➖➖➖
➖➖➖➖➖➖➖➖

اشلونج يابعد عمري اشلونج
بعدج حلو لوخرب لونج
فدوى اروح يمه لعيونج

➖➖➖➖➖➖➖➖
➖➖➖➖➖➖➖➖

انه ابعازت حنان الوالده امي
تجيني وتشاركني بهمي
على افراكج يمه العين لعمي

➖➖➖➖➖➖➖➖
➖➖➖➖➖➖➖➖

ظلعج يوجعج يابعد ظلعي
وعليج ماينشف يدمعي
للبيت يمه اليوم سرعي

➖➖➖➖➖➖➖➖
➖➖➖➖➖➖➖➖

نص الليل وانتي بس اتصلين
لجيرانج ييمه كمتي تدعين
هنا يالزاجيه ويم كلب الحنين

➖➖➖➖➖➖➖➖
➖➖➖➖➖➖➖➖

بقلم الحجية ام احمد الأماره
بنت عم الشاعرة ام علي الامارة
غير مبري الذمه اليحذف الأسم وينسب الكلام له


#قناة_خاصة_للنعي


https://www.tg-me.com/AL_Nay_and_Alrthaa

نعي للزهراء عليها السلام



مشتاكه لامي انشدت عنها
يسوالف امي الماكو منها
واحبن اديها  واشمنها

➖➖➖➖➖➖➖➖
➖➖➖➖➖➖➖➖

اكلها ييمه مااجيتي
ماكلتي خل اكعد ابيتي
واشوف الولد واشوف بنتي
اشتاكلج وتصب دمعتي

➖➖➖➖➖➖➖➖
➖➖➖➖➖➖➖➖

مري علينه ولو بلطيف
ويه الغيوم ومطرة الصيف
بعدتي علينه يمه ياحيف

➖➖➖➖➖➖➖➖
➖➖➖➖➖➖➖➖

تحن البنية اليوم لمها
لان غيرها محد يظمها
والوالده تحس بألمها

➖➖➖➖➖➖➖➖
➖➖➖➖➖➖➖➖

يمه المنيه جتج ابساع
ورحلتي عنه ونمتي بلكاع
مالحكينه اعليج بوادع

➖➖➖➖➖➖➖➖
➖➖➖➖➖➖➖➖

ردي عليّ يمي الحنينة
وكلبي هل الظال بونينه
ولو بلحم مري علينه
واجنه ابعازتج لاتتركينه

➖➖➖➖➖➖➖➖
➖➖➖➖➖➖➖➖

اشلونج يابعد عمري اشلونج
بعدج حلو لوخرب لونج 
فدوى اروح يمه لعيونج

➖➖➖➖➖➖➖➖
➖➖➖➖➖➖➖➖

انه ابعازت حنان الوالده امي
تجيني وتشاركني بهمي
على افراكج يمه العين لعمي

➖➖➖➖➖➖➖➖
➖➖➖➖➖➖➖➖

ظلعج يوجعج يابعد ظلعي
وعليج ماينشف يدمعي
للبيت يمه اليوم سرعي

➖➖➖➖➖➖➖➖
➖➖➖➖➖➖➖➖

نص الليل وانتي بس اتصلين
لجيرانج ييمه كمتي تدعين
هنا يالزاجيه ويم كلب الحنين

➖➖➖➖➖➖➖➖
➖➖➖➖➖➖➖➖

بقلم الحجية ام احمد الأماره
بنت عم الشاعرة ام علي الامارة
غير مبري الذمه اليحذف الأسم وينسب الكلام له

https://www.tg-me.com/AL_Nay_and_Alrthaa

نعي للزهراء
……
شحال الفاگد امه بهاي الايام
ويعاين يشوف البيت خالي
هذا فراشج وهاي التصاوير
تسولف عالحصلي والجرالي
ييمه وداعتج خلصت الدموع
وظلت شاهده الحالي الليالي
صار البيت اظلم عگب عيناج
ضحكتج دوم تفتر اعله بالي
اصيح احاه يمه بتالي الليل
تعالي يم حسن يمه تعالي
گبل جان شحلات الگعده وياج
هسه الوحدي وبالظيم حالي
…… ..
يمه ماينجهب صار
خلافج البيت اليوم ماينجهب صار
يمه مرينه خطار
ابداعت ليالي ارباج مرينه خطار
يمه ياحال الزغار
الظلو يتامه شحال الزغار
يمه مانهوه هالدار
المنج خلت مانهوه هالدار
…… ..
علي الحاج الصبيحاوي


#اللهم_عجل_لوليك_الفرج


https://www.tg-me.com/AL_Nay_and_Alrthaa

صحت يامؤمن اعله العدل خَلاَّك
وانحب ياگلب لو راح خِلاَّك
أمِينَك ياحزب مكسور خَلاَّك
وانكسرت اوياك المرجعيه

مامِتعوِّد الدَلاَّل عالرَّاح
على اليسوه نطگ الراح عالراح
حزب الله يون واينوح عالراح
وكل شيعة علي انهظمت سويه

وحگ البيهه سوط العِدَه وشام
وبچت وانحنت فوگ الراس وشام
چن انعاد طف كربله والشام
واتيتِّمت عدنه اشچم رقيه

أهل امصاب كل طيب عَزَّانه
وخدمتنه ومراثينه عِزَّه إلنه
لبو صالح يضل دايم عَزانه
ونضل ندعي الضهور إبن الزچيه

سيد علي الموسوي

أبيات #نعي لمولاتنا
الزهراء عليها السلام 🌹
.
.

يشح عنّه الصبر للگلبه مكسور
و بجمـر الغضى للدوم مجمور
مشتاگ الگلب يحضرلچ يزور
لچن ظل النظـر يتلفت يـدور
گبرچ مختفي من دون الگبور
................
................

بگت يايمه تعصف بينه الاشواگ
وما نحمل يزهـره اعليچ الفراگ
علـى اغيابـچ گلبنـه بنار خفّاگ
كلـف صبره الذي دلّالـه يشتاگ
وما تشفى ييمه اجروح الغماگ
................
................

نريـد انــزور و انقيــم العزيــه
علـى مصابـچ يزهـره بهالرزيـه
نصيح بصوت و انسمـع البريـه
تـرى كسروا ضلع ليـهـا الزچيـه
وطفل بالعصره يوگع عالوطيه
................
................

الگلب مجمـور ما يبـرد غليله
وتظل روح الحسن دونچ عليله
مُصابــچ ما نسينــاه يالجليلــه
وعلي مفجوع لدموع العقيلـه
وحسيـن الدمـع أحمر يسيله
................
................

بليل أظلم يزهره انشال تابوت
و علي من الرزايا گلبه مفتوت
ينادي منفجـع وبعالـي الصوت
حسافه يالزچيه ياخـذچ مـوت
وبيتچ محترگ من دون البيوت
................
................

✍🏼 علي نوري الحلفي

https://www.tg-me.com/AL_Nay_and_Alrthaa

ابيات من النعي

زينب ع للزهراء ع
رحتي وما شبعنه نوم بحضانج
تغطينه بعباتج نمنه بمجانج
نشم ريحتهن ونشبكهن اردانج
راح افياينه من خذج دفانج

زغيره ورايده من امي حنيه
غير امها شتدور عود البنيه
خل اغفه بحضنها عوفني شويه
باجر ما الكاها من امشي مسبيه

من افك عيني الصبح الكه حضنها
هسه اكعد واشم بأيد الدفنها
ودم الضلع ضل بالباب منها
اضل ابجي وحسن يحجيلي عنها

الحسن ع للزهراءع
يمه اشعايفه بمكفاج وتموتين
حسره غيبتج ماتنحمل تدرين
خرابه البيت صاير بس بجي وونين
اسكت زينب يرد يبجي يمي حسين

كعدت اكبالهم بمجانج وونيت
يدهري اشماخذ وهيج الضوه طفيت
هنيال المكابر لامي صارت بيت
وصفت ظلمه وخليه الدار لو طبيت

الحسين ع للزهراء ع
لو مكسور ضلعي ولا ضلع منج
عمت عيني اشكثر كامن يلجمنج
كوه تشيلج امتوني ويشيعنج
ماصدكت يوم بجفي ادفننج

بعد ياهي التجي تصبح علينه
ومثلج وين راح الكه حنينه
منو يلاكي علي لمن يجينه
بغيابج يمه شنهي يصير بينه


علي ع للزهراء ع
من غسلتج وضلعج اجه بيمناي
انكسر كلبي وطحت والحيل طاح وياي
حرت خاف الجرح ينلجم لو ذب ماي
تختنكت بعبرتي وبالكوه اشم اهواي

درب المكبره ضيعته وعيوني
انعمت من البجي وولدي يگودوني
اشيع الزهره لو كامو يشيعوني
اجيت ادفنها لو جنهم يدفنوني

طبيت ولكيت البيت ظلمه
بس النوح واليمه وييمه
وبجي زينب يخلي بكلبي لجمه
الزهره مدده اعله الكاع هظمه

شصاير بيها محد رد عليه
انهد حيلي وصحت اااه يالزجيه
ريت البيج صاير كون بيه
ولا شوفن دمه فوك الوطيه
المرحوم الشاعر
زيد عدنان الزيدي

https://www.tg-me.com/AL_Nay_and_Alrthaa

نعي .... السيده زينب عليها السلام
للسيده الزهراء عليها السلام
____
يفكَد الوالده يلجم جروحي
راحت بس خذت وياها روحي
لسابع دار ظل ينسمع نوحي
واكولن بلكَت ترد الزجيه
*
يتيمه شلون اخلص عمري وحدي
ودمعتي احس نامت فوك خدي
غير الون بعد ما ظال عدي
واخلص ليلي بس افرك بديه
*
الله يساعده الفاركَله غالي
يظل يحسب جروحي بالليالي
هيج انه يتيمه ابقه تالي
تاليته الزمان يدور بيه
*
خادم الزهراء عليها السلام
ملا حازم البزوني

https://www.tg-me.com/AL_Nay_and_Alrthaa

ماتت سورةُ الدّهرِ..من الآلامِ والكسرِ
بنتُ المصطفى ..ماتت أسفا
---
ماتت ويحَ قلبي في مصلاها
فويلٌ للذي بالضربِ آذاها
أما يكفي غيابُ الهادي أشجاها
فكيفَ المُرتضى للقبرِ وراها

عليها يذرفُ الدمعا..حزيناً يشتكي الصدعا
نورٌ خُسِفا..ماتت أسفا
---
مضى للدارِ في حزنٍ نعى نفسَه
لقد أخفت أباطيلُ العدا شمسَه
وأسمعَ بالشجا كُلَّ المدى حِسَّه
وباقٍ حزنُهُ دوماً ولم ينسَه

سيذكرُ ضلعها الدامي..بعبراتٍ وآلامِ
جفنٌ نُزِفا..ماتت أسفا
---
بعينيهِ محالٌ تنطوي الذكرى
وبالبابِ ملامحُ صورةِ العصرة
ومسمارٌ أتى في خافقِ الزهرا
فمنهُ سبّبَ الالامَ والكسرا

عليٌ من يواسيهِ..فنارُ الفقدِ تكويهِ
صوتٌ ماخفا..ماتت أسفا
---
رأتهُ زينبٌ بالدارِ يرثيها
واضلاعاً بدى للطُهرِ يحنيها
فلم ينسَ سياطاً من أعاديها
على متنيها فازدادت مآسيها

أهانوا بضعة المختار ..عليهم كم يدور العار
شرٌ كُشِفا..ماتت أسفا
---
يحقُّ لمُقلةِ الكرارِ أن تحمَر
ويُبقي الوجهَ للطهرِ أسىً أصفر 
فكم  يرجو بلقياها بِـ أن يُقبر
ويشكو الظُلمَ  والطغيانَ بالمحشر

سيُصلى من يعاديها…وتبتهجُ مُحبيها
حازتَ شرفا..ماتت أسفا
---
عادل العبد الله
26/11/2023


الفاتحة لروح من علموني الخدمة الوالدة *آمنه العبدالله*
والشاعر *حسين العبدالله*


https://www.tg-me.com/AL_Nay_and_Alrthaa