قصيده لسيدة الزهراء عليها السلام
تقرأ بعدة اطوار
ــــــــــــــــــــــــــــــــــــــــــــــ ـــــــــ ـــــــــ

المستهل 👇👇👇👇

قست دنيــانه علــــينه
خذت من عدنـه الحنينه

امـي ويـن الگاها
شگد صعب فرگاها

مشت عني /مشت عني
ــــــــــــــــــــــــــــــــــــــــــــــ ـــــــــ
أمــي يل ماكو بحنانج وين الآگيج
رحتي عني بليله ضلمه وانه احن ليج
رجعي ليـه يالحنينه خـل اداويـــج
شوفي دمعي وكسر حالي خل اراويج

عني ضاع ادواها
امي وين الگاها

مشت عني/مشت عني
ــــــــــــــــــــــــــــــــــــــــــــــ ـــــــــ
يمه صار البيت ضلمه خلاف عينج
وحال ابـوي المنكسر فاگد حنيـنج
اسمعه يـــنادي زهرتي فاگديــنج
اااخ عالمـــوت الوگف بيني لبينج

يالحلو ملگاها
أمي وين الگاها

مشت عني مشت عني
ــــــــــــــــــــــــــــــــــــــــــــــ ـــــــــ
الفاگد أمه يـعيش عمره بس ونيـن
راح اكظيها حياتي خلاف عينج بالأنين
زيــنب انـه صرت يــم گلب الحزيــن
يروح حزني يالزجيه لو اشوفنج تجين

خذت روحي وياها
شگد صعب فرگاها
مشت عني /مشت عني
ــــــــــــــــــــــــــــــــــــــــــــــ ـــــــــ
زيــــنب آنـــه وصار اسمي ام الحزن
والتفارگ مثلي امها كل مصايبها يجن
ااخ ياليل اليمرني عيوني بعيون الحسن
مكابل ونبجي سويه والخدود اجرحن

امنـه ماننساهـــا
شگد صعب فرگاها
مشت عني مشت عني
ــــــــــــــــــــــــــــــــــــــــــــــ ـــــــــ
راحـت أمـي وراحت أيـــــام الزهيـه
شنهي حالــــي خـلاف عيـــنج يالزجيـه
وانه متعوده اشوفج كل صباح وكل مسيه
بعد ماضن بيج رجعه من مشيتي هاي هيه

والگبــر ظماها
أمي وين الگاها
مشت عني مشت عني
ــــــــــــــــــــــــــــــــــــــــــــــ ـــــــــ ـــــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان


https://www.tg-me.com/AL_Nay_and_Alrthaa

قصيدة طلب زيارة الامام الحسين ليلة الجمعة

✧────⊱◈◈◈⊰─────✧

محتاجة ازورك ليلة الجمعة
واكعد بصحنك واهمل الدمعه
ولو شفت زاير داخل الحضرة
ابجي واگله جاية الزهرة
عد راس ابنها فاطمة البضعة

✧────⊱◈◈◈⊰─────✧

محتاجة يامولاي بس نظرة
منك الي يالتكرم الفقرة
ارد اعتنيلك واوصل الحضرة
مختنكة يالمضلوم بالعبرة
كون اوصل الشباك واشتمه
ليلة الجمعة الناس ملتمه
وصوت الزجية ابابك استمعه

✧────⊱◈◈◈⊰─────✧


يحسين ادري الزهرة من تحضر
كل جمعة يمك لازمة الدفتر
تحسب الزارك بالبرد والحر
يم النحر تكعد يبو الاكبر
ومن الزجية واكفه اتسجل
ياريت اسمي وي الخدم تقبل
وتگول هذا الزاير انرفعه

✧────⊱◈◈◈⊰─────✧

همي ثگيل وضاكت الدنية
وصلني يمك واعطف اعلية
تدري بطلبتي وتعرف النية
ساكت وادري تعرف شبية
ارد اكعد گبال الكفل زينب
يحسين گله جايله بمطلب
وصيه عليه وگله لترجعه

✧────⊱◈◈◈⊰─────✧

هنياله كلمن يوصل اعتابك
يوم الخميس وحاضره احبابك
امك وابوك وجدك ابابك
يدرون بيك امخزن صوابك
وبس الزيارة اللي تشد جرحك
تفرح وتنسى كل غدر دهرك
من تسمع الرادود ضل ينعى
واگعد بصحنك واهمل الدمعه

✧────⊱◈◈◈⊰─────✧
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫


https://www.tg-me.com/AL_Nay_and_Alrthaa

ابؤذيه ونعي للزهراء ع
❧✥════❢❢✺✺❢❢════✥❧
جزه ضعن الحنينه وابد       مارد
وكلبي غيرها بهالكون        ماراد
افراك الوالده بالرؤح         مارد
ترؤح وتبقى بتها للأذيه
❧✥════❢❢✺✺❢❢════✥❧
بالعمر شلنه ونفرح شلون
نبطل الدمع وتنام العيؤن
نموت كون ويه اليموتون
❧✥════❢❢✺✺❢❢════✥❧
يموت كون الفارك احباب
وينام وياهم بالاتراب
ولايكضي العمر ينطر الغياب
❧✥════❢❢✺✺❢❢════✥❧
شعاجلج يمه وتشيلين
وجرؤح بكليبي تخلين
انطاج كلبج عفتي الحسين
❧✥════❢❢✺✺❢❢════✥❧
ابنج يؤن بالباب عفتيه
يصيح يمه وماسمعتيه
بس للحزن تالي تركتيه
❧✥════❢❢✺✺❢❢════✥❧
دليني يمه وين نلكاج
حبيبه ونريد نرؤح وياج
تضيع المحنه لو فكدناج
❧✥════❢❢✺✺❢❢════✥❧
تضيع المحنه والحجي والزين
وننهضم والله من ترؤحين
لينه بعد لا ماترجعين
❧✥════❢❢✺✺❢❢════✥❧
يمه مته تردين لينه
ونكعد سوه ونذكر حجينه
بفركاج يمه تعذبينه
❧✥════❢❢✺✺❢❢════✥❧
اويلاه ياكلبي وعذابه
بنص الكلب خزن اصوابه
جيفن غفيتي اعله الترابه
❧✥════❢❢✺✺❢❢════✥❧
جيفن غفيتي بحضن الاتراب
واحنه شبعنه فراك واغياب
نعتب بعد شيفيد العتاب
❧✥════❢❢✺✺❢❢════✥❧
بالعتب شلنه لو عتبنه
مافاد ابد لارجع امنه
بجينه شكثر حد ما تعبنه
❧✥════❢❢✺✺❢❢════✥❧

كلمات خادمه الزهراء
الشاعره نورس الحلفي

https://www.tg-me.com/AL_Nay_and_Alrthaa

(نعي  للزهراء عليها السلام )


صلى الله عليك يارسول الله صلى الله عليك وعلى ابنتك المظلومه فاطمه الزهراء

قريض :

وعرج على قبرِ النبي بيثربٍ
وصح معولا ًوالعينُ باكيهٌ ٌعبرى

وقف عندهُ دامي الفؤادُ بحسرهٍ
وصح ياابا الزهراءِ قد ماتت الزهرا

قضتَ والرزايا تستفزُ فؤادها
ولم تبلغ العشرين مااقصرَ العمرا

ففقدُك اشجاها وتيم ٌ امضها
وحبترَ  اذاها   فاشبعها  قهرا

فسلها  تفاصيلَ الرزايا   لعلهُ
يخففُ   من   غلواءِ   مهجتها الحرا

وماقصهُ المسمارُ سل  عنهُ صدرها
فينبيكَ ماحالُ التي عُصرت عصرا

وعن   محسنٍ سلها   لماذا سقوطهُ
وما ذنبهُ  حتى   يذوقَ  الردى المرا

وعن   قِرطِها   المنثورَ.  مما
انتثارُهُ

لعلَ يداً جرتهُ من أُذنِها قسراَ


امن لطمهٍ بالعينِ ام منعها البكا
امن  حرِ  قلب ٍ  راحَ   مستعرا جمراَ

نعي مجرد :

حيلي تهدم زينب اتگول
لسوي المناحه افصول وافصول
عالغربت وافراگهه ايطول


عالغربت بالليل واگفت
حيلي انهدم والعين رفت
اگبالي الهموم اصفوف صفت


اگبالي النوايب صفن اصفوف
وين الدرب ضليت ماشوف
وروحي تحن والگلب ملهوف


روحي تحن ضلت عليهه
ماريض الجناز بيهه
كلساع واشتاگ الحچيهه


كلساع واشتاگ السمرهه
ماطابت العله بصدرهه
يحسين وديني الگبرهه


يحسين لاتگعد امشينه
وديني للشفجه وحنينه
بلكت تفز وتگوم لينه


بلگت تعوف الگبر وتگوم
لو سمعت اعتابي يمظلوم
ازغيره ام حسن مو يومهه اليوم


ازغيره ام حسن مو مال تربان
شبيدي وشسوي الدهر خوان
ون المصلى وبچه القران


موحش امصلاها وعماني
ودولاب دولبني زماني
واليتم من زغري ولاني


ضليت من زغري يتيمه
شيجيبهه السكنت الهيمه
يطول الوكت واشبع هضيمه


يطول الوكت واشبع مغمه
وكلساع اصيح احاه ييمه
چا ليش عفتي الدار ظلمه


الدار بعدچ ماردتهه
گوه عليه امگابلتهه
امگدره وروحي گضتهه



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر


https://www.tg-me.com/AL_Nay_and_Alrthaa

#ندبة يابقية فاطمة 😞💔

اطفي بجمر گلبك ريته شغلي يكون
وافگدك فگد ابو واصبح الك مجنون

وعلي مضطر وسولف مو شعر شاعر
يلب گلب الزچيه الدولبه العاشر
كافي من البواچي يفحطك الحافر
نفز يمته الونينك يبن سيد الكون 😭

الهانا التكاثر عن ونينك حيل
ونلكد عالبطن والفرج لكد الخيل
وندور عيش وردي ورغد تالي الليل
واتلفها البچي ارسومك او طفه اعيون

ولا چنا بزر لحسين حَي عدنا
يفشل حالنا وياك سيدنا
الوكت عن جرح گلبك غاد گايدنا
تعذرنا شكثر لمن ردتنا امتون

يَمُحيي المؤمنين احييني ابعشگك
وكون يضيج خلگي لو تعب خلگك
وتطيح ابگلبي ريت ادموع التحرگك
واجاسم وجع گلبك وانه ممنون

هاك اجفوف گلبي ابن الحسن گوده
اسهام الغفله بدن عشگ البجوده
لشمس لو ما تگصدك تظلم و سوده
گلب الخالي منك يضوي اشلون ؟

يباب الذي لا يؤتى بس منه
الگلبه يناغي غيرگ چذب يتهنه
يجنه انت اليعشگك سيدي بجنه
ويتلضى بحسرته البيك ما مفتون

يمن كون الله كله براي تدبيرك
اكسر جنح گلبي اليحط يم غيرك
انه حريتي كلها من اغرگ ابيرك
وبس بگيود عشگك كون اضل مرهون

أمير علي

#اللهم_عجل_لوليك_الفرج

نعي حول استشهاد السيده الزهراء



ابعوز ارباج يا يمه /بعدني
اعتاب عليج ونكوله /بعدني/بعد انه
ليش الموت من امي/بعدني
وخذه روحي ومشت صوب المنيه


ليش امي بزغر سنهه/ولاجت
ونار افاركهه بل روح/ولاجت/وجت
صحت يالغاليه عليهه /ولاجت
وضليت بحزن عكب الزجيه


عافتني امي ورايحه بعيد
وشيلت ظعنهه كلش مجيد
ردي عليه وكل شي ماريد

لو ناويه اتروحين منه
وياج شيلي هم حملنه
نترافك سوه حبيبه بظعنه


انتي الحبيبه وموش غيرج
وهمي شجيته ودوم اشيرج
يالوالده اتردين اريدج

ردي عليه ولا تغيبين
وبعيد يمي اشلون تمشين
انتي العزيزه يل تشيلين
تروحين عنه وما تردين


شالو نعشهه ومشو بيهه
وعيني ولا بطل بجيهه
وياج البنيه تاخذيهه
رفيجت عمر بيني عليهه


عليهه تجين الهه وتريدج
سكتي البنيه وبجه وليدج
مري ونوميهم عله ايدج


شتاكو عليج وردي ليهم
طال الغياب اشلون بيهم
تعودين ما ظنه عليهم


*لخادمة الزهراء   العلويه أم جعفر*

https://www.tg-me.com/AL_Nay_and_Alrthaa

نعي للسيد الشهيد حسن نصرالله والأمام المهدي


#ابوذيه_نعي_للمهدي ….

ضاكت الدنيه وكثــر مــرها
يغايب دخيلك بالله مــرهـا
بضيج احبابك وحارت بمرها
{ اظهر سيدي وحل القضيه }

•───✧◐◐✧───•

كل يوم كلبك لايحه صواب
ويعينك الله بفكد الأحباب
وهذا الظلم موروث بالباب

•───✧◐◐✧───•

من يوم الضلع لليوم مقهور
يمهدي وكلبك دوم مكسور
ويعينك الله على المنحور

•───✧◐◐✧───•

عجل يمهدي وأخذ بالثار
ماظل صبر وينك يمغوار
فزعو علينه جيوش كفار

•───✧◐◐✧───•

#نعي_للسيد_حسن_نصرالله

بعدنه بعازتك ياحيد مغوار
تبچي عليك كلها ازغار وكبار
يلدومك تقاتل ضد الأشرار

•───✧◐◐✧───•

الله وياك مثواك الشهاده
عليكم الموت انكتب عاده
مثل جدك الضل بلا وساده

•───✧◐◐✧───•

تموتون كلكم موته وحده
والظالم حــدوده تعــده
بس الله والمهدي يــرده

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة

https://www.tg-me.com/AL_Nay_and_Alrthaa

#ندبة

سيوفُ الهجرِ قَطّعتِ الوِصالا
ونــأيُ الخِـلِّ أعقبنـي الخَبـالا
وأطلقــتُ الحنيـنَ لـهُ مَقـــالا
فَصـارَ القلـبُ يلتهِـبُ الْتِهـابـا
ـــــــــــــــــــــــــــــــ
دموعي واشتياقي وانتدابي
إلى المـهـديِّ فاتـحةِ الكتـابِ
إلى مَن غيثُهُ غيثُ السّحابِ
الى مَن يُبرئُ القلبَ المُصـابا
ـــــــــــــــــــــــــــــــ
ألا عـجِّـل فديتُـك يـا غيـورُ
فليسَ بغيرِ سيفِـكَ نستجيرُ
فحتَّـامَ الهـمـومُ وكـم تُغيــرُ
على قلبٍ من الأهوالِ شابـا
ـــــــــــــــــــــــــــــــ
بنفسي أينَ أنتَ مِن الصَّريمِ
وهـل إلّاكَ يُـروي كـلَّ هِـيــمِ
أغـثنــي يـا غِياثـــاً للـظَّليــمِ
كفى بغيابِ طلـعتِكُم عذابــا
ـــــــــــــــــــــــــــــــ
بنفسي أينَ من لُقياكَ أمسي
وكمْ تاقَـتْ إلى رُؤياك نفسي
وهل في غيرِ ما لُقياكَ أُنْسي
بَلى، لكِن رُزِءْتُ بِكَ اغْتِرابا


سيد حسين الجزائري

#اللهم_عجل_لوليك_الفرج


https://www.tg-me.com/AL_Nay_and_Alrthaa

صدگنـه الخبـر ونگـول هنيالـه
نـايـم والـسـهـر لعيون چـتـالـه
نصر الله التسولف دنيا بفعـاله

الـجـنـه الـيـوم امـتـانيـتـه

وخاتمةٌ فيها الشهادةَ نلتَها
             فنعم َوسامٌ في الجنان ِعظيم ُ
أذقتَ بني صهيو نَ رُعباً وها هم ُ
                 بسَوءَتِهِم فَرِح َ الخنا وزنيم ُ
وكلُّ شريف ٍبعدَ قتلكَ في أسىً
               ونكبَتُـنا  بين َ الضلوع ِ تُقيم ُ
            
ولاحول ولاقوة إلا بالله العلي العظيم

بِسْمِ اللَّـهِ الرحمن الرَّحِيمِ
﴿فَلْيُقَاتِلْ فِي سَبِيلِ اللَّهِ الَّذِينَ يَشْرُونَ الْحَيَاةَ الدُّنْيَا بِالْآخِرَةِ  وَمَن يُقَاتِلْ فِي سَبِيلِ اللَّهِ فَيُقْتَلْ أَوْ يَغْلِبْ فَسَوْفَ نُؤْتِيهِ أَجْرًا عَظِيمًا﴾
صدق الله العلي العظيم

سماحة السيد، سيد المقاومة، العبد الصالح، انتقل إلى جوار ربه ورضوانه شهيدًا عظيمًا قائدًا بطلًا مقدامًا شجاعًا حكيمًا مستبصرًا مؤمنًا، ملتحقًا بقافلة شهداء كربلاء النورانية الخالدة في المسيرة الإلهية الإيمانية على خطى الأنبياء والأئمة الشهداء.
لقد التحق سماحة السيد حسن نصرالله الأمين العام لحزب الله برفاقه الشهداء العظام الخالدين الذين قاد مسيرتهم نحوًا من ثلاثين عامًا، قادهم فيها من نصر إلى نصر مستخلفًا سيد شهداء المقاومة الإسلامية عام 1992 حتى تحرير لبنان 2000 وإلى النصر الإلهي المؤزر 2006 وسائر معارك الشرف والفداء، وصولًا إلى معركة الإسناد والبطولة دعمًا لفلسطين وغزة والشعب الفلسطيني المظلوم.

إنّنا نعزي صاحب العصر والزمان (عج) وولي أمر المسلمين الإمام السيد علي الخامنئي دام ظله والمراجع العظام والمجاهدين والمؤمنين وأمة المقاومة وشعبنا اللبناني الصابر والمجاهد والأمة الإسلامية جمعاء وكافة الأحرار والمستضعفين في العالم، وعائلته الشريفة الصابرة، ونبارك لسماحة الأمين العام لحزب الله السيد حسن نصرالله رضوان الله عليه نيله أرفع الأوسمة الإلهية، وسام الإمام الحسين عليه السلام، محقّقًا أغلى أمانيه وأسمى مراتب الإيمان والعقيدة الخالصة، شهيدًا على طريق القدس وفلسطين، ونعزي ونبارك برفاقه الشهداء الذين التحقوا بموكبه الطاهر والمقدس إثر الغارة الصهيونية الغادرة على الضاحية الجنوبية.

إنّ قيادة حزب الله تعاهد الشهيد الأسمى والأقدس والأغلى في مسيرتنا المليئة بالتضحيات والشهداء أن تواصل جهادها في مواجهة العدو وإسنادًا لغزة وفلسطين ودفاعًا عن لبنان وشعبه الصامد والشريف.

وإلى المجاهدين الشرفاء وأبطال المقاومة الإسلامية المظفرين والمنصورين وأنتم أمانة السيد الشهيد المفدى، وأنتم إخوانه الذين كنتم درعه الحصينة ودرة تاج البطولة والفداء، إنّ قائدنا سماحة السيد ما زال بيننا بفكره وروحه وخطه ونهجه المقدس، وأنتم على عهد الوفاء والالتزام بالمقاومة والتضحية حتى الانتصار.

السبت 28-9-2024
24 ربيع الأول  1446 هـ

قصيدة لأستشهاد السيد حسن نصرالله قدسه الله سره الشريف

{ شلون تموت }

شلون تموت يمخوف اليعيلون
صار سنين مــن ثوبك يرجفون

•───✧◐◐✧───•

شلون تروح واحنه نفكر بعيد
صولاتك ترد ياشهم صنديد
مثل صولات جدك بيهم تعيد
{ الموت لجالك / ماردناه }

•───✧◐◐✧───•

ماردناك تمشي نريدك سنين
ياهيبة الشيعه وناصر الدين
تمنيناك تاخذ ثار الحسين
{ من يظهر باچر / مولانه }

•───✧◐◐✧───•

خبر موتك فجعنه وهز الأكوان
الشيعه مكدره والكون حزنان
وحزب الله يون عليك حيران
{ المات اعله الحق / يردونه }

•───✧◐◐✧───•

حكهم لو بچو لجلك يقائدهم
سنين وياك عاشو وانت سيدهم
صنعت ارجال نشميه ونعم منهم
{  مانوم ليله / اعله العيله }

•───✧◐◐✧───•

مايرضون عالعيله ينامون
ثارك تاخذه ازلام اليثورون
والعدوان ردهم يخافون
{ الثار مربع / يردونه }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة

https://www.tg-me.com/AL_Nay_and_Alrthaa